HOME PLAATSNAMENOVERZICHTHOME


NOE KOOM NOA GEN DURP
2001/2002: Wäöd: ? - moezziek: ?
Gezank: Ee op Drei

Refrein:
Noe koom noa gen durp, verklei diech ens gauw.
Get sjmienk op de naas, 't gezich oes de vouw.
Vier zinge en sjpringe en drinke os ee,
en viere daan mitee.

Vier hant lang gewaat, me noe is 't zoeëwiet.
die drei daag alaaf, die zunt toch zoe gaaf.
En wenste nit wils dat u einde dra kunt,
daan witste besjlis, wo vier sjtrak zunt.

Vier laache en zinge en sjpringe os muj,
zunt gaaroets nit kood went inge os duit.
Vier maache d'r laalaa, bis rumm noa d'r sjloes.
Noe pak nog mer ee, vuur miech unne sjoes.


HOME PLAATSNAMENOVERZICHTHOME


NOE PAK MIECH DOCH ENS LEKKER VAS
2007/2008 nr.1 : Tekst: Jan Lenzen - muziek: Peter Bartholomë
Zang: D’r Prinseroad va de Woeësj-joepe

Refrein:
Noe pak mich doch ens lekker vas
En lot diech,lot diech goa
Ut is doch vasteloavend
Kom doch neëver miech sjtoa
Kenste miech waal of kenste miech nit
Doch toch mit os mit
’t leëve is doch veul tse kot
of iech diech ken of nit

Vier houde van ’t leave
En houde van de sjpas
Dat wille vier zoë houde
Dat kunt os got va pas
Mit de vasteloavend
Da bluit bij os ’t hats
Zunt da werm tse zaame
Vier zunt nit vuur de kats
Noe kom doch hei bij miech
Daan zaan iech teëge diech

Vier houde van ’t leëve
En veule os gezoonk
En kiekke noa de kloone
Gesjminkt, dea sjunne monk
Mit de vastelaovend
Os hats da kloppe deed
Kome daan i sjtiemong
Vier wisse wie dat geet
Noe kom doch hei bij miech
Daan zaan iech teëge diech


HOME PLAATSNAMENOVERZICHTHOME

D'R OBER
1989: Guus Coenen

Refrein:
Ober, gef miech noch ee beersche, ober, kiek toch nit zoeë koat,
want ut is nog nit ut letste, den veur blieve nog get doa.
Ober, gef miech noch ee beersche, ober, kiek toch nit zoeë koat.
Jong, ut is nog nit ut letste, ober, kiek toch nit zoeë koat.
Want ut is nog nit ut letste, ober, kiek toch nit zoeë koat.

Wen iech mit carnaval goa sjtappe, doeë iech gedder wieëtschaf aa,
en drink mie lekker beersche, dat doeën iech in gedder gevaal.
Mer d'r ober vingt miech lestig, want iech maach ut veul tse laat.
Mer dat ving iech gaar nit wichtig, want ut is ja carnaval.

Wen iech daan de tsiet doeën vergesse, en d'r ober rechnet aaf,
daan wil iech hem nit vergesse, want iech woar vuur hem eng kwaal.
Iech besjtel hem daan ee beersche, dat is hem daan nit egaal.
Hea drinkt dat lekker beersche, want ut is ja carnaval.


HOME PLAATSNAMENOVERZICHTHOME

ODE AAN ENGE KLOON
1989: Jo Hundscheidt
Zang (*) : De Naatsbrackeleare

Refrein:
Klone-maan, och klone-maan, vuur zooge diech toch zoeë geer.
Klone-maan, och klone-maan, doe troks hee op en neer.
Klone-maan, och klone-maan, dieng gezich vergesse vuur nit.
Klone-maan, och klone-maan, doe woas ee hieël groes lid.

Vuur houwe in Zumpelveld enne kloon der gedder enge koos.
Ut woar enne man mit humor, wat hea gedder joar bewoos.
Hea maaget sjpass vuur gedder enge, dat woar zie genoos.
Dat woar enge kloon, woamit me ummer lache koos.

In de buut woa hea der man, dea de luuj aan ut lache bringe koos.
Hea koet zoeë sjun verzelle oes ut leave van der kloon.
Toen is d'r tsiet gekoame, dat hea dat nit mieje koos.
Och luuj, wat woa dat toch enge beste kloon.

D'r Doebele Forte how in hem ee gans bezonger lid.
Hea woar der tamboermaitre, dea hool hun in het gelid.
En als die bloaze donge, daan trok hea ee gek gezich.
Hea woar vuur hun ee lid, woa men ummer va sprikt.

* cd: "De Brackeleare" - D'r babyboom


HOME PLAATSNAMENOVERZICHTHOME


OP OS VAAN SJTEET NUKS
2008/2009: Tekst: Jan Lenzen - muziek: Peter Barholomé & Jos Habets

Refrein:
Op os vaan sjteet nuks
Op os vaan sjteet nuks
Vier hant ooch ginge naam
Drum sjteet nuks op de vaan
Op os vaan sjteet nuks
Op os vaan sjteet nuks
Vier wisse ginge naam
Drum sjteet nuks op de vaan

Monde lank gedaat
’t woet zich nuks bedaat
Alle name koome langs
Hat ooch nuks gebraat
alle hillige geroche
Hant os d’r kop zerbroche
Der naam is vaan de vaan
Noe sjteet nuks op de vaan
Vier zitte mit de heng in ut haor,
Wie mot dat noe nieks jaor?

Noe is os vaan
Nog ummer oane naam
De nerve gans kapot
Genge naam sjteet d’r op
De vaan geet ummer mit
Mer de naame hant vier nit
Der naam is vaan de vaan
Noe sjteet nuks op de vaan
nieks joar kunt drop tse stjoa,
De vasteloavend bliet besjtoa


HOME PLAATSNAMENOVERZICHTHOME

D'R OPTSOCH
1991: Ut Optsochcomitee

Der Stamp eraaf, der Maat erop, der optsooch luft al richtig good.
En mit enge veste paaf, de Kloesterstroas eraaf.
En zunt vier aan de Kirch, en kiekke op de oer,
da rooffe al die luuj i koer:

Refrein:
Doa kunt der optsooch, doa kunt der optsooch,
alaaf de dikke trom, alaaf der schelleboom.
Doa kunt der optsooch, doa kunt der optsooch,
alaaf de dikke trom, alaaf der schelleboom.

De Irmstroas en de Gaas erop, de Baan eraaf, de Schilter op,
en mit der letste paaf, der Schiffelder eraaf.
Da zient vier werm oos Kirch en ooch de Kircheoer,
en op der Maat, doa zengt der ganse koer:


HOME PLAATSNAMENOVERZICHTHOME

'T OPTSOCH LEEDJE
1992: Ut Optsochcomitee

Refrein:
Oane optsoch is geng vasteloavend,
dan had de Prins och genge waan.
Oane optsoch kiest du och geng sjtimmung,
dus dooch mer mit en rof alaaf.

Enge van dis daag, dan is ut werm zoeëwiet,
dan weat zoeë langzaam dra gedaat.
Ideeë komme los en ut wead al get gebouwd,
in eng sjuur of in eng geraasj.

Trukst doe mit, alleng of in enge groeëse groep,
tse vos of op enge sjunne waan,
bei zonnesjien, mit sjnei of mit reane wear,
maach diech sjpas, ut is joa karnaval.

Der Forto geet vuurop, ze zunt i vol ornaat,
de vaan, de tröte en de dikke tsiem.
Getrokke wead, kompleet mit moeziek en fanfaar,
oad en jonk, zie roffe oes: alaaf.


HOME PLAATSNAMENOVERZICHTHOME

ÔS BLOMMEPRINSES
1991: De Piejeroos

Went wer gedder joar eng prinzes weät gezoët,
valle doezend blomme oes gen loëd,
want die blomme spreche daan vuur zieg,
want die zaage ummer: vuur wille dieg.
Went wer gedder joar eng prinzes weät gezoët,
valle doezend blomme oes gen loëd,
want die blomme spreche daan vuur zieg,
want die zaage : vuur wille dieg.

Wenn daan ooze groëse opzoog geet,
en ut op dur eege waan daan steet,
en daan ziet ut al die lu vuur zieg,
wenn die alle rofe "Allaaf" tege dieg.
Wenn daan ooze groëse opzoog geet,
en ut op dur eege waan daan steet,
en daan ziet ut al die lu vuur zieg,
wenn die rofe "Allaaf" tege dieg.

Refrein:
Kiek lu, oos prinzes, is dat geng schun blom,
die duur alle goof eng schun roë blom.
Kiek lu, oos prinzes, is dat geng schun blom,
die duur alle goof eng schun roë blom.
Die duur alle goof eng schun roë blom.


HOME PLAATSNAMENOVERZICHTHOME

OS DORP
2004/2005: Tekst: ? - muziek:
Zang: Pas Beijee

Refrein:
Vuur os ie ee dink dat tselt
Alaaf - Alaaf os Zumpelveld
Den os dorp dat deet diech bringe
Watste nurgens angesj kans vinge
Koom ins aaf en duch iins mit
Maach de sjpas in zumpelveld ins mit
Maach de sjpas in Zumpelveld ins mit

Mit vasteloavend sjtelt me zich nit aa
Me vroagt dan nit
Wat zieste oes wat haste aa
Dan weed ziech drei daag god gegeeve
Dunt vier ongeree de jpas beleeve
Vier hoade vas wie 't ummer woar
In os Zumpelveld joar noa joar

Mit vasteloavend deet gidderinge mit
Biste vreem of
Inge van os, dat vroagt me nit
Vier dunt 't fes sjun tsezame viere
Wie dat geet, dat is heij ste liere
Vier hoade vas wie 't ummer woar
In os Zimpelveld joar noa joar


HOME PLAATSNAMENOVERZICHTHOME

ÔS JOEKSKAPEL
1990: De Sjraveleare

Refrein:
Kiek ze ens goan, kiek ze ens sjtoan, ut is ôs eege joekskapel.
Zo wie bekent, ummer present, en spiele durch de ganse welt.
Kiek ze ens goan, kiek ze ens sjtoan, ut is ôs eege joekskapel.
Noen huur die bas ... die maache sjpas ... ôs joekskapel va Zumpelveld.

Ze lofe durch de sjtroasse va ôs sjun Zumpelveld.
Ze rofe dich noa boesse mit moezikaal geweld.
Ze losse kinger sjpringe en danse groeëse luuj,
os joekskapel bringt sjtimmung, joa gistere en huuj.

Wen's du ze noen huurs sjpiele, da kriebelt dich ut blot.
Zie losse leed vergeese en maache alles god.
Wea kint ut sich noen dinke, ôs dörp zonger kapel.
Dat wuur ja wie ee leave bei d'r duvel in de hel.


HOME PLAATSNAMENOVERZICHTHOME

ÔS MODDERS
1991: Marlies & John

Refrein:
Los ut zuntje vuur heur sjienge, d'r wink nit sjtel losse sjtoa,
dat de wolke en rean versjwiende, de loeët wer op kent goa.
Zet zurg en leed va murge veur heur noe aa der kank,
en gef ôs modders in 't durp in 't leave ens eng hank.

Ziet modders duks ens helle, vuur noaber, vrunk en gezin,
en ooch vuur vreejgezelle, of welt dat bei uuch nit d'rin ?
Enge laach, eng moel in ôs leave, die dinge vergit me zoeë duk.
Ôs modders tse welle geave, dat sjtuk, dat hitjst geluk.

Joa, 's naats kom iech heem van 't viere, duks lestig en ooch waal ens zaat.
De dure, die sjtunt daan op kiere, o, joa, wat han iech gemaach.
Begrip en wermte gekrege, iech veul mich der letste drek.
Eng mam mit zoeveul leefde, leef luuj, dat is tse gek.


HOME PLAATSNAMENOVERZICHTHOME

OS MODDERSJPROACH
1995: Oetveurende: Links Errum

Refrein:
Want os moddersjproach is Zumpelvelds, os moddersjproach is plat.
Dat is ee richtig dialekt, zoewie me winnig hat.
Want os moddersjproach is Zumpelvelds, os moddersjproach is plat.
Dat sjprinkt joa gedderinge mit, dea hej zieng heemet hat.
Dat sjprinkt joa gedderinge mit, dea hej zieng heemet hat.

Als klinge jong, wees iech nog got, gong vier noa de sjtad.
Der pap, de mam, der broor, der honk, ut Trees en och der Math.
Van 's murgens vrug tot 's oavends sjpie, woar iech daan der klos :
bei de mam aan de hank, ze loot miech gaar nit los.
Iech wool ut leefste vlot noa heem, woet al richtig koat,
want vaan die luuj, doa in die sjtad, versjtong iech toch gee woad.

Als winnaar van ee groes concours, krooge vier der pries.
Vier koete vietsing daag noa de weltsjtad Paries.
Doa moete vier goa zinge aan de Champs E'lysee.
Vier woare poep nerveus, houwe razel in de bee.
Mer noa der iesjte oavend moete vier op heem aa goa,
want vaan die vunnuf doezend luuj, koet ginge os versjtoa.


HOME PLAATSNAMENOVERZICHTHOME

OS TSIEM
1988: De Sjraveleare

Intro:
Woe is ze daan, woe is ze daan, woe is die groese dikke tsiem ?
Woe is dea keal noe, woe is hea hin, woe is hea hin ?
Woe is os tsiem, woe is dat dink ?

Refrein:
Doa is ze daan, doa is ze daan, doa is de groese dikke tsiem.
Noe kenne vier vuuroes, vier howe mit, vier howe mit.
schieng boem alaaf, schun wie dat klinkt.

Wea kent ze nit, wea hat ze noets gehoëd.
Dat dink, dat klinkt zoë wie dat moëd.
Al maacht ut och noch kabaal, mea daan waal muiekaal.
Ja huud doa is ... os dikke tsiem.

Mit vasteloavend veult me ziech zoë riech,
ut wead gespronge op moeziek.
Mè wilt me wieer goa, daan mot die tsiem werm sloa.
Ja huud doa is ... os dikke tsiem.

Wat is eng joekskapel noe zonger tsiem ?
Zoë wie de tant is one miem.
Och luuj, noe huud ens god, ut zit um in ut blod.
Ja huud doa is ... os dikke tsiem.


HOME PLAATSNAMENOVERZICHTHOME

OOS FES
2000/2001 nr.3 ex aequo : Wäöd: Patrick Leclaire & Maarten van der AA - moezziek: Joep van der AA
Gezank: Kruuts en Kweer

Refrein:
Ut is ee fes, ee gans groees fes vuur gidderinge, Carnaval, Carnaval is der naam.
Ja, mit dit fes ken me zinge, lache, sjpringe, Carnaval Carnaval der naam.
En mit der optsoch sjtunt de luuj ummer tse dringe en zinge en sjpringe.
In sjun kostuum sjtunt vier daan vuur uuch tse zinge, Carnaval, dat is oos fes.
Ut is ee fes, ee gans groees fes vuur gidderinge, Carnaval, Carnaval oos fes.

Ut is al ing ganse tsiet geleije, verzonne durch inge Italiaan.
Ee fes woa me ziech vuur moeet verkleije, in reije goonge me drachteraan.
Vier viere dit fes al hiel veul joare, en dunt dat mit sjpas en ooch plezeer.
Vier zinge, sjpringe, gunt da noee krauts en kweer.
Vier danse, sjanse, durch oos durpke oop en neer.

Wie geet dat wier de niechste joare, velt de carnaval nit sjtop.
Want vier, vier zunt der vuur geboare, en noa oos helt ut ooch nit oop.
De kinger moote vier dat liere, viert dit fes dan kier op kier.
Gank zinge, sjpringe, gut dan ooch krauts en kweer.
Gank danse, sjanse, durch oos durpke oop en neer.


HOME PLAATSNAMENOVERZICHTHOME

OOS ZUMPELVELD
2000/2001 nr.2 : Wäöd & moezziek: H.Kuckelkorn, L.Kleijnen & N.van Damme
Gezank: D'r Zusse Ivaal

Refrein:
Vier hant os hatz hei i Zumpelveld verlore,
't sjunste durpke op de ganse welt.
Vier hat os hatz hei a Zumpelveld gegove,
umdat 't os hei nog ummer got gevelt.

Vier hant hei de kirch, d'r kloonemaan,
en ooch de keije op d'r maat.
Dat gevelt os hei zoeë god a Zumpelveld
Drum blieve vier hei ... drum gunt vier nit voet,
want bei os i Zumpelveld, doa is 't god.

Vier kenne sjpatsere uvveraal,
vier hant ooch he d'r karnaval.
Dat gevelt os hei zoee god a Zumpelveld.
Drum blieve vier hei ... drum gunt vier nit voet,
want bei os i Zumpelveld, doa is 't god.


HOME PLAATSNAMENOVERZICHTHOME

OZZE ERME HAAN
1990: Guus Coenen

Refrein:
Tok tok tok tok tok, in ozze hondersjtaal,
kukle kukle ku, ruft ozze haan.
Tok tok tok tok tok, in ozze hondersjtaal,
kukle kukle ku, ruft ozze haan.

Vuur hant beej ôs enne hondersjtaal, dea kent zich lôsse ziege.
Der haan, dea hat ut riech vuur ziech, hea veult ziech noe gans riech.
Me duks beklaag iech doch der haan, tse zaage hat hea nuuks.
De honder lokke hem mer oes, hea is enne erme kloët.
Al veult hea ziech gans groeës, ze lokke hem oes de doeës.

Ooch mansluuj, weat doch noe ens loeës, en geleuft de vrouwluuj nit.
Ze driëne uuch mer um de vinger, verspreche der himmel op eerd.
En went ze uuch dan zowiet hant, dan deunt tse wat ze wille.
Ze zient dich da nit mieje sjtoa, went zie mer kenne goa.
Ze kakele wie in de hondersjtaal, op sjtek kies ste ze nit.
Ze wille nit noa bed, ze zunt opens wer fit.


HOME PLAATSNAMENOVERZICHTHOME

OZZE HONK
2005/2006: Tekst & muziek: Leo de Bruijn, Victor Huits & Linda Philippens
Zang: Oes inge Gekke Sjlaag

Refrein:
Ozze honk is 't ganse joar braaf
mè mit de vasteloavend bletscht hea alaaf !
Hea wil nit drinke hea wil nit ease
en 't sjpatsére dat kense och vergease
Hea wil dan sjpringe durch der zaal
WOWOWWOW mit carnaval

ozze honk is kot en nit lank
durch 't joar ligk hea mieëstal lankoes op de bank
is duks tse voel nog um tse bletsje
Zelfs 't voor dat motte vuur 'm kwetsche
mè kunt der vasteloavend in os Limburgsland
is dea gekke möp oes rand en band

Geet d'r optsoch dan sjteet hea gereed
Hat é sjun hutje op d'r kop wat 'm och noch sjteet
'T is bow nit tse geleuve
zelfs 't beer dat wilt hea dan ins preuve
Bis an der eschermitwoch holt dea möp dat vol
danst hea polonaise en rock'n rol


HOME PLAATSNAMENOVERZICHTHOME

PAK DIECH ENS BEI-EE
1992: Hub Ploum & Sjaak Hermans

Refrein:
Pak diech ens bei-ee, pak diech ens bei-ee.
Trampel durch mit miech, werp ens los dieng bee.
Pak diech ens bei-ee, pak diech ens bei-ee.
Links en reats, dus ee vuur ee.
Val nit uvver mieng vus, wie enge sjlome deus.
Joa, wie mot dat dan, dooch ens vuur.
Mer dan waal mit miech, vroag iech leef a diech.
Vier danse durch bis a gen duur.
Mer dan waal mit miech, vroag iech leef a diech.
Vier danse durch bis a gen duur.

Joa, sjanse en danse, dat doeë ich zoeë gear,
mit klone en kojbojs, luuj wat eng gouw sfeer.
Mer zieë iech diech kome, bin iech ram van sjlaag,
en danse vier ee welsche, da drieënt bei miech d'r maag.

En bin iech a danse, huur iech nit mieë op.
Iech zet da de wieëtsjaf, ee-tswei op d'r kop.
De klone en kojbojs dunt da mit miech mit,
gee miensj mieë i d'r zaal, dea op zie vutje zit.


HOME PLAATSNAMENOVERZICHTHOME

PAK OS ENS INGEN ERRUM
1990: Annie Lukassen & Aggie Sterck

Refrein:
Pak os ens ingen errum, schjoenkel ens mit os mit.
Op dat sjun melodietje bliefste jonk en ooch noch fit.
Pak os ens ingen errum, schjoenkele is doch zoë sjun.
Carnaval viere, alaaf en helau,dat schjoenkele lierste gauw.

Tango of foxtrott, dat is toch gans sjun, mer nit mit carnaval.
Danse en sjpringe, dat is ut recept, mit aaf en tsouw enge wals.

Wen tse i sjtimmung bis, geet dat gans vlot, kiech mer um diech hin.
Errum in errum, noa links en noa reats, kiest du ooch noch gow zin.


HOME PLAATSNAMENOVERZICHTHOME

D'R PAP EN DE MAM
1999: Ut Kelly & John Weerts

Refrein:
Went d'r pappa en de mamma vasteloavend viert,
jong, dan is get oes.
Wenn die zwei ziech inge drinke gunt,
is leave in de boeët.
Wenn die zwei ziech inge drinke gunt,
is leave in de boeët.

Joa, gidder joar mit vasteloavend is 't tsiet.
Da zunt vier drei daag lank os ouwesj wer 'ns kwiet.
Woa is mieng pruuk en mienge jas ?
Iech bin mieng naas wer 'ns kwiet.
Joa, gidder joar mit vasteloavend is 't tsiet.

Joa, gidder joar mit vasteloavend weëd 't laat.
Da sjtunt die zwei alling tse zinge op d'r maat.
Ee piepke hei, ee buuchsjke doa,
joa, vaan dat groeësse vaat.
Ech, gidder joar mit vasteloavend weëd 't laat.


HOME PLAATSNAMENOVERZICHTHOME

DER PAP IN DE VUT
1992: De Poete

Der Pap, dea is noe zestig, a tswei joar in de VUT.
Hea kriet ochgerm zelde mer zieng rouw.
De Mam, die deet hem jage, deet sjoebe en deet klage.
Wie lang helt ozze Pap dat noe nog vol ?
Mer ens in ut joar, dan hat hea rouw, alling mer in zieng hut.
De Mam, die viert da karnaval, hea geniet dan van de VUT.

Refrein:
Noe huut ens hei, noe huut ens hei, der Pap hat drei daag vrei.
De Mam, die maacht mit vasteloavend sjpas.
Noe huut ens hei, noe huut ens hei, der Pap hat drei daag vrei.
Der sjruber, kwispel en ut leer gunt in de kas.
Geng sjoeberei, geng klagerei,
ut leed is noe vuurbei, a de kant mit ut gerei.
Noe huut ens hei, noe huut ens hei, der Pap hat drei daag vrei.
Noe huut ens hei, noe huut ens hei, der Pap hat drei daag vrei.

Ut mondigs mot hea wesje, ut diensdigs a der sjtriech.
Ut goonstigs rolt hea bulkes va gehaks.
De Mam, die geet dek kiene, drinkt kaffie uvveral,
die helt ut ganse durp a der kaal.
Mer ens in ut joar, dan hat hea rouw, alling mer in zieng hut.
De Mam, die viert da karnaval, hea geniet dan van de VUT.

Ut donesjtigs, da weat geboend, ut vriedigs in der gaat.
Ut zamstigs holt hea tesje vol mit waar.
Ut zondigs der privesjauffeur, viert uvveral heur ronk,
ut 's oavends nog sjpasere mit der hoonk.
Mer ens in ut joar, dan hat hea rouw, alling mer in zieng hut.
De Mam, die viert da karnaval, hea geniet dan van de VUT.


HOME PLAATSNAMENOVERZICHTHOME

'T PATRONAAT
1997: Ut Kelly

Refrein:
Joa, in 't Jeugdcentrum, doa geet 't roonk,
zoeëgaar die auwe veule ziech joonk.
En sjpieëlt d'r D.J. daan eng seede,
dan danse vier mit ee.

Hei, wat gees doe mit de karnaval doeë ?
Gank doch mit miech mit, iech vrui miech ezoeë.
Mit al mieng vrung goa iech noa 't patronaat.
Doa weëd oonger os kinger gedanst en gelaacht.

Vrugger al, de mam en ooch d'r pap,
loge doa al vaan 't laache sjlap.
Woeëte doa zoeë sjtapelgek op ee,
en zunt doarum ooch hüj noch ummer bei-ee.

Dans vuur ee priesche op de moas,
da wakkelt ja de ganse Irmsjtroas.
En geëve vier ee Jeugdcentrum-sjandaal,
da fluet en kletsjt en sjpringt d'r ganse zaal.


HOME PLAATSNAMENOVERZICHTHOME

PIEËPELE IN DER BOECH
1988: Luc & Stan Bisschoff

Iech hòt van ee blòndje dat is wie de zòn,
zoeë werm en zoeë ronk wie eng lòfbalòn.
Wen vier puutsje ònger de bruk,
bin iech hielemoal vaa mie sjtuk.
Dan veul ich mich lieët wie 'n dansende veer,
en loat ich dich noeëts mieë los.
Dan druim ich gans voet wie 'n knoeveldeer,
en sjpiel ich met diech in 't bos.

Refrein:
Puutsje, dat doeë ich toch zoeë gear,
al mòt 't bei sjtorm en reanewear.
Maach mich nuks oes woa ich sjtoa of goa,
veul mich dan gòd.
Krieg dan de pieëpele in mie lief,
verkluur dan in roeëd, in blauw en gries.
Lòt mich dan goa, tot 't puutsje is gedoa.
Lòt mich dan goa, tot 't puutsje is gedoa.

En sjrik ich dan wakker en kiek ich uns roonk,
dan zieë ich mie leefste, gans sjun en gezoonk.
En sjrei wie eng frisje woeësj:
"Mie leef, wat han ich doeësj".
Ut kiek mich dan aa wie eng truie hoonk,
ich vluug dan wer nui in der brand.
Dan dreum ich wer voet en drieën in 't roonk.
Leve Hear, doe bis bedankt.


HOME PLAATSNAMENOVERZICHTHOME


PIEF PAF POEF
2006/2007: Tekst & muziek: H.van Wiggen, L.de Bruyn & V.Huits
Zang: Oes inge gekke sjlaag

Giddes joar went de vasteloavend kunt
De ajtelle vier os ummer wer de vroag
Gunt v’t noe als kloon, als dansmarie of indiaan.
Mit veare op d’r kop en piel en boag
Vier hant os noe besjloase mot der wisse
Dat vier die daag mer mit banane schjisse

Refrein:
V’r zunt tswei indiane, oef oef oef en sjisse mit banane pief paf poef
V’r danse in de rungde. Ai ai ai ai ai, noe dut mer lekker mit, dat is der letste sjrai
V’r zunt tswei indiane, oef oef oef en sjisse mit banane, pief paf poef
V’r zunt nit kling tse kriege, danse um d’r totempoal,
Joa zoe hoade vier dat drei daag vol

Sjun geschminkt joa zoe sjpringe vier errum,
nuuks is os tse gek, vur maache sjpass
V’r howwe op de trom en maache drei lank,
Sjandaal, joa v’r hoale alles oes de kas
Want vier hant besjloase, mot d’r wisse,
dat vier die daag alling mer mit banane sjisse

En went noa al dat sjpringe, d’r honger kunt,
da ease Vier banane, doavan maage vier gee punt


HOME PLAATSNAMENOVERZICHTHOME

PINNE, PINNE, PINNE !
1997: John Weerts

Refrein:
Pinne, pinne, pinne vuur de sjpas,
houw der nommer in de nommer-kas.
Want oane nommer ken ste nuuks beginne,
oane nommer kent me gaar nit pinne.
Da gunt vuur pinne in 't huusche op d'r maat,
en mit die fenninge weëd ziech sjpas gemaat.

Joa, me ken doch gaar nuuks oane geld.
Gieët ut dan nuuks angesj op dis welt ?
En wilt de karnaval nit floppe,
wat vier nuëdig hant zunt de moppe !
En is ut potmonei da werm blank,
da gunt vier pinne bei de bank !

Mit de karnaval, da trekke vier roonk,
en veule os da vrij en gezoonk.
Lieëtste doeësj, kenste mer get hosse,
aa gen tieëk sjtoa, kenste besser losse.
En is ut potmonei da werm blank,
da geet me pinne bei de bank !


HOME PLAATSNAMENOVERZICHTHOME

POES-POES-POES
2000/2001: Wäöd: Frans Stollman - moezziek: Peter Bartholome
Gezank: Radau i de Boeët - Nit Veadig

Refrein:
Poes - poes - poes, zoeë doeën iech roffe op mieng sjats.
Poes - poes - poes, zoeë rof iech ooch döks op de kats.
Poes - poes - poes, ze kunt nit ummer eëve geer.
Poes - poes - poes, doavaan krien iech 't hin en weer.
Poes - poes - poes, ze wilt nit mieë, ze deet nuuks mieë.
Poes - poes - poes, vaan diech bin iech gans hingeweer.
Poes - poes - poes, ze wilt nit mieë, ze deet nuuks mieë.
Poes - poes - poes, zuk diech m'r inne angere heer.

Me had zoeë vaan die deere, lofe durch gen hoes,
die hant döks zoeng manere, dat kunt nit ummer oes.
Me broecht ze nit tse roffe, den oere zunt nit doa.
Wents doe get mos kriege, zunt zie nit mieë doa.
Vaan dat deer bin iech d'r sjlaaf, Alaaf, iech bin d'r noen vaan-aaf.

Zoeë is dat bij de deere, zoeë is dat bij de luj.
Me mos ziech darve were, op d'r daag vaan huj.
D'r maan ruft op zie vräuwsje, ooch went ze hem nit hüet,
mot heë alwerm get kriege, daan is zie oes de buurt,
Vaan dat deer bin iech d'r sjlaaf, Alaaf, iech bin d'r werm vaan-aaf.

* cd 2000: "Parkstad Alaaf"


HOME PLAATSNAMENOVERZICHTHOME

POETTES IN DE PAN
2004/2005 nr.1 : Tekst: Jan Lenzen - muziek: Peter Bartolome
Zank: de Bokseboam

Refrein:
Eng pan mit poettes
Doe gekke toeppes
Eas mit vasteloavend got
Angesj vealste op de vot
Eng pan mit poettes
Doe gekke toeppes
En wen iech honger han
Poettes in de pan

is de vasteloavend doa
Welle vier da werm goa
Drei daag aan 't boemelle
't giët ziech nuks tse foemelle
ee deel noets vergeasse
datste veul mots easse
da gunt vier noa de mam
die huit os Poettes in de pan

Drei daag veulle vier os got
Vasteloavend in 't blot
Joa van al dat boemelle
Eng vunf in de kloemelle
Vier zunt get vergeasse
Hant nog nuks gegeasse
Da gunt vier noa de mam
Die huit os Poettes in de pan


HOME PLAATSNAMENOVERZICHTHOME

PRINS HAGELSTEE
2003/2004: Tekst & muziek: De Naatsbrackeleare
Zang: De Naatsbrackeleare

Same sjtunt vuur a gen tiek en vroage os da aaf
Zouw hea hij nog koome en sjtopt dan het kabaal
Opens doa geet de duur noe op, de moeziek velt gans sjtil
Doa sjteet da oze superstar midde in der zaal
Prins Hagelstee is wer op de bee
En maat het ganse durp mit zieng fratse durchee

Refrein:
Doa kunt hea erin mit drei veere dreen
Op die wiese prinsekap en hea hat wer zeen dreen
Al lup hea och get mank en dat al joare lank
Hea geet nog nit noa heem vuurdat hea alles hat bedankt
Prins hagelstee is wer op de bee
En maat het ganse durp mit zieng fratse durchee

In het weitje bei der sjtaal, doa hool hea ing fazant
Sjloog doa toen der bliksem in en sjtong der kroam i brand
Als souvenir noe van dat deer hat hea noe nog ing veer
Noe hingt dea mennes mit die veer tse soppe in mie beer

Doa huit hea miech de penningjuffrouw mit der scepter neer
Doa vluut ooch noch der ober en geet ooch wer ut beer
Hea is wel nit der echte en zal het ooch nooit ziee
Mer hast doe hem ooit gezie, vergitst doe der hagelstee nit mie


HOME PLAATSNAMENOVERZICHTHOME


PRINSESJE FALDARAA EN PRINS BATERAAF
2006/2007: Tekst: Jan Lenzen - muziek: Peter Bartholomé
Zang: Prinsesje Faldaraa en Prins Bateraaf

Als kink doonge vier al dreume
Van de vasteloavend tsiet
’T gong os durch ‘t köpje
Woëte ‘t nit mië kwiet
Voonge ‘t idee iesj get raar
Woole ze een prinse kinger paar
Op-en sjoeël doa zunt vier braaf
Roffe daan Alaaf Alaaf

Refrein:
Iech ben ’t princesje
En heesj faldaraa
Han ’t sjunste kleedje aa
Mienge naam dea is
Prins Bateraaf
Rof Alaaf Alaaf Alaaf
Vier dunt danse
En vier sjpringe
Maache sjpas
En dunt och zinge
Ruft der pap ’t wead noe tsiet
Me ze wille os hei nit kwiet
Vier zunt bezoonger dat is klaar
Vier zunt ’t kinger Prinsepaar

Kenne ’t nit mie losse
Wille drei daag ummer hosse
“t is graat of vier brenne
Ummer durch der zaal tse renne
Wille vasteloavend viere
Dat hoef os ginge tse liere
Op-en sjoeël doa zunt vier braaf
Roffe daan Alaaf Alaaf


HOME PLAATSNAMENOVERZICHTHOME

ENGE RICHTIGE WOEËSJ-JOEP
1993: Links Errum

Vier gunt uch get vertselle, ut is ging nostalgie.
Gidderinge wit ut, ut rammelt diech de prie.
Vasteloavend viere kent me uvveraal,
mer ut aller-sjunste op os auw-wieverbal.

Refrein:
Iech wil mit vasteloavend inge Woeësj-Joep zië.
Dan bin iech al tse vreije, en hof dan och nit mië.
Iech bin al uvveraal gewea, han de ganse welt gezië.
Mer iech wil mit vasteloavend inge Woeësj-Joep zië.
Mer iech wil mit vasteloavend inge richtige Woeësj-Joep zië.

En bis doe hei geboore, dan haste ut in ut blot.
Vierst doe vasteloavend, dan wits doe wie dat mot.
Kroogs als klenge baby dat al bijgebraat.
Same mit dieng auwesj, sjunkele op der maat.

Op de liëger sjoeël al, gidder koeët ut ziengt.
Sjrake, dea woeët sjriener, ut Elske woeët begieng.
Pietje gong sjtudere, hea woeët advocaat.
Mer mit vasteloavend zunt zie hei wer paraat.


HOME PLAATSNAMENOVERZICHTHOME

ROEËZE OES ZUMPELVELD
1996: Gerda Conraads

Refrein:
Zumpelveld, doe bis mieng roeës, veul miech heem i dienge sjoeës.
Hei, woa iech geboare bin, alles han noa mienge zin.
Zumpelveld, doe bis mieng roeës, veul miech heem i dienge sjoeës.
Hei han iech mieng vruit gehad, doe bis mieng hemaat-sjtad.

Went me langs de gades geet, en me ziet wat doa da sjteet,
ziet me al die blomme sjtoa, wilt me nit op heem aa goa.
Diech wil iech nit misse, vuur gee geld, mie sjunste Zumpelveld.

De sjunste blomme op dis welt, die bluie hei i Zumpelveld.
En wen iech noa d'r gaat i goa, dan zieë iech doa roeëze sjtoa.
Diech ken iech nit miss, vuur gee geld, mie sjunste Zumpelveld.


HOME PLAATSNAMENOVERZICHTHOME

D'R SJELLEBOOM
1996: De Sjellebeumpjes

Refrein:
Vier zunt ramenasse gek, òp d'r sjellebome sjtek.
Ja, deë geet eròp-eraaf, en vier roffe dan "Alaaf".
Vier zunt ramenasse gek, òp d'r sjellebome sjtek.
Ja, deë geet eròp-eraaf, alaaf, alaaf.

11 November vengt 't aa, mit d'r tra-la-la-la-la.
En da weëd alwerm gelaacht, weëde sjlagere gemaacht.
Mer ut mieëste zunt vier gek op d'r sjellebome sjtek.

Ja, ozze klonegroep is ee biesche enge troep.
Mer dat is gans egaal want vier maache geër sjandaal.
Mer ut mieëste zunt vier gek op d'r sjellebome sjtek.

Went vier klone trekke gunt, aa tieëk zoeë lekker sjtunt,
kunt op ens bei os op, sjleet da durch bei os d'r sjtop.
Mer ut mieëste zunt vier gek op d'r sjellebome sjtek.


HOME PLAATSNAMENOVERZICHTHOME


INGE SJLAGER VA NUKS
2006/2007: Tekst & muziek: Naatsbrackelaire
Zang: Naatsbrackelaire

Refrein:
Prakezere sjtondelank, nit geschjloffe naatelank
Hiere knarsje, hiere kraache
Mer ut kunt mer nit op gank
Uvver moeziek en gezank, nit geschjloffe naatelank
Der neue hit, ut vilt nit mit, ut LVK dat winne vuur nit
Prakezere sjtondelank, nit geschjloffe naatelank
Der neue hit, ut vilt nit mit, inge sjlager va nuks

Vieer zoote doa bijee
Woeruvver zoue vier zinge
Dat moet da da waal get zieë
Wat hat nit gidderinge
Wits doe wat viet dunt
Vier zinge uvver de koel
Kwatsch en flauwekeul
Da hot geweun de moel

Wits doe wat vuur dunt
Vuur zinge uvver de vot
Dat ving ich veul tse sjuin
En ken ich nit zoeë got
Wits doe wat vuur unt
Vuur zinge uvver der sjat
Dat zingt al gidderinge
En hant vier al gehad


HOME PLAATSNAMENOVERZICHTHOME

SJMIER, PRATSJ GET SJMIENK EN KLUUR
2010/2011 nr.1 : Tekst & muziek: Joep van der Aa
Zang: Kruuts en Kweer

Refrein:
Los noeëmergoa
Kiek miech ins sjtoa
Sjmier, pratsj get sjmienk en kluur
Wool dat iech nog tswantsigwoar
Joa, joa, joa
Los noeëmergoa
Kiek miech ins sjtoa
Sjmier, pratsj get sjmienk en kluur
Wool dat iech nog tswantsigwoar

De sjrumpels en de sjpange, joa, joa, joa
Die lottemiechzoeëhange, joa, joa, joa
Die maachemiechzoeësjöbbig
Wat mot iechnoeë toch doeë
Iechwoarzoeë geer nog fieffig, jonk en vroeë
Mer da zeatingsjtim in miech
Koomduchnoeë get goodsaadiech

De-KluureGreun Geel-en-Blauw, joa, joa, joa
Die Sjmieriechmiech dan in de vauw, joa, joa, joa
Mieë hats vingtaatsekloppe
Krienpieëpele in d’r boech
Iech bin nitmieëtsesjtoppe wees noeë wat ich mot doeë
Da pak iechmiech d’r prul bei jee
En veuliech bin wer op de bee


HOME PLAATSNAMENOVERZICHTHOME

SJNIEDERE MAACH OS D'R BOKSEBOAM
2001/2002: Wäöd: ? - moezziek: ?
Gezank: De Bokseboam

Refrein:
Sjnieder ... maach os d'r bokseboam, dunt os aa doch ginge angere kroam.
Negere, die zunt tse sjwats en nog sjwatzer is de katz.
Sjnieder ... maach os d'r bokseboam, dunt os aa doch ginge angere kroam.
Kloone, die kiekke sjeël, en chineeze zunt tse geël.

Geder joar d'r zelfde kwatsj, in 't wies of sjwatz.
Wat wead ziech aa-gedoa um oes tse kenne goa.
Joa, vier weade noch verrukt, me 't is gelukt,
en roffe daan oes enge oam: aa... d'r bokseboam.

Joa, vier hant d'r bokseboam, vergeasse al dee kroam.
Dat sjteet òs doch zoe god, hant sjtikers op de vot.
Joa, vier zunt alwerm d'r klos, die boks, die zits tse los,
en roffe daan oes enge oam: aa... d'r bokseboam.


HOME PLAATSNAMENOVERZICHTHOME

SJOENKELE OP DE WOLLEKE
1998: Gerda Conraads

Refrein:
Op de wolleke, doa weul iech ens sjoenkele.
Op de wolleke, doa weul iech ens sjtoa.
Doa boave Zumpelveld, en kieke noa os gekke welt.
Iech vloog da gouw tseruk, nao dat Zumpelvelds geluk.

Och al sjtoan iech op d'r mond, doa verveël iech miech geng sjtond.
Da goan iech sjoenkele op de moas, graat wie op gen sjtroas.
Me kiek iech daan eraaf, en huur da werm "alaaf" ...

En al dat vasteloavendswolk, wille allemoal da op die wolk.
De engelsjer zunt an 't toenkele en alles geet da sjoenkele.
Me kiek iech daan eraaf, en huur da werm "alaaf" ...


HOME PLAATSNAMENOVERZICHTHOME

SJPRINGE EN WINKE
2011/2012 nr.1 : Tekst & muziek: Huip Jaspar

Refrein:
Sjpring sjpring sjpring vier gunt noe sjpringe,
Vier gunt noe tszame lekker sjpringe
Sjpring sjpring sjpring noe mit os mit,
Van sjpringe hei doa blietste fit
Wink wink wink mit zin alle,
Ut geet hei noe lekker knalle
Wink wink wink tot in gebed,
Me wink waal noe mit os mit

Wenste ut sjpringe has gezie,
Da wils doe och ummer ummer mie
Dan kien iech ut werm en kien iech ut werm koad
Um tse sjpringe biste noets tse oad

Noe wink en lot noe ens got goa
Wink wink wink en goat noe alle stoa
Gidderinge winkt mit os hei hen en weer
En sjpring gelieg in de moas op en neer


HOME PLAATSNAMENOVERZICHTHOME

'T SJTAMKAFEE
1995: Op gen Sjloebe

Refrein:
Gees-te mit os mit noa ‘t sjtamkafee,
hei, hei, hei, doa is get lòs,
doa hengt eng sjtimmung, die is OK.
Gees-te mit os mit noa ‘t sjtamkafee,
hei, hei, hei, doa drieënt me moeziek
vaan eng karnavals-CD.

Leufs-te s‘oavends op gen sjtroas, geng hòn mieë a gen duur.
Bis diech aa ‘t bedinke, woa ‘t noe gemuutlich wuur.
D'r ganse daag gewirkt, mit d'r sjwees op genne kop,
da wil-se waal ee beer mit zoeë voäl sjoem d'r boavenòp.

‘t Is al sjpieë, ‘n oer of drei, d'r blauwe kunt ereen,
deë zeët: Hei, zet die moeziek aaf en luuj, gut noe noa heem !
Sjtel diech nit zoeë aa, maan, drink diech enge mit os mit,
da drieënt der Willy Deejee ozze nuie vasteloavends-hit.

Tsiet dat-se op heem aa gees, de vrouw, die hat gebeld,
en der wieët deë hat ziech alle geld al noagetseld.
Vier dunt os ozze jas werm aa, en wunsje os geluk.
Zient vier os de nieëgste weëch hei i gen wieëtsjaf werm tseruk.


HOME PLAATSNAMENOVERZICHTHOME

SJTIEMOENG I ZUMPELVELD
1998: Poetes & Balkebrei

Refrein:
Vier maache sjtiemoeng i Zumpelveld, dat is wat os gevelt.
Is hei urgens get tse doeë, da gunt vier geër d'r hen.
Vier maache sjtiemoeng i Zumpelveld, dat is wat os gevelt.
Geet in 't leëve och get d'r neëve, koom mit noa Zumpelveld.

Haste get zeen, daa kom noe meteen, sjpatsere vier durch gen durp.
Kieke vier ens woa get is tse doeë, egaal woa dat och is.
Erm of riech, 't maacht toch nuuks oes, vier dunt aan alles mit.
"Neume en geëve, dat is 't leëve" weëd ozze nuie hit.

Is 't eng tent, eng wieëtsjaf of zaal, maache vier geër kabaal,
sjudde os geër ins ee op de lamp, blieve nit op de bank,
blient heem nit zitte, dunt geëre mit, werpe voet deë sjtres,
gunt noa gen durp, woa weëd gesjlurpt, daan zunt vier op zun best.


HOME PLAATSNAMENOVERZICHTHOME

SJUN ZUMPELVELD
Tekst: Jacques van der Heyden - melodie: "Tse vos no Kölle jon"

Wen ich 't num in mieng gedanke,
't pleatsjke, sjun doa in dat daal,
woee der kirchtoere oes kunt kieke.
Sjun Zumpelveld geet boavenaal.

De kirch sjteet gans in de midde,
en kiekt noa alle zieje oes,
bewaacht als eng leef gow modder,
sjun Zumpelveld, ja, hoes vuur hoes.

Gees doe sjpatsere durch dat pleatsjke,
va op 'n Huls bis i - ge - ne Broch,
van in der Boaks bis an der Frowein.
Sjun Zumpelveld kenste noeets genog.

En sjtank 'ns sjtil an der hoeege berreg,
vuur dat ste 't wits - has te gedaat:
Hei hat noe ozze leeve Herregot,
sjun Zumpelveld zellef gemaat.

En geder dea hei is geboare,
of hea noe errem is of riech,
dea ruft oes 't deepste van zie hats mit:
Sjun zumpelveld iech hot va diech.


HOME PLAATSNAMENOVERZICHTHOME

'T SJUNSTE DURP I LIMBURG
1988: De Drei Hoeësvrouwe

Refrein:
Vier hant ut schunste durp i Limburg,
en dat is Zumpelveld mit vasteloavend.
En ooch der Herrgot, dea ziet va boave,
dat vier i Zumpelveld zunt geboare.

Mit vasteloavend steet us ganse durp op der kop,
de luj, die vreue ziech al ganse elf mond doa op.
Der Prins, dea kiet noe drei daag laank ut reur in de heng,
en doarum zingt hea noe dat lidje mit laute stem.

Went ut januaar is, daan vingt ut langsaam aa.
Der Road vaan Elf en der Prins, die maache ziech paraat.
De zietsonge, die vange aa en enge nuie Prins kunt dra.
En ut ieschte wat hea zeat, dat is "Alaaf, alaaf, alaaf !".


HOME PLAATSNAMENOVERZICHTHOME

'T SJUNSTE FEST
2003/2004: Tekst & muziek: P. Bartholome & F. Stollman
Zang: Pas Bijee

Refrein:
Wint de glazer sjoenkele op gen dusch,
sjtund vier nit mie vas op gen vus.
Zient vier der wieët hinger de tieëk doebel sjtoa,
da is de vasteloavend bouw gedoa.

Me deet ziech duks zoee vruie, op ee fes dat koome geet.
Ziech tusche de luj tse duie is ut sjunste wat besjteet.
En treent me ziech ongeree opde sjong,
"gans egaal", zet ut meedje of der jong.

Is me dan zoe sjun bijee, dan geet de tsiet tse flot.
Me zeet gewis dan ongeree, zoene oavend is tse kot.
En huet me hei en doa ut geet nit miee,
es dat ooch gans got aan de luj tse ziee.


HOME PLAATSNAMENOVERZICHTHOME

D'R SJUNSTE LAACH
1992: De Naatsbrackeleare

Refrein:
D'r sjunste laach is enge vasteloavends laach,
dea moag nit sjtel zieë en ooch hieëlemoal nit vaag.
Joa, dea mot knalle wie eng bom, sjtroale als de zon.
Laache ens mit os mit en vergest 't leave nit.
Of dea va oad is of va jonk, lot sjtroale noe dea monk,
laach allenui ens mit os mit.

Joa, in 't leave geet veul d'r neaver,
't gieët besjtemt toch hieël veul ieëlend en veul leed.
't Liebe geld, sjtriet in de weld,
me vroagt ziech aaf, woarum gee miensj doa get a deet.
Mer pas noe op, get gieëft os mot.
D'r is noe ee dink, wat os helt nog got i trit.
Dat is dea laach, dea klonelaach.
Ja, went dea laach, da deet gedderenge mit.

Iech woar op vakans, in de Provoas.
Iech zoot doa an 't sjtrand, 't woar doa zicher 40 grade.
Doa sjtong ee meadje, jong, wat ee pleatje,
't hou de sjarme van ee glas pinacolade.
Mer wat 't misset, dat mot uur wisse,
't hool der monk op-ee, 't woar toch gee gezich.
Woa woar dea laach, dea sjunne laach,
dat is wie ee sjleat begeen van ee got gedich.


HOME PLAATSNAMENOVERZICHTHOME

DE SJUNSTE MEËDJES
1995: Trötekloep Huls

Refrein:
't Sjunste meëdje kriet d'r sjunste jong.
Vier vrouwluuj zunt nit dom, vier vrouwluuj zunt nit dom.
't Sjunste meëdje kriet d'r sjunste jong.
Vier vrouwluuj zunt nit dom.
Ja, die jonge kenne vier nit misse,
vier zunt de tulpe, animoene en narcisse.
Ja, die jonge kenne vier nit misse,
vier zunt de tulpe, animoene en narcisse.

Vier zunt de sjunste meëdjes van 't ganse durp,
hant ummer gowe mod en zunt ooch veul tse god.
Vier hant de sjunste jonge, allemoal i gen erm.
Vier hant 't dan nit koad, maar kriege 't dan werm.
Vier bluie dan werm op, verdrieëne heun der kop.

En bis-te da verloofd, of van de wet getrouwd,
der boel deë geet beiee, ee hoes weëd gebouwd.
Vier veule os gezoonk, 't geet os vuur der wink.
alleng al vuur de liebe, zeng-ste wie eng vink.
Vier bluie dan werm op, verdrieëne heun d'r kop.


HOME PLAATSNAMENOVERZICHTHOME

SJUP-GEK
1993: Ut Ester

Op karnaval vreuj iech miech ee gans joar,
dat is de sjunste tsiet.
Der kloon oes de kas en aa gedoa,
dat is vuur miech ut sjunste vaan ut joar.

Ut leave is kot, drum leaf ut mer got,
en maach diech mer veul sjpas.
Mer zet ut versjtand op dreimoal neul,
want die daag maache vier mer flauwekeul.

Refrein:
Sjup, sjupgek dat motste zieë.
Sjup, sjupgek en nog veul mieë.
Maach veul sjpas en drink noch ee,
ut is noch vreug eant doe hofs noch nit noa heem.


HOME PLAATSNAMENOVERZICHTHOME

SJWEES LANGS D'R RUK
1999/2000: Tekst & muziek: Huip Jaspar
Gezank: Links Errum

Refrein:
Miech leuft d'r sjwees langs d'r ruk, mit de carneval, doa hant vier 't druk.
Vier wille zinge, al die tsiet, m'r vier zunt ozze tekst wer kwiet.
Doarum sjtunt vier daan och hei, d'r enge sjteet d'r angere bei.
Vier zinge noete op en aaf, vuur Zumpelveld, alaaf.

I Zumpelveld is gedder joar u groes sjlager konkoer.
Doa zinge vier da mit zing veer dat is noch genge koer.
Vier zinge uvver Zumpelveld, os Limburgs paradies.
Vier zinge uvver Zumpelveld, os Limburgs paradies.

Eng polonaise op gen sjtroas lofe vier in de moas.
De moeziek spilt d'r neutste hit en alle luj dunt mit.
Ze zinge uvver Zumpelveld, os Limburgs paradies.
Ze zinge uvver Zumpelveld, os Limburgs paradies.


HOME PLAATSNAMENOVERZICHTHOME