HOME PLAATSNAMENOVERZICHTHOME


C'EST MAGNIFIQUE
Teks & meziek: Sjeng Janssen

Vier leeve hie, in enne hiepermoderne tied, oh la la la, se manjefieke.
Mit der moëde zunt ze waal al veul-te wieët, oh la la la, se manjefieke.
Vier hant zoe'n sjpas aan enne houtjes-toutjes-jas, oh la la la, se manjefieke.
Doabie - sjteet oach - ee nondejuukke i gen hôôs, se manjefie-ie-ke.

De mam geet noa de sjtat,mit ee jursie-mantelpak, oh la la la, se manjefieke.
Ze veult zich sjtaats, mit der nuije paardestaart, oh la la la, se manjefieke.
Der pap dea sjoept, lupt rond wie enne ouwe sjloep, oh la la la, se manjefieke.
Went 't zoe bliet goa, is 't mit der moeëde gouw gedoa, se manje-fie-ie-ke,

De dames hant, enne cocktail zeer sjarmant, oh la la la, se manjefieke.
Der demie-jas, dee veerderlei kluure hat, oh la la la, se manjefieke.
Enne nuuie hood, zoe get wie ee cocosnoeët, oh la la la, se manjefieke.
Der Montgommerie-cot, dee sjteet mèr pis aa gen /..lief, se manje-fie-ie-ke.


HOME PLAATSNAMENOVERZICHTHOME


DIE AFFAIRE
Teks & meziek: Sjeng Janssen

Refrein:
Joa, dat is die affaire, va hem en va mich.
Joa, heë hat inne knalkop en ich hub inne tietsj.

Op 'n sjoeël woar vier gestadig durch dur betste van de klas.
Dur meëster goof os ummer 'n nul, doa woet 'n tien van gemak.

In ut leger sjtong vier ozze man, vur woare soldoat-model.
Vier brachte ummer ut groeët verlof tesame durch in de cel.

Ee mäedje houw vier onger os twieë, doa woeëd get op gemak.
Ich sjpielde mit de sjoenmamma en heë woar voet mit de sjat.

Aan ut werk woar vier de knapste luuj , ze koame os uüveral noa.
En went ut sjtuk dan veëdig woar, dan sjlooge ze ut wir in unne knoa.

Went vier dan ins dur hook um gunt, dan geëve vier alles voet.
En went dier dan ins vuur os zeet, vermaak dan alles aan os.


HOME PLAATSNAMENOVERZICHTHOME


D'R GIEPSPOEËT OET TIROL
Teks: ? - meziek: ?
Oetveurende: Kunderberg Trio

Refrein:
Joa, joa d'r wintersport - dea is zoe sjoen,
doa is van alles - van alles get te doe.
Doa kinste eete - rrinke - danse - jee nach deem,
en da pech hat kumt in der gieps noa heem.

D'r pap, dea wool ins skieje goa - doa boave in Tirool.
Ut woar vuur hem der iesjte kier - dur erme pap dee vool.
Hee sakkerde en sakkerde wie hee gevalle woar.
Wat keek dea driftig wie ich reep: "Hee, sjportman van ut joar".

De mam, die kos dur ooch nieks vaan, dat zoog ich al meteen.
Die waggelde graat wie een end, sjtong op ut verkierde been.
Die vool toen inne vieze sjlaag, en keekde: "Help ins gouw".
D'r lieraar zach: "Joa croexifieks, wos sient sie fur'n frau ?".

Dur nonk, dea wool ut beter doe, dat woar get, leeve jong.
Dea broezet mich der berg doa aaf, alsof dea neet bestjong.
Dea how een snelheed, och doe jee, dat hat dur noets geziee.
Dur erme nonk koam in ut gieps, dea kos bow ginne mie.

De tant, die bloof in ut hotel, skieje, gieft die kieks um.
Ze zag ze volt zich neet zoe good, volgens mich doog die 't drum.
Ich zoog ze later in de bar, mit 'ne tiroler heer.
Die is dur noe dur tussjeoet, joa, mit dea jodeleer.

Laatste refrein:
Joa, joa dur wintersport, dea is zoe sjoen,
doa is va alles, va alles verkieets te doe.
Dur nonk de vrouw kwiet, dat vrommesj is plem plem,
en hea mit inne giepspoet, noa heem per KLM.


HOME PLAATSNAMENOVERZICHTHOME


LOAT VUR GOA SJOENKELE
Teks: ? - meziek: ?
Oetveurende: Kunderberg Trio

Ut giet zoe wienig freud op de eat, jong dat is toch bekant.
Wach neet bis ut einde kump, num die geluk in de hand.
Wach neet bis dur rege begint, bis ut onweer giet,
umdat ut miestuns te laat dan is, en doe dur drien neet mie kries.

Refrein:
Loat vur goa sjoenkele, richtig sjoenkele, sjoenkele deet os toch veul plezeer.
Loat vur mit ut vutje flink goa rutsje, roetsj mer richtig heen en weer.
Loat vur get kletsje en goot lebsje, "hmm", dat is wat os bevilt.
Loat vur besjtelle, dat wat vur wille, dat kost toch neet de welt. (2x)

Marie woerum zits doe zoe alleen, zik hubs doe ginne mood ?
Doe zies toch wurklich zoe lekker oet, die figuurke dat deet ut toch good.
Roetsj noe mer get hierheen, dan weet die muulke wir blie.
Vier twie vier drinke bruderschaft, dizze oavend zie aan zie.


HOME PLAATSNAMENOVERZICHTHOME


MIDDE IN DE NACH
Teks: ? - meziek: ?
Oetveurende: Kunderberg Trio

Midde in de nach, dan is 't duuster.
Midde in de nach, huurt me gefluuster.
Midde in de nach, op ins 'n groet kabaal.
Midde in de nach, dan loope zaate.
Midde in de nach, dat zunt de Naate.
Midde in de nach, die maake groet sjandaal.
Midde in de nach, dan zeuk de kat dur kater.
Wat'r oach va kumpt, dat is 'n zurg veur later.
Midde in de nach, heêt d'r pap weer las.
Kint de mam neet sjloape, want d'r sjtikt 'n veer oet de matras.
Joa, midde in de nach, dan zeêt d'r pater:
"Midde in de nach, ich beên mich later.
Midde in de nach, dan wil ich sjloape goan."
Welterusten ...


HOME PLAATSNAMENOVERZICHTHOME


NIEKS SJUNDER WIE KUNDER
1954: Tekst: ? - muziek: ?

D'r is in mie leëve mer eë, dat bis dich.
Mie eëge leef durpke, ich hoat zoe van dich.
Ich hub ueveral geloape, jieker daag aan dich gedach.
Mer mie heemwië noa dich, Kunder, hat mich toch weer truuk gebrach.

Refrein:
Nieks sjunder wie Kunder, doa geet nieks van aaf.
Doarum mos doe va Kunder gehoate han.
Nieks sjunder wie Kunder, doa geet nieks van aaf.
doarum mos doe in Kunder geboare zië.


HOME PLAATSNAMENOVERZICHTHOME


OOS DURPKE
Teks & meziek: Sjeng Janssen

Der sjoenste tied hant vier hie nog te belève,
om rond te taffele hiej in 't paradies.
Get sjoenders op de welt kint os ginne geve.
want van dit pläetske hoat vier ummer nog 't mieëst.

Refrein:
Oos leef klee durpke, grenzend aan der busj en berg.
Went dat ins neet mie woar, woar vuur os veul te erg.

AI zint vier dan geen groete geldmagnate,
der riekdom hant vier woe ver gunt of sjtunt.
Mit al dat geld zou ver toch nieks kinne make.
Vuur 't biejee te houte zunt vier veul te sjlum.


HOME PLAATSNAMENOVERZICHTHOME


SPANIEN LEED
Teks: ? - meziek: ?
Oetveurende: Kunderberg Trio

Jeder joar ut soemers geet dat spelke werrum los.
Mit zak en pak noa Sjpanje umdat ut doa ja neet veul kost.
Vier vleege mit Transavia va Beek noa Benidorm.
Doa geet ut os derum en sind zoe richtig good in vorm.

He, he, Marie, is dat neet sjoen, uveral dea Kundesje toen.
Hie in ut zuude ziet ut oet wie bie os doa thoes.
Me ee dink ving ich erg, ich mis der Kunderberg.
la-la-la-la-la ...

Der iesjte oavend weet direkt 'n barbeque gemakt.
Ut weet gegrild, de wuusjkes hant vur zelver mitgebrach.
Vur drinke koeba-libre en sangria bis zum schluss.
Es jong va Kunder veult se dich toch uuveraal flot thoes.

Refrein:
Me witse wat ich ving ?
Ich mis de Kunderling ... la-la-la-la-la ...

Dur niechste murge truft man zich um tien oer op ut strand,
mit un gazet oet Limburg en dur radio in ut zand.
Um 12 oer gief't middig, in't hotel is werm gekocht.
Erwtesoep mit rubkes gief ut einmoal in der woch.

Refrein:
Me der allersjoenste platz,
dat bliet de Kundergats ... la-la-la-la-la ...


HOME PLAATSNAMENOVERZICHTHOME


DE VEUTJES
Teks: ? - meziek: ?
Oetveurende: Kunderberg Trio

Wie ut Jo ee weeksjke woar getrouwd, houw ' t hem al gouw berouwd.
Want koam Sjaak 't s'oaves thoes, rook 't zien veut durch 't ganse hoes.

Refrein:
Dat zint gein veutjes miè, mer dat zint flinke.
Dat is gein ruuke miè, mer dat is tralalalalalala.
Joa, dat is tralalalala.

D'r Sjaak gong noa de pedikuur, vuur in vootebaadekuur.
Mêr d'r pedikuur versjloog, wie ozze Sjaak zien sjoon oet doog.

D'r Sjaak heat noe 'n good recept, jieker daag de veut gedept,
mêt get zeevenenveertig-elf, noe sjtinkt hea nog mer vuur de helf.


HOME PLAATSNAMENOVERZICHTHOME


VIER HUBBE UMMER NOG DOESJ
Teks: ? - meziek: ?
Oetveurende: Kunderberg Trio

Vier zoote al dikker in un kling café en middernach woar al lang om.
Vier woare zoë duusjtig, dat gleuf dur os neet, mer dur kelner dea heel zich gans dom.
Gelukkig koam vier toen op ee good idee, ich zik uch leef luuj, dat giët ut neet mie.
Vier klopde toen mit ozze sjlüttel aant glaas en zonge doabie vuur de sjpas.

Refrein:
Vier hubbe ummer nog, ummer nog, ummer nog, ummer nog doesj.
Wat is dat hie vuur un boet, gliek druugt os de keal nog oet.
Vier hubbe ummer nog, ummer nog, ummer nog, ummer nog doesj.
Dat giët ut neet mië ! Dat moag toch neet zië ! Vier wille nog mië.

Doa klopde ut boete, wea kump doa vuurbie, wea mot hie mit sjleetingstied zië ?
Ut woare os vrung, wat woare ze groët, de pliesïe, os helpers in noët.
Ze hóuwe va wïët aaf os leedje gehuurt en dachte vur kiëke wat doa nog gebuurt.
Ze koame gans rustig ut cafeeke herin en zatte toen flink mit os in.


HOME PLAATSNAMENOVERZICHTHOME


VIER WOARE NOG GANS KLING
Teks & meziek: Sjeng Janssen

Vier woare nog gans kling, vier houwe nog geen teng,
toen loote vier de milk al sjtoa.
Toen dronke vier beer, dat houw vier zoë geer,
en kriënde dan ooch van plezeer.

Refrein:
Vier tzweije hant ummer goowe mood, en ammezere os ummer eëve good.
Dur ermood, deë hant vier gehat, zoëlang wie heë nog cente hat.
Ouwesj die houwe vier neet, dus geboare, dat zunt vier ooch nieet.
Ze hubbe os urges vonge (3x)
Ze hubbe os urges vonge, mè woe dat is, dat weëte vur neet.

Vier koame op un sjoël, doa woëd os gevroag,
wie veul twië en twïë waal woar.
Doe hant vier gezag, dat wete vier neet,
doa hant vier neet vuur gesjtudeerd.


HOME PLAATSNAMENOVERZICHTHOME