HOME
PLAATSNAMENOVERZICHTHOME
MIEN VÄÖLE
1998: Tekst: Gerrit Reintjes - melodie: 'Und in der Heimat'
Refrein:
Daor waor ’t Väöle lit, daor lit mien gânse laeve,
daor het mien wiëg gestaon, bin ik nor schól gegaon.
En ziej ik dan ’s maej ’s efkes òp de vrimde,
dan bin ik âltied wer bliej, as ’k án ’t Väöle ziej.
En is t’r dan dörpsfieëst, kárneval of kermis,
noeët ziede dor allieën.
Doen Prinsewages bowwe, potgroond versjowwe,
historie brengt alles òp de bieën.
’t Dörpsplejn verfraaje, án de Vlies gón spaaje,
ieder duut wat um lit.
Wille same belaeve, dat wìj hiër laeve,
Väöle, dat däörp mit PIT !
En zie’we dan stráks vort âld en verslete,
en göt ’t niemá zó goëd.
Dan daenke wìj terug án vroegere dage,
dat geft òs dan wer moëd.
Gìj kunt ’t be-ame, veul du’we same,
bìj zònneschien of raegenwaer.
Dat ’t âlt zoeë mugt bliëve, d’r niks velt te kiëve,
án ’t Väöle die kaern mit KAER !
HOME
PLAATSNAMENOVERZICHTHOME
VÄÖLE MIEN DÖRPKE
1985: Tekst: Toon Leijssen - muziek: ?
't Is mien dörpke, dat dor lit verschole
De Lollebeek die stromt d'r naeve op
Dor lit mien jeugd, ik daenk d'r duk nog án terug
De Lorbaan en bìj Koene án de stieëne brug
De boëre zien vort òndernemers en nie klaen
Mer um te wone, is 't dor nog âltied fejn
Refrein:
Dat klaene däörp, dat kan ik nie vergaete
Wor ik mien mojste jaore heb gekend
't Is zó moj nie groeët, gelaege ien de Pieël
Mer ien mien Väöle vuulde ik mìj noeët allieën
't Is zó moj nie groeët, gelaege ien de Pieël
Zó as 't Väöle is, zoeë is d'r toch már ieën
't Is láng geleeje, en veul is t'r weg
D'n bekker, de melkkár, 't paerd vur de eg
't Kárspoor, 't pedje, de riëk òp 't lând
Väöle mien Väöle, gót same hând ien hând
't Däörp is verânderd, al ging 't nie vlug
D'r kwaam 'n nìj spórtveld, 't pumpke is terug
De schól en de winkel, die bleve bestaon
't Mojs van 't Väöle, lót dat nie zoeë már gaon
De Lorbaan, 't Steegsbroek, vergaete nie mer
De Väölese watere, dor kwaam ik zó gaer
Al wat is gebleve, 't is ieën gehieël
Väöle mien Väöle, dor aachter ien de Pieël
HOME
PLAATSNAMENOVERZICHTHOME