HOME PLAATSNAMENOVERZICHTHOME


11 JAOR DE PLEKKERS
1977: M. Linssen & C. Clout


Refrein:
In Maerem zeen al ellef jaor de Plekkers, en die plekke nag zoeë gaer.
Breevebesjtellers, tummerluuj en bekkers, gaon dök erg laat nao hoes haer.
Mooder de vrouw die geitj den duchtig sjelje: wie dök is tet al gebeurtj ?
't Aangebrandje aete is neet mieër te vraete, det is get waat sich neet heuurtj.

Eeder jaor mit vastelaoventj, ouch waal ins d'r tusse door,
sjteit 't aete in de aove, veltj de middig inne poor.
Alle Plekkers blieve hange, inne Sjuur zeen ze biejein,
mit ei glaeske beer, den gebeurtj 't weer, maakt men zich gein dieke bein.

Ellef jaor besjtaon de Plekkers, ellef jaor gaon die draan,
ellef jaor Maeremer gekke, flaares, joetser, flab, poorgaantj.
Sjaele zeiver, sjtómme waazel, wawwelwatergebaazel,
mit die Bergkapel, die houwtj op tet vel, en zorgtj veur 't sjpektakel.

Laat, met nag neet te laat, vreug met ouch weer te vreug,
naat, mer toch nag neet te naat, met hieël zeker neet te dreug.
Zaat, ei bietje, net neet te zaat, meug met aevel neet te meug,
Plekkers make lol, gaon gaer aanne rol, det is get, waat häör veugtj.


HOME PLAATSNAMENOVERZICHTHOME


BOEDEBAERKE
1985: M. Linssen & C. Clout


Refrein:
Doe kins mich ein boedebaerke vange.
Ich zeen dich nog neet sjtaon, ich zeen dich nog neet hange.
Esse mich ein boedebaerke vings, den kinse mich mesjieën auch vange.
Baer, eine baer, mit dieke wange, geine sjtrange, en geine lange.
Eine baer, woosse get mit aan kins vange, höbse det noew good versjtange ?

Sjang, och doe Sjang, bön verdorie neet bang,
laot tich neet jage, oppe kas of oppe sjtang.
Eemes dae sjoew is, is auch vaorth beklaagdj.
Ich bön neet bang, zag Sjang, mer doew jeugs mich op sjtang.

Hae haaj al dök nao det maedje geloertj,
det haaj 'm eigelik al völ te lang gedoertj.
Mit Vastelaoventj zoog hae zien kans,
hae vroog 'm onger zonne wilje dans.
Waat zag den noe det kindj, zoo vurig en bemintj.


HOME PLAATSNAMENOVERZICHTHOME


DANSMERIEËKE
1983: M. Linssen & J. Thijssen


Refrein:
Merieëke kóm dans noew toch ins,
Merieëke dans veur ooze Prins.
En sjtrakkes den dans toew veur ós,
den goeihts toew dien beinkes weer los.
Den luuëtste dien kunste weer zeen,
artieste van köpke toet teen.
Mit vaerkrach net wiej eelassjtiek,
Merieëke, waat duisse det sjiek.

Wiej 't nog hieël klein waas, wis 't waat 't wól.
Dansmerieëke det waas 't, of 't get waere zól,

Jaore van väöl training ging d'r aan veuraaf.
Wilskrach mós 't waal höbbe, veuldje zich dök waal sjlaaf.

Sjpaare mös 't auch nog veur zien uniform.
Sjlank det mós 't waal blieve, veur kondizie en vorm.


HOME PLAATSNAMENOVERZICHTHOME


DET IS VASTELAOVENTJ
1991: J. Fermont


Refrein:
Gooj op den die beinkes, diej erm in de loch,
en bön ins gelökkig, mit drank en meziek.
Det is Vastelaoventj, is det neet genóg,
ach miense, ich veul mich zoo bliej en zoo riek.

Ich kin geine tied, en ich loup met get rondj,
veur mich is 't noe Vastelaoventj.
Ich kiek neet meer wied, en ich veul geine grondj,
veur mich is vanmorge, vanaovend.
Ich loup langs de sjtraot, en ich zeen inkel kleur,
al is 't ouch sjnachs twellef oere.
Ich veul mich vanachtere precies wie van veur,
det zoget neet altied kint doere.

Ich trek mit d'n optoch, zoo gek wie 'n raad,
ich zjweij oppe miense die kieke.
Ich sjtel ouch get veur, mer ich weit nog neet waat,
op waat det ich zól motte lieke.
Ich sjtaon in ein kroeg, vol mit volk net wie ich,
vertel dao de sjtómste verhaole.
Ich kwaak en ich zing, ouch al kin ich gein wäörd,
van de haan en de sjterre, die sjtraole.


HOME PLAATSNAMENOVERZICHTHOME


DET PRINS ZEEHN
1987: M. Linssen & C. Clout


Refrein:
Det Prins zeehn, det Prins zeehn, waat waas 't toch sjoeën.
Men zoot eine kórte tiehd hooëg oppe trooën.
Het ging gauw veurbiej, de herinnering is,
net of m'n van toen aaf nag altiehd get misj,
get hieël fijn waat weg is, al waas 't vernis.

Es kleine jóng wôl hae al Prins zeehn, det leek'm 't sjooënste,
VastelaovesPrins te waere, get anges es klooëntje.
Waat zól d'r mit tae septer sjwejje, het volk aan zien veut.
Joh, det waas veur hem d'n heemel, haos aldaag op sjeut.
Dök waas hae d'r van aan't druime, al sjleep t'r zoeh zeut.

Hae waas verrasj wiej ze hem vrooge het Riehk te regeere.
Hae kan good zien muundje reure, hoof tet neet te leere.
De maedjes loupe mit hem weg, hae is knap, sjterk en groot.
Mitdoon kan d'r este bêste, det zitj 'm int blood.
Deeze Prins dae zal 't make, ouch tae is weer good.


HOME PLAATSNAMENOVERZICHTHOME


DOE BÖS NOOTS TE AAD OM TE LEERE
Tekst: Jan Fermont - meziek: Chrit Clout & Jack Thijssen


Refrein:
Doe bös noots te aad om te leere,
al geisse nog zo ver van hoes aaf.
Doe mós 't toch blieve probeere,
de tieëd is toch zeker aan dich.
Mer ein dingk det kinse geluive,
al duisse noe nog zovöl fuive.
Gedreug ze dich den, wie ein heerke,
vergit dich auch noot neemes meer.

In dae tieëd, wie ich nog klein waas, waerde mich toen al gezag:
Let good op, doe kins völ leere, ich herinner 't mich nog.
Waat ich toen al kreeg te höre euver geldj en euver plich,
nae, ich bön 't noots vergaete, ich bön bliej, geluif 't mich.

Mer daonao, veer waerde aajer, kinjer groot, geet weitter van.
Zeen veer nog, sjteets biej aan 't leere, elke daag, oos laeve langk.
Gaon veer oet, mit vastelaovendj, auch verkleidj, wie idderein,
en dan good mit beer bezaegendj, zinge veer, weer dit refrein.


HOME PLAATSNAMENOVERZICHTHOME


DOONTJ EI BIETJE GEK
1979: M. Linssen & C. Clout


Zeuktj inne kas of in ei laaj, gaontj ins de zolder op.
Kiektj nao ein feep; 't leefs ein aaj, ein pruuk of kolderkop.
Paktj uch ins op en sjloet de deur, vergaetj de trammelantj.
Weg mitte alledaagse sjleur, zitj zorge aanne kantj.

Refrein:
Driej daag zeen zoeë veurbiej, dus doontj ei bietje gek,
doontj ei bietje gek, doontj ei bietje gek.
Maaktj lol en maaktj plezeer, bön zeker neet te sjoew,
tis vastelaoventj noew.
Kiektj neet te nej, maaktj get lewej,
maakt gekke jen, doontj sjtómme kal,
waer of gein waer, mer waal hieël gaer,
tis vastelaoventj euveral.

Want vader geitj neet nao het werk, en mooder is verkletj.
Det blieftj se driej daag, det is sjterk en neemes dae thoeës itj.
De kinjer hoove neet nao sjoeël, zie lieëre het al good,
in Maerem, of in Oeël 't zitj häör in 't blood.


HOME PLAATSNAMENOVERZICHTHOME


DRIEJ KIEËR ÊLL'F
1998: M. Linssen & J. Thijssen


Refrein:
Driej kieër êll'f, driej kieër êll'f, waat is tet toch ein prachtig feit.
Driej en dertig jaor al Plekkers, kinse naogaon wiej sjnel det geit.
Driej kieër êll'f, driej kieër êll'f, Maerem geitj nooëts mieër verlaore.
Driej kieër êlf jaor de Plekkers, ich zegk zo kan 't nog gekker.

Eine kieër per êll'f jaor ein jubileejum,
eine kieër per êll'f jaor, den is t'r fieës.
Want 't huërtj noew einmaol biej de Vastelaoventj,
eeder êll'f jaor waerdj zeker getempieësj.
Eine kieër per êll'f jaor apaarte zake,
det apaarte teltj neet Eeder jaor.
Want den waerdj gemeemoreedj,
de revue weer gepasseerdj.
Êll'f jaor det blieftj ein vastelaovesbaken

Wiej men aanne naam koom, waas besjlis gein wônjer,
dae waerdje bedach door ein miens oeht Thooër.
Ome Sjang bleef regelmatig ouch lang plekke,
al keek Anna aaf en toe ein bietje zoehr.
Inne Sjuur zag Ome Sjang, geer zeentj ouch Plekkers,
zoëh komme de Plekkers aanne naam.
Al van viehf en sêstig aaf, sjrieuwe Plekkers hel Alaaf.
Vastelaoventj is en blieftj bezônjer lekker.

Zoëh haet Maerem noew al driej en dertig Prinse,
en diej vraoge allemaol wo blieftj d'n tiehd.
Zoëh gaer zôlle veehr det Prinssjap in euverdoohn,
jaore later zaet tet Eeder Prins mit sjpieht.
Vorste wore d't mer twieëh in al diej jaore,
Hans van Cupers is tet nog neet lang.
Mer de Plekkers zeehn neet bang,
Hans en Raod blieftj aanne gang,
jeefdje veur de Vastelaoventj al die jaore.


HOME PLAATSNAMENOVERZICHTHOME


EINE KIEËR INS PRINS ZEEN
1982: M. Linssen & C. Clout


Refrein:
Eine kieër ins Prins zeen, Plekkersprins van kop toet teen,
aevekes doorluchtig, ess't mót mit riejerkneen.
Wae'rtje tae Prins zich duchtig, ouch al iss't klaatergoltj.
Och, waat is tet sjooën es tae Vastelaoventj lekker roltj.

Tis weer Vastelaoventj, eeder maaktj zich sjiek.
Waem zal noew de Prins, zeen Funs of Sef of Niek ?
Rieëk wie eine keuning veultj t'r zich besjlis,
bliej, wie bliej, det hingtj nag efkes inne mis.

Dao is t'r gekómme, kieëk waat is t'r sjtao'ls,
det is toch te knapste tösse Mooëk en Vaols.
Waat ein insjtallassie, ein belaevenisd,
eigelik toch zuunj det, tit veur eave is.

Prachtige sjoeën vaere op tien Prinsesjteek,
net of tette werrelt oppe heemel leek.
Sjpeel 't sjpeel mer Plekker, gauw is 't gedaon,
de illuuzie lekker met vaort nao de maon.


HOME PLAATSNAMENOVERZICHTHOME


GEER HÖB HIEËL BESJLIS
1988: R. Nizet & J. Fermont


Refrein:
Geer höb hieël besjlis, de Vastelaoventj in Maerem gemis.
Veer höbbe driej daag mit gezonge, mit gedans en mit gespronge.
Geer höb hieël besjlis, die glaeskes beer in Maerem gemis.
Veer lache ós eine böltj, geer zeet 't toch zellef sjöltj.

'n Koppel oet Maerem det ging nao Tirool,
'n waekske zoo lekker in de sjnee.
Zeeve daag skieë oppe berg in de zon,
det waas veur die twee toch hieël sjoon.
Ein paar daage later, dao waas 't gedaon,
de eine in gieps, de anger in 't verbandj,
twee waeke nog langer in det landj.

In Rio, Brazilië, dao is 't zoo sjoon,
det zagte de miense taege mich.
Danse de Samba, 't heele jaor door,
't waas toch ins ech get veur dich.
Ich zag, beste miense, noe loester ins goot,
waat ich uch vertel, noe hieël vlug.
Gaot gaer noe maar weg, nao Rio of Tirool,
Dan zegk ich daonao waal taege uch.


HOME PLAATSNAMENOVERZICHTHOME


JEUGPLEKKERS
1983 nr.1 : Tekst: Thijs Geerlings - muziek: Chrit Clout
Uitvoerenden: Jeugplekkers


Refrein:
Jeugplekkers, die zuusse euveral.
Jeugplekkers, veural mit carnaval.
Jeugplekkers, die gaon door diek en dun.
Waat bûn ich bliej, det ich Jeugplekker bûn !

Mit de eige Prins en eige Raod,
in de kroeg of oppe sjtraot.
En mit Vastelaovend zeen veer hiej,
kôm noë allemaol d'r biej !

Oos recepsie is ein fees op zich,
auch veur dich en auch veur mich.
Jao, dèn zeen de luuj weer same hiej,
kôm dan allemaol d'r biej !

Veer besjtaon veur jôngk en auch veur aad,
en veur neuchter of gèt zaat.
En veer zinge noë nog êns op riej,
kôm noë allemaol d'r biej !


HOME PLAATSNAMENOVERZICHTHOME


LACHEBEKSKE
1978: M. Linssen & C. Clout


Refrein:
Och, toe mie gekske, mie lachebekske,
waat kiekse mit tien uigskes bliej en väölbelaovendj.
Mien hertedeefke, ich blief biej dich,
altied biej dich, want toe bös toch van mich.

Ze vriejde nag mer net kindje zich nag neet good,
mer haaje ouch al get de kriebel in häör blood.

Ze wore pas getrouwtj en knettergek opein.
Ze haaje waal get sjuld mer alles waas zoeë fijn.

Ze zeen noe aad en grieës, ginge door diek en dun.
Ze zinge nag tees wieës mit duudelikke sjtum.


HOME PLAATSNAMENOVERZICHTHOME


MA, MA, MA, MA .....
1986: M. Linssen & C. Clout


Refrein:
In Noord-Amerika, sjittert ein sjter,
Ma, Ma, Ma, Ma, Ma, Madonna.
In Zuid-Amerike, sjittert ein sjter,
Ma, Ma, Ma, Ma, Marradonna.
Diej twee supersjterre van deez'n tied,
zeehn favoriet populaer, waereld wiehd.
Madonna en Maradonna,
Maradonna en Madonna.

Dae eine, dae foetbaltj, det anger, det zingtj.
Met allebei, op ein meneer, diej geldj in 't laedje bringtj.

Det roemen, det verbleiktj, vergaete, dae naam.
Mer mit Vastelaoventj, waerdj eeder ein sjter van waereld faam.


HOME PLAATSNAMENOVERZICHTHOME


OCH, WAAT ZEEN VEER TOCH WILTJ OP AL DET GREUNVOOR
1980: M. Linssen & J. Thijssen


Refrein:
Och, waat zeen veer toch wiltj op al det greunvoor :
sjlaaj en spruutjes, rooëdmoos en poor.
Och, waat zeen veer toch wiltj op al det greunvoor.
Det is gezontj, greun vanne kaaje grontj.

Merieke det is mich ein vaeg, Merieke det is ein aaj zaeg.
Det haet zich verkletj es assjperzjös, omdet het die greuntje gaer lösj.

Sjeng is gaer biej de kompaniej, Sjeng is ten ouch altied t'rbiej.
Dae haet sich ómhange mit zoeërmoos, op tet gebiet is tae Sjeng loos.

Waat eederein haoptj det gebeurtj, Merieke haet Sjeng goodgekeurtj.
Gaon same nao veltj en nao veiling, en loester mer waat det sjtel zingtj.


HOME PLAATSNAMENOVERZICHTHOME


OME HARIE
1981: M. Linssen & C. Clout


Refrein:
Kieëk Ome Harie geitj op safari,
in fibberwarie nao Mozambiek.
Mit pas en sjekskes en keekie-pekskes,
mit wanjelstjekskes en reumatiek.

Want tao geitj noe Ome Harie haer, mit ei prima jachgewaer.
Det is besjlis geit goodkoups, vas haachelnuuj en dubbelloups.

Flinke gevludje petrooëne-tes, Lambiek in ein groeëte fles.
Mit eine nuuje tropehelm, de rimboe is, den aaje sjelm.

Het jachpertieke mislökdje ram, hae lag aan, trok aaf en bam.
Dao loog de letste kao kepot, weg waas 't ganse jachgenot.


HOME PLAATSNAMENOVERZICHTHOME


SAME DEILE
1984: M. Linssen & C. Clout


Refrein:
Same deile, is tet neet sjoeën,
same deile, hooëg is het looën.
Zeehn ich twee luuj vriejgaevig en bliej,
diej deile ouch vanzell'f mit driej.

Het wore nag kinjer toch huuërdje ze al dök,
neet eegowisties zeehn, den vintj gaer det gelök.
Dink alzelaeve toch ouch aan die luuj,
kóm, zag hae, maedje, det ich dich ins duuj.

Biejein nag gein veertig en nag neet lang getrouwtj,
bliej en gelökkig same lösdje zie zich rauw.
Fluusterdje hae neet besjtumdj veur de res,
loester ins vruike nao mien eerste les.

Ein tiehdje daonao, al 't nuuj waas t'r vanaaf,
de romantiek vertrokke, gauw al minder braaf.
Vinjtj hae zien vrouw thoes in bêd neet allein,
het deej waat hae zag, waas det den neet fijn.


HOME PLAATSNAMENOVERZICHTHOME


VEER VAN MAEREM
1986: C. Clout & J. Thijssen


Refrein:
Veer van Maerem, blieve plekke, en det doon veer al te gaer.
Veer zeen gekke, es ver plekke mit mezieëk en heel völ aer.
Laot ós plekke, Maer'mer gekke, mit de Prins, en Sjeng en Baer.
Veer van Maerem blieve plekke, mit de mezieëk en möts en vaer.

In Maerem zeen de Plekkers, en maake alle bliej.
Ze gaon mit vastelaovendj te keer zo wie noch niej.
En gaon door de drie dörpe, mit väöl mezieëk t'r biej.
En esse ongerwaeg zeen, zingk idderein dees wieës.

Op zaoterdig nao Herte, nao Kareltje Majoor.
Dae guf ós den de sjleutel, waat is 't ein aajhoor.
En zonjigs in de optoch, verkleidj wie moos of poor.
En Dolle Dinsdig aovendj, dao zinge veer in koor.


HOME PLAATSNAMENOVERZICHTHOME


ZINGE, SJPRINGE
1976: M. Linssen & C.Clout - spesjaal arrangement: P. Zeelen


Refrein:
Zinge, sjpringe, miens toch waat ein naas.
Danse, sjanse, blaffe wie 'ne haas.
Hikke, sjlikke, beer al oet ein vaas.
Mooder sjpeelt de circuskloon, flakkertj wie ein hoon.
Plekker guftj ein runtje plek, allemaol raadgek.

Mit Carnaval drie daag, den zuusse get,
den heurse get, belaef se get.
Mer boete die daag ouch d'r tusse door,
brultj dukker het gans Plekkerkoar.

In 't plekbook gesjreve sjteit zjwart op wit,
of blau op wit of road op wit.
Es Plekker geprese, nag neet nao hoes,
want doa is toch neemes meer thoes.

Es Plekker gebaore det is toch get,
det is mich get det is waal get.
Det blieftj al die jaore, de ganse tieëd,
det PLEKKE waertj neemes mier kwiet.


HOME PLAATSNAMENOVERZICHTHOME