HOME PLAATSNAMENOVERZICHTHOME


AS ICH EIN INGELKE WOOR
2003: Tekst & muziek: Wiel Ghielen
Zang: De Zwik

Refrein:
As ich ein ingelke woor, det op dien schouwer zoot,
Dan veerd-je ig met dich hieel de vastelaovund-j.
Fieest-j van smerges vreug tot saovus laat.
Vae ginge door tot aan de allerleste aom
En woor de vastelaovus-tieed dan weer vurbi-j
En mos ich dan weer trök nao bove in de hemel,
Dan vroog ich God moog ich ut volgend-j jaor weer gaon
Want songer vastelaovus-tieed kan ich neet laeve.

Ich ging us nao de dokter tow.
Ich veuld-je mich neet good.
Zoot vol met blauwe pukkels en haai kriebels in mien blood.
De tempratuur bleef steige, ut woor wieet bove normaal
Zeker 20 specialisten kost-je mich ein kapitaal.
Mer wi-j ich bove aan de port kwaam en de Hieer dae zoog mich staon,
zag hae gank gauw trök nao onger um met de piepkuuk mei te doon.

Ich heb aug us `ne kursus parasjuut-springe gedaon,
Met `n klein vleegtuugske bin ich toen de wolke in gegaon.
Ut deurke det ging ope, lekker zweve det woor fijn,
en wi-j ich aan ut touwke trok dacht ich O NEIN O O NEIN !!
Mer wi-j ich bove aan de port kwaam en de Hieer dae zoog mich staon,
Zag hae gank gauw trök nao onger um met de piepkuuk mei te doon


HOME PLAATSNAMENOVERZICHTHOME


AS UT MER SWINGTJ
Tekst: Willy Rietjens-Mackus - muziek: Sandra & Anne
Zang: De valse Snooterneut

Refrein:
Ut maaktj neet oeet wat dejjae zingtj
As ut mer swingtj
Ut orkest
Deut de rest
Now huuer wiee good det klinktj

In un cafe
Huurdje un cd
Neet te verstaon
Laotj um now mer gaon

Gae rijmtj mer wat
Mer waal in ut plat
Schud 't oeet eur mouw
Tekst deut d'r neet tow

Gael, greun en roed
Huidvleis of kerboeet?
11 kieere 3
Dootj mer met os mej


HOME PLAATSNAMENOVERZICHTHOME


AS UT MOT, DAN GAON ICH OP MIEEN ZÖK
Tekst: Jan Stultjens - muziek: Jan Stultjens & Mart Sillekens
Zang (*): Jan Stultjens

Refrein:
Want as ut mot, dan goan ich op mieen zök
Met vastelaovundj kind-j mich toch gein mins mieer trök
want met di-j daag dan traek ich flink van laer
Jao vastelaovund-j det veer ich toch zoee gaer

Vae motte alles loate en niks aes mieer gezond-j
Vae doon os blauw betale det weurdj mich toch te bont-j !!
Auch hebbe vae'ne auto en gaer ut schoenste hoees
Mer met de vastelaovundj dan..blieef ich toch neet thoees.

Zaek loestert-j baeste minse en maak-tj uch neet te drök
Want vae hi-j d'Ind-jse minse vae börste vant gelök
Vae veere vastelaovund-j doamei zeen vae kontent
En laote os neet kinne tot aan de leste cent.

cd : Stichting Neewieerter Vastelaovund-j Lidjes - 'Vastelaovund-j saame 1' - S.N.V.L. 080292


HOME PLAATSNAMENOVERZICHTHOME


AS UT PIEPTJ DAN AESJ UN KUUKE
Tekst & muziek: Mieke Stultjens & Lies Loijen
Zang (*): Diverse zangers D'Indj

Refrein:
As ut pieptj dan aesj ein kuuke
dan aesj ein Piepkuke oet D'Indj
Jao det aes now weer te huure
as de Karnaval begintj
Vae laote os neet hange
det aes overal bekintj
Vae zeen neet te vervange
vae zeen de Piepkukes oet D'Indj

* cd : Stichting Neewieerter Vastelaovund-j Lidjes - 'Vastelaovund-j saame 2' - S.N.V.L. 2211


HOME PLAATSNAMENOVERZICHTHOME


BLIEEFJ TOCH HI-J MET DE KARNAVAL
1995: Tekst: ? – muziek: ?
Zang: De Zwik

Eder jaor met vastelaovundj gaon ich fieeste
en tampieeste, d`r tegenaan.
Ich gaon as pater of as bekker of nog gekker,
messchien dit jaor waal as banaan….

Refrein:
Blieeftj toch hi-j met de karnaval,
fieeste kuj-j overal
mer nerges zoe good as in d`Ind-j.
Vae gaon van dein nao d`angere zaal
saame gaon vae aan de haal,
bi-j de kukes bin ich good gezind-j
bi-j de kukes zeen vae good gezind-j

D`r zeen minse di-j gaon altieed op verkansie
lekker skieje, op latte staon.
Kome trök hieel in ut gips en dan mer klaage,
want hi-j aesj weer gedaon.

Op asgoonsdig, leste daag, ein kruuske haale,
veur det ut normale laeve weer begint-j.
Mer ieerst nog inne kroeg `ne hieering happe,
jao zoee gieet det hi-j in d`Indj….


HOME PLAATSNAMENOVERZICHTHOME


DE BRÖKBLAOZERS
Tekst: Willy Rietjens-Mackus - muziek: ?
Zang: De Brökblaozers

Refrein:
Vae brökblaozers vae maake muziek
Veur os vasteloavundjspubliek
Asjae oze klanke weer huuertj
Es ut fieest beej uch in de buurt
Beej komst zeen vae 'n boorekapel,
As vae weer gaon un zaate hermenij
De piep leeg en de portemonnee
Mer merge zeen vae - d'r weer beej

Bonte aovundj of receptie
Festival of boorebal
Van 11 november tot aswoonsdig
Huuerdje os weer overal

Vur de DJ es ut "over
& out", "vae hebbe zin d'r in"
Vae speule dan de "festwiespolka"
En det es pas ut begin

Unne buuttemars of touche
Met 2 vingers inne naas
Beej de vastelaovundjsslager
Gaeve vae wat extra gaas

zeen vae weer vanne partij


HOME PLAATSNAMENOVERZICHTHOME


DET HOEDJE
2002/2003: Tekst & muziek: Anita Haex-Scholtens
Zang: Boempaaf

Refrein:
Ut aes det hoedje met un rändje en un ruuëske,
woeëdoor ich det geveul van Vastelaovundj krieg.
Ut aes al aod en wat vursleete aan ut rändje,
mer met de Vastelaovundj pastj ut good bi-j mich.
En eder jaor, dan aes det hoedje schoeëner.
Ich zet dur eders kieër un anger dingske op.
Det kan un ei-ke zeen, un blömke of un veerke.
Mer met de Vastelaovundj stieëtj op miene kop.

Det hoedje aes de erfenis van opa.
Os opa droog det viefenzestig jaor.
Det ruuëske goof hae oeëts nog us aan oma.
Det aes wul lang geleeje, mer echt waor.

En wi-j ich toen det hoedje heb gekreege,
beloofdje ich, det ich ut draage zal.
Al heet det hoedje jaore lang gelaege,
now laeftj ut op en kumptj ut overal.


HOME PLAATSNAMENOVERZICHTHOME


DET ZEEI-J JAE GLAAD EWEG VERGAETE!
2005/2006 nr.1 : Tekst & muziek: Jos Smeets
Zang: Ramona & Jos Smeets

Refrein:
Det zeei-j jae glaad eweg vergaete
Dao kindj jae echt niks mieër aan doon
Dao kinne we daag lang oover zumpe
De mood dae zaktj mich inne schoön
Mer mèt dees daag kan ut niks schille
Mèt dees daag maaktj ut niks oet
T’es neet van motte mer van wille
Vae gaon drei-j daag weer lekker d’roet

Ach Hieër ich môt de was nog doon
En môt nog aanne strieëk beginne
Dan auch nog poetse mien gooi schoön
En dan snel nog efkes pinne
De plantj die môt nog water krieëge
Um van ut graas nog mer te zwieëge

Zêg jong hes dich d’r aan gedachtj
Det vae vandaag nog môtte aete
Hes dich ut vleis waal oetgelagtj
Of bis dich det weer ‘ns vergaete
Ut weurdj dus weer ns friet óet d’Indj.
Esse mer wêts weej ut refrein begintj


HOME PLAATSNAMENOVERZICHTHOME


DICH NEET
Tekst: Willy Rietjens-Mackus - melodie: "Jij niet", Brigitte Kaandorp

Refrein:
Dich neet, dich neet
Det overkumptj dich neet, dich neet
Dich neet, dich neet
Det overkumptj dich neet

Dich deus noeets de dinger die dien mooder heet gedaon
Dich luuets noeets un hieel fieest lank diene gulp ope staon
Dich giees noeets es zitte op un bank die net is gelaktj
Dich sloeets noeets de auto met de sleutel in 't contact

Dich giees noeets nao hoees haer met de verkieerdje jas
Dich was noeets dae roeje trui beej de witte was
Dich weits diene trouwdaag altieed oeet de kop
Dich gaefs noeets un kedootje met ut prieeske nog d'r op

Dich boors noeets un gaetje door un leiding inne moor
Dich luuets noeets beej un sjiek diner unne hieele haarde boor
Dich stiees noeets op ut vleegveld zoonger pas, ticket en geldj
Dich stiees noeets te kieke op ut verkieerdje voetbalveldj

Dich bis neet van un boekenclub vur ieewig abonnee
Dich speuls noeets per ongeluk un lens door de wc
Dich paks gein maizena as ut recept zeet: bloom
En dich kieks noeets verwoongerdj nao un gaat in un condoom


HOME PLAATSNAMENOVERZICHTHOME


DOOT-J MET OS MEI-J!
2006: Tekst: Wiel Ghielen – melodie: “YMCA (Village People)
Zang: De Zwik

Dit jaor waas ut weer gein bezwaor (a ha:ouplet Villige People)
Hebbe vae de schlager weer klaor (a ha:ouplet Villige People)
Vae doon met zien alle weer mei-j
Um met uch hi-j mei-j te swinge
Laot-j uch gaon en hao-j uch neet in (a ha:ouplet Villige People)
Van mei-j doon krie-jae weer gooie zin (a ha:ouplet Villige People)
Kiekt-j neet waat unne angere deut
Want de Zwik gaet met uch knalle

Refrein:
Kom op now met zien alle
Doot-j met os mei-j
Kom van di-j kruk aaf en dan
Doot-j met os mei-j
Of se roeed bis of blond-j
Legt-j de hand-j oppe kont-j
En drei-j det kuntje rustig ront-j
Vur alle minse hi-j
Doot-j met os mei-j
Kom op now met zien alle
Doot-j met os mei-j
Marcheer mer mei-j inne maot
In de zaal of op straot
Ut kan vur niks en nemes kwaot

Zit-se lekker toes oppe bank (a ha:ouplet Villige People)
Huurse in de verte dees klank (a ha:ouplet Villige People)
Wet-se neet waat det-se most doon
Doot dan mei-j en laot dich gaon now
Heb-se nerges zin in vandaag (a ha:ouplet Villige People)
Krieg-se toes weer de volle laag (a ha:ouplet Villige People)
Ging ut neet zoee as-se ut dachs
Ut kumt-j goot asse mer mei-j deus


HOME PLAATSNAMENOVERZICHTHOME


EEDERE DAAG (UN BITJE VASTELAOVUNDJ)
2004/2005 nr.1: Tekst: Willy Mackus - muziek: ?
Zang: De Snooterkuûkes

As ich door os dörp loup
Vraog ich mich dek aaf
Waorum doon zoeë völ minse
Zoeë niês en zoeë kortaaf?

Almer sjagerijnig
Noeëts un bli-j gezicht
Waorum zeen d'r zoeë weinig
Figure zoeë wi-j ich?

Ich bin eemes dae noeëts niêsj en dae noeëts zumptj (oe la la la)
En ich zal uch ens vertelle wi-j det kumptj:

Refrein:
Ich veer eedere daag un bitje vastelaovundj
Ich zing de slager nog in mei oet volle borst
Eedere daag un bitje vastelaovundj
Dansj en springtj en leejtj zeker geine dorst
In mien kloonspak loup ich neet ut hieël jaor rôndj (oe la la la)
Mer dootj dae lach neet inne kast, de's ongezôndj! (oe la la la)

Zit ich inne file
Viltj ut mich dek op
Wi-j deftiger de waage
Wi-j lieëliker de kop

Gae zeetj noeëts eemes lache
Es grouwele soms in?
Nein det zoej niks vör mich zeen
Ich heb altieed gooj zin

Dus lachtj nôw mer, ut leefst van oeër tot oeër (oe la la la)
En dan zinge vae nôw allemaol in koeër:

Staon ich aanne kassa
Weer in de langste ri-j
Mer beej un schoeën kassière
Det maaktj mich toch weer bli-j

Of ut heît of kaod es
Ut waer es toch noeëts good
De minse bliêve klaage
Gae waerdj toch ongemoodj

Neet det ich mich noeëts serieus gedraag (oe la la la)
Mer ich haoj mieër van gelach as van geklaag

Ich stap altieed met mien beste bein oet bed (oe la la la)
En veur de speêgel doon ich saame un duet (oe la la la)

Pas as ich slaope gaon dan es ut fieëst gedaon

Mer es ut mergevreug dan laot ich um weer gaon!


HOME PLAATSNAMENOVERZICHTHOME


ELF TIEËNE
Tekst & muziek: Willy Mackus
Zang: De Snoôterkuukes (Rianne Klaessens & Willy Mackus)

Os mam zeet altiêt as det ich mich vervael:
"Dootj eur schoon oet, dootj eur zök oet,
en gaotj met eur tieëne speule".
Wat mam zeet heb ich altiêt braaf gedaon,
en daodoor es miene tik ontstaon.

Refrein:
Eedere aovuntj veur ut slaope gaon,
tel ich mien tieëne, tel ich mien tieëne.
En eedere aovuntj zeen ut d'r tieën.
Mer met vasteloavuntj es d'r eine extra,
zoeëdet ze met z'n elven zeên.

Os mam zeet altiêt det ich dubbel zeên;
van ut drinke, van ut zoêpe.
Os mam heet es gein geliêk nôw,
want det is zeêker nôw neet ut geval.
Dan zeen ze met twîntjig in getal.

Os mam zeet altiêt, as ich wat mankeer:
"Wat vaneîges es gekoome,
gieët vaneîges waal weer weg".
En es de vastelaovuntj weer gedaon,
dan blieftj dae elfdje dao neet mieër stoan.

Ein, twieë, dri-j, veer, viêf + zes = elf!


HOME PLAATSNAMENOVERZICHTHOME


HÉ HÉ JAO DICH
2003/2004 nr.1 : Tekst & muziek: Anita Haex - Scholtens
Zang: Mick Waulthers

Ich zoog un maegdje met un Blömkeskledje stoan
Ze haaj un mutske op met sterre en un maon
En di-j auge, det gezicht
Stroaldjen wi-j ut zonnelicht
En ich kos det leeve maegdje neet weerstaon

Refrein:
Hé hé jao dich - kiek mich ins aan - zegk kin ich dich
Hé hé joa dich, zegk diene naam ins taege mich
En ich weit zeker des dich mich
Net zoeë good kinst as ich dich
Met vastelaovendj hebbe vae toch ein gezicht

Gister stong ze beej dun optocht langs de kant-j
Ze droog heur haor in unnen stert met blauwe band-j
En di-j auge, det gezicht
Straoldjen in ut zonnelicht
En van binne stong mien ganse hert in brandj

Mer vandaag heb ich de groeëte stap gewaogdj
En heb det maegdje met det mutske zelf gevraogdj
En di-j auge det gezicht
Straoldjen wi-j ut zonnelicht
Wi-j ze zag: ich heb nao dich altied gezochtj


HOME PLAATSNAMENOVERZICHTHOME


HI-J AES UT TE DOON
1992/1993 nr.1 : Tekst & muziek: Anita Haex
Zang: Anita Haex (ut döpke)

Refrein:
Jao ich bin nog wat vurgaete mer ich weit allein neet waat
Ich heb vandaag toch good gegaete of bin ich alweer te laat?
Jao ich bin nog wat vurgaete, mis ich soms eine schoon?
Mer ein dink weit ich zeker, hi-j… aes ut te doon

Ich ging us nao ut boorebal, mer waat bleek ut geval
Ich waas in mien pyama dao op ut preensebal
Dao stong ich met mien booremoos, de Vorst reep net Alaaf
En goof mich gauw ein krukske want ich waas d’r knatsj vanaaf

Ich ging us nao de dokter haer, kwoom bi-j de frietkraom aan
In plaats van pille vör de pien haaj ich un halve haan
Ich waas weer wat vurgaete mer ich maakd-je mich neet drök
Want nao de vastelaovundj kumptj ut ein-twieë-dri-j weer trök


HOME PLAATSNAMENOVERZICHTHOME


JUAN DE LA PATRIE
2004/2005: Tekst & muziek: Anita Haex-Scholtens
Zang: Paultje (Paul van Heugten)

Ich woor nog in de kroeg met mien gedachte
En jao, ich waas behuuërlik van de kaart
Ich wis neet waat ich thoeës nog mos verwachte
Mer zeker geine Spanjaard met un zwaard
Ich ging wi-j ich um zoog haost vanne zök
Mer emus reep, 'dae vong heej zien gelök'

Refrein:
Juan de la Patrie es verleefdj op oos Merie
en kestieëlhieër met wat land van elluf bunder
Juan de la Patrie kumptj allein vör oos Merie
en druugtj vör heur ein zwaard van heej tot gunder
Juan de la Patrie veertj vastelaovundj met Merie
Kiek ins nao di-j snoet en det geglunder
Juan de la Patrie es verleefdj op oos Merie
Now begaotj in godsnaam geine blunder

Juan heet oos Merie zien woeërd gegaeve
Ze vrij-je en now es ut ooze Jan
En drei-j daag kujje alles mei-j belaeve
Vae veere vastelaovundj met dae man
Juan es unne echte gooije vent
Olé, olé, mer waal met tèmprement

Oléeeeeee, oléeeeeeeee, oléeeeeeeee


HOME PLAATSNAMENOVERZICHTHOME


KALE KUKELHAAN
1991/1992 nr.1 : Tekst: Anita Haex - muziek: M.Pollux/Aerts
Zang: Anita Haex (ut döpke)

Refrein:
Kale kukelhaan, waat hae-jae dao aan?
Waat hae-jae dao aan, laotj os us kieëke
Kale kukelhaan, waat hae-jae dao aan?
Meind-jae dae jae zoeë op os kuntj lieëke?
Me run haenke songer vaere
laote vae hi-j neet gewaere
Kale kukelhaan, waat hae-jae dao aan?
Waat hae-jae dao aan, laotj os us kieëke

Dae haan ging nao d’n tore en woei-j d’r bovenop
Mer waas al half bevrore, hae kos d’r dus neet op
Hae kocht zich unne boontjas en luiptj dao now me-j rond
Mer hane met unne bontjas di-j make ut te bont

Now kiekt jus nao dae snuiter, heet geine jas mieër aan
Hae deut de polonaise zoeë door de Rendierlaan
Met vastelaovundj aes d’r gein kuuk di-j dao op letj
Mer later op asgoonsdig stieët d’r groeët inne gezet


HOME PLAATSNAMENOVERZICHTHOME


LA LA LA - THE REMIX
Tekst & muziek: Willy Mackus
Zang: De Snoôterkuukes

Vae hebbe de 'L'
Vae hebbe de 'A'
Vae zînge:

Refrein:
La(34x)

Ut waas met de tok-tok show, ich waas hieël schoeën verkledj
D'r kos nôw niks mieër mis gaon, ich waas good veurberedj
Muziek begos te speule, mien hert det ging te kieër
Want boôve oppe bühne, wis ich de tekst neet mieër
Dus ich zóng:

Met kermis in os dörpke, drônk ich waal waat te völ
Ich kos neet mieër good kalle, met mien zaâte böl
Ich kos gein zinne maâke, met mien dubbel tóng
Ich waas neet mieër verstaonbaar, dus wejje waat ich zóng
Ich zóng toen:

Jao, eederein kan mejdoon, met det schoeën refrein
Ich doon auch hieël gaer zînge, al bin ich nog mer klein
Mien allerieërste weurtje, det woor gein pa of ma
Nein, wi-j ich nog zoee groeët waas, zag ich allein mer "la"
Jao ich zag:

Ze noemen mij 'de Hollander', plat praten kan ik niet
Mijn broer en ik verschillen in iets wat je niet ziet
Maar het refrein van dit lied klinkt in ied're taal
En daarom is dit nummer ook zo ideaal
Wij zingen:


HOME PLAATSNAMENOVERZICHTHOME


LEKKER DINK
1985/1986 nr.1 : Tekst & muziek: Anita Haex
Zang: Anita Haex (ut döpke)

Refrein:
Kom us heej lekker dink
wetse waat ich mich bedink
Met de vastelaovundj gaon vae same danse
Gaef un muulke op mien wang
doortj det lekker drei-j daag lang
Tot asgoonsdig zal ich weer met dich gaon sjanse

Nancy ging met Gorbatsjof en Wubbo nao de maon
Dao Ronald bleef beneeje, wi-j kos zoeë-iets bestaon
Ut ies es now gebrooke want dae Rus zoog Nancy’s bein
Hae bloosje licht, keek Nancy aan en zong toen dit refrein

Lewieke bleef vör straf op school, mos in ut hukske staon
Hae keek vurlaege nao de juf: “Ich woei-j nao ’t fieëst tow gaon”
Juf kreeg kompassie met Lewie, hae waas auch nog zoeë jong
Toen kreeg de juf opins un kleur want wei-jae waat hae zong?


HOME PLAATSNAMENOVERZICHTHOME


DE LESTE
2004/2005: Tekst & muziek: Anita Haex-Scholtens
Zang: Mick Waulthers

Refrein:
Dootj os de les-te van deeze ao-vundj
De leste en dan aes 't zoeë wieët
Dan es ut echt gedaon met vastelao-vundj
Ut es al haost de hoeëgste tieëd
Traditie haoje vae in ieë-re
Nog eine um ut aaf te lieë-re
Dootj os de les-te van deeze ao-vundj
De leste en dan aes 't zoeë wieët
Dan es ut echt gedaon met vastelao-vundj
Dan es ut echt de hoeëgste tieëd

De leste vaer wurdj oeëtgetrok-ke
De lampe gaon zoeë dalik aan
't Es haost gedaon, nog effe dok-ke
Ut gieët d'r now dus echt op aan

En dalik könne vae gaon röste
Dan gaon vae efkus van de bein
Mer eine zoeje vae nog löste
De leste van de kastelein


HOME PLAATSNAMENOVERZICHTHOME


NOG EINE
Tekst & muziek: Willy Mackus
Zang: de Kruûsköp

Refrein:
Det leste glaas beer
Haaj ich det mer laote staon
Ut leste glaas beer
Daonao es ut fout gegaon
Det leste glaas beer
Nein, det waas neet hielemaol good
Want nao det leste glaas beer
Jao, toen woord ich ongemootj

Ich zoot kiplekker in mien vel
Ging as kuuk flink tekieer
Ich dronk d'r toen nog eine
Dae smaakdje mich neet mieer

Miene maaginhoud es kwieet
Liktj dae inne plee?
Of bin ich dae verloore
Opweeg van Twan nao heej?

Ich heb zoeen pien aanne haor
En aet tien asperien
Ich heb ut toch zoee zwaor
Miene kop det deut zoeen pien

Geine tieed vur geklaag
't Weurdj tieed det ich mich verklej
Ich mot mich klaor gaon maake
Mot met de optocht mej


HOME PLAATSNAMENOVERZICHTHOME


POLONAISE (MET DE ERM TUSSE DE BEIN)
Tekst: Willy Rietjens-Mackus - muziek: ?
Zang: De valse Snooterneut (Stephanie & Willy)

de polonaise loupe
det vingdj Huubke fijn
hae kos neet beej de schouwers
daovur waas hae te klein
opa stook toen ziene erm
gauw tusse zien bein
pakdje Huubke beej de handj
en zong toen dit refrein

Refrein:
polonaise, polonaise
maaktj eine lange sliert
polonaise, polonaise
van heej tot in Neewieert
gae motj un bitje bukke
mer det zal toch nog waal lukke
met de erm tusse de bein
zoee luiptj now eederein
bij laatste refrein
zoee sluptj straks eederein!

d'r es un klein probleempje
met dees now meneer
want waor laodjae in godsnaam
dan eur glaeske beer
loupdje veur- of achterop
dae bofdjae toch mer weer
dae rest dae heet gein vreeje handj
die zette um mer neer

dit couplet is lastig
vur sommigen van os
vae gaon now effe dreijje
mer laotj dej hang neet los
ich heb hieel haard getraindj
veurdet ich det us kos
zeejae neet zoee lenig
dan zeejae now de klos


HOME PLAATSNAMENOVERZICHTHOME


UN STRAOTJE KIEËRE
2004/2005: Tekst & muziek: Anita Haex-Scholtens
Zang: Anita

Refrein:
Ich mot nog un straotje kieëre
D'r es nog zoeëvöl... det ich nog mot lieëre
Mer now neet aan deenke, 'ch gaon d'r ieërst eine dreenke
Met vastelaovundj gieët van eigus alles bleenke
Vandaag wil ich zeenge, lekker danse en spreenge
En vannacht kan ich mien straotje nog waal veenge

Laot de zon en de maon dao baove gewaere
Mer laot mich heej lekker op dees erde staon
Want ich deenk echt det ich wul hongerd zal waere
Ich kan nao d'n heemel nog lange neet gaon

En ich gaon wi-j de fietser, peddel nao veure
Ich bin op mien best as de weendj lekker weitj
Want dan blief ich good wakker en kan mich reure
Det zörgtj d'r wul vör det mien wielke nog drei-tj


HOME PLAATSNAMENOVERZICHTHOME


VASTELAOVUNDJ, DET ES PAS VET
2000: Tekst & muziek: Anita Haex-Scholtens
Zang: De Heite Knommels

Refrein:
Vastelaovundj det es pas vet
Drei-j daag fieëste en tempieëste en vae slaope neet in bed
Vastelaovundj det es pas vet
Drei-j daag kukele en kakele vae hee-j aan ut buffet
Mer wurdj de tap gesloote dan zitte vae dao met
Dan roope vae: 'zegk kastelein, nog ein det kin nog net'
Vastelaovundj det es pas vet
Dus pakke vae nog un pilske, nog ein det kin nog net

Vae haoje van ut laeve en staon d'r middenin
Vae wille wat belaeve en hebbe altieëd zin
Want es d'r wat te veere, zeen vae vanne parti-j
Met vastelaovundj zeen vae d'r weer bi-j

Vae motte os nog schminke mer verder zeen vae klaor
Van boete en van binne, vanne schoon tot aan de haor
Vae strieëke os de vaere en speule wat schoeën waer
Met vastelaovundj gaon vae wi-j un speer


HOME PLAATSNAMENOVERZICHTHOME


VASTELAOVUND-J VÖR EDEREIN!!
2002: Tekst & meziek: Anja de Wit

Refrein:
`t Is vastelaovund-j vör ederein.
Un hieel leuk fieesje vör groeet en klein.
Aan fantasie is gein gebrek.
Kieek al di-j pakke echt te-gek,
en det allein mer vör de gein.

In ut hedendaagse laeve vilt-j ut allemaol neet met.
Dur gebeure raare dinge en dan dinkt-je neet aan pret.
Mer de vastelaovund-j nadert-j en ut steigt-j uch nao de bol,
zet-j de zurg aan de kant-j, want ut gieet toch um de lol.

Aug de prins is weer gekoze, en det vinge vae kei gaaf.
Same hosse same springe, same zinge vae alaaf
En de polonaise gieet van `s merges vreug tot `s aoves laat.
Efkes slaope en wat aete en dan zeen vae weer paraat.


HOME PLAATSNAMENOVERZICHTHOME


DE VASTELAOVUS-TREIN
2001: Tekst & muziek: Wiel Ghielen
Zang: De Zwik

Ens per jaor met vastelaovund-j
hale vae um van stal,
starte vae de moter met `ne haarde knal.
De lampe gaon weer knippere,
de sound is je van het,
de start van vastelaovund-j is gezet.

Refrein:
In dae vastelaovus-trein,
country line of house vae, det vinge vae zoee fijn.
In det treintje make vae völ lol,
det haoje vae de vastelaovund-j vol.

Zee-je 25 of 52 jaor,
hei-je nog gein pekske of hingt-j det dink al klaor,
kom-dje vanne kapper, de haor recht oppe bol,
met vastelaovund-j is os niks te dol.

Oos lidje is gekozen, de trend is weer gezet,
un refrein en un coupletje, zonger veurspel of wild-je met.
De prins en raod van elluf, met prinses maximaal.
Aug dit jaor gaon vae zinge, in oos eige taal.


HOME PLAATSNAMENOVERZICHTHOME


VEER DAAG
Tekst: Willy Mackus - muziek: ?
Zang: De Snooterkuûkes

Vastelaovundj veer daag fieest
Veer daag lang op stap
Dri-j daag es toch vul te kort
Mer wat ich dan neet snap

Veer daag gaon vae saame oeet
Fieesdjae met mich mej
Mer waorum gaon dan eeders kieer
Dej lidjes over dri-j?

Refrein:
Zaoterdig es ut begin
De ieerste daag dae houwtj d'rin
Zoondig vur de twieedje kieer
Daonao wildje mieer
Maondjig gaon vae weer
Dinsdig det maaktj veer
Veer daag vastelaovundj
Veer daag oppe bein
Veer daag vastelaovundj
Dri-j + ein

Zaoterdig: de zoepkoel,
De kerk, de sleuteloverdracht
D'r es toch echt gein mins mieer
Dae nog tot zoondig wachtj

Zaoterdig begintj ut
Dan barsj ut fieest al los
En weem dan zingtj van "dri-j daag"
Es unne stomme klos

Zoondig nao d'n optocht
In ut wieerterlandj
Maondjig beej de pinmaekers
Inne stoet of aanne kantj

Dinsdig plukke vae de kuuk
En hosse door de zaal
Vae gaon daonao nao Twan tow
Al es dej kuuk al kaal


HOME PLAATSNAMENOVERZICHTHOME


DE VEURDEUR
Tekst & muziek: Willy Mackus

Miene kammeraod dao kin ich echt op bouwe
Dae staektj vur mich zien hang wieet oeet de mouwe
Umdet hae neet zoee hieel erg hendjig es
Gieet d'r soms nog waal wat mis
Hellepe is alles wat hae woej
Helleptj mich van bed op stroej!

Refrein:
as ich uch toch neet haaj
en de veurdeur
wat mos ich dan toch beginne?
want as ich uch toch neet haaj
en de veurdeur
dan mos ich altieed
achterum binne

De haan van os waas d'r vandoor gegange
Dae kammeraod dae haaj um zoee gevange
Mer wie hae um te-ruk zat wao d'r huuertj
Vlooge de hinne door de buurt
Hellepe is alles wat hae woej
Helleptj mich van bed op stroej!

Lest veuldje ich mich 's merges echt ellendjig
Ich bleef aan hoees want det leek mich verstendjig
Dae vreendj dae deej de was toen det waas fijn
Mer now esj roze en vul te klein
Hellepe is alles wat hae woej
Helleptj mich van bed op stroej!


HOME PLAATSNAMENOVERZICHTHOME


WAO IS HI-J UT FIEEST?
2002: Tekst & muziek: Wiel Ghielen
Zang: De Zwik

`n krielke is ein piepkuuk, ein piepkuuk in ut klein.
`t eike kumt-j veur ut krielke, det wet-j toch ederein.
Mer met de vastelaovund-j, gae snapt-j neet wi-j ut kan.
In de keine eurkes, vlugt-j det eike inne pan.

Mer daorum gein getreur, sjoenkel mei-j gein gezeur
laot gaon, laot gaon, laot gaon.

Refrein:
Is hi-j wat te veere, wao is hi-j ut fieest
nein neet prakkezeere, mer gaon wi-j ein bieest.
Kom op met z`n alle, allein is niks aan.
Vae wille knalle alle zurg van de baan.

Dus met dae vastelaovund-j laote vae um gaon.
Dinke neet aan merge, det moog nog neet bestaon.
Vae weite de ze kome, in ut hertje van de nacht.
Want op di-j kleine eurkes, hebbe vae vandaag gewacht-j.

Mer daorum gein getreur, sjoenkel mei-j gein gezeur
laot gaon, laot gaon, laot gaon.


HOME PLAATSNAMENOVERZICHTHOME


WEEM, WAAT, WOEË, WANNIEËR
2004/2005: Tekst & muziek: Anita Haex-Scholtens
Zang: Caro, Michelle en Emmy

Ich bin oos mam kwiet, en ich oos pap
't Aes vastelao-vundj , di-j zeen op stap
Di-j hebbe geine tieëd um op te let-te
Now könne vae de boel op stelte zet-te

Refrein:
Weem, waat, woeë, wan-nieër
Waat doon vae en waat zulle vae nog mieër
Weem, waat, woeë, en dan
Vae haale alles waat vae könne oet de kan
Aete friet met mayonais, en vae doon de polonais
Vae trekke now gewoeën os eige plan
Maake op waat d'r es, haoje niks mieër in de tes
Al gaon vae met z'n alle oppe fles

Kiek oeëme Har-rie, en tante Greet
Di-j hebbe saame , al weer un date
Di-j zeen de hieële daag al aan ut kösse
Dao kaome vae vanaovundj auch neet tös-se


HOME PLAATSNAMENOVERZICHTHOME


WIEZOEË, WIEDET
2002/2003 nr.1 Nederweert-Eind: Tekst & muziek: Anita Haex-Scholtens
Zang: Paultje (Paul van Heugten)

Refrein:
Wiezoeë, wiedet, ich gaon nog lange neet nao bed.
Ut aes toch zeker neet verbooje um hi-j te zitte aan 't buffet.
Wiezoeë, wiedet, ich weit waat neet kan en nog net.
Gae dreenktj gewoeën nog eine met, det haoje vae onger de pet,
det kin nog net. Wiezoeë, wiedet.

Ich zoot in mien kefeeke te zeenge op ein krök,
besteldje mich ein pilske mer ich haaj gein gelök.
De kastelein ging sloeëte en zag: “Zee jae neet wies.
Ut aes al over veere en dalik kumptj de plies”.
Ich stotterdje: “Wiedet”
Ich zag: “Wiezoeë, wiedet?”

Vae dronke dus nog eine, de kastelein en ich.
Hae tapdje nog ein pilske vör mich en ein vör zich.
Toen waas ut aafgeloupe; hae zag: “Now gaotj met gauw.
't Aes ongerhandj al merge en gae kiektj behuurlik blauw.
Ich stotterdje: “Wiedet”
Ich zag: “Wiezoeë, wiedet?”


HOME PLAATSNAMENOVERZICHTHOME


WIJ-JE WIJ-JE WIJ-JE
2005: Tekst & muziek: Wiel Ghielen
Zang: De Zwik

Refrein:
Wij-je wij-je wij-je wi-j ut gekome is,
wij-je wij-je waorum ich det zek.
Wij-je waorum vastelaovund-j dri-j daag deurt-j.
As ut langer zooi gaon deure woort ich gek.
Met de kolder in de bol
en polonaise aan mien lieef
haoj ich det neet langer vol.
Nein echt gein daag of vieef.
Mer dri-j daag vastelaovund-j haoj ich vol,
jao di-j dri-j daag gaon ich lekker oet de bol.

De weteschappers buige zich al jaore op di-j vraog,
waorum vae zoe lang vastelaovund-j veere,
want nao unne daag tampieeste is de Hollander kapot
terwiel vae os de keale hi-j pas smeere.
Vae fieeste dri-j daag door
en maake lekker lol
want van vastelaovund-j veere zit oos hieele hertje vol.

Want dri-j daag lekker fieeste
dri-j daag lekker lang tampieeste
jao di-j dri-j daag gaon ich lekker oet de bol


HOME PLAATSNAMENOVERZICHTHOME


ZOEE VREUG
Tekst: Willy Rietjens-Mackus - melodie: "Ik ben lekker stout", Annie M.G. Schmidt
Zang: De Valse Snooterneut (Hanneke & Sander)

Wie mot det now? Wie mot det now?
Plekke, verve, zaege
As ich aan de waage bouw
Dink ich ut es vul te gauw
Vae motte os gaon jaage
Veur de derdje mot ut klaor
Ut es zoee vreug, zoee vreug dit jaor

Ze vrooge mich um prins te zien
Det wil ich hieel gaer waere
Ich zag de vorst toen aan de lien
Moog ich volgendj jaor misschien?
'ch Wil langer met die vaere
Want ich heb ein groeet bezwaor
Ut es zoee vreug, zoee vreug dit jaor

4 x 11 jaor teruk
d'Indj-se vastelaovundj
Jubileum, gein geluk
Ut seizoen is vul te druk
Fieeste eed're aovundj
De piepkukes hebbe ut zwaor
Ut is zoee vreug, zoee vreug dit jaor

Haostj uch, spoojtj uch, scheetj us op
Te laat zeen det gaeftj klachte
Sneller, vlotter, in galop
Zetj mer rap eur fieestnaas op
Vae staon op uch te wachte
't is vermeuiendj ieerlik waor
Ut is zoee vreug, zoee vreug dit jaor


HOME PLAATSNAMENOVERZICHTHOME