HOME PLAATSNAMENOVERZICHTHOME


BEEG BLIF BEEG
Tekst & muziek: Jo van der Sluys
Zang: Vrouwluuj raod van 11

Wae hie in Beeg geboare is, dae wèt wie sjoan oas dörpke is.
Geit noe die sjoan herinnering, kepot aan herindeiling.
De Koowei, Kòmmie, Greentj en Doel, de Baentjes, Brammert, Bat en Coul,
den Elba en de Verkessteeg, dat alles is van Beeg:
Want Beeg blif ummer Beeg !

Refrein:
Beeg blif Beeg, want Zawpense die blieve.
Beeg blif Beeg , dat leuët zich noatj verdrieve.
Dit stökske Bor, van Sjloes tot aan den diek,
dat blif zoa lang de Maas hie struimp.
Oas sjoane Zawpensriek,
dat blif zoa lang de Maas hie struimp,
oas sjoane Zawpensriek.

In Beeg dao haet oas weeg gestange, weer zee hie auch noa sjoal gegange,
en jeder, noa de lètste snik, väörgood in Papenhoave lik.
Van Sjipperskirk tot op den diek, oas dörpke op de hiëmel liek,
want den Hiër dae alles make deeg, dae dag spesjaal aan Beeg :
Want Beeg blif ummer Beeg !

't Törp wo ich geboare bèn, wo ich zoaväöl sjoane plekskes kèn,
en jeder plekske haet 'ne naam, 't wöärtje "Beeg" hiltj alles saam.
Die name mòtte blieve stoan, al zeen de grenze weggedoan.
Liër daoròm kenjer in de weeg, dit leedje al van Beeg:
Want Beeg blif ummer Beeg !


HOME PLAATSNAMENOVERZICHTHOME


BEEG, ICH VASTELOVE DICH
2000/2001 nr.1 : Tekst & muziek: Ivo Rosbeek & Ger Hoofwijk
Zang: Allemaol Kwatsj

ich zaog lèts ein flink mòkkel loupe
en höb doe mit häör aangepap
ich vroog: "Doe bès vrie, maog ich houpe,
want ich wil mit dich noe op sjtap!"
ich zag: "Dat is good, lèkker vèntje,
want ich raak van dich opgereeg,
ich weit nog waal ein kroeg mit ein bèndje,
mèr sjpooj dich, want veer gaon nao Beeg!"

Refrein:
Beeg, Beeg, Beeg, ich vastelove dich
dao kump ein anger dörp of sjtad toch gaar neet aan te pas
Beeg, Beeg, Beeg, ich vastelove dich
ein Beegter vastelaovesbal häölt alles oet de kas

veer höbbe os sjtaon ammezere
ich dach: "Ich gaon wuujer mit häör,
mèr wat veer ouch deege probere,
kloksjlaag drie ging de knip op de däör"
ich lachde: "Ich laot dich neet weg gaon,
d'r brènt vas nog waal urges leech,
al is 't in de sjien van de vòl maon,
ich hawt dich hiej biej mich in Beeg!"

nao dae'n daag bèn ich noäjts mië vertròkke
ich gleuj noe nog nao van gelök
en wat d'r mit mich maog gebäöre
nao Beeg kiër ich altied weer trök

Beeg blif Beeg!


HOME PLAATSNAMENOVERZICHTHOME


DE BEEGTER BIËSTE BEND
Tekst & muziek: Wil Voorter
Zang: De Roepoepers

Refrein:
dao kump weer stömming in de tent mit de Beegter Biëste Bend
de Beegter Biëste Bend is de trent van ‘t moment
de luuj zeen pas kontent mit de Beegter Biëste Bend
want al ‘t biëstig Beegs talent zit in de Beegter Biëste Bend

is get te doon, dan zeen v’r dao
waer v’r gevraog, dan zèk v’r jao
want weer es biëste doon gaer biëste
zeen dus dao op alle fiëste
en die neet op tied zeen kómme later nao


HOME PLAATSNAMENOVERZICHTHOME


EIN BEEGTER VASTELAOVESMELODIE
2001/2002 nr.1 : Tekst: Ger Hoofwijk - muziek: Ivo Rosbeek
Zang: Allemaol Kwatsj

Refrein:
Veer zènge ein Beegter vastelaovesmelodie.
Jònges en maedjes van Beeg, de vastelaovend, dae viere veer hiej.
Wo tèr waereld se bès, al bèsse thoes of op ut wèrrik,
de vastelaovend in Beeg is baeregood en iezersjtèrrik.

Ich bèn lès nao Sevilla haer gegange,
bèn dao in ein flamencobar belandj.
Ich höb dao mit 'ne roäje lap gesjtange,
oppe häöre van 'ne sjtier bèn ich gesjtrandj.

Refrein:
En dao zòng ich ...

Ich höb ouch in Havana sjtaon te danse,
de hiële Malecon gans op en aaf.
Ich höb mit ein Mulata sjtaon te sjanse,
die señorita reep: "Fidel Alaaf!"

Refrein:
En veer zènge ...

Ein vètlaere medaaje hingk te blinke,
ut carnavalskestuum wurt opgetoäjd.
De vastelaovesgèkke sjtaon te klinke,
ut groätste sjaggerein, dat raak òntdoäjd.


HOME PLAATSNAMENOVERZICHTHOME


BLIE DAT ’T WEER VASTELAOVEND IS
Tekst & muziek: Louis Savelkoul
Zang: De Beegter Herzbuben

Refrein:
ich bèn blie dat ‘t weer vastelaovend is
‘t allersjóaste fiës wo ich ‘t leefste niks van mis
3 daag lank oet miene bol te gaon
en mit gróate stekke op de tróm te sjlaon
al gaon de bure op vekansie nao Wene
de vastelaovend zit bie ós in de gene
van kèndsj af aan höbbe weer dat hie gedaon
de sjóane vastelaovend blif bestaon

elk jaor opnuuj de vastelaoveskarressel
d’n 11e van de 11e klink de iëste kiër de bel
‘t paerd van Sintemaerte wurd nao ‘t sjavot gebrach
en van de nuje prins wurd stilkes väöl verwach
hie höb ich mich ‘t ganse jaor op gespich
want dae sjóanen tied kump weer in zich

op die karressel haet jederein zien eige paerd
stap allemaole op, ‘t is besjlis de meujte waerd
‘t maak neet oet of ste van väör of achter zits
die drie dol daag gaon alle gekke door de wits
de vastelaovend zit ós in ‘t blood
en dat duit toch jederein zóa good


HOME PLAATSNAMENOVERZICHTHOME


BÓMBARDAO
Tekst & muziek: Chel Savelkoul
Zang: Wil Voorter en de Roepoepers

Refrein:
blaos ich op de bómbardao
kump mich alles achternao
gaon v’r mit de ganse bende droet
dan wurd zich get biejein getoet
blaos ich op de bómbardao
kump mich alles achternao
wurs te fókswildj in de boet
dat lap dae bómbardao, bómbardao,
dat lap die ganse gróate toet

Willem bleus de klarinèt
en Sjang foets op eine kaor
ze wólle geine bómbardao dae vónje ze te zwaor
mer ich, ich vènj de bómbardao ‘t sjóanste waat ‘t geuf
dao geit niks baove hoempapa, dat wurs te gaar neet meug

Frens dae bleus de saksefoon
en Harie huit de tróm
ze zachte: nei dae bómbardao dae hang v’r ós neet óm
ich höb ‘m mich toen gaw gepak en neet ‘t geringste spiet
blaos noe ummer hoempapa in miene vriejen tied

lès toen bloos ich op ein fiës
en beer dat kaom dao zat
m’n gooj mich einen hiëring drin, dao höb ich get van g’had
iër ich ‘t in de gate haw, dat doerde einen toer
dènk ich dao noe nog aan trök, krieg ich weer ‘t zoer


HOME PLAATSNAMENOVERZICHTHOME


CONFETTI
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Vilt confetti oet de loch, dan zeen weer direk verkoch,
want dan is 't vastelaovend !
Truk ein zaate hermenie, staon v'r väöraan in de rie.
Jao, dan is 't vastelaovend !
Es de zòn en de maon same aon de hemel staon,
jao, dan is 't:vastelaovend !

Väörzichtig struijt de väörjaorszòn ger sträölkes op de straot.
Ein veugelke, dat woejert zich in eine dunne draod.
Mer inène, dao vlug 't op, gestuërd door hèls leweijt.
't Is ein zaate hermenie, die nao de stamkroeg geit.
Dit is pas 't begin, en krek nao oze zin !
Vanaovend väör d'n duuster vilt, de vastelaovend in !

D'n optoch truk mit eine sjraole wèndj d'r achter aan,
dae klingelt mit de klökskes in 't tupke van de vaan.
Òndeugend speelt t'r mit de sjluppe van dae sjòane jas,
mer dae hiltj zich väözichtig aan ein glaeske jòng vas.
Waat is toch mit 'm loos ? Hae haet toch zòanen doos !
Dat krig t'r altied es de vastelaovend is begoos !

De nach is al gevalle en de mörge is nog wuut,
de maon lach zich kapot òm wat ze allemaole zuut.
't Is ein bòntje parapluuj die alle straote kluërt,
vol mit geròffel en getoet wo nemes zich aan stuërt.
Dus kiek mer neet zòa stom ! Pak dich ein träöt en kòm,
want es te neet väöroet maaks is de vastelaovend òm !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


DAAG EN NACH
Tekst & muziek: Thieu Stauder & Irene Kusters
Zang: Daag en Nach

eine sjlaag in d’n duuster
eine foets in ‘t leech
kóm mit ós mit, ‘t is weer vastelaovend hie in Beeg
d’n dikke bas dae zuut gein fluit duit alles oet de kop
de sjuuf kent dao neet taege en sjuuf gaw ein plaetske op
‘t trumke is van sjlaag aaf, vundj ‘t allemaol mer stóm
en mót zich gans verlaote op ‘t bäöme van de tróm
dat maog, ‘t is vastelaovend zóa wie jeder jaor
zouwt geer uch nog kènne dènke dat ‘t anges waor

Refrein:
daag of nach, daag is nach, daag en nach
ómdat de daag en de nach de kraom biejein höbbe gelach
daag of nach, daag is nach, daag en nach
ómdat de mörge mit de middig op d’n aovend haet gewach
geine vasten tied óm mit die daag drop oet te gaon
ómdat de zón en de maon
sjienbaar gans voldaon
same handj in handj aan eine bóntje hemel staon


HOME PLAATSNAMENOVERZICHTHOME


DAN BÈN ICH DE KLOON
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Dan bèn ich de kloon, kloon, kloon, loup naeve de sjoon, sjoon, sjoon,
verref mich een vuuròaj naas, en mien hoar zòa greun es graas.
Dan bèn ich de kloon, kloon, kloon, dat wil ich gaer doon, doon, doon,
mit valsje nòate op de zangk, de ganse vastelaovend langk !

Ich bèn toch normaal eine röstige kaerel, dae soms èns get gekkigheid maak.
Ich höb neet te klage en laot mich neet jage, ich doon alles op mien gemaak.
Mer èns in 't jaor es de wèndj zich geit driëje, dan hawt ich 't nurges mjië oet,
dan is 't 200 hane gaon kriëje en mòt ich get sjmink op miene sjnoet !

Ich waer toch normaal knettergek van dat laeve en trèk mich dan stilkes terök.
Ich kèn 't bie tieje toch gaar neet good lieje, dan is mich toch alles te drök.
Met taege d'n tied dat 't väörjaor geit kòmme, dan hawt ich 't nurges mjië oet,
dan kènt mich 't gròatste spektakel neet bòmme, en mòt ich weer sjmink op mien sjnoet !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


DAO KOMME DE ZAWPENSE WEER AAN
Tekst & muziek: Thieu Stauder & Irene Kusters
Zang: Raod van 11 + vrouwluu van de raod van 11

Refrein:
Dao kómme de Zawpense weer aan, de Zawpense weer aan.
`T is weer tied, noe laot ze mer gewaere.
Dao kómme de Zawpense weer aan, de Zawpense weer aan.
Mit medaaljes en de ganse patsj vol vaere.
Hang de vlag mer aan de stek.
Beeg dat wurd alweer de plek.
Van`t maske en de träöt en van den allergròatste gek

de vastelaovend is väör ós de sjóanste tied. Weer höbben os al maonje drop gespich.
Dan wurd toch jederein zien gróatste zurrig kwiet. `T gróatste zoermoos löp mit eine lach op zien gezich.
Zoa geit dat noe al jaorelangk, jao God zij dank, god zij dank.
Mit lekker aete en väöl drank, en hiel get nöate op dae zangk.

Waat is dat väör ei laeve is `t al begoos. Heur ver dao ein zate hermenie.
`T stuit weer te gebäöre , jao `t geit weer loos. `T is de raod van ellef mit de hofkapel derbie.
En ze höbbe ummer weer, väöl plezeer , jao väöl plezeer.
Mit hun fetuute en väöl beer ,door alle straote op en neer.

Nemes in den ómtrek haed zóan gróate clöb. Die vunj ste nurges anges es in Beeg.
hobste óajt gezeen waat ter in Obbich löp.in Bor en Buchte Houtem of väör mien paart in Mestreech.
V`r stóate alles van de tróan, hiej is `t sjóan , hiej is `t sjóan.
V`r stoate alles van de tróan. Want `n Zawpens spant de króan.


HOME PLAATSNAMENOVERZICHTHOME


DAT IS DE LIMBURGER IN MICH
2005/2006: Tekst: Thieu Stauder & Irene Kusters - muziek: Louis Savelkoul
Zang: Die Beegter Herzbuben

Refrein:
Dat is de Limburger in mich
Dae kump toch ummer weer opnuuj vanzelf nao baove
Dat zuuste aan mien bliej gezich
Dat is wie dikke proemevlaaien oet den aove
Dat is de Limburger in mich
Is get te fiëste wilt 'r zich altied vermaake
Dat is de Limburger in mich

't is eine vrundj dae ich toch nòaijt mjië kwiet wil raake!

Is ter get te viere, bèn ich altied gaer derbie
Dan bèn ich neet te hawte en sjtaon väöraan in de rie
Ich veul mich dan op mien gemaak, gans in mien illemènt
En wurd 't Limburgse geveul tot op de knaok verwènd
Want laot òs noe toch iërlik zeen, dat geuf 't nurges toch
En bie 't iëste weurdje 'proos' bèn ich direk verkoch!

Is ter weer ein sjöttefiës, dao krieg ich 't al van
Dao truk de ganse sjötterie, kòmpleet mit bieleman
De köning en de köningin, die loupen in de pas
Zie, sjòan gekap en hae mit alle zilver oppe jas
En urges achter in de wei, dao wurd al flink gepaaf
En effe väör 't duuster wurd höb ich de vogel aaf!

Es 't vastelaovend wurd dan kom ich neet mjië stop
Dan sjtuit väör mich de ganse waereld ram op ziene kop
Dat zeen väör mich de allersjòanste daag die d'r bestaon
Ich waer nòaijt meug en kèn dan auch aan ein stök blieve gaon
Gein laeve of gein òngemaak woo emes zich aan stuërt
Zòalang 't ròad en gael en greun de volle sjtraote kluërt!


HOME PLAATSNAMENOVERZICHTHOME


DAT 'T MER LÖP WIE 'T LÖP
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Dat 't mer löp wie 't löp, beer in tasse of in töp.
Auch al kump de ganse clöb van de raegen in den dröp !
Dat 't mer geit wie 't geit, höbste lol of höbste leid.
Want mit de vastelaovend is 't aeve langk es breid !

De sjlechter òm den hook, dae hink 't verken oet.
De sjoester laef op väöl te gròate voot.
Dae van de sjötterie versjut zien lèste kroet.
De dokter krig de kriebels in 't blood.

De kleijermaeker niëjt de kraom weer lekker op.
De bekkersknech, dae geit wie eine wèk.
De kok, dae veurt de nuuje auto in de sop.
Den hènneboer, dae is gans van de lèk.

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


DRIE DAAG VASTELOAVEND
1948 nr.1 : Tekst & muziek: Chel Savelkoul
Zang: Zawpenskóar

De vasteloavend is weer doa, sprunk den eine gek den angere nao.
Wurt 't Beegter blood weer werm, is plezeer veur riek en erm.
Is 't laeve weer 't laeve waert, wurt de zörg weer ens weggekaert.

Refrein:
Drie daag vasteloavend, drie daag ram door de wits,
roaze van de mörge tot den avend, dat kriege weer wal spits.
Mit de ratel en de treut rolle ze door de geut,
neme dae miij sjuldj of klaag, 't gekste kump dan veur de daag.
Beeg viert Carnaval.

Es de gaus te bòmmele hink, en 't sjriève langs de stroat weer klink,
is vasteloavend in de maasvalei, naaza roid wie wiemeresjlei.
Zelfs de groitste grawwelaer, trek die daag 't helste van laer.

Al is de congkerentie nog zoi groit, Beeg geuf altied den eijste stoit.
Al is oug euveral Carnaval, Beeg dat geit toch boavenal.
Gaot nog mer ens richtig draan, ze kriege o's toch neet van de baan.


HOME PLAATSNAMENOVERZICHTHOME


DSJOEM-TA DSJOEM-TA, DSJINGELE BÓM
Tekst: Annie Mangham - muziek: John Maassen
Zang: De Beegter Bleumkes

Refrein:
me huërt alweer die dikke tróm
dsjoem dsjoem dsjingele bóm
de zate hermenie truk oet
jederein kump oet de boet
bie ‘t huëre van die tróm
dsjoem-ta dsjoem-ta, dsjingele bóm

‘t is alweer zóa wiet
weer mótte ‘t weer kwiet
de sjpas dae kump van bènnen oet
kan eindelik weer droet
‘t ganse jaor gewach
ós dènke daag en nach
waor ‘t mer al weer zóa wiet
dan koos te weer ‘t kwiet


HOME PLAATSNAMENOVERZICHTHOME


ES ICH IN DE VLAMME KIEK
Zang: Zawpenskóar
Tekst & muziek: Jo van der Sluys

es de zomer is gegange
langs de Maas gein kèndj mië rent
kump in ós ein raar verlange
‘t is ein vuur dat in ós brent

van Sint Merte tot asjgoonsdig
geit dat vuurke op en aaf
es veer vastelaovend viere
mit ós Zawpense Alaaf

Refrein:
‘t is gedaon, ich laot ein traon
es ich in de vlamme kiek
wo noe Frenske mit zien penske
al get op asjgoonsdig liek
erm in erm, wie eine zwerm
trok ich tösje maskes in
mer väörluipig, noe geluif mich
haet ’t laeve geine zin
tot Sint Merte geine zin

Zawpensjóng en Zawpensmaedje
‘t is zóa sjóan mit uch d’r bie
gaef uch noe al op ein blaedje
volgend jaor bèn ich weer hie

mit Sint Merte väölbelaovend
kump väör ós ‘ne nuje tied
dan begint de vastelaovend
en bèn ich mien leid weer kwiet


HOME PLAATSNAMENOVERZICHTHOME


ES LIMBURGER GEBAORE
2004/2005: Tekst & muziek: Louis Savelkoul
Zang: Die Beegter Herzbuben

Refrein:
Es limburger gebaore,
Laot ich mich leije door al mien lèvesjaore
Lekker eate, drènke, en zènge
Mit vastelaovend in de polonaise sjprènge
Geneete van die sjoon dènger in 't leave
Dat is mich es bourgondiër gegeave
Dat blief ich doon zolang es ich 't kèn
Omdat ich in limburg gebaore bèn

Överal ter waereld dao vraoge ze zich aaf
Wat is dat veur ein taaltje
Wo kumps dich dan noe vanaaf
Vanalles wat'ste zeas
Dao kèn v'r gaar niks van versjtaon
Mèr doe hils van gezelligheid
Dat fènje weer toch sjoon
Dan zèg ich:'Luuj dat zal ich uch verklaore,
Dat lik aan wo ich bèn gebaore.'

Zelfs hiej in Amsterdam, dao vraoge ze zich aaf
Wat is dat veur ein taaltje
Wo kumps dich dan noe vanaaf
Vanalles wat'ste zeas
Dao kèn v'r gaar niks van versjtaon
Mèr doe hils van gezelligheid
Dat fènje weer toch sjoon
Dan zèg ich:'Luuj dat zal ich uch verklaore,
Dat lik aan wo ich bèn gebaore'


HOME PLAATSNAMENOVERZICHTHOME


GOAJ UCH IN DE BOCH
2000: Teks & meziek: Guus Smeets
Uitvoerende: Döbbel Frisj

Refrein (2x) :
Klap 'ns efkes in de loch, laot uch mér ins heure.
Goaj uch lekker in de boch, laot uch noe neet sjteure.
Maak plezeer jao ongerein, zet de bloome boete.
Mét z'n alle achterein, goaj uch in de boch ... heee!!!!!!!

Höbste väöl probleme en zörreg aan de kop,
moste ens goan sjtappe, dao knaps doe gans van op.
Laot de boel mér weije en blief dao neet zoa sjtoan.
't Is toch zoa gemekkelik om oet de bol te goan.

..........hendjes omhoag!!!!!!!!!!!!!!!!!!!!!

Van de zomer of in de wintertied,
es doe wils goan sjtappe, kéns doe dien zörreg kwied.
Laot de boel mer weije en blief dao neet zoa sjtoan.
't Is toch zoa gemekkelik om oet de bol te goan.

............hendjes omhoag!!!!!!!!!!!!!!!!!!!!!!


HOME PLAATSNAMENOVERZICHTHOME


HARIE VAN HIENAEVE
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Harie van hienaeve, jao, dae is zich weer aan 't gaeve.
In de ganse buurt dao rabbele de roete,
want Harie van hienaeve, dae stuit midden in 't laeve.
Dalik kump 'r weer in vol ornaat nao boete !

Toen Harieke nog klein waor, jao, toen is 't al begoos,
òmdat t'r op zien driede al ein trumke höbbe moos.
Zien awers kochten Harieke, en dat waor erg stòm,
väör ziene Sinterklaos toen eine klöppel en ein tròm.
Waor dat mer nòajt verhuërd, de rös die is verstuërd.
De buurt die haet niks anges mjië es Harieke gehuërd !

Wie Harie wol gaon vrieje, toen leep alles in de sop,
want Harie haw niks anges es zien trumke in de kop.
Zien awers zachten: “Harieke”, en dat waor erg stòm,
“hawt dich mer bie dien klöppelke en bie dien dikke tròm.”
Dat waor ein gròate fout, want zie zeen 't noe sjout,
dat Harieke tot op vandag mit nemes is getrouwd !

Hae is toen lid gewore van ein zaate hermenie.
Dao is ter noe toch zeker al zòa'n èllef jaore bie.
Dus zègke weer :”Doe, Harieke”, al is dat auch weer stòm,
“blief dich sjòan bie dien klöppelke en bie dien dikke tròm”.
't Ging direk al mis, geer wèt noe wie d'r is,
hae huijt noe van dat stuute ummer helder op die kis !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


HARIEKE POTTER VIERT VASTELAOVEND (IN BEEG)
2003: Tekst: Ger Hoofwijk - muziek: Irene Kusters & Thieu Stauder
Zang: De Allemaol Kwatsj Jeug

Refrein:
Harieke Potter, dae haet ein geheim
't is ein geheim dat 'r altied verzjweeg
Harieke Potter, dae viert vastelaovend
hae viert vastelaovend in Beeg

Touversjpreuk:
QUIETUS VASTELAOVUS

Harieke, Ron en Hermelien
gaon alle drie nao de sjoäl mit d'n trein
Mit Korzel, Kwast en Malfidus
liëre zie touvere op sjlot Zjweinsjtein

Touversjpreuk:
SONORUS, SONORUS VASTELAOVUS

Professor Sjneep en Voldemort
höbbe ein plènke mit groep Zjwadderich
Mèr Harieke krigse neet klein
mit Griffoendor truk hae nao Grevenbich

Harieke luip door 't dreuzelriek
de vastelaovend is vol aan de gang
ein touversjpreuk haet hae bewaard
de vastelaovend doert noe èns zoä lang


HOME PLAATSNAMENOVERZICHTHOME


DE HÈNNE VAN LEI JENNE
Tekst & muziek: Wil op den Kamp
Zang: Wodka en Tonk (Wil op de Kamp en Ton Kitzen)

weer zeen de hènne oet Lei Jenne zienen hènnestal
de vastelaovesgekke hie die kooste ós al
weer sjaele ós neet väöl es ‘t óm vastelaovend geit
mer boete vastelaovend is dat waal zóa es g’r weit
toch maak v’r eder jaor mit vastelaovend eine hit
‘t hènneleed dat kènt g’r zóa, dus zèng mer mit ós mit

Refrein:
Tokttoktoktoktok etc.

ich bèn de meis sportieve hèn oet d’n hènnestal
de voetbalklup dat is waat ich bereike zal
ich oefen mit de eijer die v’r pas höbbe gelag
mer Mia vundj dat neet zóa leuk, ze zeen nog väöl te zach
óm Mia neet te plaoge mit de vastelaovestied
zèng ich ‘t hènneleed en waer ouch zóa mien ei waal kwiet

ich bèn de muzikale hèn oet d’n hènnestal
de hermenie dat is waat ich bereike zal
door mien getoeter raak de ganse hènnestal van sjlaag
dan kump Lei Jenne aangerend en geuf mich eine sjlaag (en sjnap mich in de kraag)
óm Lei neet mië te plaoge mit de vastelaovestied
zèng ich ‘t hènneleed en waer ouch ich mien ei waal kwiet


HOME PLAATSNAMENOVERZICHTHOME


HEUR ICH DE MAAS WEER ROESJE
Chel Savelkoul

‘t Is mienen heimat, vlak aan de Maas, wo ich uch noe van gaon zènge,
want dae is altied ’t sjóanste gewaes, wat mich ’t laeve koos brènge.
Wie einen droum, zeen ich dae sjtroum, door mien Limburg drieve,
en mit plezeer, zèng ich dan weer, ’t is hie zwoa sjóan te verblieve.

Refrein:
Huër ich de Maas weer roesje, wil ich mit neme toesje,
veul ich mich wie in ‘t aardsparadies
dat kan ich neet misse väör gaar geine pries.
Huër ich de Maas weer roesje, wil ich mit neme toesje,
zèng ich tevreje dat zit mich in ’t blood,
aan de Maas dao is ‘t good.

Ich höb in mien laeve, väöl reize gemaak, dèkker nao prachtige sjtreke,
en bie de wien mich dao hiël good vermaak, auch ’t natuursjóan bekeke.
Al koos mich dae Rien, mit ziene wien, nog zwoa good bevalle,
toch waor ich weer blie, es ich bie tie, van heives gaon huërde kalle.

Ich houp dat ich nóajt mië, hie weg hoof te gaon, wo èns mien weeg haet gesjtange,
sjóan is mien Limburg vlak aan de Maas, daohaer geit hiël mien verlange.
Al geijet mich good, al geijet mich sjlech, hie wil ich altied blieve,
gaef mich de Maas, en zien Canadaas, dan kón d’r van mich alles kriege.


HOME PLAATSNAMENOVERZICHTHOME


HIP-HOP
Tekst & muziek: Tjeu Stauder & Irene Kusters
Zang (*) : Wiel Nakken

Refrein:
Al jaore bèn ich vriegezel, ich veel nòajt in de smaak.
Ich höb dus nòajt, zoa es m'n zaet, ein maedjeshart gekraak !
Ahaa, ahaa !
Toch pas ich mich geweldig aan, dat is zòa mienen aard.
Ein vrouwmesj dat kump later waal, dat löp noe neet zòa'n vaart !
Ahaa, ahaa !

Hae is zòa cool, 't is zòa'n crazy lekker deer !
Kiek nao die moel, aoch jòng, dao duit 'r 't alweer !
hip-hop, hip-hop, hip-hop, jeah !

Ich höb 't toch, zòa es g'r zeet, hiej good nao miene zin,
blief jònk van mind en zit d'r altied midden tösje in.
Ahaa, ahaa !
Al bèn ich auch get rieper, och, dat vilt toch nemes op,
mit miene ranke body en mit miene hippe kop !
Ahaa, ahaa !

Toen opa pas nog jaorig waor, toen höb ich häöm verrasj,
mit eine gouwe òarrink en mit èllef kilo hasj !
Ahaa, ahaa !
Want waat t'r zòa te koup is, daovaan krig geer toch niks mit,
òmdat g'r altied es versjlaafden väör dae kiekkas zit !
Ahaa, ahaa !

Dus kiek mer neet bezörg es g'r mich door Beeg zet gaon,
want ich zou väör gein doezjend box in uch sjoon wille staon !
Ahaa, ahaa !
Bekròmpe zeet g'r allemaol, dus kiek mer èns nao mich !
Ich kèn pas michzelf zeen, ach jòng, dat zègk ich dich !
Ahaa, ahaa !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


ICH HÖB VAN ALLES
Tekst & muziek: Wilma Senden
Zang: Wilma Senden

Refrein:
ich höb ein heudje en ein naeske en te väöl op
en de ganse waereld steit op ziene kop
en ich zeen noe alles döbbel óm mich bie
ach ja ich ben gewuën ein gróate zate prie

wie ‘t kump dat zal ich uch vertèlle
‘t begoos allemaol bie de Gabriëlle
‘t eine rundje nao ‘t anger woor gepöt
en nao ein oer of vief waor ich gans oetgepöt
oere oere ach väöl later
waor ich wakker mit zóa ‘ne kater
waat deis te mit ein tóng van laer
sjus dan paks te dich ein flesjke beer


HOME PLAATSNAMENOVERZICHTHOME


JA DAT IS BEEG
1999/2000 nr.1: Tekst: Chel Savelkoul - muziek: Jo Savelkoul
Zang: De Nuuj Hermenie

De Beegter vastelaovend is al mië es hônderd jaor,
dat haet m'n allemoal oetgezoog en geluif mèr dat is waor.
In achtiënzoaväöl trog hie al ne groaten optoch oet,
woor flink gezônge en gesprônge: laeve in de boet.

Refrein:
Ja dat is Beeg, ja dat is Beeg mit vastelaovend,
dan trèk me rôndj, dan is 't fiës väör awt en jônk.
Ja dat is Beeg, ja dat is Beeg mit vastelaovend,
dan geuf me gaas, in o's dörpke langs de Maas,

Steit weer daen dikke forse Wuiles boete bie de Witte,
de heks hink op de bessemstek en kan neet stil mië zitte.
En geuf Ger Hoofwiek dan 't teike: Wuilese laot häör los,
dan vlug die tant alweer ômhaog en staart me nao de loch.

Meziek is mit die daag genèg, mit zoaväöl muzikante,
van zaate hermeniekes, van de Nuuj en anger klante.
En Daag en Nach die spele van de mörge tot den aovend,
dan wurd zich get biejein getoet, hie mit de vastelaovend.

't Steendes wurd de gaws getrog, dat is toch ein spiktakel,
de gawzeclöb die regelt dat en kalt van è mirakel.
De paerd staon dan te hummere en kieke nao de gaws,
de trèkkers rôppe aan den hals en zörge väör de saws.

De lèsten aovend twelf oer, ja dan verbrent me Frenske,
dan wurd 't kaelke opgestaok, sjlaon vlamme oet zie penske.
M'n steit te janke op 't plein en trues zich ôngerein,
tis jaomer dat 't is gedaon, 't waor toch weer zoa fein.


HOME PLAATSNAMENOVERZICHTHOME


KAW SJOTEL
Tekst & muziek: Thieu Stauder & Irene Kusters
Zang 1 (*) : Wiel Nakken
Zang 2 : Raod van 11

Refrein:
Ich höb zóa gaer kaw sjotel, mer nog lever werm vleisj.
mit dräöver haer ein sejske, woos te van watertanje deis.
Ich drèngk zóa gaer ein dröpke, höb geer allein mer beer ?
Daoväör hoof ger uch neet te sjame, dat drèngk ich auch mit väöl plezeer !

Es g'r mich zeet kòmme, zet de pan mer op 't vuur,
of gaot mer gaw get haole, op de hook bie de frituur.
Ich bèn hiël gaw tevreje,e,s 't mer ein bitje smaak.
En zègk noe zelf; ein haenke is toch vrie flot werm gemaak.

Kòm ich in de buurt, dan zèt de wasemkap mer oet,
want ruuk ich 't aroma van de sop of van ein sproet,
bèn ich neet mjië te hawte want dan krieg ich zòane zin,
en vleeg dan drek mit volle vaart bie uch de käöken in.

Van al dat lekker aete krieg ich altied zòanen doos,
väöral van spek mit eijer en ein flink gezawte woos.
Mer höb ich get gedrònke, speelt den hònger alweer op.
Dus gaef mich mer ein stökske vlaai mit dikke proeme drop.

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


'T KIENDJE VAN TANT BERB
Tekst & muziek: Tjeu Stauder & Irene Kusters
Zang 1 (*) : Wiel Nakken
Zang 2 : Vrouwluuj Raod van Ellef

Refrein:
't Kiendje van tant Berb is gebaore, mit de fiësnaas op en medaaije op de boek.
In zien flesj wòl 't allein mer jònge klaore en tot äövermaot van ramp allein mer beerke in zien kroek !
't Kiendje van tant Berb is ein hiël apaart geval, den twiëden daag wòl 't al nao ein vastelaovesbal !

't Waor väör vastelaovend, toen 't kiendje woor verwach,
tant Berb haw zich väör de zekerheid in bèd gelach.
Mer toen 't kienje kaom, haw zich toch jederein versjrik.
M'n dach, waat is dat väör ein raar geval dat hie noe lik ?

Nònk Sjang, dae waor van streek, hae wòs neet waat t'r zègke moos,
hae koos auch neet begriepe wie dat allemaol koos.
Want toen 't väör den iërste kiër in bèdje haw geplas,
toen wòl 't geine luier òm mer eine sjluppejas !

In de buurt dao woor vertèld van: "Höb g'r al gehuërd,
waat ter mit dat kliendjeje van tant berb is gebäörd ?"
Mer 't kiendje zelf troch zich nörges get van aan,
't haw d'n iëste kater van ein stökske in zien vaan !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


LAOT MAER GAON!
2003/2004: Tekst & muziek: Louis Savelkoul
Zang (*) : Die Beegter Herzbuben

Harie van Marie is eine hiël apaarte vent.
Kump noojts in de café, dae is zoa zuinig wie ein krènt,
Mer is ?t vastelaovend, kump ter aan den tapkas sjtaon
En zaet taege de kastelein kòm op jòng laot mer gaon.

Refrein:
Laot mer gaon, laot mer gaon
Mit vastelaovend hoof ich neet op mien sjtraepe te sjtaon
Dan wil ich mich allein mer amuzere
en lekker van ?t laeve profitere
Laot mer gaon, laot mer gaon
Mit vastelaovend bèn ich neet mit de waereld begaon
Veur mich sjtuit dae dan drie daag effe sjtil
Mich amuzere is dan alles wat ich wil

Es Harie heives geit dan is d?r gans vòldaon
En daenk dan bie zien eige: ach wat is ?t laeve sjòòn?.
De ganse aovend höb ich toch gein pilske laote sjtaon,
't vòlgend jaor, mit vastelaovend, laot ich h?m weer gaon.

* cd 2004 : Diverse artiesten - "Van Eijsde tot de Mookerhei 11" - Marlstone Recordings bv CDL2401


HOME PLAATSNAMENOVERZICHTHOME


LELLEBELLE SAMBA
Tekst & muziek: Thieu Stauder
Zang: Frank Hermans en de Roepoepers

Refrein:
ca ramba ca ramba de Lellebelle Samba
ca ramba ca ramba dae broesj ós in ‘t blood
ca ramba ca ramba de Lellebelle Samba
ca ramba ca ramba dae deit ós toch zóa good

weer waore lès in Trinidad, op bezeuk bie tante Trina
dao höb v’r väöl plezeer gehad, bie ‘t danse van de Samba
mit roepespoep en sambaballe, bongo’s mit ein vel
veulde v’r ós de gansen daag dao, ‘n echte sambaballebel

toen kaom v’r weer nao Beeg terök, g’r zeet ‘t op de foto’s
weer maakde toe sambarök en kochte ós sombrero’s
mit roepespoep en sambaballe, bongo’s mit ein vel
maak veer in Beeg van eder Zawpens, ’n echte sambaballebel

en in dit vastelaovesjaor, krig geer noe alle kanse
geluif ós mer ‘t is waor (óm) de samba te gaon danse
mit roepespoep en sambaballe, bongo’s mit ein vel
make v’r van ’t gróatste zoermoos, ’n echte sambaballebel


HOME PLAATSNAMENOVERZICHTHOME


MIEN ÈNGELKE
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Volges mich bès dich gewuën van ein wuikske aafgevalle,
en doe landjes in mien erm, zòamer midden in de nach.
Daoròm mòt mich noe auch nemes mjië van heives gaon doon kalle,
want doe wurs door mich persuënlik nao den hemel trök gebrach !

Ich dank den hiër op mien blòte kneen,
dat ich deze nach bie dich maog zeen.
Ich veul mich zòa zalig es ich nao dich kiek,
doe kumps regelrech oet 't hemeleriek !

Gans van de waereld, 't is of ich zweef.
Allein mer door dich, doe bès zòa leef.
Ich höb 't mit dich toch zòa nao miene zin,
weer walse same de zevenden hemel in !

Wils dich nog blieve tot mörge vreug ?
mien èngelekèndj, wurs dich dan meug,
dan lègk ich dich, zònger dat 't emes wèt,
gans väörzichtig in dien hemelbèd !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


OP ’T PLEIN
Tekst: John Maassen & Diana Maassen - muziek: John Maassen
Zang: De Marty Beppy’s

de bóntje stoet kump weer op gang
en huldj ós in de ban
dao zaet ós nemes waat te doon
weer trèkke óze plan
de Zawpense, de Zawpense, ze kómme noe pas los
de Zawpense, de Zawpense, ze sprènge d’r op los

op ‘t plein, op ‘t plein
stuit de Zawpens gans allein
mit de veut vas oppe gróndj
en zien buukske kogelróndj
op ‘t plein, op ‘t plein
steit de Zawpens gans allein
mit vastelaovend, mit karnaval


HOME PLAATSNAMENOVERZICHTHOME


OP 'T PUNTJE VAN MIEN TÓNG
2001/2002: Tekst & muziek: Jo Deusings & Koos Snijders
Zang (*) : Theater Vastelaovend

Refrein:
Op 't puntje van mien tóng,
zeen 'n paar weurdjes al die jaore blieve ligke.
Op 't puntje van mien tóng,
ligk heël get leefs dat ich noats höb durve zègke.
Mèr vendaag sjreëf ich de lónge oet mien lief,
sjnap dich vas en roop dan keihèl "SJAT!
Doe bès 't aller-allerleëlikste auwt wief,
mèr zoaget sjoans höb ich nog noats gehad!"

Dien pukkele zeen afsjuwelik, dat brilke sjteit zoa dóm,
en dan dien bein, ojee-ojee wat zeen die króm.
'n Figuur wiej eine aolifant, 'n naas wiej ein zoer bóm.
Toch vraog ich óm dien handj, lèt op wat ich tich bróm.

Ich durf d'r om te wèdde, op 't auwt wieverbal,
bès doe de allerleëlikste, de leëlikste van al.
Toch hak ich de knoup noe door, 't löp oet de klauw,
en fluuster in dien oar wat ich al jaore zègke wouw.

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201


HOME PLAATSNAMENOVERZICHTHOME


POLENAISE
Teks & meziek: Tjeu Stauder & Irene Kusters
Oetveurende (*) : Wiel Nakken

Frenske waog ein kenske, vruëg tant Truuke väör ein denske,
mer tant Truuke kik 'm wie bezaete aan.
“Sprunk dich misjien ein stöpke, jòng, veul dich èns aan dien köpke,
of höbs dich misjien ein stökske in dien vaan ?
Want mit de vastelaovend is väör danse geinen tied,
jòng, dan kèn ich mich rojaal in gans get anges kwiet !”

Refrein:
Polenaise, polenaise !
Trèkke, duuje, sprènge, polenaise !
Polenaise, polenaise,
dao trampelt mich weer eine op mien vaese !

Lowieke stuit te kieke of nog plaats is bie Merieke,
mer Merieke blif neet zitte wo 't zit.
“Doe kèns 't waal vergaete, want ich bèn al meug gezaete.
Es te mich wils höbbe mòste mit mich mit !
Want mit de vastelaovend is väör sjanse geine tied,
jòng, dan kèn ich mich rojaal in gans get anges kwiet !”

Wilke van tant Tilke laef allein mer op ein pilke,
want hae mòt toch van d'n dokter op dijeet.
Altied haed ter hònger en hae kènt toch gaar neet zònger,
es ter geine hònger haet dan itter neet !
Mer mit de vastelaovend is väör aete geine tied,
want dan kènt ter zich rojaal in gans get angers kwiet !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


PUUMELKE
1990: Tekst & muziek: Tjeu Stauder & Irene Kusters
2000: Zang (*) : Wiel Nakken


In mienen druim bis dich mien leefste puumelke.
Doe bis zoe leef, doe bis zoon zach klein muumelke.
Ich pak veurzichtig dan die handj, mien kruumelke,
want doe höbs toch altiëd zoe’n lekker, werrem knuumelke.

Refrein:
Rauw, rauw, rauw, ich lös dich rauw.
Es ich dich zeen den bin ich wie bezaete.
Gauw, gauw, gauw, kôm maar ens gauw.
Doe bis veur mich gewoën um op te vraete.
En ’t zweit det breek mich oët, ich veul mich wie ’n vaat vol kroët.
As ich zoë bin, kin ich het wal vergaete.
En ’t zweit det breek mich oët, ich veul mich wie ’n vaat vol kroët.
As ich zoë, bin kin ich het wal vergaete.

Maar druim ich weg, bis dich alweer mien ingelke.
Dan bis dich bloom en ich bin dien greun stengelke.
Dan kroëp ich ôm dich hear krek, wie ein strengelke.
Doe bis de visch en ich vang dich den mit mien hengelke.

Zeen ich de leegskes in dien uigskes twinkele,
dan veul ich kriebels in mien buukske krinkele.
Dan geit mich hie en dao ein belke rinkele.
Ich zou zoë gaer ens in dien hertje wille winkele.

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


SAMBA NO.11
Tekst: Moniqe Klee & Heidi Jansen - muziek: Ron Mangham
Zang: Vrie Spel

‘t blood krup ós wo ‘t neet gaon kènt
‘t geit ós weer flink aan de prie
de struim op en aaf door de vate
dit virus dat maak ós zóa blie
doot daoróm noe mit ós mit
en veul dat de dans in dich zit

Refrein:
noe laot dich toch verleije
en gank dich gaw verkleije
en veul de samba vónke
de stroum de duit dich good
v’r zeen d’r door bevange
mit róad gael greun behange
de Zawpense zeen Rio
gans Beeg geit oet zien daak

weer zeen gans kapot van dit denske
drie daag lank sprungk dit d’r oet
v’r danse ‘m totdat ‘t Frenske
verbrend wurd en dan sjei v’r oet
doot daoróm noe mit ós mit
en veul dat de dans in dich zit

haol noe de kraom oet de kas
en driëj mit de vot in ‘t róndj
maak op dit ritme väöl sjpas
dat maak dich hiël blie en gezóndj


HOME PLAATSNAMENOVERZICHTHOME


SJELJ NEET OP MICH
Tekst & muziek: Chel Savelkoul
Zang: Zawpenskóar

Pierre haw lès get aan d’r handj, door ein glaeske beer
mer gebroekde zien verstandj, lag zich t’r bie neer
want zien vrouw die sjólj mer raak, maakde zóa ‘ne kal
mer Pierre zóng stilkes dit refrein en zeet toen ging ‘t waal

sjelj neet op mich, sjelj neet op mich
gun mich toch dat klein plezeer, gun mich toch dat glaeske beer
sjelj neet op mich, sjelj neet op mich
want bie jeder glaeske beer dènk ich toch aan dich

noch gein viërtiën daag d’r nao noom zien vruiwke vraak
ze moos toen nao ein fiëske toe, Pierre bleef bie dae snaak
mer ‘t doerde oerelank iër ze heives kaom
ze zóng toen ouch noch sjelj mer neet, es ich ‘ns effe gaon

zouwt g’r ‘ns get later zeen door ein glaeske beer
dènk dan ‘ns aan dit gedich, dat hulp toch altied weer
zèng ‘t mer oet volle bors, al is de sop ouch kawt
sjelj toch neet, noe sjelj toch neet, doe wèts dat ich dao neet van hawt


HOME PLAATSNAMENOVERZICHTHOME


SJRÄÖME, LACHE, HOSSE
Tekst: Ingrid Valkenburg - muziek: Ron Mangham
Zang: De Beegter Bleumkes

Refrein:
sjräöme, lache, hosse dat doon veer zóa gaer
‘t maak neet oet mit Huub, of Sjang of Baer
doe vunjs ós mit die daag neet aan ‘t werk
of in de boet, want v’r zeen weg, zeuk ‘t mer oet

‘t hiële jaor zeen v’r bereikbaar
en höbbe v’r op tied de aerpel gaar
mer mit de vastelaovend houwe veer aaf
en rope niks mië dan alaaf
de bleumkes boete zètte drie daag lang
dat lök ós waal, maak uch neet bang
v’r zitte aldaag vol mit goje mood
dat zit ós einmaol in ‘t blood


HOME PLAATSNAMENOVERZICHTHOME


TOT IN DE TOPPE VAN MIEN VINGESJ
(Ein vastelaovesgek in dubio)
2000/2001: Teks & meziek: Jo Deusings & Koos Snijders
Oetveurende (*) : Theater Vastelaovend

Refrein:
Tot in de toppe van mien vingesj, pès in de toppe van mien haor.
Ich gaon d'r veur, zal euverlaeve, al vilt mich dit aafsjied zwaor.
Tot in de toppe van mien vingesj, pès in de toppe van mien haor.
Al wat van mich is wil ich gaeve aan de drie sjoanste daag van ut jaor.

Dag sjatteke, ut is zo wied, zit noe neet in de rats.
Ein muulke nog, ich hauwt ut neet, doe wèts, ich mót op jats.
Dènsdigaovend bèn ich weer biej dich, dan tauver ich eine lach op dien gezich.
Haol dich gein gekke dinger in de kop, doon wiej ich, zèt dien sjoanste maske op.

Dag sjatteke, ich zègk adieu, mót noe sjnel hiej vandaan.
Ich bèn waal un peu nerveux, gaon hèl ertaegenaan.
Mót d'r vandoor mit mien hermenie, maak mich d'r tösjenoet, 't kriebelt in mien prie.
Wètste wat, ich höb ein good idee: Op Esjelegoonsdig, dan gaon veer mit z'n twëe.

* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101


HOME PLAATSNAMENOVERZICHTHOME


VASTELAOVEND OP DE SPAANSE TOER
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Jao, weer vierden vastelaovend op de spaanse toer,
en iech veulde mich mit dich in alle staote !
Mer doe sjnapdes diech d'n iërste bèste aerpeleboer,
en doe höbs mich moderziël allein gelaote !

Ich haw dich èllef dikke ròaze mitgebrach,
die kèn ich noe waal aan de verke vore.
Geer höb mich later auch nog veerkantj oetgelach,
dich en diene aerpel-pommadore !

Doe zags nog daste nòajt bie mich eweg zouwe gaon,
mer dat bès dich verduveld gaw vergaete !
Doe höbs mich zòamer in mien humme laote staon,
ich höb dich sjienbaar neet zòa deep gezaete.

Doe sjreefs mich in dae breef van: ”Mi amore,sjat….,
ich ligk de ganse nach van dich te male…”.
Mer volgens mich höbs dich toch van amore zat,
ich kòm es dich 't vleegtuug wils betale !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


VASTELAOVEND SAME
Tekst: John en Diana Maassen - muziek: John Maassen
Zang: De Muitjes

Refrein:
vastelaovend vastelaovend Zawpense
pak uch mer ‘ns vas, sjei oet mit voelense
drie daag stuit ós dörpke op kop
tot ‘t Frenske is verbrend gaeve weer de mood neet op

zóa nao nuujaor dan kriege weer
de kriebels in de bein
de buurte gaon vergadere
en pakke zich biejein
wat gaon v’r dit jaor make
die vraog wurd dèk gestèld
ouch al is ‘t soms get lestig
‘t is ‘t ènnigste wat tèlt

dao wurd al ‘ns gevreigeld
ideje kómme neet
d’n eine wilt es cowboy
of van ’n anger planeet
en es de aw luuj stoppe
is de jeug neet op gestèld
ouch al is ‘t soms get lestig
‘t is ‘t ènnigste wat tèlt

dan is ‘t vastelaovend
d’n optoch truk weer róndj
wages, groepe, trómmelaers
ze make ‘t sjóan en bóntj
de meujte is vergaete
de kal, ‘t werk, ‘t geldj
en waor ‘t soms get lestig
‘t is ‘t ènnigste wat tèlt


HOME PLAATSNAMENOVERZICHTHOME


VASTELAOVESMAMBO # 2x11
2002/2003 nr.1 : Tekst: Ger Hoofwijk - muziek: Ivo Rosbeek
Zang: Allemaol Kwatsj

Refrein:
sjpeel mich de vastelaovesmambo,
mit de grandeur van ènne tango,
want de mambo maak van de krielkip ènne haan
sjpeel mich de vastelaovesmambo,
mit de grandeur van ènne tango
trèk dien bòntjsjte kleijer aan en brèng mich in dae waan
mit de vastelaovesmambo

ich kèn vleege nao Zuud Amaerika
ut kènt zeen dat ich dao waeke blief
òm te danse mit ein lèkker sjtök DNA
mèr dan krieg ich weer de kriebels in mien lief

en wat eimaol kròmp is, dat krigse neet gaw rèch
jao, van de Beegter vastelaovend bèn ich weg

ich kèn reize nao dònker Afrika
òm te sjpraeke van ut mambo-leed
mèr de luuj in ut prachtig sjoäne Kenia
versjtaon mien Beegse 'jambo'-groete neet

en wat eimaol kròmp is, dat krigse neet gaw rèch
jao, van de Beegter vastelaovend bèn ich weg

trèk dien bòntjsjte kleijer aan en brèng mich in dae waan
mit de vastelaovesmambo
trèk dien bòntjsjte kleijer aan en brèng mich in dae waan
mit de vastelaovesmambo


HOME PLAATSNAMENOVERZICHTHOME


DE VASTELAOVESSOP
Tekst: Ger Hoofwijk - muziek: Irene Kusters
Zang: Allemaol Kwatsj

Refrein:
zie laef zich oet, zie zeuk ‘t op
zie ut de vastelaovessop
zie sjnap zich dit, zie sjnap zich dat
zie dènk: ich höb dich nog neet gehad
zie zeuk ‘t oet, nump ein besjloet
zie maak dat ‘t hiëlemaol klop
zie wurt ‘t fiëste en ‘t biëste
nei dat wurt zie toch nóajt zat


HOME PLAATSNAMENOVERZICHTHOME


VRIE ES EIN VEUGELKE
2005/2006: Tekst: Thieu Stauder - muziek: Irene Kusters
Zang: Wil Nakken

Refrein:
Ich bèn zòa vrie... es ein veugelke,
es ein veugelke, es ein veugelke.
Ich bèn zòa vrie... es ein veugelke,
es ein veugelke zòa vrie !
Want ich hoof noe neet mjië nao de baas,
höb alle tied om vèsj te vange aan de maas.
Noe bèn ich vrie... es ein veugelke,
oetgelaote en zòa blie !

Hoof neet mjië vreug op te staon
want ich bèn gaon vutte.
Spooje is d'r neet mjië bie,
kèn röstig blieve tutte.
Es 't boete kawt is laes ich effe de gezèt
mer geit 't zunke sjiene staon ich drek naeve mien bèd !

's Middes pak ich mich de fits
maak mien eige rundje.
Hiej en dao get klaanjere
en kuite mit mien hundje.
Effe op ei benkske zitte midden in 't veldj,
ich wil mit nemes ruule, nei, mit nemes väör gein geldj !

's Aoves zit ich aan d'n tap,
drènk ei lekker dröpke.
Mit de men get kaarte
tot ich meug waer in mien köpke.
Gaon ich op de kòaj aan en ich kiek waal wie 't löp.
Ich bèn zòa blie dat ich d'n tied noe aan mien eige höb !


HOME PLAATSNAMENOVERZICHTHOME


WÈNGSKE
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Maog ich èns langs dien wengske strieke, ein hiël klein muulke op dien naas ?
Maog ich èns in dien uigskes kieke, zòa tintjelend en fònkelend es helder glaas ?
Väör dich zal alles mòtte wieke, miene maag de driëjt zich òm,
miene kop is sjus ein zaat hermenieke en mien hart sjluit wie ein tròm !

Sjildere, dat waor waat Joep 't leefste deeg,
hae sjilderde de sjòanste plekskes hiej in Beeg,
Hae waor op zeuk nao ein of anger sjòan model,
òm sjetse van te make in häör blòate vel.
Mer toen dat maedje kaom mit häöre naatsje baom,
toen lepe van allein zien kluëregans doorein !

Dree speelde viòl in ein striekorkes,
daonaeve bie goof hae auch noch get oere les.
Dao melde zich bie häöm ein hiël leef maedje aan,
en Dree begoos te kluëre, zòamer gans spontaan.
Hae wòs neet waat 't waor, dao spròng 'm drek ein snaor.
Hae veel mit eine paaf van ziene striekstek aaf !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


WIELE WIELE WÖLKE
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Ein, twië, drie, veer, wiele, wiele wölke.
Kòm mer èns bie mich en blief dao neet zòa dreuvig staon.
Vief, zes, zeve, effe drop gevreve,
en dan zal 't mörge alweer stökke baeter gaon !

Es te zellef loupe wils, kan 't pien doon es te vils.
't Kènt noe neet allein vanzellef gaon.
Auch ketjes vallen oet 't nès en es te nòajt gevalle bès,
dan wètste auch neet wie ste op mòs staon.
Jao, zòa geit dat, jao, zòa geit dat,
es 't auch neet ummer floep floep !

't Waor väör dich de leefste meid, mer, zòa es dat dèkker geit,
daen angere waor lever nog es dich !
Dus opèns, dao dao waor 'r weg, lekker päö en dikke pech.
Wèdde dat 't dao nog spiet van krig ?
Jao, zòa geit dat, jao, zòa geit dat,
es 't auch neet ummer floep floep !

Bèn noe neet zòa ròppetig ! Loester hie,dan flòp 't dich.
Röstig aan en neet te väöl inèns.
Niks dat lök d'n iëste kiër, waats dich wils dat is te ziër.
't Zal nog effe doere väör se 't kèns.

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME


WOEMBA
Teks & meziek: Tjeu Stauder & Irene Kusters
Oetveurende (*) : Wiel Nakken

Refrein:
Hay van de way van de weed sjamboa,
sjamboa, sjamboa !
Sjam de la coudè,
dari dari dee, dari dari dee !

Oni coudemo, oni coudemo,
oni coudemo, kyle watsje waw !
Kyle watsje waw ! hoi ! hoi !

Hay van de way van de babou guida,
bou guida, bou guida !
Bou de la boubè,
bali bali dee !

Oni coudemo, oni coudemo,
oni coudemo, kyle watsje waw !
Kyle watsje waw ! hoi ! hoi !

Hay van de way van de catabumba,
ta bumba, ta bumba !
Ta de la dylè,
douwe tanne mee, douwe tanne mee !

Oni coudemo, oni coudemo,
oni coudemo, kyle watsje waw !
Kyle watsje waw ! hoi ! hoi !

* cd 2001: Wiel Nakken - "Van palaasj tot punk" - Marlstone Recordings bv - CDL 2043


HOME PLAATSNAMENOVERZICHTHOME