Carnavalsliedjes uit NUTH in Limburg (NL)

HOME PLAATSNAMENOVERZICHT HOME

'T ALLERLETSTE PILSKE
Tekst & muziek: Karlijn van der Graaf
Zang: Lekker Wichtig

Dit is 't allerletste pilske, zeet deh jong van mich al oere.
't Allerletste pilske, meh dat kint noch effe doere.

Ich hub 't ech gehat jong, ich wil zoë gehr noa hoes gaon.
't Wohr eh prachtig feeës, mehr noe is 't sjoen gewees.

Och, kom toch lekker jungske, dat wohr 't letste rundtje.
Kin vuur noe eindelijk goan, en de volgende, deh lieste stoan.

Refrein:
Dit is 't allerletste pilske, zeet deh jong van mich al oere.
't Allerletste pilske, meh dat kint noch effe doere.

Vuur dat veer dan eg vertrekke, hét hé zes letsten gehat.
Dat bin ich om te verrekke, want he is 't noch neet zat.

Ich ammuzeer mich lekker, het wirk mich oppe wekker.
Ich wil hie blieve slete, en doa noa noch shwarma ete.

Ich kin 't auch neet helpe, mien vrung blieve bestelle,
Ach Meadje, Poemel, Leeve, loat mich noch effe blieve.

Noch inne - Nieks doavan
Noch inne - kom toch man
Noch inne - Blief neet drale
Noch inne - veer goan betale

* cd 2001/2002 : "Van Genhil bis Laar"

HOME PLAATSNAMENOVERZICHT HOME

ALLES OPZIE
Tekst: Sjutterie de Lange Luip - muziek: Jan Pillaerds
Zang: Sjutterie De Lange Luip

Jeker jaor rond drie keuning, dan komme veer weer bie-ein.
Wat zou ut dit keer weare, dat wit van os ginein.
De eine vingt dat en d' n anger is ut al zat.

Refrein:
Alles opzie, de optoch kump der aan.
Want mit sjpass en plezeer gaon vier der taegenaan.
Want mit sjpass en plezeer gaon vier der taegenaan.

Sjir kump mit kar en latte of ut Lies mit un gordien.
Verf haol ver bie de bure, vier sjravele alles bie-ein.
Mer wie ut auch sjtubt, zoe lang es de kar mer löp.

Sjutterie of Mexicaan, dat mak toch gaar niks oet.
Es ze der mer plezeer in hubs, dan löp ut durp weer oet.

* cd 2001/2002 : "Van Genhil bis Laar"

HOME PLAATSNAMENOVERZICHT HOME

ALWEER INNE KNOEBEL
2004/2005: Tekst: Giel Tilmans - muziek: Jan Pillaerds
Zang(*): Stichting van Genhil bis Laar

Refrein:
Hoebel de boebel alweer inne Knoebel
Hoebel de boebel ut geit weer op en aaf.
Rie uver dae knoebel dan mak-se unne slaag
Gei-ste heen en weer en dreit - dich der maag
Hoebel de boebel alweer inne Knoebel
Hoebel de boebel ut geit weer op en aaf.

Wilste noa de mert mit de auto hiel schjnell
Moste de euver knoebele en die zint toch zo hel
Köps - dich doa schjlagroöm weer noa hoes hals uver kop
Kumst de heem - en is dea - dan al weer geklop

Mit de vastelaovend, - - geet het nog net good
Want - dan - zint de luuj toch um-mer te voot
Mer haste gedronken, bis op weag - hand in hand
Vils-uuver de knoebel en de kop in het verband

Os gemeinte vingt - die knoe-bele good
Foute - toegaeve zit die neet in het blood
Gemeinte loester good, - want noe is ut gedoan
Loop via die knoebele - mer noa de moan

* cd 2004/2005 : "Van Genhil bis Laar"

HOME PLAATSNAMENOVERZICHT HOME

BLIE IN DE RIE
2002/2003: Tekst: Giel Tilmans - muziek: Heinz Notermans
Zang: Handboogsjutters

Geis ze mit de auto urgens heer ?
Gank op tied, al is ut oog good weer.
Steis ze in een rie, dat mak niemes blie.
Nee, dat gief toch niemes geen plezeer.

Refrein:
Mer ins in ut jaor, zoe mit de vastelaovend,
is 't sjiek de ganse aovend.
Vier hopse en vier springe, woobie vier mit zinge,
in de rie, ja lekker springe.
Mit z'n alle achterein, dan sind vier blie.
Ja blie, zo in de rie, ja blie, zo in de rie.

Op vriedig aovend gaon vier mit de baog,
stoan in een rie te wachte tot het maog.
Spant dan ene aaf, wachs ze noch mer braaf.
Non de jeu .. noe scheet dè piell toch aaf.

Geis ze vuur een bruudje en gebak,
sjteeste in een rie mit kouwe kak.
Wach se op dien buurt, zo wie ut zich gehuurt,
dinks se, ich bin ummer weer de zak.

HOME PLAATSNAMENOVERZICHT HOME

CARIBISCH WALSEN
2000/2001: Tekst & muziek: Nuther Onkroed

Veer bringe tropical en gont noe veur uch zinge.
En jeder, der dat wilt, kint mit os sjpringe.
Veer stelle os noe veur, de naam is 'Nuther Onkroed'.
Veer make hiël veul sjpass en trikke samen d'r op oet.

Refrein (2x):
Kom op, doch mit veer gont noe lekker dansen.
Drie daag achterein gont veer Caribisch walsen.
Ich zing en sjpring, met e Nachuul wil ich sjansen.
Drie daag achterein kin veer Caribisch walsen.

De Nuther carnaval, sjteit bie os hoëg in ut vaandel.
Daorum dont veer doa aan mit omdat ut in os blood zit.
Veer sjpringe oet de band en samen gont veer hand in hand.
Veer houwe os aan de toon en blieve hie aan mit doon.

HOME PLAATSNAMENOVERZICHT HOME

DIE NONNEVOT
2004/2005: Tekst: Jan Pillaerds & Marianne van den Broek - muziek: Jan Pillaerds
Zang(*): Sjeng en Marie

Marie hat ze gebakke, d'r hink 'n dieke loch
Oere zitte sjtrikke, houw sie ze mer gekoch
D'r Sjeng dae kump 's kieke en zuut 'n mangel stoan
mit viesje nonnevotte,en Sjeng dae liet zich goan..

Refrein:
Biet in die nonnevot, biet in die nonnevot
Biet in zoeë'n lekker zeut geval
D'r beste boam vuur carnaval.
Biet in die nonnevot, biet in die nonnevot
Mer van mien nonnevot, doa bliefs ze aaf.

Biet noe toch es goot in zoeë'n lekker zeut geval
Soeker plekt dich op de schmienck 't is toch carnaval
Es ze dan mos lache, dan trikt dien gans gezich
Soeker op dien kloone naas, kom 's hie bie mich......

Dien maag begint te knorre, doe wurps 'n sjuinse blik,
mer nurges in't cafe , zuus doe 'n lekker sjtrik,
Doe zeuks noa dien Marie en wils op heim aan goan
mer zuus heur bie d'r oetgank mit 'n tuut vol sjtrikke stoan

* cd 2004/2005 : "Van Genhil bis Laar"

HOME PLAATSNAMENOVERZICHT HOME

DE DIEKE TROM
Tekst & muziek: John Schoenmakers
Zang: De Trommelaere

Wen ich goan trommele op die dikke trom,
vraog 't mich neet, mien vrouw die wit woarom.
Drink dan mien pilske en stoan dan ooch noeit dreug,
wen ich kin trommele weer ich ooch noeit meug.
Ich kin neet zitte en mot altied kinne sjpringe,
doan d'r hood op en begin dan mit te zingen.

Refrein:
Kom, kom, kom mér mit die trom,
vroag 't mich neet, mien vrouw die wit woarom.
Van groot tot kleen jekereen deet mit,
went 't mer herrie maak, 't maak neet oet womit.
Bom, bom, houw mer op die trom,
vroag 't mich neet, mien vrouw die wit woarom.
Van groot tot kleen jekereen deet mit,
went 't mer herrie maakt, 't maakt neet oet womit.

Verveelste dich iech weet ooch neet waorom,
kom bie os trommele op die dikke trom.
In 'n klein café in os dörpke gelege,
kom bie os trommele en doch neet zoe verlege.
Ich kin neet zitte en mot altied kinne springe,
doan d'r hood op en begin dan mit te zinge.

Noa drie do daag trommele en zinge,
en op d'r polonaise springen.
och leve sjchat doë wits toch waal woarom,
went ich goan trommele op die dieke trom.
Mer wenste kumps schat, kom dan neet te laat,
angesj bin ich ladder, ladder, ladder, ladderzaat.

* cd 2001/2002 : "Van Genhil bis Laar"

HOME PLAATSNAMENOVERZICHT HOME

ELSKE VAN DE BEKKER
Tekst: ? - muziek: ?
Zang: Muziekbende Eikehout

Ut Elske, ein sjoen maedje,
van Amper achtien joar,
Ut wirk bie os in de bekkerie,
En mak doa zoeveul kloar,
Alle jungskes van ut durp,
Die kriege ut toch zo heit,
Es ut kleine leve Elske de bestilling van ze deit.

Ut Elske van de bekker,
Leef luuj dat bakt ze broen,
Dat heat dich toch kadetjes,
Ach jonges die zin sjoen,
Doa stoan veur diks in rieje,
Te wachte bie deh sjat,
Want bie Elske heat nog nemes, die dinger vas gehad.

Ut wirk hie noe drie moande,
de zaak die lup wie goud,
Dat kump ech gans door ut Elske,
't leet gein jonges hertje koud,
Lup Elske door de winkel,
Is ut leuk es ut get zink,
Mer de meiste jungskes komme,
Bie Elske veur ein dink.

Ut Elske kint d'r mit lache,
Es mit her wurt gesjanst,
En zolang ut Els neet vriet,
Griep toch iekerein zien kans...

* cd 2003 : Muziekbende Eikehout "Limburg boave"

HOME PLAATSNAMENOVERZICHT HOME

GANS NUTH GEIT OET DE BOL
2002/2003: Tekst & muziek: Rinus Hermsen
Zang: Ummer te laat

Mathieu, dae reup weer paaf, kump vaan Griezegrubbe aaf.
Harie drink weer te sjnel, dae sjravelt nao Genhil.

Refrein:
Gans Nuth geit oet de bol.
Mit sambabölkes, reeterökskes maak eedrein lol.
'n Tropisch paradies, biste jonk of oud en al gries.
Gans Nuth sjeit op de kop, luuj met maskers en heudjes op.
'n Tropisch paradies, ozze burgemeister it väöl ries.

Eder jaor mit Carnaval geit ederein mit de optoch mit
Hosse, sjpringe danse zinge dan, get drinke doon zie aan et buffit.
Ramba samba tropical, dat huurste euveral.
De canaval, dè is oké, roop noe alemaol olé, José kriet häör iejste wee.

Ouch gans Nirve huirt d'r altied bie, zie drage altied hun sjteintje bie.
Van Tersjtroate tot Tervoesj, joa ederein haet dao doesj.
Jao, in Nuth elk joar mit Carnaval is ederein weer present.
Eine groate pot naat, pestoer harstikke zaat, zoe weurd 't van zelf laat.

HOME PLAATSNAMENOVERZICHT HOME

HIE BIE ÓS GEBEURD VAN ALLES
2004/2005: Tekst & muziek: Lambert Weusten
Zang(*): CV de Nachuule

Refrein:
Hie bie ós gebeurd van alles
Hie bie ós is karnaval
Héur ze zingen zuug ze sjpringe
Jao veer komme euveral
Ins per jaor geit het gebeuren
Ins per jaor dan zint veer dao
Rood geel greun zint noe de kleuren
Veer viere karnaval

Hie bie ós sjteit alles op der kop
Kiek ins good het kind neet op
En dat geuf ós goeie mood
Want noe loester mer ins good

Drie daag is bie ós der zaal te klein
En dat vinge veer waal fijn
Dao rom sjtond veer hie noe klaor
Dat gebeurd hie jeker jaor

* cd 2004/2005 : "Van Genhil bis Laar"

HOME PLAATSNAMENOVERZICHT HOME

HIP HOP HIPPIES
2002/2003: Tekst & muziek: John Schoenmakers
Zang: John en grüpke 3

Refrein:
Same mit os ut carneval viere, joa.
Same mit os ut carneval viere.
Same mit os ut carneval viere, joa.
Carneval viere maakt veul sjpass.

Es oudste hippie van de hip hop hippies,
bie de hip hop hippies van 'n meidegroep.
Gitaar, gries haor, inne hood op d'r kop,
es oudste hippie loop ich dan veurop.
Veer dunt ös hip hop pekskes aan,
jekereen lupt dan achter os aan.
Jonk en oud noe opgepast.
Veer zint de hip hop hippies van de,
hippieklas, hippieklas, hippieklas.

Es oudste hippie van de hiphophippies,
kiek heum dan zoe staon hie.
Veer hubbe mit os alle sjpas,
vier springe zie aan zie.
Veer dunt ös sjunste pekskes aon,
jekereen lupt dan achter os aan.
Jonk en oud, noe opgepast.
Veer zint de hip hop hippies van de,
hippieklas, hippieklas, hippieklas.

HOME PLAATSNAMENOVERZICHT HOME

ICH WEET WAT 'T IS
Tekst & muziek: John Schoenmakers
Zang: Kinjerkroam

Went de mam begint te sere, dan weet ich, 't geet mis.
Mit road geel greune kleure, dan weet ich wat 't is.
't Geet dan weer gebeure en mochste heur niet steure.
Mit die dol daag, dan kriste her weer neet op.

Refrein:
Want dan kump 't jeske oet 't keske, en 't breukske oet 't heukske.
Dan kumpt 't pruukske en 'n heudje op d'r kop.
Dan wurd geschminkt bie 't lêve, wat kint ze zich dan gêve.
Mit die dol daag, dan krieste her weer neet op.
Dan wurd geschminkt bie 't lêve, wat kint ze zich dan gêve.
Mit die dol daag, dan krieste her weer neet op.

Viier smiere zelf dan os bruudje en werme os de soep.
Loat de mam nog effe ligge, dalijk kumpt d'r ganse groep.
't Geet dan weer gebeure en mochste heur neet steure.
Mit die dol daag dan krieste her weer neet op.

Refrein 2x
(bie 2e kier: sloapkop sloapkop sloapkop)

* cd 2001/2002 : "Van Genhil bis Laar"

HOME PLAATSNAMENOVERZICHT HOME

D'N INGEL VAN NUTH
2002/2003: Tekst & muziek: Muziekbende Eikehout
Zang (*): Muziekbende Eikehout

Bisse in d'r cafe, en sjans doa get aaf,
doe wits waal ut moag neet, mer doe bis neet zo braaf.
Lups same noa ut getske en deis doa ins get gek.
Mer wilste goan puune, sjit dich ein doef in de nek.

Refrein:
Joa, bie ut getske aan de kirk, doa weurd de ganse nach gewirk.
Doa zwit de cupido van Nuth, zurgt de leefde weurd gestut.
Joa, bie ut getske aan de kirk, weurd de ganze nacht gewirk.
Doa sjoef ein ingelke zo hel en veurkump ut euversjpel.

Is ut een sage, w'r weiten ut neet,
of een van die verhoalen, dat diks de ronde deed.
In de drank zit d'n duvel, deh steig noa de kop.
Mer moch ut oeit verkierd goan, los ein ingel ut op.

Dus laote v'r sjanse, en drinke d'r op los.
Os kint nieks gebeure, v'r zint noeits de klos.
En geis te noa boete en geit ut dan toch es fout,
dan geufste, es ste toes kumps, toch ut dat ingelke de sjoud.

* cd 2003 : Muziekbende Eikehout "Limburg boave"

HOME PLAATSNAMENOVERZICHT HOME

IS 'T KWARTJE AL GEVALLE
Tekst: Ed Slangen - muziek: John Schoenmakers
Zang: De Valentino's

Litz koum ich thoes van mien werk, en hei ich bis wael doesch.
Schnel dousche en noa Mia aon de Kirk, veur en Pilske en get woesch.
Mer wie ich dou dan wilde betale, is dit wat Mia zeet:

Refrein:
En hubst du et al gehuurt, is 't kwartje al gevalle.
Jao, hubst du et al gehuurt, 't kwartje dat besteet neet mier.
Der is anger geld, de euro tilt, loester nou wat ich dich zik.

't Is weer zaoterdigmiddig, dus weer mit gooie moot,
gound vir nao de winkel, veur Fleisch en veur 't broot.
Mer staon ich dan mit alles aon de kassa, is dit wat 't meidje zeet:

En auch nou mit vastenovend, betaal ich anges veur mien beer.
Et is nog effe winne mit betale jekes keer.
Mer mocht gier 't dan nog neet weete, heur dan de Valentino's.

* cd 2001/2002 : "Van Genhil bis Laar"

HOME PLAATSNAMENOVERZICHT HOME

KARNAVAL VIERE
2002/2003: Tekst & muziek: Lambert Weusten
Zang: Petra & Theo

Wie ich dich dao zoeé zoog sjtaon,
jao, toen dach ich bie mien eige, dem laot ich neet gaon.
Kóm ins bie mich, dan zék ich taege dich.

Refrein:
Jao, mit dich wil ich de karnaval gaon viere.
Jao, mit dich wil ich noe drie daag sjtappe gaon.
Doe bés vuur mich de leefste sjat, dae ich oeit kós kriege.
Jao, mit dich wil ich noe drie daag sjtappe gaon.

Vier zint es vrung hie bie-ein óm de karnaval te viere.
Laot noe mer gaon, blief noe neet sjtaon, 't is nog neet gedaon.

Dalik dan is 't verbie, dan begint gewoon 't laeve.
Meh 't vollegend jaor sjtónt vier weer klaor,
mit uch hie, zie aan zie.

HOME PLAATSNAMENOVERZICHT HOME

DE KLOONEHOOD
2002/2003: Tekst: & muziek: John Schoenmakers
Zang: Neet oet Nuth

Mit dizze hood op miene kop en dizze kloon d'r boavenop.
Is dat neet top, ich kin hievan genéte.
Van al die luuj hie in d'r zaal, ooch Jan en Jo, wat zint die kaal.
Ich ving ut top mit dizze hood op miene kop.

Refrein:
Houwt dich vas, vier gunt weer get bestille.
Drie ins rond, tussen al dat bonjt.
Trik aan de bel, doch 'n rundje van dit menneke.
Spjring mer ronjd tusse al dat bonjt.

Mit dizze hood op miene kop, en dizze kloon d'r boavenop.
Is dat neet top, vier gont ut huuj weer make.
Zitte de tent weer op d'r kop, geef nog 'n beer, 't kint neet op.
Ich ving ut top mit dizze hood op miene kop.

Mit dizze hood op miene kop, en dizze kloon d'r boavenop.
Is dat neet top, om zoe ut carneval te viere ?
Danse en sjpringe in ut ronjd, make ut drie daag al te bonjt.
Ich ving ut top mit dizze hood op miene kop.

HOME PLAATSNAMENOVERZICHT HOME

KLOONEKÖPKE
2002/2003: Tekst & muziek: John Schoenmakers
Zang: Kinjerkoer van de stichting

Refrein (2x):
Upke dupke klooneköpke,
upke dupke knol.
Wenste mit os mit wils doeen,
vier sjpringe veur de lol.

De gekste kloon, dé lupt veurop, mit de sjoenste kloonekop.
Klooneköpkes trekke rond, tuschje al dat carnavalsbonjt.
Pruukske, heudje, kloonejeske, 'n dieke rooije naas.
Noa carnaval begint de vaste, noê zint vëër de baas.

Upke dupke klooneköpke,
upke dupke knol.
Doan noë allemaol mit os mit,
en spring mêr veur de lol.

HOME PLAATSNAMENOVERZICHT HOME

LEVE SJAT
2004/2005: Tekst: Rinus Hermsen - muziek: Jo Noordam

Eder jaor mit carnaval kump miene sjat weer aaf
Heat ummer zien zondigs pekske aan dat sjteit 'm toch zoa gaaf
Zien hart geit oet nao os Limburgs land,hie wilt hea noets mie weg
Ein dingk dat is zeker, miene sjat dat biste ech.

Refrein:
Leve sjat wils dich mich neet verloate,leve sjat ich houd veul van dich.
Leve sjat ich wil altied van dich haote,leve sjat sjtraolt van dien gezich.

Same nao 't auw wieverbal dao geit os hart nao oet
In polonaise door de zaal, de naas die sjtik veuroet
Meh ein dingk weit ich zeker, veer veule os hie toes
Bie os viere veer carnaval verkleid es kat en moes

Nao die daag mot hea weer truuk, mit 't kofferke in zien hand.
'T is jaomer dat 't euver is geit weer nao zien vaderland.
Meh volgend jaor dan komp hae weer dan geit 't hie weer loos
En es hea dan neet aafkump, bel ich van Gend en Loos.

* cd 2004/2005 : "Van Genhil bis Laar"

HOME PLAATSNAMENOVERZICHT HOME

LIMBO
2002/2003: Tekst: Puberale sjutterie - muziek: Jan Pillaerds
Zang: Puberale sjutterie

Dit joar geit-ut gebeure mit de carnaval.
Vier willen dan goan danse mit os allemoal.
Ut is un hiële vlotte dans, dat zuus-se zo,
want dit is wat veer dan goan doon...

Refrein:
Li-Li-Li-Lim-bo,
Ich dans mit dich de samba.
Lim-bo, ich kiek dich in de auge.
Lim-bo, vier danse wieër tot de vasteloavend is gedoan...

De päskes van dit leedje liërs-ste 1-2-3.
Du swings dan op ut samba ritme wie nog nie.
En ving ste-ut nog lestig, let dan good op,
want hie goan veer nog eine kiër...

Mit diz-ze dans steit Nuth gans op-de-kop,
want geer kint noe allemoal de Limbo-dans.
Kom op en sjnel, doog mit os mit.
Ich doon ut dich nog ein keer veur...

Lim-bo, ich kom oet Nuth dus bin ich...
Lim-bo, ich kiek dich in de auge.
Lim-bo, vier danse wieër tot de vasteloavend is gedoan...

HOME PLAATSNAMENOVERZICHT HOME

LUUJ, LOAT UCH GOAN
2002/2003: Tekst: De Schnäpkes - muziek: John Schoenmakers
Zang: De Schnäpkes

Refrein (2x):
Kom luuj, sjtoat op, noe loat uch toch ins goan.
Loap achterein en loat de pilskes mer sjtoan.
Vier gont der vuur, 't is vasteloavestied.
Es ze neet mit deis, kriegs ze sjpieet.
Kom luuj, sjtoat op, noe loat uch toch ins goan.
Loap achterein en loat de pilskes mer sjtoan.
Vier gont der vuur, 't is vasteloavestied.
En raak dien zurreg noe mer kwieet.

De carnaval, dat zit os in ut blood.
Vier wille zinge, sjpringe en os amuseere.
Drie daag veul sjpass, hoal alles oet de kas.
En jonk en oud, dat deit dan mit.
De carnaval dat is vuur jekerein.
Dat hilt de luuj ut ganse joar weer op de bein.
Vier roope same Nuth alaaf,
en loape polonaise op en aaf.

De optoch trek op zondig doer de sjtroat,
mit veul muziek, kabaal en felle bonte kleure.
Luuj langs de kant, sjpring auch ins oet de band.
En sjoenkel lekker mit os mit.
Bis ze clown, oud wief of indiaan.
Ut mak nieks oet, raap mer bie ein en trek ut aan.
Un heudje op en doe bis kloar.
Zoe kins ze goan dit vasteloaves joar.

HOME PLAATSNAMENOVERZICHT HOME

LUUJ VAN NUTH
2001/2002: Tekst: Nuther Onkroed - muziek: John Schoenmakers
Zang: Nuther Onkroed

Refrein:
Luuj van Nuth, veer loaten uch noe mitbewege.
Luuj van Nuth, blief doa noe neet stoan.
Luuj van Nuth, samen zint veer neet te stoppe.
Luuj van Nuth, veer blieve altied goan.

Veer zint Nuther Onkroed en veer neudige uch oet,
om mit os te zinge en te springe de ganse daag.
Ut Carnaval viere, dat kinste neet liere,
want dat zit us in ut blood van jongs af aan.

Es e rups geboare en noe groat gewore,
kinne veer es vlinders ozze vleugels noe oetsjloan.
Dees vleugels spreije en e jeske breije.
De sjoenste blome zeuke veer us altied oet.

Samen mit uch alle, loate veer ut knalle.
Veur en achter, links of rechts, ut maakt neet oet.
Kom en blief neet zitte, veuls dich ouch dees hitte,
dan wuerd vasteloevend enne schoëne tied.

Samen door ut lint goan, blief neet op de plaats sjtoan,
kom trik mit us door Nuth van Genhil bis Laar.
Get mier bewege, kint geer waal taege,
doarum zinge veer met ein dit refrein.

* cd 2001/2002 : "Van Genhil bis Laar"

HOME PLAATSNAMENOVERZICHT HOME

UT MASKER
2002/2003: Tekst & muziek: R. Dam
Zang: Nuther Onkroed

Refrein:
Zèt mit de Carnaval dien masker aaf, en toeën dien waor gezich.
Trèk mit ós mit doer vastelaovesland, vier houte ouch van dich.
Want vastelaoveskinger, die blieve noeïts allein,
pakke zich ummer same, jao, same óngerein.
Dus zèt noe mer dien masker aaf, en roop mit mich alaaf.

't Ganse jaor mer sjravele, vuur baas en vuur gezin.
Gein miensj is nog zich zelf, en wilt get angesj zin.
Me wurt hieël dèk gelaef, me veult zich dèk allein.
Mèh mit de vastelaovend, zinge vier dit refrein:

't Laeve is 'n opera, en ieëder sjpieëlt zien rol.
Dat kint waal effe doorgaon, mer dat hilt ginne vol.
Dan wurt 't weer ins tied om te sjtaon op twieë bein.
Dus mit de vastelaovend, dan huurse ós refrein:

HOME PLAATSNAMENOVERZICHT HOME

MIT DE KARNAVAL
2004/2005: Tekst & muziek: Lambert Weusten
Zang: De twié gewejde

Refrein:
Mit de karnaval, mit de karnaval
Dan zultse get beléve sjpringt der bók oet der sjtal
Mit de karnaval, mit de karnaval
Dan geit van al gebeure,dat zúúste euveral
Veer hübbe gein controle euver alles wat veer doon
Veer zinge, sjpringe, lache, danse, laote ós noe gaon
Mit de karnaval, mit de karnaval
Dan geit van al gebeure, doe zuus het euveral.

Mit al die fíësdaag in het jaor
Is waal leuk, jao dat is waor
Mër mit de karnaval bie ös
Göëje veer de remme lös

En mit de Paòsje `e graòt ei
Mit de pinkstere der mei
Mer mit de karnaval doon ich
Weer get sjmink op mien gezich

* cd 2004/2005 : "Van Genhil bis Laar"

HOME PLAATSNAMENOVERZICHT HOME

MIT VASTELAOVEND WIL ICH ALLES GEAVE
2004/2005: Tekst & muziek: Lambert Weusten
Zang (*): Nicolle en Lambert

Refrein:
Mit Vastelaovend wil ich alles geave
Dat is het sjoenste wat het geuf hie in mien laeve
Mit vasteloavend bin ich gans verlaore
Dao kin ich nieks aan daon dao bin ich mit gebaore

En is het dan weer zoe wied
Kump veur mich dér sjoenste tied
Het kint dan gaar neet op
Krieg dér kolder in dér kop

En is het dan weer gedaon
Veul ich mich weer gans voldaon
Al vilt het mich auch zjwaor
Wach ich weer tot volgend jaor

* cd 2004/2005 : "Van Genhil bis Laar"

HOME PLAATSNAMENOVERZICHT HOME

NOG NEET NOA HOES
2002: Tekst: Muziekbende Eikehout - muziek: Patrick Deuzings
Zang (*): Muziekbende Eikehout

De kearsdaag woare nog mer net veurbie,
toen kreeg ich al de kriebels in mien priej.
Ich hub mich toen de sjtupjas mer gepak,
en stiekum doa un pekske van gemak.
De ierste kier woar 't Auw Wieverbal,
veur mich begos toen echt de carnaval.
Ich sjprong en zong ut oet van gelök.
Mienne sjat vroag toen: 'Zig geis ze mit mich t'ruk..'

Refrein:
Ich wil nog lange neet noa hoes toe goan,
zoelang de luuj hie op de toafels sjtoan.
In sjloape hub ich gaaroets geine zin,
dus roop d'n ober: 'Sjut nog eine in'.
Ich hub ut dich al doezend kier gezag,
carnaval dat doert de ganse nacht.
Ich doon noe nog eine kier mit,
dus roop mich neet te vreug oet bid.

De wikker rammelde weer veul te vreug.
Ich sjtong waal op, mer jong, wat woar ich meug.
Ich heij nog ginne tied veur de gezit,
want ich moos huuj nog mit d'n optocht mit.
Un prieske woar veur os neet weg gelag,
toch woert 't nog ein ganse lange nach.
Ich sjprong, ich zong en reep veul: 'Alaaf'
Miene sjat vroag toen: 'Lup ze mit mich aaf?'

* cd 2003 : Muziekbende Eikehout "Limburg boave"

HOME PLAATSNAMENOVERZICHT HOME

NUTHER ONKROED
2001/2002: Tekst & muziek: Nuther Onkroed

Refrein:
Regen of zonnesjien, ut maakt neet oet,
want sjpass, dat hoërt toch ech bie Nuther Onkroed.
Lik dien zörg aan de kant en sjpring mit os dan oet de band,
want door os Nuther blood, sjtruimt de sjpass en ut plezeer nog ummer good.
Regen of zonnesjien, ut maakt neet oet,
want sjpass, dat hoërt toch ech bie Nuther Onkroed.
Alle Nuther groeët en klein, die pakke zich dan noe bie ein,
want in os Nuther narreriek is toch jekerein, groeët en klein, geliek.

Drie daag es lekker laeve, dat is os motto veur de vasteloavestied.
Samen de sjpass belaeve, daovon kries se besjlis gein spiet.

Bis te hie geboare, dan hubste noe un loatje oet de loaterie.
Griep dan drie daag dien kanse, zits te vanzelf op de iëste rie.

HOME PLAATSNAMENOVERZICHT HOME

SAME LOUPE VIER DE POLONAISE
2002/2003: Tekst: Richard Luijten - muziek: Lambert Weusten
Zang: CV De Nachuule

Refrein:
Same loupe vier de polonaise.
Mit groeët en klein, doot mit, vier gónt noe achterein.
Samen loupe vier de polonaise
't is weer carnaval, vier vinge dat toch fijn.
Jieëkerein deit mit noe, blief neet sjtaon.
Pak uch ins vas en laot 'm noe mer gaon.
Same loupe vier de polonaise.
Doot mit en blief neet sjtaon.

Gans Limburg sjteit weer drie daag op de kop.
Me kint zich weer ins gaeve.
De Prins dae löp vuuraan.
Kóm op, dóch mit en maak vrie baan.

De carnaval, dat is 'ne sjoeëne tied.
Me kint dat neet óntkinne.
Kóm op en laot noe gaon,
want vuurs-te 't wits is het weer gedaon.

HOME PLAATSNAMENOVERZICHT HOME

SJLOEKE
2004/2005: Tekst: Manianne van den Broek - muziek: Ralph Hamer
Zang: Kinderkoor Eigewies

Refrein:
lollies om te sabbele,
kauwgum om te sjmekke,
cola-flesjkes, lekker zoer
en get zachte sjpekke,
knauwele op caramel en tuutjes zoute drop,
biete in d'r sjoekelaa,
alles aet ich op.

ich bin 'n echte sjloekvot
ich höb 't toch zoë gaer
mien mond geit van dat knauwele
vanzellef al op en neer
Wen-ich-dan get zië ligge
dan vroag ich ummer weer
"mam, moag ich noe get lekkesj
ich kin neet zonger meer"

En bienoa is 't carnaval
doa vruij ich mich zoë op
vuural op al dat lekkesj
bie-de-prins-doa-boaven-op
Ich bin al flink aan't oefene
in't vange mit twië heng
en es ich dan genog höb
dan goan ich aan de geng.

'n tuut mot ich nog höbbe
zoeë'n sjtevig groeët geval
doa doon ich alle sjloek in
vuur-de-ganse-carnaval
ich höb 'n goej gevonge
die lig onger mien bid
en ich zal waal goan zörge
dat doa genog in zit.

* cd 2004/2005 : "Van Genhil bis Laar"

HOME PLAATSNAMENOVERZICHT HOME

SJOES, SJOES, SJOES
2002/2003: Tekst: Sjutterie "de Lange Luip" - muziek: Jan Pillaerds
Zang: Sjutterie "de Lange Luip"

Op vriedig kump Sjeng toes, hea hink weer veur ut keske.
D'r-is nieks wat heum bevilt, dus pakt hea mèr zien jeske.
Hea lup get euver sjtroat, zuut Sjang va'de Sjutterie.
"Sjit", dink Sjeng, "is dat neet Sjang? D'r Sjang van de Sjutterie?"
"Joa", zaet Sjang "ich hub zoane doësj, wil Snjaps mit Sjpa derbie!"

Refrein:
Sjoes Sjoes Sjoes, wat zou Sjeng angesj drinke ?
Sjoes Sjoes Sjoes, Sjeng sjuut neet zonger sjoes !
Sjeng en sjoes, die goan toch ummer same.
Mit een buks en mit een glaas sjuut Sjeng de bölkes aaf.
Es Sjeng drink, dan drink hae sjoes.
Mit Sjoes Sjuut Sjeng Al aaf.

Sjeng uigt op ut Sjanet, wil mit heur goan flanere.
Misschien wil zie mit hum waal vasteloavond viere.
Wie lèk he dat noe aan ? He rap ziene mood biein.
"Sjoes?" vreugt Sjeng; "Joa", zaet Sjanet, "Sjut mich mer eine in."
Vlinders veult heë in zien prie, en hiël wat sjoes derbie.

Sjeng hat weer Sjuttefiës, geit op ut Pruusjes sjeete.
Mer wie ut huj auch löp, De Pruusj kriet ze gerete.
Ut kump der noe op aan, zal hae straks Keizer zin ?
"Schuß", zaet de Pruusj; "joa geer", zaet Sjeng. "Sjut mich mer eine in.".
"Sjeete!, mint hea, Sjeng", zaet Sjang, "Noe houw d'r pin mer d'r in"

HOME PLAATSNAMENOVERZICHT HOME

UT DREIT OM DICH
2004/2005: Tekst: Sjutterie de Lang Luip - muziek: Jan Pillaerds
Zang (*) : Sjutterie de Lang Luip

Woe bis du gewaes ein gans joar lang
Woar ich allein ginks dich diene gang
Ummer went - ich aan dich dach
Kaom op mien gezich eine lach

Refrein:
Ut dreit om dich, dees drie daag lang
Bis du bie mich, de welt vol gezang
dat sjoen plezeer hubbe vier dan weer
Allein veur os, vastelavond, du bis begos

De zomer is om, de blaar valle
En ich bin in mich dien leedje aan't sjalle
Straks kom ich dich teage, dat deit mich zoe goot
De carnaval zit in mien blood

Du bes noe hie -, dat wurd weer fijn
Drie daag zint vier noe al bie-ein
Dan weit ich wen't ut is gedoan -
Volgend joar zuls du hie - weer stoan

* cd 2004/2005 : "Van Genhil bis Laar"

HOME PLAATSNAMENOVERZICHT HOME

UT IS ÓS ALLELAE
2002/2003: Tekst: Colla Bemelmans - muziek: Peter Bartholomé
Zang: Stichtingskoer

Refrein:
Sjang, Sjang, Sjang, v´r make gaar gein sjanger.
V´r gónt ós good begaaie, en laot de res mer waaie.
´t Is ós allelae, allelae, allelae, allelae.
´t Is ós allelae, allaeluia.

´t Is ós allellae dees daag, ´t lik ós huuj niks op de maag.
Van ónge in g´n Hél pés Laor, dao sjtónt v´r allenej weer klaor.
Al dansend, zingend, sjpringentaer, zoeee houw v´r ós d´r good doerhaer.

´t Is ós allelae dees daag, get läöksjkes in de buuesj en kraag.
En höb v´r dan ins geprobeerd, en zint v´r neet versjangeleerd,
en zit v´r ouch nog good in ´t vel, dan zing v´r fosj en knoeperhel.

HOME PLAATSNAMENOVERZICHT HOME

VAN G'N HEL PES LAOR
Tekst: Colla Bemelmans - muziek: Peter Barthelomé
Zang: Stichtingskoër

Refrein:
V'r trikke van g'n hel pes laor, en witste nog wie 't waor.
Aan de tap in die sjoeën café, ich zag nog: houwt dich en tabé.
Houwt dich, houwt dich gekke kwas, houwt dich aan mich vas.
Houwt dich, houwt dich gekke kwas, houwt dich aan mich vas.

Sjaan, sjaan, sjaan, mit vasteloavend goan v'r draan,
en kroepe in de loemelekis, omdat d'r dan nieks baeters is.
De trekzak haet e lökse in, en zelf höb ich e sjtökske in.
De trekzak is al op de hond, en daovuur trik v'r zelf mer rond.

Sjaan, sjaan, sjaan, mit vasteloavend goan v'r draan.
Ich neum dich tüteböllekes, gekke prie, kom toch ins hie.
V'r springe danse en make sjpas, dinke neet aan de houte jas.
V'r trekke en komme euveral, mit ozze ganse sjtomme kal.

* cd 2001/2002 : "Van Genhil bis Laar"

HOME PLAATSNAMENOVERZICHT HOME

VASTELOAVEND SALSA
2004/2005: Tekst: Valentino's - muziek: Peter Barthelome

Kiek noe ins noa os vandaag
Hub ich nog ein stuk in de kraag
Noa dit wieske hubver lang gezog
Vasteloavend weer in de log

Ut is gein welske, en ouch geine rumba
Geine tango hoempa, ritmo ritmo ritmo

Danse schanse, schanse danse loat nou goan
zinge danse, danse zinge, blief neet stoan !!

Danse schanse, schanse danse, loat nou goan
zinge danse, danse zinge, dans de salsa !!!

spring spring, doch mit os mit
ut wieske, ut is ein hit
ut wieske, maakt dich blie
vrie , blie

dans dans, dans noe mit
spring spring, spring noe mit
schans schans
blief neet stoan, loat nou goan

dans dans, dans noe mit
schans schans, schans noe mit
blief neet stoan, en... loat nou goan!!!

dwazen !! mit roeie naze
kleure !! in de stroate
danse !! kinste neet loate
zeure !! mog neet gebeure

1. valentino's
2. dans de salsa

1. nuther onkroed
2. dans de salsa

1. alle uule
2. dans de salsa

1. vasteloavend
2. dans de salsa

geneet van dizze carnavals tied
anges hubste murge spiet
noa dit wieske hub ver lang gezog
Vasteloavend weer in de log

Ut is gein welske, en ouch geine rumba
Geine tango hoempa, ritmo ritmo ritmo

Danse schanse, schanse danse loat nou goan
zinge danse, danse zinge, blief neet stoan !!

Danse schanse, schanse danse, loat nou goan
zinge danse, danse zinge, dans de salsa !!!

spring spring, doch mit os mit
ut wieske, ut is ein hit
ut wieske maakt dich blie, vrie, blie

dans dans, dans noe mit
spring spring, spring noe mit
schans schans, blief neet stoan
loat nou goan

dans dans, dans noe mit
schans schans, schans noe mit
blief neet stoan, en... loat nou goan!!!

dwazen !! mit roeie naze
kleure !! in de stroate
danse !! kinste neet loate
zeure !! mog neet gebeure

1. valentino's
2. dans de salsa

1. nuther onkroed
2. dans de salsa

1. alle uule
3. dans de salsa

1. vasteloavend
2. dans de salsa

va va valentino's va va valentino's va va valentino's...

* cd 2004/2005 : "Van Genhil bis Laar"

HOME PLAATSNAMENOVERZICHT HOME

DE VASTELAOVESJEURIGE
2002/2003: Tekst: Ed Slangen - muziek: John Schoenmakers
Zang: De Valentino's

Hela hela helaholala, hey, hela hela helaholala, hey.
Valentino hela hela lala.
Veer de Valentino's, veer stunt dit joar weer hie,
feeste mit os alle en springe zie aan zie.
Maar dit joar is 't angesjer wie jeker joar.
D'r optocht kint weer trikke, want veer zint weer kloar.

Refrein Kyra:
Mit vasteloavend bin ich jeurig,
mit vasteloavend hub ich feest.
Loat de keerskes noe mer brenne,
dan geneet ich noch et meest.

Refrein:
Mit vasteloavend is 't jeurig,
mit vasteloavend spring veer rond.
Went veer os allemoal amuseere,
veer make altied alles te bond.
Mit vasteloavend is 't jeurig,
mit vasteloavend spring veer rond.
Went veer os allemoal amuseere,
veul vir os allemoal zoe gezond.

Hela hela helaholala, hey, hela hela helaholala, hey.
Valentino hela hela lala.
't Is weer Vasteloavend en nemes zit dan schtil,
Polonaise loape, dat is wat ich geer wil.
Veer danse en veer springe en wille neet noa bit,
viere 'n extra feesje en geer doat allemoal mit.

HOME PLAATSNAMENOVERZICHT HOME

VERLEEF OP VASTELOAVEND
Tekst: ? - muziek: ?
Zang: Muziekbende Eikehout

Dea Funs heat sjlappe kneën
En Harie sjlechte veut.
Marie veult zich neet lekker,
En Ed dea kiek get Bleud

Mèr es ut carnaval is...
Maakt dat toch gaar nieks oet.
Dan goan veer lekker sjtappe...
maake sjtumming in de boet

Want is ut weer zoë wiet,
Dan kump dea gooie tied
Raak ich de kluts vas kwiet...

Ich weit ut zeeker ich bin verleef op vastenoavend...
Ich weit ut zeeker, ich bin gek van carnaval.
Ich maak dan sjpass van 's murgens vreug tot in de oavend
En verkoup aan eekerein get sjtomme kal

Ich weit ut zeeker ich bin verleef op vastenoavend...
Ich weit ut zeeker, ich bin gek van carnaval.

Noe kom en doot toch auch ins mit,
joa, Auch die luuj aan ut buffit...
Dan wuert ut ech inne gooie carnaval...
Noe kom en doot toch auch ins mit,
joa, Auch die luuj aan ut buffit...
Dan wuert ut ech inne sjoëne carnaval...

En Kumps ze oet Limburg,
Dan wits ze waal besjeet
Want es ut carnaval is,
Is d'r nieks dat er nog toe deit,

Dan geit ut neet um sjtatus,
Gezondheid of om geld,
Dan geit ut um de sjtumming,
Dat is 't enige dat telt,

* cd 2003 : Muziekbende Eikehout "Limburg boave"

HOME PLAATSNAMENOVERZICHT HOME

VIEF LEEF KLEIN HEKSKES
Tekst & muziek: John Schoenmakers
Zang: John en grüpke Drie

Ich schrik mich 'n heudje, went ich uch zo zeen stoan.
Zo eng en zo griezelig, ich zou zo wille gaon.
't Is, dat ich weet wê dao achter zit,
daoveur gaon ich auch ummer mit uch mit.

Refrein:
Veer zint vief leef klein hekskes, in zwarte hekse pekskes,
en tovere wat veer wille, dat geleufste misschiens neet.
Veer danse en ver springe, dunt auch 'n leedje zinge,
op 'n bessemstekske vlege, waor dat dan nieks veur dich ?
Veer zint vief klein hekskes, mit os bessemstekskes,
en os mommebekskes, dat geleufste misschiens neet.
Veer danse en ver springe, dunt auch 'n leedje zinge,
en tovere wat veer wille, dat geleufste misschiens neet.

Die drie dol daag zint 't sjoenste veur os.
Doe kumps os aan 't zeuke, wenste os hubbe mos.
Euveral gezellig, get sjpas en plezeer.
Veer danse en zinge, wat wilste noch meer ?

Refrein:
Veer zint vief leef klein hekskes, in zwarte hekse pekskes,
en tovere wat veer wille, dat geleufste misschiens neet.
Veer danse en ver springe, dunt auch 'n leedje zinge,
op 'n bessemstekske vlege, waor dat dan nieks veur dich ?
Veer zint vief klein hekskes, mit os bessemstekskes,
en os mommebekskes, dat geleufste misschiens neet.
Veer danse en ver springe, dunt auch 'n leedje zinge,
en tovere wat veer wille, waor dat dan nieks veur dich ?
Waor dat dan nieks veur dich ?

* cd 2001/2002 : "Van Genhil bis Laar"

HOME PLAATSNAMENOVERZICHT HOME

WERKE
Tekst: ? - muziek: ?
Zang (*) : De Björn Braggel Bend

Refrein:

* lp 1983 : Diverse artiesten - "Plat in de jaore tachtig" - Marlstone Recordings bv - MARL 198307

HOME PLAATSNAMENOVERZICHT HOME

WILSTE MIT ÓS SJTAPPE GAON
2004/2005: Tekst & muziek: Lambert Weusten
Zang (*) : Buurtverenging De Ziepe

Refrein:
Wilste mit os sjtappe gaon
Dan zék het mich ins gauw
Veer gond dan door en veer kieke neet zoe nauw
Dat doon veer mit karnaval en daorom opgelét
Doe kumps veurleupig neet in béd

Mér deiste mit ós mét dan is dat gein probleem
Mér loester wat ich zék
Dú zuus nog lang gein béd

Wilste mit os sjtappe gaon en bis nog lang neet meug
Dan gond veer door tot murgevreug.

De karnaval die is van ós
Die nump ós geine aaf
En gond veer dan ins good op sjtap
Dan roope veer alaaf

Den daag er nao zint veer weer dao
En is weer veul plezeer
En jekerein dé deed weer mit
Veer roope dan mér weer

* cd 2004/2005 : "Van Genhil bis Laar"

HOME PLAATSNAMENOVERZICHT HOME

WO VEER ZEEN IS NUTH
Tekst: De Schnapkes - muziek: John Schoenmakers
Zang: de Schnapkes

Joa, in Kirkroa of in Mestreech, auch bie Lou en Mie aon de teek,
euveral zee de schnapkes op gank en hubbe hiel veul sjpass drie daag lank.

Veer vange al vreug an in ut joar, toch zint veer nooit gans op tied kloar.
Euveral weurd geknipt en geplek, in jeder schnapke stik unne gek.

Refrein:
Wo veer zeen is Nuth, egaal wo veer zin.
Wo veer zeen is Nuth, dat zit bie os drin.
Veer hubbe os eige gezich, en dat numme veer euveral mit heen.
Wo veer zeen is Nuth, mer ver kinne neet euveral zeen.

Vriedigaovund begint al ut vreug, mer ut patschebal kriet os neet meug,
Euveral wo de schnapkes auch goan, zuus ze ze es letste noch stoan.

Zondigs trik de optoch door Nuth, dan zitte veer os zelf weer veur schut.
Euveral stoan de luui langs de kant, en make veer weer veul trammelant.

Leve en leve loate, dat motto is ozze hit.
En we zoe veult, dink en leêf, dei deit mit.

* cd 2001/2002 : "Van Genhil bis Laar"

HOME PLAATSNAMENOVERZICHT HOME

WOA HINGST DICH OET ?
2002/2003: Tekst: Karlijn van der Graaf - muziek: Emiel van Egdom
Zang: Lekker wichtig

Jao, mit mich.

Refrein:
Ja hey, woa hingst dich oet ?
In de frieteboêt !, ich hub de piep al oet, ich zit hie good !
Ja hey, woa hingst dich oet ?
In de frieteboêt !, ich goan sjtraks mit dich oet, ich hub nog geine mood.

Veer hubbe mit d'n optoch getrokke, 't woar frisj en 't weijde zoë fosj.
De heudjes vloge os van de kop aaf; 't woar aafzeen, al veur 't begos.
Neve de prieze gevalle, meh wat heijje veer 'n sjpas;
de drõpkes sjmakten hendig good, al veul ich ze noe pas !

In de frituur is het zjwart van de luuj, er sjtet inne gans lange rie.
De sjmienk is mich "al" doergelaupe en ich zit hie zoë voel op mien prie.
Mien jeske, mien pruuk en mien hoêdje, ich hub "al" aafgedoan.
Ich zeen er noe toch neet mie oet, mot ich zoë op sjiep goan ?

Woa bin ich mit bezig, wat miemel ich noe ?
Ich raap mich bie-ein en goan zoë.
De vasteloavend, deh doert meh driej daag.
Dat numt mich geine aaf !

Refrein:
Ja hey, woa hingst dich oet ?
In de frieteboêt , ich heij de piep al oet, ich zoat hie good.
Ja hey, woa hingst dich oet ?
In de frieteboêt, noe goan veer lekker oet, ich hub weer gooie mood !

Gebreuzel

HOME PLAATSNAMENOVERZICHT HOME

ZINGE SPRINGE
Tekst: Ummer te laat - muziek: Jan Pillaerds
Zang: Ummer te Laat

Drie daag sjpas en veul plezeer, ut kumt tog elk joar weer.
Veer moeze weke in de kas en vinge altijd get wat past.
Ein heutje hie, un strikske doa, un maske of un gekke sjnoet.
Dan zint vier hielemoal compleet en trekke der weer op oet.

Refrein:
Zinge springe, lekker swinge allemoal,
hie, noe in de zaal.
Geef os noe nog mer es gauw un putje beer.
Man, wat hubbe vier plezeer!!

Den optoch trekt dan weer door Nuth, vier hebbe dan nog hiel veul fut.
Alaaf reupt dan weer eederein, dat hilt os op de bein.
't Weer, dat sjpielt veur os gein rol, veer maake tog waal lol.
Veer danse dan de polonais en eete friet mit mayonaise.

Veer zint dit joar uns neet te laat, mer were zeker waal weer zaat.
De kater lik weer op de loer, veer houte os waal op de vloer.
Noa drie daag is 't weer gedoan, veer motte dan noa hoes toe goan.
De kleier gont daan in de kas en vier ligge os weer waterpas.

* cd 2001/2002 : "Van Genhil bis Laar"

HOME PLAATSNAMENOVERZICHT HOME

ZINGENTAER
2002/2003: Tekst: Colla Bemelmans - muziek: Roger Grootjans
Zang: Ambissjes

Refrein:
Sjnap de pap, sjnap de mam.
Sjnap dich mer get geks.
Sjnap 'ne kloon, of sjnap 'n heks.
Sjnap ze, sjnap ze, sjnap ze dan.
Sjnap de pap, sjnap de mam,
Sjnap dich mer get geks.
Sjnap 'ne kloon, of sjnap 'n heks.
Sjnap ze, sjnap ze, sjnap ze dan.
Sjnaps ze d'r get van ? (Neet ?)
Laatste keer:
Joa, noe sjnap ich dich.

En is noa drie vol daag, òs sjtum weer gans van sjlaag,
en loat v'r 't moelwerk wirke, pès de sjtumbeng good gónt sjnirke,
en zint v'r boete oam, dan zingt de ganse kroam:

En zing vier in 'n riej, ut geit os aan de priej,
en os sjtumming nog neet kapot kint, ws de uule al noa heim zint,
dan zing v'r allenej, mit nog vöäl miej behej:

HOME PLAATSNAMENOVERZICHT HOME

ZOERVLEISJ
Tekst: ? - muziek: ?
Zang: Muziekbende Eikehout

Ut is vriedig middig, ut wirk is gedoan... ahaha, oew jeaha
Dan hub ich weer zin um noa de kaffee te goan... ahaha, oew jeaha
Ich ligk doa ein keartje en eat mich get woosj
Mer dat is ginne boam, veur inne jong mit zoone doosj

Ich loap de frituur in,
En sjrieuw mich doa heisj:
Ich wil friete mit zoervleisj !

De vrouw wouw oet aete, dus ich moosj weer mit... ahaha, oew jeaha
Kreeft en garnalen, mèr nieks oet ut vit... ahaha, oew jeaha
Ich betaalde den ober, veer ginge noa heim
De vrouw wouw goan sjloape, ik pakte mich biej-ein...

Ich loap de frituur in,
En sjrieuw mich doa heisj:
Ich wil friete mit zoervleisj !

Ich ging op vakansie, noa ein sjoen sjpaanse sjtad... ahaha, oew jeaha
Die ganse weak doa allein mer paëlla gehad... ahaha, oew jeaha
Mèr wie ich toen thoes keem, toen heel ich ut neet..
Ich pakte de fiets gauw en reej noa die keet...

Ich loap die frituur in,
En sjrieuw mich doa heisj:
Ich wil friete mit zoervleisj !

En mog ich oeits doed goan, is ut oet mit ut sjpel... ahaha, oew jeaha
Ich kom dan toch zeeker in de hiëmel of hel... ahaha, oew jeaha
Ich blief dan michzelf, veranger gaar neet...
Ich goa doa noa binnen op zeuk noa ein keet..

Ich loap doa die poart in
En vroag dan hiel heisj... HEY PETRUS..
Moag ich friete mit zoervleisj !

Frieten Zoervleisj
Frieten Kipknots sjaliksliks Bitterballen
Zoervleisj Zoervleisj Zoervleisj Zoervleisj Zoervleisj Zoervleisj

* cd 2003 : Muziekbende Eikehout "Limburg boave"

HOME PLAATSNAMENOVERZICHT HOME

ZUUG 'M SJTOAN
2002/2003: Tekst & muziek: Rinus Hermsen
Zang: Bie een gesjraveld

Eder joar opnuuj is 't un roadsel:
Wie kump dae Prins der op, wie kump hae draaf ?
Pak hae zich ein ludder, kriet hae boekpien,
jao, dan dreijt alweer ziene maag.
Haet las van hoegtevrees, en dat is ech gein fees,
mèh dao kump hae neet miè ongeroet.

Refrein:
Zuug 'm sjtoan, hae kint noe alweer sjweije,
mit de septer in zien hand.
Aan de kanjt sjtond luuj te dreeije,
en vange sjnoep in jeker hand.
Hé reup alaaf, alaaf alaaf,
jao, unne Nachuul reup alaaf.

Wèke van teveure komme de nerve.
Ozze Prins, hae wèt zich geine raod.
't Leefste deeg hae ziene wage verve,
mèr dat dont de luuj van de sjtroat.
Hae raap zich toch bie ein, sjteit te trille op zien bein.
Vilt kilo's aaf, deit gaar neet aan de lijn

HOME PLAATSNAMENOVERZICHT HOME