Carnavalsliedjes uit MELDERSLO in Limburg (NL)

HOME PLAATSNAMENOVERZICHT HOME

AALZELAEVE DUK D'R NAEVE
2003/2004: Tekst: Ed Vullings - muziek: Petri Vullings-Boots
Zang: De Cornetto's

Meniér pastoer krieg in de kerk de leste waeke
Ennen hiëlen druëge kael vaan aal daat praeke
Má zògauw ie vaan de miswién haet gedroonke
Liekt ut waal of ie in iëne is beschoonke
Niemand den dur nag en touw aan vás kaan knoëpe:
Heej rupt zien schupkes op tot polonaise loëpe!

Refrein:
Want nao en gleske praot heej aalzelaeve
Duk d’r naeve, duk d’r naeve
Ma genne mins di zal dur waat um gaeve
’t is um ’t aeve, um ’t aeve
joa nao en gleske praot heej aalzelaeve….
Duk d’r naeve….

Jao mienen buurman dèh kumpt neet vaan deze kante
Ma heej is eigelik toch bes waal enne kwante
Want heej kumpt da waal vaan bovve de riviere
Iën ding is heej zeker neet, dá’s enne giere
Zoë haet heej les nag vur ut iérs in zien laeve
In plaats vaan vur, en rundje vaan de zaak gegaeve

Nouw heb ik zelluf ok waal ‘s vaan die probleme
Door in’t café dun tiéd neet aal te nauw te neme
Da vrug mien vrouw wao hedde nouw toch wer gezaete?
“Ik wiët ut neet, ik bin gewoën d’n tied vergaete”
Geej vraogt ow af hoe ik meej dit kaan permitere
Met deze smoes kaan ik meej aaltiéd excusere:

HOME PLAATSNAMENOVERZICHT HOME

LOUW LOENE!
2005/2006: Telkst: Ed Vullings - muziek: Petri Vullings-Boots
Zang: De Cornetto's

Ôzze Lei en zien Nel daat is en prachtig stel,
zeej en vlotte tant, heej ‘ne schonne kèl.
Op elk fiëst zién zeej vaan de parteej,
en zurge vur ut laeve in de brouwereej.
Má dur is iën probleem mit Lei,
aas Nel nao hoés wil da giët Lei neet mei!

Daan zaet heej:
Louw, louw, louw loene,
aas geej kunt telle nouw daan tel dur má neet op.
Louw louw louw loene,
daat kunde denke má dae vleeger giët neet op.
Louw louw louw loene,
aal koom ik straks vaan enne kalde kermis thoés,
louw louw louw loene, ik gaj éch nag ni nao hoés.

De kastelein in de kroeg haet nouw onderhand,
dukker saoves laat groëten trammelant.
Want ieders kier zoë taege sloétingstiéd,
daan raakt dae gooje mins de klante neet mier kwiét.
En daat is aal de schuld vaan Lei:
de gansen tap dae zingt zien wúrd vort mei!

Ze zinge:
Louw, louw, louw loene,
aas geej kunt telle nouw daan tel dur má neet op.
Louw louw louw loene,
daat kunde denke má dae vleeger giët neet op.
Louw louw louw loene,
aal koom ik straks vaan enne kalde kermis thoés,
louw louw louw loene, ik gaj éch nag ni nao hoés.

Weej zinge:
Louw, louw, louw loene,
Aas geej kunt telle nouw daan tel dur má neet op.
Louw louw louw loene,
daat kunde denke má dae vleeger giët neet op.
Louw louw louw loene,
aal koom ik straks vaan enne kalde kermis thoés,
louw louw louw loene, ik gaj éch nag ni nao hoés.
louw louw louw loene, ik gaj éch nag ni nao hoés.

HOME PLAATSNAMENOVERZICHT HOME

ÔS KAN VANMIDDAG NIKS GEBEURE
2002/2003: Tekst: Wim Hendrix - muziek: Petri Vullings
Zang: Judith Deckers & Melissa van Rens

Refrein:
Os kaan vanmiddag niks gebeuren, waat hebbe weej ut toch wer good.
Dit moog van os zoe dage deure want doava kriegde wer mood.
Ut wurt os allemoaol gegaeve, de raegen en de zonneschien.
Der velt vanalles te belaeve, 't is te moeij um waor te zien.

Der zien van diej daag daat ut taegezit,
ge vult ow alles behalve fit.
De plee of de doesj, die zien stiets bezet,
en daat terwiel ge zo'n boekpien het.
Ge vult ow slap en kiekt ok zoor,
ma ineens brukt ut zunke door.

Ge komt elluk oor en keteer tekort,
valt in de put mit ganzebord.
Ge waort beej de gym al as ierste af,
en kreegde wer vaan de meister straf.
Ge zied waat kwaod en kiekt ok zoor,
ma inens brukt ut zunke door.

HOME PLAATSNAMENOVERZICHT HOME

VANDAAG ZIÉN WEEJ JÓNGER
2004/2005: Tekst: Ed Vullings - muziek: Petri Vullings-Boots
Zang: De Cornetto's

Refrein:
vandaag zién weej jônger daan weej oeijt nag zulle zién
vandaag doon weej gennen druppel water beej de wién
want weej drinken op ut laeve, en waat ut ôs nag giët gaeve
vandaag gaeve weej ôszelf en dikke vette tien
want weej zién jônger daan weej oeijt nag zulle zién.

ôzzen opa, achentachtig jaore alt
nimt ziene laeftiéd mit enne groëte korrel zalt
heej zaet: ge ziet percies zò alt aas geej ôw vult
want vader tiéd haet éch vur niemus gen geduld
geej wurt en bitje alder elken daag ôpneej
dus nim nouw iën ding aan vaan meej:

vandaag zién weej jônger daan weej oeijt nag zulle zién
vandaag doon weej gennen druppel water beej de wién
want weej drinken op ut laeve, en waat ut ôs nag giët gaeve
vandaag gaeve weej ôszelf en dikke vette tien
want weej zién jônger daan weej oeijt nag zulle zién.

de minse klage duk vaan och waat vluug d’n tiéd
vur geej ut wet is dur aalwer en jaörke kwiét
en iets verleeze daat is aalt en iëwig zund
terwiel geej baeter elken daag bezinge kunt
má ok vandaag is mergevroeg aalwer vurbeej
daan zinge weej wer ôpperneej

vandaag zién weej jônger daan weej oeijt nag zulle zién
vandaag doon weej gennen druppel water beej de wién
want weej drinken op ut laeve, en waat ut ôs nag giët gaeve
vandaag gaeve weej ôszelf en dikke vette tien
want weej zién jônger daan weej oeijt nag zulle zién.

HOME PLAATSNAMENOVERZICHT HOME

WEEJ ZIEN NEET MIER TE HALDE
Tekst & muziek: Bertien
Zang: Anouk & Ankie

’s Aoves noa bed
Trek ik en lange snoet
Ma oos mam die zet
Ruste geej now maar is oet
Giet ’s merges de wekker
Guj ik d’r gow vandoor
Zien weej neet mier te halde
En den-de-re ma door

Refrein:
Weej zien neet mier te halde
En goan aas ennen trein
Waant vasteloavend viere
Daat vinge weej zoa fijn
Weej zien neet mier te halde
Aal is ut twellef oor
Zien weej neet mier te halde
En wille als ma door
Zien weej neet mier te halde
En dendere ma door

Stoan weej met sporte
Wer boete op ut veld
Doa is daan de scheids
Ozze allergrutste held
Blust heej op zien flutje
Moge weej wer door
Zien weej neet mier te halde
En den-de-re ma door

Goan weej met de carnaval
Net aas iedere mins
Polonaise loepe
Achter ozze prins
Wurt d’r da gestopt
Zinge weej hiel haard in koor
Zien weej neet mier te halde
En den-de-re ma door

HOME PLAATSNAMENOVERZICHT HOME