Carnavalsliedjes uit NEDERWEERT in Limburg (NL)

HOME PLAATSNAMENOVERZICHT HOME

AAN DE BOEMEL
2000: Tekst: Huib van Deursen - muziek: Maarten van Deursen
Zang: Trio Dik Kontent

Gae hooftj van os gein kaertje, det heet toch geine zin
Vae ri-je zoeë de Vastelaovundj in
't Sein det stieët op greun, vae konne zoeë d'r door
En mej zitte vae op 't zjuuste spoor.

Refrein:
Want vae veere Vastelaovundj, en vae gaon wî-j eine trein
Dri-j daag duchtig aane boemel, de conducteur es de kastelein
En vae ri-je met 'n vaartje, stoppe dan bî-j ein kefee
Want det kefee es 't station, en de tap es 't perron.

Nao dri-j daag flink geboemeldj, 't treinke mindertj vaart
Mer och waat haaje vae toch goojen aard
Ein jaor motte vae wachte, 't treinke stieët nôw stop
De Vastelaovundj zitj t'r alweer op.

HOME PLAATSNAMENOVERZICHT HOME

ALAAF, ALAAF
2007/2008: Tekst en meziek Mien Veltrop
Zang: Zeu en Hae

Refrein:
Alaaf, alaaf, nog eine kieër alaaf,
de vastelaovundj, jao dae kumtj d’r al weer aan.
Vae gaon d’r saame dan weer veer daag teêge aan,
de pekskes oet de kast en de pruûk waertj weer gepastj.
Vae gaon oet ooze bol, jao vae hebbe veer daag lol,
alaaf, alaaf nog eine kieër alaaf.

Vastelaovundj veere, zitj os in ’t bloôd,
onger de revaere, kinne vae det goot.
Och want met di-j daag dan zeen vae neet ooszellef,
vae gaon achter unne Prîns aan met eine raod van ellef.

Vlagge aan de hoêze, kleure oppe straot,
vastelaovundj es ouch un fieëst vör jong en aod.
En hejjae hieël völ cente of hejjae d’r zjuust gein,
det kan os toch niks schaele, vae zeen oppe bein.

HOME PLAATSNAMENOVERZICHT HOME

ALAÂF OOS LIMBURG
1996: Tekst: Jos Gubbels - muziek: Leon Gubbels

Refrein:
Alaâf oos Limburg
Dao huuërdje veul plat
Sommes es 't det en sommes es 't dat
Limburgs es schoeën
Vör os hieël gewoeën
't Ni-jwieërts of de taal
Van 'n ângere stad.

Gae, dich en ich
Det zek dje teege mich
Ich, dich en doe zeen vör hieëlemaol neêmes sjoe
Overal estj ângers
Jao ouch bî-j dees zangers
En vissen es vesse
As dejje det mer wetj

Wetjdje det wul
Huuërdje hieël völ
Bi-j os inne Pieël dao kinnen vae 't hieël
Körse zeen kersen
Vörse es verse
Zoeë heet eeder plaats
Zien eige dialect.

Druuëgworst, sesies,
Heespevleîs, rauwe ham
Maechdje es 'n maedje 'n schoeën plaetje
Mötterte sjanze
Meziek huuërtj bî-j danse
Eederein es êrges gruuëts op zien eige taal.

HOME PLAATSNAMENOVERZICHT HOME

ALLE ZEVE
2004/2005: Tekst & muziek: Jos Sieben
Zang: De Siebenspringers

Nao de elefdje vanne de elefdje
Dan es niks mieer ut zelfdje
Dan krieeg ich de kriebels inne kop
dan luiptj ut oet de klauwe
nemus wat te mauwe
gek doon vinge vae dan top

Refrein:
Want...
ich heb ze echt waal alle zeve ,en ze staon auch op un rei-j
tot now tow es det zoe gebleeve ,Och minse, waat bin ich toch blei-j
Mer tege de vastelaovundjtieed, Dan gieet ut hieel dek mis
En daorum zeen deej gekke daag ut feinste waat d'r is
Ich doon zoe gek det es echt waor t'es echt neet gelooge
Deej zeve beej mich en deej zeve beej dich deej werke dan in plooge.

En met de vasteloavuntj
Ut luiptj tege de aovuntj
Gae veultj deij drang in hieel eur lieef
Gae kuntj d'r niks aan doon dan
Ut es hielemoal gein sgang
giet door zoe, tot un oor of vieef

En alsj bekans vurbeej es
De preens nog efkes preens es
Nog steeds heb ich kriebels inne kop
dan doon ich steeds mer gekker
ich veul mich mieer dan lekker
vae zette nog alles oppe kop !

HOME PLAATSNAMENOVERZICHT HOME

AS ICH IN DE SPEEGEL KIÊK
1998: Tekst: Yvonne Schroyen-Weekers - muziek: Leo Schroyen
Zang: De Neewieërters Echte

Refrein:
As ich in de speegel kiêk
Dink ich jao dich hebst geliêk
Eeder jaor wat rumpels bî-j
Det maaktj mich toch hieël neet bli-j
As ich in de speegel kiêk
Dink ich jao dich hebst geliêk
Dit vreugtj actie, dit es vrieëd
Dit weurtj stri-jje met de tiêd.

Komkommerschiêve op 't gezicht
Det wiltj bî-j mich neet baate
En ouch dae olie of 'olaz' crème
Verbergtj neet de hiaten
Ein slaopkuuër heelp mich ouch al neet
Wat mot ich nôw toch doon
Mien walle zakke ongerhandj
Tot ônger in mien schoon... mer

Ich beldje nao 't zeekenhoês
Umme plastisch arts te spraeke
Hae zagt dette mich hellepe kost
Det deurdje waal völ waeke
Mer toen ich huuërdje wî-j veul geldj
Zoeë 'n grapje mich dan kostj
Wist ich det ich mien speegelbieëldj
Mer aksepteere most... mer

Nôw heet dae speegel mich gelieërdj
Um van mich zelf te haoje
En kiek ich voort hieël opgewektj
Nao rumpels en nao vaoje
Mien hieël familie zitj bi-jeîn
In dit gezicht verstoptj.
As ich mich dao vör schamen mot
Dan bin ich toch bekloptj... dus

Refrein:
As ich in de speegel kiêk
Dink ich jao dich hebst geliêk
Eeder jaor wat rumpels bî-j
Det maaktj mich toch hieël neet bli-j
As ich in de speegel kiêk
Dink ich jao dich hebst geliêk
Mer ich stri-j neet met de tiêd
Ich ving det 't mich good stieët
Mer ich stri-j neet met de tiêd
Ich ving det 't mich good stieët

HOME PLAATSNAMENOVERZICHT HOME

AS VAE DWALE
Tekst: Bèr Bijlmakers - muziek: F.Boermans & T.Luxembourg
Zang (*): Notekrakers

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

AS VAE GAON
1997: Tekst & muziek: Huib van Deursen
Zang: Duo Dikkontent

Refrein:
As vae gaon, gaon vae good
As vae gaon, gaon vae good
Dan stroumtj bî-j os 't Vastelaovundj blood
Stroumtj umhoeëg en weer trök
Van 'e klep wis de zök
Dri-j daag straole vae dan van gelök

Vanaâf de Sinte Merte de kriebels inne boêk
't Es dan of ich de Vastelaovundj roêk
De Körsman en ouch Sinterklaos di-j gaon aan os vörbi-j
Mer es 't januari, jao dan zeen vae ammaol hî-j.

En estj dan Vastelaovundj, dan krieg ich det geveul
En ein dink weit ich zeeker, det ich met neêmes reul
Ze gaon mer op verkansie nao 't boetelandj
Mer ich veer Vastelaovundj hî-j in oos Pinnelandj

HOME PLAATSNAMENOVERZICHT HOME

BAAJE PUUËTJE BAAJE
2001: Tekst & muziek: Leen Coolen-Hendrikx
Zang: Poelepetaâte

Mocht 't sommes gaon reingele
Dan minse neet getreurdj
Van 'n bitje zeingele
Waertj alles opgefleurdj
Vae zette os ein fieëstnaas op
Di-j geuftj mej gooje mood
Gaon baaje door det reingelsop
In Vastelaovundj good.

Refrein:
Puuëtje baaje, puuëtje baaje
Zetj 'n fieëstnaas oppe kop
Höftj de schörte hoeëger op
Puuëtje baaje, puuëtje baaje
Det weurtj baaje, zetj um op
En hieël dae bôntje kliek
Baajtj rôndj op toêtmuziek
Det weurtj lache, det weurtj sjiek
Almer baaje, puuëtje baaje
Det weurtj eine groeëte kliek.

Vultj t'r niks te reingele
Gein mins dae dao um treurtj
Gaon os eige zeingele
Zeen mej dan opgefleurdj
Vae baaje same van alaâf
Wî-j hieëringe in ein ton
De fieëstmöts di-j kan nôw wul aâf
Dao schientj 'n sträölke zon.

HOME PLAATSNAMENOVERZICHT HOME

BAER
1997: Tekst: Frans Teunissen muziek: Wiel Vervoort
Zang: Monique Knapen, Ruud Teunissen, René Horsmans

Baer dae woeëntj al jaôre allein
En vingtj det neet mieër zoeë fein
Hae zat in ein gezetje
Ziene kop met ein toepetje
Want zien prebleem es waal
Hae es al jaôre kaal.

Refrein:
Toen kwoom de vrouw van zien laeve
Ze haaj um gezeen inne gezet
En woeëj um alle leefdje gaeve
Nao 't zeen van zien pertret
't Preleem bî-j eur waas dit
Ze haaj al lang ein kunstgebit
Mer di-j tang en valse haor
Waas vör di-j twieë gein bezwaor

Hae haaj van alles geprebeerdj
Niks waas d'r good, 't wêrrekdje verkieërdj
Hae heet mieër as zat sente
Um te laeve van de rente
Weem d'r zich bî-j eum meltj
Maag met eum laeve van zien geldj

HOME PLAATSNAMENOVERZICHT HOME

BI-J MICH IN NEEWIEERT
Tekst & muziek: Bart Bijlmakers
Zang (*): Double Axe & The Caledonia Show Express Band

Refrein:
Bis dich van Schoor,Bookendj, Doospel, dÍnd-j of Leïvere?
Ich wil met dich vanaovundj aan 't buffet staon zeivere.
En dien augskes schiene as de locht zoee blauw
't es vastelaovundj schat vae kieeke neet zoee nauw
Bis dich van Schoor,Bookendj, Doospel, dÍnd-j of Leïvere?
Ich wil met dich vanaovundj aan 't buffet staon zeivere.
En dan bring ich dich nao hoees as det dan nog gieët
Angers blif-ste lekker bi-j mich in Neewieert.

Mien pekske hingtj gestreeke aannen haok
Ich heb gein zin um vanaovundj mei-j te gaon
Mer di-j jong di-j krieege mich weer zoee wieet
Dus vae gongen oet, gae wetj waal wi-j det gieet.

Ich gaaf di-j jong gelökkig eure zin
Mer good det ich toch nog gegange bin
Ich sloog volkomen um wi-j ich dich dao zoog staon
En ich vroog dich wilste met mich heivers gaon.

Samen zeen vae now allang getrouwdj
Oos jong di-j hebbe vae overal tow mei-j gesjouwdj
En vastelaovundj veere ze now met os mei-j
Vae zinge dan allemaol dit refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

BÎ-J OS
1997: Tekst & muziek: L. Coolen- Hendrikx
Zang: Lijsbeth Schroyen en Conny van Laer

Refrein:
Bî-j os, jao bî-j os, hebbe vae 'n steekske los
Bî-j os, bî-j os, maâke vae 't knuipke los
Bî-j os, bî-j os, schödde vae de beinkes los
Bî-j os, bî-j os, drejje vae os tootel los.

Bin verkledj as peddemoeëk, peddemoeëk
En oos mam liektj op 'n spoeëk, op 'n spoeëk
Huuërtj ze lache en huuërtj ze zinge
Polonaisendj rôndj aan 't springe
Klatse met versleete klûmp
Teegen hakke, teege tump.

Achter mich trektj hieël de stoet, hieël de stoet
Kamer in en keuken oet, keuken oet
Huuërtj ze lache, huuërtj ze zinge
Polonaisendj rôndj aan 't springe
Gieët nao boete umme knip
Weurtj de schoeënste hossetrip.

Rechterbeîn met linkerbeîn, linkerbeîn
Schuûve, scherre naeven ein, naeven ein
Huuërtj ze lache, huuërtj ze zinge
Polonaisendj rôndj aan 't springe
Efkes pauze, efkes stop
Gieët weer wieter in galop.

Gaotj mer wieter
Gaotj mer wieter

Gaotj mer wieter ' stop

HOME PLAATSNAMENOVERZICHT HOME

BOOREBROEËLOFT IN AUGUSTUS
Tekst & muziek: Jean-Pierre Knapen
Zang (*): Lés Ôngewès

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

DAE TIÊD
1999: Tekst & muziek: Leon Gubbels
Zang: Trio Good Gemoodj

Vastelaovundj es nog neet
't Es nog neet zoeë wiêt
Ich heb de kriebels in miene maag
Waas dae tiêd toch mer vandaag
Waorum deurtj det nog zoeë lang
Det es toch neet mieër fein
Ich kan haost neet mieër wachte
En zek nog zoeë
Det moog dan waal zoeë zeen ...

Refrein:
Mer as dae tiêd d'r es
Dan gieët bî-j os de knop weer um
Jao dan es 't fieëst
Te kieër gaon wî-j ein bieëst
Dit es toch de schoeënste tiêd
Dao drinke vae d'r eine op
Met 'n glaâs ...
Ônger oos naâs

Oppe zölder kiek ich in de doeës
De doeës met aod getuug
Boven liktj 'n hieël schoeën klak
Di-j huuërdje bî-j mien sondes pak
Al di-j kleî-jer dao bi-jeîn
't Es 'n schoeën gezicht
Miene sjmink dae liktj hî-j ouch nog
Van roeëd tot blaw
Det moog dan waal zoeë zeen ...

Vastelaovundj es vörbi-j
Waat gieët de tiêd toch gaw
Mien pekske gieët weer inne doeës
En ouch dae hoed met 'n roeëj roeës
Tot volgendj jaor zek ich dan mer
Ich ruum weer alles op
Ich kan haost neet mieër wachte
En zek nog zoeë
Det moog dan waal zoeë zeen ...

HOME PLAATSNAMENOVERZICHT HOME

DAE TIÊD VAN TOEN EN NÔW
1996: Tekst: Hendria Bollen-Jilesen, Eric Duret - muziek: Hendria Bollen-Jilesen

Refrein:
Wiltj dje op vandaag, met deze tiêd mej gaon
Dan kom djae oppe tiêd misschien us roeëd te staon
Want 't es Vastelaovundj, en springtj dje oet de bandj
En kiektj dje neet op eine göldje, dan luiptj alles oet de handj.

As dejje vreuger aant speule woordj, in eure jonge tiêd,
Seldaot, boorin of 'ne prîns, 't waas allemaol geliêk,
Ouch metten optocht deetj dje mej, ein ker met veul geweldj
De wichter oet hieël de buurt, en 't kosdje ouch gein geldj.

De ti-jje zeen verângerdj, 't es allemaol pracht en praal
Di-j 't meiste hebbe gaon dek, met 't meiste aan de haal
Mer daovör es ein jury, di-j beoerdeiltj det hieël wiês
En geuftj aan de schoeënste waage, de aller hoeëgste priês.

HOME PLAATSNAMENOVERZICHT HOME

UN DANSMARIETJE
2006/2007 nr.2 : Tekst: Maarten and his Ladies - muziek: Maarten van Deursen
Zang: Maarten and his ladies

Ich bin un dansmarietje, want danse doon ich gaer
van links nao rechts omhoeëg di-j bein, det lieër ich van oos Baer
ich gaon dan met de Prîns veurop en zwei-j wat in ut rônd
mer staon ich op ut podium dan maak ich ut weer bônt.

Refrein:
Ich bin dus dansmarietje,
miene naam dae es Christien
ich heb zoeë groeëte blaore,
och mien veut deej doon zoeën pien
mer ich wil bliêve danse,
maak vör uch gaer de spagaat
ich val dungelstebove,
want de vloer es völste glaat.

Ich bin un dansmarietje, ut pekske stieët mich net
Ich neem dek eine aanloup spring bove op 't buffet
ich maak dan eine pirowet en sjoenkel op en neer
mer veur det ich d'r errig in heb lik ich tösse ut beer

HOME PLAATSNAMENOVERZICHT HOME

DAO HEJ-JE UM WEER
2008/2009: Tekst & muziek: De Carma's
Zang: De Carma's

Refrein:
Dao hejje um weer
Dao hejje um weer
Det waas dae van gister, now weit ich ut weer
Dao hejje um weer
Dao hejje um weer
Waat hajje vae plezeer
Waat hajje vae plezeer

Vae weete neet weej det hae hetj
En neemus dae det zeker wetj
En zelf Jan en alleman
Weete der hieel niks van
Dus roope vae spontaan
Dao kumtj hae al weer aan

Nao drei-j daag es ut dan zoewieet
Ut hoeege woord wao ut um gieet
Vae weete host weej det hae hetj
Zoedet ederein det dan wetj
En zelfs Jan en alleman
Deej weete der now van

HOME PLAATSNAMENOVERZICHT HOME

DÈ’S DE LÈSTE
2007/2008: Tekst & muziek: Dennis Hendrikx
Zang: Dennis & Annika

Refrein:
Dè’s de lèste, roop ich eedere kieër,
Mèr ze blieve aane gang en ze zette ze mèr nieër
Dè’s de leste, d’n allerlèste
Ich hoof d’r echt neet mieër
Dè’s de lèste, roop ich eedere kieër,
Mèr ze blieve aane gang en ze zette ze mèr nieër
Dè’s de leste, d’n allerlèste
Ich hoof d’r echt neet mieër

Waat un fieëst dae vastelaovundj, de schoeënste daage van ut jaor
Al waat Limburg hètj of Braobentj, det stieët al lang van teveure klaor
Eed’re aovundj liektj de leste, eed’re kieër liektj ut fieëst gedaon
Mer tot de bel vör ut leste röndje, laote vae os gaon

Saame met un gruupke vrindje, vastelaovundj inne stad
De kroeg stieët vôl met gooj bekindje, ut gieët heej haard mer d’r ès nog zat
Eederein liektj roond te danse, eederein gieët uut zien daak
Beste minse, gae moogtj weete, heej esj now al raak

D’r stieëd un dikke bend te speule, muziek det zitj ze in het blood
Terwiel die zich staon aaf te beule, vermake vae oos saame good
Ut eine nao ut angere pilske, soms hieël traog mer soms ouch bruut
En net veurdet de leechte aangaon, gieët mien lempke uut

HOME PLAATSNAMENOVERZICHT HOME

DET GEVEUL
Tekst: Tiny Wolters - muziek: Ben & Jan Wolters
Zang (*): Kan Kwaake

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

DET HEB ICH WEER
2006/2007 nr.1 : Tekst: Paul Koppen & Thea Bongers - muziek: Thea Bongers
Zang: Aoj Hoor 2006 (Paul Koppen)

Refrein:
Det heb ich weer, det es kloeëte
Ongepermitteerdj um te toête.
Ut laeve hingtj van rampe aanein,
mer ich gaef neet op, mich kriêge ze neet klein.
Det heb ich weer, 't es geine bak.
Ich bin altiêd... de zak.

ge-aojoor................

Refrein:
Det heb ich weer, det es kloeëte
Ongepermitteerdj um te toête.
Ut laeve hingtj van rampe aanein,
mer ich gaef neet op, mich kriêge ze neet klein.
Det heb ich weer, 't es geine bak.
Ich bin altiêd... de zak.

ge-aojoor................

Refrein:
Det heb ich weer, det es kloeëte
Ongepermitteerdj um te toête.
Ut laeve hingtj van rampe aanein,
mer ich gaef neet op, mich kriêge ze neet klein.
Det heb ich weer, 't es geine bak.
Ich bin altiêd... de zak.

ge-aojoor................

Refrein:
Det heb ich weer, det es kloeëte
Ongepermitteerdj um te toête.
Ut laeve hingtj van rampe aanein,
mer ich gaef neet op, mich kriêge ze neet klein.
Det heb ich weer, 't es geine bak.
Ich bin altiêd... de zak!

HOME PLAATSNAMENOVERZICHT HOME

DET VIRUS
2001: Tekst & muziek: Jo van Geneijgen
Zang: Aldje, Harrie en koeër

As de körsbel sjuust zeen opgeruumdj en ouch de kniên good heet gesmaaktj
't Weer jeuktj en kieteltj in eur liêf, en djae weer in de stumming raaktj
Ontwaaktj det virus en det kwispeltj met zien stertje
Hî-j in Ni-jwieërt dao laeftj det bieëstje in oos hertje.
Det kruuptj weer door os haer
As Pîn gaon vae weer gaer.

Refrein:
Kietel kriebel wiebel Vastelaovundj
Det virus sluuëtj weer keihaard tow
Jao vae zeen dao door bezaete
En det kumtj eeder jaor opnôw.
Det vae dit samen nog hieël lang mooge belaeve
Det es 't schoeënste op dees aerd
Kej aane pin en ouch wat last van koppien
Det zeen di-j daag os zeeker waerd.

Op Asgoonsdig dan estj echt vörbi-j, huidkieës en hieëring zeen weer op
Wetj det bieëstje zich hieël geine raod, verluuëtj weer stilaan ooze kop
't Trektj zich trök, 't mot alweer 'n jäörke wachte
En gieët weer slaope, 't zeen vör eum nog hieël völ nachte.
Mer astj weer wakker weurtj
Gael, greun en roeëd gekleurdj.

HOME PLAATSNAMENOVERZICHT HOME

DJUU
Tekst & muziek: Will & Mien Knapen
Zang (*): Will & Mien Knapen

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

DOOTJ MET OS MEJ
2000: Tekst: Trio Good Gemoodj - muziek: Henry Breukers
Zang: Trio Good Gemoodj

Refrein:
Dootj met os mej
Det maaktj os hieël bli-j
Want Vastelaovundj det veerdje toch gaer
Gae drejtj en kerneltj
Vae staon hieël versteldj
Met Vastelaovundj trekke vae dan flink van laer.

De naober bî-j os naeve
Dae woeëj us wat belaeve
Vae gooven eum de raod
Gaotj us kieke oppe straot.

Hae kwoom pas trök nao twellef oor
Ze haajen eum verkledj as boor
Met Vastelaovundj paktj hae vrî-j
Want hae huuërtj t'r nôw toch bî-j.

HOME PLAATSNAMENOVERZICHT HOME

DRI-J DAAG OP 'N RI-J
2000: Tekst: Pierre Coenen, Roy Kuijpers & Matthijs Kaan - muziek: Matthijs Kaan
Zang: Pierre Coenen, Roy Kuijpers & Matthijs Kaan

Refrein 1:
Ein, twieë, dri-j.
Ein, twieë, dri-j.
Ein, twieë, dri-j daag op 'n ri-j.

Pierke haaj verkieëring met 'n hieël schoeën pöl
Niks waas um vör eur te völ
Deep blaw döp en 'n hieël schoeën liêf
En dan ouch nog op eur kevief.
Met de Vastelaovundj woeëj hae met eur nao 't kefee
Det maaktj dje eur neet zoeë bli-j
Kwaod zagt zuj: gae bliftj mer hî-j.
Mer wetj djae waat hae zagt ?.

Refrein 2:
Ich wil gein ein
Gein twieë
Mer ein, twieë, dri-j daag op ri-j
Zi-j aan zi-j
Dootj mer mej
Ein, twieë, dri-j daag op ri-j
Gein ein
Gein twieë
Mer ein, twieë, dri-j daag op ri-j
Hosse, danse, völ plezeer
Vae zeen van de perti-j

Ongemoodj en misselik laag Pierke zeek op bed
Ieëmelik, nog neet zoeë net
Neeste, koffe, van de wap
Hae veuldje zich ontieglik slap.
Toch woeëj Pierke met Vastelaovundj gaer op sjouw
Di-j daag bliftj hae toch wul trouw
Gaw oet bed en snel in touw
Want wetj djae waat hae zagt ?

HOME PLAATSNAMENOVERZICHT HOME

DREI-J DAAG TERNEERE
1987: Tekst & muziek: Boy Hendrix
Zang: Boy Hendrix

Refrein:
Vae minse van Neewieert oos Pinnelandj
Vae gaon d'r weer flink tegenaan
Vae veere now weer ooze Vastelaovundj
Heej in oos Neewieerts landj.

Drei-j daag terneere, jao det ligtj os waal
Stevig dur tegenaan, hei-op met vul kabaal
Drei-j daag weer veere, jao det ligtj os waal
Dootj allemaol mer mei-j, aan beids kantje van ut kanaal.

Drei-j daag terneere, zitj os in ut blood
Gaotj met de prins veurop, alaaf det deut uch good
Drei-j daag weer veere, zitj os in ut blood
Dootj allemaol mer mei-j in Neewieert, oos Neewieert veurgood.

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

DREI-JE
2006/2007: Tekst: Leon Hoeben - muziek: Boy Hendrix & Leon Hoeben
Zang: Johan Hoeben

Ich ging met de wichter nao de kermis in 't dörp
Gae kintj uch waal dinke wi-j 't gieët
Ich mot van eur mei-j inne Jimmy of rups
Mer det gieët mich echt wat te wiêt
Miene maag drei-tj zich al um
As ich in zoeën schuûtje klum

Refrein:
As ut gieët drei-je dan esj weer zoeë wiêt
Ich raak op den door ouch michzelluf nog kwiêt
De volgendje daag jao dan heb ich weer spiêt
Want as ut gieët drei-je esj tiêd

En esj vastelaovundj dan giêt ut dur op
Ich laot um dan dri-j daag flink gaon
Mer stieët dan in êns hieël de kroeg oppe kop
dan laot ich dae leste mer staon
Drînk mich 'ne limmenaat
Mer 't es alweer te laat

HOME PLAATSNAMENOVERZICHT HOME

DROUME
1996: Tekst & muziek: Huib van Deursen

Refrein:
Jao vae meindje det vae droumdje
Mer de droum woord werkelijkheid
Jao vae konne weer geniete
Van de daag van gekkigheid
Jao vae meindje det vae droumdje
Ooze droum dae woord echt waor
Jao vae konne weer geneete
Van de daag van 't jaor.

Ich waer gereegeldj wakker, zoeë midden inne nacht
't Es de Vastelaovundj, wao det ich steeds aan dacht
Het bliftj mich aan 't drejje
't Speultj mich doore kop
Ich gaon d'r mej nao bed, en ich staon d'r weer mej op.

En zelfs inne zomer begintj det weer opnôw
Droum weer van Vastelaovundj
Ich laef d'r weer nao tow
De fieëstnaas en 't masker, det kumtj weer op mich aâf
En roop dan in mien droume, dri-jmaol Ni-jwieërt alaâf.

HOME PLAATSNAMENOVERZICHT HOME

DROUME
1996: Tekst: Tiny Wolters, Thea Crins, Joke Brentjens & Ans schroijen - muziek: CC
Zang : Kan Kwaake & De Chaplins

Refrein:
Droume, lekker droume
zweve, oppe muziek.
Loester, nao dees klanke
is det, neet uniek

Sillentaler muzikanten, die spele al vol jaore
oppe Bôntje Aovendj mêt, des 'n ôngejraeve wet.
En ut is veûr ederein, toch zoe hieel vanzellufspraekendj
mêr ze bringe toch de sfeer, veûr oos plezeer.

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

'T ECHTE LAEVE
1996: Tekst: Huib van Deursen - muziek: Maarten van Deursen

't Hieële jaor mer wêrreke
Vör neêmes geine tiêd
Mer gieët 't op november aan
Dan es 't weer zoeë wiet
Vae konne weer us lache
Verkoupe stomme kâl
't Es de Vastelaovundj
Dae gieët mich boven âl

Refrein:
't Echte laeve, det es hî-j
En veur dejje 't wetj dan es 't weer vörbi-j
't Echte laeve det es hî-j
En paktj d' ein d' ânger innen êrrem en komtj t'r bî-j
't Echte laeve det es hî-j
En veur dejje 't wetj estj weer vörbi-j

Vae geneete van 't laeve
Vanne vastelaovundjsdaag
Beginnen al te lache
Zoeë oppe neuchtere maag
Vae zitte neet te niêse
Mer maâke groeëte lôl
't Es de Vastelaovundj
Dao zitte vae van vôl

HOME PLAATSNAMENOVERZICHT HOME

EEDEREIN ES KNETTERGEK
2001: Tekst & muziek: Els Vaes-Jacobs
Zang: de Kristalbelletjes

Refrein:
Sjeng boem, retteketet
Eederein es knettergek
Vastelaovundj in Ni-jwieërt
Dri-j daag maâke vae 't laat
En zeen zoeë gek wî-j ein raad
D'n hieële tispel luiptj verkieërdj

Weurtj 't Santa of Centraal
Det es toch schiêt egaal
Laotj mer wejje, kiektj neet zoeë naw
Want Asgoonsdig det kumtj völste gaw.

't Maaktj neet oet waat dejje dootj
Eederein es good gemoodj
Prakkezeren es vanne baan
Jao vae gaon d'r duchtig teegenaan.

Hieël Ni-jwieërt det gieët t'r vör
Waat es Hollandj dan toch dör
Dri-j daag gaon vae oet oos daâk
Nein det luiptj hî-j zeeker noeëts mieër spaâk!

HOME PLAATSNAMENOVERZICHT HOME

ENS PER JAOR
2002/2003: Tekst & muziek: Huib van Deursen
Zang: Notekrakers

Refrein:
Ens per jaor zet ich de bleumkus boete
Ens per jaor zoe biestig gooje zin
Ich hoof de hofkepel mer huure toete
En zit der dan weer midde in
Ich hoof de hofkepel mer huure toete
En zit der dan weer midde in

De eine dae kweekt veugel de angere hilt ves
De eine dae foktj knienkus, gae wetj waal weej det es
Mer ich ich heb ein hobbie, daej geuftj ut laeve kleur
Det is de vastelaovundj en dae stieed now vor de deur

De eine dae hiltj geraniums, de angere vlegtj reet
De eine dae hiltj hinne, det heb ich allemaol neet
Mer ich, ich heb ein hobbie, drei-j daag in ut jaor
Det is de vastelaovundj, en ich bin der weer vor klaor

HOME PLAATSNAMENOVERZICHT HOME

GAE ZEETJ GENUUËDJ
2000: Tekst & muziek: Els Vaes-Jacobs
Zang: Karin Smolenaers & Joost Verboogen

Refrein:
Gae zeetj genuuëdj, smietj ongerhandj
D'n hieële tispel aane kantj.
Verbuuëstj uch neet, mer dootj toch mej
En zeetj met os vanne perti-j
't Es je van het, det oos budget
Op Vastelaovundj es begruuëtj
Vae hebbe dri-j daag lank verlet, gae zeetj genuuëdj

Vör Vastelaovundj bin ich weer klaor
Det paktj mich neêmes aâf in gein twieëdoezendj jaor

In mien schoeën dörpke gieët alles nao wîns
De börgemeister maaktj weer plaats vör eine prîns

Dri-j daag de hort op van groeët tot klein
Dus zingtj nog eine kieër, dan wetj 't eederein

HOME PLAATSNAMENOVERZICHT HOME

GEÊL EN GRUEN
Tekst: Thijs Verlaek - muziek: Urbanus
Zang (*): De Chaplins

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

GEK VAN VASTELAOVUNDJ
2003/2004: Tekst & muziek: Hendria Bollen-Jilesen
Zang: Hendria Bollen-Jilesen & Ramona Smeets-Bollen

Refrein:
Weêm es gek van vastelaovundj
Laotj uch dan es lekker gaon
Paktj uch saame in de êrrem
En blieftj toch neet staon
Weêm es gek van vastelaovundj
Drei-j daag gaon vae oet dae bol
En vae maake völ plezeer
Met een lekker glaeske beer

De trom en auch de tamboerijn
Die mooge oet de kast
Want 't es weer vastelaovundjstieed
Dan kumptj det good van pas
Vae houwe met de deksels
En gaon dan oppe straot
Want met de vastelaovundj
Dan kan 't toch hieel gein kwaod

Auch jonk en aod en groeet en klein
Now blieftj dao toch neet staon
En louptj met os de polonais
En laotj uch lekker gaon
't Es vörbeej vör dae je 't wetj
Dus dootj nog effe mei-j
Want drei-j daag vastelaovundj
Deej zeen toch zoe vörbeej.

HOME PLAATSNAMENOVERZICHT HOME

GEKKE BEKKE TREKKE
2001: Tekst & muziek: Leo Schroyen
Zang: Neewieërters Echte

Refrein:
Effe lekker gekke bekke trekke
Want de Vastelaovundj kumtj t'r alweer aan
Effe lekker gekke bekke trekke
Alle zörreg in eine kieër vanne baan
Zetj 'n fieëstnaas op, 'n hoedje oppe kop
Vastelaovundj veere weurtj dan geine flop
Zetj 'n fieëstnaas op, 'n hoedje oppe kop
Vastelaovundj veere weurtj dan geine flop

't Hieël jaor strak in 't pak
Gezicht schoeën in de ploeëj
En almer di-j verplichtinge
Det doon ich toch zoeë noeëj
Mer teege Sinte Merte dan begintj vör mich de geîn
Dan goes ich alle remme los en gaon wî-j eine trein.

Dri-j daag lekker aane zwieër
En steeds vanne perti-j
Asgoonsdig nog ein hieëringske
Det huuërtj d'r ouch nog bî-j
't Es toch ein geweldjig fieëst, ein fieëst vör eederein
Trektj allemaol 'ne gekke bek en zingtj dan dit refrein :

HOME PLAATSNAMENOVERZICHT HOME

GEVEUL MET VASTELAOVUNDJ
2002/2003: Tekst: Truus Wullems, Yvonne en Leo Schroijen - muziek: Leo Schroyen, Thijs Hoeben, Lei Weekers
Zang: De Neewieerters echte

Refrein:
Kindjae det geveul met vastelaovundj
De kriebels in 't blood, vastelaovundj deut mich good
Drei-j daag aan de zwier met vastelaovundj
Saame drinke, Saame klinke, jao det gaeftj de burger mood

De dolle daag deej zeen weer aangebrooke
Ut pekske jao det moog weer oet de kast
Mien blood begintj weer stillekes te kooke
En dit geveul det haoj ich drei-j daag vast.
lch heb zin um oet mieene bol te gaon
Maaktj mich neet oet als ich vör joker staon

lch veul mich weej unne ves in ut water
Als ich mich in det fieestgedruis begaef
En langzaam aan dan weurtj ut als mer later
Mer det is iets wao ich now niks um gaef
lch drink ein pinke en roop alaaf
De vastelaovundj is toch kei kei gaaf

HOME PLAATSNAMENOVERZICHT HOME

UT GLAÂS
2005/2006: Tekst: Severine Vrenken & René Knapen - muziek: Severine Vrenken
Zang: Zoeë mer wat

Refrein:
Ich bin zoeë bli-j det ut fieëst weer gieët beginne,
Want de vastelaovundj-daag di-j zeen d´r weer.
Ich mot d´r ieërst noch effekes aan winne,
Mer dan gaon ich ouch duchtig op en neer.
Ich bin zoeë bli-j det ut fieëst weer gieët beginne,
Met dees daag raak ich hieël dek weer leeg en vol,
As glaâs wil ich de minse steeds verwinne,
Van hândj tot hândj, heb ich toch hieël völ lol.

Aan de kântj, aan de kântj, ut es toch ein geraas,
Van môndj tot môndj, naas tot naas, ich heb geine baas.
Aan de kântj, aan de kântj, ich heb ut drök,
Mer ich bring eederein toch völ gelök.

Pas d´r op, pas d´r op, ich zit boordevol,
Kiektj nôw oet, kiektj nôw oet, want ich staon al bol,
Pas d´r op, pas d´r op, met dees dri-j daag.
Ut schoêm stieët nôw al tot aan miene kraag.

HOME PLAATSNAMENOVERZICHT HOME

GOOJE DAAG
1998: Tekst & muziek: Leen Coolen- Hendrikx
Zang: Conny, Lijsbeth, Piet & Eric

Refrein:
Gooje daag, gooje daag eederein
Laotj marcheren al di-j beinkes achtereîn
Gooje daag, gooje daag eederein
Wejje, zwejje met de hendjes teegenein
Gooje daag, gooje daag allemaol
Eederein dae heet di-j gekke kwaol
Gooje daag, gooje daag allemaol
Völ plezeer hî-j op de wêrreldj bôl

Nôw zetj uch oppe bein
En staektj eur naâs veuroet
Spektaakeltj ongereîn
Laeftj uch lekker oet.

Gewemel overal
Op eedere kantj of hoôk
En van dae gekke kâl
Gieët t'r in wî-j koôk.

HOME PLAATSNAMENOVERZICHT HOME

EINE GROEËTE POLONAIS
1997: Tekst: Huib van Deursen - muziek: Maarten van Deursen
Zang: Notekrakers

Refrein:
Maaktj met os de groeëte polonaise door Ni-jwieërt
Met Vastelaovundj, eederen aovundj
Paktj uch bî-j de schouwers vormtj samen eine slieërt
Met Vastelaovundj door Ni-jwieërt
En paktj uch bî-j de jas, boks of inne zi-j
Komtj t'r ammaol bî-j, en sloetj aan inne ri-j
Vormtj samen eine slieërt
Maaktj groeëte polonaise door Ni-jwieërt

Ich begin eineweeg te loupe
En zeen dan eure rök
Daorum drej ich mich oppe tiêd us trök
Dan kiek ich in eur ouge, dan zeen ich eure mondj
't Es van korte door, ich mot weer rôndj
Zoeë blieve vae dan dri-j daag aane gang
Och juzzesmins waat weurtj dae slinger lank.

Nao dri-j daag polonaise
D'r pien van inne bein
Mer truuëstj uch, want gae hetj 't neet allein
De wêrreldj drejtj mer wieter, 't klökske tiktj mer door
Opens estj deenzigaovundj twellef oor
De polonaise vör de leste kieër
En daonao vör ein aalik jaor neet mieër.

HOME PLAATSNAMENOVERZICHT HOME

HET VAN JE
Tekst: De Chaplins - muziek: Boudewijn de Groot
Zang (*): De Chaplins

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

HOEMPAPA MEZIEK
2006/2007: Tekst & muziek: Huib van Deursen
Zang: Ramona Smeets-Bollen

Refrein:
Vae huuere met deej daag gaer hoempapa meziek
Hoempapa meziek, hoempapa meziek
Geine rock en roll of klassiek
Mer van dae hoempapa meziek
En huure vae dan ein joekskepel
Deej bezörgtj os hinnevel
Waat veule vae os riêk
Met van dae hoempapa meziek

Ut hieële jaor door huuer ich rock en pop
Mer met de vastelaovundj zet ich gauw wat angers op
En huuer ich dan ein joekskepel of zaate hermeni-j
Ich begin spontaan te danse en ich zing dan volop mei-j

Nao drei-j daag vastelaovundj, de meziek stieët al weer stop
Ich mot weer lieëre laeve met house, rock of pop
Mer over twelluf maondje staon vae met de hieële kliek
Heej weer flink te danse op dae hoempapa meziek

HOME PLAATSNAMENOVERZICHT HOME

ICH BIN HIEËLEMAOL WEG VAN UCH
2004/2005: Tekst & muziek: Thea Bongers
Zang: De Hanglobelia's

Refrein:
Ich bin hieëlemaol weg van uch
met dae vastelaovundj.
Ich bin hieëlemaol weg van uch
met di-j blôndje pruûk.
Di-j blauw auge en dae smînk
waat zeejae un lekker dînk.
Ich bin hieëlemaol weg van uch
met di-j blôndje pruûk.

Ich zooi-j gaer wille weête
wi-j zeejae in't echt.
Zeen eur haor zoeë kort
of hejjae unne stert?
Zeejae getrouwtj
of woeëndjae nog allein?
Ich hoop mer van ut leste
want det ving ich waal fijn.

Ich zooi-j gaer wille wete
wao komtjae vanaaf.
Ich zeen uch allein
met di-j gekke gekke daag.
Ich wil met uch fieëste
dae vastelaovundjstiêd.
En as ut effe kan
wil ich uch noeets mieer kwiêt.

HOME PLAATSNAMENOVERZICHT HOME

ICH BIN MET VASTELAOVENDJ GEBORE
2002/2003: Tekst & muziek: Els Vaes-Jacobs
Zang: De Kristalbelletjes

Refrein:
lch bin met vastelaovundj geboore,
de vastelaovundj zitj mich in't blood.
lch dacht laot mich now mer us gauw gaon loore,
oos mam wetj det verrekes good.
Wi-j ich d'n ieerste kick woe-j gaeve
kwoom net d'n optocht bi-j os naeve.
lch bin met vastelaovundj geboore
dae's zat vör un prinsheerlijk laeve!

Wannieer di-j gekke daag d'r aan gaon koome
krieeg ich weer nowe energie.
Genog van det traoge en sloome
maakt lol en fieestj nondepie!
Hae jae auch zoeë völ dorst
zingtj dan mei-j oet volle borst

Ut jaor es weer drieë umgevlooge
miljaar wao blieftje toch dae'n tieed?
't Aes vrieëd mer toch echt ongelooge
auch Paose aes neet mieer wieed.
Det aes toch schieet egaal
maaktj nog eine kieer kabaal

HOME PLAATSNAMENOVERZICHT HOME

ICH BIN 'NE PIN
2000: Tekst & muziek: Mirjam en Jos Sieben
Zang: Mirjam en Jos Sieben

Refrein:
Vastelaovundj veer ich, al van kleins of aan
't Es uch mette paplepel ingegoote
Dao bin ich nôw hieël bli-j um, det det zoeë es gebeurdj
Dao mej heb ich dus hieëlemaol gein moote
Ich bin d'r nôw hieël gruuëts op, det ich det mej maag maâke
Det ich 'ne Pinmaeker bin, ich bin gelökkig, intens gelökkig
Jao ich bin eine Pîn.

Ich woor 'ne peuter, woord kloon of seldaot
En fieësdje lekker mej met de prîns en ziene raod
As kleuter ging ich nao 't matinee
Dao kreeg ich sjips en neutjes d'r bî-j

In groep acht woor dje de groeëtste, oppe brögklas weer 't kleinst
Vastelaovundj veere, met de klas waas op zien feinst
Nog schoeënder es 't toch wul in klas dri-j
Dao deut eederein gezellig mej

Nôw bin ich weer wat groeëter, gaon al nao de discotheek
Neet eeder waek, mer ich bin toch geine leek
Vastelaovundj 'ne gezellige boel
De jonges en de meide vingen 't koel

HOME PLAATSNAMENOVERZICHT HOME

ICH EN DICH
1995: Tekst & muziek: Leen Coolen- Hendrikx
Zang (*) : Connie van Laer & Lijsbeth Schroijen

Vastelaovundj groeët plezeer
Maaktj 'n mötske van pepeer
Plektj dao op wat blinkendj blink
En verseertj uch met det dink
Gaon gezellig good gek doon
Oppe klûmp of oppe schoon.

Refrein:
Ich en dich en dich en ich
Hae en dae en dae en hae
Gae en vae kerneltj mer rôndj
Höftj de beinkes van de grôndj.

Eederein met eederein
Boemeltj, bommeltj achter ein
Peskes vroet en peskes trök
Hendjes hoeëg of oppe rök
En mer zweite, alles plektj
Kan niks bomme, detj verrektj.

Êrrem in êrrem op kroegetocht
Höffe, heise liters vocht
Alles zingtj op valse toeën
Vastelaovundj wongerschoeën
Nao di-j daag itj klein en groeët
Einen hieëring met wat broeëd.

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

ICH HAOJ ZOE VEUL VAN OOS LEIVRE
Tekst: Joke Brentjens, Thea Crins, Ans Schroyen & Tiny Wolters - muziek: CC
Zang (*): Kan Kwaake

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

ICH HEB HÎ-J 'N KOEËJ
1997: Tekst & muziek: Drie Jo & Co
Zang: Drie Jo & Co

Refrein:
Ich heb hî-j 'n koeëj
Di-j koeëj di-j es leeg
Ich heb 't zoeë noeëj
Jao ich zoogt eineweeg
Ze kost good gewaere
Ze waas nog zoeë prêl
Schoeën in de vaere
En vast in eur vêl

't Eike loog opzi-j van de weeg
Gae zultj wul dinke det ich det leeg
't Es echt waor, 't loog in ein koêt
Ich deetj in d'n oove en breujdje 't oet
't Woord zoeë 'n leef en aanhankelik dink
Ich neumdje di-j mös de Pinmaekers vink

Gemalen törref loog in eur koeëj
Ze oot en dronk en niks gein geknoeëj
Op zeeve stekskes sprong dae poepernêl
Ze floot jao ze kost in de boorekepel
Ze gong met mich mej en ich waas noeëts allein
Nôw bin ich op zeuk, weem heet t'r nog ein?

HOME PLAATSNAMENOVERZICHT HOME

ICH KIN EIN KAFEKE
Tekst: Bèr de Wit - muziek: P. Segers
Zang (*): Jo de Wit & Anita de Wit

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

ICH KRIEG DE KRIEBELS
1998: Tekst & muziek: E. Vaes
Zang: Kristalbelletjes

Refrein:
Ich krieg de kriebels, ich gaon zweite
Met Vastelaovundj bin ich pleite
Ich bin neet te haoje, ich wil lekker fieëste
De bieëst oethange, flink tempieëste
Veer daag plezeer en niks waat mot
Jao in Ni-jwieërt estj veer daag haole klot

Ens per jaor gae kontj 't raoje
Dan bin ich neet mieër te haoje
Dikke leut, jao gein gewouwel
't Pinnelandj stieët oppe kop
De groeëtste niês dae gieët veurop.

Groeët en klein dae heet t'r zin in
Houwtj t'r veer daag lank de pîn in
Wêrreke zultj dje sommes waal motte
Mer dees daag zeen vör de zotte
Gein gepoejak, gein geklaag
Geldj mot rolle met dees daag.

Niks zoeë schoeën as Carnavallen
En veer daag Ni-jwieërts te kalle
Neet kejtof en ouch neet kejgaaf
Mer gewoeën 'n dri-jwerf alaâf
Spraektj toch ein ânger taal
Det es nôw toch schiet egaal.

HOME PLAATSNAMENOVERZICHT HOME

ICH ZEUK DICH
1995: Tekst: Jos Gubbels - muziek: Leon Gubbels

Refrein:
Ich zeuk dich
Dich zeukst mich
Vae zeuke os al mer op
Met Vastelaovundj gaon vae oet
En zette dan de zaak op 'e kop

Dich zuust hieël veul minse
En hieël veul di-j kinste
Allemaol oet 't Limburgse landj
Eederein es hî-j
Lachtj weer en es bli-j
En zetj de zörreg aane kantj.

Ich loup door de straot
Ich zeen jonk en aod
Overal trektj de bontje stoet
Met êrreg völ kleuren
Zoeë mot det gebeure
Mer wao bistich met diene roeëje hoed.

Eederein luiptj rôndj
De keelkes zeen bôntj
Allemaol gekke gaon in de stoet
Ze danse en springe
Hosse en zinge
Mer wao bistich met diene roeëje hoed.

Nao êrreg lang wachte
En dich in gedachte
Pakdje ich dich bî-j diene kraag
Met dien roeëd hoedje
En lollig snoetje
Blifstich bî-j mich voort alle daag.

HOME PLAATSNAMENOVERZICHT HOME

ICH ZING MET TICH DE STERRE VANNE HEMEL AÂF
1999: Tekst & muziek: Els Vaes-Jacobs
Zang: Kristalbelletjes

Refrein:
Hej, hej, hej, zingtj met mich mej
't Es gewoeën te schoeën, ich bin d'r hieël vanaâf
Jao jao, jao jao, zingtj mer nao
De rest van 't jaor, 't es waor, bin ich hieël stil en braaf
Nein nein, nein nein, ich zing neet allein
Ich zing met tich de sterre vanne hemel aâf.

Jao ens per jaor dan sluuëtj de Vastelaovundj tow
Gae waertj 'n ânger mins en neêmes es nôw schow
In 't Pinnelandj veugtj eederein zich ongereîn
En alle Pinmaekers zinge dit refrein ...

Jao Vastelaovundj dao kan hieël niks teegen op
Want dri-j daag lank hetj dje gein zörreg aane kop
De kael gesmeerdj, det es ouch hieël good vör de dorst
't Hieële Pinnelandj zingtj mej oet volle borst ...

't Es Vastelaovundj in oos dörpke aane kanaal
Völ balkeneere, 'ne dikke houp kabaal
'n Gekkenhoês, mer eederein heetj nao de zin
En neêmes raaktj van Vastelaovundj aane pin ...

HOME PLAATSNAMENOVERZICHT HOME

IN NI-JWIEËRT
1995: Tekst & muziek: Toos Stultiens

Refrein:
In Ni-jwieërt dao gaotj dje wat belaeve
In Ni-jwieërt begintj 't echte laeve
In Ni-jwieërt es wat aane handj
't Es Vastelaovundj in oos Pinnelandj.

De möts weurtj oet de kast gehaaldj
En weer good opgedaon
Mien pekske trek ich aan
Ich mot weer dri-j daag gaon
Dri-j daag van plezeer
En neet nao hoes tow gaon
Mer det leste glaeske
Laot ich toch neet staon.

't Es weer Vastelaovundj
In oos Pinnelandj
Jonk en aod, groeët en klein
Springe oet de bandj
Bî-j de Kleine Winst
Of bî-j kefee Centraal
As ich dao dan binne koom
Dan zingtj de hieële zaal.

Ich bestel mich gouw ein pilske
En veul mich dan weer mins
Ich gaon van kroeg tot kroeg
En krieg toch noeëts genog
Madeira of de Knip
Of bî-j de Riva zaal
Jao woeë ich ouch nao binne gaon
Dao zingtj de hieële zaal.

's Maondjigs trektj d'n optocht
Door Budschop en Ni-jwieërt
Dao es völ pracht en praal
Det weete vae alle waal
Ze hebbe good eur best gedaon
En laote um volgendj jaor weer gaon
Want door eine göldje te gaeve
Laotj dje d'n optocht laeve.

HOME PLAATSNAMENOVERZICHT HOME

IN POLONAISE
2001: Tekst & muziek: Hendria & Ramona Bollen
Zang: Trio Twieë + Ein

Refrein:
't Es Vastelaovundj in Ni-jwieërt
Kom dootj mer mej
Want dri-j daag gaon vae oet de bôl
't Es zoeë vörbi-j
Dus haaltj eur keelke oet de kast
Dootj eur klompen aan
Dan gaon vae saam in polonaise
Komtj t'r achteraan.

't Hieël jaor wêrreke vae mer door
Vör stappe geine tiêd
Toch speultj det virus in mien blood
Want fieëste deut mich good.

Dan es dae schoeëne tiêd weer dao
De zörreg aane kantj
Vae dinke neet aan wêrreke mieër
En springen oet de bandj.

HOME PLAATSNAMENOVERZICHT HOME

JEUK IN DI-J KNEUK
1986: Tekst & muziek: Boy Hendrix
Zang: Boy Hendrix

Refrein:
Vae zeen weer aan't begin, am'maol ein am'moal Pin
Want ut aes now Vastelaovundj.
Vae zeen now heej beejein, haole klot ongerein
Want ut aes toch Vastelaovundj.

Zeedje met dees daag weer op stap aan ut gaon,
Laotj d'n auto thoees , zetj um weg, laotj um staon.
Veertj de Vastelaovundj met eederein mei-j
Met jeuk in di-j kneuk en pieen inne zi-j.

Komdje os us teege in zaal of op straot,
Paktj uch inne errum met jonk as auch aod.
Veertj de Vastelaovundj met eederein mei-j
Met jeuk in di-j kneuk en pieen inne zi-j.

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

JONK GELIEËRDJ ES AOD GEDAON
2000: Tekst & muziek: Els Vaes-Jacobs
Zang: De Kristalbelletjes

Refrein:
Jonk gelieërdj es aod gedaon
Daorum det vae hî-j weer staon
Met Vastelaovundj: alaâf
De groeëte en de klein
Zeen weer same oppe bein
Met Vastelaovundj: Kej gaaf

Ich vraog mich aâf of d'r wat schoeënders waal bestieët
As flink tempieëste hieël de tiêd
Eeders hertje es dees daag d'r weer van vaol
Want Vastelaovundj es toch van os allemaol...lll.
Tralalalalalala ...

Jao neêmes heet t'r met dees daag nog last van stres
De zörreg gaon weer oppe fles
En as vae dan de polonaise hebbe gedaon
Dan estj nog lang neet tiêd, um weer nao hoes te gaon...nnn.
Tralalalalalala ...

Vae zinge gaer 'n lidje inne loup van 't jaor
En kriege det normaal good klaor
Mer kumtj dae al te gekke Vastelaovundjstiêd
Dan zeen vae grif de gooje wies, hieëlemaol kwiêt...ttt.
Tralalalalalala ...

HOME PLAATSNAMENOVERZICHT HOME

KALE KUUKELHAAN
Tekst & muziek: Anita Haex-Scholtens & M.Pollux & Aerts
Zang: Anita Haex-Scholtens & M. Pollux-Aerts

Refrein:
Kale kuukelhaan, waat hae-jae dao aan?
Waat hae-jae dao aan, laotj os us kieëke.
Kale kuukelhaan, waat hae-jae dao aan?
Mein djae dae-je zoeë op os kuntj lieëke?
Mer un haenke songer veere laote vae hi-j neet gewaere.
Kale kuukelhaan, waat hae-jae dao aan?
Waat hae-jae dao aan, laotj os us kieëke.

Dae haan ging nao d’n tore, hae woei-j d’r bovenop.
Mer waas al half bevrore en kos d’r dus neet op.
Hae kocht zich un-ne bontjas, dao luiptj hae now mei-j rond.
Mer hane met ‘ne bontjas, di-j make ut te bont.

Now kieëktj us nao dae snuiter, heet geine jas mieër aan.
Hae deut de polonaise, zoeë door de Rendierlaan.
Met Vastelaovundj aes d’r gein Kuuk di-j dao op letj.
Mer later op Asgoonsdig stieët tur groeët in-ne gezet

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

KALLE, KWAAKEN en ZINGE
1995: Tekst & muziek: Drie Jo & Co

Refrein:
Kalle, kwaake, zinge
Uch ônger ânger minse minge
Met drejje, danse, springe
Van vreug tot laat dao staon zwinge
Kalle, kwaake, zinge
Gae hooftj 't ouch neet schoeën te vinge
Met drejje, danse en springe
De Vastelaovundj door te bringe.

't Zitj in oos blood, vae kregen 't mej
Ens in 't jaor, hebbe vae ooze drej
Dan gaon vae d'r oet, wî-j 'n vleegendje krej
En gaon vae te kieër, met hieël veul behej.

Dan gaon vae op stap, 't weurtj dan weer laat
Vae hebbe dan zeeker, gein zittendjes gaat
Dan scherre vae rôndj, wî-j ein poelepetaât
Hî-j en dao gaon vae neer, wî-j ein dwerrelendj blaâd.

HOME PLAATSNAMENOVERZICHT HOME

KEIJ SJIEK MANJEFIEK IS VASTELAOVUNDJMEZIEK
2004/2005 nr.3 : Tekst & muziek: Leo Schroijen
Zang: Neewieerters Echte

Refrein:
Keij sjiek manjefiek is vastelaovundjmuziek
Ut bringtj uch inne stumming, ut is vur groeet en klein publiek,
Keij sjiek manjefiek is vastelaovundjmuziek
Kom paktj uch inne errem, vormtj saame eine kliek
Of dootj de polonaise, springtj lekker in ut rondj
Mer blief veural neet stilstaon, fieeste is toch echt gezondj.
Keij sjiek manjefiek, keij sjiek manjefiek, keij sjiek manjefiek,
Is vastelaovundjmuziek.

Arbeidsvitamine det huur ich eedere daag,
En auch van al deej bloees krieeg ich gein kriebels inne maag
Van djess waer ich neet vrolik, van punk al aevemin
mer huur ich weer ein joekskapel, dan steigjt beej mich de zin
Det is vur mich muziek, det ving ich toch keij sjiek.

Vur mich gein wals of tango en auch gein rock en roll
Gein disco en gein hous, daovan gaon ich neet oet de bol,
Laotj mich mer lekker zinge en det is hieel normaal
Un vastenaovundjleedje auch nog in mien eige taal,
det is vur mich muziek, det ving ich toch keij sjiek.

HOME PLAATSNAMENOVERZICHT HOME

KIEKTJ DAO!
2007/2008: Tekst & muziek: De drei-j Neewieërter Idols Vröllie
Zang: De drei-j Neewieërter Idols Vröllie

Refrein:
Kiektj dao, kiektj dao, kiektj dao
ich wil waal kieke mer ich weit neet wao
waat is dao dan te zeen, heb ich weer wat gemisj
heb ich weer achter ut netje gevisj
zoeë gieët det now eeders kieër
mer dao lek ich mich neet beej nieër
mer dao lek ich mich neet beej nieër.

Vae kome ein kefeeke in en dao zitj eine prîns
jao det is echt de echte, det is echt miene wins
ich gaon d’r us mei-j kalle en scheet dan in de stress
ut bliektj dan neet de prîns, mer ut is de prinses.

Op maondjig nao de optocht tow, vae ginge oppe tiêd
ut is d’r altiêd drök, gae wetj waal weej det gieët
dao kwoom mer geine waage, wiste os geine raod
vae stonge wat te kieke, in de verkieërdje straot.

HOME PLAATSNAMENOVERZICHT HOME

KI-JE DET GEVEUL
Tekst & muziek: Karin Vossen & Margo Geuns
Zang (*): Karin Vossen & Margo Geuns

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

KIETELE
2000: Tekst: Leo Schroyen - muziek: Ivonne Schroyen-Weekers
Zang: Neewieërters Echte

Refrein:
He schat kom us hî-j
Dan zal ich dich us kietele
He schat kom us hî-j
Ich zal dich neet besodemieteren
He schat kom us hî-j
En drink met mich ein glaeske beer
En es de aovundj dan gedaon
Wil ich met dich nao hoês haer gaon
En es de aovundj dan gedaon
Wil ich met dich nao hoês haer gaon.

Jao de Vastelaovundj kumtj t'r alweer aan
En gein mins, hiltj mich nog teege
Alle minse gaon verkledj, jao di-j wille d'r tegenaan
Weem wiltj zoeë 'n fieëst neet mej belaeve
Ich pak dich in dien zi-j
En zing mer met mich mej.

Nao 't boorebâl, 'n boore keelke aan
En de klep op half zeeve
In d'n optocht loup ich mej, as keuningin of indiaan
't Maaktj neet oet, 't es um 't aeve
Ich pak dich in dien zi-j
En zing nog eine kieër mej

HOME PLAATSNAMENOVERZICHT HOME

KISTKAPPE
2000: Tekst & muziek: Huib van Deursen
Zang: De Notekrakers

Refrein:
Houwtj neet mis, houwtj neet mis
Houwtj boven op di-j kist
Umdet 't Vastelaovundj es
Jao houwtj t'r op slaag op slaag
En dootj det alle Vastelaovundjs daag

Eine ieëw geleeje toen waas det hieël gewoeën
't Houwen op ein kistje, det waas toch machtig schoeën
Verdween toen nao de achtergrondj
Mer waat hebbe vae gelök
't Houwen op 'n kistje, det es weer hieëlemaol trök

Nao dri-j daag duchtig houwen es 't dan weer gedaon
De stekskes zeen versleete, 't kistje nao de maon
Mer det kan os niks schille, waat haaje vae plezeer
En 't volgend jaor dan houwe vae allemaol toch weer.

HOME PLAATSNAMENOVERZICHT HOME

KLASJENEERE
2003/2004: Tekst: Huib van Deursen - muziek: Maarten van Deursen
Zang: Trio Dik Kontent

Schoonwieks oppe boterham
En bruuëtjes aanne veut
De stroeëp is liêlik zoor, azien is lekker zeut
De körsevlaai die bak ich inne pan
Zek snapdjae d'r nog wat van

Refrein:
Liktj now neet te prakeseere
Mer verkauptj wat stomme kal
Lekker saame klasjeneere
En det huuërdje overal
Flauwekul en stomme zeiver
In dae vastelaovundjtiêd
Saame wat aoj-hoore
As ut mer nergus over gieët

Oos Henk dae heet kummunieschoon
En aetj gaer ein kroket
Heet eine grieze slieps, gemaaktj van de gezet
Somers draagtj hae ziene gabberdien
Zek snapdjae ut nog misschien

HOME PLAATSNAMENOVERZICHT HOME

'NE KLOON
1994: Tekst: Huib van Deursen - muziek: Maarten van Deursen

Zoeë teege Vastelaovundj scheet ich vlot de zölder op
Ich pak de vastelaovundjsdoeës
En zet ze op 'e kop
Ich haal d'r mich ein pruukske oet en pak mien roeëje naâs
Ich gaon d'r dri-j daag teegen aan
En gaef dan duchtig gaâs
Jao minse 't es zoeë wiêt
't Es vastelaovundjstiêd.

Refrein:
Vae gaon as kloon
Want vae zeen as kloon geboore
Vae gaon gek doon
Daomej zeen vae groeët gewoore
Gaotj ouch as kloon, gekleurdje jas en groeëte schoon
Ein veurjaorszunke schientj uch oppe wang
De Vastelaovundj es in volle gang
Met ein nondedjuuke umme nek
Gaon vae as vastelaovundjsgek.

Ich heb nôw echt de groeëtste lôl
'n Lach op miene mondj
Mien uigskes straole van plezeer
Ze drejje in 't rôndj
't Es deenzigaovundj twellef oor
Mer eîn dink det stieët vast
Mêrrege mot 't pekske vör ein jaor weer in 'e kast
Jao minse 't es gedaon
Vae laote nôw ein traon.

HOME PLAATSNAMENOVERZICHT HOME

DE KLUTS, DE KLUTS
1997: Tekst: De Ni-jwieërters Echte o.l.v. Truus Wullems - muziek: Huub Tinnemans
Zang: De Ni-jwieërters Echte

Refrein:
De klus, de kluts, de kluts zeen vae kwiêt
't Es weer vastelaovundjstiêd
Vae gaon dri-j daag veurop
Zette de tent oppe kop
En kriege vae 'ne kater
Dae bewaare vae vör later.

Nôw koome van di-j gekke daag
Wao alles kan, woeë alles maag
Vae kieke neet nao rang of standj
En pakke der bî-j de handj
Same maâke vae völ lôl
Det haoje vae waal oore vôl
De kastelein dae bringtj 't beer
Tot 's nachts twieë oor es t'r plezeer.

De prinsen en den hieële raod
Trekke metten optocht door de straot
't Es dan fieëst in groeët Ni-jwieërt
Det es os al jonk gelieërdj
Nao dri-j daag es de pret vörbi-j
En zeen vae allemaol tevreej
Want met 'ne hieële houp gelök
Kumtj dan ouch ooze kluts weer trök.

HOME PLAATSNAMENOVERZICHT HOME

DE KOKOSMAT
2004/2005 nr.2 : Tekst: Maarten and his Ladies - muziek: Maarten van Deursen
Zang: Maarten and his Ladies

Vae struine wat rondj
Door straot en door steeg, ochèrm vae treffe gein mins
Det is toch neet te gluive, zelfs neet de raod met de prîns
Vae kieke wat rond en zeen ein kefee
En loore dao us door de roêt
Vae hoove os neet te bedînke en neeme dan ein wiês besloêt

Refrein:
Djuu... waat ein fieëst, heej wille vae ouch gaer nao binne
Ut es waal drök mer, ut mot toch kinne
Nao waat gedow en wat getrek staon vae dan binne
Merjè now hejje wat, heej op dî-j kokusmat

Waat es-j heej toch vol
Mien hang waere klam, ut zweît braektj mich overal oet
Ze staon mich op mien tieëne, ut gieët vör gein maeter veuroet
Vae dreî-je wat rond, op zeuk nao ein plaats
Och minse ut is mich toch wat
En ongevieër ein eurke later staon vae nog steeds op dî-j mat

Djuu... waat ein fieëst, heej wille vae ouch gaer nao binne
Ut es waal drök mer, ut mot toch kinne
Nao waat gedow en wat getrek staon vae dan binne
Merjè now hejje wat, heej op dî-j kokusmat
Merjè now hejje wat, heej op dî-j kokusmat.

HOME PLAATSNAMENOVERZICHT HOME

DE KOLDER INNE KOP
Tekst: Tineke Geurtjens - muziek: Had Geurtjens
Zang (*): Dave & Tineke Geurtjens

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

KOM MER VASTELAOVUNDJ
2002/2003: Tekst: Jo van Geneijgen - muziek: Fried van Dooren
Zang: Aldje en Harrie

Refrein:
Kom mer kom mer vastelaovundj
det es ut schoeenste op dees aert
Kom mer kom mer vastelaovundj
as-woonsdig zeen vae niks mieer waert
Drei-j daag gaon vae lekker fieeste
det bringtj os echt neet van os stök
volgentj jaor dan zeen vae weer de ieerste
auch in NeeWieert kumptj det dan trok.

Auch dit jaor begintj ut weer opnow
en as pin laef ich d'r al nao tow
Oos pruuk nog in ein buulke ut pekske inne kast
ich aai-j d'r al us oever en pak ut auch us vast

En de smeenk dae leg ich alvast klaor
gluifj mich mer jao det is zeker waor
lch schilder wi-j Picasso penseel mieen wengskes roeet
laot mich op straot bekieeke, val echt neet uut de boeet

HOME PLAATSNAMENOVERZICHT HOME

KOM ZETJ UM OP
Tekst: Wim Mertens - muziek: CC
Zang (*): Driejo & Co en Notekrakeres

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

DE LACH
1998: Tekst: Huib van Deursen - muziek: Huib van Deursen & Maarten van Deursen
Zang: Duo Dik Kontent

Refrein:
De lach huuërtj bî-j 't laeve
En de traon al aevezieër
Det weurtj uch gegaeve
Waat wille vae nog mieër
De lach huuërtj bî-j 't laeve
Bî-j de Vastelaovundj tiêd
Dae gulle lach, dae gulle lach
Dae wille vae neet kwiêt.

Wî-j ich woord geboore, loog ich in de weeg
En wejje waat ich toen al op slaag te huuëre kreeg
Det hiltj vanne Vastelaovundj, kiektj mer nao zien gezicht
't Bliftj mer aant lache, ein Vastelaovundj wicht.

Vae woorte stilaan aojer, en knapper nog d'r bî-j
En waat det es gewoore, det zeetj dje allemaol hî-j
Nôw kiektj us in oos uigskes en kiektj nao ooze lach
Ze valle op oos mundje det es waat ich al zagt.

HOME PLAATSNAMENOVERZICHT HOME

LAOTJ MER GAON
1999: Tekst: Jo van Geneijgen & Hendria Bollen-Jilesen - muziek: Jo van Geneijgen
Zang: Hendria & Ramona Bollen

Refrein:
Laotj mer gaon, laotj mer gaon
Vastelaovundj bliftj bestaon
Zetj de zörreg van uch aâf
Zingtj en rooptj allein alaâf
Kiektj neet niês, mer kiektj us bli-j
Kiektj zjuust veuroet en neet opzi-j
Laotj mer gaon, laotj mer gaon
Vastelaovundj bliftj bestaon.

Maaktj uch neet te drök en haotj gooje mood
Laotj um lekker gaon, 't kumtj vanzelf good
Schoeënste waat t'r es det stieët nôw vör de deur
Det Vastelaovundj hetj, bekindj nôw mer us kleur.

Minse van Ni-jwieërt, neêmes krigtj os klein
Neêmes maaktj os wat, want vae blieve ein
Fieëste doon vae gaer en op 'n schoeën meneer
Vae allemaol bi-jeîn, maâke same deze sfeer

HOME PLAATSNAMENOVERZICHT HOME

LAOTJ MER GAON
Tekst: Thieu de Leeuw & Peter Feijen - muziek: Had Geurtjens
Zang (*): Thieu de Leeuw & Peter Feijen

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

LAOTJ 'T MER WEJJE
1998: Tekst: Huib van Deursen - muziek: Maarten van Deursen
Zang: Notekrakers

Staptj dje sommes met 't verkieërdje bein oet bed
Gae zeetj ellendjig en gae veultj uch wî-j ein hoon
Dan es de daag kepot, 't es allemaol pet
Mer gae zultj 't t'r mej motte doon.

Refrein:
Dus laotj 't allemaol mer lekker wejje
Laotj 't mer drejje
En laotj 't ziene gank mer gaon
Want veur dejje 't wetj, jao jao det hejje
Es 't met 't schoeën laeve weer gedaon
Geneetj gae laeftj mer eine kieër
Want veur dejje 't wetj, zeetj dje boven bî-j d'n Hieër
Dus laotj 't allemaol mer lekker wejje
En laotj 't ziene gank mer gaon.

En gaotj dje us op stap
Zeetj dje ein maechdje staon
Gae kiektj eum aan en schatj um 25 jaor
Gae twiefeltj neet um d'r haer te gaon
Dan bliêktj 't eine jong met hieël lang haor.

HOME PLAATSNAMENOVERZICHT HOME

LAOTJ ZEEN DEJ-JAE EIN PIEPKUUK ZEETJ
Tekst & muziek: Will Knapen
Zang (*): Anita Haex, Mien en Will Knapen & Jan Stultjens

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

DE LIMENADE HERMENI-J
2008/2009: Tekst & muziek: De Kerneel
Zang: De Kernieëlkus olv Judith

Refrein:
Waat es d'r schoeëner dan ein limenade-hermeni-j
Det is toch hieël wat baeter, dan zoeën zaate hermeni-j
Völ lachendje gezichte, now kiektj wat bli-j
Beej oos limonade hermeni-j
Kom sloetj mer aan en dootj mer mei-j

Vae blaoze op ein fles limenaad of 7-up
Det doon vae met zien alle en vorme dan ein club
En wei-je waat vae ouch nog doon
Vae gebroêke deej as silofoon

Nao drei-j daag flink geblaoze en völ leweit gemaaktj
Hebbe vae met oos fleskus de zjuuste toeën geraaktj
't Volgendj jaor staon vae weer heej
En vae zeen der ammaol beej

HOME PLAATSNAMENOVERZICHT HOME

MAM DANSTJ D'N TANGO
1993: Tekst: Berthe Kloosterman, Corrie Smits - muziek: Josephien Houf

Refrein:
Mam danstj d'n tango, zweeftj oppe vloer
Int oranje roeëd, verkledj as moer
Mam danstj d'n tango, dinktj nêrreges aan
Ze schuufeltj wang aan wang met 'n banaan

Kom deustich aan zagt Pap
Ich wil met dich op stap
Want met di-j daag es t'r gein schoeënder plaats as aan d'n tap
Wao gaon vae nôw dan haer? Waat mot ich nôw toch aan?
Det es mich toet egaal as kloon of indiaan.

't Waas haost middernacht
Pap haaj al lang gewachtj
Mer mam waas weg, nêrreges te zeen, neet aane tiêd gedachtj
Nao 'nen daâg of dri-j dook ze inens weer op
Asgoonsdig dao stong Mam met 't kruuske vörre kop.

HOME PLAATSNAMENOVERZICHT HOME

MAM HEET KUUËRE
2000: Tekst & muziek: Leen Coolen-Hendrikx
Zang: Poelepetaâte

Refrein:
Nôw mojje us huuëre
Oos mam di-j heet kuuëre
Ze wiltj ein ruutjeskleid
Neet te smaal mer lekker breid
Nôw mojje us huuëre
Oos mam di-j heet kuuëre
Ze wiltj ein ruutjeskleid
Dan tuintj ze lekker breid.

Mam zocht ein kledje, trok nao de stad
Mer neêmes verstong eure kâl in 't plat
Heet oore geloupe
Heet oore gezochtj
Dao veel niks te koupe
Waas oetverkochtj ...

Oet 'n kefeeke, klonk ein geluid
Ze huuërdje d'n hoempa, getrom en gefluit
Heet oore gezaete
Heet oore geröstj
De tiêd ram vergaete
Waas oetgeblustj

Sloog aan 't zinge, waas neet te bang
En hieël det gewemel, kwoom mej dao op gang
Ze goof um van jetje
Ze goof um katoen
Dacht neet aan eur kledje
Alles zong toen ...

HOME PLAATSNAMENOVERZICHT HOME

MERIEKETRIEN
1996: Tekst & muziek: Drie Jo & Co

Refrein:
Merieketrien dich stieëst in waer en windj
Op os te wachte tot 't speul begintj
Kom minse laotj eur dao neet einzaam staon
Want wî-j 't mot heet ze veur gedaon.

Dich kreegst os vreuger oppe bein
Op beevert ging tow groeët en klein
Dus laotj os metten optocht gaon
Of minstes langs de kantj gaon staon

Dich rösdje in de 'Halve Maan'
Dus lektj op tiêd ouch êrges aan
Weem innen optocht luiptj of veertj
Mot zörrege detter weurtj gesmeerdj.

Dao es over dich hieël wat aafgekletstj
Want zeetj dje wat ângers dan weurtj t'r gezwetstj
Waat minse zagte det leet dich kaod
Toch woorste in dien hert nog lang neet kwaod.

Dich stieëst dao midden inne straot
'n Veurbieëldj nôw vör jonk en aod
Merieketrien mer 't mot gezagdj
Det haajste zelf noeëts gedachtj.

HOME PLAATSNAMENOVERZICHT HOME

MERIEKETRIEN
1996: Tekst: G. Wullems - muziek: B. Hendrix & H. Tinnemans

Refrein:
Merieketrien, Merieketrien
Vae hebbe 't nôw waal gezeen
Ooverdaag dan stieëste stief en stram
's Nachts dan maakste d'r 'n pötje van
Dan rupste: Bengelke alaâf
Nôw kom van diene sokkel aâf.

En as de Bengel det dan huuërtj
Dan est t'r neêmes dae um stuuërtj
Hae springtj dan nao Ketrientje haer
Want Vastelaovundj veertj hae gaer
In polonaise um de Pîn
En hebbe 't good nao eure zin.

Zoogtj dje det trio ouch us gaer
Komtj Deesdig nao de Lambertushof haer
Want dao gieët dan de törref umhoeëg
Vae hebbe van Vastelaovundj genog
Bengel en Pîn gaon nao eur eige terrein
Merieketrien stieët weer allein.

HOME PLAATSNAMENOVERZICHT HOME

MET DEES DAAG GEIN GEJUMP
2007/2008: Tekst & muziek: BS de Kerneel
Oetveurendje: de Kerneelkes

Refrein:
Met dees daag wille vae geine jump
mer nao de boôrebroêluft oppe klump
ônger de klanke van dae hoempapameziek
geine rock en roll of klassiek.

Ut hieël jaor door Mozart en Sjopin
neet aan te huuere roope vae
ut toêtj oos inne oeëre, deut ouch pien
mer met deej gekke daag zitte vae op ein lien.

Ut hieël jaor door jumpe met ein vaart
neet aan te huuere völste haard
ut toêtj oos inne oeëre, deut ouch pien
mer met deej gekke daag zitte vae op ein lien.

HOME PLAATSNAMENOVERZICHT HOME

MET VASTELAOVUNDJ
1993: Tekst & muziek: Drie Jo & Co

Refrein:
Met Vastelaovundj dan hebtj ich drök
Meiste tiêd vingtj dje mich dan op 'n krök
Hieël 't spektakel det roltj dao vörbi-j
Eederein dae zingtj ' waat zeen ze bli-j
Laotj 't mer bolle en laotj um mer gaon
Ich hoof veurluipig nog neet op te staon
Ich hoof veurluipig nog neet op te staon
Laotj al di-j ânger mer ieërst heivers gaon.

Hieël 't jaor door heet eederein 't drök
's Mêrges nao 't werk en dan 's aoves ieërst trök
Dit nog gouw doon en ouch det mot veural
Nauwelijks de tiêd vör wat buurt of wat kal
Buurman dae zeen ich zoeë nôw en zoeë dan
Wil met um kalle, det bin ich van plan
Mer gieët hae loupe, de hondj aan de lien
Heet 't bieëst haost want z'n blaos deut um pien. Mer...

Hetj dje verkansie dan estj d'r te drök
Boks oppe hieëse, speultj djae de toerist
Vôl? 't Es eine neest muuës in 'n kist
Neêmes verstieët uch, mè non de mersie
Was ich wul wolle, begreifen zie nie
Waat bin ich bli-j as 't weer es gedaon
Det ich gewoeën weer nao 't wêrrek kan gaon. Mer ..

HOME PLAATSNAMENOVERZICHT HOME

MIEN INGELKE
2007/2008: Tekst & meziek: Leo Schroijen
Zang: De Neewieërters Echte

Refrein:
Dich bis mien ingelke, wals met mich mei-j
de vastelaovundj roond, un daag of drei-j
en laot mich noeëts, nein noeëts neet mieër gaon
blief hieël mien laeve voort naeve mich staon.

’t Waas vastelaovundj, wat jaore gelee
wie ich dich tege kwoom in ‘t kefee
ich keek nao dich, dich lachdjes nao mich
’t waas vör os leefdje op ’t ieërste gezicht
ich greep toen mien kans, en vroog dich ten dans
det woor ’t begin van un echte romans.

Dek dinke vae aan dae aovundj van toen
oos ieërste waelske, en oos ieërste zoen
en ’t is waor, want nao al die jaor
staon vae vör elkaar nog dageliks klaor
weem haaj det verwachtj, nein noeëts neet gedachtj
de vastelaovundj heet os same gebrachtj

HOME PLAATSNAMENOVERZICHT HOME

MIEEN MEDALIE
2003/2004: Tekst & muziek: Huib van Deursen
Zang: Notekrakers

Zoee teege vastelaovundj, dan loup ich nao de kast
Ich pak mich mieen medalie en hoj ze effe vast
Waat liktj ze toch te blinke, tusse det schoeen gerei-j
Ich mot nog effe wachte
Dan moog ze met mich mei-j

Refrein:
As dees medalie kalle kos, dan maakdje ich ze mei-j
Ze kaldje dan aan ein stuk door en gae kwoomtj neet tusse bei-j
Gelukkig dees medalie kan zwieege weej ut graaf
Mer as ich mot salueere ,ruptj ze drei-j maol neewieert alaaf
Mer ich mot salueere ,ruptj ze drei-j maol neewieert alaaf

En as ut vastelaovundj is, dan gaon vae weer op paad
Saame aane boemel tot lekker 's aovus laat
Ze huurdj en zuut vanalles, en heet ut nao de zin
Zoee gaon vae now al jaore
De vastelaovundj in

HOME PLAATSNAMENOVERZICHT HOME

MIEN NAAS
Tekst: Driejo & Co - muziek: J.Kraft & C.Peters
Zang (*): Cor smits & Peter Stultiens

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

MIENE BOOREKEÊL
2001: Tekst & muziek: Toos Stultiens
Zang: Aldje & Harrie

Refrein:
Mette Vastelaovundj maak ich veul plezeer
In miene boorekeêl, in miene boorekeêl
De roeëje zakdoek umme nek en oppe kop de klep
Mien schuufke gieët van retteke tetteke tet

Ich trek mien doordewaekse peksken oet
Ich trek mien peksken oet, ich trek mien peksken oet
Want dit jaor gaon ich gewoeën as eine boor
En tempieëst ich tot 's mêrreges zeeven oor.

Miene boorekeêl dae maag weer oet de kast
Us kieke of hae pastj, us kieke of hae pastj
Ich dans de polonaise hieël de nacht
Dit es de tiêd wao ich op heb gewachtj.

Ich laot um met di-j daag us lekker gaon
't Wêrrek es gedaon, 't wêrrek es gedaon
Dootj uch met di-j daag dus ouch ein keelken aan
En zetj de zörreg mer effe van de baan.

HOME PLAATSNAMENOVERZICHT HOME

MIENE GROEËTE WÎNS
2001: Tekst: Huib van Deursen - muziek: Maarten van Deursen
Zang: Trio Dik Kontent

't Es eeders kieër 't zellefdje, jao eeder jaor opnôw
Ich laef t'r hieëlemaol nao tow
Weem weurtj t'r oetgeroope
Vör weem es nôw de ieër
En stiekem blief ich hoope
Det doon ich eeders kieër.

Refrein:
Wetj dje waat ich toch zoeë gaer zooj wille waere
Det es miene groeëte wîns
Dri-j daag rôndj te loupe, met di-j lang vaere
As de Vastelaovundj Prîns
Met de septer inne hang
Haoj ich alles aane gang
En 't maaktj neet oet al doortj 't nog ein hieële poeës
Oeëts dan kom ich oet di-j doeës.

Dan gieëget echt gebeure
Völ spanning inne zaal
Geklap, gefluit, ein hels kabaal
De vorst begintj te kaâke
Ich huur neet waat hae zeet
Mer ein dink det es zeeker
Ich bin 't alweer neet.

HOME PLAATSNAMENOVERZICHT HOME

MIENE KATER
1997: Tekst & muziek: Thera Janssen- Sieben
Zang: Siebenspringers

As t'r wat te doon es, dan bin ich t'r altiêd bî-j
Ich weit neet wî-j det kumtj, mer miene kater wiltj dan mej
En as ich einmaol dao bin en bestel mich dan wat fris
Stieët hae te lamenteere dettet hieël gein drinken es.

Refrein:
Miene kater dae drinktj gein water
Ich weit echt neet waat det bieëstje mankeertj
Want miene kater dae leustj gein water
Ich heb t'r al van alles mej geprebeerdj
Jao miene kater dae hooftj gein water
Dae drinktj 't allerleefste 'n lekker glaeske beer
En krigtj hae later, dan eine kater
Dan luiptj hae net as ich met koppien op en neer

Zoeë ging ich lest weer stappe, bî-j Madeira aane kanaal
En zoog um toen weer zitte êrges achter inne zaal
Ich vroog um waorum zeetj dje neet toês, det haaj ich uch gezagdj
Zeet hae opens zoeë teege mich, det haajste dich gedachtj.

Dus nôw nao al di-j jaôre, gaef ich de mood mer op
En dink net as dae kater, en zet alles oppe kop
Ich krieg eum di-j gewuuëndje, nôw neet mieër aafgelieërdj
Mer eigelik ving ich det toch neet hieëlemaol verkieërdj.

HOME PLAATSNAMENOVERZICHT HOME

MIENE SJANG
1997: Tekst: Jos Gubbels - muziek: Leon Gubbels
Zang: Karin Geraats, Tineke Verstappen & Riet van de Zwaan

Refrein:
Ich lach met uch
Ich huul met uch
Gae huuërtj bî-j mich, o miene Sjang
Ich dans met uch
Gae zingtj met mich
Gae bliftj bî-j mich, zoeë lang asset effe kan
Gae zeetj al jaôre miene beste vent
Met uch blief ich nog lang content

En 's aoves toês, bî-j os in 't hoês
't Es nog vreug mer Sjang es meug
Hae werktj te haard vör os ammaol
En vultj in slaop, wî-j ein schoeën schaop.

Sjang wastj gaer aâf, det deut hae braaf
Kiektj tegeliêk inne gezet
De telder es waal, hieël êrreg glaad
Vultj oppe grôndj, naeve d'n hondj.

Behange jao, zoeë hî-j en dao
Es Sjang zien favoriete sport
Pepeer te lank of veul te kort
Behingtj de deur, zelfs oppe scheur

Mer ens int jaor, ouch det es waor
As ich dan weer jaorig bin
Krieg ich van Sjang, dao op mien wang
'ne Lekkere kus, dae klinktj aldus :

HOME PLAATSNAMENOVERZICHT HOME

MIEENE VASTELAOVUNDJ-KIK
1997 nr.1 : Tekst: Frans Teunissen - meziek: Wiel Vervoort
Oetveurendje: M. Knapen

Refrein:
Ze kunne alles van mich krieege,
mer van de vastelaovundj blieve ze aaf.
Ze kunne alles van mich krieege,
mer neet det stökse in mieene kraag.
Det glaeske beer, es dan mien pil,
dan gaon ich doon waat ich gaer wil.
Mieen hert deut dan van rikke tikke tik,
det is mieene vasteloavundj kik.

Ut hieel jaor door, doon ich mieen plicht,
met met ut noowlaor in ut zicht.
Heb ich toch eder jaor gelök,
dan kumptj det virus beej mich trök.
En van deej kriebels in dae maag,
dao wil ich auch noeets mieer vanaaf.

Mieen gezicht now neet mieer in de ploeei,
us drei-j daag lank neet aan de koeei.
Doon geine was en poets gein schoon,
det ze ut zelluf mer us doon.
Dan zing ich oos Neewieert alaaf,
doa wil ich auch noeets mieer vanaaf.

HOME PLAATSNAMENOVERZICHT HOME

MIENEN IEËRSTE
1998: Tekst: Frans Teunissen - muziek: Ronald Moonen
Zang: Ruud en René

Refrein:
Met oos pap dronk ich 't ieërst
Mien glaâs beer det waas 'n fieëst
Hae zagt mich wî-j ich det moost doon
Ângers knoeëj ich op mien schoon
Doon ich det kalm en glaâs veur glaâs
Dan blief ich altiêd eige baas
Doon ich det neet dan waer ich zaât
D 'es neet 't doel van det gerstenaât.

Ich stong vör 't ieërst aane tap
Toen zagt oos pap vör de grap
Ich zal uch de ieërste lieëre drinke
Dao mojje good bî-j nao dinke
En ich zal uch us verraoje
Wî-j djae eur glaâs vast motj haoje
Dootj djae det vör 't ieërst verkieërdj
Dan krieg ich uch det noeëts gelieërdj.

Bî-j de ieërste gong det al good
En kreeg nao de derdje steeds mieër mood
En besteldje hieël rejaal nog 'ne maeter
Want ich veuldje mich steeds baeter
Det heb ich gelieërdj van oos pap
Det mojje stap vör stap
De ieërste gieët wî-j gesmeerdj
De leste vultj sommes verkieërdj.

HOME PLAATSNAMENOVERZICHT HOME

'T MILLENNIUM PREBLEEM
1999: Tekst & muziek: Drie Jo & Co
Zang: Drie Jo & Co

Refrein:
Millennium prebleem, daovan heb ich geine last
Ich heb 't zelf getestj, niks luiptj t'r bî-j mich vast
Vanaâf Sint Merten aâf, gieëget aan eîn stök
Laeve 't Vastelaovundjsfieëst, komtj nao Asgoonsdig mer trök.

Gezette schrieve, de tilleviezie ruptj 't rôndj,
Van aod op nôw gieëget zeeker mis
Computers hebben 'n millennium prebleem,
Muljaar nein det es geine kattepis
Waat gieët gebeure as dae vanne Pinmaekers crashtj,
De naam van de prins zeen ze dan kwiêt
Dan es receptie vör ich weit neet weem,
Met niks te kusse tot ooze spiêt.

De Bontje Aovundje zeen begin mej geplendj
Ze vergaete dan ouch d'r haer te gaon
En in de straot dao stieët eur Pinmaekers bieëldj
Ich weit nein det bliftj 'n jaor dao staon
Waat nôw, vae wachte mer aâf en det 't kumtj wî-j 't kumtj
't Laeve gieët toch wul veuroet
En as de locht umlieëg vultj, waat dan nog
Dan kriege vae eine blawwen hoed.

HOME PLAATSNAMENOVERZICHT HOME

DE MÖSSE FLUITE
2004/2005: Tekst & muziek: Huib van Deursen
Zang: Mer ens

Refrein:
Now huurdj de mösse fluite, vae motte heivers gaon
Ut is weer laat gewoore, ut fieest det es gedaon
De ieerste zonnestrulkus, deej lache os al tow
Nog effekus gaon slaope, en ut fieest begintj opnow
Nog effekus gaon slaope, en ut fieest begintj opnow

Vae sprake meistal af met ein man of elluf
De rest det kumtj der beej, det spriktj vanzelluf
Ederein begintj de klasjeneere
Ederein is zich aan't amuseere
Mer ens, mer ens dan es ut weer zowieet
Want gezelligheid kintj geine tieed

Vae hebe vol plezeer en de groeetste lol
Ut klokske det tiktj door, mer det speuldj gein rol
Ederein is duchtig aan ut tampieste
Ederein is lekker mei-j aan't fieeste
Mer dan, mer dan waere vae neet verieerdj
En door de kastelein boeete gekieerdj

HOME PLAATSNAMENOVERZICHT HOME

NAO DE ELLEFDJE VAN DE ELLEFDJE
1996: Tekst & muziek: Thera & Jos Sieben

Refrein:
Nao de ellefdje van de ellefdje
Dan es niks mieër 't zellefdje
Dan koome van di-j kriebels in mien blood
't Es net of ich verslaafdj dan bin
En neet mieër sônger dae hoempa kin
Met Vastelaovundj veul ich mich pas good.

Door 't jaor haer, alles graw en griês
Dan bin ich hieëlemaol van de wies
Ich zit neet zoeë lekker in mien vêl
Mer in november zoeë opens
Dan veul ich mich 'n ânger mins
En kloptj mien hertje zoeëmer ens zoeë snel.

Vae stoume op nao 't prinsebâl
En kroepe same oet 't dâl
En laote os de hieëlen aovundj gaon
Verkledj en 'n gek hoedje op
Gaon vae mer door, jao sônger stop
En laote geinen eine pils mieër staon.

Mer eindelik zeen dri-j daag dao
Vae zeen d'r hieëlemaol vör klaor
Vae loupe 'ne lange polenais
Vae hosse, springen in 't rôndj
En hup de beinkes vanne grôndj
En schrieëwe os de kaelkes heîs.

Dan sluuëtj de klok twellef kieër
Nôw kriege vae niks mieër
Dao weurtj door os onnoemelijk gebaaldj
Mer oet es oet, en aâf es aâf
En mêrrege weurtj door os hieël braaf
Bî-j de pestoeër 'n assekruûs gehaaldj.

HOME PLAATSNAMENOVERZICHT HOME

NEET EINE
1993: Tekst & muziek: Huib van Deursen

Refrein:
Niks en neêmes hiltj os teege
Weurtj op verkansie neet gegaon
Mer vae veere Vastelaovundj
Wî-j det in Ni-jwieërt weurtj gedaon
Niks en neêmes hiltj os teege
Weurtj op verkansie neet gegaon
Mer vae veere Vastelaovundj
Zoeë wî-j det altiêd es gedaon
Jao vae veere Vastelaovundj
Zoeë wî-j det altiêd es gedaon

Oos Lies di-j hiltj mich neet teege
En oos Henk al aevemîn
Ze kunnen 't prebeere
Mer 't heet echt geine zin
Want ich veer Vastelaovundj
Dri-j daag aan ein stök
En nao di-j daag dan zeen ze
Mich van zelf weer trök.

Ich gaon weer op verkansie
Mer neet op wintjersport
Want mette Vastelaovundj
Kom ich hî-j dan völ te kort
Nein ich gaon vanne zomer
Waal nao 't Zandjvoorts strandj
Mer met de Vastelaovundj
Blief ich in 't Pinnelandj.

HOME PLAATSNAMENOVERZICHT HOME

NEEWIEËRT !
2008/2009: Tekst & muziek: Thea Bongers
Zang: PC de Prutsers

Neewieërt, Neewieërt, vae gaon vör Neewieërt!
Neewieërt, Neewieërt, vae gaon vör Neewieërt!

Refrein:
Neewieërt, ich kin dich neet vergaete
in dae vastelaovundjstiëd.
Neewieërt!
Neewieërt ich bin van dich bezaete
vae wille dich toch noeëts mieër kwiêt.
Neewieërt!
Neewieërt dich bist ut schoeënste plekske van ut lântj.
Vandaag gieët hî-j vör dich weer alles aan de kântj.

Jao Neewieërt met ziên knaal en zien klieëverke veer.
Neewieërt met ziên kêrrek, ut heet nog zoeëvöl mieër.
Neewieërt es zoeë apaârt, mer ut bliftj zoeë hieël gewoeën.
Det vinge vae zoeë schoeën.

Jao Neewieërt met zien minse kiektj heej mer um uch haer.
Ut Neewieërter vôllek, vae hebbe ze zoeë gaer.
Ze zeen zoeë apaârt, mer ze blieëve zoeë gewoeën.
Det vinge vae zoeë schoeën.

HOME PLAATSNAMENOVERZICHT HOME

NEEWIEËRT ALAÂF
1997: Tekst: Jos Gubbels - muziek: Leon Gubbels
Zang: De Kristalbelletjes

Refrein:
Vae hosse zinge
Ni-jwieërt alaâf
De Vastelaovundj es hî-j aâf
't Es good en 't es t'r reuze fein
D'r weurtj gedansdj door eederein.

Met Vastelaovundj jao
Dan es weer eeder dao
Ze zeen oet Budschop en oet West
Ouch di-j van Bookendj en
Straoteris en de rest
Nôw es echt eederein oppe bein
Met Vastelaovundj jao
Dan es weer eeder dao
Hieël Ni-jwieërt es nôw oppe bein
Ich zeen hieël groeët en klein
Ich zeen piepjonk en aod
Ich zeen echt eeder oppe straot.

Ni-jwieërt alaâf
Ni-jwieërt alaâf
De Vastelaovundj es hî-j aâf
Ni-jwieërt alaâf
Ni-jwieërt alaâf
De Vastelaovundj dae es hî-j aâf
Hî-j es 't fein
Hî-j es 't good
De Vastelaovundj zitj in 't blood
Hî-j es 't fein
Hî-j es 't good
De Vastelaovundj zitj in 't blood

Zeetj djae in 't Wieërterbos
Louptj dje in Leivre los
Of in oos Doospel of in Dindj
Gae zeetj toch in Ni-jwieërt
Dao es 't noeëts verkieërdj
De Vastelaovundj weurtj dao gekindj.
Zeetj djae in 't Wieërterbos
Louptj dje in Leivre los
Of in oos Doospel of in Dindj
Gae zeetj toch in Ni-jwieërt
Dao es 't noeëts verkieërdj
De Vastelaovundj weurtj dao gekindj.

HOME PLAATSNAMENOVERZICHT HOME

NEEWIEËRTER BLEUMKE
2006/2007: Tekst & muziek: Jac Mackus
Zang: CV de Blutsköp

Refrein:
Mien Neewieërter bleumke
in volle pracht
wil met dich danse en sjanse
tot deep in de nacht.
Laot de waereldj mer dreij-je
det liktj boete mien macht
wannieër mien bleumke mer es hieël leef
teege mich lachtj.

Hieël vreug oet de vaere
de fiets stong oppe zök.
Alle stopleechte roeëd
beej ut nadere van de brök.
De loteri-j die veel
beej os waas de postcode good.
Miljonairs as buure
mer ich, ich haaj gein loot.

Oore in de file
of de bein onger de vot oetgerentj.
Al deej blauwe breeve
koste mich unne dikke cent.
Kom ich saovus aan hoês
met eine scheut inne nek.
Dan dink ich beej mien eige
wat bin ich vör eine gek.

HOME PLAATSNAMENOVERZICHT HOME

NEEWIEËRTSE MAECHDJES
1998: Tekst: Jos Gubbels - muziek: Leon Gubbels
Zang: Karin, Riet & Tineke

Zeetj djae hieël wiêt in 't boetelandj
Of aan 't Noordzieë strandj
Overal zeetj djae maechdjes staon
En door de straote gaon
Mer Ni-jwieërtse maechdjes echt, di-j kintj dje altiêd trök
Zoeë 'n plaetje van 'n maechdje, bringtj uch völ gelök.

Refrein:
Ni-jwieërtse maechdjes, fris en vlot en schoeën
Ni-jwieërtse maechdjes, ze zeen boetegewoeën
Ni-jwieërtse maechdjes, altiêd oppe beîn
Ni-jwieërtse maechdjes blieve nummer eîn.

Zoeë 'n bleumke wiltj dje aan eur zi-j
Zoeë 'n maechdje huuërtj t'r bî-j
'n Knap gezicht, 'n aardig kindj
Met uch hieël good bevrindj
Wat danse en wat sjanse, gae veultj uch miljonair
Zoeë 'n plaetje van 'n maechdje, heet eederein gaer

Bistich nog altiêd hieël allein
En vingstich det neet fein
Kiek toch us hî-j um dich haer
En weem deut det neet gaer
Want Ni-jwieërter jonges jao, di-j loupe hî-j zat rôndj
En Ni-jwieërter jonges, ouge hieël gezondj

Refrein:
Ni-jwieërter jonges, flink en stoêr en stêrrek
Ni-jwieërter jonges, det es 't baetere wêrrek
Ni-jwieërter jonges, drinke gaer wat beer
Ni-jwieërter jonges, haoje van plezeer.

HOME PLAATSNAMENOVERZICHT HOME

NOEËTS VAN MIEN LAEVE
1994: Tekst & muziek: Lijsbeth Schroijen

Ich bin al völ jaor getrouwdj
Met eine neet van hî-j
Det heet mich nog noeëts berouwdj
Mer met Vastelaovundj blief ich d'r neet bî-j
Dan mot ich treneêre en tamboore
En det heet dae van mich toch zoeë noeëj
Hae es noeëts eine Pinmaeker gewoore
Mer ich blief vör neêmes aane koeëj.

Refrein:
Nein noeëts noeëts noeëts van mien laeve
Verlaot ich mien Pinnelandj
Noeëts noeëts noeëts van mien laeve
Verbraek ich oeëts deeze bandj
Al es hae 'ne president of prîns
Ich verlaot mien Ni-jwieërt vör gein mins.

Dri-j daag niks as joeksmeziek
Ich krieg al hinnevêl
Miene schat dinktj, di-j es zeek
Mer met Vastelaovundj veul ich mich hieël prêl
Jao dri-j daag heb ich dan hieël 't riêk allein
Want hae gieët dan al dae tiêd trök nao mam
En daonao zeen vae weer zoeë verleefdj opeîn
En mien hert stieët weer in veur en vlam.

HOME PLAATSNAMENOVERZICHT HOME

NOG EINE KIEËR
1995: Tekst: Huib van Deursen - muziek: Maarten van Deursen

Refrein:
Goestj de beinkes us vanne grôndj
En danstj met os de Vastelaovundj rôndj
Beweegtj eur heupe duchtig op en nieër
Kom minse danstj met os nog mer us eine kieër
Jao goestj di-j bein nao veur en opzi-j
En danstj met os de hieële Vastelaovundj mej.

Ich weit nog wî-j detj begost
De bein woeëje neet los
Vae stonge wat te kieke wî-j 'ne klos
Mer keeke neet te lang
Vae gonge aane gang
En dansdje met de vutjes, met de êrrem en de bein.

HOME PLAATSNAMENOVERZICHT HOME

ODE AAN NEEWIEERT
Tekst: Driejo & Co - muziek: J. van Ooij
Zang (*): Driejo & Co

Wei-jae wao det Budschop liktj en Bookentj en Bengele ?
En det djae uch aan ut Ven bi-j Antonius kontj zaengele ?
Straoteris en de Heisterstraot kintj ederein.
Schoor en Staat, det kintj djae wul en auch 't Antoniusplein.
Jao, zeetj bli-j as djae det wetj, zeetj mer gruuets dej-jae Pinmaeker hetj !

Refrein:
Want dao is gein schoeener plaetske dan Neewieert, det weete vae toch allemaol.
Leepdjae met 'n snotnaas bekans tot op de grondj, 'n kuufke veur op eure bol ?
Vor 't ieerst verleefdj, net oet de ieerste boks, gescharreldj hetj oppe Knaalsdieek ?
Ut es vorbi-j, vergaete koj-je 't neet, ut es en bliftj oos Pinnerieek.

Waasj de Booldersdieek, wao djae gaer gingtj speule ?
Woee oamzeiksels kroope en det auch leete veule.
Kreeg djae eur ieerste zwumles in de Aoje Graaf ?
Stooke uch de hompe, zakdje d'ongerboks uch aaf ?
Jao, zeetj bli-j as djae det wetj, zeetj mer gruuets dej-jae Pinmaeker hetj !

D'r zeen van di-j naame di-j dje neet motj vergaete.
Hejje oeets bi-j Pruus Pieer of de Plokzak gezaete ?
Jenneboks en Geelke woore handelaar,
de kermis waas bi-j Fik en dao stong auch de biljaar.
Jao, zeetj bli-j as djae det wetj, zeetj mer gruuets dej-jae Pinmaeker hetj !

Hejje oeelekopkes met de handj oeets gevange ?
Zwelpedde tufdje altieed wratte op eur wange ?
'ne Bloodzuuger waas wi-j 'n hieel viees spoeek.
Dao stong-dje dan te springe wi-j 'ne peddemoeek.
Jao, zeetj bli-j as djae det wetj, zeetj mer gruuets dej-jae Pinmaeker hetj !

De ti-je zeen verangerdj, weem zal det now betreure ?
Wi-j zooj ut zeen, astj wi-j vreuger zooj gebeure ?
De meiste minse kinnen zeker mieer gelök,
toch dinktj eder gaer nog aan vreuger trök.
Jao, zeetj bli-j as djae det wetj, zeetj mer gruuets dej-jae Pinmaeker hetj !

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

OET DAE BÔL
1994: Tekst: Nicole Bakker, Sandra Houben & Giel Bruijnaers - muziek: Jo van Geneijgen

Nao lang wachte es 't nôw weer hî-j
En eindelik hebbe vae toch weer veer daag vrî-j
Vastelaovundj zeen de schoeënste daag
Want det es de tiêd det bienao alles maag
Met dees daag zeen vae neet mieër braaf
Vae vinge dan alles echt te gaâf
Hous of disco hooftj vör os neet mieër
Hieël Ni-jwieërt gieët nôw op dees meziek te kieër
House of disco hooftj vör os neet mieër
Hieël Ni-jwieërt gieët nôw op dees meziek te kieër

Refrein:
Vastelaovundj es weer in 't landj
Komtj nôw fieëste, staotj toch neet aane kantj
Hosse, springe, gaotj mer oet dae bôl
Same maâke vae toch hieël völ lôl.

Verkledj zeen es ruig, jao det stieët vast
Oos pekskes haale vae weer oet de kast
Vae kleî-je os dan in de schoeënste stof
Vastelaovundj veere, jao det es tof
Dit es ouch echt de feinste tiêd
Dae wille vae vör niks en neêmes kwiêt.
Hous of disco hooftj vör os neet mieër
Hieël Ni-jwieërt gieët nôw op dees meziek te kieër
Hous of disco hooftj vör os neet mieër
Hieël Ni-jwieërt gieët nôw op dees meziek te kieër

Deze samba maaktj uch lekker wêrrem
Paktj elkaar gouw in de êrrem
Same danse, maâke veul tamtam
En gaon nog lang neet nao oos mam
Vae gaon door zoeëlang 't nog kin
Want ze kriege os toch neet aane pin
Hous of disco hooftj vör os neet mieër
Hieël Ni-jwieërt gieët met dees daag te kieër.
Hous of disco hooftj vör os neet mieër
Hieël Ni-jwieërt gieët met dees daag te kieër.

HOME PLAATSNAMENOVERZICHT HOME

ÔNGER EIN HOEDJE
1996: Tekst & muziek: Leen Coolen- Hendrikx

Potver moetje
Zoog 'n hoedje
Inne etalage
Potver dikke
Ein met strikke
En 'n voeël van gaas
Ging det dingske koupe
In 'n gekke vlaag
Gae zeetj t'r mich mej loupe
Dees vastelaovundjsdaag.

Refrein:
Zetj 't op, zetj 't aâf
Och zoeë 'n bölke stieët toch gaaf
Zetj 't op, zetj 't aâf
Zwetj t'r met alaâf
Zetj 't op, zetj 't aâf
Hejje zoeë gelieërdj
'n Prulke op eur bölke
Det dreugtj nôw hieël Ni-jwieërt.

Potver moetje
Kouptj zoeë 'n hoedje
Zetj 't op dae dek
Potver dikke
Maete mikke
Stieët nog lang neet gek
Tieëmöts met 'n bleumke
Hoeëge hoed of plat
Keströlke sônger beumke
Dao pestj uch altiêd wat.

Potver moetje
Vloog mien hoedje
Zoeë mer inne locht
Potver dikke
Naate sikke
Heb mich rot gezochtj
Stiek dae waas gespronge
Och waat waastj 'n leîd
Mer ich heb 't trök gevonge
Dus hup nôw mette geît.

HOME PLAATSNAMENOVERZICHT HOME

ÔNGERE PROÊMEBOUM
1994: Tekst & muziek: Toos Stultiens

Refrein:
Ôngere proêmeboum, ôngere proêmeboum
Stong hae met zien groeëte veut op miene zoum
Ôngere proêmeboum, ôngere proêmeboum
Stong hae met zien groeëte veut op miene zoum.

Ich haaj mich ein schoeën kledje, gemaaktj vör Carnaval
Want miene mins en ich, vae gonge nao 't bâl
Zoeë ein schoeën galakledje, zoeë ein wis aane grôndj
En miene mins dae gong, verkledj as eine hondj.

't Waas weer Vastelaovundj, vae gonge ouch op stap
En dronke os ein pilske, bî-j Tjeuke aane tap
Mer nao ein paar pilskes, toen zeet dae mins van mich
Gieëstich us met mich boete, ich weit wat schoeëns vör dich.

Ich gong dus mej nao boete, mer waal met teegezîn
't Waas mich eigelik völ te kaod, mer ich stumdje toch mer in
Maag ich dich nôw ein muulke gaeve, vreugtj dae mins van mich
En veur det ich toen wat kost zegke, loog ich op mien gezicht, want :

Daen hieële zoum waas los,
Waat es hae toch vör eine klos
Mien kledje nao de maon
Ich kost nao hoes tow gaon, want :

HOME PLAATSNAMENOVERZICHT HOME

OOS JOEKSKEPEL
1993: Tekst: Huib v. Deursen - muziek: Maarten v. Deursen
Zang (*): De Notekrakers

Ich huur ein hermenieke, en huur auch ein fanfaar.
Ich ving ut allemaol prachtig, ut klinktj meschien wat raar,
mer toch huur ich ut leefste, oos eige joekskepel.
As ich ze dan huur speule, dan krieg ich hinnevel.

Refrein:
Huurtj oos joekskepel,
now huurtj oos joekskepel schoeen speule.
Huurtj oos joekskepel,
ich zooj met nemus wille reule.
Huur ich joeeksmeziek,
huur ich meziek vör jonk en aod.
Huur ich oos joekskepel op straot,
dan luiptj ein eder inne maot.

De eine speultj trombone, de anger klarinet.
Ut klinktj allemaol prachtig, ich ving det "je van het".
Jao, ich haoj van van-alles, van rock tot aan klassiek,
mer met de Vastelaovundj huur ich gaer joeksmeziek.

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

OOS MENKE
Tekst: Driejo & Co - muziek: B. van Helvert
Zang (*): Driejo & Co en Notekrakers

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

ÔOS VASTELAOVUNDJLIEDJE
2005/2006: Tekst: Dennis Hendrikx & Jo van Geneijgen - muziek: Dennis Hendrikx
Zang: Dennis Hendrikx

Refrein:
Dit es ôs vastelaovundjliedje, 't heet un lekker melodietje en ut klinktj
Gae kriegtj d'r hieële gooje zin van as jae saame met eur vrindj dit liedje zingtj
Dit es ôs vastelaovundjliedje, 't heet un lekker melodietje en ut luiptj
Gae zultj de leste echt neet zeen dae zich dit liedje in zieën oeëre heet geknuiptj

Gae mosj us weete waat d'r speultj tösse mieën oeëre
Gae mosj us weete waat d'r speultj in mieëne kop
Dao speultj de joekskepel mieën favoriete plaetje
En in de polonaise luiptj de prins veurop
Dae ruptj dan: Minse, gaef us gaas
As of 't vandaag d'n letste waas

Gae mosj us weete waat d'r speultj tösse mieën oeëre
Gae mosj us weete woeë ich knettergek van bin
Ich huuër een träöt, de dikke trom en een trombone
En van di-j klanke krieëg ich mettegang gooj zin
Op dae Ni-jwieërter fieëstmuziek
Vorme vae saame eine kliek

Zeg minse gieët 't nog een bitje?
Besteldj uch nog un 'ditje',
En dansj dan nog een bitje
Op os vastelaovundjlidje!
Alaaf!

HOME PLAATSNAMENOVERZICHT HOME

OP DE JUUSTE PLAATS OP 'T GOOJE MOMENT
2005/2006: Tekst & muziek: Leo Schroyen
Zang: Neewieërters Echte

Refrein:
Ich bin weer op de juuste plaats, op `t gooje moment
Want straks briktj heej de hel los, vastelaovundj in de tent
Ich wil d`r niks van misse, durrum bin ich weer present
Op de juuste plaats op `t gooje moment
Op de juuste plaats op `t gooje moment

Eederein is binne, `t fieest det kan beginne
Huft de glaaze, veuruut mer met de geit
Waat kan os gebeuren
Neemes zit te zeuren
`t is heej ein en al gezelligheid
De vastelaovundj zette vae in gang
Det weurtj weer bolkeneere met z`n alle drei-j daag lang

Lekker oet eur daak gaon
Veural neet blieve stilstaon
Op muziek van ein echte joekskappel
Wil ich blieve dansen
En lekker met dich sjansen
Och dees daag gaon toch altied vul te snel
Dus laeftj uch out straks kuj-je `t neet mier
Ge mot now profiteere want ge laeftj mer eine kier.

HOME PLAATSNAMENOVERZICHT HOME

OP STAP MET OS PAP
2005/2006: Tekst & muziek: Willy Mackus
Zang: CV de Bludsköp

Refrein:
Met vastelaovundj
Gaon ich op stap met os pap
De Bludsköp present
Dan bin ich content
Miene naef es de groeetste flap

Met vastelaovundj
Gaon ich op stap met os pap
De aovundj dae vleegtj
Ut weurdj al weer leecht
De tieed dae gieet vulste rap

Ze vaege os boeete, mer veurdet ich slaop
Aet ich mich beej Emiel nog un half schaop

Huuertj (...)
Dae aojhoor van mien broor
Kaltj over politiek
En dansj met tante Riek
Op dae schoeene meziek

Huuertj (...)
Det geblèr van ome Pierre
Optocht van volgendj jaor
Idee es alweer klaor
Neet gelooge echt waor

Huuertj ("bel")
Tante Nel hingtj aanne bel
Dej heet toch zoeen gooj zin
Dej tuftj d'r echt neet in
Es nog neet aanne pin

Huuertj (...)
Det gekwaak van ome Jac
Dae es alweer wat laat
Last van unne kater
Champignons moste water

HOME PLAATSNAMENOVERZICHT HOME

OPPE KLÛMP
2000: Tekst & muziek: Thea Stals
Zang: Thea en de Prutsers

Refrein:
'ne Echte Pinmaeker veertj Vastelaovundj oppe klûmp
Oppe klûmp, oppe klûmp, oppe klûmp.
'ne Echte Pinmaeker hiltj met di-j daag neet van gezump
Gein gezump, gein gezump, gein gezump.
Op di-j klûmp kojje good fieëste
Op di-j klûmp kojje tempieëste
'ne Echte Pinmaeker veertj Vastelaovundj oppe klûmp
Oppe klûmp, oppe klûmp, oppe klûmp.

Eeder jaor vraog ich mich weer 't zellefdje aâf
Waat doon ich aan mien veut met di-j gekke daag
Ze staon mich op mien tieëne, mien schoon waere zoeë naât
Ich heb 't nôw gevonge, 't es nog neet te laat ...

Det geprakkezeer es nôw vanne baan
Ich doon met Vastelaovundj gein schoon mieër aan
Gein pien mieër aan mien veut, mien schoon zeen neet mier naât
Ich heb 't nôw gevonge, vanaovundj weurtj 't laat ...

HOME PLAATSNAMENOVERZICHT HOME

OZE HOEMPA
Tekst: Jan Vaes - muziek: Had Geurtjens
Zang (*): Jos de Bruin & Margo Geuns-Scheffers

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

PINMAEKERSHERT
1994: Tekst & muziek: L. Coolen- Hendrikx

Refrein:
Ich heb ein Pinmaekershert
En det raokeltj en det kertj
En 't bonstj en 't boemtj
En 't zoestj en 't zoemtj
Ich heb ein Pinmaekershert

De vlam slieëtj bî-j os inne pan
Gaon tempieëste dri-j daag lang
Zet wat geks oppe kop
Staek ein vaer dao dan op
Doon op mien naâs wat sjmink
En raokel met 'n dink.

Krieg van 't gedoons gekke zin
Duik kefeekes oet en in
Drink wat naât van 't vaât
Minsgenaoje ich waer zaât
En net as eeder mîns
Wink ich us nao de prîns.

HOME PLAATSNAMENOVERZICHT HOME

DE PINMAEKERS MARS
Tekst: Boy & Tiny Hendrix - muziek: Boy Hendrix
Zang (*) : Monique Knapen & Boy Hendrix

Refrein (2x) :
De Pinmaekers, de Pinmaekers,
vastelaovundj in Neewieert.
De Pinmaekers, de Pinmaekers,
di-j zeen zeker neet verkieerd-j.
De Prins veurop met Vorst en Raod,
vastelaovundj es zoee gaaf.
Al wao vae gaon, al wao vae staon,
ederein reupt-j dan alaaf!.

Ammaol ein en ammaol Pin,
vae veere fieest met völ gooj zin.
Ammaol ein ammaol Pin,
vae gaon de Vastelaovundj in.

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

PINNE-DANS
2001: Tekst & muziek: Henry Breukers & Trio Good Gemoodj
Zang: Trio Good Gemoodj en Henry

Refrein:
Klaptj nôw in eur hang
Zoeë gaotj dje aane gang
Louptj achteroet en trök
Met eur hang op miene rök
Dan drejtj dje in 't rôndj
En stampe oppe grôndj
Gae veultj uch good gemoodj
As dejje de Pinne-dans dootj.

Waogtj uch us 'n kans
En danstj de Pinne-dans
Loestertj nôw mer good,
't Zitj uch in 't blood
Vae zegke wî-j 't gieët,
Akkerdju 't es toch vrieëd
Schuuftj de steul mer aane kantj
Vae gaon door 't Pinnelandj

Nôw hetj dje 't gezeen
'ne Dans vör 'ne Pîn
Nôw dootj toch allemaol mej
Wî-j kaover inne wei-j
Vör de schoeënste tiêd van 't jaor
Gae zeetj t'r zoeë mej klaor
Slaotj de êrrem mer ineîn
Zingtj mej met dit refrein.

HOME PLAATSNAMENOVERZICHT HOME

PINNE PINNE PINNE
1999: Tekst & muziek: Yvonne & Leo Schroyen Zang: De Neewieërters Echte

Refrein:
Pinne pinne pinne
Doon ich mette Karnaval
Sônger det ich nao wil dinke
Hoe ich det betaale zal
Pinne pinne pinne
In mien eige Pinnelandj
Wil ich fieëste as de bieëste
Zet mien zörreg aane kantj.

't Hieële jaor haard wêrreke
Nôw es de tiêd weer dao
Schoeëne sent bi-jeîn gespaardj
Mien pekske es weer klaor
Dus ober laotj mer koome
Gaef hî-j 'n rondje weg
Geldj es effe gein prebleem
Want loestertj waat ich zek

't Geldj mot blieve rolle
't Roltj altiêd mer weg
Mer det kan mich neet bolle
Daorum det ich nôw zek
Bliftj lache, danse, springe
En drinktj uch ein good glaâs beer
Paktj uch effe lekker vast
Geneetj van deeze sfeer.

HOME PLAATSNAMENOVERZICHT HOME

PLEZEER
1994: Tekst: Jos Gubbels - muziek: Leon Gubbels
Zang (*): Kristalbelletjes

Refrein:
Vastelaovundj in Ni-jwieërt
Veertj det hî-j des noeëts verkieërdj
Met de wichter hieël völ lôl
Gaotj dje dri-j daag oet de bôl

Vae maâke dan völ plezeer
Eederein op zien meneer
Met 'ne lach en 'n traon
Zeetj dje os de straot op gaon
Dri-j daag trekke vae dan rôndj
Maâke 't dan hieël êrreg bôntj
Want dit fieëst es gezondj
Daorum springe vae int rôndj.

Eederein luiptj lachendj rôndj
Met 'ne toeter in de mondj
Zoeëwaal êrrem as riêk
Nôw zien alle luj geliêk
Vastelaovundj zitj int blood
Det schoeën fieëst det deut os good
Want met lol en plezeer
Blieve vae in de weer.

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

DE POLONAISEDANS
2008/2009: Tekst & muziek: Mien Veltrop
Zang: Zeu en Hae

Refrein:
Dootj met os meij, dootj met os meij
Dootj met os meij, met ooze polonaise
Kom gaotj now meij, kom gaotj now meij
Vae maake now un hieël lang ri-j hé hé
Vae maake now un hieël lang ri-j.

Vae waore us op dansles det waas niks gedaon
En ginge bi-j de partners op de tieëne staon
Mer toen kwaom dao oos kans de polonaisedans
Vae maakdje toen gein fout en ginge sleijpe met ut goud

De polonaise danse det kan eederein
Met vastelaovundj want dan zeen vae saame ein
Vae maake now un ri-j en eederein deut mei-j
Kom laotj uch now mer gaon want neemus hooftj te blieve staon

Nao dreij daag fieëste hejje ut wol in de bein
Kuntj altied danse en gae staotj dan noeëts allein
Now weer de naas veuroet en gaon weer met dae stoet
De polonaisedans is eine vastelaovundjsgroet

HOME PLAATSNAMENOVERZICHT HOME

POLONAISE MALAISE
1996: Tekst & muziek: L. Coolen-Hendrikx

Dao es bî-j os de kâl
Gaon nao 't vastelaovundjsbâl
Frot ein kledje um mien liêf
Staek de häörkes rechtop stiêf
Veug mich bî-j det fieëst gekaak
Spoeëk t'r rôndj, gaon oet mien daâk
En loestertj waat ich zing
As ich dao tösse spring.

Refrein:
: Tuffe puffe achtereîn
In de polonaise trein
Haotj uch vast aan miene rök
Gieët nao veur en dan weer trök.

Dao es bî-j os de kâl
Gaon nao 't vastelaovundjsbâl
Heb 't kraegske los geknuiptj
Mowwe zeen umhoeëg gestruiptj
Zweit stieët in de hummesslup
Vör de kop 'ne dikke dröp
En loestertj waat ich zing
As ich dao tösse spring.

Dao es bî-j os de kâl
Gaon nao 't vastelaovundjsbâl
Kiektj di-j wengskes glujje roeëd
Van det hup'le op dae poeët.
Es de groeëtste gekkigheid
Eîn en âl gezelligheid
En loestertj waat ich zing
As ich dao tösse spring.

HOME PLAATSNAMENOVERZICHT HOME

EINE POPPENKAST
1999: Tekst & muziek: Leen Coolen-Hendrikx
Zang: Conny, Lijsbeth, Piet en Eric

't Es bî-j os net poppenkast
Alles luiptj verkledj
De kat, de hondj, oos mam in 't bôntj
't Es ein gezelligheid
De knip stieët ooverhoûp
De liektj wul oetverkoûp.

Refrein:
Troeleke, troeleke, lekkere bluts
Woeë es mien keelke
Woeë es mien möts
Troeleke, troeleke, in 't bôntj
Mot nog ein boks vör um mien kontj.

't Es bî-j os net poppenkast
Ein en al plezeer
De kat, de hondj, oos mam in 't bôntj
En dan kumtj nummer veer
Det es oos havergeit
Di-j mekkertj in eur kleid.

't Es bî-j os net poppenkast
't Stamptj, 't springtj en booktj
De kat, de hondj, oos mam in 't bôntj
De poppenkast dae kooktj
Oos pap krejtj wî-j einen haan
Ich heb gein kleî-jer aan.

HOME PLAATSNAMENOVERZICHT HOME

RAAD GEK
2004/2005 nr.1 : Tekst & muziek: Jo van Geneijgen
Zang: Dennis Hendrikx

Refrein:
En ich bin herstikke raad gek van Vastelaovundj
mer ich weit noets waat det ich weer aan zal doon.
Waer ich plies, arabier, kemies of unne rocker
loup ich oppe zök of spitse schoon.
Mer bin ich dan verkledj as krezie Joe Joe
dan blief ich echt vör neemes aanne koej.
Dan moog det fieëst vör mich nog waeke doore
weer normaal doon det es iets det doon ich noej.

Huuër ich gooje Rock-meziek dan gaon ich oet mien daâk
shakendj, swingendj op en nieër dit es echt miene smaâk.|
De Rock en Roll zitj in mien kneuk det raak ich neet mieër kwiêt
al waer ich hongerdtwintjig jaor daovan krieg ich noeëts spiêt.

Minse hî-j intj Pinneriêk laotj gaon dootj met mich meî-j
lekker mieër as eine daag vae gaon vör minstes dreî-j.
De zörrig zetj mer aanne kant gae laeftj mer eine kieër
en Rocktj met mich now dreî-j daag lângk de dansvloer op en nieër.

HOME PLAATSNAMENOVERZICHT HOME

RAMMELESJANG
2003/2004 nr.1 : Tekst & muziek: Thea Bongers
Zang: Thea en de Prutsers

Refrein:
Met dae RammeleSjang in de hang, 'IN DE HANG!'
Gaon vae met uch de vastelaovundj veere.
Vae rammele det hae kraaktj, 'OE!'
Vae raokele dat hae kaaktj, 'AA!'
De tent gieet oppe kop,
en as ut mot dae stek kepot
. Vae rammele dat hae kraaktj, 'OE!'
Vae raokele dat hae kaakt, 'AA!'
Vae gaon ut met z'n alle weer probeere.

Vastelaovundj veere
Det gieet op völ meneere
Mer ich gaon dit jaor met Sjang aanne gang
Hae hooft mich niks te lieere
Hae moog mich neet versieere
Want ich bin d'r ein met haor oppe tang
Sjang es un hieël gek menneke
Maakt 't altieed aeve laat
Gae zultj ut neet geluive mer noeets weurdj dae mich zaat.

Sjang es neet onaeve
Gae hooftj um niks te gaeve
Mer hae guftj neet op
De tent mot oppe kop
Hae veugt zich wiej un blaedje
Hae gieet tot aan ut gaetje
Gae krieegtj um met gein meugelikheid kepot
Sjang es un hieël gek menneke
Gieet te kieer heej as un bieëst
Paktj um mer us in eur hang dan weurdj ut ein groeet fieest.

HOME PLAATSNAMENOVERZICHT HOME

RIE-RA-RO
2005/2006: Tekst: Jos Gubbels - muziek: Leon Gubbels
Zang: Mer Ens

In Ni-jwieërt es 't good stappe
met Asgoonsdig hieëring happe.
Bonteaovuntj, boorebal
alaaf klinktj overal.
En as de optocht trektj, gieët ein lange stoet
met de Pinmaekers dur op oet.

Refrein:
Van je rie ra ro de vastelaovuntj es hi-j good.
Van je hie ha ho det zitj os in 't blood.
t Es waor eeder jaor vaere vae det fieëst
en gaon vae te kieër as e bieëst.
Van je rie ra ro de vastelaovuntj es hi-j good.
Van je hie ha ho det zitj os in 't blood.
't Es waor eeder jaor vaere vae det fieëst
en gaon vae te kieër as e bieëst.

In Ni-jwieërt es 't good stappe
met Asgoonsdig hieëring happe.
Bonteaovuntj, boorebal
alaaf klinktj overal.
En as de optocht trektj
gieët ein lange stoet met de Pinmaekers dur op oet.

Vastelaovuntj det veere vae met di-j daag
op Budschop en Bookentj zoas wi-j in West
Kerneelhoven, Straoteris en de rest
en eederein ruptj dan alaaf... alaaf.

HOME PLAATSNAMENOVERZICHT HOME

SAMEN OET, SAME TOÊS
2001: Tekst & muziek: Thera Janssen-Sieben
Zang: de Siebenspringers

Refrein:
Met Vastelaovundj gaon vae weer
Dri-j gekke daag lang aan de zwieër
Vae gaon dan same weer op stap
Hange gereegeldj aane tap
Vae hebbe hieël d'n aovundj tiêd
En bin ich uch 'n hieël poeës kwiêt
Hoof ich toch neet allein nao hoês
Want samen oet, es bî-j os ouch same toês.

Vae gaon hieël dek op stap, jao zeen gaer van de perti-j
D'n hieële Vastelaovundj zeen vae overal d'r bî-j
Mer zeen vae einmaol inne zaal, staon ich al gaw allein
Gae paktj d'n ieërste polonaise trein

Ich trek mich nêrreges niks van aan, staon ouch neet lang allein
Vae koome deezen aovundj toch vanzelf weer bi-jeîn
Want honger kujje hî-j wul kriege, aete mojje toês
En daorum gaon vae same weer nao hoês.

HOME PLAATSNAMENOVERZICHT HOME

UN SCHRUUFKE LOS
2003/2004: Tekst & muziek: Thera Janssen-Sieben
Zang: De Siebenspringers

As ut veurjaor kumtj in ut landj
Zette vae alles aan de kantj
Dae blik giet op oneindig, ut verstandj op nul
Doon un mutske oppe kop,
En ut mombakkus giet weer op
Geneete wae weer van deij daag vol flauwekul

Refrein:
Met vastelaovundj, heet eederein un schruufke los,
Un schruufke los, drei daag un schruufke los
Laupe pollonaise effe niks waas ze mos
Det es de allerschoenste tied vur os
En van de groetste kearel tot de kleinste blaag
Hebbe vae vastelaovundjskriebels in de maag.
Met vastelaovundj hebbe vae ein schruufke los
As det geveul un hiel joar deure kos

Ooze kleine puk van veer
Zelfs dae heet vul plezeer
As vae same naor d'n optocht staon te kieke
Zitj beij pap in ziene nek
Det is de allerfijnste plek
Um deij vastelaovundjsdrukdje te bekieke

Opa zitj in ziene stool
Kiekt van daor noar zien idool
Naor dea mins met oppe kop dreij hiel schoen veare
Ut waas vreuger ziene wins
Urn es eine kier als prins
ut Pinnelandj vur drei daag te regere

HOME PLAATSNAMENOVERZICHT HOME

SJOKTJ ACHTER OS AAN
2003/2004: Tekst & muziek: Jo van Geneijgen
Zang: Aldje + Jo

Refrein:
Dae schoeëne vastelaovundj
dae hoesj weer in oos lieef
Vae gaon weer allemaol verkledj
as boor of lieëlik wieef
Noow gaotj mer efkus aan de kant
en maaktj mer fleenk ruum baan
Want eederein oet Pinneland
dae sjoktj.. dae sjoktj.. dae sjoktj achter os aan.

En es d'r wat te fieëste dan gaon vae weer veurop
vae zette met dae lange sliert Ni-jwieert knots oppe kop
Vae gaon van veur nao achter en dan alweer opnoow
En as det eemus nog neet snaptj es det un loompe kow

Vae shokke lekker saame zeen waggel op de bein
In polonaise door de straot wi-j unne boemeltrein
En slietj de klok twiee oore dan zeet dae trein puf puf
Klatsboem auwiee deutj in de kop vae zeen un bitje duf

HOME PLAATSNAMENOVERZICHT HOME

SKIEEJE
2003/2004: Tekst & muziek: Toos Stultiens
Zang: Aldje en Harrie

Refrein:
Nao de vastelaovundj gaon vae met de hieele santekraom
lekker skieeje, lekker skieeje.
Vae gaon dan op de lange latte staon
van 's rnergusvreug tot 's aovus volle maon.
Ein piste heej, ein piste dao
en onger stieet de gluhwieen vur os klaor.
Straks dan gaon vae met de hieele santekraom
lekker skieeje as vastelaovundj es gedaon.

Dao zeen toch hieel vul minse
die weg gaon met di-j daagl
Nao Oeesterieek her skieeje of misschien nao Zwitserland.
Ze breake dan de kneuk
ut bein dan in de gips
en hebbe later spieet van al dae-tram-me-lant.

Vae blieve in Neejwieert
En bouwe heej ein fieest
vae hoove neet nao Ooesterieek vae blieve lekker heej.
Vae gaon dan flink tampieeste
gaon dreij daag op stap
maake d'r un fieest van want ut-es-gauw-ver-beej.

Ein piste heej, ein piste dao
en onger stieet de gluhwieen vur os klaor.
Straks dan gaon vae met de hieele santekraom
lekker skieeje as vastelaovundj es gedaon.

HOME PLAATSNAMENOVERZICHT HOME

SNIPPERDAAG
1998: Tekst & muziek: Drie Jo & Co
Zang: Drie Jo & Co

Waat estj 'n haoste, de daag zeen veulste kort
Gae motj van alles, en jagen waat 'n sport
En altiêd vraoge, of djae det ouch nog dootj
En dan det motte, ich waer sommes ongemoodj

Refrein:
Met Vastelaovundj, dan heb ich alle tiêd
Dan doon ich röstig, en neêmes es mich kwiêt
De boore dörse, mer ich bin neet aan slaag
En hoof neet heivers, want ich heb snipperdaag di-j daag

Gae liktj te haoste, gae dootj mer gouw det speutj
Ich wil neet niêse, want eederein dae deutj
Woeë zeen de ti-jje, detj röstig aan kost gaon
En efkes buurte, of aan de brök kostj staon.

De Vastelaovundj det es vöral plezeer
Meziek en danse, vae springe op en neer
't Liektj op trimme, vae polonaise rôndj
De Vastelaovundj, waat hiltj dae os gezondj.

De ti-jje koome, weem kan d'r ongeroet
In optocht gaon vae, in eine lange stoet
Ze oovertuuge, ich weit det 't al breujtj
Det al oos keuste, 't zeekefonds vergeujtj.

HOME PLAATSNAMENOVERZICHT HOME

STRES & NONDEPIE MET HENK & MARIE
2003/2004: Tekst & muziek: L. Coolen
Zang: Poelepetaate

Refrein:
ut es weer tiêt, de allerhoeëgste tiêt
wille effe ooze stres heej kwiêt
ut es weer tiêt, de allerhoeëgste tiêt
loestertj now us wi-j det gieët
ieërst buige en dan strekke
de nek un bitje rekke
en kujje dan neet mieër
ut mot waal ellef kieër
en nao dae tiêt, dae allerschoeënste tiêt
zeen vae dae stres hieel kwiêt

in un jeske okergael
oppe naas 'ne zonnebril
stieët te zwejje oppe plenk
och miljaar, ut es oos Henk
galdertj dao oet volle borst
ich vergaon heej vanne dorst
rentj us effe op en neer
bring mich vlot un pötje beer
want ich zörreg heej vor ut plezeer

In un rökske purperroeët
met de kni-jje hâllef bloeët
stieët opens dao ziên Marie
en di-j ruptj: hi-j nondepie
waat doojae heej zoeë allein
swingendj op eûr naakse bein
zeejae echt dan hieël van slaag
't es det alles moog en maag
angers goof ut weurt vandaag

HOME PLAATSNAMENOVERZICHT HOME

'T ES MICH EIN GEWEMEL
2000: Tekst & muziek: Toos Stultiens
Zang: Aldje Hendrikx en Harrie Timmermans

Refrein:
't Es mich ein gewemel
Dao in d'n hemel
Eederein gieët op stap
En hingtj bî-j Pieëtrus aane tap
't Es mich ein gewemel
Dao in d'n hemel
Bî-j 'n lekker glaeske beer
Heet eederein plezeer

Hetj djae gaer 'n piepke, 'n fluitje of 'n fles
'ne Groeëte of 'ne kleine, dae eure dorst dan lestj
Drinktj dje hieël gaer donkel beer, leecht of leever aod
Met of sônger alcohol, bî-j Pieëtrus stieët 't kaod.

Eederein heet völ lôl in de polonaise trein
Ouch al es 't êrreg vôl, dao es plaats vör groeët en klein
't Hoempa orkest det speultj, eederein ruptj alaâf
Want minse in d'n hemel, zeen hieël êrreg braaf.

HOME PLAATSNAMENOVERZICHT HOME

TANTE NET
2007/2008: Tekst: Huib van Deursen - muziek: Maarten van Deursen
Zang: Maarten & Wendy

33 jaore lank gieët Net al nao de les
nog gein diploma oppe tes
en Net kan ut zelluf neet geluive
en meintj det zeuj ut beste es
neet aan te huuëre mer ut is apaart
herstikke vals en völste haart

Refrein:
Retteketet, huuër un trompet
en det is oos tante Net
ome Lewij dae speultj ouch mei-j
mer bleusj ein hieël anger parti-j
de eine speultj dan ut koeplet de anger ut refrein
ocherrum ut gieët allemaol door ein
retteketet, huuër un trompet
tis oos Lewij en tante Net.

Mer inne vastelaovundj tiêd gieët Net altiêd op paâd
van smergus vreug to saovus laat
ze vörmtj met Lewij ein hermenieke
en stieët vör eederein paraat
ze maaktj meziek en straoltj dan van gelök
ze bleusj de minse vanne zök

HOME PLAATSNAMENOVERZICHT HOME

TANTE TO
2005/2006: Tekst: Huib van Deursen - muziek: Maarten van Deursen
Zang: Maarten and his ladies

Ze zitj dek zoor de kieke, gezicht det stieët wat strang
Ze deut dan niks as prakezeere
Zoeë gieët det al völ jaore, eur hieële laeve lang
Mer teege vastelaovundj
Dan kumptj ze weer op gang

Refrein:
As tante To van os weer vastelaovundj veertj
Is ze drei-j daag lang presênt.
Fieëste en ein bitje zînge
Ze veultj zich in eur element.
In unne roêtebloes en eine ploeëje rok
en heej en dao ein speerke griês
Geuftj ze oppe tiêd en röndje weg
Ze heet de bonne beej eur in de flies

Nao drei-j daag flink tampieëste, ut fieëst es dan gedaon
Mer tante To deej bliftj geniete
Ze hiltj neet op met danse
Kan neet stil bliêve staon
Nog eine polonaise
Ze lieëtj zich lekker gaon

HOME PLAATSNAMENOVERZICHT HOME

DE TENT MOT OPPE KOP
Tekst & muziek: Jan & Mieke Stultjens
Zang (*): Jan & Mieke Stultjens

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

TIPSIE
2002/2003 nr.1 : Tekst & muziek: Leen Coolen
Zang: De Poelepetaate

Refrein:
Un bitje tip-tip-tip, un bitje tipsie-knettergek,
loup ich inne pluusj verkleidj as vastelaovundjgek.
Un bitje tiptip-tip, un bitje tipsie-knettergek,
zit verschoole van mien zoole tot dao boove aanne nek.
Mien veut heb ich gewasse, de haor staon inne pin,
heb oore motte schoore met de soda enne vim.
Un bitje tip-tip-tip, un bitje tipsie-knettergek.
Veul mich lekker, veul mich lekker, veul mich lekker, knettergek.

Verschoole inne pluusj, gebeete door de luus,
vol gaate vanne mot, versleete en kepot.
Dae mich zuut, dae lachtj zich rot.

Hos op mien zuuver veut, tesaam met hieel de meut,
blieef almer aanne gang, krieeg blosse oppe wang,
zing daobi-j noch daage lang.

HOME PLAATSNAMENOVERZICHT HOME

DE TOWKUS
2007/2008: Tekst & meziek: Lenie & Petra
Zang: Lenie & Petra

Refrein:
Met dees daag laote vae de touwe viere
met dees daag laote vae ze los
vae gaon de vastelaovundj weer verieëre
met gezanik, gezeiver en gehos.
Det doon vae drei-j daag lank
en vae gaon dan oze gank
mer nao drei-j daag weer in ut sondigspak
dan trekke vae de towkus waal weer strak.

Ut hieël jaor stieët d’r spanning oppe tow
mer met de vastelaovundj, dan kumtj ut neet zoeë now
gae laotj uch mer us lekker gaon, en valtj us oet de toeën
want hieël ut jaor is al zoeë gewoeën.

Dinsdigaovundj wat bonne inne tes
ein traönke inne ouge, mer wieter geine stres
vae leete os us lekker gaon en weem det heet bedachtj
de vastelaovundj heet weer völ gebrachtj.

HOME PLAATSNAMENOVERZICHT HOME

DE TROM
1994: Tekst & muziek: Drie Jo & Co

Met Vastelaovundj ruptj de trom, nao eederein kom minse kom
Waat huuëre vae in eedre zaal' De trom ze maaktj wul veul kebaal
Waat es t'r aan de trom zoeë fein? Ze bringtj de minse oppe bein
En as ich ouch nog ieërlik bîn, estj mieër de trom as ooze Pîn.

Door 't jaor gedreugtj ze zich, dan klinktj ze sommes wat slaoperig
Ze geuftj um dan neet van katoen, de trom di-j hiltj dan eur fatsoen
Ze es dan wul van de perti-j, en meistal veurop in de ri-j
Dan springe ânger weer d'r oet, wî-j klarinet of dikke toêt.

Refrein:
Ouch huuërtj ze bî-j de schötteri-j, dao zeen d'r zelfs hieël veul bî-j
Mer wî-j dje 't ouch kieërtj of drejtj, dao weurtj de aandacht aafgelejtj
Dao zeetj dje uniformen gaon, de trom zeen ze gaaroet neet staon
Dank zej de trom zek ich uch dit, luiptj hieël 't vollek in 't gelid.

En bî-j 'n bendje of orkest, dao zitj de trommel meist 't lest
En sônger wieter flawwekul, di-j hebbe voort elektris spul
Dus as de stroum 'ne kieër ontbriktj, en det de PLEM nôw mer spriktj
En neêmes veurtj dan de boovetoeën, det es dan eur verdeendje loeën

Mer ens in 't jaor estj tromme tiêd, verlaegenheid es ze dan kwiêt
Dan gieët ze overal veurop, ze zetj de wêrreldj oppe kop
Trompet en sax di-j volge gaer, ze volge dan de trommelaer
'n Zaate hermeni-j och kom, det liektj op niks sônger trom.

HOME PLAATSNAMENOVERZICHT HOME

DE TWIEFELAAR
2005/2006: Tekst: Annika Horyon - muziek Johan Veugelers
Zang: Annika & Stephanie

Eeder jaor utzelfdje leedje
Is dit wul gezoond
This weer vastelaovundjstiêd
En ich weit neet wat te doon
Maondje prakezeere
Weej pak ich det aan
Want ich weit al van mieen eigeste
det ich al twiêfel aan un banaan

Refrein:
wat vör leedje wat vör waage
wat vör pekske, ich weit ut neet
wat vör kroeg en welk beer
of un glaas wiên, ich weit ut neet
ich kan neet keêze ich dink alsmaar
ich bin unne echte twiefelaar

Weejvol daag zal ich gaon
Dao mot ich over dinke
Ut zeen der offisjeel mer drei-j
Mer det is auch neet völ
4, 5 daag of unne waek
Wat zal ut dit jaor waere
En gaon ich as unne indiaan
of zal ich bruuedje zeen

Now staon ich heej te kieke
Nao de minse um mich haer
Ze maake mich aan ut twiefele
Misschien waer ich wul baer
Mer ich weit ut van mien eige
Ich kom der neet vanaaf
Weej zoot ut toch alweer
Boem paaf of alaaaf

HOME PLAATSNAMENOVERZICHT HOME

VAE DOON WÎ-J DE GEKKE
1994: Tekst: Francien Jacobs, Lenie Wijen & Pierre Dentener - muziek: Pierre Dentener

Refrein:
Vae doon wî-j de gekke, wî-j gekker wî-j leever
Vae zeen vör alles in staot
Vae blieve gaer plekke, wî-j langer wî-j leever
Want dao vör zeen vae nog neet te aod
Vae staon gaer aant buffet, gae wetj waal van det
En maâke d'r hieël veul seldaot.

Vae gaon gaer op stap in oos Pinnelandj
En gaon nao eeder kefeeke
De Winst of Centraal, of de Riva zaal
De Knip of bî-j Pierre d'r nog eine drinke
En zeen vae weer ongereîn
Dan gaon vae wî-j eine trein.

Vae fieëste hieël gaer en gaon noeëts nao hoês
Vae wille aan wêrreke neet dinke
En zeet dae van mich, ich wacht op dich toês
Dan wil ich d'r nog eine drinke
En estj dan eindelik twieë oor
Dan gaon vae nog gaer efkes door.

HOME PLAATSNAMENOVERZICHT HOME

VAE GAON OP STAP
2006/2007: Tekst: Annika Horyon & Dennis Hendrikx - muziek: Dennis Hendrikx
Zang: Annika en Dennis

Refrein:
Vae gaon op stap, vae gaon op stap
vae gaon op zeuk nao unne tap
en un gooje polonaise
Vae zakke door, vae zakke door
vae zakke door det es gein grap
zoeëje vae nog oeëts genaeze.

Det weurdj heej fieëst, det gieët heej los
dri-j daage beer, spek, eier en gehos
det weurdj heej fieëst, det gieët d'r op
vae gaon nao Ospeldiêk en trug
en dan nao Leivere en vlug
vae hebbe vastelaovundj in de kop.

Met vastelaovundj gaon ich gaer op stap
En hang ich ongerstebove aan de tap
Ze liektj misschien geëmancipeerdj
Mer met di-j daag schrieëwtj miene maag um beer

De oppas beltj waat ze mot doon
De kleine heet het roeëd-gael-greun in de luier staon
Ich kiek um aan, waat doon vae d'r mei-j
Helaas staon ich alweer vör muntjes in de rei-j

HOME PLAATSNAMENOVERZICHT HOME

VAE PINNE
1993: Tekst & muziek: Lijsbeth Schroyen- Moonen

De Vastelaovundj krant hetj Pinmaekers gezet
't Pinke kojje laêze in 't blaedje wizje det
't Es al lang bekindj; Pinmaekers zeen slum
Zeeve pinnen inne törref en oos waek es weer um.

Refrein:
Pinne niks as Pinne, in oos Pinnelandj
Alles drejtj um pinne 't luiptj oete handj
Kon djae 't nôw nog vôlge, gek waer ich d'r van
Heb ich nôw 'ne Pîn los of ein losse pan.

Spriktj d'n Opperpin of zingtj 't Pinkwintet
Zeetj dje aane pin, dan gaotj us lekker vreug nao bed
Pinnig zeen vae neet, hî-j nog eine raod
Bliftj dao met eur pin vanaâf, want ângers waer ich kwaod.

Pinnen vör eur geldj, boete oet ein moor
Pincode vergaete? Dan verdeentj djae toch waal schoor
Gae zeetj de Pineut, en zitj sônger geldj
Gaotj dan mer bî-j de Pin-hup astj toch int water veltj

Eeder jaor opnôw, kumtj de kolderpin
Wiltj djae dae gaer winne dan komtj op en zetj uch in
In oos Pinnelandj, pinne vae wat aâf
Ich houw d'r nôw de pîn us in en zek uch vast alaâf!

HOME PLAATSNAMENOVERZICHT HOME

VAE VLEEGE
2002/2003: Tekst & muziek: Thea Stals
Zang: T & P.

Refrein:
Vae vleege, vae vleege de vastelaovundj in.
Vae vleege, vae vleege dit es pas ut begin.
Vae gaon omhoeeg vae stijge op,
de waereldj stiet oppe kop.
En weer umlieeg vae daale neer,
en drinke un glaas beer.
Jao vae vleege, jao vae vleege, strektj eur vleugelkes mer oet,
want vae vleege de vastelaovundj in en straks auch weer d'r oet.
Jao vae vleege de vastelaovundj in en straks auch weer d'r oet.

Dootj uch un jeske aan, want 't es toch un hieel stök.
Over unne daag of drei-j zeen vae dan weer trök.
Jao loup mer door, sloeet mer aan zoe vlot as ut mer gieet.
Eur mötske op, dao gaon vae dan, ut es de hoeegste tieed.

Toen ich dao boove woor, wei-jae waat ich zoog.
De zon scheen ut reigendje, eine groeete boog.
De kleure woore roeed en greun en auch un bitje gael.
Ut waas zoe schoeen, ich zoog ut good, door dae groeete bril.

HOME PLAATSNAMENOVERZICHT HOME

VAE ZEEN PINMAEKERS
1998: Tekst & muziek: Toos Stultiens
Zang: Aldje Hendrikx en Harrie Timmermans

Refrein:
Vae zeen Pinmaekers en hebbe hieël völ lôl
Vae zeen Pinmaekers, dri-j daag oet dae bôl
Vae zeen Pinmaekers, hetj dje zin dan danstj mer mej
Want 't maaktj eederein zoeë bli-j.

Komtj minse staotj neet aan de kantj
En springtj met os door 't Pinnelandj
En danstj us same oppe straot
Want det deut neêmes kwaod.

Vae drinke gaer ein glaeske beer
En maâke altiêd völ plezeer
't Fieëste zitj in oos blood
't Lekker gek doon deut os good

't Es deezen ieëw de leste kieër
't Kumtj veur twieëdoezendj neet mieër
Geneetj van deeze schoeëne tiêd
Ângers hetj djae straks toch spiêt.

HOME PLAATSNAMENOVERZICHT HOME

VASTELAOVUNDJ
2002/2003: Tekst & muziek: Tinneke Verstappen
Zang: Trio Good gemoodj

Refrein:
Met vastelaovundj dan és alles angers,
ederein zeet uch dan gooje daag.
Met vastelaovundj dan és alles angers,
veuldje de krieebels inne maag.
En det veultj toch zoee lekker,
mieen lieef weurtj alsmer gekker.
Mer gae kuntj det neet allein,
Daorum zeen vae ammaol ein

Un hieel jaor lang hebbe vae gewachtj,
op deeze, schoeene tieed.
Dan kunne vae os laote gaon,
en krieege geine spieet.
Vakanties neet aan os besteedj,
dao vinge vae niks aan.
Mer huure vae ein blaoskepel,
dan gaon vae dur teege aan.

Mer huure vae ein blaoskepel,
dan gaon vae dur teege aan.

Met korsmis ginge vae op stap,
völ minse, oppe bein.
Gezellig waas ut toch neet echt,
gae veuldje, uch allein.
De minse leepe stil verbi-j,
en as ich ut zaegge maag.
Dao woor dur geine van verkleid-j,
nemus reep dao nog alaaf.

Dao woor dur geine van verkleid-j,
nemus reep dao nog alaaf.

HOME PLAATSNAMENOVERZICHT HOME

VASTELAOVUNDJ
1993: Tekst: Berthe Kloosterman & Corrie Smits - muziek: Josephien Houf

Refrein:
Waovan haoje vae in Limburg
Van dae schoeëne vastelaovundjstiêd
Fieëste en tempieëste, det konne vae zoeë good.
Waovan haoje vae in Limburg
Van dae schoeëne Vastelaovundj
Van noord tot zuid, van oeëst tot west, eederein deut mej
Van noord tot zuid, van oeëst tot west, Limburg op zien best.

Vae haoje van fuive, 't es neet te gluive
D'n hieële boel weurtj dan verseerdj
'n Duipfieëst, kemuûnie, verjaordaag en broêleft
Di-j waere bî-j os good geveerdj
Mer es geine Vastelaovundj, es geine Vastelaovundj
Det es toch 't schoeënste van al
Gaeftj mich Vastelaovundj, mich Vastelaovundj
Dan es 't bî-j os dri-j daag bal.

November d'n ellefdje, aljaors 't zellefdje
Dan gieëtj t'r weer opaan
Sjminke, verklei-je, de pekskes nog nejje
De pruûk van de zölder gehaaldj
Want 't es Vastelaovundj, 't es Vastelaovundj
Ich zet mich 't masker nôw op.
Jao, 't es Vastelaovundj, 't es Vastelaovundj
De lôlvlag di-j gieët nôw in top.

HOME PLAATSNAMENOVERZICHT HOME

VASTELAOVUNDJ
Tekst & muziek: Mien en Will Knapen
Zang (*): Mien en Will Knapen

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

VASTELAOVUNDJ 1-2-3
2003/2004: Tekst & muziek: Trio Good Gemoodj
Zang: Trio Good Gemoodj

Zek hej-jae nog zin,
haoktj us effe in,
dotj dae nowwe dans met os.
'taes toch zoee gelieerdj,
kan echt neet verkieertj,
kom en goesj di-j kneuk now mer us los'hoj..!!!

Refrein:
Vastelaovundj ein twiee dri-j,
kumptj en gieet te gauw verbi-j,
Vastelaovundj veer vieef zes,
dri-j daag aes mer effekus.
Vastelaovundj zeeve acht,
vae gaon door de hieele nacht.
En dan neuge tieen en elluf,
vastelaovundj gieet vanzelluf.

Bliftj dao now neet staon,
kom en laotj uch gaon,
zetj de zörrig aane kantj.
Maaktj toch wat plezeer,
want ut aes alweer,
Vastelaovundj in ut Pinnelandj'hoj..!!!

HOME PLAATSNAMENOVERZICHT HOME

VASTELAOVUNDJ ES DE ALLERSCHOEENSTE TIEED
1999: Teks & meziek: H. Bollen-Jilesen
Oetveurendje: Hendria en Ramona Bollen

Refrein:
Vastelaovundj es vör os den allerschoeenste tieed.
Vastelaovundj wille vae toch zeker neet mieer kwieet.
Vastelaovundj, fieeste vae drei-j daag aan ein stök.
Vastelaovundj veere, kumptj toch eder jaor meer trök.

Is Sinte merte in ut landj, dan es den tieed meer dao.
Dan gieet de prins met road van elluf, ze zeen der weer vör klaor.
De törf met de zeve pin, dae weurdj dan weer geplaatsj.
Vae drinke d'r ein pinke op, en zegge dan alaaf.

En es ut prinsebal gewaesj, dan goan vae aan de gang.
De klei-jer maake vör deej daag, ut deurtje neet mieer zoee lang.
Want es de vastelaovundj doa, dan huure vae d'r beej.
Dus zinge vae nog eine kieer, en zing mer met os mei-j.

HOME PLAATSNAMENOVERZICHT HOME

VASTELAOVUNDJ IN 'T PINNELANDJ
1993: Tekst: Lottie Evers, Lies Evers & Giel Bruijnaers - muziek: Lottie Evers
Zang (*) : Marianne Körner & Johan Evers

Refrein:
Vastelaovundj, Vastelaovundj, Vastelaovundj veere det es neet verkieërdj
Vastelaovundj, Vastelaovundj, Vastelaovundj veere weurtj ouch jonk gelieërdj
En vae danse, zinge, hosse, springe, maâke veul plezeer
Drinke samen 'n glaeske beer
En vae danse, zinge, hosse, springe, maâke veul plezeer
Drinke samen nog 'n glaeske beer

Nôw met dees daag dan es 't toch weer raak
Ich weit det ich 't wêrrek dan mer staak
't Es Vastelaovundj in 't Pinnelandj
Dus vae zette alle zörreg aane kantj

Louptj dje innen optocht, of kiektj dje aane kantj
Bliftj neet staon en paktj uch aane handj
Twieë traej opzi-j en einen achteroet
Gae hetj völ plezeer, mer gae komtj neet vroet.

Dri-j daag int jaor, dan veul ich mich hieël vlök
Mien hertje luiptj dan over van gelök
Want door mien aore dao stroumtj 't Pinneblood
Vastelaovundj veere deut mich daorum good.

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

VASTELAOVUNDJ IN NEEWIEËRT
2007/2008: Tekst & muziek: Rudi Veltrop
Zang: Zugabe

Refrein:
Met vastelaovundj in Neewieërt dan gieët eederein te kieër,
met vastelaovundj waertj ut 3 dage te gek.
Met vastelaovundj in Neewieërt dan gieët eederein te kieër,
loester good waat ich uch zek.
Vastelaovundj is toch waal ut allerschoeënste fieëst heej in oos Neewieërt.

Aan ut indj van ut jaor, maak ich mich weer klaor, want dun 11e van dun 11e is zoee dao.
Met mien schmink en mien pak, gaon ich gaer oet mien dak, jao ut leefst un alik jaor.
En as ut dan zoeëwiêt is dan laot ich um weer gaon, want vör gae ’t wetj is ut gedaon.

Met de prîns en ziene raod, trekke vae door de straot en zoeëlang as ut doortj gaon vae door.
Met un sjoes of un pils, vör eederein wat wils, zetj t’r heej mer eine klaor.
En as ut dan zoeëwiêt is dan laot ich um weer gaon, want vör gae ’t wetj is ut gedaon.

Dinsdigmerge aan de tap, de leste daag op stap, nog efkus en dan motte vae weer gaon.
D’n törf gieët dan op, ouch dit jaor waas weer top, now doortj ut lang tot volgendj jaor.
En as ut dan zoeëwiêt is dan laot ich um weer gaon, want vör gae ’t wetj is ut gedaon.

HOME PLAATSNAMENOVERZICHT HOME

VASTELAOVUNDJ INNE KOP
2010 nr.3 : Tekst: Lijsbeth Schroijen-Moonen - muziek:Ronald Moonen
Zang: Ich en oôs mam (Jarra en Lijsbeth Schroijen)

Refrein:

HOME PLAATSNAMENOVERZICHT HOME

VASTELAOVUNDJ VIERE DOON VAE SAME
1997: Tekst & muziek: Toos Stultiens
Zang: Aldje Hendriks & Harrie Timmermans

Refrein:
Vastelaovundj veere doon vae same
Vastelaovundj es vör eederein
Vastelaovundj veere doon vae same
Met Vastelaovundj es toch neêmes gaer allein

Paktj elkaar us in de êrrem
Maaktj eur hert 'n bitje wêrrem
Kiektj elkaar us in de ouge
Want det zal uch neet berouwe
En zektj dan mer us in 't plat
Teegen eure groeëtste schat :

Paktj elkaar mer us stevig vast
Daovan heet toch neêmes last
En danstj us lekker oppe straot
Al gieët 't dan ouch oet de maot
Kiektj eure schat us verleefdj aan
En zingtj dan mer van veuraâf aan

HOME PLAATSNAMENOVERZICHT HOME

VASTELAOVUNDJ ZOEË FIJN
2008/2009 nr.1 : Tekst & muziek: Rudi Veltrop
Zang: Zugabe

Vae zinge deet leedje vör groeët en vör klein
Met vastelaovundj allemaol ein

De schoeënste daage van ut jaor
Un fieëst vör joonk en aod
Dootj good meij en blieftj neet staon
Un fieëst vör allemaol

Refrein:
3 daage fieëst in oos Limburgse landj
Taofels en steul aane kantj
Now dootj met oos meij vastelaovundj zoeë fijn
Vae fieëste met groeët en met klein

Now paktj elkaar de hang good vast
Van links nao rechts laotj gaon
Springt umhoeëg now 1, 2, 3
Kom dootj mer met os meij

En neemus is kwaod, vastelaovundj des good
Met dit fieëst gieët eederein los
Met groeët en met klein, vastelaovundj zoeë fijn
Kom zingtj now dit leed meij met o........s

HOME PLAATSNAMENOVERZICHT HOME

VASTELAOVUNDJ ZULLE VAE VEERE
2004/2005: Tekst & muziek: Jos Kuppens
Zang: Trio Good Gemoodj

Refrein:
Mêt vastelaovundj zulle vae veere,
ut schoeënste fieëst van ut jaor.
Dri-j daag d'r van profiteere,
oos pekske hingtj al waeke klaor.
Gaon ich dan saame met dich danse,
hosse, springe, kieer op kieer.
Einmaol nog us saame sjanse,
det vôrlieëre vae neet mieer.

Met di-j daag flink bolkeneere,
op-pe tied zeen vae op paad.
Dri-j daag lank flink potverteere,
eedere kier zeen vae paraat.
Op-pe toeëne van un meziekske,
en met wat slingers um de nek.
Gaon oos bein wi-j un elastiekske,
verklaore os dan knettergek.

Huuëre vae un hermenieke,
dan zeen vae weer good gemootj.
Speultj ut dit schoeën melodieke,
krieg ich kriebels in mien blood.
Dri-j daag vastelaovundj veere,
kom spring es lek-ker oet de bandj.
Neemus hoofdj os det te lieëre,
de zörrig gaon dan aan de kantj.

HOME PLAATSNAMENOVERZICHT HOME

DE VASTELAOVUNDJ-BEAT
1994: Tekst & muziek: Jos & Thera Sieben
Zang (*): De Siebenspringers

Refrein:
Vastelaovundj ès 'ne schoeëne tieëd,
dan huuëre vae de vastelaovundj-beat.
De hoempa en de dikke trom,
di-j zègke dan: kom minse kom.

Vae gaon zoeë gaer op stap, nao 'n kefee of 'ne zaal.
Dae tieëd gieët dan zoeë rap, met meziek in oos Limburgse taal.

En speultj de joekskepèl eur melodieke weer,
dan zörgt d'r eine van 't stel, vör 'n lekker glaeske beer.

De optocht trektj verbeej as 'ne bontje stoet.
Dao zitj van aller beej, un muts, klak en eine hoed.

Vastelaovundj ès vör os de allerschoeënste tieëd,
dan goeze vae de remme los met de vastelaovundj-beat.

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

VASTELAOVUNDJ-FITNESS
2001: Tekst & muziek: Mirjam & Jos Sieben
Zang: Mirjam & Jos Sieben

Met de Vastelaovundj wao gaon vae dan haer
Met de Vastelaovundj, wao trekke vae van laer
Det es de discotheek, met dae haarde snelle 'beat'
Det es de beste plaats, wao beweege van eiges gieët... want

Refrein:
Gae gaotj vanzelf beweege, en schöddeltj met eur kôntj
Gae komtj völ minse teege, ze drejje in 't rôndj
De êrrem gaon umhoeëg en zwejje haer en trök
't Kan uch niks mieër schille, gae lachtj nôw van gelök
Vae stampe mette veut en springe op en neer
Daobî-j gaon vae nôw zinge, det doon vae kieër op kieër.

Mette groeëten optocht dao doon vae aan mej
Mette groeëten optocht es eederein bli-j
't Es 't hoeëgtepuntj, met kleur en völ meziek
Det vinge vae dan fein en det vinge vae dan sjiek... want

Met de groeëte groep, gaon vae dus op stap
Met de groeëte groep, staon vae aan de tap
D'n eine dae aojhoortj en d'n ângere polonaistj
't Es 'n gewemel, es altiêd zoeë gewaestj... want

HOME PLAATSNAMENOVERZICHT HOME

'T VASTELAOVUNDJ-GEVEUL
1995: Tekst & muziek: Thera Janssen-Sieben

Refrein:
Eeder jaor teege vastelaovundjstiêd
Krieg ich weer de kriebels in 't blood
Dan kan ich mien energie weer kwiêt
Di-j dri-j daag doon mich toch zoeë good
Doon mich zoeë ontieglik good.

't Hieël jaor door loup ich in de maot
Zoeëas det van mich weurtj verwachtj
Ich doon dan mien wêrrek zoeë good en zoeë kwaod
Aan wat ângers weurtj dan neet gedachtj
Mer drek al nao Nowjaor dan kumtj det geveul
Dan es 't asof ich haost stik
Ich mot d'r dan oet, alles weurtj mich dan teveul
Ich krieg dan vanzelf eine kik, want :

En es einmaol Prins en Prinses weer bekindj
Dan gaon ich drek aane gang
Ich wil hosse en springe en gaon door 't lintj
't Leefst d'n hieële daag lang
Mer jaomer genog es 't um twieë oore 'Schluss'
Al heb ich dan nog geine zin
De leechte gaon aan, jao ich mot weer nao hoês
Mer ich weit good, dit es pas 't begin, want :

En kumtj dan Asgoonsdig hieël stiekem d'r aan
Dan bin ich dao echt neet vör klaor
Um twellef oor sloete ze ouch nog de kraan
En det waas 't dan weer vör dit jaor
'n Paar daag loup ich met de hang int haor
Mer langzaam win ich d'r weer aan
En kiek weer veuroet nao 't volgendj jaor
Jao dan gaon vae d'r weer tegenaan, want :

HOME PLAATSNAMENOVERZICHT HOME

VASTELAOVUNDJ LEEFDJE
2002/2003: Tekst: Huib van Deursen - muziek: Maarten van Deursen
Zang: Trio Dik Kontent

Refrein:
As ich dich in dien auge kieek
begin ich pas te laeve
det geveul det ving ich manjefiek
Det krieeg ich dan gelieek
Dieen wengskus en dien möndje
ze zeen nao mieene zin
met dich wil ich dit jaor de vastelaovundj in.
As ich dich in dieen auge kieek
dan veul ich mich zoee rieek.

Ich zoog dich waal zitte, mer dich zoogs mich neet staon
toen bin ich nao ein tieedje mer weer eweg gegaon
ich zag tege mieen vrindje, waat doon ich now toch fout
det is toch echt mieen tiep, jao det es d'r ein van goud
ze zagte toen het kiektj toch völ te fieen
det kan waal zeen mer ut weurdj der mieen

Ich bin nao hoees gegange, en ich schreef um eine breef
dich bist ut schoeenste maegdje, ich ving dich toch zoee leef
wilstich met mich gaon veere, dees vastelaovundjtieed
ein dink det weit ich zeker daovan krieegste geine spieet
ut schreef teruk en wei-je waat der stong
gaon mei-j met uch, mieene leefste jong

HOME PLAATSNAMENOVERZICHT HOME

VASTELAOVUNDJ ROCK
2002/2003: Tekst & muziek: Jos Sieben
Zang: De Siebenspringers

In de jaore zestig, met de rock en roll
Brilcreme in de haor, det haaje ze allemaol
Auch met vasteloavundj rondje vae out de bol
Aaf en tow us hosse, vae haaje groeete lol

Refrein:
Vae gaon now rock en rolle
En lekker aan ut dolle
We sheeken lekker op en nieer
Det doon vae now al jaore , met of songer blaore
Met vastelaovundj gaon vae tekieer.
Ut es van alle teeje, al es ut lang geleeje
Ut es toch zo fijn um te doon
Want vaslaovundj veere, det hoofdje neet te lieere
Det gieet ... van vader op zoon

Vae deeje hieel vol swinge, lekker oppe maot
ginge daobeej zinge, en haaje ut neet kaod
Gae maakdje hieel vul maeters, en sprongtj op en nieer
Ut leek wul vastelaovundj, net hosse en zoe mieer

Wiebele met de kuntje , det waas errig in
Twiste waas de naam, vae kreege hieel goo-j zin
Auch met de vastelaovundj waas ut twist en shout
Det waas toch hieel gewoeen en hieelemaol neet fout

HOME PLAATSNAMENOVERZICHT HOME

DE VASTELAOVUNDJ-SAMBA
1999: Tekst & muziek: Thera Janssen-Sieben
Zang: De Siebenspringers

'n Jaor of wat geleeje, gonge vae nog hieël wiêt weg
's Wintjers van de zon geneete, det es pas zalig zek
Mer ein dink weit ich zeeker nôw, dan zal ich noeëts mieër gaon
As 't Vastelaovundj es wil ich in Ni-jwieërt staon

Refrein:
Met Vastelaovundj blieve vae in oos eige Pinnelandj
Vör os beslistj gein wintersport, de zon, of zieë of strandj
Vae maâke hî-j ooze eige 'siësta' met hieël weinig siësta
Met Vastelaovundj blieve vae in oos eige Pinnelandj
En dri-j daag aan ein stök springe vae dan oet de bandj
Met Vastelaovundj es 't hî-j pas gaâf
Vae blieve dus in Ni-jwieërt, alaâf (alaâf)

Verkansie haoje es best fein in zoeë 'n wêrrem landj
De stres van alledaag dae zetj dje dao echt aan de kantj
Mer ich mot t'r neet aan dinke, um zoeë wiêt van hoês te zeen
Met Vastelaovundj bin ich bli-j, det ich in Ni-jwieërt bin.

Verkansie bukskes ligke nôw alweer ein tiêdje klaor
't Zuut t'r hieël schoeën oet, jao det es allemaol waor
Ze zeuke eur wat oet, ich ving 't allemaol OK
Mer met de Vastelaovundj bin ich toch 't leefste hî-j.

HOME PLAATSNAMENOVERZICHT HOME

DE VASTELAOVUNDJVLAG
2006/2007 nr.3 : Tekst: Lenie & Maaike Vervoort - muziek: Huib van Deursen
Zang: Lenie & Maaike

Refrein:
Ens per jaor hang ich de vlag weer boête
Ens per jaor de slingers vör de roête
Det hebbe vae van hoês oet zoeë gelieërdj
Dan is ut vastelaovundj in Neewieërt
Dan is ut vastelaovundj in Neewieërt

Trektj us door ut pinnelandj, gae kiektj eur ouge oet
Waat jae ammaol zeet hange achter de roêt
Prachtige ballonne en ouch wat serpetien
Det is toch hieël wat schoeëner as zoeë`n saaie glaasgerdien

Nao dreij daag bolkeneere, ut fieëst det es gedaon
De slingers zeen verschoote, de blonne nao de maon
Now staon der plastik bloôme d'r hingtj un glaasgerdien
Mer over krap ein jörke völ ballonne en serpetien

HOME PLAATSNAMENOVERZICHT HOME

VERLEEFDJ OP VASTELAOVUNDJ
1999: Tekst & muziek: Toos Stultiens
Zang: Aldje Hendrikx en Harrie Timmermans

Gae hejjet of gae hejjet neet, det virus kumtj inens
En veultj djae ouch dan zjuust wî-j mich, dan zeen vae 't toch ens
Ich veul mich wî-j ein veske, ein veske in 't water
En dink dan waal us bî-j mich zelf, dae kater kumtj later.

Refrein:
Ich bin zoeë verleefdj op Vaste .. Vastelaovundj
Op al di-j gekke daag, mer ouch op eederen aovundj
Mien hert det sluuëtj altiêd, vör de schoeënste tiêd
Ich bin toch zoeë verleefdj, op Vaste .. Vastelaovundj

D'n ellefdje van d'n ellefdje, begintj vör mich de lôl
Dan weurtj 't vör mich ein groeët fieëst, hî-j op dae wêrreldjbôl
De zörreg in mien binnetes, jao weg met al di-j stres
Ich loup dan in mien pekske, as 'n Vastelaovundj gekske

En gieët 't vieë oppe stâl, es 't tiêd vör 't boorebâl
Mer koome knuipkes aane stroêk, krieg ich kriebels inne boêk
Ich krieg dan eine groeëte scheut, van miene kop tot aan mien veut
Ich wil dan gaer gaon danse, en aâf en tow wat sjanse.

HOME PLAATSNAMENOVERZICHT HOME

VERSLAAFDJ
2000: Tekst & muziek: Jos Sieben
Zang: De Siebenspringers

Aan alles waat neet good es, raaktj dje aan verslaafdj
Van rouke motj dje hooste, en van slaopteblette braaf
Van alcohol in 't beer, waertj dje sommes hieël agressief
En door de heroïne waertj djae 'ne groeëte dief

Refrein:
Vae zeen verslaafdj aan Vastelaovundj
Vae zeen verslaafdj aan deze tiêd
Det zeetj dje trök in Limburg en Braobentj
As dae tiêd völ sneller gieët
't Gieët vanzelf, gae komtj in hoeëger sfeêre
Dao motj dje wul 'n hieël jaor op teêre
De Vastelaovundj laeftj in Ni-jwieërt
Det es net (det es net), neder... wiêt.

Van alles waat hieël lekker es, waertj dje gaw dik
Prebleeme krigtj dje later, aan eure rikketik
XTC stieët bekindj, dejje motj hakke oppe maot
's Wintjers oppe motor, det es lieëlik kaod.

Hetj dje priês met kiene, gelök in 't spel
Estj minder in de leefdje, toês estj dan ein hel
Geine Vastelaovundj, mer gaotj dje op wintersport
Dan dootj dje met al dejje hetj, lieëlik tekort

HOME PLAATSNAMENOVERZICHT HOME

VLEEGE VLEEGE VLEEGE
1997: Tekst & muziek: L. Coolen-Hendrikx
Zang: Eric van Laar & Piet Kanters

Refrein:
Hoelalala det gieët sjiek
Hoelalala magnifiek
Hoelalala sapperloeët
Zeetj mich vleege aan eine poeët.

Leeven hemel groeët paniek
Wil gaon vleegen aan eine stiek
Met twieë vlummen oppe rök
Val ich bumpendj van 'n brök
Kom van boven oet de locht
Recht umlieëg, umme bocht.

Leeven hemel, groeët paniek
Knaptj mich miene boksestiek
Zaktj nao ônger op mien schoon
Hang te fladdere wî-j ein hoon
Met de beinkes naaks en bloeët
Blief ich hange, êrreme kloeët.

Leeven hemel groeët paniek
Duik dao tössen 't publiek
Laot mich valle in ein net
Minsgenaoje waat wuppertj det
Naatgezwetj en oetgestroumdj
Waer ich wakker, heb gedroumdj.

Refrein:
Hoelalala det gieët chic
Hoelalala magnifiek
Hoelalala sapperloeët
Zeetj mich vleegen aan eine poeët.
Noeëts mier vleege
Schrik gekreêge
Deze kloeët
Sapperloeët.

HOME PLAATSNAMENOVERZICHT HOME

VÖR GEIN MILJOEN
2001: Tekst & muziek: Huib van Deursen
Zang: de Notekrakers

Refrein:
Ich zooj met neêmes wille reule
Nein nog neet vör ein miljoen
Ich zooj met neêmes wille reule
Waat bin ich bli-j det ich in Ni-jwieërt woeën
't Allerschoeënste plaetske van hieël de wêrreldjbôl
De schoeënste Vastelaovundj en altiêd dikke lôl
Ich zooj met neêmes wille reule
Nein nog neet vör ein miljoen

Ze kalle waal van Venlo, van Zitterd en Mestreech
En det 't schoeën es gluif ich eineweeg
Mer Ni-jwieërt es mien plaetske, det es mien paarediês
't Es echt neet te koup, vör geine priês.

Dao zeen ouch van di-j minse, di-j gaon op wintjersport
Mer koome dan in Ni-jwieërt veul te kort
Ich hoof neet oppe skieje, of snieëboets aan te doon
Vae maâke lôl en gaon gewoeën as kloon

HOME PLAATSNAMENOVERZICHT HOME

VÖR VASTELAOVENDJ ÊSJ ALTIEED D'N HOEEGSTE TIEED
2003/2004: Tekst & muziek: Els Vaes-Jacobs
Zang: Kristalbelletjes

Refrein:
Lekker stök doot neet zoee drök
't ês vastelaovendsjtieed
al det gejaag ês ongezondj.
't Es neet gek waat ich zek
zörrug zeeje zoee kwieet
met vastelaovendj, 't klökske rondj.
Gein gezeur, gein gezeik, gein gezanik
waat now nog neet ês det kumptj dalik!
Vör vastelaovendj êsj altieed d'n hoeegste tieed.
Det wille vae noeets, nein hieelemaol noeets,
van z'n lang zal ze laeve noeets mieer kwieet!

Nao al det gejaag heb ich now drei-j daag
hieelemaol gein klok vandoon.
En ich heb geine spieet al kom ich neet op tieed
want ich bin vermomdj as kloon.
Vurleefdj vraog ich aan dich:
hebse drei-j daag tieed vör mich?

Al êsj ongewês wi-j laat ut al ês
det ês now toch schieet egaal!
Dikke lol, haole klot, niks waat jeugtj of waat mot
want d'n tieed vlögtj zelluf waal.
Dus laotj um nog us gaon,
want aswoonsdig êsj gedaon!

HOME PLAATSNAMENOVERZICHT HOME

VRIEGEZELLIG
Tekst: Hans Verlaek, Thijs Verlaek & Jack Heijmans - muziek: CC
Zang (*): De Chaplins

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

VROET MET DE GEIT
Tekst & muziek: Welly van Nieuwenhoven
Zang (*): Welly van Nieuwenhoven

Refrein:
Vroet met de geit de bokkepruuk aaf,
't es vastelaovundj, zingt alaaf
't es groet fieest in de geitestal
want de bök gaon mei nao 't Boorebal

Op Doospel woeentj un flinke meid
Met det es un gruutse geit
Det maegdje det heet unne groeete wins
Ut droumtj allein mer van unne prins

Zoee gieet det al u'jaor of dri-j
Mer ze es nog altied vri-j
Ze danstj auch neet met eederein
Det vinge de jonges gaar neet fijn.

Tow ging ze us nao 't Prinsebal
En waat woeej now ut geval
De Prins, dae vroog eur vör 'ne dans
Ze dawcht: ha! Det weurdj mein groeete kans.

Ze feimeldje wat met dae Prins
Dae vroog tow: hees tich auch unne wins?
Ze zawcht: Prins, maaktj mich eur prinses
Dan heb ich gein winse mieer vör de rest.

Zoee gezawcht en zoee gedaon
Ze ginge eineweeg nao keplaon
Dae vroog: waat mot det hi-j zoee laat?
Mich tunktj, gae zeetj fatsoenluk zaat.

M'nhieer keplaon, gae motj os trouwe
Laotj mer vast de klokke louwe
Keplaon zawcht: gaotj nao Klötjes haer,
Dae zeingeltj uch met beer, ich wins uch veul plezeer..

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

WAAT BIN ICH BLI-J
1998: Tekst & muziek: Jos Sieben
Zang: Siebenspringers

Refrein:
Waat bin ich bli-j, det ich t'r bin
Waat bin ich bli-j, det ich det mej maâke kan
Waat bin ich bli-j, det ich det hieël fein ving
Waat bin ich bli-j, det 't eeder jaor weer kan
Waat mot ich sônger, ich kantj neet misse
Di-j d'r neet mej doon, di-j motte zich vergisse.

Eeder jaor kumtj 't weer trök
't Prinsebâl 'n spannendj stök
Weem zootj nôw zeen, weem zootj nôw waere
Weem krigtj dit jaor weer hieël völ vaere
De minse kieke d'r nao oet
Jao weem gieët dit jaor veuraân in de stoet.

't Hoeëgtepuntj, det kumtj t'r nog aan
Vastelaovundj heet alle faam
Plezeer en 'fun' in 't kwadraot
De polonaise met de prins en de raod
De minse glimme van gelök
En det kumtj gelökkig eeder jaor weer trök

Waat bin ich bli-j, det ich t'r toch bin
En det ich Vastelaovundj veere kin.

HOME PLAATSNAMENOVERZICHT HOME

WAAT EIN GEZICHT
1999: Tekst: Huib van Deursen - muziek: Maarten & Huib van Deursen
Zang: Notekrakers

Zeetj dje sommes familie van oos Baer
Of zeetj dje achternaeve van oos Pjaer
Vae gluive d'r niks mieër van
Volges mich zeetj dje familie van oos An

Refrein:
Waat hetj djae 'n bekindj gezicht, woeë kinne vae os van
Woeë hebbe vae uch oeëts gezeen, wao kom djae toch vandan
Och det es os um 't aeve, mer vae wisten 't toch gaer
Kontj dje os dan zegke, wao kom djae toch van haer

Zeetj dje sommes wichter van oos Ans
Of zeetj dje sommes zwaogers van oos Frans
Ich gluif det ich 't nôw al snap
Gae zeetj gewoeën van Mam en van Pap

HOME PLAATSNAMENOVERZICHT HOME

WAAT 'N LAÊVE
1993: Tekst & muziek: Matthijs Kaan

Gae hetj van di-j chagrijnen, zeure, klaâge
Det haoje ze dan lang vôl, oore, daage
Woeë es det nôw weer good vör dinktj dje dan
Vae doon gewoeën met di-j daag de chagrijnen inne ban.

Refrein:
't Laeve es zoeë schoeën
Zetj us 'nen ângere toeën
Jao waat 'n laeve, waat 'n laeve
Met Vastelaovundj kontj dje 't hieël belaeve
Waat 'n laeve, waat 'n laeve
Gaotj oet eure bôl, geneetj d'r mer lekker van!

Gae hetj ouch di-j niêsers, permeteêre
Det zeen van di-j hieëre, net iêsbaere
Niks weurtj in eur ouge good gedaon
Jao laotj ze mer niêse, hieël dao boven oppe maon, want :

Wat dinktj dje van di-j stressers, haoste, dramme
Di-j weete zich dan zelf neet in te damme
Jao snel nog dit, en effe det, mêrrege motj aâf
Ze stresse d'r op los, ze zeen gewoeën eur eige slaaf, want :

D'r zeen d'r di-j hebbe, hieël dek kwaoj zin
Gemopper oppe baas of op eur vriendin
Ze doon ouch neet veul meute vör wat lol
Gae vraogtj uch aâf, wî-j haoje ze det hieël eur laeve vôl, want :

HOME PLAATSNAMENOVERZICHT HOME

WAAT UNNE MAZZEL
2008/2009: Tekst : Henny Kuepers - muziek: Drei-idol vröllie
Zang: Drei-j Idol Vröllie

Refrein:
Waat unne mazzel,
det vae dit mei moge make.
Wille ut schriewe, van de dake.
Met vastelaovund-j gaon vae uut oze bol,
en hao je ut zeker drei dage vol.

Nao de vakantie begint-j ut weer wat te kriebele,
en beginne vae as vrollie wat te giebele.
Want vastelaovund-j kumt-j er dan weer aan,
en veur det fieest schuuve vae alles van de baan

Idieën veur uune wage waere uitgedacht-j,
en vur ut bouwe aan ee-de-rein weer uitgelacht-j.
Op de moandig doon vae dan weer mij,
en hieel Neeiwieert stiet dan weer op een rei-j

HOME PLAATSNAMENOVERZICHT HOME

WAE ZEEN BREURS EN ZÖSTERS
Tekst & muziek: Hans Peeters
Zang (*): Kan Kwaake

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

WAO? DAO!
2005/2006 nr.1 : Tekst & muziek: Huib van Deursen
Zang: Boy Hendrix & Monique Knapen Hendrix

Refrein:
Dao kumptj ze aan, wao ? dao !
Dao kumptj ze aan, wao ? dao !
Oos eige hofkepel dus maaktj vrij baan
Dao kumptj ze aan, wao ? dao !
Dao kumptj ze aan, wao ? dao !
Kom op vae gaon der achteraan
Ze houwe oppe trommels en duchtig op ut vel.
Now huuerdj ze toch us speule oos eige hofkepel.
Dao kumptj ze aan, wao ? dao !
Dao kumptj ze aan, wao ? dao !
Oos hofkepel dus maaktj vrij baan

Hieël in de verte huuer ich meziek.
Dao speultj der neet eine mer unne hieële kliek.
Ut kumptj ammer korter bi-j un hieël schoeën geluid.
Jao ut es de trommel, de sax en auch de fluit.

Nao 3 daag blaoze, ze zoote aane top
Ut leste melodieke zitj der alweer op
De lieëge toeëne koome oet de dikke toêt
Det zeen dan echt de leste, dao kumptj gein noeët mieër oet

HOME PLAATSNAMENOVERZICHT HOME

WAORUM DEUT MIEEN LIEEF ZOEËN PIEEN?
Tekst: Ard Houtappels & Jean Stassen - muziek: Watts in a Name
Zang (*): Watts in a Name

Refrein:

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME

WEEJ AOJER, WEEJ GEKKER
2006/2007: Tekst: Leo Schroijen - muziek: Lei Weekers
Zang: De Neewieërters Echte

Ich woor laatst op un fieëstje, gae wetj waal weej det gieët
Dur woore best völ minse, mer gezellig waas ut neet
Ich klom us op un taofel,en greep un microfoon
En reep toen: minse slaopdje al
Of gaon we nog wat doon
Ze keeke mich toen hieël verwongerdj aan
Ze lachdje wat en reepe toen spontaan

Refrein:
Weej aojer weej gekker
Ich huuer ut overal
En met de vastelaovundj
Is det zeker ut geval
Dan bin ich neet te stoppe
Gaon vör neemus aan de kantj
Dan wil ich dreij daag fieëste
In mien eige limburgs landj
Weej aojer weej gekker
Ich huuer ut overal
Met vastelaovundj is det zeker ut geval

Ich haoj waal van un fieëstje, ein fieëstje oppe tiêd
Ut is un soort verslaving en det raakdje noeëts mieër kwiêt
En ouch met vastelaovundj dan zeeje mich weer gaon
Hieël opgedoftj want ouch dit fieëst
Wil ich neet overslaon
En kiêktj mich eemus hieël verwongerdj aan
Dan lach ich wat mer roop dan hieël spontaan

HOME PLAATSNAMENOVERZICHT HOME

WEEM ZAL UT WAERE?
2008/2009: Tekst & muziek: Huib van Deursen
Zang: Twiëe van de zes

Refrein:
Weem zal ut zeen?
Weem zal ut waere
De nowwe prîns met muts en vaere
Wurdj ut Wiel of wurdj ut Lei
Of misschien waal allebei
En mogdje det ouch meine
Nein ut wurdj d'r echt mer eine

De geruchtestroum dae kumtj op gang
Van waat of weej hae hetj
En eederein mer gisse
mer nemus dae ut wetj
De vorst dae wetj ut allemaol
En dan nog eine mins
Mer dae moog echt niks zegge, det is de nowwe prîns.

De zaal dae luîptj al lekker vol
De spanning stijgtj ten top
Weem krigtj met Vastelaovundj
de vaere oppe kop
De vorst dae neumtj de nowwe naam
De zaal dae joeltj flink mei-j
Dao stieët hae dan te straole,
dao stieët hae dan prîns Lei

HOME PLAATSNAMENOVERZICHT HOME

WEJ JAE WAAT
2005/2006: Tekst & muziek: Jo van Geneijgen
Zang: Aldje

Ich laef allein vör vastelaovundj echt niks anges ving ich schoeën.
'n Fieëst, 'n broêlof of verjaordaag es vör mich te gewoeën.
Mer met mien pruuk en groeëte flapschoôn bin ich de riêkste op dieës aerd.
Al mot ich al det anger misse, dit mis ich neet nog vör gein doezendj paerd.

Refrein:
Wej jae waat ich zoeë gaer doon,
Met vastelaovundj gaon as kloon.
Koup mich 'n pruuk, wat schmink, 'n naas,
Kwak door Ni-jwieërt en gaef flînk gaas.
En kom ich dan in 'n kefeeke,
Ze kieke allemaol nao mich,
Met van di-j laevesgroeëte ouge,
Rôpe ze dan "zegk, kinne vae soms dich?"

De sop, de aerpel en de aafwas niks vör mich det doon ich noej.
Oos Driek es hênjig in di-j dinge hae heef pech bliêftj aanne koej.
Gebôre vör de vastelaovundj kruuptj de konfettie door mich haer.
Dae kloon dae wil ich altiêd bliêve det ving ich schoeën det doon ich toch zoeë gaer.

HOME PLAATSNAMENOVERZICHT HOME

WETSTICH DET NOCH?
1994: Tekst & muziek: P. Dentener

Refrein:
Wetstich det nog, det ich dich us vroog
Hilstich met mich Vastelaovundj
Wetstich det nog, det ich dich us zoog
Toen gingstich met eeder aovundj
Waat haaj ich gelök en waat woor det 'n ieër
Wetstich det nog van dae kieër?

Gae kontj eêmes treffe, sommes hieël onverwachtj
Al es det mer effe, mer leever neet 's nachts
Zoeë trof ich dich 'ne kieër
Laater wî-j langer wî-j mieër.

Ich kwoom dich us teege, dao wetstich vanaâf
Dich heb ich gekreêge, nôw zek ich alaâf
Ich sloot met dich ein verdraâg
Nôw zeen ich dich eedre daâg

HOME PLAATSNAMENOVERZICHT HOME

WIE UT VREUGER WAAS EN NOE
Tekst: Ans Schroyen, Thea Crins, Joke Brentjens & Tiny Wolters - muziek: CC
Zang (*): Kan Kwaake

Refrein:

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292

HOME PLAATSNAMENOVERZICHT HOME

DE ZAATE HERMENI-J
1999/2000 nr.1 : Tekst: H. v. Deursen - meziek: M. v. Deursen
Oetveurendje: Trio Dik Kontent

Doa kome ze weer aan, maakt vör eur toch vri-j baan.
Ze loupe in de maot, bloaze zich oet de naot.
En kiektj us waat ut koper prachtig blinktj,
en huurtj us weej oos hermenieke klinktj.

Refrein:
Now huurtj ze toch us speule, en kiektj ze dao us gaon.
Oos zaate hermenieke, met trompet en schuuftrombone.
Ze houwe oppe trommels, blaoze oppe dikke toeet.
Ut giet d'ur waal us naeve, met det maaktj toch hieel niks oot.

Nao un daag of veer, ut indj det kumptj alweer.
Ze hebbe ut gemaaktj, de sjuuste snaor geraaktj.
De instrumente gaon weer inne tas,
de tuba, de trompet en auch de bas.

HOME PLAATSNAMENOVERZICHT HOME

EINE ZAK
1995: Tekst & muziek: Toos Stultiens

Refrein:
Ich draag eine zak,
En ich draag eine zak
Vae zitte neet hieël netjes
En strakjes in 't pak
Want ich draag eine zak,
En ich draag eine zak
'n Pak det es vör minse
Van de kaale kak.

Ich haaj eine zak ge-orve,
dao zoote aerpel in
Di-j woore schoeën bedorve
Met peemele d'r in
Waat mot ich met di-j aerpel
Ich wist mich gein geleid
Ich wist mich ouch nog geine raod
Ich kreeg 't toen hieël heit.

Di-j aerpel oet dae zak gehaaldj
En nao 't stort gedaon
Dae zak 's flink gewasse
En toen mer aangedaon
De minse zegke teege mich
Waat eine schoeëne zak
Wilste dae neet reule
Vör mien sondigs pak.

's Goonsdigs nao de merretj haer
Hî-j op 't Antoniusplein
Dae zak dae heb ich aan
Dan kintj mich eederein
Det es toch zeker schoeënder
As 't sjiekste pak
Ich bin dus eigelik toch hieël gruuëts
Op mienen eige zak.

HOME PLAATSNAMENOVERZICHT HOME

ZWINGEL, ZWANGEL, ZWENGELE
Tekst: Wiel Aerts - muziek: Fred Gofers
Zang (*): Wiel Moris & Boy Hendrix

Refrein:
Zwingel-zwangel-zwingel-zwangel-zwengele
Vae zeen de Carnavaliste oet de Bengele
Vae laeve met zoee daag vör de lol en ut plezeer
en drinke gaer unne borrel en un lekker glaeske beer.

Zwingel-zwangel-zwingel-zwangel-zwengele
Vae zeen de Carnavaliste oet de Bengele
En van je hey heya hopsa faldera
laeve de Bengele van je hieperdepiep hoera!

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211

HOME PLAATSNAMENOVERZICHT HOME