HOME PLAATSNAMENOVERZICHTHOME


DE BUGGY-POLONAISE
Martin Gulpen

Refrein:
't ès de buggy polonaise
en dae ès weer op en top
't ès de buggy polonaise
Hup 'ne buggy op de kop
't ès de buggy polonaise
hieë geit nao väör en ouch weer trök
iech höb de handvatte van väöre,
en de raedjes op de rök.

Es keend van drei-j zaot iech al wie zoe'n buurke
M'n mam die dui-jde, iech zaot op mien koont
ze pakde miech dow waal 'ns beej m'n uurke
en driejde mich dan ieëve in 't roond,
Dae buggy waor vuur mich 'n lekker sjteulke
Mèt dat deenk kaom ich ech noets mie sjtop
't gaof miech e good geveulke
Iech draag dat deenk noe op miene kop .

M'n mam die zag 't ès noe aafgeloupe
't Wuurt noe tied dats diech noe 'ns geis sjtoeën
diech moes noe mer 'ns lekker liere loupe
want mèt dae buggy ès 't noe gedoeën,
Iech moes dow ieëve waal e träönsje laote
en dat jenke dat kaom gaar neet sjtop
iech ging jaore doer de sjtraote,
Mèt dat deenk hiel dèk op miene kop


HOME PLAATSNAMENOVERZICHTHOME


DE DÖRPSGEK
2004/2005: Tekst & muziek: J.Janssen

In eder dörp keumst'm waal 'ns tieëge,
Noets get te väöl en neet verlieëge,
Hieë löp dao roond, in z'n hand 'nne sjtek,
Wèd'r wae dat is, dat is d'n dörpsgek.

Refrein:
'nne rare hood, dat is d'n dörpsgek,
'nne auwwe jas, dat is d'n dörpsgek,
'n sjtom gezieg, dat is d'n dörpsgek
tot nieks verplieg, dat is d'n dörpsgek

Mit vastelaovend huurst'm altied zinge,
Nao ein glaas beer geit 'r al sjpringe,
Dan haet'r sjpas en auch väöl plezeer,
Jao dreij daâg laangk geit'r op en neer.

Ouch dieze aovend is'r weer aanwezig,
Zuug'm 'ns goeën, 'r is weer bezig,
Lèt mer 'ns op, mesjien zuust'm sjtoeën,
Pak'm dan vas en laot'm neet mie goeën.


HOME PLAATSNAMENOVERZICHTHOME


GEEF GAAS KLENDERAIRE
Tekst: Wim Aerts
Oetveurende (*) : Blaaskapel Fanfare St.Blasius en CV de Klenderaire:

Refrein:
Geef gaas Klenderaire, geef gaas;
Dier zeet drei doag de baas.
Dus geef 'm van ketoen,
dan kinne vier 't nog eins euverdoen.
Klenderaire, Klenderinne, Klendergekke.

Erreg lang doorde 't gezeuk, noa eine gooje prins,
want der groetste, gekste Klenderair, hubbe ze neet inins.
Mer veur de vasteloavend is, is dat waal opgelos,
en heit 't Klenderaireriek, gezurreg veur ziene vors !

* lp: "Vastelaovend in Heuvelland"


HOME PLAATSNAMENOVERZICHTHOME


GIEËF GAÂS KLENDERAIRE
Tekst: ? - muziek: ?

Refrein:
Noow draân Klenderaire, noow draân
Dieër kint toch get devaân
Dieër zörreg vuër de sjpas in Keer
Viêr dreenke mèt plezeer 't beer
Gieëf gaâs, Klenderaire, gieëf gaâs
Dieër zeet dréi daâg de baâs
Dus gieëf 'm van ketoên
Kinne viêr 't nog 'ns uëverdoên
Klenderaire, Klenderinne, Klendergekke

Viêr höbbe híj in Keer e sjtél
Dat zörreg vuër de lol
Es diêr dan nog get cente höb
Kint diêr goôd aon de rol
't Hêit waal lange tiêd gedoord
Me dach, dat 't nieks gaof
Mé èindelek dan nao lang gekletsj
Höbbe ze get inèin gesjtaof

Nog langer doorde 't gezeuk
Nao èine gooje preens
Want d'r groêtste gekste Klenderair
Höbbe ze neet inins
Mé vuër 't vastelaovend is
Is dat waâl opgelos
En hêit 't Klenderaireriêk
Gezörreg vuër ziêne vors


HOME PLAATSNAMENOVERZICHTHOME


DE KLENDERAIRE
Tekst & muziek: Martin Gulpen

Refrein:
Vieër felicitere, de Klenderaire, dréiendertig joar ziên ziê bieêin
Vieër felicitere, de Klenderaire, kom vieër goeën ins lekker achterêin
Vieër felicitere, de Klenderaire, iech pak miên mötske vuûr hun aâf
Vieër felicitere, vieër felicitere, vieër roope allemoal: alaaf

Toen de Klenderaire ziên herbore
Toen deeg êine maân al hiêl good mèt
Dêi maân is Chriske Vandenboorn
Dêi dêit noe nog ummer mêt os mèt
Vuûr häöm pakke vieër os mötske aâf
En vieër roope allemoal: alaaf

De Klenderaire en Klenderinne
Die bedânke vieër op dis meneer
Zoônder uuch koste vieër nieks beginne
Anders woar gêin carnaval in Keer
Vuûr uuch pak iech noe miên mötske aâf
En vieër roope allemoal: alaaf

De carnaval in Keer, dêi mot toch bliêve
Anders kriêge vieër gêin lol mie in de tent
Alle zörreg mot vieër dan verdriêve
Oûch al kos 't os nog zoeväöl cent
Vuûr Keer pak iech noe miên mötske aâf
En vieër roope allemoal: alaaf

De Klenderaire en Klenderinne
Die bedânke vieër op dis meneer
Zoônder uuch koste vieër nieks beginne
Anders woar gêin carnaval in Keer
Vuûr uuch pak iech miên mötske aâf
En vieër roope allemoal: alaaf


HOME PLAATSNAMENOVERZICHTHOME


DE KLENDERAIRE-WALS
Tekst: ? - muziek: ?

Refrein:
De Klenderaire zien weer beej-ein
't ès zoe gezèllig vuur ekerein
Vier wèlle daanse en houwe pin
Dreenk noch e pilske sjöt nog mer 'ns in

Es 't carnaval ès sjteit Keer weer op z'ne kop
Pesjtoer dae sjluut de kèrk aaf en ziet z'n maske op
de börger ès z'n kètting kwiet dat kènt in dieze tied
dus lui-jkes laot uuch lekker goeën
en blief dao neet sjtoeën

De Keerder vastelaovend deit ekerein aan mèt
Ze sjpreinge en hosse en goeën neet vreug nao bèd
de tap dae blijf mer loupe, de glaze blieve voul
De Keerder vasteloavend dat ès allein mer lol


HOME PLAATSNAMENOVERZICHTHOME


LIMBURGS BLOOD
Tekst: ? - muziek: ?

Refrein:
Iech kin nieks der aon doeën, dat iech miech ammezeer,
Iech kin d'r ech nieks aan doeën, want iech höb väöl plezeer;
Kom op, laot miech neet sjtoeën, iech veul miech toch zoe good,
Wat iech waal zieëker weit, jao iech höb Limburgs blood.

Iech waor lèts op 'n feeske, de tent ging achterein,
't Waor dao zoe gezellig, wat voond iech 't dao fijn;
De lúi die zaogste sjpringe, en eederein deeg mèt,
Iech koes toen neet wachte en sjprong op 't buffèt.

't sjoenste in d'n lieëve, zing iech mèt gooje mood,
Wei wèlt dat neet belieëve, 't geveul van limburgs blood;
De kins diech dat neet koupe, de kreis 't zoe mer mèt,
Dao blijfste dan mèt loupe, en noe mer opgelèt.


HOME PLAATSNAMENOVERZICHTHOME


OS KEER DAT BLIJF KEER
Tekst: Guus Corten, E.Preudhomme & J.Pletzers
Oetveurende (*) : Blaaskapel Fanfare St.Blasius en CV de Klenderaire

Refrein:
Os Keer dat blíjf Keer, want viêr hure biejêin
Os Keer is gezèllig jao dao woêns te nog fijn
Viêr motte 't hâwwe wie 't noê nog is
Es viêr dao os bès vuër doên dan lök dat besjlis

Vastelaovend viêre kinne viêr híj goöd
Os te ammezere ziet os in 't bloôd
Viêr drinke os gezèllig dan e glaeske beer
En höbbe dan es Klenderair väöl plezeer

Oe kins te noê nog vinde, e dörpke wie os Keer
Oe de lùi nog lieëve en wèrreke mèt plezeer
Oe ste nog kins woêne in diên êige hoês
En oe ste diech kins veule zoe wie nörreges toês

Lùi die híj vertrèkke op zeuk nao miê gelök
Dinke aon die jaore in Keer nog dèks ins trök
Kriêge dan soms heimwee en veule ziech allèin
En zinge in gedachte sjtèl dit refrèin

* lp: "Vastelaovend in Heuvelland"


HOME PLAATSNAMENOVERZICHTHOME


PLAYA DE LA KEER
Martin Gulpen

Refrein:
Mèt carnaval gaon iech neet op vakaansie
Iech been in Playa de la Keer
Jao dat ès vuur miech 'n geraansie
Dan geit 't dörrep drei daag op en neer
Alein 't sjtraand en de zon zal iech miesse
dao uëver maak iech miech neet drök
Jao iech weit iech doon miech neet vergiesse
de vastelaovend is weer trök

Met de vastelaovend heej in Keer
Jao dan geit heej alles op en neer
De Klenderaire en Klenderinne
Jao dei-j vere dat ze gaere

Dao op Mallorca zègke ze olee
En in Zuudfrankriek rope ze santee
Mer vuur miech ès d'r mer ei plezeer
dat is carnaval in Keer


HOME PLAATSNAMENOVERZICHTHOME


SJPRINGE
2001/2002: Martin Gulpen

Refrein:
Sjpringe, sjpringe, sjpringe achterein
Sjpringe, sjpringe, sjpringe vèn iech fijn
sjpringe, sjpringe, sjpringe op en neer
jao zoe geit dat heej beej ós in Keer.

Iech been toch geine Hollender of 'ne Chinees
Iech weit waal oe iech sjpringe moot op 'n hiel groet fees,
ès 't in 'ne kaffee of ès 't op e plein,
Dan weit iech wie iech sjpringe moot dat ès toch zoe fijn.

Iech waor get roond aan't lore ès heej noe get te doeën
zien die lui-j aon't sjpringe of blieve ze dao mer sjtoeën
iech zek uuch goej die bein mer los sjpring mèt ós mèt
Loor dao kump 't vuurbeeld aan doot noe mer mèt ós mè

Drei daog gaon iech weer sjtappe tot miedde in de nach
dat ès de vastelaovend oe iech op höb gewach
Pak iech miech e maske en zèt e mötske op
dan kèn iech weer goeën feeste en kom iech neet mie stop.


HOME PLAATSNAMENOVERZICHTHOME


VIER ZIEN DE KLENDERAIRKES
John Coenen

Refrein:
Vieër ziên de Klenderairkes
De blömkes van 't keendercarnaval
Vieër ziên de Klenderairkes
Vieër danse en vieër sjpringe, gieër zeet us uëveral
In Keer is elk joar get oêt
Kin ste neet mie zinge, daan bloeës mer op diên toêt
Al ziên vieër in de greuj
Leve de lol, leve de lol
Vieër ziên nog gaar neet meuj

Elk joar mit carnaval sjteit Keer op ziêne kop
Dan trèk de hermenie weer oêt en vieër goeën dan vuûrop
Vieër zinge en sjpringe, want vieër hove neet noa sjoêl
En wuûrt 't boête väöl te kaâd, dan goeën vieër noa de zaal
't is mer tot gieër wèt
Vieër goeën noch neet noa bèt

Bis te diek of bis te dun of bis te kort of lângk
Mèt maske op en pekske aan gêit eeder ziêne gaânk
Vieër hosse en vieër sjpringe, joa me huûrt os nog te gieër
En 't is tot gieër wèt
Vieër goeën nog neet noa bèt


HOME PLAATSNAMENOVERZICHTHOME