Carnavalsliedjes uit KONINGSLUST in Limburg (NL)

HOME PLAATSNAMENOVERZICHT HOME

ALLES KUMPT GOOD
2003/2004: Tekst: Béjeingerapt - muziek: Jan Houtappels & Jan Ghielen
Zang: Béjeingerapt

Béj ôs in de koeht, kinse get belaeve.
Ut fiëst d'r héj op los, det is ôs um ut aeve.
Doe wits neet wat ze zuus de môngk valt d'r van oop.
Ut makt gaar niks oeht; huur wat ich roop.

Refrein:
Jao, jao, jao,
lach nou toch 'ns tege mich.
Kiek mich 'ns aan, 'n bléj gezich.
Jao, jao mit vastelaovend duit det good
Wat ich auch doot; alles kumpt good!

Achter in de zaal, dao stông 'n stök "sjagrijn".
Ich ging toen nao um toe: "Zegk jông, bis doe allein?".
Ut is héj zoe gezellig mer wit se wat ich ving:
Kiehk neet zoe nut, huur wat ich zing.

Mit de vastelaovend, dreej daag lang op paad.
Krieg se soms 'n dipje en wurt 't dich te laat.
Laot de kop neet hange, raap de mood béj-ein.
Same gaon we verder; neet allein !

HOME PLAATSNAMENOVERZICHT HOME

AS ICH DICH BEL
2001/2002: Tekst & muziek: Rob Zelen
Uitvoerende: Flabbedeejes

Ich waas lits op een fiësje en dao waas 't vuls te druk.
Toch kos ich bijna neemes, dus wat heij ich 'n geluk.
Det ich dich dao zou tegekome, hej ich neet verwach.
Ich laefde in de wolke, waas volledig in dien macht.
Maar toen ich thoes kwaam stong ich zonger sleutel aan de deur;
Ut ging al achteroeht mit mien geweldige humeur.
De bel die deej ut neet, dus ich stong boehte op de stoep.
En ondanks alle lol leep toch d'n aovend in de soep;
Toen belde ich ad rem ... mit miene G.S.M:

Refrein:
Doe hees mich van de wies gebrach.
As ich dich zeen, mit diene sjoene lach,
dan dink ich aan dae'n aovend in die steeg,
det ich dien mobiele nummer kreeg.
Maar dich belle durf ich neet,
bin te verlege wie men zeet.
Toch weit ich sinds daen daag beslis:
Doe bis ut sjonste wat d'r is !

Naodet det fiës veurbej waas, bisse mit mich gegaon.
We hebbe un minuut of twintig in die steeg gestaon.
Ich druimde euver det ich altiehd bej dich blieve zou.
Toen goofse mich dien nummer en doe zeis: 'Jong, bel mich gauw!'
Ich bleef allein dao achter, wat waas ich verbouwereerd;
dien nummer heb ich in mien toestel veurgeprogrammeerd.
Maar ich bin zoe verlaege, dus ich heb nog neet gebeld.
Nae, in det soort dinge, dao in bin ich ginne held;
Dus steur ich dich expres ... un bericht per S.M.S:

Heur nummer steit al waekelang in miene telefoon.
Maar as ich heur wil belle, zakt de mood mich in de sjoon.
Daarum heb ich vanaovend al mien mood bejein gerapt,
ut mot toch ins gebeure, dus ich hoop maar det ze hapt;
Mien hert klopt extra snel ... as ich heur B.E.L:

Refrein:
Doe hees mich van de wies gebrach.
As ich dich zeen, mit diene sjoene lach,
dan dink ich aan dae'n aovend in die steeg,
det ich dien mobiele nummer kreeg.
Ich zit wer lekker in mien vel,
en fleur gans op als ich dich bel.
Dan weit ich, ut spraekt vur zich,
vanaaf vandaag huurs dich bej mich !
Dan weit ich, ut spraekt vur zich,
vanaaf vandaag huurs dich bej mich !

HOME PLAATSNAMENOVERZICHT HOME

AS WAE GAON
2007/2008: Tekst: Huub Beekman - muziek: Peter Hermans & Huub Beekman
Zang: Drek

Ich weit ut good, 't zit in mien blood, ut vastelaovesvierus.
D'n dokter zaet, det geit wel wig, as ut uns drej daag wier is.
Wae laeve hej toch allemaol, jao lekker vur de lol.
Kom zing mit os en spring mit os, dan gaon wae oeht d'n bol.

Refrein:
Want as wae gaon, gaon wae mit de hiele bubs op paat,
Dan wurt ut lekker laat,
Det doon wae drej daag aan un stuk
Jao as wae gaon, gaon wae mit de hiele bubs op paat,
Dan wurt ut lekker laat,
Wat hebbe wae toch un geluk.
Dan kiêke wae, jao gaar neet op un oohr,
Mer rope: hej, kom zing mit os nog efkes door.
Want as wae gaon, gaon wae mit d'n hiele bubs op paat,
Dan wurt ut lekker laat.
Zoe gaon wae zeker drej daag door.

Aswoensdig motte wae wir mit zien alle naor de baas toe.
As dae mig zuut, dan zaet dae; jong gank dich mer wir nao hoes toe.
Veur det ich wir un bietje kin, dan is ut weekend dao.
Dan roop ich: hej, waem geit d'r mej, kom mich mer achternao.

Zoe geit det hej ut ganse jaor, wiej kin ich ut bedinke.
Det wae mit vastelaovend jao ein pilske moge drinke.
De spanning wig en alle stres, de zurrig aan de kank.
En derrum fiêste wae hej drej daag in os Limburgs lank

HOME PLAATSNAMENOVERZICHT HOME

BANK-HIËR, DE
2006/2007: Tekst: Wiet Pouwels – muziek: Wim van Dommelen
Zang: 'n Struetje Volk

Refrein:
De bank … is miene ruggesteun
Waorop ich vastelaove's leun
Want zit ich ein hiël klein bietje krap
Dan gaon ich nao de flappe-tap
En as dae mich dan haet bedint …

Kan ich wer lekker door 't lint
Ich kaup mich drèij daag aan ein stök
De toegangskaart tot 't gelök
De heemelpoort die sjteit nach altiehd godzijdank
Beej de flappe-tapper van mien eige bank

Mèt cente köpse gin gelök
Det zag mien vader vreuger dök
Mer zônger geld en op zwart zaod
Hes'se ut moeilijk kammeraod
Wilse mèt vastelaovend wat besjtelle konne
Dan vreugt dae oober êlke leevering um bonne
Dus haal ich iërs ein lading flappe oeht de sjuuf
Veurdet ich nao de vastelaove's-gala sjtuuf

Mèt flink get cente op dae bil
Kaup ich mich alles wat ich wil
Ich veul mich net Daagobert Duck
Ich laup op wolke van gelök
Ich kaup d'n tap, de discotheek en 't orkest
De blaoskêpel, de raod van èlluf en de rest
As ich de waereld mèt mien narrekap bekiehk
Dan veul ich mich de keuning nach te riehk

Zoë trèkke wae kroeg in kroeg oeht
Wae volge trom, trompet en toeht
Ich heb de flappe in de hank
Ich ôngersjteun de middenstand
De kastelein is mèt dees daag eine raare
Dae geuft niks oeht dae is nôw drèij daag aan 't spaare
Det is de reeje auch waorum ich um stiëds dank
Want hae zêt straks mien geld wer netjes op mien bank

HOME PLAATSNAMENOVERZICHT HOME

D'N BLAAG
1998/1999: Tekst: Van alles get - muziek: Wim van Dommelen.
Zang: Van alles get

Refrein:
Want mit dees drej daag, veul ich mich opnej d'n blaag.
Get drinke mit idderein, en same goan wie unnen trein.
Mit carnaval is det neet erg, al bin ich auch mej unnen dwerg.
Dus zeen ich dich doa dan stoan, bej ut leech van de volle moan,
dan wil ich vur dich noa ut hosse en springe, op ut benkske in ut Brook dit leedje zinge.

Ich dach: 'Wat zal ich uns doon?'
'Nae, dit joar neet alwer dae kloon.'
Want as ich uns dans in de koeht,
zeuk ich mich un hiel leuk maedje oeht.
Dus doot ich get angers aan,
dan geit det in-ens hiel spontaan.

Ich dach: ''nen Brookhaas is good,
ich dink det ich det mer aan doot.'
Want as ich mich lekker loat goan,
en dich in dien pekske doa zeen stoan,
zit ich mich ut masker aaf,
en gaef dich un muulke hiel gaaf.

HOME PLAATSNAMENOVERZICHT HOME

DANS MÈT MICH
2004/2005 nr.1 : Tekst: Peter Lormans - muziek: Marcel Driessen
Zang: Hampelemen

Refrein:
Kom 'ns héj en dans mit mich,
ich wil 'ns efkes mit dich sjanse.
Kom 'ns héj en dans mit mich;
Zegk mich nôw; wat zien mien kanse?
Zuus doe auch wel get in mich?
Ich wil vanaovend mit dich sjanse.

Heb ich nôw de pôppen aan 't danse,
of bis doe auch veur mich gezwicht!?

Deeze sjoëne lossen dans, klinkt as meziek mich in de oere;
Daarum vraog ich dich nog éns:
"Moog ich héj van dich daen dans?"

Jaorelang 't zellufde, as ich 'ns op stap ging;
"Danse aan de bar" hoot det, hông althiëd aan 't buffet.
Woort 'n jaörke aojer, 't kwartje veel nog net;
Dach ich trék de stoute sjoon aan:
Bisse vréj of al bezét?

Zie waas neet erg spraakzaam, kreeg 'n roëd köpke.
Waas ze zoe verlaege dan?; 't Ôngerste môs oeht de kan!
Stông dao mit de mônk vol, en wat môsse dan?
Ich zoot toen op heite koole,
dus zag ich: Wat dinkse d'rvan?

HOME PLAATSNAMENOVERZICHT HOME

DAO BOVE IN DE LÓCH
2005/2006 nr.2 : Tekst & muziek: Huub Beekman
Zang: Drek

Ig kreeg mig lits tog tillefoon,
'T waas Pietrus van dao bove.
Hae zej now mosse hure jong,
Dig mós mig get belove.
Ich heb binnekort ein fièsje hej van unnen daag of drej,
Maak dig mig uns un stuk muziek en zit det op c.d..
Ig makte toen dit dink, en loester wie det klinkt.

Refrein:
Ig heb gehuurd dao bove in de lóch,
Dao kinse fièste jao wiej de bièste.
Daor is vur idderein nog plaats genog,
Dao in die fièstent dao bove in de lóch.
Wat ig now zek jao det is ierlik waor,
Gank zelf mer kièke mer wag nog minstes 85 jaor.
Ig heb gehuurd dao bove in de lóch,
Dao kinse fièste dao is nog plaats genog.

Ig steurde det muziekske op,
Now mot ge tog uns hure.
De tent die geit dao oppe kop.
Jao zellefs bej de bure.
Net belde hae mig truuk en zei zeg jong ig bin tevree.
Jao ein dink det is zeker ig haoj dig un plaetske vrej.
Ig zei det is oke, mer ig blief lever hej.

HOME PLAATSNAMENOVERZICHT HOME

DAO LUSTE WAE DER MIËR VAN
2004/2005: Tekst: Jan Schers - muziek: Wim van Dommelen
Zang: Aafgelas

Ut laeve op dae aardbol, det is soms veuls tekort
dan roope soms get minse, ich wijt waor det aan sjort
dich mos jao veul bewege en drinke aug gezônk
det zeet aug miene dokter, mer dae is lekker rônk

Refrein:
Dao luste wae d'r miër van, van al dae sjaele kal
mer vastelaovend viere, det gijt toch bovenal
dan haesse veul beweging, ut drinke mak dich blèj
det is allein mer water, kumpt oeht de brouwerèj
det is allein mer water, vastelaovend wej zien d'r bèj

Soms mosse nao zoe eemes, dae is dan diëtist
dich moogs allein mer aete, wat dae vur dich beslist
en asse dao nao loesters, dan wurse wie un plank
det is toch sjaele wazel, now gank toch aan de kank

Wat wae dao dan van dinke, now loester mer uns good
ut vastelaovend viere, det guf de mins wèr mood
want aete en auk drinke, det gijt dan zônger piën
wae zien wel ginne dokter, mer det is pas mediciën.

HOME PLAATSNAMENOVERZICHT HOME

DET ZIT TUSSE OS OERE
2007/2008: Tekst: Bejeingerapt - muziek: Marcel Driessen
Zang: Bejeingerapt

Idder jaor ut zelfde liedje
Ut halve jaor niks aan de hank
Mer wurd ut dan wir november
Dan staon wae has in brank
Dan motte wae d'r oeht
Det veult vur os toch zoe bekind
Un lach op iddere snoet
't groëte fiëst begint.

Refrein:
Det zit tusse os oere
Det rake wae noeit mier kwiet
Ut geveul van vastelaovend
Die sjoëne, fijne tiehd
Det zit tusse os oere
Det zit os in os blood
Met al die minse same
Det duit idderein zoe good
Dao zien wae mit geboore
Al bis se groet of klein
Det is toch zoe biezonger
Zoe allemaol bejein.
Det is toch zoe biezonger
Zoe allemaol bejein.

Ut geit beej os auch gans vanzelf
Doe duis gewoen mer mit os mit
Idderein heet gooie zin
En duit gewoën mer get
Efkes alles vergaete
Maak dich nou mer neet te druk
Det kin in dees dreej gekke daag
Die drej daag van geluk

HOME PLAATSNAMENOVERZICHT HOME

DICH DAO HEB ICH DÖKKER GEZEEN
2007/2008: Tekst & meziek: Peter Janssen & Wim Janssen
Zang: Hagel&Slaag

Jao, idder jaor dan staon weej saame klaor,
Um op zondig met d'n optoch mei te gaon,
Wae laupe mei, maar beej d'n iërsten drei,
Blieve weej al vlot beej emus staon,
Dan huurse:

Refrein:
Dich dao heb ich dökker gezeen,
Maar waor en wanniër, det weit ich neet miër,
Dich dao heb ich dökker gezeen,
Of is dit nauw d'n aller irste kiër?
Det kin niks gaeve, maak gin schandaal,
As ich dich strakkes weer us zeen kin ich dich waal,
Dan huurse:
Dich dao heb ich dökker gezeen,
Dan wetse auch van waor en van wannier.

Weej gaon hiel braaf de straote op en aaf,
Röstig aan, want det is gans nao ôzze zin
Zoë gaon weej door, maar zeen gin tiëd of oohr,
Dan haolt ôs de prinsewage in,
Dan huurse:

Wies 's aoves laat zien weej nog steeds op paad,
Loupe um gans aaf, dao is de optoch veur,
En dan nao hoës, maar och met vuul gespoës
Steit ôs mam te wachte aan de deur,
Dan huurse:

HOME PLAATSNAMENOVERZICHT HOME

DICH EN ICH
2003/2004: Tekst: Gerrie Lormans - muziek: Frank Berkers
Zang: Los Kamerados

Net veur ut nao hoes toe gaon, zoog ich ze dao staon.
In ut leecht van de maon, ze bloos de trombone.
Ze speulde dao toen op die toeht, de sterre oeht de lôch;
jao, nao zô'n leuke snoeht, héj ich al lang gezôch.

Refrein:
Dich en ich, wae passe sjoën béj-ein.
Dich en ich, wae kinne neet zônger ein.
Same geneete van dae sjoëne tiehd.
Wae fluite d'r méj naeve, wae make ôs neet druk.
Jao, fluitend door ut laeve, op weeg nao ut gelök.

Ich greep snel nao mien trompet en bloos un hoëge noot.
Wae speulde 'n duet, en det ging hiel good.
Wae zien veur elkaar gemakt, op toëne van meziek;
Det haet ôs good gerakt, wae veule ôs zoe riehk.

Traöte wae dao op de straot 'n vastelaovesleed.
Wae bleeve in de maot, d'r naeve ging ut neet.
'n Leedje euver ut gelök, geneete en plezeer;
wae blaoze nog 'n stök, jao traöte doon wae gaer.

HOME PLAATSNAMENOVERZICHT HOME

DICH HEES UT IN DE GATE
2003/2004: Tekst: Jan Schers - muziek: Alain Bos
Zang: de 11 van Elluf

Refrein:
Dich hees ut in de gate,
wat ich vandaag mankeer.
Ich zoot te prakkezere,
euver make van plezeer.
Ut stông mich efkes tege,
miene kop dae waas zoe leeg.
Dao môs toch get gebeure,
wao-van ich kriebels kreeg.
Toen zoog ich in dien auge,
dich haes 't biste veur.
En zags toen vastelaovend,
det guft 't laeve kleur.

Ich zoot dao hiel verlaege in det hukske op un krök;
dae blik toen in zien auge, dae straolde van gelök.
Hae vroog mich mit te kome, jao efkes op de vloer,
en nao 't twidde denske toen sprook ich in zien oër:

En um wat aaf te keule met 'n lekker glaeske pils,
toen durfde hae te vraoge: "Ich hoop das dich ut wils,
um same door te viere, 't leefst de ganse nach"
Gae kint 't nou al dinke, want wit gae wat ich zag:

HOME PLAATSNAMENOVERZICHT HOME

DICH ZELLUF ZIEN
2002/2003: Tekst & muziek: Hagel & Slaag
Zang: Hagel & Slaag

Refrein:
Eindelik is 't wer zoe wieht;
dees dreej daag, unne geweldige tiehd.
Zien wasse wils, niks det d'r mot.
Dich zellef zien, dan vang 'se zeker gin bot.
Eindelijk is 't wer zoe wieht;
aan regelkes, verspille wae ginne tiehd.
Dans diene dans, op ilke vrolijke noot.
Dich zelluf zien, det duit idder mins toch good!

Dao hisse ôzze Jac, normaal strak in 't pak.
"Hij voelde zich daarbij niet op z'n gemak."
Pakte 't sjaermets, op nao mam;
kiehk um dao staon, mit ziene hanekam!

Mit ziene trikker vaart Daan hiel wieht,
mer kin dao bej zien ei neet kwieht.
Daan kiehkt in de kleierkas van zien Sjaan,
en Daan trikt zich un rökske aan!

HOME PLAATSNAMENOVERZICHT HOME

DIEKE BEIN
2007/2008: Tekst: Wiet Pouwels & Ratjetoe - muziek: Peter Hermans
Zang: Ratjetoe

Refrein:
Dieke bein zien sjnel gemak, door veul te prakkezeere
Idder moog get losser zien, kom gank ut us probere
't is wer vastelaovestiehd, wae gaon os amuzere
't is wer vastelaovestiehd, wae gaon os amuzere

Loester us nao ozze tip,
idder haet wel ziene dip
Mit 'ne lach nao 'n traon,
kinse door ut laeve gaon

As ich in de speegel kiehk,
veul ich mich ontzettend riehk
Want dan zeen ich 'ne bleije,
eine noch zoë good as neije

Laup dich neet te sjnel vurbeej,
zet dien zurrig mer opzeej
Doot de vutjes van de vloer,
en zing allemaol in koër

Refrein:
Dieke bein zien sjnel gemak, door veul te prakkezeere
idder moog get losser zien, kom gank ut us probere
't is wer vastelaovestiehd, wae gaon os amuzere
't is wer vastelaovestiehd, pas morge haesse spiet!

HOME PLAATSNAMENOVERZICHT HOME

DIEN LITSE EN MIEN SLUPPE
2001/2002: Tekst & muziek: Joke Beerkens
Uitvoerende: de 11van Elluf

Refrein:
Ich griehp dich bej de litse, doe paks de sluppe van miene jas.
Gald're mit met illuk liedje en miene jas, dae hulse vas.
Zoe gaon wae dan same, same achterein;
Hakke-traejend, effe nippend aan mien glaeske, achter illuk nej refrein.

Ick kiehk dich lachend aan;
Dien auge zegge: "Kom, vleeg mit mich d'rin.
Same lekker in dae lange bonkte slinger;
Hees doe auch zin dao in ?"

Dao wurse dorstig van;
Dus gauw un rundje en dan gaon wae wer d'r aan.
Efkes wachte wies de meute wer vurbej kumpt,
sloehte wer achteraan.

Doe kumps al wer vurbej,
en gufs 'n knipaug en treks mich aan de jas.
Ich spring d'r hiel snel wer tusse,
en ich haoj mich gauw aan dien litse vas.

HOME PLAATSNAMENOVERZICHT HOME

DIEN UIGSKES
2003/2004: Tekst: Dorothé Verhaegh - muziek: Emiel Verhaegh
Zang: Flabbedeejes

Refrein:
As ich dich in dien uigskes kiehk,
nao dien straolend gezich.
Dan weit ich ein dingk zeker;
Ich haoj zoe veul van dich.
Duit det de vasteloavend,
't fiëst veur jôngk en aod'
As ich dich in dien uigskes kiehk,
dan veul ich mich zoe riehk.

Diene lach zit alle zörg opziej;
kom pak mich béj de hangk.
Dréj daag veul ich mich toch zoe bléj;
wie sjoën is ôs Limburgs langk.

Ich dans mit dich de ganse nach,
ônger de volle maon.
Dich haes mich diene lach gebrach;
ich laot dich noeits miër gaon.

Gelök, det lacht mich altiehd aan,
mit dich in mien erm.
Dien auge kiehke mich dan aan;
ich veul mich toch zoe werm.

HOME PLAATSNAMENOVERZICHT HOME

DOOR TOT AAN UT GAETJE
2007/2008: Tekst & muziek: Emiel Verhaegh
Zang: FC Theike

Refrein:
La laaa lalala la la la la
La laaa lalala la la la la
La laaa lalala la la la la
La laaa lalala la la la la

's Merges is den optoch
en auch dao doon wae mit mei.
Kilomaeters vraete,
wae laupe lekker door.

In de middig is 't ech
gezellig in de zaal.
Dan laupe wae de polonais en
trekke lekker door.

Auch zit d'r un blaoskepel,
die zurge vur de sfeer.
Drinke oppe tiehd un glaas,
mer traôte ech wel door.

Dan wurt ut al get later,
en dien uigskes waere klein.
Leever gings-se neet nao bed,
mer allein mer door.

Uigskes waere echt hiel zwaor, en doe geis ef zitte.
Wat gebeurt der as se zits, jao dan wils se pitte.
Goi get water in dien uig, en gaon gewoen wer door
Ik zek gôj get water in die uig en gank wer lekker door

Danse springe hosse zinge altiehd mer wer door,
danse springe hosse zinge altiehd mer wer door.
Wae gaon door, gaon altiehd door.
Wae gaon door, gaon altiehd door.

HOME PLAATSNAMENOVERZICHT HOME

DREJ DAAG BEJ ÔS
2002/2003 nr.1 : Tekst: Bejeingerapt - muziek: Jan Houtappels
Zang: Bejeingerapt

Dreej daag achterein, zien wae oehtgelaote.
Danse van gekkigheid, bej ôs door de straote.
Kome wae dich tege, pakke dich bej de erm.
Danse dan same door en blieve lekker werm.

Refrein:
Hej bej ôs mosse zien,
jao hej geit ut gebeure.
Euveral waor 'se kiehks
zuusse die bônkte kleure.
Hej bej ôs is ut te doon,
jao hej geit ut gebeure.
Dae vasteloavend huurt bej ôs;
det kin neet lang zat deure.

Vastelaovesfiëst, det huurt bej ôs laeve.
Wae gaon d'r tegenaan, dao kinne wae neet naeve.
Dreej daag lang gaon fiëste, 't sjonste wat d'r is.
Det snapt allein de zuuderling want dao is niks mit mis.

Same kletse, drinke, mit de meute danse.
En dan aaf en toe, un hiel klein bietje sjanse.
Wae veule ôs dan same, gans op ôs gemaak.
En gaon dan mit de hiele bubs dreej daag oeht os daak.

HOME PLAATSNAMENOVERZICHT HOME

ENNE...!?
2001/2002: Tekst: Ria Teeuwen - muziek: Ria Teeuwen & Jan Houtappels
Uitvoerende: Bejeingerapt

Refrein:
Enne, wat vingse d'r nou van ?
Enne, jao dinkse det det kan ?
Enne, neem det mer van os aan:
We gaon nou lekker door tot ut kreije van d'n haan.
We gaon nou lekker door tot ut kreije van d'n haan.

Waeke van te veure gaon we aan de slaag.
Kieke, knippe, naeije, jao wel ilke daag.
Zoe make we os klaor vur 't vastelaovesbal.
Kriebels in de boehk vur wat m'n dinke zal.

De blumkes boehte zitte, doon we toch zoe gaer.
Jao mit vastelaovend trikke wae van laer.
Want vastelaovend is unne hiele sjoene tiehd.
En mit dees gekke daag zien wae alle zurrig kwieht.

Os allerletste pilske laote we neet staon,
auch al zeet de aanhang: "Kom, we motte gaon".
Van hosse en det springe kriegse noeit genog.
Daarum gaon we nog lang neet nao hoes nao ozze bòch.

HOME PLAATSNAMENOVERZICHT HOME

FIËSTBIËSTE
2001/2002: Tekst & muziek: Hagel & Slaag
Uitvoerende: Hagel & Slaag

Refrein:
Op de taofel staon te zweije,
hiël veul rundjes laupe dreije.
De ganse daag staon te springe,
os heis gesjriewd um kei hêl mit te zinge.

Gistere zien we flink doorgezakt, en idderein leep in zien gekste pak.
Achter elkaar aan gehost, tot ut letste sjot waas gelost.
Jao, ut waas wer ein groët fiëst, aan ein stuk door gebiëst.

Auch vandaag gaon we d'r flink tegenaan, de zwaore kop is gauw genog van de baan.
Want as wae aan ut hosse gaon, kinne wae toch neet mier blieve staon.
Jao ut waas wer ein groët fiëst, aan ein stuk door gebiëst.

Auch nou zitte wae de tent op ziene kop, en kinne dao beej ginne stop.
Klap mer in de heng, stamp mer mit de veut
en fluit zoe hel se kins: Fiëste wie de biëste.

HOME PLAATSNAMENOVERZICHT HOME

FRED MIT DE MOBILET
2002/2003: Tekst & muziek Peter Lormans
Zang: Wurt Niks

De jas van laer, de laarze aan'
D'n bril wer op, dao kumpt hae aan!
Jao det is Fred, dae guft wer gaas,
en is zoe snel wie unnen haas!

Refrein:
Dao kumt Fred mit de mobilet,
oehtte kangk, 't is mich get!
Spring mer bej um achterop,
Fred dae kint gin burdje "stop"!
As Fred wer uns sjeure geit,
lupt dae moter meistal heit.
Oehtte kangk, 't is mich get;
Fred mit de mobilet!

De weeg wer op, 't mot wer hel'
Un dieke piehp, die duit 't wel!
Jao det is Fred, dae kiehkt niks aan,
en dae jeugt alles van de baan!

Neet al te slum, soms geit 't fout'
Hae zoog ze neet, dao waas de wout!
Jao det is Fred, en och...die bon,
"achter de wolke sjiehnt de zon!"

HOME PLAATSNAMENOVERZICHT HOME

UNNE GANSE BOEMELTREIN
1997/1998 nr.1 : Tekst: Peter Lormans - muziek: Peter Lormans & Albert Swinkels
Zang: Wurt Niks

Vandaag zitte wae aan ut steur van de meziek,
neemus steit d'r stil, dus maak uch mer neet diek.
Wae hosse door de tent van veur wies achter,
wae loaten-um now goan, gluif det now mer grus!
Dus wilt gae dolle pret, dan doot mer mit os mit!

Refrein:
In un rej, un ganse rej, kome wae hej now vurbej,
det kinne-we neet allein, joa we-goan wer wie'nen trein.
Dus pak os mer uns vas en sloeht uch bej os aan,
dees lang rej achterein, joa die is vur idderein
Os lange rej kumt hej vurbej en krieg altiehd euren drej,
zoe lekker doen bej-ein, joa we-laupe ein vur ein.
Dus pak os mer uns vas en sloeht uch bej os aan,
mit z'n allen achterein, unne gansen boemeltrein!

De hendjes op de sjouwers, al laupend achterein,
idderein dae kint ut, al isse groet of klein.
Wit gae neet de weeg dan blief mer in os spoor,
allemoal mit-ein, de tent geit oppe kop!
Dus wilt gae dolle pret, dan doot mer mit os mit!

Stap mer bej os in now, woag hej unne rit,
griep uch mer uns vas, gin mins dae hej mier zit.
Op 't ritme van d'n trein al fiestend door de zaal,
wies aan de liste halte boemele wae door!
Dus doot now mit os mit, ge wit toch wie ut zit!

Os lange rej kumt hej vurbej en krieg altiehd euren drej,
zoe lekker doen bej-ein, joa we-laupe ein vur ein.
Dus pak os mer uns vas en sloeht uch bej os aan,
mit z'n allen achterein, unne gansen boemeltrein?!

HOME PLAATSNAMENOVERZICHT HOME

GEBAKKE LOCH
2005/2006: Tekst: Herman Bekx Meziek: Jacques Everaerts
Zang: Waarum Neet?

Refrein:
Gebakke loch is d'r genog
Mer dao wurse ech neet vet van
Det sjuumend voch is wat ich zoch
Och dao is toch nog genog van
Rielekse aan de tap, zek ober kom ens rap
Want dit is pas gezonk, de veutjes aan de gronk
Gebakke loch is der genog
Mer det is neet wat ich zoch

De zuus steeds mier de kale kak
Mer det is iets wat os neet rak
Dao haoje wae os neet met op
Die hebbe ech ein plank veur de kop

Dao hebbe wae neet met van doon
Met luuj die laupe langs eur schoon
Zoe vingse ech noeits ut geluk
Kom zek maak uch toch neet zoe druk

HOME PLAATSNAMENOVERZICHT HOME

GEISSE MIT ??
2002/2003: Tekst & muziek: Richard Koch
Zang: Flabbedeejes

´t Is ut fiëst veur idderein,
det hoof neemes te liere.
Veur jôngk en aod, veur groët en klein.
´t Zit ôs in ut blood!

Refrein:
Geisse mit, geisse mit, geisse mit,
in de polonaise door ôs Limburgs langk?
Geisse mit, geisse mit, geisse mit,
oppe lappe want de nach is nog zoe langk?
Ich vraog ´t dich mer eine kier,
dus loester wat ich zek.
Gangk mit mich mit vur eine kiër;
Vastelaovend is te gek !

´t Ganse durp steit oppe kop,
zuusse wer gekke snoehte.
De prins geit in de rej veurop.
Wat is ´t hej toch good!

´t Deurt mer unne daag of dreej,
tot in de kleine eurkes.
Auch dit jaor blieve wae wer hej;
´t Is wer carnaval!

HOME PLAATSNAMENOVERZICHT HOME

GINNE APRÈS SKI
2006/2007 nr.1 : Tekst: Huub Beekman - muziek: Huub Beekman & Peter Hermans
Zang: Drek

joa ozze harie haet, al joare ein keffee.
dao boove in die berg, dao is hae hiel tevree.
mer komme wér massaal, die Hollengers der aan.
zaet hae tege zien vrouw:"ich mot ef op de baan".
dan pakt hae zich bejein en geit nao kunningslus.
want vastelaovend viere is vur um ein must

Refrein:
dit is gin koefstjein, dit is kunningslus,
dit is gin aprés ski, mer vastelaovend.
lekker drej daag aan de geng, van smerges vreug tot laat in d'n aovend.
wilt gae auch mej dan sloét mer bej os aan, de polonaisetrein kumt der aan.
dit is gin aprés ski mer vastelaovend, van smerges vreug tot laat in de aovend.
dit is gin aprés ski mer vastelaovend, van smerges vreug, tot laat in de nach.

jao nao die dolle daag, dan vingt hae ut hiel erg.
want dan mot Harie truuk, nao boove in die berg.
dan zaet zien vrouwke leef: "det flikse mich niet miër".
ut waas hej toch zoe druk, ut ging mich hej te kier.
nou kiek mich mer uns aan, ich zek ut dich gerus.
ut volgend jaor gaon ich, jao nao det kunningslus.

HOME PLAATSNAMENOVERZICHT HOME

HARRY
2007/2008: Tekst: Bart Heesen - muziek: Bart Heesen, Harm Timmermans & Marcel Driessen
Zang: OwJee

As Harry vastelaovend viert, det wit idderein,
is hae drei daag neet te stoppe, d'raan wie unnen trein.
En as de lempkes aan gaon, kieks nao zien gezich,
dinks ze; dae is net begonne en dae geit nog lang neet wig.
Mer veur de tent geit sloëhte keest hae eier veur zien geld,
nog neet stoppe mit dit fiësje is 't enige det telt.
Harry rupt dan 3 daag lang héj in de kern mit pit,
gangk mit mich 'n eike bakke en kom nôw maar mit mich mit.

Refrein:
Mien maag die knort, de zaal lupt leeg, ich wil nog neet nao hoes,
gaon mit Harry eikes bakke, wae gaon door dao bej hum thoes.
De prins, de raod, de hofkapel, idderein d'rbéj,
gaon mit Harry eikes bakke, staon veur 'm al in de réj.

Harry heet een huuske mit 'n keuke neet te groët,
as hae begint te bakke, staekt hae bove alles oeht.
Gereurd, gekookt, geklopt, 'n plekske kiës of toch get spek,
hoofs 't Harry mer te zegge, veur hum is niks te gek.
De zon kumt op, de buukskes vol, 't woort wèr veuls te laat;
as merge de tent wer sjluut, steit Harry wer paraat.
Ich weit neet wat d'r ierder waas, de kiep of toch 't ei?;
mer as Harry eikes bakt bin ich van de partéj.

Harry is gewoen, makt veur alle minse tiëhd,
Harry en carnaval, jao dae laefde geit hiel wied.
Harry is appart, minse neume 'm zelfs gek,
Mer mit de carnaval geit Harry beij idderein op de nek.
Harry is noët meug, tenminste neet mit carnaval,
Harry prut gaer, van serieus tot vieze kal,
Harry is gin kok, maar eikes bakke kint hae good,
veur idderrein dae mit geit bakt hae ze veur de voot.

1,2,3,4

HOME PLAATSNAMENOVERZICHT HOME

HAZEPAEPER
2005/2006: Tekst: Willam Joosten - muziek: Marcel Driessen
Zang: Wurt Niks

Ôzze raod van elluf ,oot es hazepaeper;
net veur det ze d'roeht trok, veur unne gôjen boom.
Mer in eine kiër
wis ôzze vorst zich ginne raod,
want in-éns stông alles op en leep in polonaise zoemér over straot.

Refrein:
Gaef unne Brookhaas in gin geval,
get hazepaeper mit karneval!
Want as det grei plots, begint te werke,
dan halt hae alles oeht de stal.
Mit de oere in de nek geit hae de maot slaon
en zien stertje, geit umhoëg staon.
Tot aswoensdig geit hae daag voloeht.
En geit dan pas nao zien koeht

Sjang dae woort de prins ,mér neemus moch 't weite;
oot auch hazepaeper, twië telders vol.
Mer in eine kier,
jao wat deej dae gôje mins;
Hae rende toen nao boehte en reep: "Minse, héj steit ugge néije prins!"

HOME PLAATSNAMENOVERZICHT HOME

HEJ KINNE WAAE GEWAERE...
2006/2007: Tekst: Herman Bekx – muziek: Jacques Everaerts
Zang: Waarum Neet?

Refrein:
Heej kinne wae gewaere,
Wat wille wae nog miër,
Os good heej amuseere,
Ut geit heej flink te kiër,
Kiehk wat ein lol en wat ein plezeer,
Dao kump ut dees daag steeds wèr op neer…
Heej kinne wae gewaere,
Wat wille wae nog miër…

Mèt vastelaovend mot ich gaon,
Dao zien dees daag toch veur
Dao kinsse neet mèt blieve staon
Efkes oeht dae sleur
Kiehk mèt zo'n schoene kompenej,
Begint ut plezeer altiehd opnej…

Wae trekke now weer flink van laer
Det heb ik zoe gelierd
Now kiek maar good heej um dich haer
Want heej wurd gevierd
Kiek met zo'n sjoene kompenej,
Begint ut plezeer altiehd opnej…

HOME PLAATSNAMENOVERZICHT HOME

HÉJ MAN !
2003/2004: Tekst & muziek: Hagel & Slaag
Zang: Hagel & Slaag

Refrein:
Héj man, kom dan,
wae gaon d'r tegenaan.
Héj vrouw, kom gauw,
sloeht achter ôs aan.
Héj man, kom dan,
flink hosse kan gin kwaod.
Mit dees daag van kroeg tot kroeg,
polonaisend euver straot!

Mit dees daag gaon wae in polonaise.
Mer det doon wae echt neet gans gewoën;
Zweij mer mit die erm, dan gaon wae house,
want mit zien alle wurt det toch hiël sjoën.
"House" mer mit, mit ôs,
dan barst ut fiëst wer los;
"House" mer mit ôs mit!

De polonaise kin op miër maneere.
Doot de heng mer irst op diene rök.
Al walsend gaon wae verder in de stoet;
dit kinse zoe mer dreej daag aan 'n stök.
Wals mer mit, mit ôs,
dan barst ut fiëst wer los;
Wals mer mit ôs mit!

HOME PLAATSNAMENOVERZICHT HOME

HUPPELDANS
1998/1999: Tekst & muziek: Wendy Derix & Corita van Megen
Zang: Hagel & Slaag

Doa achter in de zaal, kiek doa uns wat doa geit.
Joa, dae heet zich echt, ontzettend sjoen verkleid.
Door ut masker haer, kiekt hae mich stroalend aan;
'Niks angers mier vur mich, alles van de baan!'
As ich um deze kier, huppelend versier,
vergit hae mich van zien laeve lang neet mier.

Refrein:
Huppel mit mich mit, huppel mit mich mit, loat um lekker goan.
Huppel mit mich mit, huppel mit mich mit, doe kins neet blieve stoan.
Zoej ich zoe indruk make?
Huppelend kin ich um rake.
Huppel mit mich mit, huppel mit mich mit, fout kin ut neet mier goan.

Gister Brookhaas, vandaag is echt te dol.
Miene sprookjesprins, ich goan hielemoal oeht d'n bol.
Wat gebeurt d'r mich, ich heb ut echt te pakke,
wat zoej ich doa toch gaer, same mit doorzakke.
As ich um deze kier, huppelend versier,
vergit hae mich van zien laeve lang neet mier.

D'r wurt gezag, noadet ich noa hoes bin gegoan;
'His dich bej diene sprookjesprins gestoan?'
Midde in de nach, heet hae dich noa hoes gebrach.
Joa, dich heis gister sjans en haes de huppeldans gedanst.

Ach meid, dich mit dien gekke grille,
'tis woar, wat de minse dich vertelle.
Mer miene sprookjesprins, waas miene eige mins.
Joa, ich hej gister sjans, mit miene eige mins gedanst.

HOME PLAATSNAMENOVERZICHT HOME

ICH HEB 'T NOG NOEITS ZOE GOOD GEHAD
2003/2004: Tekst: Herman Bekx - muziek: Jacques Everaerts
Zang: Waarum neet ?!

Refrein:
Ich heb 't nog noeits zoe good gehad,
sinds ich dich kin miene leeve sjat.
Mien hiele laeve waas ich op zeuk,
neet te geluive, och wat bis dich leuk.
Mien druime kwaame oeht;
Nou kiek 'ns, wat 'n snoeht
Ich heb 't nog noeits zoe good gehad,
sinds ich dich kin miene leeve sjat.
Mien druime kwaame oeht,
jao, nou kös mich op de snoeht!

Wat waas det unne bôf,
dae'n daag det ich dich trof.
Wae gaon noeits mier oeht-ein,
zoe is 't laeve fijn

Auch nou nao zoe-veul jaor,
steis dich veur mich stiëds klaor.
Det neum ich pas gelök,
en daarum zing ich dök

HOME PLAATSNAMENOVERZICHT HOME

ICH KIN GIN MINS MIER VERSTOAN
1998/1999: Tekst: Jan Schers - muziek: Wim van Dommelen.
Zang: De Boemelaers

Refrein:
Ich kin gin mins mier verstoan,
wie zal det kome?
Spraeke mit un dieke tong,
niks ingenome.
Joa, vur mich is ut allemoal gin kuns,
want bin ich hej of bin ich guns,
op meziek van de kepel loat ich mich goan,
al kin ich dan auch neemes mier verstoan.

Leep mit vasteloavend euver stroat;
neemes goof mich gooije road.
Ich waas op zeuk noa get geluk,
mer euveral waas ut aeve druk.
Ich zoot neet lekker in mien vel,
mer op-ins kwaam doa die joekskepel.

Ze ginge trotend door de zaal,
jong, det waas mich un kabaal.
Ich heij al hiel veul pilskes op,
ut dreijde mich al in de kop.
Ze reepe toen van sjloete goan,
vur mich waas det neet good te verstoan.

Ich heij ze neet mier op un rej;
thoes leep ich de deur vurbej.
Ich huurde euveral meziek,
en ging uns kieke, vong ut sjiek.
Op-ins ging doa daen tillefoon,
mer doa kos ich al niks mier mit doon.

HOME PLAATSNAMENOVERZICHT HOME

IDDER JAOR OPNÉJ
2006/2007 nr.2 : Tekst: Albert Kuepers & Peter Lormans - muziek: Marcel Driessen
Zang: Hampelemen

Refrein:
Idder jaor, zien wae klaor,
bouwe héj ‘n fiëst wies in de nacht.
Wae zinge: Roëd, gael, greun…… en idderein lacht….;
(La la la la la )
Roëd, gael, greun…….. op volle kracht;
vastelaovend, veur ôs daag en nacht!

Héj laot euch mér goan, ’t is nôw carnaval;
‘t kumpt neet zoe nauw, ‘t kumpt toch wel.
Kom en blief neet staon, en doot get sjaele kal;
vastelaovend wat heb ich dich gemis, wat sjoén desse d’r bis!

Vastelaovend laéft héj in ôs Limburgs langk;
wat ‘n geveul, zoe hangk in hangk!
Same mit elkaar, zoe lekker aan de gang;
vastelaovend wat heb ich dich gemis, wat sjoén desse d’r bis!

En idder jaor, ’t is iërlik waor,
is ’t héj te belaeve.
Gans van de wap, ’n bietje flap;
wae gaon oeht ôs daak!

En daarum nôw,
hiël langzaamaan,
beginne wae opnéj van veuraafaan.
Want idder jaor, de’ s ’t gevaor,
haoje wae neet op, wae zien noeits klaor:

HOME PLAATSNAMENOVERZICHT HOME

IDDEREIN DAE HEET WEL GET
1997: Tekst & muziek: Wil van der Coelen
Zang: De Majando's

Refrein:
De eine te dun en de angere te diek,
idderein dae heet wel get.
Mer mit de vastelaovend vur de deur,
wurt doa gaar neet op gelet.
Dan laupe wae hej allemoal sjoen opgemakt,
dan is idderein aeve net.
Joa mit vasteloavend waere hej
alle zurrug weggezet

Ut ganse joar door ginnen tied veur dichzelf,
altied daagliks druk in de weer.
De kinger noa sjoel, noa de slegter vur vleis,
en vur wek nog efkes noa Ber.
?t Is good det de boog ins per joar zich ontspant,
auch al is ut mer dreej daag.
Mit de vasteloavend goan wae door ut lint,
is ut oeht mit det gejaag.

Noa de lange winter wurt oehtgepakt,
kumt de speegel vur d?n daag.
Want ut lupt tege ut veurjoar en det velt neet mit,
euveral huurs se geklaag.
Hej unne kilo te diek, wer un rulke d?r bej,
och woar mot det now toch hear...
Mer veurluipig sjuuve wae det aan de kank,
as wae goan stappe in vasteloaveslank.

HOME PLAATSNAMENOVERZICHT HOME

JAO DICH
2007/2008: Tekst: Mark van Mullekom - muziek: Marcel Driessen
Zang: Krangs Um

Mit vastelaovend zaag ich dich dao staon
Wat ich toen dee hei ich angers noeits gedaon
Leep nao dich toe en ging bijna van de zuk
Ich kreeg ut werm, en dach ich heb geluk
Dao stong ich dan zoe vlak veur dich
Keek in dien auge en druimde lekker wig
Toen zei se menke, hallo hej hej!
Kom dich 's mit mich meij!

Refrein:
Jao dich…dich bis ut hielemaol veur mich
Wie se kieks, was se duis en det straolende gezich
Jao dich…dich bis neet zoe wie de rest
Mit dich wil ich hej blieve, ut leefst tot op ut letst
Dan danse wej hej nog wies 's mergens vreug
Want mit dees daag dan waere wej neet meug
Jao dich…bliefs hej bei mich.
Ich laot dich neet gaon, gaon noeits mier bej dich wig!

Wae sjoenkelde get rongk det waas neet gek
Aan plezeer waas bej os echt gin gebrek
Mer ich woj mier want ich waas zoe verleef
Det ich hiel dicht bej dich bleef
En toen in ins, hiel onbewust
Woort ich dao door dich gekust
Och bleef de tiehd, mer stil staon
Det dit veur iewig door kos gaon

Dus as se dinks 'wat ich daor zeet'
Det is wel get, twiefel dan neet
Pak dich op en griep dien kans
Jao det is de vastelaovendsjans!

HOME PLAATSNAMENOVERZICHT HOME

DE KLEPSTRAOT
2006/2007: Tekst & muziek: Wim van Dommelen
Zang: Klepstraot

in de klepstraot kome wae altiehd bejein
bej meziek get same kletse
mer mét carnaval zien wae dao in de koeht
en gaon gezellig same oeht

Refrein:
kom mej, kom mej en dans mer mét os mej
kom béj ôs gruupke van de klepstraot
wae haoje van lol en plezeer
mét dees daag gaon wae in de polonaise
en drinke mej ein glaeske beer
doot mét os mej dan wurt 't ech nag get
want same zoepe en fiëste det is toch 1000 vét

in os kiët dao is ech altiehd get loos
gezelligheid sjteit bovenaan
mét vastelaovend kin idderein det zeen
want wej gaon door wies oppe kneen

Laatste refrein:
kom mej, kom mej en fiëst mer mét os mej
kom bej ôs gruupke van de klepstraot
wae hoaje van lol en plezeer
mit dees daag gaon wae in de polonaise
en drinke dôk ein glaeske beer
doot mét os mej dan wurt 't ech nag get
want same zoepe en fiëste det is toch 1000 vet

HOME PLAATSNAMENOVERZICHT HOME

KLOËSTERPRET
2007/2008: Tekst: Wiet Pouwels - muziek: Marcel Driessen
Zang: Aafgelast

Bej os in ut kloëster, geit ut volgens roëster, illek oohr det is gepland.
Mer ach ich doon mich dan wel wir content, ofsjoën ut wel mer langzaam went.
En nou wurt ut de hoëgste tiëd, ich mot mien ei now kwiët.

Refrein:
11 mandj opgesloote, alles motte laote, maar vandaag geit alles los.
Mooder en den Abt zien d'r neet bej, dus laup ich auch neet in de rej.
11 mandj opgesloote, alles motte laote, now… geit alles los!
Ich sjuuf nou alles van de baan, vandaag gaon ich d'r tegenaan.

Zuster Angela. Kums dich auch?

Nou gin broëd en water, ut wurt vandaag get later, ich gaon door tot mergevreug.
Want ze kriege mich vandaag toch echt neet meug, ich gaon door in eine teug.
Aswoensdig op de chambret, geneet ich nao van alle pret.

Broeder Hannibal. Kums dich auch?

Ziet gae bijna klaor? Kom wae gaon!

HOME PLAATSNAMENOVERZICHT HOME

KOM DICH 'NS BEJ MICH
2002/2003: Tekst: Los Kamerados - muziek: Marina Smets & Frank Berkers
Zang: Los Kamerados

Refrein:
Kom dich 'ns bej mich, dan knoevel ich dich,
en gaon we same danse.
Bej dich in de erm. det is lekker werm.
Ich wil mit dich noch sjanse.
Ich griep dich vas aan de slup van de jas,
en laup dich achternao.
Wae danse toch zoe sjoën mitein,
lekker doën bejein.
Waem haeij det nôw van ôs verwacht,
gedanst, de ganse nacht.

Ich zeuk 'n maedje mit dees daag, idder jaor opnej.
En altiehd heb ich veul geluk, dan bin ich toch zoe blej.
En mit dees daag bis doe van mich, det is dae sjoëne tiehd.
Mien hert det is allein veur dich, ich wil dich neet miër kwiet.
Dus same aan de zwier, wat wille wae nog mier!

Mer toen ich heur in de auge keek, wôs ich ut geliek;
dit is ut maedje veur altiehd, ich veulde mich zoe riek.
Nao dae sjoëne dans mit-ein, waas doe geliek veur mich.
Doe bis dae jông oeht miene druim, de leefste det bis dich.
Ich zoog dae sjoëne lach, en heb dich toen gezag......

HOME PLAATSNAMENOVERZICHT HOME

KRIEBELS IN D'N BOEK
1997: Tekst & muziek: Van Alles Get
Zang: Van Alles Get

Refrein:
Joa ich heb kriebels in d'n boek
en now weit ich woar det van kumt.
Dink ich noa euver mien laeve,
dan is ut allemoal veurbestumt.
As det gekriebel doorgeit aan ein stuk,
zien det de vlinders, die kleine vlinders,
zien det de vlinders van geluk.

Veur 't irst noa sjoel her, mien mam leet mich allein.
Bej de juf en angere kinger, wat veulde ich mich klein.
Doa noa kwaam de irste kommunie en ich kreeg neije kleier en sjoon.
Wat veulde ich d'n boek toch kriebele,
doa kos ich gaar niks aan doon.

Wie ich oajer woort kwaam d'r leefde in ut spel.
De irste kus, wat waas ut spannend, auch det weit ich nag wel.
Mit mien maedje noa d'n altaar goof ich doa mien joa-woord van trouw.
Ich veulde doa d'n boek wer kriebele,
mer det vergoot ich nag al gauw.

Noa ut trouwe kwaam de geboorte van un kink,
det gruide op wie koel en is now groet en flink.
Ut kumt mei noa mich her en zeet dan; det discovriendje is zoe knap,
mer ich veul miene boek zoe kriebele.
Dan zeg ich um det ich ut snap.

HOME PLAATSNAMENOVERZICHT HOME

LACHEND LAEFSE LANGER
2002/2003: Tekst & muziek: Joke Beerkens - Arranzjement: Alain Bos
Zang: 11 van Elluf

Refrein:
La- la- la- lachend laefse langer, det wit toch idderein.
Zeen 't laeve zônnig, det makt 't pas echt fijn.
Einen daag neet echt gelache, is d'r eine neet gelaefd.
Unne lach dae zorgt d'rveur det alles angers wurt belaeft.

Mit vastelaovend inkel bleije snoehte,
kleine en groëte, motte nao boehte.
Jao, idderein haet gooje zin,
plukke d'n daag vanaaf 't begin.

Doe hoofs 't ech neet wieht te zeuke,
det is 't leuke, dan geit 't jeuke.
'n Lach, det staekt toch altiehd aan;
Lach dus mit en dink d'r aan.

Dees daag dich gans te kinne gaeve,
det is pas laeve, kinse neet naeve.
Doe wits, zoe mos 't altiehd zien;
det waas sjoën, gin centje pien.

HOME PLAATSNAMENOVERZICHT HOME

LANG GENÔG GEWACH
2006/2007: Tekst: Evelien Koopmans & Aafgelas – muziek: Emiel Verhaegh
Zang: Aafgelas

As der dan unne prins aan kump gelaupe
Geit ze metein al eur charm verkaupe
Maar dan zuut ze ut, hae zit op unne booreknol,
Det is ut dan auch wèr net neet hielemaol.
Toch maar wachten op de volgende daag
Mesjien sjuut ze dan wel heure slaag

Refrein:
Ein cowgirl is op zeuk naor heure prins,
Det is alles wat ze zich maar wins
Mèt vastelaovend in de saloon op mannejach,
Oppe prins op ut witte paerd is lang genôg gewach
Dao kump hae binnen knap, stoer, sterk en charmant,
Dao geit un echte cowgirl neet vur aan de kant

Op de litste aovend zuut ze um dan ech staon,
En geit ze heure lasso ech wel oehtslaon.
De vonk sloog euver toen ze elkaar in de auge keke
Leefde op ut irste gezicht is toen gebleke.
Nou haet ze um oehteindelijk toch gevônge
Door de vastelaovend mèt ein verbônge

HOME PLAATSNAMENOVERZICHT HOME

LAOT OS NOG GET DRINKE
2005/2006: Tekst: Wiet Pouwels & Han Loozen - muziek: Han Loozen
Zang: Tren en de men

Minseleef ge moog ut neet vergaete
Ut is de odste wet op aerd
Drinke kinse íêrder nog as aete
Want gedruêgd zien weej niks waerd
Ut gevaor um langzaam oeht te druêge
Dat heb ich al vreug herkint
En dus heb ích mich drek al de gewuênte
Um good te drinke aangewind Jao …………

Refrein:
Laot os nog get drinke,
maak ins ruumte aan d'n tap
Laot os nog get drinke,
weej zeen duchtig waer op stap
Laot de kraan mer loupe,
gooj de glaze vol
Vastelaovend, good gesmaerd,
Det is d'n hemel heij op aerd
Un glaas beer, dat zei os mam,
is auch ein botterham.

As ich mit de carnaval gaon stappe
En mich in d'n toemel stort
Dan dreigt in die dreij daag op de lappe
Constant toch un voch tekort
En dat mosse toch zeen te veurkomme!
Roop ich door de ganse straot
Dat heb ich ech waor zellef neet verzõnne
Dat is d'n dokter ziene raod Jao …….

Good gesmaerd lupt net un bietje baeter
Dao haoje weej os mer aan vas
Vreuger waas ich auch al ginne aeter
Ich greep zelde in de kas
Kastelein, laot heij nog mer get kome
De iêrste oêre hange slap
Doe steis dao neet um vlege te gaon vãnge
Kniep ins get pilskes oeht dae'n tap Jao …………………………….

HOME PLAATSNAMENOVERZICHT HOME

UN LEKKER DENSKE
2002/2003: Tekst: Robert Janssen - muziek: Robert Janssen & Willem Heldens
Zang: De Stekker

Wae hebbe get sjôns bedach, vinge ut echt top.
Kwaame op dit leuk idee door Kabouter Plop.
Same doon wae eine dans, zoe wie wae hej staon.
Doot mer lekker mit ôs mit, laot mer lekker gaon.

Refrein:
Pak uch in de erm en sjoenkel dan mit-ein.
Gooij die heng de lôch in, veer kiër achterein.
Doot dan lekker zjweie, zjweie in de lôch,
van dit lekker denske krieg 'se noeits genôg.

Moeilik is dit denske neet, gae zuut det auch wel.
Kins ut lekker langzaam doon, ut hoof gaar neet snel.
Meuj wur 'se d'r auch neet van, en dao kumpt nog bej;
't Is gezellig wie 'se steis, same zéj aan zéj.

Wat un lekker sfeertje toch, wat is dit toch fijn.
Neemes op zien eige, nae, alles hingt aan-ein.
Idderein dae kin ut nôw, jao ut zit d'r in.
Kiehk zô'n lekker denske, det is nao idders' zin.

HOME PLAATSNAMENOVERZICHT HOME

LEKKER SCHJMAERE
2002/2003: Tekst: Jan Schers & Wim van Dommelen - muziek: Wim van Dommelen
Zang: De Leonietjes

Refrein:
Hej ober, gaef mich un pilske,
want det drink ich toch zoe gaer.
Dreej daag gin water
det is mich te naat.
Ich drink allein mer van 't vaat.
Hej ober, gaef mich un pilske
det is waor ich 't leefst mit sjmaer !

Wae zooge eur uns laupe, ut ging neet in de maot:
De vorst en de prins mit die elluf van de raod.
Wae ginge toen uns kiehke wie det toch allemaol zit
en zien inmiddels lid.

Nôw gaon ich door ut laeve, as maedje van de prins.
En ich as ut maedje van d'n adjudant.
Wae kinne uch vertille det bevèlt toch wel good,
det hosse geuft os mood.

HOME PLAATSNAMENOVERZICHT HOME

DE LETSTE
2001/2002 nr.3 : Tekst: Los Kamerados - muziek: Jos v.d. Muckhof
Uitvoerende: Los Kamerados

Refrein:
Ich wil de letste, de allerletste, de allerletste van 't vaat.
Daarum bin ich wer, as allerletste, as allerletste nog op paad.
De haan dae kreit, de zon kumpt op.
Ich hoof nog neet nao bed, want ich bin toch al op.
Daarum bin ich wer de allerirste, de allerirste van vandaag,
want ich wil ech niks misse, van die vastelaovesdaag.

Wat is dit un sjoën laeve, mit drej daag joeks en lol.
We gaon mér door, dit hoije wae wel vol.
Nou motte wae wel doorgaon, dus trêk ich aan de bel.
En wie 't verder mit os geit, det zeen wae later wel.

De tap dae geit al dicht, en de lichte die gaon aan.
Maar ich gaon nog, as letste nog d'r aan.
Dan is 't toch zoë wiêt, dan mot ich ech toch gaon.
Maar gluif mêr det ich verder wil, 't is nog neet gedaon.

HOME PLAATSNAMENOVERZICHT HOME

LILLUK
2001/2002: Tekst: Peter Lormans - muziek: Albert Swinkels
Uitvoerende: Wurt Niks

's-Aoves laat nog wat surfe euver 't net;
Ich bin neet mooders sjonste, mer doe wils toch get.
Waas nao dich aan 't zeuke wie 'n kiep nao d'n haan.
Dien teks, die sprook mich aan.
Eind'lik zoewiet um dich te zeen,
van wiet aaf, dao kwaamse heen ...
Ich zoog dich dao toen staon,
mer van dichtbej ... wat heb ich toch gedaon !?

Refrein:
Wat bisse lilluk van dichtbej ...
Bis doe 'n hae of toch 'n zeej ?
Geluive doot ich mien auge neet,
heb ich dan eindelik now 'ns beet ?
Wat bisse lilluk van dichtbej,
mer toch bin ich mit dich: ... wel blej !

As 'n model zalse noeit door 't laeve gaon,
of missjien as ronde-miss hej baove staon.
'n Klein bietje sjael en noeits opgemakt,
doe haejs mich al drek gerakt.
Al zien we lilluk as de nach,
ich haej ut toch al verwacht.
Gelukkig same mit-ein;
al hisse wel van die hiel krom bein

Refrein:
Wat bisse lilluk van dichtbej ...
Ze staon vur dich neet in de rej.
Geluive doot ich mien auge neet,
heb ich dan eindelik now 'ns beet ?
Wat bisse lilluk van dichtbej,
Mer toch bin ich mit dich: ... wel blej!

HOME PLAATSNAMENOVERZICHT HOME

LOAT MER LAUPE, LOAT MER GOAN
1997: Tekst: Los Kamerados - muziek: Jos v/d Munckhof
Zang: Los Kamerados

's Merges as se wakker bis, ut verkierde bein oeht bid,
doe hous us flink op diene kis, doe his dich flink verpit.
Det letste pilske kriegt de sjuld, de baas heet gin geduld.
En as de auto dan neet start, dan vils se dich unne bult.

Refrein:
Loat mer laupe, loat mer goan,
dan is ut mit die zurg gedoan.
Loat mer laupe, loat mer goan,
neet te lang bej blieve stoan.
Zit die zurg mer aan de kank,
doa is niks aan de hank,
want de wereld dae is neet vergoan,
loat mer laupe, loat mer goan.

Noa ut aete un blukske um, dich lups wat in 't ronk,
dich lets neet op en veur se 't wits, steis se in de stronk.
Dich wits dich ginne goije raod en dinks wat mot ich now?
Dich erger's dich dan greun en blauw, hoij dae honk toch aan 't touw.

Vergadering hej, bespraeking dao, idderein heet ut druk,
op 't werk of bej de club, wae goan has van de zuk.
Doe kins neet altied op spanning stoan, want angers geit ut mis,
maar good det ut eine kier per joar vastelaovend is!

HOME PLAATSNAMENOVERZICHT HOME

MIEN MIEN
2001/2002 nr.2 : Tekst & muziek: Richard Koch
Uitvoerende: Happy Togethers

Mien Mien is ginne Brookhaas, mien Mien is neet van heij.
Mien Mien, die is van wieht èwêg, en is d´r zelde bej.
Mer as os Mien wer heij is, dan stuët ze mich 'ns aan.
Dan weit ich drek wie laat ´t is, en zing ich hiël spontaan.

Refrein:
Mientje, Mientje, lach 'ns tege mich.
Laot mich 'ns efkes kiehke nao dien straolende gezich.
Dich bis zon lekker dingske, bej dich veul ich mich thoes.
Mer mit de vastelaovend kriegse mich neet mit nao hoes.

Al jaore lang geleeije, toen ich mien maedje vroog,
ich woord op-ins verlaege, want ich wis neet wat ich zoog.
Die fonkelende uigskes, eur manjefieke kneen.
Mer det ze haor heij op eur teng, heij ich toen neet gezeen.

Jao, in de kleine eurkes, as alles is gedaon,
en ich dan um ´n oor of dreij wer nao os Mientje gaon,
dan hauwt ze mêt de deigrol, sjriewt door 't ganse hoes:
'Weem dinkse wel neet desse bis en mèrge bliefse thoes!'

HOME PLAATSNAMENOVERZICHT HOME

MIEN MUPKE
2001/2002: Tekst & muziek: Huub Beekman
Uitvoerende: Stom toevallig en de rest

Refrein:
Dich bis mien mupke, mien lekker drôpke.
Ich zal d'r altiehd, altiehd vur dich zien.
Auch nao aswoensdaag, net zoe wie vandaag,
his dich 'n plaetske in mien hert.
Veur dich, laup ich gewoenweg door ut veur.
Dan bin ich zeker d'n Heljese brankwaer veur.
Dich bis mien mupke, mien lekker drôpke,
ich zal d'r altiehd veur dich zien.

Det ich dich op det fiesje zoog, det waas nog neet zoe gek.
Ich dach wat kin ut sjille en ich vloog dich um de nek.
Wat det veur 'n gevolge hej, det heij ich noeits verwach.
Maar ein dingk det is zeker, ut waas neet vur eine nach.

Wat ich uch now vertelle gaon, jao det is ierlik waor.
Wat dao van de gevolge zien, det steit heij now al klaor.
'n Jungske of 'n maedje, des veur ôs noch ein geheim.
Maar ein dingk det is zeker, 'n niej laeve det is fijn.

Auch nao de vastelaovend, dan gaon wae gewoen wer door.
Wae ligge dan te hooste en te klage illuk oor.
Geneete van ut laeve de's de biste mediesien.
En auch ein lekker pilske, det is good veur ôzze lien.

HOME PLAATSNAMENOVERZICHT HOME

MIEN PEKSKE
2003/2004 nr.2 : Tekst: Wiet Pouwels & Han Loozen - muziek: Han Loozen
Zang: Tren en de men

Refrein:
Merie, wits dich nou waor mien pekske is?
Tot mien verdreet, zeen ich ut neet.
Merie, wits dich nou waor mien pekske is?
Och, mien pekse is vermis!
Wat ich héj nou zeen hange past allang neet miër;
det is te hel gekrômpe sinds de litste kiër.
Ut hesje is te krap, de jas te ing,
wat môt ich nou mit zô'n klein dingk?
Merie, wits dich nou waor mien pekske is,
want mien pekske is vermis!

As urgens get te doon is gaon ich d'r op oeht;
dan volg ich d'n "hoempa" en auch de groëte toeht.
Dan trek ich mich mien pekske aan en zit mien hudje op,
en zit mit de parochie de fiësttent op de kop.
Mer wie ich mien pekske passe woei,
reep ich in traone nao mien vrouw:

Mien pak en ich die paste iers hiel precies béj-ein;
mien pak héj net de ruumte en paste mich allein.
Maar nou is 't alsof mien pak neet verder mit mich wil,
Ich grui nog mit de jaore, mer och-erm mien pak steit stil.
En dus reep ich nao mien vrouw:
te heit gewasse, wat makse nou!

HOME PLAATSNAMENOVERZICHT HOME

MIENE PRINS
2004/2005: Tekst: Waarum neet - muziek: Els Smets
Zang: Waarum Neet ?

As hiel klein maedje druimde ich al van miene prins
Ich zoog dich toen al staon dao in de straot
Toen wis ich al dae druim ging over dich
Ich dach now bèj mich zelluf, jao dae wurt van mich

Refrein:
Dich bis miene prins op ut witte paerd
Ich haoj dich in de gaate, doe bis mich hiël veul waert
Nôw pak mich vas dan gaon wae nao os druim paradies
Jao ich gaon mèt dich mèt, doe bis de iërste priës
Ich bin diene prins op ut witte paerd
Mèt goud neet te betaale doe bis mich veul waert

Al jaor en daag noeits mi'r gezeen zoog ich dich now wer truuk
Ich keek dich aan en waas al drek verkoch
Geluif mich mer ich hep mer eine wins
Now kom mer hèj bèj mich, want ich bin diene prins

Nao drèj daag vastelaovend laot ich dich neet mi'r gaon
Ich bliëf bèj dich, egaal hoes dich geis staon
Ut makt niks oeht,was dich dao auch van dinks
Ich blief ut althiëd zegge, doe bis miene prins

Dich bis miene prins op ut witte paerd
Ich haoj dich in de gaate, doe bis mich hiel veul waert
Nôw pak mich vas dan gaon we nao os druim paradies
Jao ich gaon mèt dich mèt doe bis de iërste priës
Ich bin diene prins op ut witte paerd
Mèt goud neet te betaale doe bis mich veul waert
Mèt goud neet te betaale doe bis mich veul waert

HOME PLAATSNAMENOVERZICHT HOME

MUKKELBAL
2006/2007: Tekst: Wiet Pouwels – muziek: Marcel Driessen
Zang: Tren en de Men

Nao elluf mandj van ophokplich
Dan wurt het god zij dank wèr lich
Dan geit de vaèr wèr op den hood
Den hoempa rupt, nou kumt ut good
Der moog nou wer ein schruufke los
Ut haet te lang al niks gekos
Goij nou de deur mer ope schat
Ich bin het binne zitte zat

Refrein:
Dit zien de drej daag van geluk
Diej ich mich elluk jaor wer pluk
Ich werk dan neet, lek mich de zuk
Der kumt der mich genne op de ruk
Ich verkaup dan drej daag domme praot
Maak polonaises mèt de raod
Ich gaon dan zalig door het lint
En veul mich effekes wèr kind
Ich fiës en lach mit aod en jonk
Ich goij de bein hoêg van de gronk
Zoe trim ich drej daag aan ein stuk
Bin gek wie eine jonge muk

Nae niks is mich vandaag teveul
Ich waer neet meuch van het gespeul
Ich spring nog ronk as eine haas
Want ich bin drej daag eige baas
Ich slaon de maot, jao ich gaon aan
Maak plaats, schuuf op, maak vrej die baan
Ich schoenkel, boemel en ich dans
En heb soms, gluif ich auch nog sjans

Op dinsdigaovend waer ich braaf
Dan rem ich rustig aan wat aaf
Ich gaon nao hoes toe op den tast
En dan wurt der wer ein jaor gevast
Mer as de joekskepel wer trekt
Dan wurt in mich ut veur gewekt
Ich heb ut dan elluf mand gemist
En slaon dan duchtig op de kist

HOME PLAATSNAMENOVERZICHT HOME

NEET NAO HOES
2002/2003: Tekst & meziek: Huub Beekman
Zang: Stom toevallig & de rest

Refrein:
Sjei oeht lik toch neet zoe te sanikke,
ich gaon neet mei nao hoes.
Want euveral waor ut gezellig is ,
wils dich altiehd nao hoes.
Ich zeg ut dich nôw veur de letste kiër;
Gangk maar gerôs allein.
Maar kiehk 'se wel 'n hiel klein bietje oeht
en kom mich neet ônger d'n trein
Maar kiehk 'se wel 'n hiel klein bietje oeht
en kom mich neet ônger d'n trein.

Ut ganse jaor dan vraog ich kom 'ns mei op stap,
dan zeg ich: jông, gangk toch allein doe gekke flap.
Maar kumpt veur dich dae sjoëne vastelaovestiehd,
dan zet ich mich 'n hudje op en ziet gae mich wer kwieht.
Ut allersjoënste van al det gesjpoes,
is same oeht en same thoes.

Auch dit jaor gaon wae mit zien alle wer op paad
Ich weit ut zeker dan wurt ut wer hiel erg laat.
Maar dink good nao die daag die zien wer zoe veurbej.
En veur-det ze ut wits dan zien die net zoe snel wer hej.
Ut allersjônste van al det gesjpoes,
is same oeht en same thoes.

HOME PLAATSNAMENOVERZICHT HOME

NEET OP DIE LATTE
2003/2004 nr.2 : Tekst: William Joosten - muziek: Marcel Driessen
Zang: Wurt Niks

's Wintjers gaon veul minse skieje,
gezellig nao de wintjersport.
Mit de karneval, gaon ze dan veural,
mer det is wat d'r nou aan sjort'.

Refrein:
Neet op die latte staon, mer oppe lappe gaon;
jao, det vinge wae veul baeter.
Al likt dao hiël veul snië, hoëg in die berg,
wel miër as unne maeter.
Neet op die latte staon, mer oppe lappe gaon;
jao det is toch echt iets miër veur ôs.
Jao oppe lappe, neet op die latte,
al zien d'r héj en dao get zatte.
Jao oppe lappe, neet op die latte,
en zeker mit de karneval!

En daonao get "aprés-skieje",
det interesseert ôs toch gin zier.
Mit 'n glaeske beer, make ze plezeer,
mér wae, wae hebbe héj veul miër'.

HOME PLAATSNAMENOVERZICHT HOME

NEET TE GELUIVE
2002/2003: Tekst: Peter Lormans - muziek: Peter Lormans, Albert Swinkels & Wim van Dommelen
Zang: Miks Dubbel

Ze woende vreuger naeve mich en zoot bej mich in de klas.
We ware bijna aeve aod en heele os mej vas.
Speulde auch altiehd mit ein, mien irste hertsvriendin.
Toen 'se gings verhoeze, hej ich nurges zin miër in:

Refrein:
Neet te geluive, bin ich aan 't druime?
Nao al die jaore, bis dich 't echt?
Kom in mien erme, neet te geluive!
Doe bis de waore, bis 't echt!
Kom mit mich danse en lekker sjanse,
't Is vur ôs hej net begôs!
Neet te geluive, bin ich aan 't druime?
Ich laot dich noeits miër van mich los!

Ut is te sjoën um waor te zien mit dien auge fijn zoe blauw.
Nog stiëds twië heng op einen boehk, kom hej, ich lus dich rauw.
Dans nog unne kiër mit mich, miene kleine kammeraod.
Ich schjriëw ut van de dake: Doe bis toch miene maot!

Hebbe wae de slaop wel oeht?
Vastelaovend in d'n bol?
Gevonge in de hazekoeht?
Iëwig same aan de rol?!

HOME PLAATSNAMENOVERZICHT HOME

NEL
2002/2003: Tekst: Ruud Smets & Peter Lormans - muziek: Albert Swinkels
Zang: Tren & de men

Refrein:
Jao idder jaor, dan is ze d'r wer bej
en ze lupt en danst en springt hiel blej.
Jao idder jaor, geit alles aan de kangk,
is d'r hej van alles aan de hangk.

Eure naam dae kint ge toch nog wel:
Det is ôs Nel, jao, jao, os Nel!
Altiehd veurop aan-'t hosse mit die bel;
Jao, jao, ôs Nel die kint ut wel!

En auch dit jaor, dan is ze toch wer hej
En bej die dreej daag aan de geng,
rammelt die bel wer in eur heng?

Nôw kiehk ze laupe...en huur 'ns wie ze zingt.
Det sjoëne maedje...en wie ze dan auch klinkt.
Mit vastelaovend...ôs Nel die vingt det sjiehk,
det kinse zeen, och man, nôw huur 'ns dae meziek!

Nôw kiehk ze hosse...die wurt toch gaar neet meuj.
Det sjoëne maedje...det is toch gaar neet lui.
Un bietje zjweite...ôs Nel guft dao niks um,
det drukt de pret neet en zoe blieft ze good bej stum!

HOME PLAATSNAMENOVERZICHT HOME

ONGER DE TREIN GEKOME
2005/2006: Tekst: Jan Schers & Emiel Verhaegh - muziek: Wim van Dommelen & Emiel Verhaegh
Zang: Aafgelas

Dao zien jao van die tiëje, dan laote wae um gaon,
zoe aug met vastelaovend, dan zulle wae der staon.
En nemes kin os haoje, wae zien nog good ter bein,
mer wat der kin gebeure, det sjteit in oos refrein.

Refrein:
Zoe ronk de vasteloavestiehd
gebeurd ut idderein.
's aoves knolle gaar nao hoes,
is 's mörges neet zoe fijn.
de ûigskes zien get kleiner,
Ut köpke neet mier fris.
Doe geis dan toch mer wer op stap,
dao geit ut auch wer mis.
De kastelein goof mich nog get,
ut bleef wer neet béj ein.
Wae zien toen blieve hange
kwaame wer onger den trein.
Wae zien toen blieve hange
kwaame wer onger den trein.

Jao met dees daag dan zien wae, de ganse tiehd op stap,
de eurkes die ste thoes bis, die gaon dich best wel krap.
Doe hees gin zin in aete, mer wel wer hiel veul dorst,
en auch neet te geneete, mer det is os worst.

En is ut dan aswoensdig, dan is ut wer verbéj,
wae gaon dan hieringsjèlle en allemaol wer bléj
Dan kumpt de polonaeze, jao idderein krieg zin
en kan ut wer gebeure, dus vul de rest mer in.

HOME PLAATSNAMENOVERZICHT HOME

OP GROËTE VOOT
2004/2005: Tekst: William Joosten - muziek: Marcel Driessen
Zang: Wurt Niks

Handrie héj 'n vrouw die goojde echt noeits niks e-wég;
Och, det waas zo'n zuunig dingk.
Bleeve althied thoes, ginge noeits 's urgens haer
as ut mos, jao dan heele zie zich flink.

Tot op daen daag, hae zoot net lekker op de bank,
reep zien vrouw in-éns hiël hêl vanoeht de gank:

Vanaovend gaon we droeht en kiëke niks miër aan,
laeve wae op groëte voot!
We pakke ôzze jas, en trèkke de stoute sjoon dan aan,
en det duit ôs zeker good!
Dus was dich nou de snoet,
en trèk die lange sök mer oeht,
as we merge nuchter zien,
laupe wae wér op os tiën:
Vanaovend , vanaovend,
laeve wae op groëte voot!

Handrie môs hêl werke, stông wies laat nog oppe sjup,
jao, ut leek méj net 'n paerd.
De ganse daag geknuurd; de rök kepot
en dan waas dae gin dubbeltje mier waerd.

Tot op daen daag, hae zoot net lekker op de bank,
reep zien vrouw in-éns hiël hêl vanoeht de gank:

HOME PLAATSNAMENOVERZICHT HOME

ÔS FEMILIE
2004/2005: Tekst: Frank Berkers & Gerry Lormans - muziek: Frank Berkers
Zang: Los Kamerados

Refrein:
Zeg, hebt gae ut al gehuurd
Ôs femilie is wèr in de buurt
Det is althiëd ut geval
Ronk de thiëd van carnaval
Zeen ze hosse zeen ze staon
Kiëk hoe die minse gaon
Oh, wat zien wae bleij
Want ôs femilie is wèr heij.

Ôs tante To oeht Tokio, die gijt dan sjoën verkleid
Mosse kiëke wie die mèt ome Jo dan door de zaal op gijt.
As ome Ton oeht Lissabon, op de kop gijt staon
Dan is ut de hoëgste thiëd um nao hoes toe te gaon

En ome Lei oeht de Turkij, dae ligt stiëds in d'n deuk
Want die sjuune möpkes van tante An, die vingt hae toch zoe leuk.
Oma Merie die danst hiël gaer, haet mer eine wins
Zwiëre door de ganse zaal mèt ôzze nèije prins.

Refrein:
Zeg, hebt gae ut al gehuurd
Ôs femilie is wêr in de buurt
Det is althiëd ut geval
Ronk de thiëd van carnaval
Zeen ze hosse zeen ze staon
Kiëk hoe die minse gaon
Oh, wat ein gelök
Nao die daag gaon ze wèr truk

HOME PLAATSNAMENOVERZICHT HOME

ÔS MAM
2004/2005: Tekst: Bejeingerapt - muziek: Jan Houtappels
Zang: Bejeingerapt

Dae vastelaoves muziek
Dae vinge wae zoe shjiek
Unne hoempa of unne shjoengkelaer
Dae huure wae zoe gaer
Met de vastelaovend alaaf
Pakke wae os dan vrèjaaf

Refrein:
"Oos mam", Die heet de kolder in de kop,
Die mûts die mot wer op
Oos hert, det shjleit dan knats op hol,
We zitte der gans van vol
Mêt dees daag dan zeen wae uch neet staon,
Wae laote um duchtig gaon
Want oos hert, det shjleit dan knats op hol,
We zitte der gans van vol

As wae die troom huure shjlaon
Dan laot oos mer lekker gaon
De rest van het hiele jaor
Staon wae vur uch klaor
Mer in de vastelaovus thiëd
Ziet ge oos efkes kwiët

HOME PLAATSNAMENOVERZICHT HOME

OZZE PRINS
2006/2007: Tekst: Marjo Janssen – muziek: Emiel Verhaegh
Zang: Get Raod

Idder jaor dan gaon wae wèr duchtig oppe lappe,
same lekker ein paar pilskes happe.
En steit hae dan beij os aan ut buffet,
jao dan drinkt hae wel mèt os un pilske mèt.
Want euver ein dink ziet gae ut wel mèt os ins,
wae hebbe dit jaor ech unne hiele toffe prins.

Refrein:
Kiek um gaon, kiek um staon,
Is ut gin sjoen plaetje.
Kiek um gaon, kiek um dao staon,
't is de druim van idder maedje.
Zonne prins dae zuusse neet duk,
Op en top van de muts tot aan zien zuk.
En rupt hae dan dreij kier alaaf,
Dan geit geheid ut ganse daak d'r aaf.

En ligt die muts wir truuk tusse de motte balle,
Zal 't durp nog duk over de prins staon kalle.
Want as 't allerlètste leedje klingt,
Dan wurt heij en dao ein traonke wèggepinkt.
Want euver ein dink ziet gae ut wel mèt os ins,
In os hertje blieft hae altiehd ozze prins.

HOME PLAATSNAMENOVERZICHT HOME

PILSKE
1997: Tekst: Peter Lormans - muziek: Wim van Dommelen
Zang: Wurt Niks

Refrein:
Det pilske, det pilske, det huurt d'r toch bej,
det smakt toch zoe lekker en neet allein hej.
Det glaeske, det gleaske, vur lol en plezeer,
auch hej neet te misse , det keul glaeske beer.

Doe wurs later wakker en his zonne kop,
en dinks: vandaag gin mier, det zoepe, ich stop...
D'n optocht gehad en de kleier naeven ut bed,
d'n allerirsten daag waas unne keilange rit.
Smiddes noa de zaal mit ut masker wer op,
net doa en auch alwer unne groete aan de kop.

Noa 'n eurke of veer geisse wer mit veurop,
en lachs auch al mit um de maeligste mop.
Doe plofs snachs in bed mit de kleier nog aan,
smerges wer wakker bej ut kreie van d'n haan.
Un gooj tas soep noa binne en wer gauw op paad,
noa de boorebroelof toe, ut wurt dan toch wer laat.

Inne koeht bej de prins zit de stumming d'r in,
ze smake wer good en nog lang neet aan de pin.
Wel pien in de kneuk en al hangse op dien kruk,
vandaag kin auch vur dich allang neet mier stuk.
Ein dingk is zeker, doe merks 't merge wer,
mer dan is hieringsjille bej Peter of Ger.

HOME PLAATSNAMENOVERZICHT HOME

PLAT E-WÈG
2006/2007: Tekst: William Joosten – muziek: Marcel Driessen
Zang: Wurt Niks

Refrein:
Mèt de vastelaovend, kalle wae plat tegenein
en det versteit hej idderein
Al isse groët of nag hiel klein
Mèt de vastelaovend, kalle wae det neet allein;
't ganse jaor is det zoe fijn, veur idderein.

Jao de irste weurdjes, die dien mam dich heet gelierd,
waare in 't limburgs en det bisse neet verlierd.
Nao verlaup van tiehd dao, kosse toch al weurdjes zat.
En doe kwaams d'r later achter, 't waas allemaol in 't plat.

Wiesse toen nao sjoel gings, kwaam der dao det hollands bej.
"Ja, dat moest je toen gaan praten" en det waas vur dich gans nej.
In 't begin toen kwaamse, mei nag danig in de war.
Mer nou huurse die twië tale , vanachter bijna idd're bar.

HOME PLAATSNAMENOVERZICHT HOME

PRINSES
1997: Tekst & muziek: Hagel & Slaag
Zang: Hagel & Slaag

Loester mer uns hej, wae hebbe un ideej,
dan wurt de karneval missjien nog gekker.
Wurrum altiehd prinse, det kin toch angers minse,
prinsesse kinne toch auch hel kwekke.

Refrein:
Zuut ge ut al veur uch,
un vrouw die vanaaf de wage zweijt,
mit snoepgood in de rondte struijt.
Det kin toch auch, det kin toch auch.
Un kitting mit de Brookhaas op,
unne sjoene hood op eure kop.
Det steit un vrouw toch zeker zoe good.

En veur de road van elluf is ut toch wel us fijn,
neet allein mer kaerels onger ein.
Op de buhne staon en minse ongersjeije,
neet de vrouwluuj doa gin talent vur heije.

En vur de adjudante is ut nog neet zoe gek,
ginne prins ner un sjoen prinses op de nek.
Dinkt gae det gae hej nemes vur kint vinge,
now, wae stoan hej natuurlik neet vur niks te zinge.

Laatste refrein:
Det is hielemoal neet verkierd,
un vrouw die vanaaf de wage zweijt,
mit snoepgood in de rondte struijt.
Det kin toch auch, det kin toch auch.
Un kitting mit de Brookhaas op,
unne sjoene hood op eure kop.
Det steit un vrouw toch zeker zoe good.

HOME PLAATSNAMENOVERZICHT HOME

SAME
2003/2004: Tekst & meziek: Huub Beekman
Zang: Stom toevallig & de rest

Refrein:
As wae héj same zien, wat is det toch wer lekker.
Links, rechts en op en neer, ut wurt héj alsmer gekker.
Mit vastelaovend doën béj-ein, minse wat 'n fiës.
Môt gae mer 'ns kiehke, 't is net 'n paradies.
Jao gae mot 'ns kiehke 'n hemels paradies.

D'n irste kiër, ich weit nog good, kreeg kriebels in mien blood.
Ich lierde 't al hiel erg snel, det goof mich gooje mood.
Doot gae nou mer 'ns effe mit, mer kiehk oeht veur de glaas.
Ich zeen ut al gae kint ut wel, dus gaef 'ns effe gaas.

Ich zeen 't al, 't kumpt wel good, gae liert 't bist wel snel.
Ut volgende wat wae gaon doon, is zinge jao hiel hel.
Kom same make wae héj joeks, jao dreej daag aan 'n stök.
En same zinge wae dan hel, wat hebbe wae gelök.

HOME PLAATSNAMENOVERZICHT HOME

'T KUMPT
2000/2001: Tekst & muziek: Joke Beerkens
Uitvoerende: De elluf van elluf

Refrein:
't Kumpt, 't kumpt wer d'raan, wae stoan wer mit de naas veuraan.
Die daag van joeks en lol, det joetse hoaje wae wel vol.
Want wat is nou 't simpele, zoe mej en dan get pimpele.
Zoe allemoal bejein, get zwetse tegenein.

Wae zien neet mier te hoaje, want wae goan toch zoe gaer.
Os hult neemus tege, want wae trikke flink van laer.
Wae stoan dan al te traeje, wae zien d'r veerdig veur,
mitte vasteloavend vur de deur.

Ôs vasteloaveskleier ligge al waeke kloar,
en auch un groëte spuitbus vur de kleure in mien hoar.
't Zunke op die wengske, det knipaugt tege mich,
mitte vasteloavend zoe in zich.

HOME PLAATSNAMENOVERZICHT HOME

TE SJOËN UM WAOR TE ZIEN
2005/2006 nr.1 : Tekst: Albert Kuepers & Peter Lormans - muziek: Marcel Driessen
Zang: De Hampelemen

Wie ich dich lierde kinne
’t waas vastelaovend
Wat hebbe wae gedanst,
same in de maonesjien.
En later op d’n aovend
wie ich nao hoes toe ging;
kos ich dich neet vergaete,
en det duit mich nog veul pien.

Refrein:
Doe bis te sjoën um waor te zien;
Wörs doe mien maedje, wils dich det zien?
Ich huur béj dich, wie de sterre béj de maon vannach.
Doe bis veur mich toch det maedje mit dae sjoëne lach?
Doe bis te sjoën um waor te zien;
La la la la la la laaaaa
Ich haoj van dich; doe auch van mich?;
Want mit-ein zien wae zôn sjoën gezich!

Kiehk ich dich in dien auge,
en veul mien hertje kloppe;
Ut kriebelt en ‘t jökt mich;
ich staon in veur en vlam.
Ich wil dich nog get vraoge,
haes dich nog effe tiehd.
Doe bis mien groëte leefde,
en ich wil dich noeits miër kwiet.

HOME PLAATSNAMENOVERZICHT HOME

DE TENT OP STELTE
2001/2002: Tekst & muziek: Robert Janssen
Uitvoerende: De Stekker

We zien d'r now echt gans vur kloar, vur os kin ut beginne.
Ut kriebelt os van top tot tien, ut borrelt os van binne.
Gestreeke zien de pekskes, gepoetst zien auch de sjoon.
Geschminkt zien de gezichte, jao, dit mot ut doon.

Refrein:
Wae zitte de tent op stelte, jao alles oppe kop.
Van veur wies achter, links nao rechts, wae hoije neet snel op.
Wae zitte de tent op stelte en Kunningslust d'rbeij.
Det kin mer in ein durpke, det kin allein mer heij, heij, heij.
Wae zitte de tent op stelte, zien wae kloar, beginne wae opneij.

Wae zien d'r as de kiepe beij, as heij get vilt te viere.
Gelukkig is det mier dan ins, mer echt un aantal kiere.
Fanfarefiëst of kermis, playback en dees dreij daag.
De brookhaze op stelte; fiëst en gin geklaag...

HOME PLAATSNAMENOVERZICHT HOME

DEN TOERIST
2007/2008 nr.1 : Tekst: Wiet Pouwels - muziek: Marcel Driessen
Zang: Tren en de Men

Refrein:
Hebt ge mich dan gemist
Ich bin truuk ,as carnavalstoerist
Ich heb ut in Afrika gezeen
Mer dao hoof ich neet mier heen
Hebt ge mich dan gemist
Ich bin truuk ,as carnavalstoerist
Ich gaef nou de gansen aovond gaas
Mit ein klein wit knukske door mien naas

Jao ich bin wild, ich bin ein biest
Ich bin de gnoe op illek fiest
Ich heb de kolder in de kop
Ich gaon stieds door niks hult mich op
Dae'n tik heb ich in Afrika gekrege
Toen ich naeve zon wildbiest heb gelaege

Ich trik rongk van poel nao poel
Kus illek wildbiest op de moel
Ich waer neet meug, ich zit vol veur
Ich volg de roop van de natuur
Het is geweldig um as wilde bieste
Tot 's merges vreug aan ein stuk door te fiëste

Inne optocht zeuk ich miene plek
Want ich mot mit as dae wer trek
Eine gnoe as carnavalstoerist
Jao dae wurt zeek as hae det mist
Jao ich bin wild bej zon en auch bej raege
Ich wil der oeht en neemes hult mich tege

HOME PLAATSNAMENOVERZICHT HOME

VASTELAOVEND PUNT NL
2005/2006 nr.3 : Tekst: Bejeingerapt - muziek: Jan Ghielen
Zang: Bejeingerapt

Hee surfer op ut internet
Bisse vreij of bis se al bezet
Dich met dien sjoëne snoeht
Zet dae webcam nou mer oeht
Ich ving dich hielemaol top
Now kom mer ins heijerop
Want wat ich dich wil zegge
Is euver 't net neet oeht te legge

Refrein:
Vastelaovend mosse veule
Vastelaovend mosse doon
Vastelaovend met zien alle
Jao det vinge wae zoe sjoën
zal ich dich es get vertelle
vastelaovend det is vet
det is sjonder as det sjette
Zet mer oeht det internet

Hee surfer met dien sjoën gezich
Kom uns hej en blief mer doën bej mich
We zulle rustig aan beginne
Want de irste kier is efkes wénne
Hees ze einmaol dae smaak te pakke
Kinne we same door gaon zakke
Noa drei daag wilse nimmer nao hoes
Dink ze neet mier aan p.c. en moes

HOME PLAATSNAMENOVERZICHT HOME

DE VASTELAOVESCARROUSEL
2004/2005: Tekst & meziek: Huub Beekman
Zang: Drêk

Jao ozze Jear det is toch zonne sjoène vent,
Dae is mit vastelaovend ober in dees tent.
Det duit hae now al jaore, en hae haet nog ginne spiet,
Want ozze Jear dae spits zich op de vastelaovestied.

Refrein:
Kom ober trik uns effe aan die bel,
Dan springe wae wir op die carrousel.
Die dreijt now drej daag in os Limburgs lank,
En nemes is der zeek, nae nemus is der krank.
Ut is ut fiès wao Limburg trots op is,
Dus houwe wae wir uns duchtig op die kis.
Kom ober trik uns aan die bel,
Dan springe wae op die vastelaoves carrousel.

Auch dit jaor is os Jearke wir van de partie,
Hae bringt os mej ein pilske en det makt os bliej.
Mer gistere woort Jearke door ein sjoène vlam geraak,
Det is wat hae nog zog, en ut waas auch nog ziene smaak.

Now hingt os Jearke konstant beij det maedje ronk,
Wae dinke dan wat makt det oeht, det is gezonk.
Mer volgend jaor dan hebbe wae toch zeker ein probleem,
Dan geit os Jearke zelf op stap, jao same mit Marleen.

HOME PLAATSNAMENOVERZICHT HOME

DE VASTELAOVES-JUMP
2007/2008: Tekst: William Joosten & Peter Lormans - muziek: Marcel Driessen
Zang: Wurt Niks

Jônk en aod zuusse 't vort doon;
ze gaon umhoëg mit allebei de sjoon.
Ein vur ein,
iërs 't rechter ,dan linker bein.
Zelfs op bid,
wurt gejumpt tot en mit!

Refrein:
Auch al zien wae de jongste neet, int'resseert os gaar toch neet,
mit gejump en geboets, gaon wae aevegood op joets.
Wae hebbe héj get néjs bedach, auch al kos ôs det hiel veul krach,
gae raojt al wat der kump: de vastelaovesjump!
Wae gaon dan allemaol hiël efkes door de kneen,
doon de heng umhoëg zoedet gae ôs kint zeen.
Wer umhoëg, gaon we ein vur ein,
zoeas ge zuut gaon wae héj van de bein.

Jônk en aod springt wer oeht d'n bangk,
Idderein danst, gangk mer aan de kangk.
Laot mer gaon,
héj kin neemus miër blieve staon.
Doot mer mit,
dit wurt dit jaor d'n hit!

Mit vastelaovend dan zien wae wer héj,
Zien wae d'rbéj, zien wae wer bléj.
Mit vastelaovend dan make wae héj,
ein groëte danspartéj!!

HOME PLAATSNAMENOVERZICHT HOME

VASTELAOVES-MAEDJE
2007/2008: Tekst: Hampelemen - muziek: Marcel Driessen
Zang: Hampelemen

Ich zoog dich dao laupe, mit bein zoe hemelslang;
flônkerende uigskes en. blönkes oppe wang
Ich waas drek verkoch, wie'ch in dien auge keek.
Héj wat aafgezoch; doe maksde mich van streek…

Refrein:
Vastelaovesmaedje, ich heb gedrumt van dich,
al de ganse nach,
in mien druime bin ich al lang gezwich.
Mien vastelaovesmaedje, ich en dich;
echte leefde op 't iërste gezich!

Maedje, ich blief altiehd béj dich!
Druim ich, of bis dich van mich?

Ich heb gedrumt van dich, de ganse nach…
Allein mer druime doot ich van dich, daag en nach!!

Kneep mich in d'n erm; is 't echt zoewiet?
't Is wér vastelaovend, d'n allersjônsten tiehd!
Is 't werkelik waor? Bin gans sprakeloos.
Mien hert stông efkes stil, wie's dich mich héj verkoos…

Ich plök nôw idd'ren daag;
kriebels in de maag.
Doe bis mien groet gelök,
en brings mich van mien stök!

HOME PLAATSNAMENOVERZICHT HOME

DE VASTELAOVESTANGO
2004/2005: Tekst & muziek: Wim van Dommelen
Zang: De Tangotraejers

Ich haoj van lekker hosse, det zit mich in ut blood
Zoe same oppe vloer gaon det duit mich dus hiël good
Mer wil ich uns get sjuuve, mèt dich hèj aan mien zèj
Dan huurse gans get angers en veul ich mich wie nèj

Refrein:
Kom dans met mich, de vastelaovestango
Want met den dans zien wae zoe lekker doën bèjein
Get zutjes sjuuve op den tango
Op dae muziek det vinge wae zoe fijn.
Efkes neet hosse want ich wil dich vertôsse
Kom mer fijn bèj mich hèj in mien erm
En dans mèt mich de vastelaovestango
Doe leeve sjat dan kriëge wae ut werm.

De polonaeze laupe det doon ich aug zoe gaer
Mèt hiel veul achterein det zuuse althiëd waer
Mer aaf en toe dan wil ich get angers tussendoor
Zo'n lekker zwoel muziekske trekt mich dan oppe vloor

HOME PLAATSNAMENOVERZICHT HOME

VERGAET UT MAAR....(IDOLS)
2006/2007: Tekst: René Kauffman – muziek: Michiel van der Grinten
Zang: OwJee

Waem wilt d'r neet 's op de foto?
Dich op dien bèst veur ieëwig vasgelag.
Jao gans veuraan staon op de foto;
dich profilere veur ut naogeslach…

Waem wilt d'r neet 's in de picture staon?
Dich op dien bèst met 'n vétte hit.
Gans allein 's in de picture staon;
veur efkes held, det neemus vergaet…

Refrein:
Whoo ho ho ho ho ho, vergaet ut maar…
Jao jao jao jao jao jao, vergaet ut maar…
Mèt dae foute bril en dien verkierde sök,
jao mit det lilluk gezich en al det euvergewich.
Nae, vergaet 't maar, jao jao jao jao jao jao, vergaet 't maar…
Mèt die puiste op 't punt van explodere,
kinse 't allein nog maar béj Idols 'ns probere!

Waem wilt d'r neet 's op 't sjild?
Bove de rest de grotste kampioen.
Waem wilt d'r neet 's op 't paerd getild?
Met vèt succes, op tés 'n dièk miljoen.

Waem wilt d'r neet 's op de foto?
Dich op dien bes mèt 'n vétte hit.
Jao gans veuraan staon op de foto;
veur efkes held, det neemus vergit….

Laatste refrein:
Vergaet ut maar…
Vergaet ut maar…
Mèt dae foute bril en dien verkierde sök,
jao mit det lilluk gezich en al det euvergewich.
Nae, vergaet 't maar………………….. vergaet 't maar…
Mèt die puiste op 't punt van explodere,
kinse 't allein nog maar béj Idols 'ns probere!
Vergaet 't dus maar!

HOME PLAATSNAMENOVERZICHT HOME

WAE GAON D'R OP OEHT
2004/2005: Tekst: W-Veer - muziek: Alain Bos
Zang: W-veer

Refrein:
Wae dreije now de knoep um, en zien snel e-weg,
weam dan nog aan de deur kumpt, dae haet gewoën pech.
want met de vastelaovend gaon wae d'r wer op oeht,
en det althiëd met un blèje sjnoeht!

Idder jaor opnèj, det is un groët gelök,
drei daag vastelaovend, det kin neet miër stök,
dan gaon wae iërs de zolder op, en zeuke get vur oppe kop,
ich vraog mich aaf wao ich det heb verstop.

Kiëk us wat wae hebbe gemakt,
now mer hope det os niks aafzakt,
jao met z'n alle viëre, wae vast'laovend wie in Rio,
wae zien met z'n veere, neet un trio.

Kom laot uch uns lekker gaon,
blief hèj now neet stil bèj staon.
want op dees caribisch, geweldig sjoëne klanke,
staon wae hèj wer veur uch oppe planke!

HOME PLAATSNAMENOVERZICHT HOME

WAE GOAN D'R TEGENAAN!
1997: Tekst: Peter Wijnen - muziek: Mart van Goor & Peter Wijnen
Zang: De Veer Moate

Asse unne aovend op stap wils goan,
en doe his dao bej dien nette pak aan gedoan.
Of de now bej Grommen of bej Thijssen is,
makt niks oeht asse d'r mer bis.

Refrein:
Wae goan d'r mit de ganse bubs now tegenaan.
Det doon wae hej,
det doon wae doa.
Det doon wae overal waor ut loos mot gaon.
Hae geit veurop,
het kumt d'r noa.
Wae danse door de ganse tent.
Dich duis det zus,
ich doon det zoee.
Waem zitter now noch op zien krent,
wae goan d'r echt wel tegenaan!

Of se mit d'n auto of de fiet hej kums,
al kumse mit d'n taxi of te voot.
Asse in de kroeg now aan de bar geis stoan,
sloeht mer aan en blief doa now neet stoan...

Asse now vanoavend flink dien bes his gedoan,
doe his noch ginne zin um weg te goan.
Hisse ginne zin of bisse aan de pin,
komop jong en stil dich now neet aan!

HOME PLAATSNAMENOVERZICHT HOME

WAE HEBBE UT GEVONGE
2004/2005: Tekst: Willam Joosten - muziek: Ben Verdellen
Zang: Boris & Kloris

ich heb ech gekeke onger iddere stool
en ich heb gezog wie unne halve zool
mer wat wae toen zochte vonge wae neet
en det deej os toch wel get verdreet

mer, nou, kumpt, ut

in de vastelaovestiehd, dan zien wae ut nimmer kwieht
jao, dao staon der zat op iddere hook
want in deze sjoene tiehd, zien wae allemaol geliehk
ut zien pletjes net wie oeht un book
de karneval dae heet os gerakt
en daorum hebbe wae os nou bejeingepakt
in de vastelaovestiehd zien wae blej
want wat wae gevonge hebbe det steit hej

wie ich iers aug keek op idderen drej
det eine dink zoot der ech neet bej
overal zien wae dao al vur geweest
stad en lank hebbe wae al aafgesjeesd

mer, nou, kumpt, ut

in de vastelaovestiehd, dan zien wae ut nimmer kwieht
jao, dao staon der zat op iddere hook
want in deze sjoene tiehd, zien wae allemaol geliehk
ut zien pletjes net wie oeht un book
de karneval dae heet os gerakt
en daorum hebbe wae os nou bejeingepakt
in de vastelaovestiehd zien wae blej
want wat wae gevonge hebbe det steit hej

HOME PLAATSNAMENOVERZICHT HOME

WAE ZIEN D'R ALTIEHD MET VASTELAOVEND !
2003/2004 nr.3 : Tekst: Jan Schers - muziek: Wim van Dommelen
Zang: Aafgelas

't Is al mit d'n optocht dan gaon wae d'r al veur;
wie vastelaovesgekke, wae wille gin gezeur.
Dan gaon wae efkes tenke, det is dao aan de bar;
en moog 't toch zoe lieke, wae zien neet in de war.

Refrein:
Wae zien d'r altiehd mit vastelaovend,
want det wurt noeits aafgelas.
Wae hebbe 'n kondiesie,
dao-mit is idderein verras.
Béj ôs gin wisselspeulers
en lupt neemes boetespel.
As wae nao binne kome
trekke wae wer aan de bel.
Wae zien d'r altiehd mit vastelaovend,
want det wurt noeits aafgelas.

Wae wille 't belaeve en zien auch euveral;
as d'n onecht wurt geslaote dao op 't boorebal.
't Paerke is gelökkig, ge wit wel wie det geit.
Dan viere wae de broelof tot 't maönke d'r wer steit.

Nao dréj daag vastelaovend blieve wae nog aan de geng;
béj ôs gin adempauze, wae biete op ôs teng.
Aswoensdig oehtgeslaope, dan liekt 't wer veurbéj.
Mer béj 't hieringsjille, dan gaon wae wer opneej.

HOME PLAATSNAMENOVERZICHT HOME

WAT IS D'R AAN DE HANGK?
1998/1999: Tekst: Kweknekke - muziek: Kweknekke, Albert Swinkels
Zang: Kweknekke

Wae gingen op safari, doe wits wel wie det geit,
doa in dae groete jungle zoog ich un hiel sjoen meid.
Doa door die greune struuk, doa keek un zwarte snoet.
Ich dach die neem ich mit noa ozze vasteloaveskoeht.

Refrein:
Hey man, wat makse unne rambam?
Wat is d'r aan de hangk in ut Limburgse langk?
Joa man, loat zeen det ze 't kins dan?
Drej daag volop fieste, d'r tegen aan goan wie de bieste!
Hey man, kom gangk diene gang dan
Zit de koeht ongerstebove, det kin wel get belove!

In Limburg aangekome, doa preufde wae ut fiest.
De ein verkleid as kloon, de anger ging as biest.
Ich heij det noeits gezeen, ich wos neet wat det waas.
Ze lepe in un rej en dronke oeht un glaas.

Doa leep un stam van elluf en eine mit un vaer.
Dae leep dan auch veurop en deej det dan auch gaer.
Wae kinne det now snappe, wie det bej uch geit.
Wae kome nog uns truuk en dan zien wae auch verkleid.

HOME PLAATSNAMENOVERZICHT HOME

WEEM DUIT OS WAT DEES DAAG?
2006/2007 nr.3 : Tekst: Mark van Mullekom - muziek: Marcel Driessen
Zang: Krangs-um

Refrein:
Weem duit os wat dees daag? dit is d'n tiehd zonger zurg en vol plezeer
weem duit os wat dees daag? same geneete dao kumpt ut now op neer
weem duit os wat dees daag? ich zeg ut dich, bej os kriegt nemes spiet
want wae gaon drei daag lang, mét alleman aan de gang,
d'r tegenaan, de sjonste tiehd!
jao wae gaon drei daag lang, mét alleman aan de gang,
mét de vaste...........vastelaovestiehd

ich waer wakker, dao geit de tillefoon, wie laat, wat zaesse zei ich, wat gaon wae doon?
maak dich veuroeht zeije die, waor bliefse toch? slaope det kinse straks genôg!
ut is nou tiehd um op te staon, laot um drei daag lang good gaon.........ein, twie, drej!

Huul ut durp lupt leeg, mer ut kefee lupt vol, dit gaon wej viere mit os allemoal
aod en jônk doorein, doe zuus hej groet en klein, en nemes makt zich dieke bein
ut is nou tiehd um op te staon, pak uch vast en laot um gaon.....ein, twie, drej!

en mét dees daag dank dink ich mei, wat vluugt de tiehd hej toch veurbej
dus dink mer neet, det doon we zat, en fiest mer totse 'ut haes gehad........

HOME PLAATSNAMENOVERZICHT HOME

WOEHEETUTTUTTAN
2004/2005: Tekst: Wiet Pouwels & Han Loozen - muziek: Han Loozen
Zang: Tren en de Men

Drek aan ut begin kosse zeen al
Doe bis sjoëner dan hiël de rest
Idderein kwaam nao dich kieke
De sjoënste oeht hiël ut nest
Dien aojers koste neet geluive
Det de ooievaar dich heij gebrach
En wie oma dich net gezeen heij
Toen haet ze hiel zutjes gezach''

Refrein:
Woeheetututtan woeheetututtan ? Haetututtao of haetuttuthie
Woeheetututtan 2x Wat bisse toch un lekkere prie
Woeheetututtan 2x Lach mich aan of oeht
Maak kuulkes in dien wange Ein lach op diene sjnoet
Doe bis um op te vraete Dich bis mien lekker sjproet

As pul van net onger de achttiën
Maksde dich elke haan knettergek
Idderein sjtong dich nao te kiëke
En kreeg eine hiël sjtiëve nek
Det ich dich heb durve vraoge
Det hej hae zellufs neet gedach
Mer toen wae op daen hook ginge kusse
Heb ich mien eige gedach..

Ich heb neet mier verder gekeke
Want ich veulde mich miljonair
En auch wie de jaore verstreke
Zoog ich dich nog aeve gaer
D'r zien dinger dao kin ich vort zonger
D'r zien dinger die hoof ich neet mier
Mer doe bliefs veur mich ech un wonger
't Is net wie dae allerlètste kier....

HOME PLAATSNAMENOVERZICHT HOME

ZEEN ICH DIE LEMPKES
2003/2004: Tekst: Jan Schers - muziek: Wim van Dommelen
Zang: de Sjoenkelaers

Refrein:
Zeen ich die lempkes dao bove
en auch nog det maönke staon,
dan weit ich bijna zeker,
hoof ich nog neet te gaon.
Want as die blieve sjiene,
dan wurt 't noët te laat.
En hoof ich neet te zeuke
nao deur of sleutelgaat.

Vaelt urgens get te viere, bin ich van de partéj.
Det heb ich nou al jaore en is jao gaar neet néj.
Mer 's aoves zônger lempkes, dan heb ich 'n probleem;
kan ich 't sjloot neet vinge as ich de veurdeur neem.

En is 't vastelaovend dan doon ich auch wer mit.
Tot in die kleine eurkes, ich zeen dan auch gin bed.
Soms wurt 't laat en duuster en laup ich wer verkiërd,
want zeuke zônger lempkes, det is mich noët geliërd.

HOME PLAATSNAMENOVERZICHT HOME

ZING NOG DE LITSTE KIER
2007/2008: Tekst: Robert Janssen & Willem Heldens - muziek: Robert Janssen
Zang: Waarum Neet?

Wae hebbe heij hiel veul gezonge, en ilkis kier waas ut te gek.
Wae vulde os aanein verbonge, dit waas vur os jaore de plek
de plek waordet alles gebeurde, de plaats van de joeks en al mier
waor idderein mit stong te zinge, vandaag is ut de litste kier.

Refrein:
Zing nog de litste kier, zing nog de litste kier
dan is ut vurbeij, zien wae neet langer heij (heij heij)
Zing nog de litste kier, zing nog de litste kier
dan sjloete wae aaf, vastelaovend alaaf.

Zoe geit ut auch mit vastelaovend, wae gaon dan dreij daag flink op stap
Van s'middigs wies deep in de aovend, de dansvloer op, of aan de tap.
Mer dan kumpt wie altied ut einde, het einde van de sjonste tied.
dan zien alle liedjes gezonge, vurse ut wits is 't zoe wiet.

HOME PLAATSNAMENOVERZICHT HOME

ZOE SJOËN
2006/2007: Tekst: Bejeingerapt – muziek: Marcel Driessen
Zang: Bejeingerapt

Refrein:
Weem geit d'r mèt, dan gaon we same stappe
Weem geit d'r mèt, nao ut vastelaovesbal.
Weem geit d'r mèt, same oppe lappe
Joetse, danse, zinge det is de carnaval.
Pak mekaar mer in de erm
Dan sjoenkele we ôs werm.
Doot met ôs mèt en stank nou mer uns op
We zette mèt zien alle hiel de tent wèr oppe kop.

Ut is sjoën, ut is good, blief mer in de maot
Ut is sjoën, ut is good, det kin echt gèn kwaod.
Ut is misjien get simpel en zeker auch neet hip
Mer asse mèt ôs mèt duis kumpse oeht d'n dip.

Ut is sjoën, ut is good, laot dich lekker gaon
Ut is sjoën, ut is good, blief nou toch neet staon.
Ut is toch zoë plezeerig, vleeg d'r tussen in
Van unne sjoëne vastelaovend is dit ut begin.

HOME PLAATSNAMENOVERZICHT HOME

ZOEJS DICH MIT MICH DE BLUMKES BOETE WILLE ZITTE?
1998/1999: Tekst & muziek: Wil vd Coelen
Zang: Flabbedeejes

Refrein:
Zoejs dich mit mich dees daag de blumkes boete wille zitte?
Want ich zeuk eemus dae hiel gaer op mich zoei wille lette.
Allein mit dich zoe doen bej mich veul ich mich toch zoe werm,
en dans ich gans de vasteloavend lekker in dien erm
En dans ich gans de vasteloavend lekker in dien erm

Idder joar rongk deeze tied vroage wae os aaf;
'Wat doon wae mit de carnaval, as ut aan os laag;
zeuke wae de snie op of wurt ut Curacao?
Of goan wae net as veurig joar same wer op sjouw?'

Um drej daag gans allein te goan is toch gaar-oeht niks.
Ich stoan dan einzaam aan de kangk en ich dingk aan dich.
Al waeke van te veure, och det is mich get,
stel ich dich de vroag: 'Geisse mit mich mit?'

En as ut wer asgoonsdig is, de hiering wurt gesjild,
van wat wae hebbe mitgemakt, wurt nog ins vertild.
Ut waas wer unne sjoene tied, zeg ut now, echt woar;
wae vroage os dan same aaf: 'Wat doon wae volgend joar?'

HOME PLAATSNAMENOVERZICHT HOME

ZOEMAAR 'N PLAETSKE
2001/2002 nr.1 : Tekst: Peter Lormans - muziek: Peter Lormans & Albert Swinkels
Uitvoerende: Miks Dubbel

Ich keer d'r vur 't irst in 't rôngk, waas hiel klein,
mer net béj mam oeht de sjoeht, nog lang neet groët.
Ich veulde mich dao toen al drék hiel good thoes,
jao, dao stông al veur jaore ôs hoes.
En ginge de jaore toen al snel vurbéj,
dach d'r neet aan, en héj veul kômpeneéj.
De werreld ging ope vur mich, 'ch waas d'r thoes,
En dit is wat ich dach: ...

Refrein:
Dit is 't plaetske toch, waor desse alles his,
waorse getaoge bis en waor dien hertje vol van is.
Det hiel klein plaetske dao, waor ut nog Limburg is,
Zal altiehd blieve, det is waorse hiel gaer bis ...
Zal altiehd blieve, det is wat ôs Limburg is.

En toen kwaam ut maedje, ich vông 't gelök,
en kiendjes d'rbéj, wat vloog toen wér d'n tiehd.
De joare, die hebbe ôs al gans ingehald,
vreuger, dao wurt veul euver gekald.
Béj oma en opa fijn zitte ôppe sjoëht.
Ware ze toch nog mer neet al zoe groët.
Mér doe bis zoe jôngk asse dich toch wel veuls,
En dit is wat ich dach: ...

Dit is ut plaetske in dien laeve, waorse jaorelang van huls.
Joa, want det plaetske duit dich gaeve, wasse in dien hertje veuls !

HOME PLAATSNAMENOVERZICHT HOME