HOME PLAATSNAMENOVERZICHTHOME


IK HALD VAN ZWOLLEGE
Tekst: Pieter Timmermans - melodie: "Am Rosenmontag bin ich geboren"
Oetveurende: Hoëge Noë(d)t


D'r is ôp de wèrreld niks mójjers dan geej, mien Zwollegse land, dat is alles vur meej.
't Saor en de Baobel, de Vlasmèr, de Krien, d'r is ôp de wèrreld niks mójjers te zien.

Refrein:
Ik hald van Zwollege, mien ganse lève, ik hald van Zwollege, mien lève làng.
Ik heb àn Zwollege mien hàrt gegève, en dat vergöt nie, daorvur bin ik nie bàng.

We gaon ôp vakansie nór bergen en zië, 't is d'r wel mój, màr algauw zeg ik nië.
Och, was de vakansie màr àchter de rug, dan ging ik ut lieftse nór Zwollege trug.


HOME PLAATSNAMENOVERZICHTHOME


TRUUJENLIED
Tekst: Sharon Deenen & Willie Alaerds - melodie: 'Daan gaon de lempkes aon' (Angelina)


Swollegse truuje die komme van heinde en ver.
Godganse wèek hard gewerkt, mar nou efkes nie mer.
Kiender nor schol, dan de was op d’n droad want ut weit.
Kamer gestofzuugd en boave de bedde gespreid.

Refrein:
Want op ’t Truujenbal, begint ozze carnaval.
Hier ien de kroeg, blieve weej tot mergenvroeg
Want op ’t Truujenbal, begint ozze carnaval.
Nog lang nie nor huus, want de kels blieve thuus.

Ut ganse joar wurdt d’r veul van os truuje verwacht.
Werke, d’n huushald, de kiender, ‘l amour ien de nacht.
En al die hobby’s, de vrouwenbond, zangkoer, de j.i.s..
Vanoavend, pruuf ik van de goeie sfeer, den d’r hier is.

Ziede verkoëpster of scholjuf, plukte sjampiejons,
poetsvrouw, verpleegster, kasjère, verkopte bonbons.
Hedde en kunstgebit, lèesbril of ziede al alt,
dat makt nie uut, as ge mar van gezelligheid halt.

Weej hebben op dizze oavend de kroeg vur os zelf.
Gen vrijgezellen of kels tot en uurke of twelf.
As d’r iëne per ongeluk toch binnenwipt,
dan wurdt zien slieps of ’n ander ding afgeknipt.


HOME PLAATSNAMENOVERZICHTHOME


ZIEDDE IEN ZWOLLEGE GEBAORE
Teks: Pieter Timmermans - melodie: "Schön is die Liebe im Hafen"
Oetveurende: Hoëge Noë(d)t


Refrein:
Ziedde ien Zwollege gebaore, hed ôwwe wieg daor gestaon;
Binde vur altied verlaore, wilde d'r noeits mér gaon.
Ziedde ien Zwollege gebaore, wilde d'r noeits mér weg;
Ge zied ennen Bok, ge blieft ennen bok, daor kunde niemér nève.
Ge zien ennen Bok, ge blieft ennen bok, jao vur ôw ganse lève.

't Is màr en dörpke, wurd noeit en stad, laot dat màr altied zoë blieve.
Prachtige plékskes zien d'r hier zat, kunt d'r en boek aover schrieve.


HOME PLAATSNAMENOVERZICHTHOME


ZWOLLEGE ALAAF
Tekst: Pieter Timmermans - melodie: "Denn wenn das Trömmeltje jeet"


Ieder jaor ut zelfde, iederjaor wer mis,
bin ik nie te halde, as 't vastelaovend is.
Huur ik dan dat trömke, mot ik d'r gauw hin,
Bang dat 't nie dur kan gaon as ik d'r zelf nie bin.

Refrein:
As ik dat trömmelke huur, mien kiepske uut de zàk,
want dan môt ik daor hin, en goj ik uut mien dàk.
Zwollege alaaf, alaaf, Zwollege ALAAF!

Vastelaovend is toch 't mojste ien dit land,
efkes al ôw zörrege, hiël wiet àn de kant.
Huur ik dan dat trömke, kriebele mien biën,
alle Bokke same, nè gèn man stöt alliën.


HOME PLAATSNAMENOVERZICHTHOME