HOME PLAATSNAMENOVERZICHTHOME


AL 2 x 11 JAOR
1998/1999: Tekst & muziek: Hans Janssen & Bart van Vlodrop
Uitvoerende: Die Original Vlootbachtaler Spatzen


Refrein:
Al 2 x 11 jaor op ein riej,
heurt de leedjesaovendj d'r bie.
Eeder jaor sjoenkelt groot en klein,
mit, det kan in Lin allein.
Al 2 x 11 jaor zinge veer,
van Wiebölle Kiek dao, dao is d'r weer.
Dao is maar ein dörp wao det kin,
en det is bie os in Lin.

't Begos mit det kan in Lin allein,
det vonje veer sjoon, det vonje veer fijn.
Jaore later deej ederein zien auge toe,
en druimde van Wie! Waat! Hoe!

Wie aojer, jao wie gekker,
det geldt van Kuulkop toet Kwekker.
Zoes geer weit zeen veer oet Lin,
en höbbe 't nao oosse zin.

Veer houwde veur 't eers op de kis,
mit Carnaval is 't sjoonste waat d'r is.
Veurig jaor ging Lin draan,
mit 't leedje van de kirktorehaan.


HOME PLAATSNAMENOVERZICHTHOME


ALTIED VAN DE PARTIE
2006/2007: Tekst & muziek: Har Slabbers
Zang: Club van Aod Prinse

Refrein:
Veer zeen altied - van de partie, en bringe laeve in de broewerie
Zo zitj biej oos toch sjteeds - de vork weer in de sjteel
En det hêltj dich toch - zo jônk van zeel
mer daomêt - is nieks verkieërdj - want aod gedaon is jônk - gelieërdj
daorôm zeen veer sjteeds van de partie - en bringe laeve in de broewerie

Biej eeder bal, biej eeder fieës zeen veer van de partie
………………………..det maaktj ut laeve sjoeën
Ut maaktj neet oet mêt waem of waat, det geitj in harmonie
………………………..det maaktj ut laeve sjoeën
t’is un feit waat hie toch têltj, det wintj aan simpatie
………………………..det maaktj ut laeve sjoeën
jônk en aod is kammeraod, det vormtj toch oze ruggegraot

Gezelligheid det sjtuitj veurop, det geitj toch baove-al
……………………… det maaktj ut laeve sjoeën
Gewazel lekker ôngerein, mêt flink get sjtômme kal
………………………..det maaktj ut laeve sjoeën
Un good humeur det duitj zoveul, det haole veer van sjtal
………………………..det maaktj ut laeve sjoeën
Det leutj dich toch neet los, heurtj biej oos wie de aezel biej de os


HOME PLAATSNAMENOVERZICHTHOME


BIE ÓS DREJTJ ALLES ÓM DE VASTELAOVENDJ
2008/2009: Tekst & muziek: Norbert Thijssen
Zang: Róndj de 40


't Fieëste is begósj, nemes stjuit nog sjtil
Ózze Vastelaovendj, det maaktj 't versjil
Walse door de sjtraote, hosse in 't café
Hie is alles OK
Oetgelaote, óngebónje
Höbbe ózze drej gevónje

Refrein:
V'r duzele en drejje, sjtaon lekker hel te krejje
En tolle oppe bein
V'r sjpringe en v'r zjwiere, det's vastelaovendj viere!!
Gezellig óngerein
Jao v'r drejje lekker door
Toet 't lèste oer
Jao bie ós, jao bie ós, drejtj alles óm de vastelaovendj
Jao bie ós, jao bie ós, drejtj alles óm de vastelaovendj

Rundjes links of rechs, det is knatsj egaal
Pak uch bie de erm, trek mer dore zaal
Sjoenkel zónger zörg, wie 't windje wejtj,
Det is wo 't óm drejtj
Oetgelaote, óngebónje
Höbbe oze drej gevónje

V'r blieve mit de beinkes oppe gróndj
En toere mit zien alle in 't róndj

Hey ober zèt dich mer sjrap
Noe wurtj 't tied veur 'n rundje ane tap


HOME PLAATSNAMENOVERZICHTHOME


CARNAVAL IS 'T SJOONSTE WAAT D'R IS
1996/1997: Tekst: Die Original Vlootbachtaler Spatzen - muziek: Hans Janssen

Refrein:
Carnaval, det is 't sjoonste waat d'r is,
Carnaval, nae dao is toch nieks met mis.
Carnaval, det is 't sjoonste waat d'r is,
Van de 11de van de 11de toet ut aswoonsdig is.

Op zondig trekke v'r door de sjtraote,
Nae nae, det kinne v'r neet laote.
Det doon veer met veul plezeer,
En drinke un lekker glaeske beer.

En op de boerebroelof-maondig;
Trekke veer un gek gezich.
De boer trouwd dan met zien vrouw,
En sjwaert die de eeuwige trouw.

Op dinsdig is ut poetebal,
De kinjer viere dan carnaval.
En 's aoves baale veer es unne sjtekker,
Biej ut verbranje van de kwekker.

En zitte veer 's woonsdigs in de mis,
Mit ein askruutske veur de kop.
Daonao aete veer heeringe-vis,
De carnaval zit d'r weer op.
Maar neet getreurd, volgendj jaor gaon veer weer carnavalle,
Maar eers laote veer dit refrein nog eine keer knalle.


HOME PLAATSNAMENOVERZICHTHOME


DET KAN IN LIN ALLEIN
1978: Tekst & muziek: Chris Breukers

Refrein:
Lin, Lin, Lin, geuftj weer gaas
Lin is 't sjoeanste dörp ane maas
Net neet te groeat en net neet te klein
Danse en sjpringe mit ederein
Det kan in Lin allein
Det kan in Lin allein

Drie daag zeen ós besjaore, te make väöl plezeer
Den drinke veer ós same ein lekker glaeske beer
Den optoch trekjt ouch eder jaor, door 't Linner Kwekkertelandj
Veer doon ouch mèt wie ederein, en sjtaon neet ane kantj

En as de maon dao baove al aan den hemel sjteit
Verdwiene alle zorge al is ter soms ouch leid
En as veer den nao hoes toe gaon, veer zeen nog lang neet meug
Veer zegke welteruste en missjien toet morgevreug

En is't vastelaovendj, de zorge ane kantj
Kom laot ós same danse en sjpringe handj in handj
De miense zeen hie altijd blie, en daoróm tot besjloeët
Veer rope same Lin Alaaf en zinge hóngerd oet


HOME PLAATSNAMENOVERZICHTHOME


EFFE CHJEKKE
2003/2004: Tekst: ? - muziek: ?
Zang: De Sjpetters

Refrein:
Effe chjekke effe chjekke
Zeen hie nog meer gekke
Net zo'n luuj wie veer
Gek van vastelaovendj en nog meer
Effe chjekke effe chjekke
Blief noe maar ins plekke
Laot dich duchtig gaon
Pak dich vas en blief hie noe neet sjtaon
Effe chjekke effe chjekke
Gooi die hendjes in de loch
Drei die heupe in de boch
En noe doot mer lekker mit os mit

3 daag moog ze dich gaeve
alles in dien lief kumptj toet leave
en doe lups veurop, zit's de tent mit oppe kop
jong waat is ut toch sjoon om mit te doon

3 daag vreug ze neet wo-veur
alles in dien sjtroat krieg weer kleur
en doe lups veurop, zit's de optoch oppe kop
jong waat is ut toch sjoon om mit te doon

3 daag wetse neet waor-om
alles in dien kes lik anger-som
en doe lups neet meer rech en doe veuls dich zo sjlech
jong waat waas ut toch sjoon om mit te doon.


HOME PLAATSNAMENOVERZICHTHOME


ES VEER DE KWEKKERT GAON VERBRANJE
2004/2005: Tekst & muziek: Norbert Thijssen
Zang: Norbert Thijssen

't Geveul van dae dinsdig is sjoean
Det kruuptj van mien köpke toet in mien sjoon
Ich dink den aan dien gezich
Kwekkert doe huuërs bie mich

Dien greune sjnoet die sjteeds nao mich lachtj
Doe nums mich mit toet deep in de nach
Erm in erm gaon veer
Det guf mich väöl plezeer

En den sjleit de klok ze-he-ve oer
't Wurdj langzaam drök in de sjtraote
En veer zinge same wie ein Lins koear
"Dae Kwekkert geit ós noe verlaote"

Refrein:
Veer kómme bie ein, kómme bie ein
Nog ein keer same op dit plein
't Is bienao veurbie, nog ein keer die rie
En sjtaon mit de Prins noe zie aan zie

Veer gaon de Kwekkert noe verbranje
De Linner hemel kluuërtj oranje
Roead, gael en greun is de kleur van ós blood
Zoea hie te sjtaon jao det duit ós ech good

Op aswoonsdig verlang ich weer trök
Nao die sjoean daag van plezeer en gelök
Dae vastelaovestied
Jóng den veul ich mich riek

Hee Linner Kwekkert ich laot dich neet gaer gaon
Ich dink aan dich trök mit 'n lach en 'n traon
Den kumptj dae dinsdig weer
Door mien gedachte haer

En den sjleit de klok ze-he-ve oer
't Wurdj langzaam drök in de sjtraote
En veer zinge same wie ein Lins koear
"Dae Kwekkert geit ós noe verlaote"

Veer gaon de Kwekkert noe verbranje
De Linner hemel kluuërtj oranje
Roead, gael en greun is de kleur van ós blood
Zoea hie te sjtaon jao det duit ós ech good

Ouch al is den de Kwekkert verbrandj
Hae kumptj weer trök in ós Linner landj
Kwekkert doe bös mit mich ein gehieël
Ich haoj van dich mit hert en zeel


HOME PLAATSNAMENOVERZICHTHOME


HEURE, ZEEN EN ZWIEGE ...
1999/2000 : Teks: H.Delissen, P.Evers & J.Evers - meziek: J.Evers

Bie mooder in de keuke, dao waas altied get oet.
Dao zoot os Sjra en Tjeuke, want die haaje nog gein broed.
De eine kos neet kalle en d'n angere, dae waas blindj.
Mer biej mooder in de keuken, dao waerdje die verwindj.

Refrein:
Veer motte heure, zeen en zwiege, want veer höbbe 't veul te good.
Baeter hove veer 't neet te kriege, gein risico en gein gekloot.
Veer motte heure, zeen en zwiege, want veer höbbe 't veul te good.
Baeter hove veer 't neet te kriege, en zwiege zo de leuge dood.

Mien vader mos ich zeuke, want mien moder, die waas kwaod.
En same mit Sjra en Tjeuke leep ich toen euver sjtraot.
Biej Rich in 't kafeeke, dao waore zien remme los.
Mèr good det Sjra neet kieke en Tjeuke nieks verraoje kos.

Tjeu zoog ein leuk maedje, en wol dao gaer'ns mit op sjtap.
Mèr omdet Tjeuke neet kos kalle, leep d'r nao Sjra, dao aan de tap.
Ze ginge same nao det maedje, hae wis neet wie d'r 't had.
Want 't keek Tjeuke in de auge, wie 't zag: "Sjra, doe leeve sjat".


HOME PLAATSNAMENOVERZICHTHOME


HIE BRIKTJ DE HÊL WEER LOS
Tekst & muziek: Har Slabbers
Zang: Aod Prinse Lin

Refrein:
Hie briktj de hêl weer los
Hie briktj de hêl weer los
Hie waerdtj gedanstj gezônge en gehosj
Hie briktj de hêl weer los
Hie briktj de hêl weer los
En is noe eederein de klos
D’r waerdtj allein nog mer genaote, nae v’r gaon neet door ein hêl
En zeen un bietje oetgelaote want de sjpas is hie in têl
Hie briktj de hêl weer los
Hie briktj de hêl weer los
En is noe eederein de klos

In miene druim loog ich fijn te sjlaope
ônger eine linjebaum
mer toen ginge mien uigskes aope
unne leeuw versjteurdje miene draum
es wieckse witte houw ich ut sjnel door
baove mich zông ut alfakoor

Auch Hertog Jan kreeg de sjmaak te pakke
nom unne gulpener bie de handj
hae houw zin om ins door te zakke
zong zien kaelke helemaol in brandj
Christoffel goof un rundje vanne zaak
en reep volkomme oet zien daak


HOME PLAATSNAMENOVERZICHTHOME


HÖB ZE EINNE RIMPEL
2004/2005 nr.1 : Tekst: José Schrouff - muziek: Cees de Wit
Zang: De Sjpetters

Refrein:
Höb ze einne rimpel of hink dich noe ut vel
Maak dich dao neet drök om want ut laeve geit heel sjnel
Amusere lekker sjmere
En vergaet noe kommer en kwel

Is diene boek ein boepakket
Gemaak van frikandelle en kroket
Zeen dien ore wie die van unne haas
Of höbs ze eine pukkel oppe naas
Mit vastelaovendj vilt det gaar neet op
Dus zit de tent mer oppe kop

Is diene kop ein sjnelkaokplaat
Zonger haor en gans gans glaat
Sjtaon dien luppe get wiet oet ein
Of höb ze dieke aore oppe bein
Mit vastelaovendj vilt det gaar neet op
Dus zit de tent mer oppe kop

Hange dich de walle toet de kin
En kump ze soms oet mofert neet oet lin
Höbs ze knoebele oppe teen
Of kin ze noe van wiet aaf nieks meer zeen
Mit vastelaovendj vilt det gaar neet op
Dus zit de tent mer oppe kop


HOME PLAATSNAMENOVERZICHTHOME


KIEK DAO, DAO IS D'R WEER
1990: Tekst: Har Slabbers - muziek: Har Slabbers & Peter Douven
Zang: De Aod Prinse

Kiek dao, dao is t'r weer, jao dao hub se ooze prins alweer
kiek ins wie'd'r drejtj, en wie hae met de septer zjwetj
zaek jong ,trek die ker,auch al mosse nog zo ver
laot gaon, laot gaon, 't is nog lange neet gedaon

Kum se oppe prinsebal den heur se miense zaegke
Jan of Piet of Lei of Wiek, waem zal ut toch waere
miense sjtaon te kieke wie hae teveursjien springtj
is dao de ware sjtumming want eederein dae zingtj

Met de vastelaovesdaag den leutj hae zich good kieke
de vreugdje van ut prinssjap det leutj t'r den good blieke
is geleefdj bie alle luuj, miense grooet en klein
is hae veur heur de ware want eederein dae zingtj


HOME PLAATSNAMENOVERZICHTHOME


KOM MIT OS FEESTEN
2003/2004: Tekst & muziek: Jos Phillips
Zang: Die van Os en die van Uch

Refrein:
Kom mit os fee-sten
Zo rich-tig fee-sten
Hiep-hoi houw op die trom
Det is neet sjtom
Kom mit os fee-sten
Zo rich-tig fee-sten
Veer hubbe zin d'rin
Doot mit os mit

Is eder hiej
En auch zo bliej
Kom,laot os noe zingen
Geer aan de kantj
Pak euch ein handj
En gank samen springen
Bon toch neet zo sjoew
Mit dees dolle daag
Mer pak euch biej de kraag

Ha-lo ha-hie
Sind geer auch hie
Veur de polonaise
Pak 'm noe vast
Dae kleijerkast
Dans de polonaise
Blief toch neet zo sjtaon
En dans-mit al-die daag
Doot gek en loat um gaon


HOME PLAATSNAMENOVERZICHTHOME


LOAT MICH GOAN
2000/2001: Tekst & muziek: Die van Os en die van Uch
Zang: Die van Os en die van Uch

's Morges vreug 's aoves laat maakt neet oet wanneer
Bewaege doon ich altied gear mit ein glaeske beer
Links ein bein rechts ein bein ze goan get op en neer
Ein omhoog ein omleeg kiek ze doon ut weer
Bewaege is gezondj dus draej mer mit dien kontj

Refrein:
Loat loat loat loat loat loat loat mich noe goan
Ich kin kin kin kin kin toch neet believe stoan
Loat loat loat loat loat loat loat mich noe goan
Ut is noch is noch is noch lang neet gedoan doan lang neet gedoan doan
lang neet gedoan doan lang neet gedoan doan lang neet gedoan.

Laup ich door de stroat ich heur de hermenie
Laup ich in de moat ich bun van de partie
Linker bein rechter bein ze goan weer op en neer
Kiek toch ins allemoal wie ich sjuins marcheer
Bewaege is gezondj dus draej mer mit dien kontj

Es ich goan bewaege stoan ich neet meer stil
Sjunkele sjunkele det is wat ich wil
Links ein bein rechts ein bein alles op en neer
Dus doot mer mit allemoal ich zing noch eine keer
Bewaege is gezondj dus draej mer mit dien kontj


HOME PLAATSNAMENOVERZICHTHOME


MET VASTELAOVENDJ ZITTE VEER ALLES OPPE KOP
1997/1998: Tekst & muziek: Hans Janssen & Bart van Vlodrop

Refrein:
Met vastelaovendj zitte v'r alles ope kop,
V'r zitte dan oss sjoonste heudje op.
V'r hosse en sjpringe, danse en zinge,
Met vastelaovendj zitte v'r alles oppe kop.

Vastelaovendj viere veer in Lin,
Veer höbbe dan gooi zin.
Met die daag zeen veer paraat,
Van 's morges vreug toet 's aoves laat.

Bie ut heure van dae sjoone meziek,
Hiej in os kwekkerte riek.
Veule veer os thoes,
En gaon noch neet nao hoes.

Indiaan, clown of bees,
Eederein viert fees.
Man, vrouw of poet,
Met die daag is hiej get oet.

Ooze prins trektj dan door de sjtraot,
Gevolgdj door de kwekkerteraod.
Die zorge veur de sfeer,
En make sjtumming en plezeer.


HOME PLAATSNAMENOVERZICHTHOME


MIEN SJTERREBEELDJ IS ‘NE KWEKKERT
2006/2007: Tekst & muziek: Norbert Thijssen
Zang: Hoeage Noeat

Ich veul mich weer zoea riek
Es ich mit dees drie daag de sjterre weer bekiek
Det duit toch get mit mich
’t Guftj mich vleugels en ’ne lach op mien gezich

Woróm veultj det zoea good
Mien hert op hol mit kaokendj blood
Einen ingel sjluit de tróm
En ruptj nao mich: “Drej doe ‘ns óm!”

Ich zeen den ein Kwekkertesjnoet
Den zing ich, den zing ich voloet

Refrein:
Mien sjterrebeeldj is ‘ne Kwekkert
En det guftj mich ein hemels gelök
Det geveul det is toch zoea lekker
‘ch Krieg de rillinge euver de rök

Mien sjterrebeeldj is ‘ne Kwekkert
En de sjterre zeen mich good gezindj
In dees doldwaze tied in ós Kwekkerteriek
Dao bön ich weer zoea blie es ein kindj
In dees doldwaze tied in ós Kwekkerteriek
Dao bön ich weer zoea blie es ein kindj

Zie kómme weer veurbie
Die sjterrebeelde, die zeen allemaol weer hie
De Sjtier en ouch de Ram
Gaon oet häör daak en make lekker väöl tam-tam

De Waterman is B.O.B.
De Tweeling zuuptj weer dubbelop
Mer noe zeen v’r geliek
Kiek mer ‘ns nao ‘t hemelriek

Dae Kwekkert blinktj hoeag inne lóch
Den weit ich, den weit ich genóg


HOME PLAATSNAMENOVERZICHTHOME


NOE MOS ZE MICH DET HEURE
2003/2004: Tekst & muziek: Andrew Hendrickx
Zang: Och God Och God Och Germ

Refrein:
Noe mos ze mich det heure
Noe mos ze mich det zeen
Noe kiek mich al die kleure
Verkleid van kop tot teen
Ze danse door de straote
Ze hubbe veul plezeer
Ze kinne ut neet laote
Ze doon ut keer op keer.
Noe mos ze mich det heure
Noe mos ze mich det zeen
Noe kiek mich al die kleure
Verkleid van kop tot teen

Van oet ut hoge noorde ree ich door ut limburgs landj
Ich heurde doa muziek en zoot de auto aan de kantj
De miense lepe gans verkleid ich keek mien auche oet
En zelfs de kleinste kinjer lepe mit gesminkte sjnoet

Toen kwaom ut aangelaupe eine lach op zien gezich
begos mich aaf te vraoge lacht det maedje noe nao mich
Ich sjting mer get te kieke en het pakte miene erm
Ich dach toen bie mich zelf, och god och god och germ

Ut ging met mich aan danse ich kreeg ein heudje op de kop
Wis neet wat mich gebeurde jao toen leep ich al veurop
En idder jaor kom ich weer truuk en sjtaon ich aan de kantj
Dan bun ich dao aan 't wachten en den pakt het weer mien handj


HOME PLAATSNAMENOVERZICHTHOME


OEH-LA-LA-LIN
2003/2004: Tekst & muziek: Norbert Thijssen
Zang: Ut Poetebal

Vanoet Remunj kwaam de Uul dao aangevlaoge
Waat hae dao zoog bie ut sjpaor waas ongelaoge
Dao sjtonge Kwekkerte te hosse en te sjpringe
En heur nujtste vastelaovesleed te zinge

En dae Uul hej al besjlis: "Ich blief lekker in Lin" !
En reep toen nao de ober: "Sjöd d'r mich mer eine in"
Toen ging ut hie ech loos
De Vastelaovendj waas begos

Refrein:
In det sjoeane dörpke aan de Maas (Oeh-la-la-Lin)
Veur vastelaovendj eine gooie naas (Oeh-la-la-Lin)
Wao de kwekkert weer zien leedje kwaak (Oeh-la-la-Lin)
Olé olé (Oeh-la-la-Lin)
Olé olé (Oeh-la-la-Lin)

Vanoet ut ooste kwame geite aangemekkert
En zeije: "Oooh waat is det sjoean hie bie de Kwekkert"
Bie de Kloekers op de Stjoep ginge zie fiëste
En nao ein uurke sjtonge zie dao flink te beeste

En de geite sjpronge rondj en waerdje neet good sjnik
Gein sjtök in heure kraag mer van veure in de sik
Zie zonge toen in koear
Toet ein twee drie veer oer

Auch de Hoonder oet det Brach die kwame kieke
Die wole zich waal ins mit Kuulköpkes verg'iieke
Jao bie 'De Pool' begoste zie dao hel te kwake
En um ins lekker mit heur vrunj duchtig te rake

En ein Hoon die kreidje oet: "Ich stjop mit det getok
Det kwake det klink vas väöl leuker in mien Hoonderhok
lch bön en blief ein Hoon
Mer hiej in Lin is ut te doon"


HOME PLAATSNAMENOVERZICHTHOME


OME WIELIE IS WEER TRÖK
2004/2005: Tekst & muziek: Norbert Thijssen
Zang: Ut Poetebal


Op 't sjtrandj van de Copacabana
Dao sjleep Wielie, Señor Casanova
Hae druimdje zich ein Limburgs maedje
'n Bruudje zoea sjoean wie ei plaetje

Mer dae druim bleek ein Fata Morgana
Hae loog weer allein waat ein drama!
Dao koom den die melancholie
En Wielie vroog zich aaf: Waat doon ich nog hie !

Ich mis vastelaovendj in "Limburgia"
En pakdje 't vleegtuug oet Zuud-Amerika

Refrein:
Ouw Mök
Ouw Mök
Oze aoje Ome Wielie is weer trök
Hae is weer in ós landj
En sjpringtj weer oet de bandj
Mit zien èlf dansmerietjes bie de handj
Olé olé kóm dans mit ós dae samba
Kóm alle poete alle pappa's en die mamma's
Olé olé, waat höbbe veer gelök
Want oze aoje Ome Wielie is weer trök

Noe kiek 'm ins dao 't is good raak
Dao geit weer ein pan van zien daak
Ome Wielie zörgtj hie veur fiësta
't is danse non-sjtop gein siësta

Oh Janeiro de Rio wo bös se
Gein moment zal hae dich nog gaon misse
Dao vroog 'm toen nog ein signora
'Mós dich neet nao hoes, nao dien casa?'

Van dinke aan trökgaon krieg Wielie verdreet
Dus hieël Limburg zingtj noe dit vastelaovesleed

Kóm laot die ermkes zjwejje (Hei jaja hei jajo)
Kóm laot die heupe drejje (Hei jaja hei jajo)
Kóm laot ós nog ins krejje (Hei jaja hei jajo)
Ouwwwwwwww


HOME PLAATSNAMENOVERZICHTHOME


OPPE LÓCHGITAAR
2007/2008: Tekst & muziek: Rob Smeets & Norbert Thijssen
Zang: Zang: Duo Ommesang


Toen ich es kleine jóng nao Toppop keek, zoog ich die men dao sjtaon
Mit bakkebaarde lange haor, oppe sjnaore sjlaon
ACDC, Status Quo, de heldje van mien jeug
Die LP's höb ich gries gedrejdj en waerdje ich noeats meug
Sjtóng oere veur de sjpegel, mien broor vónj mich mer raar
Ich zei “Sjpeel dich mer mit dien klokkesjpel, ich höb mien lóchgitaar”

Refrein:
Veer gaon same, same lekker vastelaovendj viere
Mit rock and roll, oet de bol
Drie daag lang de grótste lol
Veer gaon same, same lekker vastelaovendj viere
Rock 'n rollendj, mit vastelaovendj, sjpele mit mekaar
Rock 'n rollendj, toet dinsdigaovendj, oppe lóchgitaar

Dit jaor mit de carnaval, laot ich mien kloonspak toes
Ich höb nieks mit 'n boerekiel of 'ne roze bloes
Drie daag gaon v'r in 't laer, of inne sjpijkerjas
En kiek die haore wappere, alles oet de kas
Gein sambabal is nuuëdig, allein mer dit gebaar
Ich sjpeel mit mien bloeate henj, oppe lóchgitaar

't Linker hendje inne loch ('t Linker hendje inne loch !!)
't Rechter op en neer (op en neer!!)
't Köpke lekker knikke ('t Köpke lekker knikke !!)
en zinge nog 'ne keer, en zinge nog 'ne keer


HOME PLAATSNAMENOVERZICHTHOME


’T POETEBAL GEIT DISCO
2006/2007: Tekst & muziek: Helna Geurts & Norbert Thijssen
Zang: ’t Poetebal

Veer höbbe get inne kop
De Kuulköp gaon veurop
De Kwekkerte d’rachteraan
En DISCO is de naam
Dans mer mit, sjpring mer mit
Want disco hèltj dich fit

Refrein:
P.O.E.T.E. ’t Poetebal geit disco
P.O.E.T.E. en nemes geit hie solo
P.O.E.T.E. veer gaon lekker sjtappe
P.O.E.T.E. en in die hendjes klappe
Veer gaon nao de discosjoo, zinge in de disco
Veer gaon nao de discosjoo, sjwinge in de disco

“Pie Wiepe” en väöl kleure
waat sjteit d’r te gebeure
’t is van uch en ós
sjödde mit dae bós
Dans mer mit, sjpring mer mit
Want disco hèltj dich fit

Noe drej mer mit dien batse
Laot gaon mit gekke fratse
Vinger in de lóch
Det is lol genóg
Dans mer mit, sjpring mer mit
Want disco hèltj dich fit

Refrein:
P.O.E.T.E. ’t Poetebal geit disco
P.O.E.T.E. en nemes geit hie solo
P.O.E.T.E. veer gaon lekker sjtappe
P.O.E.T.E. en in die hendjes klappe
Veer gaon nao de discosjoo, zinge in de disco
Veer gaon nao de discosjoo, sjwinge in de disco
Veer gaon nao de discosjoo, zinge in de disco
Veer gaon nao de discosjoo, sjwinge in de disco
D.I.S.C.O


HOME PLAATSNAMENOVERZICHTHOME


SJATTE EN SJAVUITE
2007/2008: Tekst & muziek: Helna Geurts & Norbert Thijssen
Zang: ’t Poetebal


Refrein:
Euver de maas mit de sjuut nao Lin
Want in ein fieës höbbe veer waal zin
Waat is dao te viere waat is dao ane handj ?
V’r sjnappe ós eine oet ’t vastelaoveslandj
En gaon dao ‘ns lekker mit kuite
Want veer zeen de sjatte en sjavuite!
En gaon dao ‘ns lekker mit kuite
Want veer zeen de sjatte en sjavuite!

Mit Johnny Deep en Linke Loes
Woeste Wanda, neet veur de poes
Dölle Dolores: “Noe haoj dich vas,
Kumtj dich alles good van pas!”
V’r zeen echte pirate
En haoje alles inne gate

Ouch is d’n Haok vanne partie
Kiek Ruige Rosso jao nondepie
En Zjwarte Zora neet te vergaete
Die höbbe drie daag nieks gegaete
V’r zeen echte pirate
En haoje alles inne gate

Hee sjtille Sjtiena en Meug Mèrie
Zitte bie ós ouch weer d’rbie
Die zeen ech neet te ongersjatte,
Waat die zich euveral jatte
V’r zeen echte pirate
En haoje alles inne gate

Veer gaon det Lin ens flink verrasse
En zulle ’t verkske hie ens wasse
Want dees’ Sjatte en Sjavuite
Koste uch noe flink get duite.
V’r zeen echte pirate
En haoje alles inne gate


HOME PLAATSNAMENOVERZICHTHOME


SJUT NOG MER INS IN
2006/2007: Tekst & muziek: Har Slabbers
Zang: Die van oos en die van Uch

Refrein:
Sjut nog mer ins in, want veer drinke d’r nog eine
Zo geitj det altied weer, van ut begin toet aan ut eindje
Laeve dit laeve, ut geitj neet ôm de wôrs
Dus sjut nog mer ins in, want veer barste van de dôrs

Eelenj is t’r mieër den zat, dink dao-aan neet te duk
Mer laot dich ins oetwejje, mêt de windj in diene ruk
En pluk de daag dae kómme geitj, waat dae dich bringe zal
Geneet mêt volle teuge, want det geitj toch baove-al…….dus

Fluitendj door ut laeve gaon, det klinktj toch wie meziek
Den zeen ich toch zo sjtraolendj oet, es ich in de sjpeegel kiek
Gaon gerusj ins lekker sjtappe, lik dao toch neet wakker van
Det duitj oos aller miense good, zolang men det belaeve kan……dus


HOME PLAATSNAMENOVERZICHTHOME


'T KAN ALLEMAOL
Tekst & muziek: Har Slabbers
Zang: Die van Oos en die van Uch

Refrein:
Mer ut kan allemaol gebeure mêt dees daag
Jao ut kan allemaol gebeure mer ut leefste neet vandaag
Ich hub mien vastelaovespekske aangedaon
Want ich wil vandaag ins aan de boemel gaon
Mer ut kan allemaol gebeure mêt dees daag
Jao ut kan allemaol gebeure mer ut leefste neet vandaag
Dao sjtuitj mich noe toch gaarroet nieks mieer in de waeg
Want vandaag verkoup ich um ein flinke vaeg

Op ut nipperke nao de bekker och det kumptj waal dukker veur
Mien geveul det woor neet lekker sjting veur un gesjlaote deur
Snapdje mich toen gauw de sjtaole ros op zeuk nao nuuj geluk
Mer toen woor ich toch alweer de klos want de bandj sjting oppe suk

Mêt mien vrunj ins lekker sjtappe is op-ins de beurs hieel plat
En ut is toch waal te sjnappe houw auch neet gaer oppe lat
Gauw get geldj det kintj mêt pinne en in mien code neet vergisj
Mer waat môsse den verzinne es det dink boete wirking is


HOME PLAATSNAMENOVERZICHTHOME


DE TROMMELEER VAN LIN
2002/2003: Tekst: Andrew Hendrickx - muziek: Theo van Montfort
Zang: Die van Os en die van Uch

Refrein:
Joa Joa doa is der weer
Joa Joa doa is der weer
Joa doa hubs ze oze trommeleer

Van verre kump der hear
Och wat sjpeelt der gear
De trommeleer van Lin
Haet weer zin der in

Hoalt alles oet de kas
Sjpeelt mit de grootste sjpas
Kump hae in eine zaal
Maakt der veul kabaal

Noe kiek hem doa ins goan
Nemes dae blief stoan
Nemes dae meer zit
Ederein duid mit

Noe gaef hem vrieje baan
En sloet maar achter aan
Doa geit der weer veurop
Nemes held meer op

De prins en ziene road
Laupe oet de moat
Lup hae aan her zie
Is det zo veurbie

Hae maakt zo veul plezeer
Ut lukt hem iddere keer
Ze veule zich hie toes
Nemes geit noa hoes.


HOME PLAATSNAMENOVERZICHTHOME


VASTELAOVENDJ VIERE SAME
Tekst & muziek: Har Slabbers
Zang: Club van Aod Prinse

Refrein:
Vastelaovendj viere same, same ôngerein
Vastelaovendj viere same, det duitj hiej grooët en klein
In eeder durp, gehuch of sjtad
Sjpriktj eeder zien eige plat
Mer vastelaovendj viere v’r same, same ôngerein

De rooëd, gael, greune kleure die bringe oos bie- ein
daomêt geitj ut gebeure en viere veer mêt- ein
Welk dialek gesjpraoke waerdj, is neet wô ut ôm geitj
Mer det men zich den ôngerein geweldig good versjteitj
Ut is un fieës veur eederein, bringtj jônk en aod hie oppe bein

De vastelaovendj is veur oos ein ware heppening
Kriegs daovan den ut fijn geveul van de verbroedering
De zoepkoel en ut lvk zeen dao-in haos uniek
Daodoor blieftj vastelaovendj toch nog altied manjefiek
Ut limburgs volk is t’r veur klaor, veur ut sjpektakel van ut jaor


HOME PLAATSNAMENOVERZICHTHOME


VASTELAOVENDJ VIERS SE NEET ALLEIN
1999/2000 : Tekst en muziek: Hans Janssen & Bart van Vlodrop
Uitvoerende: Die Original Vlootbachtaler Spatzen


Refrein:
Vastelaovendj viers se neet allein, ut is een fees veur eederein.
Eederein duit mit, sjing boem retteketet.
Vastelaovendj viers se neet allein, ut is een fees veur eederein.
Veur groot en klein, erm en riek, aad en jonk, dun en diek.
Vastelaovendj viers se neet allein.

Mit vastelaovendj gaon veer der veur,
drie daag gein gezeur.
Veer make same sjpas en gein,
want vastelaovendj viers se neet allein.

Mit vastelaovendj zeen veer van de partie,
drie daag zeen veer dan blie.
Gans Lin is dan oppe bein,
want vastelaovendj viers se neet allein.

Mit vastelaovendj gaon veer der op oet,
drie daag sjmink oppe sjnoet.
Det duit dan eederein,
want vastelaovendj viers se neet allein.


HOME PLAATSNAMENOVERZICHTHOME


VASTELAOVESLEID
2004/2005: Tekst & muziek: Norbert Thijssen
Zang: De Zangzäödjes


Oze Baer ging mit vrunj nao 't Prins oetrope haer
Ging danse, hosse, sjpringe jao det duit hae eimaol gaer
En wie 't maske veel waas de nuje Prins bekindj
Ein gaat sjpróng Bèr dao in de lóch mer waas nieks mieër gewindj

Hae veel zo vanne teek via de krök op ziene sjnoet
Mit traone in de ouge krejdje hae zien leid dao oet

Refrein:
Ai ai, ich höb de boeks kepot
Ai ai, en oug ein blauwe vot
Auwieë auwieë de knie gesjaaf
En mien jeske dao is oug nog ein sjtök moew vanaaf
Ai ai, ich höb ein dieke lup
Ai ai, en ein gekneusdje röb
Auwieë auwieë mien dieke teen
En mien ouge ich gluif det ich weer döbbel zeen

Oze Piet hej get sjoeans veur d'n optoch geprobeerdj
Ein drie döbbele salto op 't zadel van zien paerd
Zien merrie dach: "Jao det gesjpring det bringtj toch ongelök
Ich bön toch geine aezel sjtraks höb ich 't inne rök"

Wie Pietje waas gesjpronge noom die merrie zich de bein
Hae knaldje oppe gróndj en sjrieëvdje toen mer dit refrein

Jao ich wól mit vastelaovendj alles gaeve
Mer in plaats daovan zoot ich d'r weer ins naeve
't is neet anges jao 't is zo wie 't geit
Noe sjtaon ich hie mit mien vastelaovesleid


HOME PLAATSNAMENOVERZICHTHOME


VASTELAOVESWAZEL
2002/2003: Tekst: José Schrouff - muziek: José Schrouff, Peter Douven & Tom de Groot
Zang: De Sjpetters

Refrein:
Dao mos se neet euver kalle, dao mos se neet euver kalle Vastelaovendj mos se preuve.
Det geit dich hie det geit dich dao det geit dich euveral drin
Det verangerdj dich in unne prins of in un lekker dieke boerin.
Det is ein geveul det helt neet op det zitj ein gans durp op ziene kop.

De kapper de sjilder die leave d'r op los
Zitte dich in de verf en doe bös weer de klos
De bekker de sjlechter die kinne d'r nieks aan doon
Die bakke ein broesel van de sjoester ziene sjoon.

De buurman de kater die höbbe ut neet meer
zeuke zich eine kaerel veur dae eine keer
De dokter de vroedvrouw die kinne d'r nieks aan doon
Die neje ein eurke aanne köster ziene zoon

De kippeboer de sjlieter die kloeke zich get aaf
zitte zich oppe eier kiek toch ins wie braaf
De juffrouw de meister die kinne d'r nieks aan doon
Die lere de kinjer te doon wie eine kloon.

Dae wazel dae onzin dae maak os toch zo blie
Ut geuf toch nieks wiesse duis eederein d'r bie
Jao alles jao alles moog vandaag d'n daag
Dus vastelaovendj vierse zonger det geklaag.


HOME PLAATSNAMENOVERZICHTHOME


VEER GAON OPPE TAOFEL SJTAON
2008/2009 nr.1 (gedeeld) : Tekst: Gijs Geerlings, Dominique Rohenkohl, Ray Theunissen & Norbert Thijssen - muziek: Norbert Thijssen


V'r sjlaon op ózze trómme, mit sjtraf gerippeteer
Houwe op commando, det geit wie 'ne sjpeer
Meppe in ein tempo, det klinktj toch lekker sjtrak
Inne maot marchere, hieël netjes in 't pak

Noe geit de discipline ane kantj
En sjpringe den 'ns duchtig oet de bandj

Refrein:
Veer gaon oppe taofel sjtaon
Wille neet nao hoes toe gaon
Inne zaal... Hey!
oppe sjtraot... Hey!
Alles sjluit zich oet de naod
Veer gaon oppe taofel sjtaon
Laot die klok mer lekker sjlaon
Knalle mit de ganse zjwik
Toet de letste sjnik
Knalle mit de ganse zjwik
Toet de letste sjnik

Veutjes vanne vloere, de taofel die mót laeg
Glazer inne hendjes, de res kriegtj 'ne vaeg
Sjnap dich mer 'n taofel want die zeen hieël sjnel vol
V'r höbbe noe hie baove, de allergrótste lol

Gein plaats mieër oppe taofel die's gekraaktj
En alles wurtj weer good en hel geraaktj


HOME PLAATSNAMENOVERZICHTHOME


VEER MAKE TAM TAM
2004/2005: Tekst & muziek: Har Slabbers
Zang: Die van Os en die van Uch

Doa zeen zo van die dinge, wo-euver wurdtj verteldj
En miense sjtaon te zinge, es weer get wurdtj besteldj
En det geit den euver feite, van miense ongerein
Mer det zeen auch van die miense, die gaon wie unne trein.

Refrein:
Veer make tam tam in de tent, de boel geitj oppe kop.
Veer make tam tam in de tent en de prins dae geitj veurop
Veer make tam tam in de tent met minse ongerein
Jao det is oos toch waal toevertroewdj det wurdtj weer un festijn
Jao det is oos toch waal toevertroewdj det wurdtj weer un festijn

Van links nao rechs van achter nao veur Rechs- omkieer toet aan de deur
Sjtap veur sjtap en voot veur voot Jao zo geitj ut baeregood
Kiek ins in un lange riej Zo komme ze hie veurbiej
En is den alles oppe baan Begintj ut weer van veur aafaan.

Och waat luptj det noe toch fijn Net wie eine boemeltrein
Neet te lich en neet te zjwaor Blief mer in ut juuste sjpaor
Van ut linker nao ut rechter bein Zo loupe ze achterein
Zo zeen ze hiej en zo zeen ze dao En zo luptj ut zich achternao


HOME PLAATSNAMENOVERZICHTHOME


VEER ZEEN OET LIN
1993 nr.1 : Tekst: Piet Evers - muziek: John Evers
Zang: De Ganse Bubs

Refrein:
Veer zeen van Lin det wille veer weite
det wille veer weite veer zeen oet Lin
veer zeen neet rieék of erm,
maar höbbe eine jas op de erm
Tis neet neet oet kaligheid
Mèr oet gezelligheid
veer zeen neet rieëk of èrm,
maar höbbe eine jas op de èrm
Veer zeen van Lin, veer zeen oet Lin

Haet émes eine raegenjas achter op de fiets
Boeète dörpse zeen dem den aan veur eine wieès
Die hóve neet te vraoge,zèk wó bös doe van
Zeen ze dae jas den weite ze 't al

Es eine Linner jong ins lekker sjtadte geit
Dao zeuk d'r zich vlot die dörpse gezelligheid
Die hóve neet te vraoge,zèk wó bös doe van
Zeen ze dae jas den weite ze 't al


HOME PLAATSNAMENOVERZICHTHOME


WIE ! WAAT ! HOE !
1983: Tekst: Har Slabbers - muziek: Har Slabbers & Peter Douven

Wie waat hoe doon dien auge toe 't is weer vastelaovendj
van toet toet toet en van tam tam tam
det is wo ich van druime kan

Doe heurs hie toch ut ganse jaor de roddels in 't rondj
van alle miense onger oos det geitj van mondj toet mondj
van An det sjeitj en Pieer dae drinktj en noe weer euver Bair
mer bekiek ut uch ins angester en zing d'r euvever haer

Noe doontj toch met 't is carnaval det is toch reuze fijn
kom laotj uch neet zo hange en dink neet aan de ''lijn''
mer doontj uch eine vatte of num d'r zellufs twiee
den kinne ze get zaegke en zeen ze weer tevree

Vergaet toch waat t'r waas en kiek weer rech veurroet
kroeptj neet achter ut masker mer kom d'r achteroet
al zeentj geer van de voddeman of zeent geer sjtinkendj riek
ut kan oos toch nieks sjeele veer zeen toch ins geliek


HOME PLAATSNAMENOVERZICHTHOME


WIEBÖLE
Linne 1985/1986 nr.1 en L.V.K. 1987 nr.1
Teks: Piet Evers - meziek: John Evers
Zang: Duo Twee Plus (De Kuulköp)

Refrein:
Wieböle Wieböle Wieböle,
det swingt en is zo fijn.
Wieböle Wieböle Wieböle,
det kintj toch eederein.
Wieböle Wieböle Wieböle,
van 't ein op 't anger bein,
Wieböle Wieböle Wieböle,
is veur twee mèr kan aug allein

Oet gaon en jongk zeen det is sjoon ,
drinke en vrieje wilse doon,
bös blie en geis nao de disco ,
mèr ein dink det kinse zo.

Die daag zeen te kort en nooit te langk
en blie detse laefdjes god zei dank,
dae tied kwaam os toch good van pas
houj uch dao noe aan vas.

Ofse noe kumps in ein bar of pub,
ein maedje kriegse op de slub.
Mit karnaval is 't sjoonste dingk
es same oud en jongk den zingtj.


HOME PLAATSNAMENOVERZICHTHOME


WWW COM
2001/2002: Tekst: ? - muziek: ?
Zang: De Sjpetters

Refrein:
WWW Com com com, en kleur miene daag
www com com com, 3 daag van sjlaag
WWW Com com com, en kleur miene daag
www com com com, 3 daag van sjlaag
www com com com, 3 daag van sjlaag

Sjteis toe mich aan te kieke
Mit dien gekleurde sjnoet
Dan weit ich weer wie laat 't is
En hoal ich auch mien pekske oet
Nieks te loade nieks te wappe
Veer goan drie daag sjtappe
Höb se de knoep oet stoan
Kinne veer os loate goan

Sjlaon diene moeserm om miene nek
En doot noe maar ins gek
Geshif, geshif, punt com punt dot
'k lach mich mit dich ech gans kapot
Zwej ins met dien apestertje
dans met mich mien hertje
Enter mich van onger nao boave
Dan zal ik dich beloave

Refrein:
WWW Com com com, ich kleur diene daag
www com com com, bring dich 3 daag van sjlaag
WWW Com com com, ich kleur diene daag
www com com com, bring dich 3 daag van sjlaag
www com com com, bring dich 3 daag van sjlaag


HOME PLAATSNAMENOVERZICHTHOME