HOME PLAATSNAMENOVERZICHTHOME


COWBOY
Tekst: ? - muziek: ?
Zang: de Foemeleerkes

Cowboy, cowboy Op dieng sjwatte peäd zoe sjtoer
Riejst doe als de wind noa mich
Cowboy, cowboy
Vuur mich bis doe dur enige
Mie hart dat klopt alling vuur dich

Wen ich dich zië, dan bin ich soe blie
Vergeat ich alles um mich hin
Doe bis super, doe bis mienge held
Doe bist dur sjterkste dea ich kin.

En elke kier daan kiek ich dich aan
En hoop ich das doe mich ooch ziest sjtoa
En elke kier daan dreum ich van dich
En hoop ich datte nooit vuurboe zal goa

Als de oavaend gevalle is daan
Zit hea bie ut kampvuur neer
Moand en sjterre die zund noe bie hem
Och dat wool ich ooch zoe geer


HOME PLAATSNAMENOVERZICHTHOME


ET DUUVELKE
2005/2006: Tekst: Jack Monsuwé - muziek: PBR Studio
Zang: de Wesjdreudjes

Refrein:
Der zit ee duuvelke op mieng sjouwer
Dat geet de ganse vasteloavend mit mich mit
Mer dat duuvelke op mieng sjouwer
Dat doogt vuer der duuvel nit
Der zit ee duuvelke op mieng sjouwer
Dat huijt drei daag lang op die kis
Joa dat duuvelke op mieng sjouwer
Liët mich weete dat et vasteloavend is

Mit dat duuvelke bin ich neet zoë vroë
Witste waal wat dat mich allenuij lieët doë
Kniep et Miep ins in gen vot
Hou der Hay ing op der hod
Veul et Bepke aan de bats
Trek et Trees ins aan der sjtats
Joa in de ganse boet
Doa is der duuvel oet

Joa dat duuvelke sjuut der voëgel aaf
Kumpt heë oet die kis
daan reupt heë wer alaaf
Klauw der Haar ins de sigaar
Kuuf nog ins ing bie et Klaar
Vrief der Lei ins durch de sjei
Kriebel et Zeef ins aan de knei
Joa in de ganse boet
Doa is der duuvel oet

Hej in de ganse boet
Loate vier der duuvel oet


HOME PLAATSNAMENOVERZICHTHOME


HARIE VAAN DE SJUTTERIE
2000/2001: Tekst & muziek: Jack Monsuwé
Zang: de Wesjdreudjes

Refrein:
Ich bin der Harie vaan de sjutterie.
Ich bin al zieker viefentwintig joar derbie.
Sjeetgeweer open ruk in de letste rie.
Ich bin der Harie van de sjutterie.

Os Sjutterie is de betste vaan de welt.
Doa goan ig neet vanaaf, vuur gee good of geld.
Me geet et ooch effe neet zoe good,
dan kiet der Harie ummer wer de sjoot.
Doe sjtomme hamplemaan, doe sjeve sjraveleer.
Dat kinste dich waal dinke, 't is der Harie weer.

Lets woar ver op ee sjuttefes.
Vuuropkuul vuurop en daan volligde de res.
Die leepe allemoal oet de moat,
me op mich woet opins der linkerguide koad.
Doe sjtomme hamplemaan, doe sjeve sjraveleer.
Dat kinste dich waal dinke, 't is der Harie weer.

Vuur 't sjeete howwe vier good getraend,
en Meneer Pastoer, dae how de buks gezaend.
Me ich sjoot mit inne helle paaf,
gewoon per ongeluk 't verkiede bölke aaf.
Doe sjtomme Hamplemaan, doe sjeve Sjraveleer.
Dat kinste dich waal dinke, 't is der Harie weer.

't Ekserseere gong ooch neet te bes.
Der kop neet derbie, ich woar neet bie de les.
Opins vool ich lankoet in't gras,
uever inne knoebel, de luj die howwe sjpass.
Doe sjtomme Hamplemaan, doe sjeve Sjraveleer.
Dat kinste dich waal dinke, 't is der Harie weer.

Noa afloop aan de tiek in de tent,
woar der Harie zoe inne vent.
Ver gove em inne goeie veeg.
De sjutte woare vol, ming buesj die woar leeg.
Wea is dea goeie minsj, wea goof dat rundje beer ?
Dat kinste dich waal dinke, 't is der Harie weer.


HOME PLAATSNAMENOVERZICHTHOME


ICH BIN VAN HEI
2001/2002 : Tekst & muziek: Huub Keulartz
Oetveurenden: Duo Gestresst (John Keulartz & Frans Op den Buijsch)


Refrein:
Ich bin van hei, doe bis van doa,
ich bin van Genberg , ich bin van Gelean,
Mer vasteloavend is een fes dat is vuur jederein.
Of van hei of van doa, ut maakt neet oet van woa.
Ich ben van hei en doe, doe bis van doa.
Vasteloavond is wer hei, noe loat mer lekker goa

Zoondigs noa ut voetballe haol ich mich get 'frit'.
Zig, bedoels doe friette, of zien ich dat noe nit.
Joa, ich hoal die 'frit' dan, lekker op de 'fits'.
Vier zigge dan angesj: met dur 'fiets'.
Och wat maak ut oet..., wenze mich mer begrieps.

Vierz zunt ut hoegste kirkdurp, vier ing Wereldsjtad.
Vier hant DSM..., hie sjtinkt ut ooch soms zat.
Hei is ummer herfstmaat, Pinkpop woar bie oos.
Mer ut kan nuuks sjeale woe ze bis,
loat vur saame zinge umdat it carnaval is.

Vier hant hiel gouw sjutters, die sjeete ummer raak.
Bie oos op dur Rieksweg, doa sjeete ze ooch vaak.
Fortuna is dur betste, Roda los mer joa.
Elke plaatjs die hat get, ming dur nit ?
Jeder dea kan zinge, zing mer mit oos mit.

Vasteloavoavend viere dunt zu uveraal,
van ut klingste kroegje tot dur groetste zaal.
Of ze noe van doa kuns, of doe bis van hei,
saame in dur optoch allebei.
Saame zinge, danse, koom noe mer dur bei.


HOME PLAATSNAMENOVERZICHTHOME


JUFFROUW IRIS
Tekst: ? - muziek: ?
Zang: de Foemeleerkes

Bie de kinger vaan groep ach,
doa klink alling gelach.
Doa is dich toch get loos
Ut gekste was ze ooit ins zoogs.
Juffrouw Iris ram durchee
Sjeet de raazele op de bee
Zingt "Alaaf alaaf" tis carnaval de gekke zunt beijee"

Refrein:
Juffrouw Iris die hat ee virus
Ze is neet muj en ooch neet krank
Mer lup te zinge durg dur gank
Juffrouw Iris hat ut carnavalsvirus
Vanaaf ut smurgens zingt ze al:
Ut kunt d'r aan ut carnaval

Meester Harrie is net got
Want dea sjrok zich ram kapot
Wiee de juffrouw sjtoong te zinge
Woal hee ze noa dur dokter bringe
Mer noa ee tiedje gong ut got
En zong hea mit zoe wie ut mot
Noe sjtunt ze in dur gank te zinge: "och die daag zunt veul te kot"

Op Vriedig wit der wal
Is kingercarnaval;
De juffrouw deet dan mit
En kent ooch elke carnavalshit
De ganse sjoel die sjeet te swinge
Omdat de juffrouw wer geet zinge
Ze danst en zingt zoe hel ut geet, zoe get goof ut hie nog neet

De juffrouw sjeet noe op de kas
En zingt de ganse klas:

Juffrouw Iris!


HOME PLAATSNAMENOVERZICHTHOME


DE JUUSTE KLUUR
1997 nr.1 : Tekst & muziek: Ankie Heijen-Reubsaet
Oetveurenden (*) : Ankie Heijen-Reubsaet

Refrein:
Vier zint weer mit de juuste kluur bijeen.
Oud en jonk, vier blieve op de been.
Vier hoate poal, huur noe wat ich zaan.
aan de juuste kluur, doa likt ut aan.

De jonges van de kegelclub en och 't hermenieke,
die zoote op d'r vriedig get um zich hin te kieke.
De sjtumming woar nog neet d'r in, de zaak woar neet compleet,
bis dat die duur toen oape gong; zaag kiek es weh doa sjteet.

Ouwehod, ouwe hod, kom binne, doog die duur op sjlot.

De sjutterie, sjtram in 't pak en och 't dameskuurke,
ze sjtonge get te driene, ze houwe al eh kluurke.
De sjtumming woar nog neet d'r in, de zaak woar neet compleet,
bis dat die duur toen oape gong; zaag kiek es weh doa sjteet.

Ouwehod, ouwe hod, kom binne, doog die duur op sjlot.

* cd 1998 : Ankie Heijen-Reubsaet - "Twieë van Ank 97/98"


HOME PLAATSNAMENOVERZICHTHOME


DER KAMMERPOT
2001/2002 nr.1 : Wöad: Jack Monsuwé - moeziek: P.B.&Studio
Oetveurenden: De Wesjdreudjes

Refrein:
Zet dich op der kop inne ouwe kammerpot,
sjtreup dich et corset vaan de Oma aa gen vot.
Nog ee kammezöalke, ee vinsterkesgordien,
of ing ouw sjots vaan de tante Fien.
Zet dich op der kop inne ouwe kammerpot,
jonge, jonge, wat ing sjpass,
went ze dich get kloemele, dea ouwe kroam en loemele,
went ze dich die aagestiëveld has.

Hubse mit de vasteloavend nieks um aa te doë,
kins dich ooch nieks gelle, went de has toch ginne roë,
zit da neet te joamere wie inne ouwe sjtief,
sjtank daan ins op oet der sjtool, sjtreup dich get aa ge lief.

Vier sjtonge allenuij gereed, et Jupke wool neet mit.
Hee zag: ich kin der nuuks aan doe, ee peksjke hub ich nit.
Doa woëd nit lang gefakkeld, doa woëd nit mië lang geluld,
der ganse poetik aafgezoch, get bieëe gefiesternöld.

Hubse diene kroam bieëe, gank vuur der sjpeegel sjtoa.
Motste um dich zelluf laache, kinste bienoa goa.
Zeukste nog get vuur op der bölles, fèhlt dich nog ing mutsj,
zet dich daan ins vuur der joeks inne pispot op der knutsj.


HOME PLAATSNAMENOVERZICHTHOME


KINGERKARNAVAL
Tekst: ? - muziek: ?
Zang: de Foemeleerkes

Refrein:
Ja Kloone en Indiane
Die danse en zinge saame
Mit Cowboys en Dansmarieches
Mit KingerCarnaval

Eschergoonstig bin ich krank, bin in van mie sjtuk
Wie mot dat noe ut ganse joar, ich wil die drei dag truk
Dat wachte al die moande lang, mer dan is ut zowiet
Ich veul ut wer van binne,.ut is wer carnavalstied.

Proclamaties, Prinsebal, sjpass van hei tot doa
Jeugdzitting , auw wierver bal, ich wil noa alles goa
Op sjoel is ooch dur duivel loos, ja dat begrieps ze wal,
Want alle kinger weette , t'is Kinger Carnaval

Dur optoch truk noe durch ut durp, de sjtroate op en aaf
Van groet tot kling sjteet langs dur weeg en jieder ruup alaaf
En went ut afgelopen is daan gunt vur noa dur zaal,
Want dan geet ut beginne, ut Kinger Carnaval.


HOME PLAATSNAMENOVERZICHTHOME


KOEK-KOEK
1998 nr.1 : Tekst & muziek: Ankie Heijen-Reubsaet
Oetveurenden (*) : Ankie Heijen-Reubsaet

Refrein:
Wen ich dich zieh, dan weet ich al wie laat dat 't is.
Bim-bam, bim-bam.
Beken mer kluur, ich ziehn 't toch a die gezich.
Joa, doe en ich, dees daag bis doe van mich.

Noe kom es hei en huur es goat, ich mot dich toch get zage.
Wat's doe neet wits maar ich toch waal, dat kan ich neet verdraage.

En wen 't klukske sjleet, d'r koekoek dankt dich neet.
Koek-koek, koek-koek.

Ich zag dich toch, doe gelofs mich neet of sjtongste get te lege ?
Doe kreegs ing kluur en vluigelkes om te vlege.

Noe gunt vier dan drei daag op sjtap en trekke durch de sjtroate.
Doe sjtees nu mit mich aan de tap en kinst 't neet mie loate.

* cd 1998 : Ankie Heijen-Reubsaet - "Twieë van Ank 97/98"


HOME PLAATSNAMENOVERZICHTHOME


D'R KWETSJBUL VAN D'R PETER
2005/2006: Tekst: ? - muziek: ?

Wie ich mieng vrung allenuj op d'r sjtoep zoog sjtoa
Woet 't tsiet dat ich mit ze zow goa
't kofferke sjtong al ing ganse weech in d'r gank
vol drek en sjtup mar oane sjoen zank
noen ging ut gebeure dat waor sjtere-kloar
d'r kwetsjbul how kuure, 't is toch nit woar

Refrein:
D'r kwetsjbul van d'r Peter hat ing facelift gehad
Knupkes, rimpels, vouwe alle toetsen zunt werm glad
D'r kwetsjbul van d'r Peter hat ing facelift gehad
Moeziek klinkt wer durch de ganse sjtad
D'r kwetsjbul van d'r Peter hat ing facelift gehad
Knupkes, rimpels, vouwe alle toetsen zunt werm glad
D'r kwetsjbul van d'r Peter hat ing facelift gehad
De moeziek klinkt wer durch de ganse sjtad

Doa woad vergadert en gans veul gekald mit-ee
Wea van os hat noen ut betste idee
Wie krient vier dea kloemel toch weer aan de geng
Noets, zeat de tant doavuur bin ich bang
Toen koam ut gesjier van d'r nonk op de vloer
't weat get, repe ze in koer

Noa 11 daag toen breek hub d'r sjweet rigtig oet
Hoete ze opins ing ganse hoeg noet
Kinger hea deet ut, sjreide d'r pap
Noen gunt vier vanoavend ins rigtig op sjtap
He putsjde d'r kwetsjbul en vreef hem gans zach
En flusterde wea how dat verwach


HOME PLAATSNAMENOVERZICHTHOME


LOT VIER MIT ZUN ALLE OP DE TIEK AAN GOA
2004/2005 nr.1 : Tekst: Rob & José Habets - muziek: John Habets
Zang: Der Lange en der Langste

Refrein:
Lot vier mit zun alle op de tiek aan goa
Dan drinke vier os ee
E sjoes, e beer, e flemke, ja wat moag ut ziee
Of leever ee hoof um
Lot vier mit zun alle op de tiek aan goa
Dan besjtelle vier os ee
Vier heëve de glaze in de loch en sjpringe mit de moeziek mit
Vier heëve de glaze in de loch en zinge mit de moeziek mit

Sjminken dat dunt vier van te vuure
Jong doe houwe vier al sjpas
Gezich de hoare in alle kluure
Ut geet noe ech gebuure
Mit de trom en de truut um der nak
De res zit sjtrak in ut pak
Vier zunt noe allenuj bie ee
En gunt noa ut iejste cafee

Der Joep deë hat van os de bonne
Heë sjravelt durch tot aan de tiek
Der drank dat hant vier opgesjrieve
Doe kins ut toch neet sjrieëwe
Der kastelein ruupt mit inne gil
Leeg glazer, de tap die steht sjtil
Der Joep deë hat ut wer gelap
In de loch ing sjottel van de tap


HOME PLAATSNAMENOVERZICHTHOME


MARIJ, MARIJ, MARIJ
1999/2000: Tekst & muziek: Jack Monsuwé
Zang: de Wesjdreudjes

Refrein (2x):
Marij, Marij, Marij, putsj mig nog ins opnuj.
Koom hei, koom hei, koom hei, dat ich dich nog ins duj.
Marij, Marij, Marij, ich bin nog lang neet muj.
Gef mich nog ee muulke, putsj mig nog ins opnuj.

Jieëkerinne kint waal et Marij,
et sjoenste maedje, op gen Berg geboare.
Koam em taege op de Vrouwehei,
ee blommekrenske in de hoare.
Ich kiëk em in de ooge va kotbei.
Doe han ich mie hatz vuurgood verloare.

Noe zunt der al zoen twintig joar vuurbei,
en dink ich nog ins truuk noa al die joare.
Da gunt ver wandele op de Vrouwehei,
duj ich gauw get blomme in zieng hoare.
En kiek ich em in de ooge va kotbei,
da giet et mich ee muulke in et koare.


HOME PLAATSNAMENOVERZICHTHOME


MIENG VROUW
2005/2006: Tekst: Rob Habets - muziek: John Habets
Zang: Der Lange en der Langste

Refrein:
Jidder joar kunt weer deë karnavalstied
Dan is mieng vrouw drie daag op sjchiep
Gans verkleid is zie vaan kop tot tien
Tis sjchun um dat te zieë
Geet ze zingend sjpringend de sjtroat weer op
Ich roop daan noch letste waal good op
Joa mieng vrouw dat is inne karnavalsgek
En is daan drie daag weg

En zie weeët mich al önrustig
Went ut elf november weeët
Geet daan noa de eupening kieke
Um te heure wat me zeeët
Kunt teruk en pakt ut nieënmesjieng en geet meteen aan sjlaag
Hat ut sjchunste aan drie daag

I gen hoes doa is ut rustig
Alle kinger die zunt sjtil
Heur alling ut klöksjke tikke
En 't geluid vaan der TV
Kin alling nog mit ze kalle euver ut nuits en euver ut weer
Zoelang der optoch noch neet geet

Alle weschj is sjtrak gesjtrieëke
En de kamer opgeruumd
Hup der afweschj nog gedoa
Vuurdat ze truk kunt vaan ut goa
Zurg alling dat ze kint sjloape en get eaëte vuur ze geet
Dat is leefde dink dier neet


HOME PLAATSNAMENOVERZICHTHOME


NOG INNE, NOG INNE
2005/2006: Tekst: John Habets en der Fietsclub - muziek: John Habets
Zang: Fietsclub de Plekkers

Refrein:
Nog inne, nog inne, dan gunt vier noa heem
Der letste, der letste, tis good vuur de bee
Loat goa toch, loat goa toch, vier zunt al weer te laat
Ongerweeëg durch os sjtieëk op der fiets jidder weeëk
Koom vier daan, bie ing bank en ruste effe oet

Nog inne, nog inne, dan gunt vier noa heem
Ut letste, ut letste, tis good vuur de bee
Loat goa toch, loat goa toch, vier zunt al weer te laat
Mit carnaval, aan de tap, ruupt der Hub, vuur de grap
Doch nog ee, ut letste da, daan gunt vier nuj noa heem

Jidder weeëk opnui, trotseer vier elke bui
Vier gunt veur conditie op der fiets
En krieste ongerweeëg ee lukjske in der band
Daan lupste mit de fiets aan de hand

Ee moal in ut joar, dan trap vier os ging bloar
Daan gunt vier de kroege op en aaf
De fietse in der sjtaal, uveraal is bal
Vier viere mit z'n alle carnaval...


HOME PLAATSNAMENOVERZICHTHOME


NONDEJUU PERREPLUU
2002/2003 nr.1 : Tekst: Jack Monsuwé - muziek: P.B.Studio
Zang: de Wesjdreudjes

Refrein:
Nondejuu, nondejuu, woa is mienge perrepluu ?
Weë hat dat dink gepikt, ’t rent wer dat ’t zikt.
Nondejuu, nondejuu, doa kunt alwerm ing reëgebüj.
Geliek is ’t te laat, went da weëd ich zeekenaat.
Geliek is ’t te laat, went da weëd ich zeekenaat.

Ich wool ’t Zondes noa de mes, flot ee dröpke drinke goa.
De vrouw, die vong dat nit zoe bes, hou de pütsj op onweer sjtoa.
Ich zag doe teëge ’t Mariet: "Sjnie toch neet zoeing proememoel.
Went Ozze Hieër dat mülke ziet, sjikt hee geliek alwer ing sjoel."

Wie ich toen op de boet aa koam, zoog ich de buuj al haaange.
De vrouw roeëk ’t aa mienge oam, te lang aan tieëk gesjtaaange.
"Doe bis ja neet alling mer zaat, doe kies nieks mië te eëte.
Nee, doe bis ooch nog zeekenaat, has der sjirm vergeëte."

Me kint hei in dit kwakketland, neet oane inge perrepluu.
Has doe deë pröl neet bei de hand, da kunt gegarandeerd ing büj.
Dat dink is wer de kloeëte op, ich kin der neet mieë teëge.
Mot ich mit miene sjtomme kop, alwer ins durg de reëge.


HOME PLAATSNAMENOVERZICHTHOME


DUR PRINS
Tekst: ? - muziek: ?
Zang: de Foemeleerkes

Elke vasteloavend
Dan begint mie hart weer sjnel te sloan
En went hee dan ooch wer doa is,
Dan wil ich noa hem goa.

Went ich hem dan zie
Ich wil zoe geer met hem danse goa
Koom, ich ben gek op dich.

Ja der prins . ja der prins, ja der prins
Ja dea wil ich elk joar wer zie
Hea is zoe sjun en hea lacht
Dur mantel en die mutjs, ich ving ze zoe schattig

Ja der prins . ja der prins, ja der prins
Ja dea wil ich elk joar wer zie
Hea is zoe sjun en hea lacht
Inne prins in mie hart

Ich wil um zo gear ziggen
Dat ich ooch zieng prinses wil zien
Same op dea hoege waage
Dur optoch met dur prins

Went ich hem dan zie
Ich wil zoe geer met hem danse goa
Koom, ich ben egk op dich.

Ja der prins . ja der prins, ja der prins
Ja dea wil ich elk joar wer zie
Hea is zoe sjun en hea lacht
Dur mantel en die mutjs, ich ving ze zoe schattig

Ja der prins . ja der prins, ja der prins
Ja dea wil ich elk joar wer zie
Hea is zoe sjun en hea lacht
Inne prins in mie hart


HOME PLAATSNAMENOVERZICHTHOME


DER SJOTSE SJANG
2003/2004: Tekst & muziek: ?
Zang: de Wesjdreudjes

Refrein:
Ich weëd ja gek vaan dat gepieps
Wentste in deë doedel knieps
Ja daan geet et vaan….
Diedeladeloedeladeliedeladelaa
Diedeladeloedeladeliedeladelaa
Diedeladeloedeladeliedeladelaa
Diedeladeloedeladeliedeladelaa
Diedeladeloedeladeliedeladelaa
Diedeladeloedeladeliedeladelaa
Diedeladeloedeladeliedeladelaa Diedeladeloedeladelei

Der Sjotse Sjang sjpilt doedelzak
Die da la die doedelzak
Heë hat aan jiekerinne lak
Mit zienge die da doedelzak
Dat doërt noe toch al veul te lang
Heë is al drei daag aan de gang

Sjang sjei noe toch ins effe oet
Et galmt wer durch de ganse boet
Doe dulle bliest toch veul te hel
Mieng erm die hant al hondervel
Huër noe langzaam mer ins op
Mieng hoare sjtunt rech op der kop

Wat jiëker vrommesj weete wilt
Wat driëgt der Sjang onger deë Kilt
Lupt der Sjang deë erme kloët
Doa onge mit et vötje bloët
Der Sjang deë weëd neet kood of werm
Pakt zich der zak onger der erm


HOME PLAATSNAMENOVERZICHTHOME


ET TRUUS IN DER TOM TOM
2006/2007 nr.1 : Tekst & muziek: ?
Zang: de Wesjdreudjes

Refrein:
Joa ich weëd gek
Knaaatschgek
Vaan et Truus in der TomTom
Ich weëd gek Knaaatschgek
Went dat vrommesj is zoe sjtom
Sjikt mich va links noa rechs
noa vuure
En da wer truukopjuuj
Kin ich die sjtum neet langer huure
Begint et Truus alwer opnuuj
Joa ich weëd gek
Knaaaatschgek vaan die sjtum
Indien meugelik …drieën um
Indien meugelik …
da drieën vier um

Gon ich get vaare mit der waan
Zet ich der routeplanner aan
Weet ich ins der weëg neet mie
Bringt et mich woë ich nit mot zië
Et ganse durp liekt ueverhoop
Et Truus zit ram gans in der knoop
Zeët het opins mit zeute sjtum
Indien meugelik… drieën um

Vier motte mit der optoch mit
Wie deë geet trekke weet ver nit
Vuuraa in de Kirriksjtroat
Sjteet inge vaan der elveroad
Dee reupt alaaf alaaf alaaf
En sjikt os da de Hunsj eraaf
Zeët dat heur mit zaate sjtum
Indien meugelik …drieën um

Went der optoch eindelik truk
Makt et Truus oos gans verruk
Vier loope noe al zoeng drei sjtond
En zunt der plei al ellef kiër rond
Alles lupt noe pratschdurchee
Wie koom vier sjtrak in et café
Reupt der Prins mit helle sjtum
Indien meugelik …drieën um


HOME PLAATSNAMENOVERZICHTHOME


UMMER INNE SJLAAG DER NEËVE
2000/2001 nr.1: Tekst & muziek: Ankie Heijen-Reubsaet
Zang: Ankie Heijen-Reubsaet

Refrein:


HOME PLAATSNAMENOVERZICHTHOME


VASTELOAVEND IN RIO
2005/2006: Tekst: ? ? muziek: ?

Rumba! Konga! Salsa! Samba! Jaaaa!

Refrein:
Vasteloavend viere in Rio
Vasteloavend viere op Sjtroat
Danse in dur optoch in Rio
Jeederein deet mit in de moat
Vasteloavend viere in Rio
De trommels die maake veul krach
Dans mit mich, spring mit mich
Samba tot deep in de nach
Vir zooge ut bie L1 op TV
In Rio doa is get loos
Mit veere en maskers
Luj zoe wiet wie ze kooks
Muziek in de sjtroate, trommels en zank
Noe koom mit mich danse en loat dich mer goa
Vur danse noe samen :
Rumba! Konga! Salsa! Samba! Jaaaa!

Danse in Rio joa dat is wal leuk,
Mer toch wal wiet van heem
Want Rio en Limburg, ligge get wiet oederee
Geef mich me roos durpke
Zoe kling en zoe sjoen
Dee rumba en samba is nit alling doa
Dat kin vier ooch hie wal doen
Rumba! Konga! Salsa! Samba! Jaaaa


HOME PLAATSNAMENOVERZICHTHOME


DER VASTELAOVESFIEVER
2004/2005: Tekst & muziek: ?
Zang: de Wesjdreudjes

Refrein:
In der bölles han ich der tingeltangel
inge riezelrazel in de knei
Op der boek doa han ich inge kriebelkrabbel
inge wiegelwaggel in mieng batterij.
Krie kraa krempkes in de kuute
Mieng oere zunt aan et tie taa tuute
Mieng kneuk weëde al get sjtiever
Ich han der vi-va-vastelaovesfiever

Mit de vastelaovesdaag begint et mich te kriebele
Hub ich de zenewe op der maag, mieng vot vingt aa te wiebele
Zien ich sjterkes in de loch, mieng sjtum inge rare klank
Daan weet ich wer genog, joa, ich bin vasteloaveskrank

Jiëker joar hub ich et weer, bin ich alwer et razele
De vrouw zeèt kumpt vaan al dat beer, ich lot ze mer get bazele
Ich zigk daan doe gekke geet, dat kumpt neet vaan der drank
Daan weet ich waal bescheed, joa, ich bin vasteloaveskrank

Et ganse lief dat deet mich pieng, bin evvel neet et rauwele
Hoef ich och ging millesieng, lot de luij mer wauwele
Ich doën zoëgek es dat ich kan, dat doërt zoeing drei daag lank
Daan weet ich wat ich han, joa, ich bin vasteloaveskrank


HOME PLAATSNAMENOVERZICHTHOME


VIER KALLE PLAT
2002 : Tekst & muziek: Huub Keulartz
Zang: Duo Gestresst (John Keulartz & Frans Op den Buijsch)


Sjroebloemel, sjravele, sjottelsplak,
schroamhammer, stiegel en snoefplak,
dat zunt van die wued die me vreuger veul hoët.
Dur sjriener, dea boetert mit poetes en broed.

Refrein:
Vier kale plat (ja plat, ja plat), echt limburgs plat.
Oos eege taal, die is oos neet egaal.
Jeder durp, jeder sjtad, jeder hat zie eege plat.
Ja, die platte wued, die wead ich toch nooit zat.

Miemele, kroejsele oet der gaat,
en ooch ee veake en vuel sjlaat.
De moere, die eat vier ut saovands mit moos.
Dur pap, dea sjpielt kwetsjbul, hei is wer get loos.

Pap hoa de sjtievele vol met pratjs,
kroog van de mam inne flinke watjs.
Noe dooch dich de sjloebe aan, loat noe ins gao.
Doe sjinoas, die sauwerij is noe gedao.


HOME PLAATSNAMENOVERZICHTHOME


D'R VUSCH
1999/2000 nr.1 :

Refrein:


HOME PLAATSNAMENOVERZICHTHOME


R>