Carnavalsliedjes uit THORN in Limburg (NL)

HOME PLAATSNAMENOVERZICHT HOME

? (titel onbekend)
ca.1920 :Tekst: ? - muziek: ?

Toer toer toer
waat zeen wae vieze snaken
al hubbe wae aug neet veul geldj
wae kenne os tog vermaken

HOME PLAATSNAMENOVERZICHT HOME

GEITEBÖK EN GEITEBÖKSKES
1991 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Koninklijke Harmonie Thorn

In Thoear dao geit ut loos dit jaor, jao, minse haodtj' uch vast.
De vastelaoveskleijer kômme noe weer oet de kast.
En eederein, van groeat toet klein, is hiej den oppe bein.
Noe geine stress en gein gejaag, oos motto is mêt dees daag :

Refrein:
Geitebök en geitebökskes, boerekeel en bôntje rökskes,
heutje op, heutje aaf, driemaol Thoear alaaf.
ALAAF, ALAAF, ALAAF.

Op sjoeal dao is auch eine Prins, mêt eine Raod van êllef.
Die veere vastelaovendtj hiej, jao, det spriktj toch vanzellef.
De kinjer van groep ein toet acht, verkleidj det is 'nne pracht,
de polonaise achterein, en zinge dit refrein :

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

KIEK INS NAO MIEN HEUDJE !
1997 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Harmonie St. Michaël Thorn

Refrein:
Kiek ins nao mien heutje, mien pekske en mien sjoon,
den zuus se toch metein waat ich vandaag gaon doon.
Ut is neet te geluive, de burgemeister en auch de pestoear ,
die zeen det ich de groeatste vastelaovesgek bên van Thoear.
Ze zeen det ich de groeatste vastelaovesgek bên van Thoear.
Alaaf! Alaaf! Alaaf!

Dao waas ins eine mins, zoea eine sjieke hieër,
dae ging ins met de optocht mêt, ut waas de ieëste kieër.
Hae keek zich dao de auge oet, hae wist neet waat ter zoog,
en stông dus mêt de môndj vol tenj, toen 'n maedje aan um vroog:

De bekker mêt de slechter en de kastelein,
die spuëldje op heûr instrument, ut klônk toch ao zoea fijn.
De klarinêt, de saxofoon en auch dae groeate bas,
die woeare sjoean verkleidtj, en leepe parmantig in de pas.

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

KÔM OP, KÔM OP
1993 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Harmonie St. Michaël Thorn

Refrein:
Kôm op, kôm op, kôm op wae zêtte alles oppe kop.
De vastelaovendtj is zoea fijn, ein fieëst vuër groeat mer auch vuër klein.
Kôm op, kôm op, kôm op dit fieëst wuërdtj zeker geine flop,
wae zêtte alles oppe kop.

Harie haet op ziene kop ein hieël sjoean blomevaas.
En Truu löptj, waem haaj det gedachtj, mêt un hieël lange naas.
En Tinus, dae wis ut nog neet waat hae zich aan zooj doon.
Noe löptj dae al die daag hie rôndj mêt van die lange sjoon!!

Henk en Hein gaon wie 'ne trein, det wiste wae allang.
De juffrouw van groep veer is noe, vuër niks of neemes bang!
De directeur en de adjunct die houwe op de kist.
Die anger juffen doon auch mêt, es gae det nog neet wistj!

Ein en twieë die gaon vuërop, vuër heûr is niks te dol.
En den die van groep drie en veer die gaon haos oet de bol!
De viefdje en de zêsdje groep die blieve auch neet staon,
en kiek groep zeve en groep acht, te gek laot die mer gaon.

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

LEEDJE VUËR DE SJOEALPRINS
1998 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Harmonie St. Michaël Thorn

't Is dit jaor weer ooze groeatste wins,
vastelaovendtj veere mêt de prins,
prinses en raod van êllef, de nar en auch de vorst,
hofdames, lakeien, jao noe zing oet volle borst.

Refrein:
Kôm der bie, sjuuf mer aan, want wae gaon d'r tieënge aan.
Noe is niks te sjrieve, laeze, dans mêt mich de polonaise.
Paktj uch same bie de handtj, vastelaovendtj, vastelaovendtj,
vastelaovendtj in oos sjoeane Thoearder landtj.
Vastelaovendtj in oos sjoeane Thoearder landtj.

D'r kan ôs noe gaar niks mieër gebuëre.
Eederein in Thoear dae wiltj 't huëre.
Vader en mien mooder, tant Sjan, jao eed're mins.
Dit jaor is de êlfdje, 't is vast de sjoeanste Prins.

Hieël lang nao oetgekeke, noe is 't den zoea wiet,
al die zenuwe, die spanning bên ich kwiet.
De Prins geit oos regere, det wuërdtj van hum verwachtj.
Same met prinses en al die anger oet groep acht!

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

OCH WIE SJOEAN !
1994 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Harmonie St. Michaël Thorn

Refrein:
Och wie sjoean, och wie sjoean, hiej vêltj nemes oet de toean.
Jônges, maedjes, leuk verkleidj, de vastelaoveswindj dae weitj.
Blief neet staon dao aan de kantj, same danse handtj in handtj.
Vader, mooder doon auch mêt, houw op die trôm of spuël trompöt.

Zeuk ich dêks un heutje, un bluuske of eine jas,
den gaon ich altied sjuume in de vastelaoves kast.
Dao vinj ich eeder jaor weer alles in terök,
mien pruuk, mien naas, mien bôks en zelfs mien bôntje zök.

Waat se dich auch aan duis, ut maaktj toch gaar niks oet,
of ut noe in 't roeat is, in 't greun of sjotse roet,
verkleidj es astronaut, giraf of miljonair,
es ingelke, kabuiterke of broene baer.

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

DE SJOEANSTE SPORT
1996 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Koninklijke Harmonie Thorn

Refrein:
Carnaval det is de sjoeanste sport.
Trim dich fit met vastelaovendtj.
Blief ze thoes, den duis se dich te kort.
Aan de gang van 's mörgens jao toet 's aoves.
Zwej noe mêt diene erm, det hêltj de spiere werm.
Spring mer mêt dien bein det duit toch eederein.
Drej auch in ut rôndtj, det is toch zoea gezôndtj ,
en loup ins mêt de naas toet aan de grôndtj.

Eine sjieke aoje hieër, zoea eine grieze,
zaat hieël dreuvig mêt die daag in bêd te knieze.
Zoea sjtief wie ein plank, en gaar neet mieër gezwank.
Zag zien vrouw: noe kôm toch mêt,
blief neet ligge in det bêt. Jao, jao, jao.

De burgemeister van un dörp, 't is pas geleje,
ging nao de dokter haer beslistj neet zônger reje.
Wist neet waat hae môs, woea aan hae waas begôs.
De dokter goof dees medicien.
En die deej auch gaar gein pien! Jao, jao, jao.

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

SOMS VÊLTJ UT TIEËNGE !
1995 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Koninklijke Harmonie Thorn

Refrein:
Sôms vêltj ut tieënge, en sôms auch vêltj ut mêt.
's Aoves neet in slaop en kumpse 's mörges neet oet bêd.
Höbs se waal ins mazzel, en dêks auch höbs se pech.
Mer mêt vastelaovendtj wêije alle zörge weg,
mer mêt vastelaovendtj wêije alle zörge weg.
la- la- la- la- la- la- la- la- la.

Mien vader en mien mooder die ginge nao de lês.
Ze wôlle danse lieëre mer det ging neet bêst.
Al bie d'n ieërste tango sjoeat mien vader oet.
Mien mooder vloeag toen mèt unne salto door un groeate roet.
Want...................

De meister van groep zeve spuëltj in de loeaterie,
mêt eeder sjiet klein prieske is dae mins hieël blie.
Mer net vuër vastelaovendtj wôn hae de groeate pot.
Hae zag: noe geit vanaaf vandaag de sjoeal un waek op slot.
Want...................

Wie ich waas geboeare, mien vader nao mich keek,
toen zaag dae aan mien oeare op waem ich waal leek.
Hae zag: begrieptj mich eemes, hievan snap ich gein bal.
Dae jong dae liektj op neemes, och dit is un raar geval.
Want.................

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

VASTELAOVESDAAG ... SJOEANSTE DAAG !
1999 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Koninklijke Harmonie Thorn

Refrein:
Va-Va-Vastelaovesdaag, det zeen de sjoeanste daag van 't jaor.
Va-Va-Va-Va Vastelaovesdaag, det zeen de aller sjoeanste daag van 't jaor, echt waor.
Noe knuiptj uch mer geröstj in 't links of rechter oear,
den is hie vast get loos bie de Geitebök van Thoear.
Dik en dun of lank en smaal, mêt veûl haor of hieël erg kaal.
Eederein haet eine wins, mêt vasteloavendtj bên ich eine angere mins.
Want:
Va-Va-Vastelaovesdaag zeen de aller aller sjoeanste daag van 't jaor,
echt waor, echt waor, de sjoeanste daag van 't jaor.

Geise mêt vakantie, en ligkse op ut strandtj,
in die bloeate velke te bakke in ut zandtj.
Zitse in un tentje, dao midden in ut bos,
begintj ut dus te raegene en bêsse weer de klos.
Gank den toch neet zumpe en kiek auch neet zoea sip.
Dink den aan de Carnaval, den kumpse oet dae dip.
Want:

Loesterdtj nao de blaoskepel, die duit zoea goot heûr bêst.
Marsj en Wals of Symfonie, 't klinktj wie 'n hieël orkest.
Saxofoon en trumke, trombon en auch trompet,
bariton en bombardon en huër die klarinet.
Meziek met vastelaovendtj, det huërtj ter echt waal bie.
Alle minse opgewektj, jao ederein is blie.
Want:

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

WAAT DACHSE ...
1989 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Koninklijke Harmonie Thorn

Wêtse, wêtse waat ich doon mêt vastelaovendtj,
wêtse, wêtse waat ich doon mêt carnaval?
Jao, den laup ich in d'n optocht mêt toet d'n aovendtj,
want nao hoes gaon doon ich neet in gein geval.

Refrein:
Want waat dachse, jao waat dachse,
det ich thoes bleef zitte suffe mêt die daag?
Want waat dachse, jao waat dachse,
ich doon mêt al bên ich noch mer eine blaag.

Eine daag verkleij ich mich es eine bekker,
's angerdaags doon ich mich aan es indiaan.
En wae lêtte op de tied neet en de wêkker,
al die daag mêt vastelaovendtj gaon wae d'raan.

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

WAAT EIN PLEZEER
1990 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Harmonie St. Michaël Thorn

Refrein:
Waat ein plezeer waat eine lol, wae gaon ins lekker oet dae bol.
't Is vastelaovendtj, 't is vastelaovendtj.
Waat ein plezeer waat eine lol, blief noe neet staon, wae haoje vol.
't Is vastelaovendtj, 't is vastelaovendtj.

Op vastelaovendtj eeder jaor, höb ich mien pekske altied klaor.
Mêt ein heutje en ein pruukske, en ein trumke vuër mien buukske.
Den trêk ich door de Thoearder straote , ich kan ut fieëste den neet laote.

De prins en auch de raod van êllef, die veere fieëst, det spriktj vanzelf.
Jao, det kêntj gae toch waal raoje, och den zeen die neet te haoje.
De wichter danse en ze springe, op al die leedtjes die ze zinge.

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME

WAEM DUIT TER MÊT !
1992 :Tekst & muziek: Paul Smeets
Oetveurende (*) : Kinderkoor Basisschool St. Jozef Thorn & Prinsenkapel Koninklijke Harmonie Thorn

Refrein:
Waem geit er mêt vandaag, waem duit ter mêt.
Waem springtj er mêt mich rôndtj, jao det vinj ich zoea net.
Wae danse, springe, hosse, swinge enzoeavoors,
jao, eederein hieët hiej de vastelaoves koors.

Op sjoeal dao is ut leuk dao is ut knal.
Vuëral op ooze vastelaovesbal.
De meister dae is clown, de juf is ein prinses.
Vandaag is ut groeat fieëst, nae nemes dinktj aan raekenles.

De kinjer van groep ein, twieë, drie en veer,
die gaon vuërop en höbbe veûl plezeer.
Dao achter die van vief, zês, zeve en van acht,
die gaon echt oet de bol, zêk waem haaj det van die verwachtj!

* cd 2000 : Basissjoeal Thoear - " Waat dachse ... " - LSMP2000-01

HOME PLAATSNAMENOVERZICHT HOME