HOME PLAATSNAMENOVERZICHTHOME


AD NARRAGONIAM
Tekst & muziek: Erwin Lennarts & Huub Heijnens
Zang: Limbo Express


Refrein:
Tuut tuut tuut
Dao kump de Blauw Sjuut
Maak snel vriej baan
De sjpass die kump d'r aan
De waek vur vastelaovend
Dan gunt ver wer op waeg
Rope: 'Ad Narragoniam'
Langs eeder straot en staeg

Ich bin inge Sjuuteman
Maak plezeer zoe lang ich kan
Eeder jaor vur karneval
Haol ich de Sjuut oet d'r stal

Eeder durp en eeder stad
Werd wer op d'r kop gezat
Ing orde dao, ee muulke hie
Ver maake ederee bliej


HOME PLAATSNAMENOVERZICHTHOME


ALAAF
2001: Teks & meziek: Erwin Lennarts & Huub Heijnens
Oesveurende (*) : Limbo Express


Alaaf, alaaf, alaaf, en how mer op die trom.
Falderalderaa, van je bimmele bammele bom.
Enne, och enne en holdeladiejee.
Retteketetteketet en gaef os nog ins ee.

Ver gaeve noe gaas van sjiengelassaboem.
Zoep laeg, zoep laeg, ouwe buul, ouw proem.
Hoempa tter en tierelierelier.
Sjleet mer achteraa, dao gunt ver nog ing kier.

* cd 2001 : Limbo Express - "Krunzig"


HOME PLAATSNAMENOVERZICHTHOME


ALLES DRIEJT
Teks: Erwin Lennarts - meziek: Huub Heijnens
Oesveurende (*) : Limbo Express


Refrein:
Es ich mit dich ee rundsje driej, driejt alles gaans um dich.
Doe bis vur mich 't middelpunt, jao, alles driejt um dich.

Ich kiek dich in dien ooge, ich pak dich vas, driej roond.
Ver komme in hoger sfere, ver zjweve van d'r groond.

En truuk op eard gekomme, sjtunt ver nog ziej aan ziej.
Ver zunt biejee geblaeve, bie dich vont ich miene driej.

Ich waor mich get gaon drinke, ich droonk mich eent, twie, driej.
Ich goof en kreeg veul rundsjes, dat maakte mich zoe bliej.

Mer nao die lekker pilskes driejde gans de tent um mich.
Ich richde mich toen op ee vas punt, miene houvas, jao dat bis dich.

* cd 2001 : Limbo Express - "Krunzig"


HOME PLAATSNAMENOVERZICHTHOME


BIERMEISTER
2003: Erwin Lennarts & Huub Heijnens
Zang (*) : Limbo Express


Biermeister, biermeister
Lot mer goa
Biermeister, biermeister
Blief neet stoa
Biermeister, biermeister
't glaas is laeg
Biermeister is al oonderwaeg

D'r taxi haat os hie gebraat
Ver hubbe geld biejee gelaat
Ver zeuke u plaetsjke in d'r zaal
Twei stehtische, die dunt 't waal
Mer neet te wiet van 't buffit
Dan weit ver dat 't good zit

Neet te vlot en neet te laat
Krieg ver wer os beer gebraat
D'r biermeister wit dan waal besjeet
Wae wat drinkt, wie schnel 't geet
Zoe hoefste ginkt te misse
Och al bis dich...

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


D'R BOEMELAIR
2002/2003: Tekst & muziek: E. Franssen
Zang: Wilder Spatzen


Refrein:
Boem, boem, boem, boemelair,
och, wat hant ver dich toch gaer.
Es ver dich zint gao, geet os hetzke schneller sjloa.
Joa, joa, joa,
Boem, boem, boem, boem, boemelair,
och, wat hant ver dich toch gaer.

Karnaval in Boemeleland, dat is toch gekeringe bekant.
Trik get aa, zit get op, de Boemelaire gunt op kop.
En gekeringe, dea geat mit, jonk of aod, dun of vit.
Want alles is present, in de Boemelaire-tent.
En vur dat der 't wit, zingk geer mit os dees hit.

* cd 2002/2003 : Diverse artiesten - " Karneval in os Mergelland 5 "


HOME PLAATSNAMENOVERZICHTHOME


BOEMELE
2001/2002: Tekst & muziek: E.Lennarts & H.Heijnens
Zang(*) : Wilder Spatzen


Refrein:
Boemele, boemele, boemele, boemele,
boemele, boemele, boemele, gee probleem.
D'r Boemelair, dae is altied 't uschte dao,
en geet pas laat nao heem.
Boemele, boemele, boemele, boemele,
boemele, boemele, boemel allemaol.
D'r Boemelair, dae neet mie wieer kint,
pakt zich vas aan eedere lampepaol.

Wo hae och geet of sjteet, hae is altied gereed.
Es hae mer boemele kint, has doe an hem gee kind.
In feestzaal, wietsjaf, tent, hae is altied content.
D'r Boemelair veurop, dae krieste neet mie sjtop.

Mit moeziek en gezang, dan wet d'r aovend lang.
Mit hanebats en beer, dan makt hae veul plezeer.
En is't dan al laat, dan wet durch hem gezaat:
Wae geet noch mit mich mit, ver gunt nog neet nao bid.

* CD 2001: Diverse artiesten - "Karneval in os Mergelland 2002"


HOME PLAATSNAMENOVERZICHTHOME


ENNE ...
Tekst: Erwin Lennarts - muziek: Huub Heijnens
Zang (*) : Limbo Express


Enne.. och enne
gesjprek van hoog nivo
enne... och enne
Wie geet 't? Och, zo zo

Ver hubbe 't allemaol druk druk druk
vur niks en neemes tied
u good gesjprek, u loesterend oer
dat geet os diks te wiet

Enne.. och enne
gesjprek van hoog nivo
enne... och enne
Wie geet 't? Och, zo zo

ja jao,
zoe geet dat
ja neet dan?

Enne.. och enne
gesjprek van hoog nivo
enne... och enne
Wie geet 't? Och, zo zo

't Waer is good, 't waer is schlech
ver blieve aan de geng
Ich mot noe goon, bis weer 'ns get is
De groete an d'r Sjeng

* cd 2001 : Limbo Express - "Krunzig"


HOME PLAATSNAMENOVERZICHTHOME


GEE GEKLAAG
2003: Erwin Lennarts & Huub Heijnens
Zang (*) : Limbo Express


Gee geklaag, gee gezeur
want dao kom ich neet veur
't is feest hie in dees tent
Jao ver zunt wer zoe wiet
Wie in vreugere tied
daorum maak ver veul rament

jao jong dit feest hie is toch gaaf, want 't daak geet d'r vanaaf
en wea neet mit wilt doe, dae kint noe baeter goe
Ver gunt os ammezere hie, want de mam is neet d'r bie
Ver gunt oet ozze bol, want lang leve de lol

Van groet bis kling jao alle luuj, wille mit os sjpringe huuj
Noe gank ins aan de ziej, ver hubbe doasj vur driej
't Beer in drie veer kloetsche laeg, kiek ins wie ich mich bewaeg
Ver gunt oet ozze bol, want lang leve de lol

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


HEY DICH. JAO DOE
Tekst & muziek: Erwin Lennarts & Huub Heijnens
Zang: Limbo Express


't Waor ins in de sauna
Ontspannend en releks
Wie ich toen dao dat maedje zoog
Gebeurde echt get geks
Ich kreeg 't nog veul wermer
Blood steeg nao miene kop
Ich bleef mer nao 'm kieke
En het zag toen dao-op

Refrein:
Hey dich, jao doe
Wat kiekste mich toch aan
Wat moste noe
Hub ich get van dich aan
Hey dich, jao doe
Noe trik neet zoe gezich
En blief neet stoe
Jao kom ins hie bie mich

Ich ging ins in d'r zoamer
Gezellig nao 't strand
Jao dao is toch nog altied
Vanalles aan de hand
Oben ohne, tangastring
Ich wis neet wat ich zoog
Tot dat ing van die pupkes
Op mich wees en toen vroog

Ich stong toen in mie himke
Wis neet wat ich moes doon
Ich veulde mich gans oetgekleid
En leep neve mien sjoon


HOME PLAATSNAMENOVERZICHTHOME


HEY MAN
2007: Tekst & muziek: Erwin Lennarts & Huub Heijnens
Zang: Limbo Express


Hey man
Zigk wat deenkste dao noe van
Kin veer leave zoonder vrouw
Of krieg ver daovan berouw

Hey man
Zigk wat deenkste dao noe van
Jao ver wete t ech
Zoonder vrouw hub ver pech

Hey man
Jao dao weit ver alles van
Soms dan zit t os mit
Lekker alling in gebit

Hey man
Jao dao weit ver alles van
Aan t eind van de rit
Hotte zie os waal fit

Hey man
Zigk wat deenkste dao noe van
Kin veer leve zoonder vrouw
Of krieg ver daovan berouw

Hey man
Zigk wat deenkste dao noe van
Jao ver wete t ech
Zoonder vrouw hub ver pech

Hey man
Jao dao weit ver alles van
Soms dan zit t os mit
Lekker alling in gebit

Zing noe same, zing noe same mit os dan
Zing noe same, zing mit os mit

Hey man
Jao dao weit ver alles van
Aan t eind van de rit
Hotte zie os waal fit

Zing noe same, zing noe same mit os dan
Zing noe same, zing mit os mit

Hey man
Jao dat is u hiel good plan
Same kin ver t aan
Leave es vrouw en maan


HOME PLAATSNAMENOVERZICHTHOME


HUBBA ZOOT
2007: Tekst & muziek: Caramba
Zang: Limbo Express


Hubba hubba zoot zoot
Num
Deba uba zat zat
Num
A-hoorepa hoorepa a-huh-hoorepa a-num num
A-num
Hubba hubba zoot zoot
Num
Deba uba zat zat
Num
A-hoorepa hoorepa a-huh-hoorepa a-num num
A-num
Hubba hubba zoot zoot
Deba uba zat zat a-num num
Hubba hubba zoot zoot
Deba uba zat zat a-num num
A-hoorepa hoorepa a-huh-hoorepa a-num num
A-hoorepa hoorepa
HAH
A-huh-hoorepa a-num num
A-num
Hubba hubba zoot zoot
Deba uba zat zat a-num num
Hubba hubba zoot zoot
Deba uba zat zat a-num num
A-hoorepa hoorepa a-huh-hoorepa a-num num
A-hoorepa hoorepa a-huh-hoorepa
HAH
A-num num
A-num
Hubba hubba zoot zoot
A-huh zoot a-huh
Deba uba zat zat a-num num
Hubba hubba zoot zoot
Deba uba zat zat a-num num
A-hoorepa hoorepa a-huh-hoorepa a-num num
Num
A-hoorepa hoorepa a-huh-hoorepa a-num num
Deba uba zat zat
A-hoorepa hoorepa a-huh-hoorepa a-num num
a-num
Hubba hubba zoot zoot
deba uba zat zat
HAH
A-hoorepa hoorepa a-huh-hoorepa a-num num
A-num
Hubba hubba zoot zoot
Deba uba zat zat a-num num
Hubba hubba zoot zoot
Duuh
Deba uba zat zat a-num num
A-hoorepa hoorepa a-huh-hoorepa a-num num
A-hoorepa hoorepa a-huh-hoorepa a-num num
HAH
A-num
Hubba hubba zoot zoot
Deba uba zat zat a-num num
Hubba hubba zoot zoot
Deba uba zat zat a-num num
A-hoorepa hoorepa a-huh-hoorepa a-num num
A-hoorepa hoorepa a-huh-hoorepa a-num num
HAH
Hubba hubba zoot zoot
Deba uba zat zat a-num num
HOH
Hubba hubba zoot zoot
Hubba hubba mo-re mo-re
Deba uba zat zat a-num num
A-hoorepa hoorepa a-huh-hoorepa a-num num
A-hoorepa hoorepa a-huh-hoorepa a-num num
A-num


HOME PLAATSNAMENOVERZICHTHOME


D'R HUCKLEBUCK
2003: Tekst: Erwin Lennarts - muziek: ?
Zang (*) : Limbo Express


't is noe tied veur rock en roll, hey
ver gunt noe same oet d'r bol, hey
d'r laeftied spult daobie ging rol, hey

Ver zunt neet mie de jongste
En och neet mie zoe schnel
Mer toch dat leuke denske
Dat lukt os toch nog wel
Ver dunt 't mit z'n alle
Jao same op ing riej
Ver stampe, klappe, springe
En veule os zoe bliej
Kiek noe mer 'ns good
'ch weet zeker dat 't luk
Dan dunt ver same
Dae leuke Huckelbuck

Der wit noe wie 't zit, hey
Deut daorum lekker mit os mit, hey
Zoe veule ver os dan wer fit, hey

Dit denske is toch hiel gewoon, hey
Zoe kin ver ore wiejer goon, hey
En ginge kint mie blieve stoon, hey

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


DE HUIFKAR
Tekst: Erwin Lennarts - muziek: Huub Heijnens
Zang (*) : Limbo Express


Mit de huifkar dur 't Heuvelland.
't Geit op en neer, dao gunt ver weer.
Mit de huifkar dur 't Heuvelland,
sjteet vur plezeer garant.

Ver komme same in u leuk kaffee,
mit vrun, familie, 't maakt toch niks oet wee.
Ver gunt wer op d'r ouwerwetse toer,
ver hubbe lol en ginge maakt bezwoer,
want...

Op houte banke zit veer nevenein.
U putsje beer d'r bie, dat is pas fijn.
't Sjtoekt, 't rammelt, mer toch gunt ver door,
dur 't land van Gulp en van Voor,
want...

En is ging plaatsj mie achterop,
sjpring dan mer op d'r bok.


HOME PLAATSNAMENOVERZICHTHOME


ICH WIL KAKAKA...
2004/2005: Tekst & muziek: Erwin Lennarts & Huub Heijnens
Zang(*): Limbo Express


Refrein:
Ich wil ka ka ka karneval veere
Want ich mot mot mot mot hie effe d'r oet
Wae dat neet zint, dae kint veur mich d'r pot op
Ich krieg d'r sjiet hie, ich mot noe ech d'r op oet

D'r beebie bie os naeve
Doog niks, d'r ganse daag
Houw wienig te belaeve
Dat loog 'm op d'r maag
Hae kos neet veul vertelle
Vervaelde zich kapot
't Begoes 'm te beknelle
Dae luier aan zieng vot

D'r buurman bie os ater
Dae loog nog in zie nis
Mit inge groete kater
Nee jong dat waor neet mis
Veul eate en veul drinke
Wat doog zie penske pieng
Hae kos allein mer dinke
Aan de bitste medesieng

Brug:
En dink der noe wat is dat veur 'ne shit
Lot 't neet lope en deut mer lekker mit.

* cd : Diverse artiesten - "Van Eijsde tot de Mookerhei 12 - Marlstone Recordings bv


HOME PLAATSNAMENOVERZICHTHOME


JEAN MARIE
2003: Erwin Lennarts & Huub Heijnens
Zang (*) : Limbo Express


D'r Jean Marie, dae wis neet mie
Oe huur ich noe ech d'r bie
't plat dat zoot 'm in 't blood
Mer dat koos hae neet mie good
Hae miengde Frans dat is pas sjiek
En kalde dat mit zieng eege kliek
't hovve durp begraep dat neet
en zag hem dan och schnel besjeet

Jean Marie noe kal toch plat
Want dat is toch mekkelik zat
Hub ver dan och gee probleem
En veul ver os hie allemaol heem
Jean Marie noe kal toch plat
Want dat is toch mekkelik zat
Hollensj, Belsj of Duutsj of Frans
In 't plat haat ederee aeveveul kans

Vrun die houw hae vreuger zat
En die kalde allemaol plat
Mer goojendaag dat woat bonjour
En ederee dach: doe stomme boer
Kal mer wie s dich kalle wils
En zurg mer neet das dich dan vils
Want geis dich plat op die gezich
Verstoon ich dich och neet allich

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


JEU DE BOULES
Tekst & muziek: Erwin Lennarts & Huub Heijnens
Zang: Limbo Express


Papa sjpeelt mit zieng balle
Geer wit waal wat ich bedoel
Heer lit ze rolle en knalle
Jao, papa sjpeelt jeu de boules
Zunt ze alwer sjlech gevalle
Of rolle ze in ing koel
Dan moste 'm huure kalle
Zaet hae non de sju de boules

Vreuger wie papa nog jongk waor
Toen waor d'r baal van laer
Hae rende en stampde en scoorde
In zon en regewaer
Toen woort hae al get auwer
Hae veulde 't aan zien kneuk
Dat groete veld en dae laere bal
Die waore toen minder leuk

Daonao ging papa op tennis
Daoveur waor hae nog fit
Hae mepde dat kleine belke
Noe rustig euver 't nit
Toen sjeide hae oet mit wirke
En kreeg nog mie tied
Hae laeft noe wie god in Frankriek
En haat echt geine spiet


HOME PLAATSNAMENOVERZICHTHOME


KAARTE
2003: Erwin Lennarts & Huub Heijnens
Zang (*) : Limbo Express


Sjuppe, klieje, harte, roete
Die kin ich noe wal van boete
Toepe, troeve, hartejage
Werd gekaart, zal ich neet klage

Wae mot dele, wat is op
Wae makt troef, wae haat geklop
'ch Mot bekinne, nee ich pas
Kaarte, kaarte wat ing sjpass

Klieje Keuning, sjuppe Vrouw
'ch raap d'r sjtok toch noe mer gauw
ligk mich oet, sjpeal kapot
daorum win ich och d'r pot

Wae troeft oonder, wae verzaakt
Wae haat toch die troef gemaakt
Til de punte, zunt ver dao
Dunt ver nog ingk, ich zigk jao

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


KICKS
2001: Teks & meziek: Erwin Lennarts & Huub Heijnens
Oesveurende (*) : Limbo Express


't Is Kicks, 't is Cool, 't is Hendig Gaaf,
Wet durch de jeugd gezag.
Vur eeder nuuj ervaring,
Werd zich wer get nuujs bedach.

Ze hent 't uvver scooters, dates en internet.
Inge GSM en skate, da's supercool en vet.
mer kumpt de sjoel ter sjprake, dan wet dat neet gezag,
Want we 't liere ruig vingt, dae wet ram oetgelach.

De jeugd van tegenwoordig is wie de jeugd van toen.
Eeder zieng ege mening uvver good en schlech fatsoen.
En och de jeugd van later haat wer zieng ege taal.
Zoelang ver os verschtunt hie, dan is mich dat egaal.

* cd 2001 : Limbo Express - "Krunzig"


HOME PLAATSNAMENOVERZICHTHOME


KRUNZIG
2001: Teks & meziek: Erwin Lennarts & Huub Heijnens
Oesveurende (*) : Limbo Express


Ich stjreuf das dich hiel krunzig bis,
Zoe krunzig es mer kint.
Mer groof mer neet dat mich dat sjwiept.
Ich prump dich wal ing sjtrint.

't Waor ins in d'r greuzel, oe ich mich houw versjtrakt.
Toen prietste mich d'r veuresjieng en gaans d'r sjavepakt.
Mer ich beruutsde schnel dat fratst en joepde veursch de gruup.
En toen houw ich dat grump gewigt en plotsde ich d'r knuup.

En wie ver noe gans proete zunt en och nog heresjut,
dan kruugste uvver sjtampelik ing kranse proememut.
Zoe is 't dan gewake toch, 't grietste uvver sjmaag.
Noe kwimpe ver 't lugde vrik en och d'r sjtieke plaag.

* cd 2001 : Limbo Express - "Krunzig"


HOME PLAATSNAMENOVERZICHTHOME


DE LEUKSTE LOL
2001: Teks & meziek: Erwin Lennarts & Huub Heijnens
Oesveurende (*) : Limbo Express


Ing proem die is pas pratschig es ze ing proem is zoonder pit.
Ing vleeg, die vluug veul vlotter es ze inge vleege lit.
ing schlang die schlingert schlechter es d'r schlachter ze haat geschlach.
de lol die wert pas leuker es d'r lang um weurt gelach.

Die ganse lange laeve geneets dich van de sjpass.
Doe kins d'r baeter taege es te good gelache has.
Die ganse lange laeve geneets dich van de sjpass.
Doe kins d'r baeter taege es te good gelache has.

Inge bokser bewaegt zich baeter es hae in de box begint.
Inge boer, dae boert veul baeter es ee rupsjke rupsje kint.
Inge haan dae wert veul heesjer es hae hitsige hoonder haat.
En zakt de zieje in de zon, dan bis dich zieker zaat.

* cd 2001 : Limbo Express - "Krunzig"


HOME PLAATSNAMENOVERZICHTHOME


D'R MUZIKANT
Tekst: Erwin Lennarts - muziek: trad.
Zang: Limbo Express


Jao, ich bin muzikant
Ich kom in 't ganse land
Ich maak muziek.
Wat veur muziek?

Ich speul piano
Pia pia piano, piano, piano...

Ich bin muzikant
Ich kom in 't ganse land
Ich maak muziek.
Wat veur muziek?
Ich speul trombone
Hoempa hoempa hoempapa...

Ich bin muzikant
Ich kom in 't ganse land
Ich maak muziek.
Wat veur muziek?
Ich speul op doedelzak

Oohohohoh, oohohoho
yeah yeayeah yeah yeaah
yeah yeayeah yeah yeaah
tsieketsakke tsieke tsakke
hey hey
tsieketsakke tsieke tsakke
hey hey

Jao, ich bin muzikant
Ich kom in 't ganse land
Ich maak muziek.
Wat veur muziek?
ich kin och trommele

Jao, ich bin muzikant
Ich kom in 't ganse land
Ich maak muziek.
Wat veur muziek?
ich speul accordeon

Jao, ich bin muzikant
Ich kom in 't ganse land
Ich maak muziek.
Dat is pas sjiek
Ver zinge hand in hand

't Is gedaon, 't is gedaon, 't is gedaon...

Jao ich bin muzikant.
Hey


HOME PLAATSNAMENOVERZICHTHOME


D'R NAR
2000: Tekst & muziek: Erwin Lennarts & Huub Heijnens
Oesveurende (*) : Wilder Spatzen


Es de belkes rinkele, dan gunt zien uikes twinkele.
D'r schtek vluug in de loch, ver bruuje os in d'r boch.
Hop hop hop, dan geet d'r nar veurop.

Die dreej daag vur d'r vastetied, 't fes van alle zotte,
dan krieje vur durch inge man d'r sjpeegel vurgehotte.
D'r nar is mit de karneval 't boegbeeld van de lol.
Geet hae veurop mit gekke sjprung, sjleet gans d'r zaal op hol.

D'r groetste sjaggerein meneer kint ginge lach bedwingel
Blief toch neet zitte leef mevrouw, en kom 'ns mit os sjpringe.
D'r nar is mit de karneval, 't boegbeeld van de lol.
Geet hae veurop mit gekke sjprung, sjleet gans d'r zaal op hol.

* CD 1999: Diverse artiesten - "Karneval in os Mergelland 2000"


HOME PLAATSNAMENOVERZICHTHOME


OLDIE MACDONALD
2001: Teks & meziek: Guus Smeets
Oesveurende (*) : Limbo Express


Oldie MacDonald houw ing boerderie,
Wied op 't platteland.
Meh d'r tied van good boere waor allang vurbie.
Hae woat muzikant.

Hae sjpeelt noe leedjes op zieng fluit,
en danst d'r och nog bie.
Zoe jao verdeent hae noe zieng duit.
MacDonald haet fantasie.

Oldie MacDonald ging ins op toernee,
hae koam nao Nederland.
En noe sjteet hae al weke in de hitpereed.
Hae toert hie dur 't land.

* cd 2001 : Limbo Express - "Krunzig"


HOME PLAATSNAMENOVERZICHTHOME


OP D'R BERG
2001: Teks & meziek: Erwin Lennarts & Huub Heijnens
Oesveurende (*) : Limbo Express


Is 't boete koud en wit,
jao, dan wit geer oe ich zit.
Op ing bank, dao baove op d'r berg.
Pilske in mien hand en zon in mie gezich.
Skieje is toch niks veur mich,
mer dat ving ich dan och gaar neet erg.

Refrein:
Ich euverwin mien hoogtevrees, op d'r berg, dao is 't fees.
Mit de lift zoef ich nao baove en dao mos doe mich belaove:
Dit waor neet os litste rit, ich gaon sjtrak wer mit dich mit.
Ich euverwin mien hoogtevrees, op d'r berg, dao is 't fees.

Zeen ich al die skiejers dale,
zit ich ech hie neet te bale.
Skieje geet vur mich toch veul te sjnel.
Miene tied dae kump nog wal.
Wil ich s'aovends nao 't dal,
jao, dan weet ich zeker dat ich bel.

* cd 2001 : Limbo Express - "Krunzig"


HOME PLAATSNAMENOVERZICHTHOME


OP DE PEDALE
2001: Tekst: Guus Smeets - muziek: Roland Muhlburger
Zang 1 (*) : Limbo Express
Zang 2 : Vallis Spatzen


Refrein:
Es ver wer op de pedale gunt fietse dur 't Limburgs land,
dur de busj en langs de velder gunt van os eige heuvelland.
Es ver wer op de pedale gunt, jao, dan is 't laeve sjun.
Wer op d'r fiets dur ruig en ruw terrein is 'n sjpass vur groet en klein.

En soms mit valle en dan mit opsjtoa, en af en toe hub ver 'ne platte band.
Op de pedale, dur berg en dale, jao, van os prachtige Limburgse land.

Langs ouw kapelkes, langs helder baekskes of dur 'ne echte ouwe holle waeg.
En teage 't duuster, gunt ver dan heversj, jao, och al fietse ver dan zonder leeg.

* cd 2001 : Limbo Express - "Krunzig"


HOME PLAATSNAMENOVERZICHTHOME


OZZE WIELIE
Tekst: Erwin Lennarts - muziek: trad.
Zang: Limbo Express


Ozze Wielie, dae ging 'ns gaer de stad in
En zie vruike naom hae bie de hand
En hae koch heur dao u leuk nuuj heudsje
Sjiek en elegant
Enne zoe ging dat kupke en dat kupke ginge zoe

Ozze Wielie, dae ging 'ns gaer de stad in
En zie vruike naom hae bie de hand
En hae koch heur dao un fie paar handscheun
Sjiek en elegant
Enne zoe ging dat hendje en dat hendje ginge zoe

Ozze Wielie, dae ging 'ns gaer de stad in
En zie vruike naom hae bie de hand
En hae koch heur dao u paar fieng sjeuntjes
Sjiek en elegant
Enne zoe ging dat veutsje en dat veutsje ginge zoe

Ozze Wielie, dae ging 'ns gaer de stad in
En zie vruike naom hae bie de hand
En hae koch heur dao u sexy bluuske
Sjiek en elegant
Enne zoe ging dat bluuske en dat bluuske ginge zoe

Ozze Wielie, dae ging 'ns gaer de stad in
En zie vruike naom hae bie de hand
En hae koch heur dao u hiel kort rukske
Sjiek en elegant
Enne zoe ging dat vutsje en dat vutsje ginge zoe


HOME PLAATSNAMENOVERZICHTHOME


PAP VEERT VASTELAOAVEND
Tekst & muziek: Erwin Lennarts & Huub Heijnens
Zang: Limbo Express


Refrein:
Pap veert vastelaovend, jao, dat deet 'm toch zoe good.
Mie zuster en de mam d'r bie, 't zit os in 't blood.

Wie ich nog e jungske waor, dat bin ich nog altied,
houw pap fanfaar en karneval, en vur os get minder tied.
U pekske woart dur mam geniejt, en neet alling vur os.
En kloonk die karnevalsmuziek, dan kwaom ver allemaol los.

Dat vastelaovesvirus geet durch van zoon tot zoon.
Van d'r illefde van d'r illefde, sjpult eeder vur zich d'r kloon.
Zinge, sjpringe, gekke schlaag, zoe geet dat oonder os.
En klinkt die karnevalsmuziek, dan kom ver allemaol los.


HOME PLAATSNAMENOVERZICHTHOME


DE PRINSEBAL
Teks & meziek: Erwin Lennarts & Huub Heijnens
Uitvoerende artiesten (*) : Wilder Spatzen


Refrein:
Veerenvitsig vaere viere vastelaovend.
Ze sjtunt wer op ing rij, en sjpringe zij an zij.
Veerenvitsig vaere viere vastelaovend.
De prinsebal makt gidderinge blij.

Mit nar en raod van illef, en soms mit ing prinses.
Noe kiek toch al die gekke, dit bal is ee succes.
't Lieke wal antennes, zonder bots-oto of vaan.
Toch lot ver os hie dujje, achter al die vaere aan.

D'r prins, dae gift ee rundje, ich drink mich inge mit.
En nao dat lekker pilske, veul ich mich dan wer fit.
D'r zaal geet op en neer, dat kump durch 't orkes.
Die gunt altied mer durch, jaa jong, dit is ee fest.

De grenze zunt wer oape, vur lol en hiel veul sjpass.
Al haste och ging patsj op, ich sjnap dich mer ins vas.
En wilt d'r prins gon sjlaope, dan gunt ver mit 'm mit,
vur pils of sjpek mit eier, ver gunt noch neet nao bid.

* CD 1999: Diverse artiesten - "Karneval in os Mergelland 2000"


HOME PLAATSNAMENOVERZICHTHOME


'T PRODUK VAN LEEFDE
2003: Tekst & muziek: Guus Smeets
Zang (*) : Limbo Express


'n Teke van geluk
't kint noe neet op
Unne twieling geboare
Dat is dubbelop
Groet is de vreugde
De ouwersj zunt bliej
't Produk van hun leefde
twie beebies d'r bie

De pap is zoe trots
Hae lup naeve de sjoon
De man deenkt noe is 't
Mit de rust gedoon
De oma vrugt zich aaf
Wie of zoe get greujt
En de ganse familie
Waor zoe benuujt

Maonde lang motte wachte
De mam hou pieng aan d'r rugk
Mer toen kwaom de geboorte
En twie kier kwaom 't geluk

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


'T RIEJBEWIES
2003: Tekst & muziek: Erwin Lennarts & Huub Heijnens
Zang (*) : Limbo Express


Binnesjpegel, boetesjpegel, doeje hook
Koppeling in, schakele en gef mer gaas
Vursortere, fielparkere, 't geet gans good
Eedere oto bin ich noe d'r baas

Al hie vreug lierste fietse, dat deeste dan och jaore
Dur waer en wind, in zomerdaag, mer och es 't hat gevraore
Mit zestien wilste schneller en neet mie zoeveul trappe
Mit brommer, scooter nao de sjoel en zieker och gaon sjtappe
Toch is dat och neet ideaal, es 't raegent werste nat
En daorum hauwste dan och gaer 't riejbewies gehad

En biste dan geslaagd jao, dan geit 't pas beginne
Zoe gans alling in 't verkier, dieng angste uvverwinne
Want soms, hot die hart vas, dan kumpste inge taege
Dae haat toch ech zie riejbewies bie d'r weschpoejer gekraege
Gelukkig has dich waal versjtand, bis doe dao op bedach
En dinkste aan d'r instructeur, wat dae dich haat gezag

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


SINTERKLAOS KOM BIE MICH LANGS
2003: Tekst & muziek: Erwin Lennarts & Huub Heijnens
Zang (*) : Limbo Express


Haat Sinterklaos mich gebrach
Oe ich lang op hub gewach
Wat ich waor toch zoe leef
Kom bie mich langs estebleef

Is d'r wintertied wer dao
Sjteet bie mich d'r sjoon al klaor
Mit vur 't pead ing dieke moer
Want dat deer haat 't toch zoe zjwoer
Schlaope kin ich bienao neet
Zoelang dae sjoon dao oonder sjteet

Is Sinterklaos dan in de buurt
Hoap ich dat hae dit leedsje huurt
En hub ich juus wie eeder keend
Toch u leuk kadoo verdeent
Noe wach ich vol ongeduld
Of d'r sjoon good werd gevuld

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


'T SIRKUS
Tekst & muziek: Erwin Lennarts & Huub Heijnens
Zang: Limbo Express


Zigk hubste 't al gehuurd, 't sirkus is in de buurt
Ich zoog d'r poster op d'r lampepaol
Jongk en oud geht nao de tent, um te kieke nao talent
Kom mit mich mit, dan gunt ver allemaol
Ich kin neet wachte tot de vurstilling begint
Jao 't sirkus daovan dreumt toch eeder kind

Refrein:
Want ttttt, zoe geit de muziek
En hahahahaha, dae kloon dae vin ich sjiek
In galopperdehopperdehop, gunt de bajkes in 't rond
Akrobate zweije hoeg baove d'r grond
Huurste grommerdegrommerdegrom, kiek dae lieuw dao toch ins stoa
En ich klapperdeklapperdeklap es 't sirkus is gedoa.
Want ttttt, zoe geit de muziek
't sirkus dat vin ich sjiek

Ich kiek hiel good wie 't mot, en dan nao heem en vlot
Ich haol get veilingkiste oet de sjeur
Ich vraog sjtilte aan 't publiek, en daonao begint muziek
Dan bin ich zelf d'r sirkusdirekteur
Kom mer kieke es mieng vurstilling begint
Jao 't sirkus daovan dreumt toch eeder kind


HOME PLAATSNAMENOVERZICHTHOME


TATATATA
Tekst: Erwin Lennarts - muziek: Huub Heijnens
Zang (*) : Limbo Express


Tatatata tatatata tatatata

't Zit mich noe al daag lang in d'r kop.
Ich vraog mich aaf, wie kom ich dao toch op?
Kin aan niks aandersj deenke, gans d'r tied.
Wie raak ich dat sjtom leedsje noe toch kwiet?

Ich fleut en neurie dit toch ummer weer,
deenk dat ich veul luuj hiemit irriteer.
Mer zeet der toch de lol hie waal van in.
Zing mit os mit dan gaans van 't begin.


HOME PLAATSNAMENOVERZICHTHOME


VASTELAOVESLEEFDE
2000: Tekst & muziek: Erwin Lennarts & Huub Heijnens
Zang: Limbo Express


Ich zoog dich, ich zoog dich en 't schteeg mich nao d'r bol
en mie hart, jao mie hart dat schloog illef kier op hol
en mieng bing, jao mieng bing waore sjlap wie inge dweil
inge dans, inge dans en toen ging ich vur d'r bijl

jao mit de vastelaovend ging ich hiel veul op sjtap
mit vrun en och vriendinne, wat lachde ver os sjlap
en hie en dao get sjanse, geknuffel inge poen
dat deeste es te jongk bis, ut laeve is dan sjoen
Mer ging ich dan op heem aan, neet sjtevig op mieng bing
sjtapde oet dae taxi, dan waor ich wer alling
zoe kos dat toch neet dore, d'r iewige vriegezil
dae zuut toch altied alles dur inge roze bril

U jaor of get gelaeje, ich weet ut noch hiel good
sjtong ich wer flink te sjpringe, get beerkes in mie blood
ich waor oppins wer nuchter, wat sjprong dao in mie ow
dae lange polonaise woart d'r dans vur man en vrow
Is 't wer vastelaovend, dan gunt ver same oet
ich puun dan nog mer inge, dat is mien eige broed
zeen ich dich dan wer danse, temidde van d'r kringk
dan wil ich mit dich sjanse en zing ich mer ee dingk


HOME PLAATSNAMENOVERZICHTHOME


VER GUNT
2001: Teks & meziek: Erwin Lennarts & Huub Heijnens
Oesveurende (*) : Limbo Express


Ich geef dich ingk doe gifs ee truuk, en dan van veur aaf aan.
Zoe gunt ver same oere durch, dao kinste van op aan.
Brings dich mich of bring ich dich, wat dunt vur dizze kier ?
Och, witste wat ver dunt, ver gunt ... nog effe wier.

Hingt dich 't heem de vot oet, dat hange op de bank,
Is wer niks op d'r tillevies en veulste dich neet krank ?
Pak dich biejee, de kroeg is oape, sjtank noe op en gank.

Is dich d'r moond aan 't plekke, de lippe finaal dreug,
En bis dich al dae limmenaat zoe langzaam aan wal meug ?
Pak dich biejee, de kroeg is oape, sjtank noe op en gank.

* cd 2001 : Limbo Express - "Krunzig"


HOME PLAATSNAMENOVERZICHTHOME


VER HOWWE OP DE KIS
1981: Teks & meziek: Etienne Franssen
Oesveurende: Ieper Trio


Mit carnaval, mit carnaval, da zunt ver dreej daag vreej.
Ver veule os wir vreegezel en allemool derbeej.
Ver howwe dreej daag op de kis umdat 't carnaval I Wilder is.
Ver howwe dreej daag op de kis umdat 't carnaval I Wilder is.
Ver howwe dreej daag op de kis umdat 't carnaval I Wilder is.
Ver howwe dreej daag op de kis umdat 't carnaval I Wilder is.

Went carnaval wir komme geet, hej in os Limburgs land,
da dunt ver alle levenszurg e paar daag wir a kant.
Ver gunt wir dugtig euver der schroom, der Prins, der ganse kroom.
Ver boemele, boemele op en neer, dat is zeu os maneer


HOME PLAATSNAMENOVERZICHTHOME


WAT WIL DER I WILDER
1979: Teks & meziek: Etienne Franssen
Oesveurende: Ieper Trio


Refrein:
Wat wil der i Wilder, wat wil ver tog i Wilder,
en wet der og wat Wilder wilt.
Do wet zich flot now ee besteld.
Da wet der og wat Wilder wilt,
dus now mer flot ee besteld.

Ver hant e Klauwes, enne Palet, ne Bloosbalk en ne Botterwek.
Ver hant heej nog veul mie, me dat loot ver genge zie.

'n Ouw kierkoel hant ver, leeve jong, oe der Lorgie mit de schokkel stong.
Oppene Schriever a gen Ing, dat vingste heej alleng.

Ver hant e klfke en 'n baag, ver hant enne fiemel mit die daag.
En ee dink kriej ver vas: mit der carnaval veul spas.


HOME PLAATSNAMENOVERZICHTHOME


DE WIENKUNNINGIN
2000: Teks: Erwin Lennarts - meziek: Huub Heijnens
Oesveurende: Limbo Express


Refrein:
Dao bie de ranke, wil ver dich bedanke,
doe dochter van Bacchus, os wienkunningin.
Was doe os zals schinke, wil ver gaere drinke,
doe dochter van Bacchus, os wienkunningin.

De tinteling in 't glaas, 't boeket verwent os naas.
Inge sjmaak vol en rond en mit mate gezond.
Langs Sinselbach, Geul en de Maas.

Wat os altied wer verbaas, bie asperges, kiees en haas.
Ee genot veur d'r mond, van d'r Limburgse grond.
Langs Sinselbach, Geul en de Maas.

Bie 't kirkske van Aad de Haas heffe ver zoe gaer 't glaas.
Dae in Wahlwiller wont (Dae in Wilder ja wont), dae kiekt neet op ing sjtond.
Lang Sinselbach, Geul en de Maas.


HOME PLAATSNAMENOVERZICHTHOME


WILST TE BOEMELE GOEWE
1978: Teks & meziek: Etienne Franssen
Oesveurende: Ieper Trio


Refrein (2x) :
Wil ste boemele, boemele goewe, ken ste dat i Wilder doewe.
Dat is jo wiet en breed bekend, Wilder is 't boemele land.

Kumste heej gevare, mit der auto, gans alleng,
dink ste : gef maer gaas, want heej is 't veul te kleng.
En wen ste da 'ns stoppe dees en aaf gees van der weg,
da has te, wen ste heves gees, tog menig gleske leeg.

Zeu ken me zich vergete, zeu hat me 't dekker mis.
Da dinkt me bee zich eges : dat ig dat neet ieder wis.
Zeu geet dat op de welt, dat is dek gek en raar.
Zeu pist me zonder wete tog, dekker neve de baar.

Og wet hej veul gehandeld, in oodheed en antiek.
Da is 't heej wal chique, dat is 't heej wal chique.
Heej hat 't da champette, mit e flink stuk in d'r kraag.
Die lieje went 't sloes is, bi d'r Bindels i gen haag.



HOME PLAATSNAMENOVERZICHTHOME


WITSTE NOG
2003: Tekst & muziek: Erwin Lennarts & Huub Heijnens
Zang (*) : Limbo Express


Witste nog wie 't waor
Mit of zoonder lang haor
D'r kop flink op en neer
In d'r zaal of ing tent
Spulde ing coverband
Jao eeder weekend weer

The Hippy's, Spikes of Basic Blue
Trokke dur 't Heuvelland
Ze maakde veul kabaal
Vur inge volle zaal
D'r Eddy waor d'r groetste fan
Dae sting altied gans veuraan
Och zoonder eenkel snaar
Speulde hae toen flink gitaar

Veer litte neet op decibel
Nee, 't moest toen ummer hel
En noa 't uschte beer
Waor dao inge goeje sfeer
En minnig koppel oet dae tied
Haat van dat oetgoa ginge spiet
Dat waor os joonk geluk
En dao aan deenk veer hiel dik truk

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


WOLKE VAN CONFETTI
1999 Tekst & muziek: Guus Smeets
Zang: Limbo Express


Soms liegk ich in mie bid te prakkezere
Wat is toch 't doel van os besjtoa
Soms loop ich mit michzelf te redenere
Wie zal 't in de toekoms wier goa
Ginge dae 't antwoad mich kint gaeve
Mer ein dingk jao dat weet ich gans gewis
D'r schunste tied jao in os mienschelaeve
Dat is d'r tied dat 't wer vastelaovend is

Ver drieve op de wolke van confetti
Jao 't geet os noe wer lekker vur d'r wind
Mit karneval is alles wer paletti
Jao ver gunt wer mit z'n alle dur 't lint
Ver drieve op de wolke van confetti
Balansere op d'r rand van 't geluk
Mit karneval is alles wer paletti
Want karneval kump ja eeder jaor wer truuk

Soms sjtoon ich aan de tap te discussiere
Wie laat mot inge maan op heem aa goa
Mer es dien vrun dich op 'n pils traktere
Mos te dan dat rundsje laote sjtoa
Ginge dae 't antwoad mich kint gaeve
Mer ein dingk jao dat weet ich gans gewis
D'r schunste tied jao in os mienschelaeve
Dat is d'r tied dat 't wer vastelaovend is


HOME PLAATSNAMENOVERZICHTHOME


ZOMERAOVEND
2003: Tekst & muziek: Erwin Lennarts & Huub Heijnens
Zang (*) : Limbo Express


Aan 't einde van d'r daag, hat d'r wind zich wer gelag
Kump rust in de hoezer, werd 't wer zoe'n werme nach
En de meale op 't daak zingt alwer 't hoegste leed
't Zunt die zomerse aovende, oe ich zoe van geneet

Ing ballon zjweeft dur de loch
Haat 't hoegerop gezoch
Zoe haat eeder toch zie vermaak
Sjuus wie ich, op 't gemaak

Ruuk 't hui, dao op 't land
Zit mieng zurrig aan d'r kant
Ich bin bliej dat ich hie laef
Oe ich al dat sjuns belaef

Zakt de zon achter d'r berg
Nee dat vin ich gaar neet erg
Murge wer, ich kin neet wachte
Krieg 't werm, bie die gedachte

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


ZUGABE
2003: Tekst & muziek: Erwin Lennarts & Huub Heijnens
Zang (*) : Limbo Express


Deer woolt nog ing zugabe
Deer wilt nog effe wier
Mesjiens dan zient ver os
Oets nog waal inge kier
Mer noe sjei ver oet
Ver motte noe goon
Bedaank vur d'r aandach
't Waor gaer gedoon

Deer hubt good mitgezonge
En hie en dao woat gespronge
Bie 't schunkele houw der uch vas
Zoe maakte ver same spass

't Zjweet sjteet os op d'r kop
plezeer stong bie os veurop
zugabe, we want more
dan zunt ver noch neet klaor

* cd 2003 : Limbo Express - "De 5 Seizoene"


HOME PLAATSNAMENOVERZICHTHOME


R>