Carnavalsliedjes uit MEERSSEN in Limburg (NL)

HOME PLAATSNAMENOVERZICHT HOME

5 x 11 JAORE
2004/2005 nr.1 : Tekst & muziek: Eric Reck & Charel Jeuken
Zang: Op ûnne knap gehôwwe

Luukès leef ût geit beginnè,
eederein raak boete zinne,
want, ût is alweer zwa wiet!
Meersjènaire hâwwè aan,
v'r goon d'r lekkèr tege-aan
en kriege weer dei sjwannè tied.
V'r zettè noe de boel fleenk op de kop,
mèt de Aanhâwwèrsj veur-op...

Refrein:
5 x 11 jaore, 5 x 11 vastelaovend in oos Meersjèns land.
5 x 11 jaore joonk en âwt, jao grwât en klein dat sjprink weer hand in hand,
Vastelaovend viere veer zwa geire,
dao sjtoon v'r ûm bekint als Meersjènaire.
5 x 11 jaore, 5 x 11 vastelaovend in oos Meersjèns land.

Vèlt de Sjampsjeut in de bös,
dan weure veer weer oongerös,
want ût is alweer zwa wiet!
En dan op 't aw-wieverbal,
de gekstè maskès euveral,
wat is dit ûnne sjwanne tied.
V'r zettè noe de boel fleenk op de kop,
mèt de aanhâwwèrsj veur-op...

Kûmp de Blauwe Sjuut weer binnè,
weite v'r ût geit beginne,
want ût is alweer zwa wiet!
Op zaoterdig de euverdrach,
de preens dei kûmp weer aan de mach,
de börger is de sjleutel kwiet.
V'r zettè noe de boel fleenk op de kop,
mèt de aanhâwwèrsj veur-op...

HOME PLAATSNAMENOVERZICHT HOME

ALAAF OS MEERSJE
?

Refrein:
Alaaf oos Meersje, veer hawwe aan,
alle zoer gezichte, môtte van de baan.
Alaaf oos Meersje, sjpringk allemaol mèt,
veer goon vanaovend neet vreug nao bèd

De pekskes höbbe veer oetgehaold, dao weurd 'm ein verzaold.
Dees drie daag zeen veur knatsj te doon, kôm aan, blief dao neet sjtoon.
Zwalang 't beer löp oet de kraan, goon veer es gekke draan.
Kôm, sjöt oos gleiske nog ins vol, want dan begint de lol.

Noe alle zörreg opzie gezat, nog gaw mer eint gevat,
En drejje wie eine kokerel, dei tied dei geit zwa sjnel.
De kastelein begrip 't al, 't is weer karneval.
Oos Meersje is vandaag te klein, zingk nog ins dit refrein.

HOME PLAATSNAMENOVERZICHT HOME

BOETE ZINNE
2005/2006: Tekst: Eric Reck - muziek: Eric Rek & Charel Jeuken
Zang: Trio Eige-Wies & Vrôwluu

Dich lekker ammezere is 't sjwanste wat d'r is,
méh de zal's ût altied höbbe, d'r geit auch waal 'ns gét mis.

Refrein:
Wae haet dit oetgevoonge, wae haet zwâ gét bedach?
dat ich dao sjtaon te klomele en dat midde in de nach.
Is dae sjleutel noe te grwât, of 't sjleutelgaat te klein,
wat ût is ich weit 't neet!
Jao ich raak gans boete zinne, want ich kôm de brak neet binne,
't ís alweer ûtzellefde leed.
Wae haet dit oetgevoonge, wae haet zwâ gét bedach?

Lewie van oos dat is mich ûnne feine.
Zwâ wie dae is zwâ geuf 't zich ech geine.
Gebore veur de carnaval, de sjpas en 't plezeer,
es örriges gét te doon is kiek dao is Lewieke weer.

Méh vlak nao 't awwieverbal dao midde in de nach,
vergeit häöm ziene lach...

Noe môt h'r mich toch aan de deur goon belle.
Zien vrow begint gegarrendeerd te sjelle.
De sjpas van deze sjwanne aovend is finaal verzôwd,
Lewieke haet zich wie men zaet op ûnne aos gehôwd.

D'n daag dae kûmp al in de loch,heer is ten einde raod,
en noe whjért de ganse sjtraot...

De buurvrôw die daet ope, zaet wat is dit veur'n kebaal,
es dich ein huuske wiejer geis, waet ich zeker lök 't waal.

HOME PLAATSNAMENOVERZICHT HOME

DAO DOON V'R 'T TOCH VEUR
2004/2005: Tekst & muziek: Eric Reck ne Charel Jeuken
Zang: Eige-Wies en Vrowluu

Jao veer zeen van die luukes,dat is toch hjél frappant,
van vastelaovend viere höbbe veer toch éch versjtand.
En ein deenk dat is zeker,v’r zitte hie toch good,
ins lekker oet dei bol goon,v’r weite wie dat môt.
En kûmp dan weer d’n tied van carnaval,
whjérsjte in Limburg euveral :

Refrein:
Dao doon v’r ’t toch veur,jao veer v’r goon deveur,
ût is weer tied veur vastelaovend.
V’r höbbe allemaol gooj zin,de sjtûmming zit weer lekker drin,
ût is weer tied veur vastelaovend.
V’r höbbe niks te klage, dat weurt zwâ déks gezag,
dus laote v’r genete, tot midde in de nach.
Dao doon v’r ’t toch veur, jao veer v’r goon deveur,
ût is weer tied veur vastelaovend.

Zwâ es veer hie bie-ein sjtoon, zwâ same zie aan zie,
dei rwât geel greune kriebel, jeug oos lekker door de prie.
Al gei’ste oet in Venlo, Mesjtreech of in Maasbrach,
dei vastelaovesmoter, dei löp op volle krach.
En kûmp dan weer d’n tied van carnaval,
whjérsjte in Limburg euveral:

Brug:
En es ’t sjtrak esj-goonsdig is, dan weurt aoch neet gezeurt,
dan kin’ste zégke, dat ’t gaw weer vastelaovend weurt

HOME PLAATSNAMENOVERZICHT HOME

DAO IS DE PRINS
1995/1996 nr.1 : Tekst & muziek: Leon Volders
Zang: Sjeigelentaire Meerssen

Refrein:
dao is de prins
met zien prinses
hoera alaaf
auch veur de res
dao is de prins
met zien prinses
hoera alaaf
auch veur de res
kom pak uch vas
spring op en neer
en maak noe spas
en veul plezeer

met de vastelaovend goon veer gaer op stap
soms is 't mher hange jao hange aan de tap
dao weurt mher get gebazelt in cafe of zaal
mhe keump de prins dan binne
dan weite veer 't waal
zwo gek wie veer dan doon
moste veur nao Meersje goon

met de vastelaovend held mich geine thoes
blief dan altied hange en gaon neet vreug nao hoes
soms krieg ich dan un pilske van mien beste vrun
mhe keump de prins dan binne
ving ich dat gaar gein zung
veer springe dan weer op
de zaal steid op ziene kop

HOME PLAATSNAMENOVERZICHT HOME

DAO MOSTE MET LJERRE LEVE
1983/1984 LVK nr.1 : Tekst & muziek: Leon Volders
Zang (*) : Leon Volders

Refrein:
Dao moste met ljerre leve, weurd altied gezag
dao moste met ljerre leve, leve daag en nach
dao moste met leve, dao moste met goon
de vastelaovend blief altied bestoon
dao moste met leve, dao moste met goon
want de vastelaovend blief altied bestoon

Ich höb un aardig vruiwke, ghet oet un loterie
ze trek noe aan 't tuiwke, die daag 't zeen thers drie
ich hout hem neet mje tege dus laot ich hem mher goon
ich vraog het noe al jaore, wat moste dao met doon?

Ich ging met vastelaovend ins nao de dokter toe
't waor eine verkleijde en ich dach och wat noe
heer houw dezelfde klachte in errum kop en bein
veer waore nog bie machte en zonge dit refrein....

Zingk noe en amuzeer uch het is weer karneval
laot goon d boonte störrum in Limburg euveral
heer is neet weg te deenke ich gaef uch gooije raod
kom op nog eine dreenke en deenk aan deze praot.....

* lp 1986 : "Vastelaovend in Meersje" - Prod.:Leon & Luc Volders - Nr.: LV 002 : 33/ST/LV002/A : P 1986 Stemra

HOME PLAATSNAMENOVERZICHT HOME

EDERREIN
1982/1983 nr.1 : Tekst & muziek: Leon Volders

Refrein:
Dao moste met ljerre leve, weurd altied gezag
dao moste met ljerre leve, leve daag en nach
dao moste met leve, dao moste met goon
de vastelaovend blief altied bestoon
dao moste met leve, dao moste met goon
want de vastelaovend blief altied bestoon

Ich höb un aardig vruiwke, ghet oet un loterie
ze trek noe aan 't tuiwke, die daag 't zeen thers drie
ich hout hem neet mje tege dus laot ich hem mher goon
ich vraog het noe al jaore, wat moste dao met doon?

Ich ging met vastelaovend ins nao de dokter toe
't waor eine verkleijde en ich dach och wat noe
heer houw dezelfde klachte in errum kop en bein
veer waore nog bie machte en zonge dit refrein....

Zingk noe en amuzeer uch het is weer karneval
laot goon d boonte störrum in Limburg euveral
heer is neet weg te deenke ich gaef uch gooije raod
kom op nog eine dreenke en deenk aan deze praot.....

HOME PLAATSNAMENOVERZICHT HOME

EDEREIN MOT 'T WEITE
2001/2002 : Tekst & muziek: Leon Volders
Zang (*) : Leon & Luc Volders & de Vovacobavos

Refrein:
Ederein mot 't weite, ederein maog weer goon.
Drie daag vastelaovend, kinne veer op stap weer goon.
Ederein mot 't weite, ederein maog weer goon.
Pakke oos dan veer vas en haole alles oet de kas,
umdat 't vastelaovend is.

De vlagge goon weer oet, getrom en weer getoet.
En ouch de ertesop, jao, die zet de mam weer op.
Dus laot os noe mer goon, wat veer zwa gaire doon.

De gölle geit eweg, dat is waal effe pech.
Toch goon veer weer daoveur ouch al is d'n euro deur.
De kleure zeen weer fel, de kraan löp eve hel.

De luiper geit weer oet, veer goon weer drie daag droet.
De smeenk al op oos sjnoet, make stumming in de boet.
De daer geit op den hood, kom, mis noe neet de boot.

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201

HOME PLAATSNAMENOVERZICHT HOME

DEI FIJNE TIED
(Ich veul mich wie eine vusch)
1993 nr.3 : Teks & meziek: Adrie Vandewall
Oetveurende (*) : Duo Nwats Klaor (Thijs & Adrie Vandewall)

Refrein:
Ich veul mich wie eine vusj in 't water,
veer veule oos hardstikke good.
De zurrige, die loate veer veur later,
veer leve goods gemood.
Ich veul mich wie eine vusj in 't water,
zeker in de vastenoavend tied.
Op esjgoonsdig kump bie oos de kater,
dan zeen veer 't vusjke eve kwiet.

Ich hawd völ van mien vrouw en dat is fijn,
ein gooi vakantie hilt mich op de bein.
Lekker zitte op ein grwat terras,
zwa bein ich geine minsj tot las.

Ein fjes op zien tied, dat deit mich good,
dei vriee daag, dat ich neet werreke moot.
Carnaval, wat eine fijne tied,
mien energie, die kin ich dan good kwiet.

* cd : " Carnaval in Meersje " deel 3 en 4

HOME PLAATSNAMENOVERZICHT HOME

EINE GEBORE AANHAWWER
1994 nr.3 : Teks & meziek: Adrie Vandewall
Oetveurende (*) : Nwats Klaor (Thijs & Adrie Vandewall) & Altied Veirdig (Maria & Veronoque Vandewall)

Refrein:
Ich bein es aanhawwer gebore, hie in Meerssje langs de beek.
En mien mam, die waor verlore, toen ze in 't weegske keek.
Ich bein es aanhawwer gebore, vier zwa geire carnaval.
Van die daag geit niks verlore, auch es ich hoonderd weure zal.
Van die daag geit niks verlore, ich leif allein veur carnaval.

Mét vastenaovend gaon ich geire oet,
es grwatte minsj, mér auch es kleine poet.
Bie pap en mam ging ich toen aan de hand,
en sproong ich al ein bitsje oet de band.

Noe bein ich grwat en gaon ich nog altied,
't carnavalsgeveul raak ich neet kwiet.
Strak bein ich ajd en laop mét eine stek,
dan lét mèr op, ich daon noch eve gek.

* cd : " Carnaval in Meersje " deel 3 en 4

HOME PLAATSNAMENOVERZICHT HOME

HAW UT SUMPEL
1991 nr.3 : Teks: Adrie Vandewall & Giel Urlings - meziek: Adrie Vandewall
Oetveurende (*) : De Nölkes van de Lollige Nol

Refrein:
In de rege weurs-te naat, drinks-te veul, dan weurste zaat.
In de zomer schient de zon, hoonderddoezend is ein ton.
In de winter vilt soms schnje, ein en ein blief altied twje.

Eine minsch veult zich zwa belangriek, gebruuk geir get deure kal.
Heer deit dan joa zwa gewichtig, es-of heum dat hellepe zal.
Me met de vastenoavend, dei schwanne, gezellige tied,
dan kint heer eindelijk ruste, heer kint zien masker kwiet.

Eine minsch moot op nuu weer ljerre, noe maak dich toch neet zwa druk.
Haw ut mer allemoal sumpel, dan veuls-te weer kinger-geluk.
Dus met de vastenoavend, veer doon dan weer gans gewoon.
Zwa kinne veer oos veur altied, veur altied good verstoon.

* uitgebracht op cassette in Meerssen

HOME PLAATSNAMENOVERZICHT HOME

HÖB ST'ET GEWJÈRD ?
2001: Teks: Leon Eikenboom - meziek: Matty Eikenboom
Oetveurende: Duo Moelie Moelie (Jurgen Smeets & Leon Eikenboom)

Refrein:
Zek, höb stich 't lètste nuuts nog neet gewjèrd ?
Vertel ins op, ist ter gèt wat tich stjwèrt ?
De wèts, in Meersje moele ze gèr,
euver de luj en euver 't wèr.
Ich zèk noe niks, want dat het geine zin.
Deenks tich tot ich hum auch waal kin.
Jao, me ich haut 't veur mich tot die drie daag zin veurbie.
Sjit, moot ich wachte joong, dat geit mich aan mien prie.

Ich zaot lets in de cafe, lekker aan 't buffèt.
Meh joong, dao woort geroddeld, zwoi es te wèts.
Un mök, dat woort vanzelf unne olifant.
Mèh veur tot veer 't wiste, leep 't kwallik oet de hand.

Jao Sjeng, dei heit un ander en Marie 'n nuuj flat.
Heer heit die vlam gevonge nao lang gechat.
Mèh Annie die van Harie, jao die kinste waal,
die wèrrek höm op de zenuwe, oh, dorrum is dèi zwà kaal.

HOME PLAATSNAMENOVERZICHT HOME

KIEK ZE KIEKE
2001/2002 nr.2 : Tekst & muziek: Leon Volders

Refrein:
Kiek ze kieke allemaol
jao veer höbbe de grwatste laol
en oos zate hermenie
spaelt de schlagers do re mi
wa veer op spreenge-hup 1, 2 drie
kiek ze kieke allemaol
jao veer höbbe de grwatse laol
ederein is op de bein
Meersje is vandaag te klein
jao wat is 't leve fijn

Kieke kos niks weurd gezag
meh vergeet neet diene lach
den optoch trek aan dich veurbie
veer loupe met un zate hermenie
veer kieke oos de auge oet
wat ein stumming brink die toet
höbs stig dat nog nwats gezeen
de Meersjenair held drie daag peen

Keenger kieke nao oos op
is dat OPA met dae kop
toch veenge ze 't manjefiek
te kieke nao dae ganse boonte kliek
en wae neet geit dae blief mher thoes
koekeloere in zien hoes
kriegsg ste dan gein kippevel
es veer dan rope weer hjel hel......

HOME PLAATSNAMENOVERZICHT HOME

KOM OP DE MERRIT
1992/1993 nr.1: Tekst & muziek: Leon Volders

Refrein:
Kom op leef luuj op de merrit is ghet loos
kom op leef luuj op de merrit grandioos
kom op leef luuj op de merrit op dat plein
goon veer zinge goon veer springe
op de merrit allemaol achterein
goon veer zinge goon veer springe
op de merrit allemaol ederein

Chirra met de monika en Sjaak met de tromput
ederein is dao, de letste kemp mher nao
Liesa met 't trömmelke en ouch de toet geit met
zwa loupe veer oos achternao
want Meersje haed zien pekske aan
en op de merrit vink 't aan

Op de merrit allemaol dat is ein fijn gezich
de prins op de kios en Meersje keump weer los
de kaffees puule oet en zeen weer aafgelaaie vaol
en achterein weurt weer gehos
de karneval dae geit weer loos
't is in ein woord grandiejoos

Dreije met de vastenaovend drie daag continuu
allemaol die luuj, dreije contenuu
't sletingsoor dat is met vastelaovend van de baan
ederein dae helt weer aan
laot noe ins huppele die bein
kom nao de merrit grwat en klein

HOME PLAATSNAMENOVERZICHT HOME

DE LANTERENPAOL
2000/2001 nr.1 : Teks & meziek: ERCHAMA (Eric, Charles en Marcel)
Oetveurende: Eigewies (Erik Recj, Marcel Smeets & Charlo Jeuken)

't Waor met de vastelaovend, ich wouw nao hoes toe goon,
en zaog dao aan d'n hemel, drie hjel sjwan sjterre sjtoon.
Wat straolde die toch prachtig, ein rwaj, ein geil, ein greun.
Ich leep nao hun te kieke en toen voolt ich unne dreun.
Dao laog ich mich toch lankoet op de groond,
die drie sjterre dreijde in 't roond.

Refrein:
Dat gaof mich eine sjlaag dao midde in de nach.
Dao sjtong unne lanterenpaol, dei haw ich dao noe gaaroet neet verwach.
Terwiel ich nao de sjterre leep te kieke, leep ich tegen 'm op.
Noe höb ich met de karneval, eine dikke bölt op miene kop.
Noe höb ich met de karneval, eine dikke bölt op miene kop.

Ich ging mer gaw nao hoes toe, en kaom toen bie mien vrow,
vertelde mien verhaol, get wat zie neet geluive wouw.
Wat waor dat ei sjlech einde, van deze sjwanne daag.
Mien vrow die zag: "Höbs dich soms neet ei stökske in de kraag ?"
Ich zag toen: "Schat, geluif toch estebleef, wat ich venaovend höb belaef ".

Wel'ste op eine aovend , nao de sjterre kieke goon,
en zuu'ste ze dao straolend boove aan d'n heemel sjtoon.
Let op met de lanterenpaol, want dit is wat ich weit.
Ze sjtoon gans sjtil, ze zegge niks en aoch sjuuve doon ze neet.

HOME PLAATSNAMENOVERZICHT HOME

MAEDSJE LEEF
2001/2002 : Teks & meziek: L. Volders
Oetveurende: Leon en Luc Volders & de Vovacobavos

Kom, pak met mich d'n draod weer op, al van 't veurig jaor.
Veer steenge aan de bar, in ein kaffeeke dao op Raor.
De polonaize houwe veer achter de rök,
toen zag de kastelein: "Kom 't volgend jaor mer trök".

Refrein:
Wa waore veer 't veurig jaor gebleve ?
Veer goon die daag dit jaor opnu beleve.
Veer hauwe van 't vastelaovesleve.
Zèk kastelein, de mos nog eine geve.
Maedsje leef, maedsje leef,
bes dich miene hartendeef, kom ich hauwd dich nog ins leef.
Maedsje leef, maedsje leef,
Kom ich hauwd dich dit jaor nog ins drie daag leef.

Veer houwe toen gezach: "Laot weije, weije toch de boel".
Al wjèrde veer d'n haan ouch drie kjèr kreije bie Hazoel.
Wat ste gehad höbs, dat neump dich geine mjè aaf,
dus laote veer os goon en zinge weer alaaf.

HOME PLAATSNAMENOVERZICHT HOME

DE MEDALJE
2002/2003 : Tekst & muziek: Eric Reck & Sjarel Jeuken
Zang: Leon en Eige-Wies

Veer zin de eige-wiese, oet ’t Limburgs land.
En kriege v’r de mikrofoon, dan is gèt aan de hand.
Veer kinne gaar neet zinge, dat hawt g’r al gemèrrek.
Mè höbbe v’r get pilskes op, dan veule veer oos sterk.

Refrein:
Veer koome hie, um oos te ammezeere,
en oos door de preens te läöte dekooreere.
Want op ’n sjwan medalje zeen v’r knettergek.
Spang ‘m mèr op ’t jeske of hang ‘m um de nek.
Veer koome hie, um oos te ammezeere,
en oos door de preens te läöte dekooreere.
Koom preens, doog sjnel de hesje oet, dat vinge v’r zwa gaaf.
V’r kriege ’n medalje en de zaal, dei reup alaaf.

Is örreges ’n zitting, of ’n prinsebal,
dan zeer v’r neet te hawwe, de zuus oos euveral.
En kriege v’r ’n medalje, dan zeer v’r tog zwa blie.
V’r zeen däö aan verslaaf, hawwe ’t leefs ’n ganse rie.

HOME PLAATSNAMENOVERZICHT HOME

MEERSJE SCHUNKELT
1990/1991 nr.1: Tekst & muziek: Leon Volders

Refrein:
Es weer gans Meersje schunkelt
schunkelt schunkelt ederein
de ganse zaal op straot 't pak zich
allemaol oonderein
dao weurt geschunkelt schunkelt schunkelt
kiek mher nao de luuj
't dörrup Meersje schunkelt twintig doezend luuj
't dörrup Meersje schunkelt schunkelt weer op nuuj

De zittinge zeen dit jaor neet van de loch
't is weer ins allemaol, allemaol oetverkoch
dao kinne veer schunkele van links nao rechs
en ouch es veer loupe van oos nao Meersje wes

de prinses en nuuje prins de ganse raod
't keump zich weer allemaol tege al op de straot
de herremeniekes de clowns en de nar
schunkele lachend of zitte aan de bar

Os dörrupke aan de Geul laef van de laol
en houwe dat neum mher aan met vastelaovend vaol
de jonges en maedsjes zeen hier euveral
zinge en danse, 't is weer karneval

HOME PLAATSNAMENOVERZICHT HOME

MÉT DE MEERSJENER VASTENAOVEND
1989 nr.1 : Teks & meziek: Adrie Vandewall
Oetveurende (*) : De Nölkes van de Lollige Nol

In Meersje bein ich gebore, sjting 't weegske veur mich klaor.
Mien hertsje hub ich dao verlore, 't kump truk toch eeder jaor.
De vastenaovend, zag de pap, is 't sjwanste wat d'r is.
Ich veul noe wat heer heit bedoeld, heer heit zich neet vergis.

Refrein:
Met de Meersjener vastenaovend, dan veul ich mich zwa good.
Met de Meersjener vastenaovend, dan kriebelt mich 't blood.
Met de Meersjener vastenaovend sjteit de weireld op de kop.
Mit carnaval dan goon veer oet, drie daag ligk alles sjtop.
Mit carnaval dan goon veer oet, eschgoonsdig weurt d'r gesjtop.

In Meersje bein ich gelukkig, met mien vruijke hand in hand.
Hub jao gezag en wil neet truk, dat sjup noe eine band.
Met vastenaovend zeit mien vrouw, 't weurd tied weer um te goon.
De kinger, die goon met oos met, ljerre wie ze 't moote doon.

* uitgebracht op cassette in Meerssen

HOME PLAATSNAMENOVERZICHT HOME

MÉT DE NAAS DEZELFDE KANT OP
1999 nr.1 : Tekst: Adrie Vandewall, Carin Paulus & Marianne Koumans - muziek: Adrie Vandewall & Nicole Snel
Oetveurende (*) : Adrie en de Vrouluuj

Refrein:
Mét de naas dezelfde kant op, eederein löp drachteraan.
Mét de naas dezelfde kant op, höbbe veer 't pekske aan.
Mét de naas dezelfde kant op, rech veuroet en neet opzie.
Geit de naas de andere kant op, dan is vastelaovend weer veurbie.

De lente geit weer kome, jao, dei kump besjlis.
't Doort mich te lang, totdat 't vastelaovend is.
De kis mét kleijer vol sjtub is geinspecteerd,
veurzichtig aan de kamer ein bitje al verseerd.

De kriebels goon weer kome, 't jeuk mich in de naas.
Ich veul alweer de sjpanning, veur mien auche kump ein waas.
Ich kin 't beer al ruuke en eet ein nonnevot.
Jao, ich weit 't zeker, carnaval keent neet kapot.

* cd : " Carnaval in Meersje " deel 3 en 4

HOME PLAATSNAMENOVERZICHT HOME

D'N OPTOCH ACHTEROET!!
2001/2002 : Tekst & muziek: Roger Eikenboom
Oetveurende (*) : Tutteclub

In Meersje weite ze wat carneval is,
want alle luuij dao hawwe van gezelligheid.
Mèt de carnavalsvereinigingen veurop,
en get pilskes veuls't lekker in de kop.
Op disndig moot ich hule, mjeh dan lach ich,
dan zin die drie daag toch weer völ te snel veurbie.
De Meersjeneir vingt dat dat zwa neet mjeh kint door goon.
Veer goen dao mit z'n alle toch get tege doon.

D'n optoch achteroet, wei vingk van neet dat carneval langer moot dore ?
D'n optoch achteroet, lekker laupe van de maondig nao de zoondig.
D'n optoch achteroet want mèt ein stök in oze kraag maak dat niks oet.
Veer laupe veer, veer danse van de merret tot gans in Rothem.
Veer zinge, de leedjes van achter nao veur oet.

HOME PLAATSNAMENOVERZICHT HOME

PLAT OP MIEN LAT
1998-1999 nr.2 : De Levemeekersj

Dei sjat van mig, dat wow 'ns noa de wintersjport,
met karneval, ig woar devan kepot.
Ig höb mig toen mèr tjwè van die lang latte opgesjnort.
Oet Meersje weg, ig jenkde mig kepot.
Veer ginge doa de berrig op en boove aan d'n top,
doa sjprong 't achterop ... ig reep nog ... :

Sjat, sjat, sjat gank van mien lat,
ig bein dei schnjè al mjèr dan zat,
en ig wil zwah geir met dig verkleid noa Meersje trök.
Lekker sjpringe op de mèrt dat is mien grwat gelök.
Sjat, sjat, sjat gank van mien lat,
ig bein dei schnjè al mjèr dan zat.
Kiek noe toch 'ns oet want ig goan oonderoet, joa.
Sjat, sjat, sjat gank van mien lat

HOME PLAATSNAMENOVERZICHT HOME

PLÈZEER HÖBSTE EUVERAL
2000/2001 nr.3 : Wäôrd en meziek: Leon Volders
Oetveurende: CV 2 Vingersj Sjoem

Refrein:
Laote veer hie nao binne goon, hie is de stumming oetgelaote.
En es veer neet mje kinne stoon, trekke veer wiejer door de straote.
Want Plèzeer, dat höbste euveral, veural die daag mit karneval...
Want Plèzeer, dat höbste euveral, veural die daag mit karneval...

Kom noe op, laot loupe noe de kraan.
Veer wille draan, veer wille draan, veer wille der tége aan.
Zeen neet te remme, gwajje alles los,
en sjtoppe es veer weer zeen oetgehos.
Twè Vingersj Sjoem dat is veur oos pas lol.
En dat houwe veer drie dáge vol, daorum noe...

Gaef un pilske en veer zekke proos.
't Is vastelaovend hie in Meersje, hie is noe weer gèt loos.
Twè Vingersj Sjoem is weer van de partie.
Veer trekke mèt un zaate hermenie.
Zwà loupe veer drie daag in Meersje roond.
't Beer dat bringe veer nao osze moond, daorum noe...

HOME PLAATSNAMENOVERZICHT HOME

QUA KAPPE
2002/2003: Tekst & muziek: Roger Eikenboom
Zang: Sjots en Sjeif

Refrein:
KAPPE!!, joa dat het kappe,
es ut beer luip oet de tappe!
Edere kjer es veer goon stappe,
dan kos oos dat jhel veul lappe!!
KAPPE, joa lekker kappe,
wie eine rappe doon veer kappe!!
Doat mit!!, dan zult geer snappe,
wat Sjots en Sjeif versjteit oonder KAPPE!!!

Op zoaterdig, veur de vasteaovend,
hangge veer oos pop weer, op de mert!
Heer kint dan good van bove op oes kieke,
en of 'r auch gein klachte van oos hwert!
Alles helt heer jhel good in de gate.
Hup!!! Alweer twei vate!!!
Ein dink kint heer neet good vatte,
is dat veer zwa jhel veul KAPPE!!!!!!
Dat moot heer toch kinne Snappe KAPPE!!!!!!

Veer goon hie mit KAPPE,
en veer zulle neet verklappe,
wat veer meine mit dat KAPPE,
VEER GOON KAP ,KAPPE!!!!!!!

HOME PLAATSNAMENOVERZICHT HOME

DE SJUINSMARCHEERDERS
1999/2000: Teks : Sjots en Sjeif - meziek: Matty Eikenboom & Matty Bleize
Oetveurende: Sjots en Sjeif

Refrein:
Sjuinsmarcheerders, Sjuinsmarcheerders, de Sjuinsmarcheerders zeen weer hie.
Zuug ze zoepe, zuug ze kroepe, auch hun tutte zeen de bie.
De haan begint te krejje en dao goon ze weer op stap.
Meh, zeet geer hun dan kwiet, geer kint hun vinge aan de tap.
Sjuinsmarcheerders, sjuinsmarcheerders, de sjuinsmarcheerders van oos riek.

Zuug ze zinge, zuug ze springe, jao, ze laope zie aan zie.
Ammuzere, ammuzere, ammusatie is de bie.
Ze haole noe al ellef jaor hun rökske oet de kas.
Komp geer dan mer ins kieke en daot met aan al dei sjpas.
Zie marcheere, zie marcheere, zie marcheere op muziek.

Ut is toen us begonne met prins Ronald, och jao, dat waot oen bie de Gies.
Veer weite dat nog es de daag van gister, ze voonge ders nog tjen de bie.
Dit is noe al weer ellef jaor geleje, meh auch de nuuje maog der zeen.
Ver goon noe eine met hun drinke, van cafe oet nao cafe in.
En zeet geer hun dan sjtoon, laot uch dan mer ins goon ...

HOME PLAATSNAMENOVERZICHT HOME

SLIVENJER BEDANK!!
2001/2002 nr.2 : Teks & meziek: Adrie Vandewall
Oetveurende: Duo Nwats Klaor en Altied Veirdig

Refrein:
Maog ich Slivenjer bedanke, veur de vastenaovesklanke.
Veur de vastenaoveskleure, dat dit alles lang maog deure (doore).
Maog ich Slivenjer bedanke, veur de vastenaovesklanke.
Die klinke door de kop, en ze hawwe nwats mje op.

't Is jel lang gelèje, toen hie nog niks waor,
Slivenjer dei haw z'ne weareld nog neet klaor.
Op dizze rônne bol, waor gaaroet niks te doon,
Heer dach hie moot ich gaw get sjwans van make goon.

Toen maakde heer 't zunneke, water en de buim,
Laog heer in zien bèd zaog heer mje in ziene druim.
De minsch dei koum es lètste hie op dees planeet,
Mhe Slivenjer dei sjpraok 't is nog neet kompleet.

Heer misde nog de klanke van muziek en sjpas,
Haolde instruminte gaw oet zien hemelkas.
De vastenaovend waor 'n feit dat fjes is toen begoos,
En Slivenjer dei zông "dit woar nog wat ich moos".

HOME PLAATSNAMENOVERZICHT HOME

'T GEIT VANZELLEF IN MEERSJE
1985/1986 nr.1 : Tekst & muziek: Leon Volders
Zang (*) : De Jupkes (C.V. de Aanhawwersj)

Refrein:
't geit vanzellef in Meersje
vastelaovend springe op en neer
't geit vanzellef in Meersje
vastelaovend hup dao goon ver weer
't geit vanzellef in Meersje
met dae hoempahoempa pa
't geit vanzellef, 't geit vanzellef
met dae tra la la la la

ans eersje geit zich ammezere
de vastelaovend kump weer aan
't hoof gaaroet neet te probere
veer goon der weer ins tegenaan
't zink en held de lever naat
van 's-mörges vreug, tot 's-aoves laat

Bes dich noe joonk of auwd dao steis te
't zit os einmaol in 't blood
un toet of trom en jao dao geis te
en pils is good dan veur de mood
de preufs de stumming en de lol
de straote zeen weer euvervol

* lp (1986) : "Vastelaovend in Meersje" - Prod.:Leon & Luc Volders - Nr.: LV 002 : 33/ST/LV002/A : P 1986 Stemra

HOME PLAATSNAMENOVERZICHT HOME

TANT MAJ
2006/2007 nr.1 : Tekst: Marco de Ruyter - muziek: Leon en Matty Eikenboom
Zang: Allè dan mer

Ich wow lets met d'n trein goon,
en sjtong op 't perron.
Ich mos ein keertsje koupe,
mèr ach wat waor ich sjtom.
Eine euro veel mich op de groond,
toen zaog ich wae dao sjtoond
't woar mien tante Maj,
met häör keugel grwat en roond.

Refrein:
Amaj, amaj, amaj, de keugel van tant Maj!
Die zitte altied werrem bie ein,
wat höbbe die 't fein.
Amaj, amaj, amaj, de keugel van tant Maj!
Die keke mich dao lachend aan,
mèr toch, mèr toch, mèr toch kaom ich neet d'raan.

Lets waor ich in de kaffee,
en zaot aan 't buffèt.
Ich wou mich eine drinke,
meh 't zaot mich neet met.
Mien beursj die veel dao op de groond
toen zaog ich wae dao sjtoond
't waor mien tante Maj,
met häör keugel grwat en roond.

HOME PLAATSNAMENOVERZICHT HOME

DE TIED SJTEIT SJTIL
2002/2003 nr.2 : Teks & meziek: Adrie Vandewall
Oetveurende: Duo Nwats Klaor en Altied Veirdig

Refrein:
Mèt vastenoavend sjteit de tied sjtil,
ich weit dan neet wie laat 't is.
Mèt vastenoavend sjteit de tied sjtil,
mhe de klok weurd neet gemis.
De wiezers op de plaat, die höbbe 't verkjerd.
Pas dinsdichnach jel laat, weurdt 't tikke weer gejwerd.
Mèt vastenoavend sjteit de tied sjtil,
dat is wat ich geare wil.

't Ganse jaor mer door, leaf ich van oor tôt oor.
De wèkker dea löp aaf, ich sjtoan dan op, jel braaf.
't Renne geit beginne en leit good op d'n tied.
Van boete weer noa binne, raak ich de weeg sôms kwiet.

En 's oaves in mien bèd, dan vilt 't nog neet mèt.
De wèkker weurd gezat, moot nog dit en moot nog dat.
Es de druime zeen gekome, euver carnaval dan waal,
heat de tied de vlög genome, es klok of digitaal.

HOME PLAATSNAMENOVERZICHT HOME

VAN 'T AGNESPLEIN TOT DE VLEEGESJTROAT
Teks & meziek: Luc Volders & & H. Frissen
Oetveurende 1 (*) : Vocalgroep Get Real (v/h Jongerenkoor Bunde)
Oetveurende 2 (**) : Jongerekwar Bung

Refrein:
Van 't Agnesplein tot de Vleegesjtoat, löp eederein lekker achterein.
Van 't Agnesplein tot de Vleegesjtoat, löp 'n eeder oet de moat.
Mèt de Vasteloavend zeen veer eve gek, veer zinge in os eige dialek.
Van 't Agnesplein tot de Vleegesjtoat, löp 'n eeder oet de moat.

't Is toch 'n gebeure en kump weer eeder joar.
De Bungeneir noa veure, de hermenie sjteit kloar.
Veer sjpringe en veer zinge tot aan d'n euverweeg.
Hie is 't sjtukke beter dan 't Vriethof in Mesjtreech.

** lp (1986) : "Vastelaovend in Meersje" - Prod.:Leon & Luc Volders - Nr.: LV 002 : 33/ST/LV002/A : P 1986 Stemra

HOME PLAATSNAMENOVERZICHT HOME

VEER DOON 'N SCHÖPKE D'R BOVEN-OP
2001/2002 : Tekst: Roger Eikenboom - muziek: Matty Eikenboom
Oetveurende (*) : Sjots & Sjeif

Veer doon 'n schöpke de boven-op, v'r kriege de kolder in de kop.
Eder jaor um dizzen tied, höbbe veer achteraaf weer sjpiet.
Veer doon 'n schöpke de boven op, mèh deze kjèr kome veer neet sjtop.
Want veer laote os nog mèr ins goon, d'r zal gein pilske mjèh blieve sjtoon.

Drie daag zin veer op zeuk, nao lekker glèskes beer, ze lache oos aan.
Wat moot ver doon, Völ drinke goon, Pilske laote sjtoon, Laot goon.

Kiek, wat sjteit dao zwà sjwan, en pilske op 't buffet.
Tong oet de mond, Hup maske aaf, Glaas aan de kop, Geif um eine vèg , 't is lèg.

HOME PLAATSNAMENOVERZICHT HOME

VEER GOON NOG EVE DOOR
Tekst & muziek: Leon Volders

Refrein:
la la la la la la la la la la la la
veer zette alles op de kop en kome neet mje stop
la la la la la la la la la la la la
kieke neet op un oor want veer goon nog eve door

eeder jaor dan goon veer zoonder zörrig weer op stap
met vastelaovend met vastelaovend
veurop de hermenie met de gansche kompenie
op deze vastelaovesreunie
opzie opzie dao kome veer weer aan
aan de kant maak vrie veur os de baan
veer jonges weitte 't waal
zwa trekke veer van zaal tot zaal

ederein van ederein jao is familie
hie met vastelaovend met vastelaovend
de OPA en de OMA ouch 't menneke van DRIE
ze springe same op dees melodie
eder jaor weer en met veul kabaal
zinge veer weer in os eige taal
hoeraa hiep hiep hoeraa
van zaal tot zaal
hiep hiep hoeraa...............

HOME PLAATSNAMENOVERZICHT HOME

VEER WILLE SJOEM
Tekst : Luc Volders - muziek: Leon Volders
Uitvoerende artiest: CV Twè Vingersj Sjoem

Refrein:
Veer wille sjoem, sjoem, sjoem, twè vingers dik.
Twè vingers sjoem , dat is wat ich gaer sjlik.
Twè vingers sjoem, dat is osze club.
Veer zeen te vinge in kaffee en pub.
Twè vingers sjoem, jao, dat is wat ich gaer sjlik.

Veer höbbe altied gaire eine vinger in de pap.
De vinger aan pols es soms de hartschlaag is ghèt slap.
Auch zit ich waal ins gaer met eine vinger in de naas.
Mhè 't leefs van al höb ich twè vingers sjoem al in mien glaas.

En noe nao bed, nao bed, noa bed, zag osze duimelot.
Mhé jhërs nog ghèt te ete, zag dae likke-likke pot.
En es dan ghèt gehaold woord door dae ringe-linge-ling,
haw ich 't leefs dat èr 2 vingers sjoem, jao, sjoem op sting.

HOME PLAATSNAMENOVERZICHT HOME

'T VOLK BESJLIS
2000/2001: Tekst & muziek: Leon Volders
Uitvoerenden (*) : Leon & Luc Volders en de Vovacobavos

Eder jaor met carneval, dan weurd toch weer besjlis,
wai van alle leedsjes noe de boot weer haed gemis.
’t Is dan soms ein gekkehoes, eine verwarde boel.
Mè toch keump alles good terech, de waörd van Alf Poell:

Refrein:
’t Volk besjlis, ’t volk besjlis, mot de jury dat neet doon.
’t Volk besjlis, ’t volk besjlis, wa veer dit jaor op springe goon.
’t Volk besjlis, ’t volk besjlis, wai haed ’t schwanste leed.
’t Volk besjlis, ’t volk besjlis en wai haolde ’t net neet.
’t Volk besjlis, ’t volk besjlis is veur ôs de beste kreet.

Nao de jhèrste schifting, mot ’t volk aan de schlaag.
Bônne weure ingevuld, ’t is allemaol nog ghèt vaag.
De jury telt en telt en telt, ’t volk haed besjlis.
Mè toch is volges ôs aan dees formule nog ghèt mis.

Dan keump de finale en dat is pas grandioos.
Al beste hie al beste dao, dao is altied waal ghèt loos.
Oeteindelik wint toch altied ’t beste oet de stal.
’t Gezegkde dat ‘t volk besjlis, is geine scheile kal.

* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101

HOME PLAATSNAMENOVERZICHT HOME

DE WAUWELSAMBA
Tekst & muziek: M.Bruynen
Zang(*) : Jongerenkwar Rothem o.l.v. Jack de Wilde

Intro (4x):
Sjut ins in, drink ins oet

De Meersjenaere wauwele gaern, zwa es wie euveral.
Geroddel euver Fien en Ber, veer zegke "sjeile kal".
Es e praotsje tjen warre geit weurdt 't gaw eine ganse berg.
In feite is de werklikheid jhellemaol nog neet zwa erg.
Noe zegke veer "alaaf", de zorg is van oos aaf.

Refrein:
De Meersjenaer hilt van plezeer,
drink gaer e dropke of e glaeske beer.
Met vastenaovond kint heer zich goog amuzere,
al kos 't aog get cent, dan kint 'm dan neet dere.
Haw noe ins op met 't ge-awwe-hoor,
zak veur 'ne kjer ins lekker door.
Sjuuf alle zorg ins van de baan, trek dich ins alles neet zwa aan.
Dan kinste euvermorrige weer de tegenaan
Sjut ins in, drink ins oet (5x)
Sjtop, noe zeen v'r zaat.

HOME PLAATSNAMENOVERZICHT HOME

WIE AWWER, WIE GEKKER
2002/2003 nr.1 : Tekst & muziek: Richard Mulders
Zang: Sjeigelenteire

Refrein:
Wie awwer tot ste weursj, wie gekker tot ste bès.
Mèr vastelaovend viere veer en houwe op die kis.
Wie awwer tot ste weursj, wie gekker tot ste bès.
Veer viere vastelaovend, dao is toch niks mét mis.

Bep laog nog in de weeg en waor nog veul te klein.
De mam zag: Blief mèr hie, vier goon noch waal allein.
Mèr toen, ut jaor daonao, dach Bep: ich gaon noe mét,
en zaot toen, mét de rammelaer, dao achter ut buffet.
Bep woord toen zellef mam, de dochte ging op sjtap.
Die zag: 't is carnaval, blief dich noe mèr bie pap.
Mèr Bep, die waor neet gek en vloog de zolder op,
en leep mich toen de optoch mèt, ut baby-masker op.

Jao, Bep, die is noe neugetig en zit in Beukeloord,
en mèt de carneval helt zie ut hwagste woord.
En es ut maondig is, d'n optoch trek veurbie,
dan löp mich Bep de polonaise, met Sjirke aan heur zie.

HOME PLAATSNAMENOVERZICHT HOME

ZE KIEKE ALLEMAOL
2001: Tekst & muziek: Leon Volders
Zang (*) : Leon & Luc Volders

Refrein:
Kiek ze kieke allemaol
Jao veer höbbe de grwatste laol
En oos zate hermenie
Spaelt de sjlagers op un rie
Wa veer op spreenge hup ein, twee, drie
Kiek ze kieke allemaol
Jao veer höbbe de grwatste laol
Ederein is op de bein
Limburg is vandaag te klein
Och wat is 't leve fijn

Kieke kos niks weurd gezag
Meh vergeet neet diene lach
Den optoch trek aan dich veurbie
Veer loupe met un zate hermenie
Veer kieke oos de auge oet
Wat ein stumming brink die toet
Höbs stig dat nog nwats gezeen
En ederein held drie daag peen

Kaenger kieke nao oos op
Is dat opa met dae kop
Toch veenge ze 't manjefiek
Te kieke nao dae ganse boonte kliek
En wae neet geit dae blief mher toes
Koekeloere in zien hoes
Kriegste dan gein kippevel
Es veer dan rope weer jhel hel......

* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101

HOME PLAATSNAMENOVERZICHT HOME

ZEEN ICH VAN WIETS MIEN GOOD AUWD MEERSJE
Tekst: Louis Volders - melodie: 'Zie ik de lichtjes van de Schelde'
Zang(*) : Leon & Luc Volders

Dao is op de waereld veur edere minsch
un plekske wo heer is gebore
die plek haet heer leef en 't is ziene wunsch
dat die plaats bove al weurd verkoze
is heer in de vraemde dan dink heer soms nog
vol heimwee dao waal ins aan trök
want deep in zien hart
och dan zuut er soms nog
het dörröpke van zien geluk

Refrein:
Zeen ich van wiets mien good auwd Meersje
dan geit mien hart weer sneller sloon
zien Baseliek zien auw historie
make dat ich dao gere woon
in Meersje dao baen ich gebore
dao lik mien jeug
dao weur ich auwd
dao wil ich begrave weure
um dat ich zwa van Meersje haud

och Meersje wat krieg ich toch veur ein geveul
wjer ich euver dich sjokkenere
dao geit toch niks bove mien dörp aan de Geul
me kint dich gerus presentere
de poort van de geulvallei neume ze dich
de parel aan limburgse krwan
och Meersje mie dörröp
ich haud zwa van dich
ich ving dich zwa goot en zwa swan

* lp (1986) : "Vastelaovend in Meersje" - Prod.:Leon & Luc Volders - Nr.: LV 002 : 33/ST/LV002/A : P 1986 Stemra

HOME PLAATSNAMENOVERZICHT HOME