HOME PLAATSNAMENOVERZICHTHOME


BIE DE GEUL
Tekst & muziek: Harry Winthagen
Zang(*) : Harry Winthagen


Woa zelzaam blömkes bleuje, dao in dat vruntelèk dal.
Woa waterhoontjes sjtoeje bie 'n micro-waterval.
Dao sjteit e klein awt huuske van leim en mergelsjtein.
Dao bie dat sjmeejdiezere kruutske is mien leef en deerbaar heim.

Woa 'n helder brón óntsjpringt in 't deepste van 't dal.
Woa in d'r aovendsjemer klinkt 't leed van de nagtegal.
Dao is van gelök en vreugd d'r tied sjtil blieve sjtaon.
Dao heersj de éwige jeugd in 't sjiensel van d'r maon.

Woa sjötterieje en fanfares marsjere durg 't dal.
Woa humor en folklore dominere euveral.
Dao is 't good te woane, is 't laeven op zien bès.
Dao veul ich mich zoa gebórge wie 'ne voagel in zien nès.

Refrein:
Bie de Geul, Geul, Geul bin ich gebaore.
Bie de Geul, Geul, Geul veul ich mich heim.
Bie de Geul höb ich mien hart verlaore.
Jao bie de Geul, allein bie de Geul veul ich mich heim.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


BIE DE KLOES
Tekst & muziek: Harry Winthagen
Zang(*) : Harry Winthagen


Es ich wandel door de lingelaan,
veurbiej de meule van Kastjteel Sjaloen,
zeen ich van wiejts al de Drie Beeldjes sjtaon
en dan dink ich: "wat is dees sjtreek toch sjoan".
O wie vredig sjtruimt dao oos leef Geul
langs de weije en bösjrand bie Genhoes.
Dan bekruup mich ein mystiek geveul
es ich aankom baove bie de Kloes.

Es ich zit dao op 'n eike bank,
heel deep verzonke, wie in ene druim,
zeen ich de kloezenaersj gaon al ewe lank
in d'r sjeeëm van de beukebuim.
O wie hemelsj is dao toch die sfeer
en wie zuver klink d'r voagelzank.
Daorom maak ich nog waal doezend keer
nao de Kloes d'r Sjaelsbergergank.

Refrein:
Dao bie de Kloes, dao baoven op d'r Sjaelsberg
heersj nog die sfeer van rös en romantiek.
Jao bie de Kloes, dao baoven op d'r Sjaelsberg
zint de natuur en 't landsjap zo uniek.
Wat kin ich dao mit volle teug genete
van alle prach en sjoanheid van dees sjtreek.
Dao bie de Kloes, dao baoven op d'r Sjaelsberg
veul ich mich bliej, tevreje en heel riek

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


BIEJ OES DAO SJTRUIMP DE GEUL
(In Sjin dao sjtruimp de Geul)
Teks: ? - meziek: ?


Refrein:
Biej oes dao sjtruimp de Geul, woa iech miech gelökkig veul.
Dat ies 't sjoanste van Limburg: de Geul, oh jao-ao de Geul !

Langs de Geul, dao sjtaont de wieje, langs de Geul, dao sjtaont ze bie-ein.
't Liek waal of ze sjtaon te vrieje, en ze zègke ziech leef tegenein :

Héuir ins wie de veugelkes fluite, héuir ins wie de göllefkes sjlaon.
Zuug ins wie de vösjkes sjpringe, es de bleumkes wied ope goon.

Zoa ies't wie veer oes dat wunsje, zoa ies't wie 't Geuldal moet zeen.
Daorum kint geer uusch waal dinke, geine geit gaer hie van oes heen.


HOME PLAATSNAMENOVERZICHTHOME


BIE ÓS IN LIMBURG
Tekst & muziek: Harry Winthagen
Zang(*) : Harry Winthagen


Ich bin zenger oet oos limburgs land.
Ich hawt zoa gaer oos volkskultuur in sjtand.
Op jeker fiës bin ich van de partie.
Ich zing dan dao mien sjoanste melodie.

Ich bin zenger van 't limburgs leed.
Ich zing zoa gaer want sjoaners is d'r neet.
Op jeker fiës bin ich dan auch paraat.
Ich bring dan dao mien sjoanste serenaad.

Refrein:
Bie ós in Limburg kinste nog genete
van die auwerwètse óngedwónge sfeer.
Bie ós in Limburg kinste nog genete
van 't bourgóndies laeve op 'n fejn meneer.
Bie ós in Limburg kinste nog genete
van d'r humor, van gezang en van plezeer.
Bie ós in Limburg kinste nog genete
van 'n aelske, van d'r wien en van 't beer.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


´T BROEN KAFEEKE
Tekst & muziek: Harry Winthagen
Zang(*) : Harry Winthagen


's-Zóndes 'sjmörges nao de Hoëmes kóm ich mit mien vrung biejein.
Want veer weite woa 't good is: in 't kafeeke aan 't plein.
Jao dan drinke veer e pilske same mit d'r kastelein.
Ónger 't toepe en koajónge rope veer: "ober gaef ós ein"!

Is 't kirmes in oos dörpke, trèkke veer mit de groate broonk.
En daonao in dat broen kafeeke tref zich dan weer awt en joonk.
Jao dan drinke veer 'n aelske, want dat vinge veer gezónd.
't Orkes sjpeelt e flot welske en veer danse vroalek rónd.

Refrein:
In dat broen, broen, broen kafeeke vergaet ich al mien zörg en leid.
Jao in dat broen, broen,broen kafeeke ving ich de gezelligheid.
In dat broen, broen, broen kafeeke bin ich noats, nae noats allein.
Want in dat broen, broen, broen kafeeke bin ich vrund mit ederein.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


KARNEVAL IN 'T RATTERIEK
Teks & meziek: Maria Dirks-Ladenstein


Maonde van te veure, dan kómme ze biej-ein.
D'r President en Èlveraod, dat vinge ze waal fijn.
D'r Prins weurt dan gekaoze, d'r keuning ies hae te riek.
Hae zjweijt mèt ziene scepter euver oos Ratteriek.

Refrein:
In't Ratteriek ies karneval, dat wèt jao eederein.
In't Ratteriek ies karneval, veur oud en jonk, veur groat en klein.
In't Ratteriek ies karneval, de Geul lièt zien retsjes los.
'tIes karneval, 'ties karneval, veer make drie daag sjpas !
'tIes karneval, 'ties karneval, veer make drie daag sjpas !

Eind'lek ies 't zondeg, d'r optoch ies kompleet.
Veer trèkke door oos Sjinnerland, normaal luuj zuut me neet.
Gans Sjin ies dan verkleid, maak sjpas en gezelligheid.
De Opperrat mèt ziene raod zint de lètste in de sjtraot.

Drie daag hauwt veer vol en zeent nauweleks oos bèd.
Jao, eederein haet groate lol: d'r Sjang, d'r Nol, 't Nèt.
Dan kömp d'r Esj'legoonsdeg, de sjpas ies wèr gedoon.
Veer lègge dan oos maske aaf, probere normaal te doon.


HOME PLAATSNAMENOVERZICHTHOME


D'R EURO
Tekst & muziek: Harry Winthagen
Zang(*) : Harry Winthagen


In Frankfurt zit Wim Duisenberg op ène houp nuuj eurogeld.
Dae Wim is ène flotte vent, hat al die euro's oetgetèld.
D'r gölle weurt noe aafgesjaft en auch d'r duutsje mark.
D'r Wim reup noe oet volle kraft: d'r euro weurt hiël sjterk.

Veer reize noe nao oost en wes mit al oos blinkend eurogeld.
Veer hove g'n dollars mië op g'n tesj, in euro's weurt noe auch getèld.
En woa'ste bis auch op dees welt, op Kreta of Hawai.
In euro's weurt noe beer besjtèld, in Pisa en Sjanghai.

Refrein:
D'r euro, d'r euro, dae is jao van ós allemaol.
D'r euro, d'r euro, is helder es 't helste sjtaol.
D'r euro, d'r euro, dae gaet neet op de flesj.
Want d'r euro, d'r euro, dae rolt ós oet g'n tesj.
Jao dae rolt ós oet g'n tesj.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


GETROUWD MIT DE CARNAVAL
2001/2002: Tekst & Muziek: Huip Jaspar
Zang(*) : De Rattezengersj

Refrein:
Veer zint getrouwd mit de carnaval, de prinsse en de ouw wieverbal.
Veer zint getrouwd mit de carnaval, en men zuut os euveraal die daag.
Veer loupe daag langk achterein, en dunt al die daag neet aan de lijn.
E beerke hie ....e frietje dao, veer laote nieks miè, nieks miè sjtaon.

It waor ins mit de carnaval, toen kreeg ich sjteeke euveraal.
Mien vrouw zag toen jao taege mich, doe sjtiks teväöl in die gezich.

Ich ging toen aafvalle gans allein, en kreeg nao waeke hièl dun bein.
Mien vrouw zag toen jao taege mich, dat is jao garoets gein gezich.

* CD 2001: Diverse artiesten - "Karneval in os Mergelland 2002"


HOME PLAATSNAMENOVERZICHTHOME


'T KAERSJSJTELKE
Tekst & muziek: Harry Winthagen
Zang: Harry Winthagen


Sjtil is de nach dao in dat sjtelke.
Herderkes hauwte de wach.
Sjtil is de nach dao in dat sjtelke.
Vrede, vrede.
Sjtil is de nach dao in dat sjtelke.
't Kaersjkindje sjlumert zo zach.
Vrede (5x)

Heilige nach dao in dat sjtelke
Vrede kump euver oos land.
Heilige nach dao in dat sjtelke.
Vrede, vrede.
Heilige nach dao in dat sjtelke
't Kaersjkindje riekt os de hand.
Vrede (5x)


HOME PLAATSNAMENOVERZICHTHOME


KEUTEBERG
Tekst & muziek: Harry Winthagen
Zang(*) : Harry Winthagen


Ins trok 'ne romeinse veldheer door 't land van Rien en Maas.
In Sjin zat hae zien tent neer, woort sjnel doew hie d'r baas.
Mèh zien paerd kaom d'r Keuteberg neet op, 't bleef bie Ingwaege sjtaon.
De germane baoven op d'r top, die waore neet te versjlaon.

Ins kaom de sjpaanse furie euver 't limburgs heuvelland.
Spinola mit zien kavallerie sjtook plunderend Sjtröch in brand.
Mèh zien paerd kaom d'r Keuteberg neet op, 't bleef bie Ingwaege sjtaon.
De partizane baoven op d'r top, die waore neet te versjlaon.

Doew kaom de franse revolutie auch euver oos geuldal haer.
D'r Napoleon zat zien artillerie vlak bie Ge Panhoes neer.
Mèh zien paerd kaom d'r Keuteberg neet op, 't bleef bie Ingwaege sjtaon.
De patriotte baoven op d'r top, die waore neet te versjlaon.

Refrein:
Keuteberg, doe bis d'r keizer van 't geuldal.
Keuteberg, dien sjoanheid die gaet baovenal.
Keuteberg, sóms bis doe hel, sóms auch sjarmant.
Keuteberg, sjtielste berg van 't heuvelland (2x).
* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


KNATSJGEK
Tekst & muziek: Harry Winthagen
Zang(*) : Harry Winthagen


Es de vastelaovend kump weer korter bie,
begint hie binne get te kriebele in oos prie.
Dan haole veer alle bónte sjpöllen oet de kas
en kiek veer of daen awwen hood ós nog waal pas.
En zint de dol daag dao, dan zinge veer ós nao:

Es d'r bónte optoch trèk weer door de sjtraot,
zint veer verkleid en sjpiële op 'n groate träöt.
Dan bringe veer laeve in de ganse broewerie.
Zoa gaet veur ós de vastelaovend dan veurbie.
Veer gónt zoa drie daag door en zinge dan in koar:

Jao veer hawte dat dan zeker drie daag vol.
En veer gónt allemaol ins good oet oze bol.
Oos karneval is ène groate polonais.
Op esjlegoonsdig is 't dan weer sjoan gewaes.
Jao mit de karneval dan zinge veer euveral:

Refrein:
Wat zint veer huuj: knatsjgek. Jao veer zint huuj knatsjgek.
Veer höbben allemaol de gekkigheid te pakke.
Wat zint veer huuj: knatsjgek. Jao veer zint huuj knatsjgek.
Veer höbbe zin om mit z'n alle door te zakke.
Wat zint veer huuj: knatsjgek. Jao veer zint huuj knatsjgek.
Veer loupen allemaol mit trómme en trómpette.
Wat zint veer huuj: knatsjgek. Jao veer zint huuj knatsjgek.
Veer gónt de blome huuj ins lekker boete zette.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


MARIE MASKE
2004/2005: Tekst & muziek: Harry Winthagen
Zang: Harry Winthagen


Marie zoog op tee-vee ene plastische sjirurg,
dae maakte ene sjnee en trok de naold d'r durg.
De rumpels waore weg, verdwene waor dae zak.
De naas die sjtong gans rech, 't gezich dat zoot weer sjtrak.
Marie zag taege mich: "Ich wil e nuuj gezich,
ich mot nao dae sjirurg, angersj drieen ich hie nog durg".

Refrein:
Marie, kom doe ins hie, dan zet ich dich e maske op.
Marie, kom korter bie, dan kriegs doe ene nuuje kop.
Marie, kom doe ins hie, Kom doe ins kort bie mich.
Marie, kom korter bie, ich zet e maske op dien gezich.

Marie, vol goowe mood, ging nao 'n privekliniek.
Ze zoot onger 't blood en hauw de sjnoet zoa diek.
De rumpels waore weg, de luppe waore vol.
Meh wat 'n groate pech, de naas die sjtong gans bol.
Marie zag taege mich: "Dat is toch gein gezich,
ich wil truuk nao dae sjirurg, angersj drieen ich hie nog durg".


HOME PLAATSNAMENOVERZICHTHOME


MENNEKE IN D'R MAON
Tekst & muziek: Harry Winthagen
Zang(*) : Harry Winthagen


Ich ging ins wandele mit miene sjat in ène zoamernach.
Veer hawwen al väöl wien gehad en 't graas dat waor zoa zach.
Veer logen in d'r maonesjien en hawwen 't hiël werm.
Oos leefde die waor fel en fien dao in dae zachte berm.

Nao neuge maonde kaom ène sjproet, veer hawwen 't waal verwach.
Helaas doew waor oos leefde oet, wae haw dat oats gedach.
't Waor e menneke mit blónd haor, e kleurke wie d'r maon.
Veur hem sjtóng doew de oma klaor en ich kós heiversj gaon.

Noe is dat menneke zeventiën jaor, hat maedjes aan zien zie.
Es hae oet wandele gaet, 't is waor, bin ich hiël sjnel d'r bie.
Ich gaef dat menneke gowe raod, veural es d'r maon dan sjient.
Ich zèk dan: "jóng pas op diene zaod, veurste 't wèts maks'te 'n kind".

Refrein:
Leef menneke in d'r maon, wat höbs doe toch gedaon.
Doe höbs mien hart van sjlaag gebrach, doew in dae werme
zoamernach.
Leef menneke in d'r maon, wat höbs doe toch gedaon.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


MIT JEANETTE INTERNETTE
Tekst & muziek: Harry Winthagen
Zang(*) : Harry Winthagen


Refrein:
Hé, hé, hé, hé Jeanette, kóm mit mich internette.
Hé Jeanette, zal ich vas koffie zette.
Hé Jeanette woa zint mien sigarette.
Hé Jeanette, kóm lekker mit mich tsjette.

Ich woan same mit mien leef Jeanet in ' sjtedje op 'n leuke flet.
En oos oetzich is hie auch hiël net, mèh veer zint verleefd op internet.

's-Jmörges vreug bin ich op tied oet bèd en dan laes ich röstig de gezèt.
Óngertössje rouk ich 'n sigret en dan roop ich op mien leef Jeanet.

Op mien werk surf ich op internet, zeuk dan oet dao al van A tot Z.
Mit mien vrung weurt hiël get aafgetsjet en ich "e-mail" nao mien leef Jeanet.

's-Aoves weurt neet op d'r tied gelet, want dan zitte veer op internet.
En dan höb ich altied "dolle pret" miet mien allerleefste sjat Jeanet.

Veer zint 's-jnachs altied te laat in bèd, zitte väöl te lang op internet.
Zint veer same eindlèk oetgetsjet, zèk ich sjlaoprig taege mien Jeanet.

Refrein 2:
Hé, hé ,hé , hé Jeanette, sjei oet mit internette.
Hé Jeanette, haw op noe mit dat tsjette.
Hé Jeanette, doe sjtinks nao sigarette.
Hé Jeanette, woa zint mien sjlaoptablette.
Lalalala etc.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


MONSIEUR
Tekst & muziek: Harry Winthagen
Zang(*) : Harry Winthagen


Ich gaon ins gaere toere, dao in die sjtreek van Voere.
Dao is 't laeve sjoan, dao is 't laeve good.
Gao mit d'r diligence, d'r voorman is ène welsje.
Veurop twië vètte knolle; heur mich dao frans ins moelle.

Veer rieje dan nao Teuve, dao gónt veer bere preuve.
Dao is 't laeve sjoan, dao is 't laeve good.
Jao bie de Moder Gans, dao griep ich dan mien kans.
Want al die belsje bere wil ich dao oetprobere.

Jao in die sjtreek van Voere dao woane hiël väöl boere.
Dao is 't laeve sjoan, dao is 't laeve good.
Dao heurste aende kwake en kinste noate krake.
En van dae sjtinke kiës aet ich dao wie 'n biës.

Refrein 1:
Monsieur, monsieur, geer sjpraekt hie mit Mathieu.
Monsieur, monsieur maog ich e peu de feu.
Monsieur, monsieur, dae hónd van uch hat vleu.
Monsieur, monsieur, dat ving ich toch waal sjneu.
Allez hop, holahop.

Refrein 2:
Monsieur, monsieur, geer sjpraekt hie mit Mathieu.
Monsieur, monsieur, e beerke oet Val Dieu,
Monsieur, monsieur, dae hónd van uch hat vleu.
Monsieur, monsieur, dat ving ich toch waal sjneu.
Allez hop, holahop.

Refrein 3:
Monsieur, monsieur, geer sjpraekt hie mit Mathieu.
Monsieur, monsieur, maog ich e kiëske bleu.
Monsieur, monsieur, dae hónd van uch hat vleu.
Monsieur, monsieur, dat ving ich toch waal sjneu.
Allez hop, holahop.

Refrein 4:
Monsieur, monsieur, geer sjpraekt hie mit Mathieu.
Monsieur, monsieur, dae hónd van uch hat vleu.
Monsieur, monsieur, dat ving ich toch waal sjneu.
Monsieur, monsieur, noe zèk ich uch .....adieu, adieu.
Allez hop, holahop. Juuj, juuj, juuuuuj.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


PLÖK D'R DAAG
Tekst & muziek: Harry Winthagen
Zang(*) : Harry Winthagen


Refrein:
't Laeve is zoa sjoan, väöl te sjoan, väöl te sjoan.
Jao, 't laeve is zoa fejn, väöl te fejn om waor te zeejn.

Plök d'r daag, sjtap oet bèd mit 'ne lach.
Zèt dien zörgen opzie, begin weer opgewekt en blie.
Plök d'r daag, sjtap oet bèd mit 'ne lach.
Jao dan veuls doe dich es 'n veugelke in mei zoa vrie.

Kop ómhoag, zèt dich sjrap wie 'ne boag.
Sjuuf probleme aan kant en num dien lot in eige hand.
Kop omhoag, zèt dich sjrap wie 'ne boag.
Jao dan veuls doe dich es d'r sjterkste man van gans 't land.

Lalala, lalalalalala, lalalalala-lala-lala-lala-lala.
Plök d'r daag, sjtap oet bèd mit 'ne lach.
Zèt dien zörgen opzie, 't laeve is zoa sjnel veurbie.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


ROSALIA
Tekst & muziek: Harry Winthagen
Zang(*) : Harry Winthagen


In d'r zachte zónnesjien liek 'n dörpke o zoa fien.
Gans versjoale in 't dal, baeksjkes kabbele euveral.
In e huuske wit en sjwart klopt veur mich e maedjeshart.
Jao, dat bildsjoan limburgs kind weurt zoa gaer bemind.

In 't sjiensel van d'r maon liek dat dörpke dao zoa sjoan.
Sjtil, verlaote in de nach, ónger 'n gouwe sjterreprach.
Op dat benksjke bie de baek weurt mien hart gans werm en waek.
Want dat sjattig limburgs kind weurt zoa gaer bemind.

Refrein:
Rosalia, Rosalia, maedje oet 't heuvelland,
Maog ich vraoge óm dien hand.
Rosalia, Rosalia, maedje oet 't heuvelland.
Mien hart dat sjteit in brand.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


D'R SJTOUMTREIN
Tekst & muziek: Harry Winthagen
Zang(*) : Harry Winthagen


Refrein:
Dao kump d'r trein, dao kump d'r sjtoumtrein.
Kiek wie hae damp, heur wie hae sjtamp.
Dao kump d'r trein, dao kump d'r sjtoumtrein.
Kiek wie hae blink, heur wie hae zingk.
Tsjoek, tsjoek, tsjoek ...... tsjoeke, tsjoeke, sjoek.

Door 't heuvelland, langs kaorevelder,
riejt d'r sjtoumtrein, sóms langzaam, sóms helder.
Wiet in 't dal heurt me zien sjtampe,
zien roukpluum zuut me euveral.

Door 't mergelland, langs kirktaores,
riejt d'r sjtoumtrein van 't 's-jmörges bis 's-aoves.
Sjoan is 't geveul sjtoumtrein te rieje
van Kirkrao nao Sjin op Geul.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


TOEDELEY
Tekst & muziek: Harry Winthagen
Zang(*) : Harry Winthagen


Es kind al sjwórf ich elke daag euver sjtraot.
Mien mam mós mich zeuke, wós zich gène raod.
Ich kreeg ze gepiezeld, d'r pap waor hiël koad.
Meh ich kós 't neet helpe, 't zoot in mien blood.

Op sjoal waor 't laeve veur mich gaar gèn sjpas.
Ich bleef dan auch zitte in elke klas.
En haw ich gesjpijbeld, waor d'r meister hiël koad.
Mèh ich kós 't neet helpe, 't zoot in mien blood.

Doew mós ich gaon wirke mit twië linkse heng.
Ich kós niks prestere, kaom neet aan de geng.
Haw ich dan geboemeld, waor d'r baas weer hiël koad.
Mèh ich kós 't neet helpe, 't zoot in mien blood.

Refrein:
Ich sjwerf door de sjtraote, ich sjwerf door de sjtad.
Ich kin 't neet laote, ich waer 't neet zat.
Ich sjwerf door de bössje en euver de hei.
Toedeley, toedeley, toedeley; toedeley, toedeley, toedeley.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


VAARWEL LIMBURG
Tekst & muziek: Harry Winthagen
Zang(*) : Harry Winthagen


Refrein:
Vaarwel Limburg, vaarwel.
D'r tied vervluug zoa sjnel.
Blome verwelke, illusies vergaon.
Mien hart zal veur dich altied blieve sjlaon.

Al mót ich dich gaon verlaote, al daet mien hart noe zoan pien.
Ich zal in gedachte altied bie dich ziën.

Al sjwerf ich euver dees aarde, al bin ich wiet euver zeej.
Doe sjtiegs nog in waarde, doe reis mit mich meej.

En bin ich sjtraks in d'r hiëmel of in 't aardsparadies,
dan zing ich es ingel dees zalige wies.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


WATERRATTEMARSJ
1981: Tekst & muziek: Driek van Sjeumer
Zang 1(*) : Naovenant (Valkenburg)
Zang 2(**) : De Rattezengersj


Jao, de Waterratte viere karneval,
viere karneval, viere karneval,
Jao, de Waterratte viere karneval,
op de sjtraot, in kaffees, euveral.

Veer pakke ós biejein en viere karneval.
Gans Sjin is op de bein, ed'rein is op 't bal.
Veer danse en veer sjpringe, gónt door tot mörgevreug.
Van hosse en van zinge weurt 'n Waterrat neet meug.

D'r optoch trék wir rónd door 't Waterratteriek.
Veer make 't hiël bónt mit zank en mit meziek.
D'r prins mit ziene raod regere noe in Sjin.
Daorum bin ich neet kaod, dat ich 'n Waterrat bin.

Höb veer op esj'legoonsdig 'ne kater in d'r kop,
en zind op esj'legoonsdig de nónnevotte op,
dan kin' veer wir d'r taege, jao minstens veur e jaor.
En dan vilt auch 't laeve veur 'n Waterrat neet zjwaor.

* single 1981: Naovenant
** cd 2000: Diverse artiesten - "Karneval in os Mergelland 2001"


HOME PLAATSNAMENOVERZICHTHOME


ZING MÉR MIT OS MIT
2002/2003: Tekst: R.M.Th. Quaedvlieg - muziek: H.M. Quaedvlieg
Zang: De Rattezengersj

Refrein:
En noe allemaol opgelèt, zing mèr mit ôs mit,
veer gunt nog neet nao hoes.
Zing mèr mit ôs mit, veer gunt nog neet nao bèd,
want geine miensj is thoes.
Veer blieve lever nog get langer hiej,
en zinge mit oos ganse priej,
allemaol opgelèt, zing mèr mit ôs mit,
veer gunt nog neet nao bèd.

Doe wèts toch auch waal, lache is gezônd.
Lach dien teng 's bload, lach mit aope mônd.
Zinge, dat is hièl good veur den doorsj.
Zinge daorum mit ôs mit oet volle boorsj.

Veer hobbe ôs al dèk gesjangeneerd.
Dat is toch neet good, dat is 't neet weert.
Is 't laeve soms al ins te zjwaor,
zing daorum mit ôs mit, in e groat koar.

* cd 2002/2003 : Diverse artiesten - " Karneval in os Mergelland 5 "


HOME PLAATSNAMENOVERZICHTHOME


ZUDELEK LIMBURG
Tekst & muziek: Harry Winthagen
Zang(*) : Harry Winthagen

Refrein:
Zudelek Limburg, mien golvend heuvelland.
Zudelek Limburg, veur dich sjtaon ich in brand.
Zudelek Limburg, mien prachtig paradies.
Zudelek Limburg, veur dich zing ich dees wies.

Es 's-jmörges vreug de iësjte zónnesjtraol
door de roete van mien kamer sjient;
Vèrtèlt ze mich e wóndersjoan verhaol,
woa mien hart van lacht en grient.

Es in der sjemer voagelzang weer klink
door de louver van de noatebuim.
Es in de wei e dartel veule sjprink,
kump veur mich d'r sjoanste druim.

Es 't veurjaor sjuuf d'r winter aan d'r kant,
veul ich doezend kriebels in mien blood.
Es sjient de zón dan op 't heuvelland,
dan pas veul ich mich ech good.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME


ZUDEWIND
Tekst & muziek: Harry Winthagen
Zang(*) : Harry Winthagen


Dao op dat plein in Marbella klink de flamencomuziek.
Op dat romantische plaza zint de señora´s zo sjiek.
S´aoves klink dao d´r bolero, bolero Espagnol.
Dan veul ich mich wie ´ne torero, dao aan de Costa del Sol.

1e Refrein (2x) :
Zudewind, zachte wind,
num mich mit nao Marbella.
Zudewind, werme wind,
num mich mit nao de zón.

Dao in ´t zude van Spanje geneet ich van zón en van zee.
Mè dink ich dao aan mien sjoan ländje, dan sjterf ich bienao van heimwee.
Dan gaon ich nao Limburg verlange, nao wolke, nao buuje en wind.
Kós ich dae zudewind vange, dan vloog ich nao ´t noorde gesjwind.

2e Refrein (2x) :
Zudewind, zachte wind
num mich mit nao mien Limburg.
Zudewind, werme wind
num mich mit nao mien land.

* cd 2003: Harry Winthagen - " Harry Winthagen"


HOME PLAATSNAMENOVERZICHTHOME