HOME PLAATSNAMENOVERZICHTHOME


AAN DE SJLONTJ
Tekst: ? - muziek: ?

En aan de slonjt, jao dao bén ich gebaore
Ze zëkke Einekoeze aan ‘t sjtranjt
Ein sjoonder dörp mós doe mich éns verklaore
vinjs dich toch neit, hiej in ’t ganse lanjt

Sjtil en tevree lik Einekoeze versjaole
Rónjtóm zich haer ’t gruin van al die buim
Mit zien veljtwaech, zien sjteichskes en zien paedjes
’t is get wie ein doolhaof in ’t gruin
Mit zien veljtwaech, zien sjteichskes en zien paedjes
’t is get wie ein doolhaof in ’t gruin

En kump’ste auch al in Paries of Brussel,
in Hamburg, Londen, Moskou of Milaan
Doe kumps weier trök in ’t dörpke mit twee tööres
en zings mit mich, jao Einekoeze alaaf
Doe kumps weier trök in ’t dörpke mit twee tööres
en zings mit mich, jao Einekoeze alaaf

En zou ich dich, mien dörp, mótte verlaote
Es ich ging woone in ein anger plaats
Noots zou ich dich, mien Einekoeze, vergaete
Want in mien hart besjleis’te ein grote plaats
Noots zou ich dich, mien Einekoeze, vergaete
Want in mien hart besjleis’te ein grote plaats


HOME PLAATSNAMENOVERZICHTHOME


DAT IS DE HERMENIE
2000: Tekst & muziek: Peter, Eric & Jean i.s.m. de Auwt Prinse Einekoeze

Refrein:
In kafee en op de sjtraot, heurste ein trumpke in de maot.
Dat is de Hermenie, jao jao de zaate Hermenie.
De trommelaer huijt in kom op, wae haet nog zin.
Dat is de Hermenie, jao jao de zaate Hermenie.

Noe kiek dae Soes en heur dae Tuba, en wie sjeurt toch die Trombone.
Auch de Trompet sjpeelt zien partieke, jongens laot hem nog ens gaon.
De luij die gaon in polonaisse achterein hie door dae zaal, op de meziek.
Van het Hermenieke, loester mer nao dit kabaal

Twee drie veer sjtummig sjpeele zie mit vöäl tam tam hunne meziek.
En auch den trekzak leet zich heure jao dat maak het ens zo riek.
Dus pak euch mer ens in den erm, of sjàek de hendjes in de loch.
En loester lekker nao die deuntjes, dao van kriste nootsj genoch.

Zie drenke op de tied ein pilske, meistal is dat meer dan ein.
Mer dat verhoog allein de sjtùmming, soms is dat auch waal te zeen.
En auch de note waere sjeiver, mer dat kent der nog waal biej.
Want es te good deis heure, heurs doe ein Zaate Hermenie.
Heij.


HOME PLAATSNAMENOVERZICHTHOME


EINERKOEZER KARNAVAL
1983: Teks: Chris Paes - melodie: 'Und trinken wie noch eine flasche wein....'

Refrein:
De Einerkoezer karnaval,
is noe weer van start
Dea Sjoone spas en kolderkal
Kump os oet 't hart
De Einerkoezer karnaval,
't sjoonste wat 'r is
Wae hie neit mit heat rondj gedans
Dea heat get gemis

'T is alweer o wiet
Noe kom ens oet die boet
Vergeat mit os den tied
Doe bes 'n paar daag droet

Want oug die oet de stad
Die doon hie richtig mit
Ze weite oet ervaring
Dat hie stumming zit

Loat os noe ens saame sprenge
Zenge tra-la-la
Veer goan nog neit noa hoes
De mam die is neit toes

En hubbe veer dan oug
Ein heel klein stukske in de kraag
Dat is sjoon, Dat is fein
Same 't refrein


HOME PLAATSNAMENOVERZICHTHOME


ENS EINE SMAUTBUUL
2005: Tekst: Ger Pepels - muziek: ?

Kump's doe es Smautbuul op de welt
dan wurt dich dèk vertelt
Dat de Smautbuul sjteit veur lol en sjpas
Joare later sjnaps'te 'm pas

Refrein:
Ens eine Smautbuul
Altied eine Smautbuul
Dat wurt 't motto
Dat wurt 't motto
Ens eine Smautbuul
Altied eine Smautbuul
Dat wurt 't motto
Doa geit'r veur

Trök'ste mit d'n optocht op
Mit enne groep of mit de fits
't Kump d'r op aan das'te get deis
en neit lanks de kantjlien sjteis

Kumps'te later bie de road
jungske dat kent toch gein koad
zuuste al die luuj die höbbe sjpas
Eindelik dan sjnaps'te 'm pas

Kump carnaval weijer in 't landj
dan trök de Smautbuul Handj in handj
hae maak dan sjpas en heel väöl lol
jong wie hiljt hae dat toch vol


HOME PLAATSNAMENOVERZICHTHOME


GAON WIE EINE ZÖKKEZUIMER
2003/2004 nr.1 : Tekst Arno Limpens

Wat löp dao door de sjtraot? Dat zeen de Zökkezuimers.
Ze loupe oet de maot, dat venje zie zoo sjoon.
Jao, jeeder jaor op nuuj, komme de Zökkezuimers.
Es eine lange draod, zeng veer veur alle luuj.

Doot allenei mer mit, jao, mit de Zökkezuimers.
Höb geer las van sjpit, dat kent toch gaar gein kwaot.
Sjpreng aeve op en neer, mit de Zökkezuimers.
Dan vuilt geer sjtraks niks meer, en zengk geer in de sjtraot.

Zökkezuimers zeen veer allenei,
van de sjlontj bis baove oppe Hei.
Zökkezuimers viere altied mit ,
omdat der lol en sjpas in zit.

En kent geer oos noch neit, dan zal dat drek gaon komme.
Dan weit geer wat hie sjteit, dat is hie gans normaal.
Jao, veer zeen auch weer hie, dat ken oos gaar niks bomme.
Ein glaas beer heurt hie bie, dat nump oos geine aaf.

Kom sjöt die glaazer vol, veer wille get te drenke.
Water hauf veer neit, dao venje veer niks aan.
Kom, ober breng oos get, veer höbbe nog get bonne.
En nao dit rundje dan, dan hauwe veer weer aaf.


HOME PLAATSNAMENOVERZICHTHOME


IN EINEKOEZE BIN ICH GEBOARE
1984: Teks: Jack van de Berg - melodie: 'Am Rosenmontag'

Refrein:
In Einekoeze, bèn ich geboare
In Einekoeze, jao aan de Sjlôntj.
De Vasteloavend, vier ich al jaore
In mien klein dörpke, want doa is ’t bôntj.

Want geis doe al vriedigs noa ’t wieverbal
Dan heurs doe veul zeiver en auch sjêle kal.
De maskes ze zènge en maake plezeer
Doe kèns met ôs danse bie ’n glaeske beer.

En zuus doe den optoch dae ’s moandigs hie trèk
Dan dènks ze: wie kènt dat, dat is toch te gek.
De luuj die zo sjprènge, ’t is ein groot bal,
Dat in Einekoeze, dat is karnaval.


HOME PLAATSNAMENOVERZICHTHOME


IN 'T RIEK VAN DE SMAUTBUUL
2003: Tekst: Ger Pepels - muziek: ?

Kens dich neejt dat leuke dörpke dat Einekoeze hèt
Vertèl dat dan wiejer aan angere zodat jederein dat wèt
Gein plaetske in de wereld dat ich gèr verruul
Want in Einekoeze woont de èchte Smautbuul

Refrein:
In ‘t riek van de Smautbuul jao doa is ‘t goad
Door het riek van de Smautbuul joa doa door krup mien bload
In ‘t riek van de Smautbuul joa doa laeft ‘t zich goad
Door ‘t riek van de Smautbuul joa doa door krup mien bload

Dat plaetske aan de ‘t sjluntje ‘t baekske zonger brök
‘t dörpke mit twee kirktööres doa kom ich gèr noa trök
Dat dörpke lik versjtoke in ‘t limburgs schjonste greun
Doa kèns ze nog vredig laeve dat is doa gans geweun


HOME PLAATSNAMENOVERZICHTHOME


KLEINE SMAUTBUUL
2004: Tekst: Ger Pepels - muziek: ?

Wie ich ‘ne kleine smautbuul waor
Toen zag mich jederein
Es urges gèt te viere völt
Dan geit dat niet allein

Op school dao leerde veer al schjnel
De daden en ’t woord
D’rom gaon ich noe ich groter bèn
Mit jeder feest akkoord

Refrein:
Carnaval is in ’t lanjd
Veer trèkke weer d’rop oet
Eine Smautbuul guuf neijt op
Al gaon de sjtekkers droet

Gans einekoeze gekkeboel
Dao kènste van op aan
Drie daag lank de kop op hol
De zörrig van de baan

De vastelaovend is ein fees
Dat is veur groot en klein
Errem of riek dat maak niks oet
Veer pakke os biejein

Dus sjprèng noe mit en laot dich gaon
Dien zörrig mös doe kwiet
Want ès ’t later neejt meer geit
Höbs doe allein noch sjpiet


HOME PLAATSNAMENOVERZICHTHOME


KOM MIT OS MIT
Tekst: ? - muziek: ?

Refrein:
Kom mit os mit, veer goan noe,
Blief doa niet sjtaon aan de kantj.
Doa is van alles aan de handj.
Van Bergerweeg tot Brenjstroat
Pakke veer os in de erm
En op meziek van ein kapel
Danse en sjpringe veer os werm

Joa in ut dörp wo men os kent
Doa sjtrieke veer geer neer.
Hie viert men vastenaovend
Jeder op zien eige manneer
Lommele om dien lief
Patsj op de kop
Sjmink op dien gezich
Zo sjteis dich vanaovend heel sjoon der-op
Dus………….
Kom maar mit os mit.

Es door ut dörp de optoch trèk
Sjtaon weinig luuj langs de sjtraot
Want jederein wilt mit gaon
Mit de Prins en ziene Road
Op de fits es auwt wief
De clown te vòot
Buurte op ein kar
Bie os is de optoch heel erg góod
Dus……………………
Kom maar mit os mit.


HOME PLAATSNAMENOVERZICHTHOME


'T KRUUKSKE MIT SCHMAUT
Tekst: ? - muziek: ?

Refrein:
Ich höb ein Kruukske mit Schmaut,
Dat toesj ich niet veur goud,
Doa kump mich geine aan,
Dat hang ich nog veul hoger es de vaan,
Ich höb ein kruukske mit Schmaut,
Dat toesj ich niet veur goud,
Zolang es ich dat Kruukske höb,
Höb ich nog ummer gouwe moud.

Dae Haarie dae Haarie dae hauw mich get gemaak,
Dae haw mich ein maedje oet ’t Hollese gesjtrick,
Dat brach hae mit nao ’t Schmautbuulelandj,
Ofsjoon hae koosj weite dat hilt niet lang in sjtandj,
Höm koume de trönkes in de auge te sjtoan,
Toen hae doamit teruk noa ’t Hollese moosj gaon,
Totdat m’n höm dat Kruukske brach,
Toen zag de jung mit eine lach,


HOME PLAATSNAMENOVERZICHTHOME


LEIDJE 1925
Tekst: ? - muziek: ?

In neugeteen vief en twintig
Höbbe veer oes oetgedach,
Einen optoch hie te make
In groote praal en prach,
De Einekoezer jonges
Die zeen, zoo wie der wèt,
Vol van gekkerieje
Leuk en opgewèk

Refrein:
Dit is tot groot vermaak
Veur Joenk en auwt van daag
’t Brink leave in de zaak,
Om ’t is oos ideaal
Te make groot kabaal
Ei laeve kolosaal

Ooze raod is oug vergadert
Mer zit nog in ein conflik,
Om ze koenne mer niet besjloete
Wie ze ’t doon mit den electric,
Noemmer elf van de agenda
Is ’t dempe van de Wup,
Den aanlèk van de riole
Det toch mer neme verzup

Hie is noe veur ’t eesch verschene
De Grand Cirk Americain,
Mit tijgers, Baere, Leeuwe
En ein allernuutste scène,
Stömmers, acrobate,
Clouns van den eeschte chik,
Die zolle fratse make
Dat der zèg: zie zeen getik


HOME PLAATSNAMENOVERZICHTHOME


MIEN DÖRPKE DAT LAEF
2003: Tekst & muziek: Phil Schaeken

Refrein:
Mien dörpke dat laef, al jaore, jaore lank
Wo ich zovööl óm gaef, ’t geit röstig ziene gank
En al 55 jaor, sjtaon de Smautbulen hiej klaor
Zie zörge dat dat dörpke jeder jaor opnuuj wei’r laef
Jao, zie zörge dat ich ummer óm mien Einekoeze gaef.

Gaon ich Einekoeze in, e kepelke
Fits ich Einekoeze door, e kefeeke
De töres van de kirk
Ich weit niet of geer ’t mirk
Zeen ich Einekoeze dao, mit dat buurke
Mit dat beeld van ozen Heer
Dan geit mien hart wei’r heller sjlaon
En zèng ich jedeskeer……..

Loup ich Einekoeze door, boerderieje
Wènke luuj dao aan de roet, vuil ’t blieje
Concordia meziek
Och dörp wat bès ze riek!
Kiek dat sjeulke op d’n houk, mit die kènjer
Pruif de vla, die is nog werm
Ós voetbalklup, auw ambachte
Sjnap mich mer biej d’n erm……….

Zeen ich fruitbuim in de weij sjoon in bluij sjtaon
Zeen ich zunjigsmörges luuj nao de kirk gaon
De bloume aan die moer
Ich druim zo mènnig oer
Heur de luuj dao op dat fees leidjes zènge
Kiek ze lache óngerein
Veer Smautbulen, veer laeve zo
Dat geit hiej van allein………


HOME PLAATSNAMENOVERZICHTHOME


OOS DÖRPKE EINEKOEZE
2002/2003: Tekst Arno Limpens

Kent geer dat dörpke in ’t limburgse landj.
Dao sjteit oos hertje toch veur in brandj.
Mit vastelaovend gaon veer allemaol droet.
In Einekoeze vuile veer oos thoes
In Einekoeze vuile veer oos thoes

Jodelahitie
Bie os in ut dörp

De smautbuule gaon ’t dörp op en aaf
Ze knippe ein uigske en roupe alaaf
En nao d’n optoch is de sjtumming ten top
Dan sjteit Einekoeze richtig op ziene kop
Dan sjteit Einekoeze richtig op ziene kop

Jodelahitie
Bie os in ut dörp

De maskes ze zenge van oos marie
Ze vaege ein traon weg ’t is bienao veurbie
Mit esjelegounsdig ruip oos weer de plich
Veer motte gaon wirke mit ein lank gezich
Veer motte gaon wirke mit ein lank gezich

Jodelahitie
Bie os in ut dörp


HOME PLAATSNAMENOVERZICHTHOME


DE SMAUTBUUL
Tekst: ? - muziek: ?
Zang: Peter Lumens, Eric Stevens & Jean Heyligen

Merie oet Einekoeze
De parel van ‘t dörp
Dat krig aan jeder vinger ein
Daomit haet t gein zörg
‘Want wie dae rieke heer lés
Koum vrauge veur zien handj
Doe lachde ’t en zag mér jong
wô is toch dien versjtandj

Refrein:
Ich wille ‘ne Schmautbuul,
Ich wille ‘ne Schmautbuul,
En angesj wil ich gein
Ich wille ‘ne Schmautbuul,
Ich wille ‘ne Schmautbuul,
Want die heure toch bieëin

Maar kendj zag toen de vader
Doe bés zo biedehandj
Zoon kans kris doe me leave niet
Gebroek toch dien versjtandj
Och pap zag toen oos maedje
En gouf ‘m vlot ein moel
Ich heur in einekoeze toes
weit geer wat ich bedoel

‘t gong bie Vleugels danse
En trof dao ziene jong
Ich hoef niet te vertelle
Wie dat noe wiejer gong
Ze gonge same nao t sjtadhoes
En ze bleeve niet allein
Noe zènge al hun kenjerkes
Tesame dit refrein…..


HOME PLAATSNAMENOVERZICHTHOME


SJMAUTBUUELEBAL IN 'T HEELAL
2004: Tekst & muziek: Jeroen Heylighen & Gaer Biejein

Pluto, mars of de maon
Nae aan keus gein gebrek
Opzuik nao get ruumte
Mesjiens waal 'n baetere plek

Refrein:
5,4,3, Kiek ós sjmautwurmkes hie, veer zien klaor veur de rit
2,1,0, Hey, wae geit d'r mit ós mit
Sjmautbuuelebal in 't heelal
Veer brenge de sjmaut alvas nao baove
Sjmautbuuelebal in 't heelal
Tis weer carnaval, veer brenge 't sjmautbuuelebal

Kiek de sjterre die sjtraole
De maon die al nao ós lach
Jao ich weit 't zeker
Veer waere dao baove verwach

Sjtart de motore
Tis tiet om te gaon
't sjmautbuueleriek
Krich dao baove 'n gans nuu besjtaon

Nao baove, nao baove...sjmautbuuelebal (4x)


HOME PLAATSNAMENOVERZICHTHOME


DE SMAUTBULE HAAN
2003: Tekst: ? - muziek: ?

Refrein:
Dao baove op den toor
Dao sjtonge ze biejein
Twee haane te dreeje
Gans hoog en gans allein
Ze weeze dao in waer en wenjd, vanaaf d’n hoge tump
De luij van Einekoeze aan oet welke hook de wenjd hie kump.

De smautbule haan, jao det zult geer allemaol weite
De smautbule haan, jao dae is ‘m sjtil gaon pleite
De smautbule haan,, jao dae heat zien werk gesjtaak
En dae zuik noe bie de hounder, bie de hounder zien vermaak

En op eine zunjig-mörge, ’t waor nog heel erg vruig
Zaet eine van die haane, ich ben dat dreeje muig
Dao ônger lik ‘ne houndersjtal, dao höb ich zeker kans
En mit ‘ne rukwenjd vloog hae nao Bertha Wagemans

En wie ’t klökske klinkde, toen ging me nao de kirk
Me keek verschrik nao baove, me haw ’t zo gemirk
Dae haan dae is veurgoud eweg, dae zeen veer nootsj meer trök
In zo’ne grote houndersjtal, haet hae ’t völste drök


HOME PLAATSNAMENOVERZICHTHOME


SMAUTKAPEL EINEKOEZE
Tekst: ? - muziek: ?

Veer höbbe ein meziekkapel,
Wè haw dat ooit gedach.
Dat in Einekoeze zo get koosj,
Wè zou dat höbbe verwach.
Die kapel van os die moug ter zeen
Al sjtùmp ut auch soms niet
Want van de ganse carnaval
Dao sjtùmp jao auch niks van.

Refrein:
Jao oos kapelke, dat prach kapelke
Dat mot ter hie mit de vasteloavend zeen.

Ze trèkke door de sjtraote rondj,
En speele dat ut kraak,
En jonk en aut die sprènge mit,
En roupe dat is raak.
Auch de jong maedjes van ut dörp
Die loupe der achter aan
Want zonger die maedjes is het niks,
Dao kent geer van op aan.

Die leifste maedjes, die lekker maedjes,
Zo vinsj te hie in de ganse omtrèk gein.

Ze krege auch nog eine naam,
Ze nuimden zich “Boerekapel”,
Mit halsdouk, patsj en boerekiel,
Blouze ze heel hèl.
Meziek en leidjes zelf gemaak,
Dat waor wat ze os brach
En Einekoeze lèèfde mit
Dat sjtong bie veurbaat vas.

Zo geit dat noe al jaore door,
De kapel is sjteeds present
En jeder nuje Schmautbüleprins
Is daomit zeer content.
Ze höbbe noe sjoon pekskes aan
En auch eine nuje naam
Ze heisje noe de Schmautkapel
En sjtaon nog sjteeds veuraan.

De kapel besjteit noe ein kwart eeuw,
Haet veul veur het dörp gedaon
Ze doon dit toch mer allemaol,
Vastelaovend mot wiejer gaon.
Daoveur dank en hulde op dit fees.
Dat ut zo moug blieve gaon,
Want mit ooze Schmautkapel,
Blif vastelaovend besjtaon.


HOME PLAATSNAMENOVERZICHTHOME


SVE DAT IS OS KLUPKE
Tekst & muziek: Jeroen Heylighen

In einekoeze, sjpas en plezeier
Lache, drenke (Hey Jo), noch 'n pötje beier
Osse jeuch, de senioren, alles telt, nae niks te bar
En waere v'r kampejoen, dan mit z'n alle op de kar

Refrein:
SVE dat is os klupke
Ren, sjtamp, GOOL...de henj weier in de loch
SVE dat is os klupke
Saame mit z'n alle sjtaon v'r sjterk dan kump 't gout

Zaoterdich en zondig op de hei
Blau, wit is de kleur, ze sjtaon weier in de wei
2 x 3 kwarteier, sjeit 'm in de roos
En es de sjeitsrechter flöt op z'n fluit dan geit 't loos


HOME PLAATSNAMENOVERZICHTHOME


VEER BETOUVERE DE CARNAVAL
Tekst & muziek: Jeroen Heylighen

Vastelaovent in 't lanjt
Alles weier saame, hanjt in hanjt
Net wie mit de kers, love and peace, jao inderdaad

Lache, sjprenge, danse, zenge
Sjpas en lol dae komme veer brenge
Veer zörge veur de zin, dat maake veer paraat

Refrein:
Touvere, veer betouvere de carnaval
Mit osse touversjtek, zörge veer veur de magie
Touvere, veer betouvere de carnaval
Mit osse touversjtek, allein mer lache, jeederein blie

Lang gezichte, neit getolereert
Nae dan zitste hie verkeert
Hie wurt gesjpronge, links nao rechts, op en neier

Dus gooi die beinkes noe mer los
't fees alweier begoosj dankzei os
Zeet geer al betouvert, jao dat doon veer

Alle touversjtekke in de loch
Touvenaars en feeje gebroek uche krach
Gooi mit die sjterkes, touver unne lach


HOME PLAATSNAMENOVERZICHTHOME


ZET 'M OP
1984: Tekst: Chris Paes - melodie: "Comment Ca'va"

Refrein:
Kom zet ‘m op
’t Ganse dörp steit op de kop
al maak v’r leave en kabaal
dat is os sjiet joa sjiet egaal
Kom zet ‘m op
’t Ganse dörp steit op de kop
al maak v’r leave en kabaal
dat is os sjiet joa sjiet egaal

Want mit vasteloavend
Dan spreng veer oet de bandj
Dan zeen veer de gekste
De gekste van ’t landj

Drie daag same sprenge
Caféke in caféke oet
En wie eine knarie zenge
En mèr bloaze op die toet

Eine keer in ’t jörke
Dan zeen v’r vogelvrie
Dan houf v’r niet te wirke
Al os zörg zeen dan veurbie

Dan pak v’r os die guiies
En die kwartjes oet de zök
Want veur esjellegounsdig
Zuut os néemes meer teruk

Ach g’r mot mèr altied denke
Zo lang os dörpke blif bestoan
Zeen mit vasteloavend viere
Veer door néemes meer te sloan


HOME PLAATSNAMENOVERZICHTHOME