HOME PLAATSNAMENOVERZICHTHOME


BIE OS IN VOELENDER
Teks & meziek: F. Boumans
Oetveurende (*) : Frank Boumans & Koor

Refrein:
Bie os in Voelender, doa is 't good,
doa zit de carneval os allenuj in 't blood.
Dan zint v'r driej daag lank, ooch allenuj bliej,
dan sjoenkelt jonk en oud, same ziej aan ziej.

D'r pap, deë weëd wild, es heë duks zoeë huurt,
dat hie mit de carneval neet veuel gebuurd.
Dan zeët heë bedreufd: deë kâl deet mich wieë,
zoeë moste os Voelder neet zieë ...

Dan treuk ooch 't zaat hermeniejke wir rond,
dan kumpt hie de sjtumming pas good van de grond.
En wenste dan züs, dat alles zich vrujt,
dan veulste pas good wat hie blujt ...

En loester noe wieër noa wat ich dich zek,
ich veul mit die daag aan sjpas gee gebrek.
Dan veul ich mich lekker, hoof angesj nieks mieë.
Kiek, zoeë moste Voelder ins zieë.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


BIN D'R TIËD KWIËT
2006/2007: Tekst & muziek: Frans Tijssen
Zang: Frans en Piet (samen met Roger)

Refrein:
Bin d’r tiëd, bin d’r tiëd, bin d’r tiëd kwiët, wits doë wie laat ’t is
Bin d’r tiëd, bin d’r tiëd, bin d’r tiëd kwiët, wie laat kump hie de bus
Bin d’r tiëd, bin d’r tiëd, bin d’r tiëd kwiët, witste wië dat koam?
Bin d’r tiëd, bin d’r tiëd, bin d’r tiëd kwiët, mien oer is bliëve sjtoan

S’mörgens wie ich wakker woëd,
d’r wekker haej neet aaf gegoan,
zös oër moos ich opsjtoan,
ich moos wirke noa d’r baas toe goan,
wië ich doa toen aan koam,
zei d’r baas, hé jong,
doe kins geliëk waer heivusj goan,
d’r daag is waer hoas om,

Och god, och god, miën oer is waer kapot

S’middigs moos ich noa de sjtad,
dat wool ich mit d’r trein,
dae woar al sjuus vertrokken,
dus ging ich richting heim
toen dach ich, och wat pak de bös,
maer die woar auch al weg,
’t klökske om d’r pols sjting sjtil,
dus hauw ich waer ins pech

Och god, och god, miën oer is waer kapot

S’oaves ging ich noa ein fiës,
doa woerd bês vuul gesjöt,
doe zei men mich, pas doë maer op,
de ligs zoë in de göt,
noa ellöf, twellöf, dartiën glaaser,
woar ich aardig vol,
d’r tiëd woar ich vergaete went
dan höbse vuul mië lol,

S’mögens wie ich toes koam, toen dach ich ach au wei,
’t woërd mich effe helder, witste wat ich zei?


HOME PLAATSNAMENOVERZICHTHOME


'T BRUUKSJKE
1998: Tekst & muziek: Marian Leunen

Der elfde van der elfdekrieg ich de kriebels weer
Der karnaval sjteet vuur de duur, dat wuurt weer veul plezeer
Ich dink da noa, wat doon ich aan
der kloon dee past neet mie
ee korter bruuksjke woerd gemak
dat kint ger noe waal zien!

Refrein:
Zunt de peksjkes kloar, want de karnaval is doa
Zit ee masker op, of ee heudje op der kop
Doog mer mit mich mit, joa dat hilt uch jonk en fit
Want vasteloavend vieren, dat gieft uch hiel veul pit,
Want vasteloavend vieren, dat gieft uch hiel veul pit.

’t Zondigs geet der optocht wer,dan wil ich hiel geer mit
ich zeuke noa mie peksjke, en ving dee kloemel nit.
Ich dink mich suf, woe is die boks,
Ooch al is ze klein
’t korte bruuksjke woar toch kloar,
ze zoot zoe lekker fijn!

de drie daag vasteloavend, die zunt te vlot vuurbie,
’t bruuksjke nog gevonge, och luij wat woar ich bliej.
Ich houw gezoch, al euveral,
En vong dat dink neet mie,
’t bruuksjke houw ich toen nog aan,
ich houw dat neet gezien!


HOME PLAATSNAMENOVERZICHTHOME


DOA KAL ICH ZOEË GEER PLAT
Teks & meziek: L. Hendrix
Oetveurende (*) : Ger Oerlemans & Koor

Has doe in dien sjproak get zachs, get molligs,
is in diene kâl ooch zoeë noe en dan get lolligs,
has doe duks gowe mood, leëfst die leëve richtig good,
is in dien maneer van doeë get rujigs ...

Refrein:
Doa kâl ich zoeë geer plat, wis dier dat.
Doa kâl ich zoeë geer plat, weëd 't neet zat.
En krieg ich miene zin, wil ich doa leëve,
wil ich leëve, woeë ich geboare bin.

Gees doe geer ins wandele, doa woeë 't hol is,
züs doe 't leefst e cafee, woeë 't vol is,
its doe geer riestevlaa mit van die gruuemele sjokelaa,
is in dien maneer van doeë get mujigs ...

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


ES VOELDER SJOENKELT
Teks & meziek: H. Fober
Oetveurende (*) : Peter Kokkelkoren & Koor

Refrein:
Ich bin zoeë bliej dat ich bie os in Voelder bin,
dat ich mit carneval hie richtig sjoenkle kin.
Ich huur 't Voeldesj plat zoeë geer, d'rom goan ich nurges angesj heer.
Ich bin zoeë bliej dat ich bie os in Voelder bin.

Al brach mich 't leëve e gans sjtuk van heem,
ich ging duks woeë ang're neet gonge.
Toch hub ich nug ummer, woeë of ich ooch woar,
d'r weeg trük noa Voelder gevonge.

Mit carneval ging ich ooch duks waal ins mit,
doaheër woeë ich nieks houw verloare.
Me altied koam ich langs d'r kortste weëg trük,
noa't pleëtsjke woeë ich bin geboare.

Ich hoeërt duks van plaatsje, woeë 't sjoeënder zouw zieë,
en ich bin ooch duks zat goan kiêke.
Mer later, wir heem, woar vuur mich zonnekloar,
mit Voelder is nieks te verg'liêke.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


GANS VOELDER SJLEET DE TROM
Teks & meziek: A. Crutzen
Oetveurende (*) : Ad Crutzen & Koor

De carneval, die is wir doa, os durp sjteet op d'r kop.
Me züt de narre noe wir goa en zinge: houw mer d'rop.
't Weëd gehotst, 't weëd geknotst, v'r make veuel plezeer.
En zint v'r dan wir oetgebotst, dan zinge v'r alweer :

Refrein:
Hou mer op de trom, houw mer op de trom,
want de vasteloavend is noa driej daag om.
Houw mer, houw mer, houw mer op de trom,
want de carneval geet veuel te gauw wir om.
Houw mer op de trom.

D'r dokter zeët: beer is neet good, dat sjüt dich in d'r kop.
Me zelver drinkt heë ooch gee blood, dus houw nog mer ins d'rop.
Noa driej daag is de sjpas gedoa en zint de cente op.
Me carneval, die blief besjtoa, dus houw nog mer ins d'rop :

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


ICH BIN E VOELENDESJ JONK
Teks & meziek: A. Crutzen
Oetveurende (*) : Roger Oerlemans & Koor

Refrein:
Ich bin e Voelendesj jonk,
neet te groeët, te kleen, te mollig of te rond.
Ich bin e Voelendesj jonk,
mit carneval veul ich mich altied gezond.
Ja, sjpas en plezeer, dat maak ich zoeë geer.
Ich bin e Voelendesj jonk.

Ich vruj mich op de carneval, de zitting, d'r optoch, 't prinsebal.
Gesjminkt of gesjmükt, gans kaal of geprükt, ich doch d'r aan mit, omdat 't mich jükt.
Ich hoot dat hieël lang vol, ich hub toch altied lol.

Joa, carneval kinste neet liêre, want carneval, dat moste viêre.
't Is get sjoeëns in 't leëve, woeëvuur ich mich altied zal geëve.
Ich maak toch altied sjpas en bin gee miensj tot las.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


KASTIEËLE VAN VOELDER
Teks & meziek: G. Oerlemans & H. Fober
Oetveurende (*) : Ad Crutzen & Koor

Kastieële van Voelder herinnere os,
aan ouw gesjlachter, woeëmit 't begos,
aan riddertoernooje, aan harnas en lans.
Kastieële van Voelder, os trots, ozze glans.

Refrein:
Cortebach, Haare, d'r zeet e gesjink,
'ne beëker verleede, woeë ich geer oet drink.
Terveere, Terworm en ooch Put hoole sjtand.
Zoeë blieve v'r ummer mit vreuger verwant.

De ridders, de freules, d'r sjlipjaslakei,
de maad en bedeendes, in kluurriek livrei,
die ouw tafereele, nog leëvend bekans,
Kastieële van Voelder, os trots, ozze glans.

Os burchte verbinge de ieëwe mitee.
't Leëve van vreuger sjprik oet elke sjtee.
V'r draage 't wieër, in gedachte althans.
Kastieële van Voelder, os trots, ozze glans.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


MIE HART SJLEET VUUR DE CARNEVAL
Teks & meziek: Verdi / R. & G. Oerlemans
Oetveurende (*) : Roger Oerlemans & Koor

Ich bin hieël gek op carneval, dat zit mich in 't blood.
Jieëker joar opnüj wir fieës, dat deet e miensj toch good.
E paar daag good geniete van dizze sjoeëne tiêd.
Nee lüj, dat wool ich neet misse, dat wil ich noeëts mieë kwiêt.
En noe good opgelet en zing mer mit mich mit ...

Refrein:
Mie hart sjleet vuur de carneval bie os in Voelender.
Jieëker joar opnüj carneval, carneval, carneval.
Mie hart sjleet vuur de carneval bie os in Voelender.
Jieëker joar opnüj carneval, Voelder alaaf.

Ich bin geer inne Naate, dat loat ich uch noe zieë.
Veuel sjpas, veuel lol en sjtomme kâl, dat huurt d'r allemoal bie.
Ich kin veuel dinger misse, dat deet mich gaar gee leed.
Me ee joar zonger carneval, dat uuverleëf ich neet.
En noe good opgelet en zing mer mit mich mit ...

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


MIEKE
Teks & meziek: G. Oerlemans & H. Fober
Oetveurende (*) : Ad Crutzen & Koor

Loat ze reeze, loat ze sjeeze, loat ze mer begoa.
Mager Treeze, die dunt keeze, vuur e sjmaal besjtoa.
Mie klee Mieke hat 'n sjieke weelderige vorm.
Mit twieë piëke, die jûs liëke op 'n puddingvorm.

Loat ze jatse, loat ze kratse, loat ze rujig goa.
Sjpitse batse, mennig hat ze, zieën ze nog neet sjtoa.
Mie kies Mieke, hat 'n sjieke, fossje batteriej.
Geene riëke, kom mer kiëke, is wie ich zoeë bliej.

Loat ze sjneure, bellefleure, mit get vel op knoak.
Te betreure, van die heure kom ich neet van koak.
Noa mie Mieke, zie unieke, breed geboewd figuur,
mot ich kiëke, blief besjwiëke, dat is puur natuur.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


DE NAATE VIERE CARNEVAL
Teks & meziek: H. Senden
Oetveurende (*) : Harrie Senden & Koor

Refrein:
De Naate viere carneval en dat dunt ze mit os same al joare lank.
Ze dunt 't mit veuel plezeer, en ooch mit e putje beer.
't Weëd geviêrd durch jieëdereen, kom, loop noe mer achtereen.

Is e nüj sezoen gekomme, dan beginne de kriebels wir te komme.
Züste ze dan durch 't durp wir goa, dan is d'r nüje prins wir bienoa doa.

Carneval is vuur oud en jonk, mit veuel sjpas bliefste gezond.
Doot noe mit en drieënt mer rond, want carneval hilt uch gezond.

Truk d'r optoch durch de sjtroate, dan kinne vier 't neet loate.
Dan dunt vier doa aan mit, en zette e masker op 't gezich.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


OS HERMENIEJKE
Teks & meziek: H. Fober
Oetveurende (*) : Peter Kokkelkoren & Koor

Mit carneval, dan geet ze wir, de hermeniej van os.
't Lupt neet alles in de moat, de noeëte hange los.
D'r trommelsjlieëger sjleet d'r langs, lup wie 'ne sjloddervos,
d'r klarinetter oet de moat, deë is te vreug begos ...

Refrein:
Me alles geet opziej, doa kumpt os hermeniej ...
Ja, mit d'r hoempapa krieste zoeën sjpas jaja.
Os hermeniejke zal uch dat waal liêre.
Ja, mit d'r hoempapa krieste zoeën sipas jaja.
Ja, zonger hoempa kinste carneval neet viêre.

't Pieke mit d'r saksefoon, deë sjloddert rner get mit.
D'r dieke tromler onger 't sjloa 'ne knakwoeësj heë zich it,
D'r treuteman kumpt oam tekort, 't beer dat blieës noe mit.
D'r basman is al oetgeteld, wit zelf neet wie heë hit ...

't Hermeniejke blieës ze uch, zoeëdat d'r sjpringe goat,
de sjlagers van 't carneval, 't kumpt in elke sjtroat.
't Bringt direk de sjtumming d'rin, missjiens neet gans in sjtoat,
en ooch neet ummer wie 't mot, zoeë gans precies op moat ...

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


D'R TOERE
Teks & meziek: H. Fober
Oetveurende (*) : Richard Lipsch & Koor

Refrein:
Ja, noa ozze toer, kin ich oere sjtoan loere,
dat is 't sjoeënste sjtuksjke Voelder dat besjteet.
Zieën ich zien contoere, zien sjtevige moere,
dan bin ich zoeë bliej es heë mit al zien klokke sjleet.
Sjtoan ich zoeë te loere, dan kin dat lang doere,
omdat d'r toere altied veuel vertelle deet.
Heë sjprik van geluk en ooch van leed,
heë wit al ieëwelank besjeet.
Ich bin zoeë bliej dat heë bie os in Voelder sjteet.

't Voelder van vreuger, dat is noe neet mieë.
Me heë, ozze toere, hat 't angesj gezieë.
Al nuuege lang ieëwe, sjteet heë doa op wach.
en aan ziene voot klonk gehuul en gelach.
Heë wit nog gans zuuver, wie greun 't hie woar,
vol beëksjkes mit water, nog proaper en kloar.
Kastieële en heuef looge rondom 'm heer.
Went heë 't vertelt, ja, dan loester ich geer ...

Heë zoog de mam komme, mit 't kink op d'r erm,
me ooch de begrefnis van riêk en van erm.
Heë hat 't gelieërd in d'r loop van d'r tiêd :
d'r weëg van d'r deup noa 't graaf is neet wiêd.
Heë zelf sjting ooch ins aan d'r rand van d'r doeëd :
wie Pruuse 'm klauwde, de klokke vuur't loeëd.
Me dan woeërt opnüj ziene hartsjlaag gehoeërd,
van doe-aaf hub ich 'm wir ummer beloerd ...

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


VIELLA RUSTICA
Teks & meziek: H. Fober
Oetveurende (*) : Richard Lipsch & Koor

Refrein:
En dan boew ich mit mie allerleefste Biella,
mich e neske op d'r Hoonses, in die viella.
Beëter woeëne vier doa noch es d'r Romein,
mit vuur de duur ooch nog e prachtig golfterrein.

D'r wuueningnoeëd woar noeëts zoeë groeët, es jüs op dit moment,
want mit d'r vriegezellesjtoat is geene mieë content.
Me't geld is op, d'r wuueningboew, deë likt al joare sjtop,
en doarom trekke vier noe die Romeinse viella op ...

Ze hubbe doa gesjupt, gezeefd, en dat is geene kwatsj,
bie zonnesjiên in sjtub en es 't reëgende in pratsj.
En es 't effe wil zet v'r d'r ganse kroam wir rech,
want in zoeën viella leeft me, ooch in ozze tiêd, neet sjlech ...

Die viella is erbermlik groeët, vuur op d'r daag van hüj.
En boewt me ze wir op, is dat vuur honderde van lüj,
de kans om doa te leëve in rojaal gezinsverband.
En is ze kloar dan sjteet ze doa, es hoës op beët're sjtand ...

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


WIE MIE HART VUUR VOELDER SJLEET
Teks & meziek: H. Fober
Oetveurende (*) : Siem van Dinther, Jean Crutzen, Bert Heynens & Koor

Ich woar bienoa doeëd, miene wekker sjtong sjtil.
D'r dokter wool helpe, mit poejers en pil.
Ich hub 'm geweerd en ooch duud'lik gezach :
d'r wit toch dat ich op de carneval wach ...

Refrein:
Ja, wie mie hart vuur Voelder sjleet, went 't zinkt en sjoenk'le deet,
es groeët en kleen zich good versjteet, went jonk en oud wir same geet.

Ich kos ins e meëdje, wie geer ich 'm noam.
Ich goof 'm d'r zeëge, wie carneval koam.
Ich deeg 't 'm vroage, geëf trük mich mie hart.
Dat hoot ich 't leefst vuur mie Voelder apart ...

D'r fiscus, deë koam, lag besjlaag op mie good.
Ich zag: loester hie, 't-is egaal wat d'r doot,
d'r kint alles hubbe, desnoeëds elke cent,
me loat mich mie hart, dan bin ich al content ...

Ich hub ins verlore, mie hart aan 'n kwoal.
Ich lapde 't ang're gans sjoeën aan mien zoal.
Aan os carneval ich mie hertje verkoch,
ich hub doanoa noeëts noa get angesj gezoch ...

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


WOEË ICH GEBOARE BIN
Teks & meziek: L. Heiligers
Oetveurende (*) : Felix Senden, Jan Gijzen & Koor

Refrein:
Ich hoot van Voelender, woeë ich geboare bin.
Doa veul ich mich zoeë heem, doa woeë ich jieëker kin.
Loate vier zinge, dat zit os in 't blood,
allemoal tesame, dat deet os zoeë good.

Vreuger dach ich: carneval, och, wat is dat toch sjoeën.
Ich vong 't dan fijn es ich mit kos doeën.
Ich gong dan verkleid es cloon, mit 'n pruuk en cloonsgezich.
Wie 'ne rieke kuuening, zoeë voeëlt ich mich.

Es ich noe die moeziek huur, weëd ich gans kriebelig.
Ich bin dan neet sjtil, me gans wiebelig.
Noa mie ieësjte gleëske beer, hub ich dan de sjtumming weer.
Dunt v'r dat dan same, hubbe v'r plezeer.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME


DE ZIEËL VAN LIMBURG
Teks & meziek: L. Hendrix & H. Fober
Oetveurende (*) : Roger Oerlemans & Koor

Mie golvend huuevelland, ich bin mit dich verwant,
doe kluurriek, sjuunsgemeëte lappedeuksjke.
Ich voeëlt opins dien hand en woar gelukkig, want
mien weeg sjtong op die allersjoeënste heuksjke.

Refrein:
Huur ich d'r hartsjlaag van mie Limburg,
zie soepel en zie sjprankelende sjpieël,
dringt zich in mie dinke zoeë d'r zin durch:
doavan is mie Voelder de zieël.

Ich preuf hie de natuur, heur frisjheed, reen en puur.
't Is bienoa get es 'n hieëmelswuuening.
Wie duks kumpt 't neet vuur, dat-ich ingelsjtumme huur,
dan veul ich in dit landsjap mich es kuuening.

D'r Hergot hat gedach, van zieëve maak ich ach.
Oet uueverwerk is doe os plaatsj geboare.
Ich leëf in al heur prach en hub ooch duks gezach:
bedank, ich veul mich wirklich oetverkoare.

* cd (1995) : CV de Naate - " Wie mie hart vuur Voelder sjleet " Studio Go Voerendaal - 959601


HOME PLAATSNAMENOVERZICHTHOME