HOME PLAATSNAMENOVERZICHTHOME


? (titel onbekend)
Tekst: ? - muziek: ?

Oppe kop ein gekke patsj
en de tottel flink beklatsj
mit vanalles omgeprungeld wo de prie van zungeld
Reube doon det gaer, die trékke flink van laer
Zwiere zwaaie met de träöte door de gäöte.

Wie kent titel en verdere tekst van dit liedje?


HOME PLAATSNAMENOVERZICHTHOME


ÈT IS NIX
2002/2003: Tekst & muziek: Graad (Ger Hubens en Zef (Jos Conjour)
Zang: Duo Graad en Zef Vof

Refrein:
Weer wiste neet mië wie te beginne, ôm eine sjlager te verzinne.
Waore al maonje aan 't wachte, hawwe van alles in gedachte.
Wo euver zulver dit jaor weer zènge, ooze kop dae sjtòng op sjprènge.
Och luuj dit heat toch geine zin, mesjien vilt os noe nog get in.

Graad, is de melodie al klaor?
Doe haws toch tied et ganse jaor.
Dich zeijs dat is toch zoa gefiks, mer doe höbs niks.

Zef, höbs dich diene teks al klaor?
Of kump dae auch et volgend jaor?
Doe zeivers auch get oet dae nek, doe lieks waal gek.

Höbbe veer èns èn uurke zin.
Dan vilt oos deze kwatsj weer in.
Sjrieve dat zit oos in et blood, en kump et good!!!

Refrein:
Weer wiste neet mië wie te beginne, ôm eine sjlager te verzinne.
Waore al maonje aan 't wachte, hawwe van alles in gedachte.
Wo euver zulver dit jaor weer zènge, ooze kop dae sjtòng op sjprènge.
Waor èt mer al èt volgend jaor,dae is mesjien get gawwer klaor.


HOME PLAATSNAMENOVERZICHTHOME


ICH KRETS MICH
1995/1996: Tekst & muziek: Graad (Ger Hubens en Zef (Jos Conjour)
Zang: Duo Graad en Zef Vof

Refrein:
Ich krets mich hie, Ich krets mich dao.
Ich krets mich tösje mien... batse.
En höb ich jeuk dan laot ich neet nao,
dus gaon ich door mit kratse.
En höb ich jeuk dan laot ich neet nao,
dus gaon ich door mit kratse.

Ich zaot léts bie de kapper,
nou dea keal waor gaar neet wakker.
Hea sjoor de haore oet miene nek,
Ich zei sjei-oet doe verrèkde gek.
Doe zits jao permanent,
mit dien henj deep in mien haore.
Straks bèn ich nog mer hawf geknip,
mer waal döbbel gesjaore.

De hóndj heat las van piete,
die em euver zien gans lief biete.
Dan röljs hea zich èns flink door den drek,
Ich zei sjei-oet doe verrèkde gek.
Straks höbs dich las van sjtöp,
óm van vleuë nog mer te zwiege.
Ich gaon mit dich ens lekker in bad,
dan zulver die vleuë waal kriege.

Mien vrouw is léts begónne,
ónger zoan stóm bank te zónne.
Mer wie et roajer woor al dat sjpek,
Ich zei sjei-oet doe verrèkde gek.
Doe kumps dich aan et kretse,
van dien vot tot aan dien wange.
Totdas dich euver dien ganse lief,
de velle los höbs hange.


HOME PLAATSNAMENOVERZICHTHOME


ICH MAOG WEER
1996/1997: Tekst & muziek: Graad (Ger Hubens en Zef (Jos Conjour)
Zang: Duo Graad en Zef Vof

Èt is vastelaovend, weer ein jaor veurbie.
Èt is neet te geluive ich maog weer van Marie.
Wil dit jaor weer mit doon èt geit mich noe noch good.
Vastelaovend viere zit mich in èt blood.

Refrein:
Mit vastelaovend kóm ich s'nachs pas baove water,
Mit vastelaovend höb ich drie daag eine kater.
Die daag blief ich mer raoze, weit daonao van toete noch blaoze.
Gaon ich weer trök nao mien Marie, dan zeen die daag veurbie.

Ich zei leef Marieke laot mich toch weer gaon,
Ich höb geine zin óm langs de kentj te staon.
Ich gaon mich ès efkes get drénke hie messjien,
ène auto löp auch neet zónger benzien.

Nao hiël lang gezeiver, èt waor ein hiël gevech,
Ich kreeg ze gesjoerd, mèr maochde daonao weg.
Ich kaom int cafeeke, ich waor gans boete aom,
pakde mich ein pilske vergoot de ganse kraom.


HOME PLAATSNAMENOVERZICHTHOME


KNATSJ ÓNGER MIEN PATSJ
1994/1995: Tekst & muziek: Graad (Ger Hubens en Zef (Jos Conjour)
Zang: Duo Graad en Zef Vof

Refrein:
Luuj, ich ben knatsj ónger mien patsj dat maog geer wete,
et zeen die readjes in miene kop die zeen verslete.
En mien Marie zei teage mich toen gans verleage,
et is vastelaovestied ich hawt dich noe neet teage.
Gank dich dees daag dan mer ens lekker der op oet,
get gekke kleier aan en ein gesminkde sjnoet.

Marie dat is mien meadje ze is sjtapelgek op mich,
et is ein roaze bleadje en heat ein leef gezich.
Ich maog mich noatj ens reure en mot altied mit heur mit,
ze wis al van te veure dat ich dao toch neet mit zit.

Gank nao de dokter zei Marie want ich venj dat et sjtink,
die readjes drieje neet mie good ich venj dat toch zoa link.
Ich zei Marie laot mich toch gaon ich hob noch gaar gein pien,
dan gaon ich ze ens sjmere mit ein lekker medicien.

Nao drie daag waor ich sjterves krank Marie haw heure zin,
de kop deeg pien, ich rierde en heel auch niks mie in.
De dokter kaom, hea keek nao mig en zei et lik aan et beer,
ich dach toen bie mien eige vanaovend gaon ich weer.


HOME PLAATSNAMENOVERZICHTHOME


MIT TREUT EN VÈRKESBLOAS
1978: Tekst W. Leurs & Z. Tummers - melodie "Carolientje" (Willeke Alberti)
Zang: De Reube

Refrein:
Vasteloavend, vasteloavend, mit treut en vèrkesbloas.
Vasteloavend, vasteloavend, in Obbeeg wurd geroas.

In Obbeeg viert men carnaval, mit treut of vèrkesbloas.
Get om die prie, ein masker op, zoa wurd dèn flink geroas.
In 't Reubelèndj, doa wet men waal waat vasteloavend is.
Al zeen de centen nog zoa raar, de Reub huijt op die kis.

Auch dit joar truk d'n optoch rondj, eine van het stadsformaat.
Waer make 't auch den weer bondj, gans Obbeeg is paraat.
Jonk en auwt pak zich bie-ein, en is weer sjtapelgek.
De örg, die zet men aan de kèndj, die guetj men in den drèk.

De Gemeinte heat veul cente noe, drie ton op zie gelag.
Waer höbbe gein gemeinschjapshoes, doa-op allang gewach.
Weer vroage den auch beste Frans, aan diene Wieze Road.
Geaf jonk en auwt noe toch de kans en zet ze neet op sjtroat.

Ein Reub, die klaagt en grauwelt neet, en hilt allein van sjpas.
Oos Reuberiek is pas compleet, mit eine nuuje zaal van klas.
De vereiniginge höbbe pech, ze weite neet woohaer.
De accomodatie is hiej schjlech, Gemeinte trèk van lear.


HOME PLAATSNAMENOVERZICHTHOME


MOODER AARDE
1991: Tekst & meziek: Herman Veugelers
Zang (*) : Herman Veugelers

Os mooder aarde, wets te nog, veur niks aan os gegaeve,
haet ummer oze boek gevöld mit kappesmoos en broad.
Mer noe lik ze versjangeleerd mit gif en zoere raege.
De blome, die versjlakke en de buim goan langsaam doad.
en af en toe heûr ver profete rope:
"Noe hauwt in godsnaam mit dat knoaje op".
Mer weer blieve in os chemisch pötje reure,
mit 'ne eikehoute kaeper veur de kop.

Refrein:
Sjmiet mer weg, knoaj mer raak, 't zal miene tied waal doere.
Sjmiet mer weg, knoaj mer raak, want ich wil toch ummer maer.
Sjmiet mer weg, knoaj mer raak, ze kenne mich de pôkkel sjoere.
Sjmiet mer weg, knoaj mer raak, want ich laef mer eine kaer.

Wo oait de Laura haet gerouk, zoa vlak bie Eygelshoave,
zit tonne miensjtein in de grondj en dat is nogal link.
Doa zitte aromate in, die komme langsam boave,
en load en koper, barium en nikkel, kwik en zink.
En de professer, dae haet al drop geweze:
"Die voeligheid geit vlege met de wendj.
Doa mos te veur de sjpas mer neet goan loupe.
Gein mooder moag doa sjpele mit heur kendj."

Es hie de Maas weer zakke geit, noa waeke sjnae en raege,
dan vunjste karre plestik-kroam en tempex op den diek.
Wat vreuger de revierklei woar, veur 't koare eine zaege,
dat zit noe vol cadmium en is gevaerlik sjliek.
Mer de noadklol zeen ver mörge al vergaete,
omdat zoa klökske neet aan 't trumpke blif.
En de keu mit nummerborde in de oare,
die vraete zich noe sjtief aan al dat gif.

Gehaks wurd mit sulfiet gekleurd, mer kin ich dat verdrage ?
Wat deid dae conserveringskroam noa joare in mien lief ?
Hormone in de krammenaai, mer waorom zou ich klage ?
Dat is ein zörg veur later toch es ich de kanker krieg.
Want jederein blif röstog consumere,
weer gluive de reclame op zien woord.
Weer höbbe trouwens zjwoardere probleme:
Fortuna voetbalt taege Feyenoord.

De boer, dae langsaam wakker wurd, krig noe waal in de gate,
dat allemoal dat lendjbouwgif hie oppe doer neet baat.
Mer veur de junikever en de keuniginnepage,
die maer es doezend joar hie laefde, is 't al te laat.
En dalik moag geer mich ouch goan begrave,
in sjwoar metale of in zoere grondj.
Of loat mich get proaperder cremere,
dan sjuuf ich giftig hie es vleegesj rondj.

* cd 1992 : Diverse artiesten - Milieufederatie Limburg - "LimburGreun!" - Marlstone recordings BV - CDL9242


HOME PLAATSNAMENOVERZICHTHOME


UN NUUJ GEZICH
Tekst: Herman Veugelers - muziek: ?
Zang: Onkroed vergeit neet!

Es ich jedere murge weer in de sjpeegel kiek,
dan zeen ich dat ich ummer weer op mien eige liek.
Ich ving 't hael vervaelend om zwao veur get te sjtaon,
dus hub ich mer besjlaote noa de beautyfarm te gaon.

Refrein:
Ich höb mich gesjpich op un nuuj gezich,
miene sjpeegel haet zich gistere beklaag.
Ich wil gaer uns d'roet mit n anger sjnoet,
want dae ouwe kop dae lik mich oppe maag.
Mit de wange frisj gesjmink en un naas die lekker blink.
Ich höb mich gesjpich op un nuuj gezich,
want zo'n bakkes kinse kriege op vandaag.

Marie haet las van sjproete en wilt un anger vel,
en Harie is gaer punker, de haore vol mit gel.
En may zit vol mit rumpels, de wange zonger kleur.
En ich zit mit un wipnaas, die sjteit get wiet nao veur.

En kump de vastelaovend dan maak ich mich uns knap,
ich verf mich dan de haore, gaon bontj gesjmink op sjtap.
En wae mich dan zuut loupe, dae zaet dan taege mich,
ich zoog mit vastelaovend nog nooit zo'n sjoon gezich.


HOME PLAATSNAMENOVERZICHTHOME


OBBEECH IS DE PLAATS
1976: Tekst: P.H.M. Claessen & W.H. Leurs - muziek: J.H. Feij

Tösje de Maas en de k'naal van Berg en Bor tot aan Beeg,
haël röstig, zonger kabaal, lik oos dörpke, klein mèr leef.

Refrein:
Obbeech is de plaats woo weer zeen geboare,
Obbeech is de plaats, doa geit joa gaar niks boave.
Obbeech is de plaats woo weer zeen geboare,
Obbeech is de plaats, doa geit joa gaar niks boave.

Willem, dae hie euversjtook, om zo noa Sjtokkum te goan,
dat vungste neet in ei book, mer ein sjtendbeeld kreeg hae sjtoan.

Wonjre zeen de waereld neet oet, dat wèt noe toch jederein.
In Obbeech, wet jeder poet, hiltj me wonjre op de bein.

Water, dat höb veer genog, dat is eineder bekènt.
Talriek woord beer ingekoch, daomit waere weer verwènd.

Sjpas make veer die drie daag, van sjmorges tot soaves laat.
Roaze, me neet te gejaag, hawte weer 't kaelgaat naat.


HOME PLAATSNAMENOVERZICHTHOME


DE PRÖL VAN NÖL
1998/1999: Tekst & muziek: Graad (Ger Hubens en Zef (Jos Conjour)
Zang: Duo Graad en Zef Vof

Hei graad, kiek dao!
Wea is dat?

Refrein:
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Es hie get te doon is dan löp hea veurop,
trumke veur en get op ziene kop.
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Zien trômmelvel steit bol, en Nölke maak weer lol.
En langzaam löp de zaal weer vol.
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Es hie get te doon is dan löp hea veurop,
trumke veur en get op ziene kop.
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Zien trômmelvel steit bol, en Nölke maak weer lol.
En langzaam sjleit de zaal op hol.

Mit vastelaovend zit hea neet op ziene baom.
Pak zich bie-ein mit de ganse santa kraom.
Truk dan door êt ganse dörp hearôm.
En huijt dan weer êns op zien dikke trôm.
Hea wurd daovan neet werm of kawt.
Nump êt leave mit ein körrelke zawt.
Nump êt leave mit ein körrelke zawt.

Refrein:
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Es hie get te doon is dan löp hea veurop,
trumke veur en get op ziene kop.
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Zien trômmelvel steit bol, en Nölke maak weer lol.
En langzaam löp de zaal weer vol.
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Es hie get te doon is dan löp hea veurop,
trumke veur en get op ziene kop.
Hei kiek dao kump Nölke mit zien dikke trôm,
hei kiek dao kump Nöl mit ziene pröl.
Zien trômmelvel steit bol, en Nölke maak weer lol.
En langzaam sjleit de zaal op hol.
Zien trômmelvel steit bol, en Nölke maak weer lol.
En langzaam sjleit de zaal op... hol.


HOME PLAATSNAMENOVERZICHTHOME


RAOSE IN OBBEEG
Teks: Peter Meijers e& Linda koolen - muziek: Sjeng Koolen

Refrein:
In Obbeeg in Obbeeg dao wurd get aafgeraos
In Obbeeg in Obbeeg woont geine sinterklaos
De luuj in ’t törp die make vööl sjpas
Dit jaor gaon veer oet ooze bol dus sjnap uch mer ens vas

Mit de vastelaovend geit de reub der taegenaan
Hea tóntjelt zich ein heal sjoan reubepekske aan
Hea truk dan mit plezeer, van de knaal nao de maas
En zit er einmaol aan ’t beffét dan geuf er heal vööl gaas

De reub die zit noe aan ’t beffét hea is mer gans allein
Hea dénk woo zeen die angere noe ich venj ’t mer gemein
Mer mit dat er dat dénk, dan kump ei trupke in
Die zegke jong, allei kom op veer sjödde eine in

De reub die geit noe oet de bol, hea is neet mea allein
’t kefeeke sjtruimp al lekker vol, de boet die wurt te klein
d’n eine heat ein maske op, d’n angere ein patsj
dat maak toch allemaol niks oet ’t geit zich om de kwatsj

noe wurd zoa langszaamaan ederein ’n bitje meug
’t is auch ongerhendj al in de mörge vreug
dan zeat de kastelein, jonges efkes opgelét
nog eine kear ’t refrein, en dan kwaak ’t gans beffét:


HOME PLAATSNAMENOVERZICHTHOME


REUBE: ALAAF!
2003/2004: Tekst & muziek: Graad (Ger Hubens en Zef (Jos Conjour) - muziek: Graad (Ger Hubens)
Zang: Duo Graad en Zef Vof

Refrein:
Vastelaovend in òs Reuberiek,
Is heal vööl sjpas en auch meziek.
Awt prinse sjlaon de henj inein,
En hawte vastelaovend op de bein
Dao num vèr, òs patsj veur aaf,
De Prins veurop, Reube... alaaf.

Robin, de prins van de Obbeegse jòng gaste,
Zal jeug gaon stimelere met zien groate enthoesiasme.
Mit ziene nar en road , zal hae der waal in sjlaage,
Om dèr veur te zörge dat dè jeug neet hoof te klage.
Es eederein noe mitdeit , dan zeen vèr same ein,
En zènge al-le Reu-be dit re-frein:

Jònk en auch awt gaon vastelaovend viere,
De senioreprins- zal euver de vloer zjwiere
De laeftied sjpeelt gein rol, òm zich te amezere,
Make sjpas en lol en nemes hoof zich te sjenere
Es eederein noe mitdeit , dan zeen vèr same ein,
En zènge al-le Reu-be dit re-frein:

Lei en José die gaon de kar noe trèkke,
Al waor dèr geine Reuberaod, dat koos hun niks verèkke.
Ze feaste drie daag lank, dan gaon vèr get belaeve
Vastelaovend viere jao dat is hun waal gegaeve.
Es eederein noe mitdeit , dan zeen vèr same ein,
En zènge al-le Reu-be dit re-frein:


HOME PLAATSNAMENOVERZICHTHOME


REUBE KENJER
2004/2005: Tekst: Marlies Houben - muziek: Nico Janssen
Zang: Zaate hermenie "Zou ut ooit get waere?.....Tuurlik!!"

Refrein:
De eine waor ein Zawpens,
daobiej get Sjteinder Bök,
eine Sjmautbuul, Zaeg en Laammaekers,
mer geine dae wilt trök,
eine Pottentaot, eine Nachuul, eine Pierewiet alaaf,
daobie ein bussel Reube,
dat maak de sop pas aaf...

Weer zeen noe allemaol Reube kenjer,
komme oet alle wentjstreke haer,
in dit maasdörp hub ver oos neergelaote,
daorom woone weer hiej auch zo gaer,
want...

Noe pak de buurvrouw en de buurman in den errem,
en maak ze vör dit Reubevirus werrem,
dees Reube kenjer zeen noe al besjmet,
mit dit Reubevirus es geer dat mer wet,
want...


HOME PLAATSNAMENOVERZICHTHOME


DE STAGELOUPER
Tekst & muziek: Graad (Ger Hubens en Zef (Jos Conjour)
Zang: Duo Graad en Zef Vof

Refrein:
Ich loup stage mit de vastelaovend,
Want ich weit neet wie dat allemaol wirk.
Ich loup stage mit de vastelaovend,
't geit mich good dat höb ich al gemirk.
Ich loup stage mit de vastelaovend,
Probeer 't vol te hawte al die drie dol daag.
Ich loup stage mit de vastelaovend,
Nao esjgoonsdig krieg geer mien versjlaag.

Ich bén van baove de rivier,
Mer bén nao 't zuide aafgezak.
Ich hawt van oetgaon en vertier,
Veul mich hie thoes en gans op mien gemaak.
Ein bietje meujte mit de oetsjpraok van uch taal,
Mèr mit vastelaovend is dat toch egaal.

Op mien flat woo ich noe sjtudeer,
En dénk aan de vastelaovestied.
Neet weit wie ich mich concentreer,
dae lol en sjpas waer ich noe neet mië kwiet.
Ich bén verkoch en dat haw ich neet verwach,
Vastelaovend haet mich gans in ziene mach.

Ich kaom in dit dörpke aan de maas,
terech in 't Obbeegs Reubelendj.
Et waor te gek en ich sjtông verbaas,
mien vastelaoveshart sjtông gaw in brendj.
Ich ammezeerde mich en vônj 't al te gaaf,
In mien stageplaats 't Reuberiek... Alaaf!!!


HOME PLAATSNAMENOVERZICHTHOME


STRONJT
Tekst & meziek: Herman Veugelers
Zang (*) : Herman Veugelers

't Deid mich leid, 't koalik feit, woeuver noe mien leedje geit.
Num ich neet gaer in miene mondj, 't geit drie minute euver sjtrontj.
Ich ruuk de mes en ammenjak, de verkes- en de kippekak.
De reuk dae mich dóór alles geit, mich daag en waeke begeleid.

Refrein:
Wat mot ver doon, wat mot ver doon, mit al dae stronjt van koo en hoon ?
Wo ken ver kwiet, wo ken ver kwiet, dae sjerpe zeik, dae fiene sjiet ?
Wo mot dat haer, wo mot dat haer, 't is veur te tonne gaar gein waer.
Noe zuug wie alles sjeif mesjeert, d'r is te veûl, jao, veûl te veûl geproduceerd.

't Is veur de boer auch geine lol, hae zit mit koel en kelders vol.
Hae zuut wie centimaeters dik zie lendj al volgesjete lik.
Hae zuch en zaet: " 't Is toch te erg, wat doon ver mit dae boterberg,
dae sôkker oet die sôkkerkroat, mit melk en vleisj ? Weer zeen gekloat."

Mer höb ver neet te laat bedach, dat 't boerewerk hie is verkrach ?
De driede welt krig gaar gein kans in vleisj, en melk, en boterdans.
En ziene sôkker oet 't reet verköp dae erme kloatzak neet.
Doa geine zich aan regels hilt, sjleit hie de zaak mit sjtronjt op tilt.

* cd 1992 : Diverse artiesten - Milieufederatie Limburg - "LimburGreun!" - Marlstone recordings BV - CDL9242


HOME PLAATSNAMENOVERZICHTHOME


TE GEK ÓM LOS TE LOUPE
2004/2005: Tekst: Maan Veugelers - muziek: Martin Jaspers
Zang: De sjoan sjénkskes

Dén éllefde november zag Ketrienke taege Pit:
'Dae vastelaovend vénj ich groate larie
Want optoch en verkleije is toch awwerwétse sjit,
Ich pas, ich doon neet mit aan dae bombarie
Weer gaon dit jaor op wéntjersjport, weer reize mit de trein.'
Mer Pit haw sjtil de vot in en hae kuumde dit refrein.

Refrein:
't is te gek óm los te loupe,
Óm nao dae dure wéntjersjport te gaon.
En dao vergaefs op lol te zitte houpe,
Óm daste op die latte neet kéns sjtaon.
't is te gek óm los te loupe,
Este neet van vastelaovend hils.
Want zoan plezeer kénste net koupe,
Dat krigste gans veur niks esté dat wils.

Ketrienke kaom de berg aaf en verloor 't aevewich,
De sjlalom wól verdomme weer neet lökke.
Twië énkele gebraoke en ein blötsj in 't gezich,
Noe sjravelde 't róndj mit gips en krökke.
En Pit dae dach aan Obbeech, vastelaovend en nog mie,
Hae sjödde ziene kop en zag: 'Dat is de létste kier.'

En vastelaoves-zunjig waor Ketrien en Pit weer trok,
Dén optoch sjtóng gereid óm te vertrékke.
'Miljaar Ketrien' zag Pit 'noekiek weer höbbe nog gelök,
Kóm laot ós same mit door Obbeech trékke'
Ketrien zaot in de rolsjtool en dao achter dansde Pit,
En zéngendhaere trokke ze toen mit dén optoch mit.


HOME PLAATSNAMENOVERZICHTHOME


TRUUJ
2000/2001: Tekst: Zef (Jos Conjour) - muziek: Graad (Ger Hubens)
Zang: Duo Graad en Zef Vof

Refrein:
Truuj is get kwiet, mer wèt neet waat.
Vundj ze èt neet dan kump ze nog te laat.
Wo zou èt zeen, ze is èt zat.
Ze haw et mit die daag zoa gear gehad.
Ze is get kwiet, mer wèt neet waat.
Vundj ze èt neet dan kump ze nog te laat.
Wo zou èt zeen, ze is èt zat.
Ze haw et mit die daag zoa gear gehad.

Truuj zuut et veur zich in ein waas.
Et lik toch urges in ein doas.
De henj beginne heur te jeuke
Ze is al weake aan et zeuke.
Waat is hie noe aan de henjd.
Wo is toch mien verstenjd.

Mien Truuke zaet zoa dêk vêrrek.
Ich maak mich mit die daag gans gek.
Zie zuut dat allemaol gebeure.
Ze ergert zich in alle kleure.
Waat is hie noe aan de henjd.
Wo is toch mien verstenjd.

Wie zie auch zeuk ze vundj et neet.
Dat deit haer toch zoan groat verdreet.
Mer dan, vundj zie in ein sjiek truitje.
Opêns heur eige awwe fluitje.
Ich dach die daag zeen nao de maon.
Mer ich kèn noe toch gaon.


HOME PLAATSNAMENOVERZICHTHOME


VASTELAOVEND IN ÉT REUBELENDJ
1996/1997: Tekst & muziek: Graad (Ger Hubens en Zef (Jos Conjour)
Zang: Duo Graad en Zef Vof

Refrein:
Van de Brök tot op de Kempe,
En van de maas tot aan de sjloes.
Kèn vér lekkér rempétempé,
En hawte weer hie drie daag hoes.
Door de sjtraote kènné veer weer volop raoze,
Al van wietaaf heuërste herméniekés blaoze.
Vastelaovend viere in ét Reubelendj,
Ooze Reubevreater huljt ét in dé hendj.

Éns per jaor ét is weer fiës, kóm langsaamaan op gang.
Doon ét noe get röstig aan, want drie daag is hiël lang.
Ich gaon dan dé zölder op, en sjnap mich eine hood.
Want vastelaovend viere zit mich in ét blood.

Veul ver ós gezóndj dan brunk ós geine van de wies.
Raoze róndj in ét vastelaovesparadies.
Dees traditie mót en maog toch noajts verlaore gaon.
Dat heuërt toch bie-ós zoa-es de sjterré bie dé maon.


HOME PLAATSNAMENOVERZICHTHOME