HOME PLAATSNAMENOVERZICHTHOME


AAN 'T BUFFET
2002/2003: Tekst: Jac Titulaer - muziek: Jo Hofman
Zang: Watermeulehook

In idder kefeeke, dao zusse um staon.
Dae g'zellige teeke, wao 't good toe kin gaon.
Jao, in idder kroegje is det toch ut hert.
Dao smak mich 't joegje, verdrièf alle smert!

Refrein:
Wat zitte weej net, doèn beejein aan 't buffet,
zoè maar same met ein wet te kletse.
Och, wat ein gelök vink me doa op zôn krôk,
want det proat zoe mekkelik, det wetse.
Zoè beejein aan den teek wuurt toch zelde gegreek,
dao kinse vuèl bae-ter zin-ge!
Zoè beejein aan den tap wuurt d'r wet oèt–geflap,
det de minse vuèl blièdschap kin bringe.
Kom op, schuùf maar aan, heej beej ôs rônk dae kraan,
um ens flink oèt daen band te springe.

Kôm pak dich zôn krôkske, zoe dök asse kins.
De greujs dao ein stökske want de tels mei as mins.
Jao, dao aan den tapkas beej ein glaeske beer,
dao tap dök de grapjas 't groëtste plezeer.


HOME PLAATSNAMENOVERZICHTHOME


DAO DREIT 'T UM
2005/2006 nr.2 : Tekst & muziek: Ben Verdellen
Zang: Jac Keunen & Pascalle Bastiaens

Refrein:
Wao 't um dreit, dao dreit ut um
Veur dich dreit idderein zich um
Dich hebs en des geheid
Alles wao 't zich um dreit
't Is net wie nao ein good glaas wien
det alles wônderschoën kin zien
Ik dreij d'r neet um haer
Ik zeen dich toch zoeë gaer

De aerde dreit en dreit maar door
en steit noeits efkes stil
En zoel det oeits gebeure gaon
weit ik al waat ik wil
Met dich nog efkes knoevele gaon
of laupe op de hei
En waat d'r auk gebeure zal
dich neem ik met mich mei

En zien weej in de wolleke
Wao steeds 't zunke schient
Wao idder mins geneete kint
Wao einzaamheid verdwient
Wao alles um 't mins zien dreit
Um gelök en um plezeer
Det is de plaats wao ik van hald
Dao wil ik met dich haer


HOME PLAATSNAMENOVERZICHTHOME


DET DOON WE EUVER
2004/2005: Tekst: ? - muziek: ?

De wils altiëd ’t beste gaeve,
Want angers haet ’t genne zin,
Det is mich ech neet um ’t aeve,
Det zit d’r einmol beej ôs in.
Dus as ik dich kös, dink ik ôngerös
Of det neet baeter kin:

Refrein:
Doot det nag ens opniej, angers weit ik nimmer wie,
Ein, twië, dreej, det doon we euver,
En den nog eine kiër, angers kin ik ’t nimmiër,
Ein, twië dreej, det doon we euver,
As weej det saame dök probere,
Jao den kômme weej bes wal vaer,
Det kin allein maar baeter waere,
Det doon we euver, en gaer.

Wae ôngekös nog is gebleve,
Kin altiëd in de beuk terech,
Die euver kösse zien geschreve,
En die zien gaar nog neet zoë slech.
Maar die theorie goei ik gaer op zie,
Ik liër ’t lever ech.


HOME PLAATSNAMENOVERZICHTHOME


DET HAET MIEN MOODER MICH GEZAG
2005/2006 nr.4 : Tekst & muziek: Wim Jansen
Zang: Hans Peelen & Vivian Vervoort

Ik kwaam ein maedje taege, persiès wie ik 't woel,
't Waas gaar neet verlaege, ik vroog um ein kösmoel,
Het zag: 'Nog in gen jaore, te vlot kump dien idee,
De mós mich ens verklaore: Wie kumpse dao toch beej?'

Refrein:
Det haet mien mooder mich gezag:
'Wat met leefde wuurt gedaon
Is nog altièd good gegaon',
Det haet mien mooder mich gezag,
Jao, dao haet die mich mei groeëtgebrach.
En as ik zeen wie schoeën dien auge blinke,
Dan mót ik aan de wièze wäörd van mooder dinke:
'Lever noow te vlot dan straks te lang gewach'
Det haet mien mooder mich gezag.

Ik waas det oèt aan 't legge, het zag: 'De's wièze praot
Ik zal dich ens wat zegge, mien mam goof ouk dae raod'
Gekös haet mich dae leve, maar beej daen eine kièr,
Is 't ech neet gebleve, 't woorte d'r vuuël mièr:


HOME PLAATSNAMENOVERZICHTHOME


DE GEITENBOEK
Tekst & muziek: Kuebke van de Kloomp

Ozzen buurman haet eine geitenboek
det is toch zônne schaélen toek
Daé zuut beej ôs de geit neet staon
En duizen um der beej
Dan telt haê iers wies dreej.

Refrein:
Och wat is uttoch ein leidt,
det de boek neet sprink en de geit neet gijt
Ouk daên ties haet de zelfde scheet:
ik wil ut wal maar kan ut neet.

Heî daé buurman nao maar us poërkermoos
Den waes der beej daën boek wat laos
Maar daê auk kin der niks aan doan
en zeker beej ôs geit
want die wet wie ut steit.


HOME PLAATSNAMENOVERZICHTHOME


HAEJ SCHAT
2003/2004: Tekst: Jan Titulair - muziek: Piet Theeuwen
Zang: Marja Jonkers en Arno Hermans

Refrein:
Haej schat wetste
Wetste neet wie laat ut is
Dinks dich aan den tied
Of is den tied de waeg weer kwiet
Haej schat wetste
Wetste noow wie wiet ut is
Al bisse weer ens op de klater
Den tied helt alles in de gater
Ut is oet met dien gesmoes
De kins met mich nao hoes
(alleej de geis met mich nao hoes)

O jee ut is weer ens zoe laat
Ozze Sjang met vasteloavend weer op paad
Kefeeke in de nudige pilskes oet
Stiekum kösse op die leuke snoet
O jee sjans hae met un bruudje
Dan striets um die stum det leuke snuutje
Maar ik bin nog gaar neet muug
Ut is nog vuuls te vruug

O jee ut haet zich opgetut
Andere leuke vruiwkes staon noow weer veur schut
Aan haörkes en aan wenkskes is lang gewerk
Det wuurt door de jungskes opgemerk
O jee eemus wilt um kösse
Dan kump um die zannikmuts der tösse
Maar ik bin nog gaar neet muug
Ut is nog vuuls te vruug


HOME PLAATSNAMENOVERZICHTHOME


HEEJ EN DAO
2004/2005: Tekst: ? - muziek: ?

Weej weite in ’t Getske van gen wiëke,
Toch veule weej smeis ein gemis,
Den môtte weej ens aaf en toe gaon kiëke
Wie det ’t beej de Mammes is:

Refrein:
Van heej nao dao, zoë waaje weej,
En den daonao van dao nao heej
Weej gaon of k?mme aevegaer
Want haer of truuk de’s aevevaer,
Van heej nao dao, zoë waaje weej,
Wie dök det halde weej neet beej,
Jao, den wetse waasse haes,
as weej weer kômme wao weej al zien gewaes.
Jao, den wetse waasse haes,
as weej weer kômme wao weej al zien gewaes.

En staon weej beej de Mammes wet te drinke,
Det raojt geej zeker al meschien,
Beginne weej weer vlot genôg te dinke:
Wie zoej ’t in ’t Getske zien?

Weej treffe altiëd einen haup bekinde,
Dao drinke weej ’t glaas mei laeg
Maar as geej ôs dao neet heb kinne vinde
Den ware weej net ôngerwaeg.


HOME PLAATSNAMENOVERZICHTHOME


HIERE RIEK
Tekst & muziek: Jac. Sanders

Refrein:
Schöd d'r os maar einen in,
Want wej hubbe zonne zin,
D'n ierste is al weer besteld,
Wej kieke neet nao geld.

Minse van Holt Blierick laot um gaon,
Blief toch neet zoe stief en slomig staon,
Euveral is toch joeks en plezeer,
Bej einen borrel of ein glaeske beer,
Kom maar op en drink 'ns oet,
Want straks motte wej d'r oet.

Vastelaovend in 't Hiere 'Riek,
Alles geit op maot van de meziek,
Idderein dae haet ein gek gezich,
Pak 'm vas en doot ens gauw ooch plich,
Kom maar op en drink ens oet,
Want strakkes motte wej d'r oet


HOME PLAATSNAMENOVERZICHTHOME


D'N HOEMPAPA
2003/2004: Tekst & muziek: J.van Knippenberg
Zang: D'n Watermeulehook

Refrein:
Kiek dao hiep-hiep hoera
Dao kump d'n hoempapa
Ze blaoze sjiek en met vuul plezeer
Gaon zeej de straot door op en neer
Huur dao hiep-hiep hoera
Weej zinge tra-lala
En de muziek dae helt neet op
Ze blaoze os de oere van de kop

Ein blaoskapel die huurt ter beej
Veur de joeks en veur de lol
De gansen daag door speule zeej
Van do-re-mi-fa-sol
En idderein dae lach en zingk
En sjoenkelt in de maot
Umdet daen hoempa stumming brink
Beej os al in de straot

Eine mars of unne traoge wals
Det mak eur gaar niks oet
Al geit ut meij ein bietje vals
Ze blaoze keihert op eur toet
Ein mietje dae dao den nao kiek
Weej blieve optimis
Ut geit allein um de muziek
As dae maar keihert is


HOME PLAATSNAMENOVERZICHTHOME


HOLT BLIERICK ALLEIN
1974/1975: Sanders/Caron

Refrein:
In Holt'Blierick allein,
Dao kinste wat belâeve.
In Holt'Blierick allein,
Wilt idderein zich gaeve.
Ze gaon dao allemag oet,
Met of zonger'maske op eur snoet.
­In Holt'Blierick allein,
Jaô dao guuf 't altied gein.

Dâe met vastelaôvend ens oet wilt gaon,
En neet allein aan de kant wilt staon,
Dae goeit zich tus nut gewuul,
Met Miena met Sjeng en met Sjuul.

Dun tied van de joeks dae geit ouk veurbeej
De poerkers loupe dan in de reej
En naô ein jaôr geit weer loos
Met Mrie-ja met Nol en met Toos.


HOME PLAATSNAMENOVERZICHTHOME


HOUT-BLIERICK
2004/2005: Tekst: ? - muziek: ?

Refrein:
Hout-Blierick dorpke leef en schoën.
Ik bin zoë bliej det ik heej woën
Dich bis veur mich de fijnste plek
Hout-Blierick dich bis ech te gek

Ik heb de dörpe rönk um bezög
Wat ik dao zoog zag mich genög
Ze zien wal fijn maar niks veur mich
Want as ik ierlik bin, ut heat genne zin
Ik wil mien brook, beeje wei, luije hook
Os moeije tangkoel, en fijne kerk
Ik wil unne prins en heej idder mins
Want det alles same mak os sterk

Lang geleeje bis dich heej ontstaon
Wiej de iërste heej noa toe zien gegoan
Die hebbe flink gewerk en gesjouwd
En dich met hiel veul plezeer opgebouwd
D’r is niks met dich mis blief wiese bis
Vier vastelaovend in Poerkerlank
Niks is te dol maak jen en maak lol
Det guuf eine echte blievende bank

Ik blief heej we halde paol
Maar zeg es wat doot geej
Weej bliëve allemoal
heaj heaj heaj


HOME PLAATSNAMENOVERZICHTHOME


KIEK DAO
1974/1975: Tekst: Mevr.Theeuwen?Dirkx - muziek: J.Hofman

Refrein:
Kiek dao, eine poerker
Dae is nag lang neet mis
Hae wilt 't auk nog weite
Dette eine poerker is.
Kiek dao eine poerker
Dae houwt al op die kis
Dae helt van joeks en van plezeer
Um detté eine poerker is.

Minse van Holt Blierick
Kom poerkers groët en klein
Laot os now gaon viere
't poerkerfestijn
Alle poerkers groët en klein
Zinge same dit refrein...

Geit den optoch trekke
De prins met ziene raod
Vastelaoves gekke
Die hosse door de straot
Op de maot van de muziek
Jao den zink de ganse kliek...

Wuurt 't vastelaovend
Den tied van joeks en lol
Drinke weej os glaeske
En dreej daag doon we dol
Kom now poerkers zet 'm op,
Ouk al staot ge op de kop...


HOME PLAATSNAMENOVERZICHTHOME


MIENE DREIJ
2003/2004: Tekst: Karel Gatzen - muziek: Theo Heijnen
Zang: Sjaak Peulen, Sjaak Keunen, Pascalle Bastiaens

Ik stong vanmorge op toen waas hae pleite
En det brach mich ergernis
Dus wil ik wal ens weite
Wao det dae gebleve is
Want ik hei um toch zoe gaer
Kom ik dreij der neet um haer

Refrein:
Ik kin miene dreij neet vinde
Wet d'r neemus wao dae leet
Ik vroog ut kennisse en vrinde
Maar die woste ut auk al neet
As geej um vink is det ein wonger
Det waas mich bes waal wat waerd
Want ik kin toch gaar neet zonger
Ik bin ram van de gaerd

Ik keek ens in de kamer en keuke
Op de zölder , in de schop
Zoe bleef ik oore zeuke
Maar ik schoot d'r niks mei op
Ik waas bekans ten einde raod
En ik reep euver de straot

Ik keek ens in de speegel en wat dache
Wat ik zeg is genne mop
Ik kin d'r noow mei lache
Miene dreij zoot in de kop
Loester good waat ik og smoes
Zeuk ut noeits te wiet van hoes


HOME PLAATSNAMENOVERZICHTHOME


NIEJE STRAOTE
1975/1976: Tekst: Mevr.A.Schouren-Bosch - muziek: Nol Peters

Refrein:
Wat is der nôw gebeurd, wat is der nôw gebeurd:
Os hoës det is gescheurd.
Jao det is der gebeurd, ôs hoës det is gescheurd,
Wat eine flater, van de Later.

Jaore, Jaore höbbe weej môtte praote,
Veur in Holt'Boliërick nieje straote.
Eindlik ziën die nôw den klaor,
Nôw höbbe weej ein nie bezwaor:

Nelke, Nelke, stank nôw neet te treure,
Det dien hoës zoë erg is gaon scheure.­
Piet dae goof dich ein paliës.
Maar angre zinge nag dees wiës.


HOME PLAATSNAMENOVERZICHTHOME


NOOW EFFE NEET
2005/2006 nr.1 : Tekst & muziek: Peter Jansen
Zang: Miek Vervoort & Ellen Goertz

Op vastelaoveszaoterdaag,
Dan raak ik hielemaol van slaag,
Wil ik gaer metein gaon pleite,
Maar mienen baas, dae det neet merk,
Dae wilt dan det ik euverwerk,
Dae laot ik dan efkes weite:

Refrein:
Noow effe neet, noow effe neet,
Ik heb niks miër te make met doordewaekse zake,
Noow effe neet, noow effe neet,
Alles laot ik ligge wie 't leet.
Dan gaon ik dreej daag lang,
Op de joets en neet te braaf,
Gaon ik door 't behang,
Vleege de stökke d'r van aaf,
Op aswoensdaag bin ik weer compleet,
Maar noow, noow effe neet.

Mien snuutje, jao det hald ik moei,
't Ganse jaor al in de ploei,
Blief ik op 't rechte paedje,
Maar met zon kledje en ein pruuk,
Kint auk mien mam mich neet miër truuk,
Zaetse: 'Bis dich ech mien maedje?'


HOME PLAATSNAMENOVERZICHTHOME


OP DE POERKERPLAK
1971/1972: Tekst: J.Linssen & G.Theeuwen-Dirkx - muziek: J.Hofman

Refrein:
Jao wetste woe 't mich 't beste smak,
Den alde klaore, 't beer of de cognac.
Nae weej gaon neet wied van hoes,
Nae weej blieve lekker thoes.
Op de Poerkerplak woe 't mich 't beste smak
Op de Poerkerplak, wuurt wir aangepak
Huurste gen geklaag, dees Vastelaovesdaag.

Os Nelke 'n kind van zestien jaor,
En Mientje van de bure,
Zoë um de vastelaovestied,
Den kriege die wir de kure,
Ze zinge allebei
En idderein zingt met eur mey.

Den aldste stuup, de jongsten blaag,
Op de Poerkerplak gebaore,
Die zinge now zoe hard 't geit,
Van 't Laorbrook wies Euverkaore,
Jao as 't efkes kan,
Dan make weej d'r hutspot van.


HOME PLAATSNAMENOVERZICHTHOME


DE POERKER DOOR DE JAORE HAER
2002/2003: Tekst: Peter Huys & Bart Janssen - melodie : 'Nieën Daag' (Ben Verdellen)

In 69 opgerich, minse met ein good berich.
We hebbe ein hiel moei beleid, de Poerker, det is now ein feit.
Det geit al hiel lang good.

De Poerker det is ozze naam, weej weite neet waor det van kwaam.
Maar det boeit auk genne mins, want daor kump toch unne prins.
Zoel det de letste zien ?

Zal dae Poerker prins, zal daen adjudant,
nog veur idder mins, gaon veur Hout-Bliericks land.
Poerker gank daor.

Waat geit ut os toch allemaol good, minse met vuul gooije mood.
Ze doon allemaol gaer eur bes, de Poerker, det is un succes.
Fies allemaol maar mei.

Vastelaovend, det steit veur de deur, unnen optoch met hiel erg vuul kleur.
Laot det nog hiel lang good gaon, Poerker, blief op de puut staon.
Laot det nog lang zoe gaon.


HOME PLAATSNAMENOVERZICHTHOME


POERKERMOOS
1974/1975: Tekst: Mien v.d.Hombergh - muziek: Fr.v.d.Hombergh

Vastelaovend kinne ze viere allemaol
Det wet jao iddere gek, det is 'n alt verhaol.
Ein lekker maedjè en 'n beerke ierste keus
En nao aafloup klink os leus....

Refrein:
Poerkermoos
En ik wil poer - ker - moos
Good veur de neere, good veur den hoos
Ik wil nog steeds, waat ik as jungske vreuger koos
Poer - ker - moos en ik wil poer - ker - moos
Good veur de neere, good veur d'n hoos
En ik wil poerker - poerkermoos.

Roeije, witte kôel, andievie en kôelraab
Det is der zat veur iddere rang en fiene smaak.
De spruutjes, prei en auk de slaai veur iddere mins
Maar toch blief ôzze wins


HOME PLAATSNAMENOVERZICHTHOME


DE POERKERPLAK
2004/2005: Tekst: ? - muziek: ?
Zang: Peter Huys & Bart Janssen

Met deze vastelaovend wuurd ‘t laat,
Ein pilske drinke,zeg ober bring det vaat.
D’n ober leep toen weg,en zei geej heb zo’n pech,
Niks te kloeke,ho wach ze zien terrech

Toch nog wat te drinke in de zaal,
Tap der eine,of veer of zes egaal.
Minse huur dit aan,noow houw det vaat maar aan,
We zinge vaerder,dao kint geej van opaan

Refrein:
Zing dit leedje mei,Zing dit leedje mei,
Ving diene dreije,Op de poerkerplak,
Wuurd waer fies gemak,En auk doorgezak.
In dit poerkerland,In dit poerkerland
Klap in och hand,Poerkers in ut zand
Is toch zoe frapant,Laes det maar in de krant.

De poerkervlag die wapperd in de straot.
De prins kump naeve,adjudante en de raod.
Waor hingk dae vors waer oet'hald op met det getoet!
Och kiek daor ens,hae steit der veur de roet.


HOME PLAATSNAMENOVERZICHTHOME


DE POERKERVLAG
2002/2003: Tekst & muziek: Piet Theeuwen
Zang: Franca Stoelinga & Marlie Stoelinga

De Poerkervlag, diej wappert weer dao boete.
De kriebels jeuke mich weer in mien blood.
Keim de pruuk en zeuk de schmink veur op de snoete.
Luch diej alde kleijer, want die zien nog good.

Refrein:
Wappert de Poerkervlag, geit ut gebeure.
Lang genôg gewach, det roope diej kleure.
Kump dan dae gooijen daag, de plak luut um gaon.
Poerker zaoterdaag blief altied bestaon.
Poerker zaoterdaag, dae blief altied bestaon.

Weej trekke met den optoch door de straote.
De hendjes in de lôch der achteraan.
Lekker hosse en weej springe oetgelaote,
oet os daak en der duchtig taegenaan.

Wuurt saoves laat ut letste glaas gedronke,
en zinge weej weer wie ut vruuger waas.
In daen alden tied ouk toen woord der geklonke,
op daen Poerkerplak Holt-Bierick aan de Maas.


HOME PLAATSNAMENOVERZICHTHOME


DE POERKERWALS
Tekst & muziek: Jac. Kaandorp

Refrein:
Gaef mich maar Holt Blierick det leet mich 't beste,
Dao drink ik altiëd,altiëd jao miet letste,
Ut plaetske wao ik met mien bruudje hub gestaon,
Jao det zal van os laeve, laeve nooite vergaon.

Oos Durpke is wal klein wat kin det gaeve,
Deo is toch ouk nag van alles te belaeve,
Wej make lol en veule oos allemaol geliek,
Wat duit 't 'r 'toe of dich erm bis of riek.

As wej nao hoës toe gaon is 't weer vergaete
Des dich zoe vreje kos det heb ik noeits gewaete,
Ik zeen dien auge bej idder glaeske wat ik drink
En dich meugs raoie,raoie wat ik dao bej dink.


HOME PLAATSNAMENOVERZICHTHOME


POERKERS IN 'T ZAND
2003/2004: Tekst: Peter Huys & Bart Janssen - muziek: V.G. 't Mót neet gekker waere

Met deze vastelaovend wuurd 't laat,
Ein pilske drinke,zeg ober bring det vaat.
D'n ober leep toen weg,en zei geej heb zó'n pech,
Niks te kloeke! Ho Wach ze zien terrech.

Toch nog waat te drinke in de zaal,
Tap d'r eine,of veer of zes egaal.
Minse huur dit aan, Noow hou det vaat maar aan
Weej zinge vaerder dao kint geej van op-aan.

Refrein:
Zing dit leedje mei,
Zing dit leedje mei,
Ving diene drei.
Op de Poerkerplak
Wuurdt waer fiës gemak,
En auk doorgezak.

In dit Poerkerland,
In dit Poerkerland,
Klap in óch hand.
Poerkers in 't zand,
Is toch zoeë frapant,
Laes det maar in de krant.

De Poerkervlag die wappert in de straot,
De prins kump naeve,adjudante en de raod.
Waor hingk dae vors waer oét?
Hald op met det getoét,
Och kièk daor ens,hae steit dao veur de roèt

Kom mins got noow ens door 't daak,
En krièg ein rundje van de zaak.
Waat is och allerleefste wins?
HouBlieërick met eine gooje prins!

Zing dit leedje mei,
Zing dit leedje mei,
Ving diene drei.
Op de Poerkerplak
Wuurdt waer fiës gemak,
En auk doorgezak.

In dit Poerkerland,
In dit Poerkerland,
In dit Poerkerland,
Klap in och hand.
Poerkers in 't zand,
Is toch zoeë frapant,
Laes det maar in de krant.

Poerkers in 't zand det is,Poerkers in 't zand
Det is toch zoé frapant.


HOME PLAATSNAMENOVERZICHTHOME


DE POERKERS ZIEN D'N BAAS
2003/2004: Tekst: Sjaak Holtermans & Piet Theeuwen - muziek: Piet Theeuwen
Zang: Sjaak Keunen

Refrein:
Houblierick, Houblierick.
Dao kumpse mich neet aan.
Weej deile heej de laakes oet
De Poerkerkaravaan
Houblierick, Houblierick,
Gelaege aan de Maas
Dao zinge weej oet volle bors
De Poerkers zien d'n baas
Dao zinge weej oet volle bors
De Poerkers zien d'n baas

Zien leuke boerderiekes
Aan de groete straot
Rieje nieje wieke
D'r tössenin gepaot
Met de vastelaovend
Ut Poerkerriek det zingk
Idderein duit meij en,
Hae hos, hae dans hae sprink

Weej hebbe wet te viere
Idderein paraat
's Morges in de vruugte
En altied 's aoves laat
Ouk de immigrante
Die veule zich heej thoes
Aeve echte Poerkers
Diej gaon auk neet nao hoes.


HOME PLAATSNAMENOVERZICHTHOME


DE RAOD VAN ELLUF
2002/2003: Tekst & muziek: Eef Verhoex
Zang: Roy Wolter, Arno Hermans, Theo Bronkhorst, Peter Gerritsma en "de Raod van 11"

Refrein:
Vastelaovend is den tied,
want wat kinne minse zich baeter winse.
Vastelaovend is den tied,
dan waere weej den oozel kwiet.
Den optoch wuurt gelaupe, door minse groet en klein.
Iets moeis kinse neet kaupe, det mak toch idderein.

Weej hebbe Klara ein wors belaof, veur zôn en weinig wind.
Beej os wuurt idder jaor gebof, det wet toch idder kind.
In Bleirick guuf ut raegen, in Venlo kriegse vors.
Dus kom nao Holt-Blierick, dao liedsse zelfs genne dors.

De zaoterdaag is den groeten daag, weej hebbe lang gewach.
In deezen tied wuurd der neet gejaag, aan alles is gedach.
Te sloeke veur de kinder, ver os ein glaeske beer.
Weej doon ut neet veur minder, en volgend jaor zien weej der weer.


HOME PLAATSNAMENOVERZICHTHOME


RAP NAO DEN TAP
2002/2003: Tekst: Jo van Knippenbergh - muziek: Wim Roeffen
Zang: Pascalle Bastiaans, Sjaak Peulen, Sjaak Keunen & Marlie Stoelinga

De schoenste plek, is aan den tap, dao hange weej zoe gaer.
En wille weej ens ech op stap, jao, den gaon weej dao haer.
Den ganse bubs is weer present, ze zien weer allemaol heej.
Ut is ein aafgelaaije tent, hoera, heej blieve weej.

Refrein:
Wannier se dors hebs wiej ein paerd, rap nao den tap.
Den is ein pils dich alles waerd, rap nao den tap.
En drinkse den met vuul plezeer, ut ein nao ut angere glaeske beer.
De bis half van de wap, ein dien bein waere slap, dao aan den tap.

Gezelligheid wuurt dôk gezag, is ut moeiste wat besteit.
En dôk kump ut den onverwach dich zoe maar aan geweit.
De zits gezellig op ein krôk, de zings den hoegsten toeën.
En naeve dich ein lekker stôk, waat is ut laeve schoen.

Wannier weej ens beej Pietrus staon, dao baove in de loch,
en wille weej nao binne gaon, dao is nog plaats genog.
Dan zaet dae heej wao komp geej van, dao steit niks in miene map.
Dan zeg ik Pietrus as ut kan, zet mich maar aan den tap.


HOME PLAATSNAMENOVERZICHTHOME


WATERMEULEHOOK 3x11
2001/2002: Tekst: J.v Knippenberg - muziek: ?

Refrein:
Hout-Blerick dorpke leef en schoën.
Ik bin zoë bliej det ik heej woën
Dich bis veur mich de fijnste plek
Hout-Blerick dich bis ech te gek

Ik heb de dörpe rönk um bezög
Wat ik doa zoog zag mich genög
Ze zien wal fijn maar niks veur mich
Want as ik ierlik bin, ut heat genne zin
Ik wil mien brook, beeje wei, luije hook
Os moeije tangkoel, en fijne kerk
Ik wil unne prins en heej idder mins
Want det alles same mak os sterk

Lang geleeje bis dich heej onstaon
Wiej de iërste heej noa toe zien gegoan
Die hebbe flink gewerk en gesjouwd
En dich met hiel veul plezeer opgebouwd
D'r is niks met dich mis blief wiese bis
Vier vastelaovend in Poerkerlank
Niks is te dol maak jen en maak lol
Det guuf eine echte blievende bank

Ik blief heej we halde paol
Maar zeg es wat doot geej
weej bliëve allemoal
heaj heaj heaj


HOME PLAATSNAMENOVERZICHTHOME


WEEJ DREIJE DAO UMHAER
2004/2005: Tekst: Peter Huys & Bart Janssen - muziek: Hay Geritz
Zang: Peter Huys & Bart Janssen

Laup ik op de straot,kom ik det maedje taege
Zaet ze taege mich,ik heb nog iets veur dich
Wat môt det waal neet zien,leef dink maak mich gelökkig
De raks mich toch neet kwiét,in deze vastelaoves-tièd

Refrein:
‘k heb altied heimwee,nao vastelaovend
Det is d’n tied van joeks en yen.
Begint ’t jachseizoen,nao de vrouwluuj
En zeuk ik mich ein slanke den.
Ik spraek met um aaf,waor ut haer wilt,
Maar zing noow neet wat of gebeurt.
Dao kom ik later op in dit leedje,
Zeuk ut maar oét zoelang ut deurt.

’t Steit daor op d’n hook,alwaer op mich te wachte.
Ik zeen um al van wiéd,ik slenter nao um toe.
Zeej vruug of ik al wis,wielaat of det ik thoès kwaam.
Det wis ik neet precies,met dich heb ik mich waal geties.

………………En dao is gaar niks mier gebeurt


HOME PLAATSNAMENOVERZICHTHOME


WEEJ WAAL!
2005/2006 nr.3 : Tekst & muziek: Peter & Wim Jansen, Janssen
Zang: Hans Peelen & Inge Crienen

Einen Hollenger hebbe weej oeits gevraog,
Kóm heej vastelaovend ens viere
Jao dan vlege weej dreej daag oèt idd'ren baog,
Hou-Blieërik zal dich det ens lière,
Maar det loog neet in zien lien,
Want zoë maf woel hae neet zien:

Refrein:
Weej waal, weej waal,
Wae det neet leet, dae kièk maar neet,
Weej waal, weej waal,
Det vinde weej ech gen schandaal,
Dao drinke weej ein glaeske beej,
Op de man dae det as ièrste deej,
Al vindt det ouk nemus normaal
Weej waal, weej waal, weej waal.

Eine Venlonaer kwaam naor d'n optoch heej,
Woel weite wat weej dao van kinne,
Ózzen optoch dae trok aan ein stök veurbeej,
Toen zag hae: 'Dao mót ik aan winne,
Want weej kinne, de's toch waat,
Zoëwaat gaar neet zónder gaat!'

Gister trof ik ein bruudje in ós kefee,
Ik woel um zoë gaer toch ens kösse,
Wie ik hièl efkes later det ouk nog deej,
Dao spróng d'r opens emus tösse,
En toen zag dae gooie mins,
Desse det neet make kins:


HOME PLAATSNAMENOVERZICHTHOME