HOME PLAATSNAMENOVERZICHTHOME


DE PAERDSKOEL
Lied oët de Flarusse-revue van veur den oorlog
Teks: Sjeng Janssen - melodie: "The old lamp-lighter" van Tobias-Simon
Zang: Ben Verdellen

Wao ik as jungske dök ging speule, en eedere jông gaer kwaam,
dao trof me altiëd un hiël stel tesaam.
Me kôs dao bergemuuske speule, det ging dao toch zoe fijn.
Daoveur waas nörges ein baeter terrein.

Ut moeiste plekske wat ik kin, en wao ik ouk ut leefste bin,
det is de Paerdskoël, beej ôs aan de Maas.
Dao waas ik vruuger toch zoe gaer, ik gaon dao nôw nog altiëd haer.
Me kan dao röstig zitte in ut graas.
De scheepkes vaare stil veurbeej, in lange slijpe vaare zeej,
en kleine gölfkes maake zeej daobeej.

Det is de moeiste plek in Bliërick, dao hald ik zoëvuul van.
En bliëf dao haer gaon, zoelang ik det kan !

cd 1997 : De Wortelepin - "Laot ens un belunke op" - Onger Os 7309


HOME PLAATSNAMENOVERZICHTHOME


PARIÈS WEEJ KOMME
Teks en meziek: Hay Verberkt, Ben Verdellen & Sef Gubbels
Gezônge: Ben Verdellen & Petra Houben
Oet de Revu: "Rundje Bliërick op de kannepee"

Pariès, hald dich maar vas gereid !
Weej kômme, ikke met mien broèd.
Met träöt en trôm, wie det zoë geit,
bluës de blaoskepel ôs oèt.
Dees reis is ôs gegaeve,
kedootje van de buurt.
Weej hebbe in ôs ganse laeve,
diene naam wal ens gehuërd.
As-se mich de waeg ouk wees,
ik weit nog neet ens wao-se lees.

Pariès, weej gaon neet met d'n trein,
neet met 't vleegtuug of d'n boët.
Dao-aan haet beej ôs idderein,
miër as zeeve bräörkes doëd.
De bus is kônfortabel,
de bis d'r in dreej "heure",
en veur de buurt is det rendabel,
want det is ouk neet zoë deur.
Buurt, bedank heejveur, wie net,
ein reis verzörg door Tante Bet !

Refrein:
Pariès, Pariès, wat hebs dich in hoès !
Veur ôs had 't ech neet gehoove.
Weej waare al bliej, as de buure heej thoès,
ein klein envelöpke ôs goove.
Maar noowt zoë wièd is, veuruit met de geit !
Ik haop, as weej truuk zien, det ôs hoès d'r nog steit !
Pariès, veur deeze kièr, veur ôs hoof det neet miër.


HOME PLAATSNAMENOVERZICHTHOME


'T PAETERKE
Teks en meziek: Frans Boermans & Ben Verdellen
Gezônge (*) : De Vrijbuiters

Waas vruuger det ouk zoë beej ôg ?
As ut paeterke ôs thoës bezôch,
nae det vergaet ik neet.
Dan woort gelache en gepraot,
en smeis gevraog um gôje raod,
in oore van verdreet.

Hae kwaam dan zoë maar aangeweijd,
gewoën veur de gezelligheid,
en drônk ein teske mei.
Nao 't lache um de letste wiets,
sprông hae waer op d'n damesfiets.
(Toen droog hae nog de pij).

En zooge we um in gen waek misschien,
dan zagte weej: wat zoël d'r zien ?
Wae wet, mankeert um wat.
Dan waas hae ôs hoës veurbeejgegaon,
en zooge weej dök zien fietske staon,
wao eine kranke um nuëdig had.

Nôw is det dan verleejen tiëd,
weej zien daen beste vrind nôw kwiët,
ut paeterke is doëd.
Hae waas zoë good veur idderein,
dae mins zoë nederig en klein,
as priester waas hae groët.

* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187


HOME PLAATSNAMENOVERZICHTHOME


PAP EN MAM
Teks en meziek: Ben Verdellen
Gezônge: Ben Verdellen & De kinder

Ik weit nog wie ik klein waas, en ging slaope in de weeg.
Dan sloot Mam de gerdiene, want ut waas nog vuuls te leeg.
Verzichtig trok ze aan ut tuijke van det biësje det dao hông.
Dan hoort ik weer det leedje det ôs Mam auk dökker zông.
Ze zoot mich nog ein kruutske met d'n doem op miene kop,
en smiespelde allein veur mich ein scheetgebedje op.

Refrein:
Pap en Mam ik wil ôg now bedanke,
veur al det knoevele det geej mich heb gedaon.
Ik zal ôch drek ein lekker kusje gaeve,
maar dan môt ik op de keukestool gaon staon.
Ik pak ôch dan hiel stevig vas zoelang ik kan,
geej ziet veur mich de allerleefste Pap en Mam.

Auk lierde ik ut laupe, beej eur same aan de hand.
Weej fietste nao de bös en speulde oore in ut zand.
Weej knoddelde met water, naeve ein of andere baek,
en deeje schuumke trekke an ôs fleske sôkkerpaek.
Dan ginge weej nao hoës en ik woort dierik in bad gedauwd.
Wat hebbe zeej toch allebei met mich vuul aafgesjauwd.


HOME PLAATSNAMENOVERZICHTHOME


PAVAROTTI
Tekst: Peter Jansen & Wim Janssen - melodie : "O sole mio" (trad)
Zang: Neutjes 4 (Henk v.d. Ham, Wim Janssen,Peter Jansen & Hans Mans)

Det artistieke van 't klassieke.
Moeie muzieke bringk op vuul pieke.
Kint geej dae sjieke ? Dae magnifieke ?
Det is dae man, dae det good kan, daen dieke.

Dae Pavarotti, zôn dieke vottie,
maar waat ein strottie, det huur ik gaer.
De massa, die vindt det klassa,
en det is kassa, dao kump-e haer:

Wie eine knarie zing ik zônder larie,
van maart wies fibberwarie veur eine nieje Ferrari.
Maar waat ein schanda, want heej in Hollanda,
zing ik dreej kiër en ik krieg neet miër dan eine Fiat Panda.

Daen dieke pattie kump door gelattie,
en frietietie petattie met majjenaes.
Frikandelli laote mich zwelli,
't Geit mich knelli, ik b ..., jao, ik bin gek !


HOME PLAATSNAMENOVERZICHTHOME


PLACE SAINT ANTOINE
Teks en meziek: Giel Geurts
Gezônge: Ben Verdellen
Oet de Revu: "Rundje Bliërick op de kannepee"

Al bis-se ouk op Montmartre, of steis-se veur de Kölner Dom.
Maks-se ein heuse reis nao Chartres, misschien wel nao de Puy de Dôme.
De mins dae wilt 't al belaeve en daorum reis hae vuël en gaer.
Maar alles kump pas ech tot laeve, as 't umwaeve is met sfeer.

Wieziër is 't waor heej in ôs laeve: de mins dae zuk 't dök hiël wiéd.
Veur wat d'r vlakbeej te belaeve, is hae al gauw de aandach kwiét.
En toch is ôs heej vuël gegaeve, kiëk maar ens röstig um ôg haer.
Dan merks-se det-se alzelaeve ouk heej ins preuve schoëne sfeer.

Refrein:
Dans ens met mich op de Place Saint Antoine.
Loup ens met mich door de Rue Saint Hubert.
Praot ens met mich in zô'n lekker kefee.
Efkes wat preuve, det huërt d'r zoë beej.
Laeve en gaeve, det mak minse bliëj.
Laeve bringk laeve, mak alles waer niej.
Laeve en gaeve mak bliej, oui oui oui.
Laeve lamour et la vie.


HOME PLAATSNAMENOVERZICHTHOME


DE PLEKKERS
1995: Teks: Ruud Bettinger - meziëk: Henk Sneyers
Zang: Henk Sneyers en Sef van Doorn

Refrein:
D'r is eine tiëd van kômme.
D'r is einen tiëd van gaon.
Maar weej halde ôs van d'n dômme.
As ut weer ens is gedaon.
Weej zien weer ens de letste.
Dao staon weej um bekind.
Weej halde door, jao det wét-se.
Weej bliëve heej wies ut ind.

Ut kos ôs waal ens meujte.
Um naor hoës te gaon.
Ein träönke det vleujt d'r
Weej blieve nog efkes staon.
Hald nog ein eurke aope.
Weej zien nog lang neet muug.
Weej wille nog neet slaope.
Ur is nog vuûls te vruug.

D'n tap dae geit heej sloëte.
Ut is dan gedaon.
Weej môtte naor boëte.
Toch zien weej neet weg te slaon.
Gaef ôs d'r toch nog eine.
D'n allerletste kiër.
Dae groëte of dae kleine
Dae duit ut um auk neet miër.


HOME PLAATSNAMENOVERZICHTHOME


'T PLEKSKE
Teks en meziek: Ben Verdellen & Frans Boermans
Gezônge: Ben Verdellen & Lottie Boermans

Doën beej ein baekske det struimp langs 't bôs,
dao weit ik ein plekske zoë stil,
Dao vlei ik mich gaer op 't dönzige môs,
wanniër ik tot rôs kômme wil.

Gans aan d'n einder zeen ik vaag, 't verkiër, 't drök gejaag,
zoe klein, zoë iël, zoë vaer.
Maar oët ein buimke achter mich rup ein veugelke: Haej dich,
kiek ens um dich haer.

Dao zwump 'n aendje veurzichtig veurbeej,
alsof 't mich neet steure wilt.
Uig dao praolt ein vlinkerke: Kiëk mich ens heej,
en alle geluud is verstild.

En mien gedachte waere lich, wie de wolke baove mich,
zoë stil, zoë hoëg, zoë wiëd.
Jao dan vergaet ik zörg en leid en ik weit veur zaligheid,
van gen oor of tiëd.

Dao, eine nachtegaal zingk al zien leed,
de zôn zônk al weg veur ik 't wis.
Ein klökske hiël wiëd, stil de huurs 't haos neet
det zaet mich wie laat 't als is

Ein vleugske wind ruus ônverwachs, net asof 't efkes lach,
zoë good, zoë keul, zoë zaach.
En oët 't deeps van mien gemood dingk ik "Och wie deej det good,
dank veur daezen daag."


HOME PLAATSNAMENOVERZICHTHOME


UT PLIESSIE-LIEDJE
Teks: Giel Geurts
Zang (*) : Wiel Goppel

Refrein:
Gaer vraoge weej ôg permissie, kiék ouk ens nao die van de pliessie.
Veur de gooje zien weej ech gen stoute, rech toe, rech aan, al zien wej woute.
Zien neet kepot van scheif en slech en maake gaer wat krômp is rech.
Dus beste minse, met permissie. lach ouk ens taege de pliessie.

Dao haet ein stel zich ens gekets, gunds is ein ruutje ingeflets.
Dan môs-se op wat jônge fitte, die örges aan de proéme zitte.
Weej hebbe aan boeve gaar gen kind, die gaon ut kotje in gezwind.

Weej maake sôms ens eine stop, beej ein of andre kôffiesjop.
Nae, neet um kôffie te gaon drinke, weej môtte aan wat anders dinke.
En good en waal aope, dan wuërd kwak, zô'n tentje al waer toegemak.

* cd (1992) : " Rundje Blierick blief in de buurt "


HOME PLAATSNAMENOVERZICHTHOME


POELEKE PLOENZE
Teks en meziek: Ben Verdellen & Frans Driessen - Jan Theelen & Ben Verdellen
Gezônge (*) : De Vrijbuiters

Refrein:
Poeleke poeleke ploenze, lekker naat.
Poeleke poeleke ploenze, 's aoves laat.
Poeleke poeleke ploenze, lekker naat.
Poeleke poeleke ploenze van 's morgens vruug tot 's aoves laat.
Viëfentwintig nunnekes die veele van de brök;
ein einmaol op d'n druëge hadde zeej ut in de rök.

Kuëb dae ging lets zwumme in ein vieftigmaeterbad;
det waas gevuld met jajum. Och wat woort dae kaerel zat !

Ome Wilie kôs einen eskimo, dae staaokde buutegaas,
dae stônd steeds raar te kiëke, as zien hut gesmolte waas.

Opa had eine kano van nege maeter lank.
Dae wilt hae nôw gaon ruile veur zô'n smaale surfplank.

Mien zuster ging zich douche, maar de sproeier zoot verstop;
en wie det waas verhollepe, waas al ut water op.

Ik meus lets zelf wasse met ein gans niej wasmesjien.
Wie de was gedruëg waas, kwaam de bôks tot aan mien kneen.

* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187


HOME PLAATSNAMENOVERZICHTHOME


POEPELOESTIG
2005/2006: Tekst & muziek: Piet Theeuwen
Zang: Poepeloestig

Weej blaoze wiej bekint
Van veur wies achteraan
Zien weej dan op ut ind
Begint ut weer veuraan
Ós klanke klinke good
Weej maake ut weer waor
Muziek zit in ós blood
Poepeloestig steit heej klaor

Refrein:
Weej träöte, en toète door de straote
Ut geit der duchtig taegenaan
As vrinde en altièd oètgelaote
Opziej Poepeloestig kump der aan
Taa taa hoempa hoempa
Taa taa hoempa hoempa
Taa taa hoempa hoempa
ta ta tara ta taa
Taa taa hoempa hoempa
Taa taa hoempa hoempa
Taa taa
ta ta tara ta taa

Weej speule wie nog nie
En zien nog lang neet muùg
De noète van partie
Op slaag en neet te vruùg
Met joeks en veur de jen
Weej träöte met òs snoèt
Zoeë doon weej det, jao ken
Poepeloestig trek weer oèt

Ein supergaaf geveul
De träöte koste nop
Nog efkes en weej speu-
le alles oèt de kop
De wange staon weer bol
Weej gaon der ós veur staon
De lónge zien weer vol
Poepeloestig luuët um gaon


HOME PLAATSNAMENOVERZICHTHOME


POËZIE
Teks en meziek: Ben Verdellen
Gezônge: Ben Verdellen

Leep ik met dich zie aan zie dan veulde ik mich bliej en zoë tevreeje
Sôms zôngs dich ein melodie gevöld met poëzie oët 't verleeje
Maar 't hede duit mich dök zôn pien, kôs 't toch wie vruuger zien.

Refrein:
Köm teruuk want ik hald nog steeds van dich,
haat draag ik neet in mich mei.
Misschien hils dich auk nog waal van mich ?
Kiër op kiër, miër en miër,
zeen ik dich in al mien druime.
Steeds as ik de stad in gaon,
dan blief ik efkes staon.
Ik veul dien hand dan,
kiek ik in ein winkelroët,
dan zeen ik weer dien snoet.
Ik snap d'r niks van,
de verbeelding die dan in mich sprik,
det is waat mien hert zoë brik.

Spraek de moeëje weurt toch nog ens oët,
schrief ein ode op pepeer.
Net zoë kleurriëk wie unnen blomentros.
Schat ik heb dich toch zoë gaer.


HOME PLAATSNAMENOVERZICHTHOME


DE PÔMP OP D'N TÔMP
1985: Prissentatie Els Basten

Refrein:
Laup nau de pômp en halt diene kop d'r ônder.
Laup nao de pômp veur eine klaore kop.
Laup nao de pômp det is ein stök gezônder.
Laup nao de pômp dae majem is veur nop.

Kumpse door de Kloësterstraot.
Dan kiëk ens op d'n tômp.
Net wie vruuger steit dao weer.
Ein nieje alde pômp.
En kumpse van d'n andere kant.
Pôntanus of de laan.
Dan löpse dao direk al taegen aan.

Harie waas neet neuchter.
Had al hiël wat pilskes op.
Zach wie hae det maedje zoog
Met ziene zatte kop:
"Och leeve schat, noow luuster ens,
ik wil waal met dich mei",
En raoj ens wat det maedje um toen zei?

* cd (1992) : " Rundje Blierick blief in de buurt "


HOME PLAATSNAMENOVERZICHTHOME


PIMPEL POLKA
1992: Teks Frans Driessen - meziëk: Wiel Vervoort
Zang: Resi Wolters en Hay Wilders

Refrein:
Pimpel-pimpelpolka.
Tösse de buim en de blumkes door.
Pimpel-pimpelpolka.
Euver ut graas wies aan de moor.
Pimpele geit haos neet allein.
Pimpel en polka det huur beejein.
Pimpel-pimpelpolka.
Dae löp wie einen trein.

Beej ôs in d'n haof woënt ein pimpelmees.
Die haet van zien laeve nog noëts gepees!
Zien wiefke det haet aevel noëts geklaag.
Ze danse en pimpele d'n gansen daag.

En al ut geveugelte oët de buurt.
Det kump as gedans en gepimpeld wuurd.
De flötse, de spraone, de ooievaars.
Die waere dao blauw van en pimpelpaars.

Beej ôs wuurt gespiens door ut glaasgordiën!
Dan kômme de glaeskes met beer en wiën.
En waere weej werm van det lekker grei.
Dan danse weej boëte de polka mei....


HOME PLAATSNAMENOVERZICHTHOME


PRAIRIELEED
Teks en meziek: Frans Boermans & Jan Theelen
Gezônge: Ben Verdellen

In de prairie van Hors-America,
dao leep ein koe van je faldera.
In de prairie van Hors-America,
leep ein koe van je faldera.

Die koe zeg gen boe maar ba,
allein maar ba van je hopsasa.
Die koe zag gen boe maar ba,
jao ba van je hopsasa. (2x)

Verwônderd vroog toen eine stier :
" Waorum rups dich ba van je tierelier ? "
Verwônderd vroog toen eine stier
" Waorum ba van je tierelier ? ". (2x)

Ik vind det maar zo la la,
zag die koe van je tra la la.
Ik vind het maar zoë la la la,
zag die koe van je tra la la. (2x)

Dao kump daen boer weer nao de wei,
met de kalde hand ao jei jei jei.
Dao kump dae'n boer weer nao de wei,
met die kalde hand ao jei. (2x)

Dae stier reep van gelök boe boe,
ik bin gen koe jippiejee joechoe.
Dae stier reep van gelök boe boe,
bin gen koe jippiejee joechoe. (2x)


HOME PLAATSNAMENOVERZICHTHOME


PRIVÉ-STORY
Tekst: Peter Jansen - melodie : "Whispering" (Schoenberger/Coburn/Rose)
Zang: Neutjes 4 (Henk v.d. Ham, Wim Janssen,Peter Jansen & Hans Mans)

Van dae man dae hiel good kin zinge,
interesseert ôs neet zien gezang.
We wille weite andere dinge,
zoeas zien slaopkamerbehang, jao, jao, jao.

Ik wil 't laeze alle waeke,
ik wil mien leech weer op gaon staeke:
Wae geit met wae ônder ein daeke ?
Zeg, det is ech neet normaal, zeg det waal.
En zien die nog saame met z'n beie ?
Of geit d'r eine op de keie ?
Gaon ze noow trouwe of juus scheie ?
Idder waek ein niej schaandaal.

As ik al 't leid van die minse,
laes in Story of in Privé.
Dink ik: Met die blaedjes, dao kinse,
allein terech, jao, op de w.c., hee hee hee.

Wae die gen interview wilt gaeve,
haet jaorelang dan zelf gen laeve.
Ze schriëve toch waal, maar d'r naeve !
Zeg, det is ech neet normaal, zeg det waal.
't Guf neet of det ein bietje goor is,
as d'r maar weer ein stökske klaor is.
't Duit d'r neet toe of det 't waor is.
Jao, zôn blaad is ein schandaal !
(Maar we laeze 't waal)


HOME PLAATSNAMENOVERZICHTHOME


PROOS SANTÉ
Tekst: Gerrit Gommans & Hay Verberkt - muziek: Kuchenmeister (Mainz)
Zang (*) : de Maaszengers


Refrein:
Weej zegge nog ens Proos Santé
Want daorum zien weej heej
Umdet ôs jao det beerke smak
Zet geej 6och nôw d’r beej
Weej zegge nog ens Proos Santé
Weej gaon nog neet nao hoès
Dus schödt ôch nôw den iërste in, de twiëde in, den derde in
Weej zegge nog ens Proos Santé
En zien nog lang neet thoès…..

Weej drinke zoe gaer ens ein glaeske beer
Ein glaeske det guf ôs toch zôn plezeer
Dan wuurd gehöf getoos gekös
Umdet me gaer ein glaeske lös
Zôn glaeske det is toch zoe gauw weer laeg
En laege die staon ôs dan in de waeg
Me pak zich ens flink in den erm neet gek
Dan is d’r stumming direk...

* lp (1979)


HOME PLAATSNAMENOVERZICHTHOME


DE PROVO
Teks & meziëk: Huub Warmerdam
Zang (*) : Jo Hofman

De waereld steit veur ein probleem: Ze weite genne raod.
De provo's waere straks d'n baas in hoës en op de straot !
De pliessie maag ôs gaar niks doon, al stoppe weej 't verkiër.
D'n alde rômmel van veurhaer, dae wille weej neet miër ...

Refrein:
Met lange haor en 'n sloeberves,
zoë bôks wiej liefke is de res.
'n Kriebelbaerdje aan de kin,
umdet ik unne echte provo bin ! (2x)

Weej provoceere maar wat raak, want neemus wet waoveur !
Os heppening is 'n fijne zaak, die brink teminste fleur.
Weej schöppe gaer wat ônderein, ut kan niks gaeve waat.
De straote die zien ôs domein, dan zette w'ôs op ôs gaat !

* lp (1982) : " Dreejmaol ellef 1981/1982 "


HOME PLAATSNAMENOVERZICHTHOME


'T RAAD VAN AVONTUUR
Teks en meziek: Frans Driessen, Ben Verdellen & Sef Gubbels
Gezônge: Hay Crompvoets
Oet de Revu: "Rundje Bliërick op de kannepee"

Iddere mins bewaert ein pötje as reserve in de noëd.
Toch köp hae zich heej ein lötje, al is de kans op priés neet groët.

Idderein mak zich ein lieske van de winze die hae haet,
en hae haop ouk op ein prieske, as Ome Jaap de nummers zaet.

Môt ik bäöke, kan ik zinge, nao 't dreije van 't raad ?
Wat zal mich de toekôms bringe ? Wat zit veur mich nog in 't vaat ?

Refrein:
Dao raatelt waer 't raad van avontuur,
ôs nummers gaon nao baove en nao ônder.
Zoëlang ik det geraatel nog maar huur,
zoëlang nog bliéf ik haope op ei wônder.
Maar steit ut raad dan stil en is die haop vervlaoge,
dan weit ik wat ik wil: nog ens ein känske waoge.
Wae wet, win ik d'n houfpriés op de langen duur.
Dao raatelt waer 't raad van avontuur.


HOME PLAATSNAMENOVERZICHTHOME


DE RAS CHARMEUR
Teks: ? - muziek: ?

Refrein:
Met ein petje op, en ein snorke veur,
Biste einen echte nette vent, einen echte ras charmeur
Met ein petje op, en ein snorke veur,
Krieste alle moeie maedjes aan de deur.

Of blond of zwart of grieze haor,
Idderein kiek der naor,
Zellufs ein moorbloom die neet lek,
Meint det ze noch ein kenske haet.
Met ein petje op, en ein snorke veur,
Krieste alle moeie maedjes aan de deur

Sjeng mos beej de zandhaas,
Jong det waas ein lijd,
Idderen daag marsjere, aafscheid van de meid,
Maar wie hae nao hoes mog, petje op ein oor,
Repe alle maedjes in de stad metein in koor


HOME PLAATSNAMENOVERZICHTHOME


RIËSTEPAP MET PRUUMKES
Riëstepap met pruumkes.
Gezônge : De vrijbuiter & de Vrouwluuj van de Maasvallei

Refrein:
Riëstepap met pruumkes, tralalalala.
Riëstevlaai met schuumkes. tralalalala.
Riëstepap met pruumkes, tralalala.
Oeh man ! oeh man ! oeh man !

Mien mam die print mich altiëd in, miene sies bis dich.
Altiëd as ik jäörig bin, vruëg mien mam aan mich :
zek waat hadste gaer gehad, dan zeg ik, det is nogal glad.

Ik ging ens met ein maedje mei, moei wie einen draum.
En weej zoote met ôs bei achter einen baum.
En det vroog wao ik aan dach, en wet ge waat ik um toen zag.


HOME PLAATSNAMENOVERZICHTHOME


DE ROMEINE
2005/2006 nr.2 : Tekst & muziek: Frans Pollux
Zang: Marius & Vic Suiker en Petro & Mark Janssen.

Refrein:
Lang geleeje looge heej Romeine aan de Maas,
Romeine met verstand, want ze looge aan de gooje kant.
Lang geleeje, maar tevreeje det me toen al waas,
Zoë joeksig waas dit land, allein de naam dae waas ein schand.
Want ’t hoot heej Venlo-Wes toen,
Dus ze heele ein congres toen.
Dao reep de Romein met de grutste kwaaaakstum:
“Ik duip dit dörpke Blariacum!”
Lang geleeje looge heej Romeine aan de Maas,
Och, waat bin ik bliej det det in Bliérik waas.

’t Is historie, dae glorie, van de iërste Bliérik-fiëste.
D’r wuurt vandaag nog, geklaag nog, det weej fiëste wie die iërste.
Die deeje trekke, wie gekke, aan de ker, percies wie weej.
Kôm dan wiéje weej ôg in, in de Wortel en de Pin.
De beschaving kwaam van heej!

’t Liekent stuffig, en muffig, al die langverlaore jaore.
Maar um te viére, te liére, wie ze deeje in ’t verleeje.
De môs die feite, waal weite, en die krieg geej noow van ôs.
Kôm dan wiéje weej ôg in, in de Wortel en de Pin,
De beschaving is beej ôs begôs.


HOME PLAATSNAMENOVERZICHTHOME


'N RUNDJE BLIËRICK
2004/2005: Tekst: ? - muziek: ?
Zang: Bram Holla en Ruud Stikkelbroek

In de leefde waog ik gaer mien kanse
As ik ein aardig kind zeen staon
Maar met de vastelaovend efkes sjanse
Det is ouk dök weer zoë gedaon

Beej de Meulebös heb ik um gekös
Same lepe weej door Bliërick haer
En dao beej de Wiëje woel ik d'r nog twiëje
Maar det ging um net te vaer
Op d'n Breetsewaeg kreeg ik d'r ein gevaeg
En ja, det waas 't ind, ocherm
Noow loup ik gans allein en kiëk nao idderein
Op zeuk nao emes veur aan mienen erm...

Wilt er oëts ens emes van mich weite
Wie det 't met det maedje geit
Dan zeg ik lever neet: "Det ging mich pleite!"
Maar heb ik dit verhaol gereid

Kom ik aaf en toe ein maedje taege
As ik met um aan 't praote bin
Dan waer ik smeis inens hiel erg verlaege,
Ik weit weer wao ik um van kin


HOME PLAATSNAMENOVERZICHTHOME


SABINCHEN, O SABINCHEN
Teks en meziek: Frans Driessen, Ben Verdellen & Sef Gubbels
Gezônge: Willem Geraedts & Ben Verdellen
Oet de Revu: "Rundje Bliërick op de kannepee"

Im Brachter Wald bei de Kaninschen, da kan-se schön spaziere.
Dao jing iek eins mit mien Sabinschen, sie kuckte nach de Tiere.
Iek aber kuchte mehr nach ihr und sagte: Du mein lecker Tier !

Ein Farres hat in Kaldekirche uns mit elkaar verbunde.
Und mit 't Butterbriefpapiersche sim-mer nach Brach verschwunde.
Ich Wald da sah sie nur das Vieh, ich selber aber sah nur sie !

Nun sim-mer schon ein Järsche älter und jehn in Brach spaziere.
Die Liebe is kein bissche kälter, doch sieht sie wieder Tiere,
dann sag ich: Biensche, kuck nach mir ! Iek bin doch auch ein lecker Tier !

Refrein:
Sabinschen, o Sabinschen, du bis doch kein begiénchen.
Kôm gib mir einen Kuss, du Weisstoch wie das muss.
Sabinschen, o Sabinschen, noow halt mich nicht aam liénschen.
Kôm kös mich leeve Schatz, kôm kös mich det ut schmatz !


HOME PLAATSNAMENOVERZICHTHOME


SARA EN ABRAHAM
1982: Tekst: Hay Verberkt - muziek: Jo Hofman
Zang (*) : Hay Verberkt met de Maaszengers


Refrein:
Met vieftig bisse Abraham en Sara hit ut maedje
Vièf kruutskes bisse ônderwaeg maar greun is nog det blaedje
De heleef die hebse gehad: maar och wae duit mich wat……
Jao det zaet allemaol niks
Det heb ik dan toch maar gefiks!

Wannièr ik veur ut speegel staon dan tel ik al mien haor
As ik dao mei begônne bin dan bin ik auk al klaor!
Det sapeegel zaet dan taege mich maak toch neet zôn behei
Kièk maar ens good in dien gezich: dich geis nog jaore mei…….

De slaope waere al wat griës de tand zien neet miër ech
Maar neemus brink mich van de wiës al laup ik neet miër rech
Ik ren de hônderd maeter neet in tiën secônde miër
Ik zeg ôch waal wao det aan leet maar einen andere kiër…….

lp : Hay Verberkt met de Maaszengers - "Laot ôs maar laupe"


HOME PLAATSNAMENOVERZICHTHOME


SCHOTSE SABELDANS
Teks en meziek: Frans Boermans & Jan Theelen
Gezonge: Ben Verdellen

Refrein:
Wönne, toewe, trieje, foare, hup dao gaon we weer,
weej danse heej de sabeldans gewoën op ôs meneer.
Van hakke tiëne, hakke tiëne, hakke tiëne, hak,
weej danse nao de piepe van d'n die da doedezak.

In Schotland örges in de berg dao leet ein klein gehuch,
dao euver geit, 't is waal erg, ein akelig geruch.
Want kriege die dao maar de kans, jao dan begint 't leid,
dan doon die dao de sabeldans, en wet ge wie det geit.

Op zekere kiër waas wie me zaet, de schiereslieper zat,
zoedette de sabels beej vergaet te scherp geslepe had.
Det goof mich einen houp redou, want zoë van tiëd tot tiëd,
dan reep d'r eine hiël hard 'au, dae'n tiën dae bin ik kwiet.

Die luuj die ginge toen te kiër, met al die whisky's op.
D'r naeve springe ging neet miër, maar waal d'r baoven op.
Waat dao van kwaam det raojt ge waal, want euveral op de grônd,
dao loge door de ganse zaal de tiëne in 't rônd.


HOME PLAATSNAMENOVERZICHTHOME


SCHROEM, ALWEER EIN VLEEG KEPOT
Traditional
Door Sjra Driessen (deKopere) altiëd in de cafe gezônge !

Dao hölp dich gen spoëze en ouk gen verhoëze.
Niks vregger as jao zoë ein vleeg.
Veural in de keuke, dao môsse ze zeuke,
ze staeke ut kind in de weeg.
Ouk kletsköp en vlaaje, jao, det kan eur gaaie,
ouk zeuke ze pletskes zich oët.
Maar ik slaag in de nek ze, die loëzige hekse,
die plaogsters, en ik roop door ut hoës ...

Refrein:
Schroem, alweer ein vleeg kepot,
schroem, alweer ein doëd.
Doon dich van ut slaage dien hand ouk wat piën,
ut geit toch al baeter as gister, neet Stien ?
Schroem, alweer ein vleeg kepot,
schroem, det geit wie gesmaerd.
Bald zien zônder leege, de moore zwart van de vleege.
Schroem, der geit wie gesmaerd !

cd 1997 : De Wortelepin - "Laot ens un belunke op" - Onger Os 7309


HOME PLAATSNAMENOVERZICHTHOME


SENÔR KLORES
Teks en meziek: Jan Theelen & Frans Boermans
Gezônge: Ben Verdellen & Lottie Boermans

In 't vaere land Ecuador, woënde ein Senôr Klores.
Dae had 'n uigske op Dolores, de dochter van d'n toreador.
's Aoves beej heldere maon, brach hae um en serenada,
"Caramba", reep toen ziene Pipa, is det nôw haos gedaon ?

Refrein:
Waal nôndepié .. waat eine sores,
waat môt dao boete dae Klores.
dae bliëf aaf van mien Dolores.
Anders liër ik um ens mores.
Waal nôndepie.... zag zien pappie.

"Sacramento", reep dae torero, kwaam furioso oet zien casa,
en schoot de Senôr met zien pistola de poento van ziene sômbrero.
De guardia kwaam toen pronto en waat waas 't resultado,
in de nor zông de torero vol sentimiënto:

Senôr Klores zoot kontento met Dolores in de villa,
hiël intimo op de sofa, en det vônd 't magnefico.
Kores koch van de guardia uno completo clementia,
veur Dolorus ziene Pipa, en dao zông: "Hiep hiep hoera !"
Waal nôndepie.... waat eine sores, luuster ens heej Koekelores,
neem gerös maar mien Dolores, want det liërt dich dan waal mores.
Det wet waal wie.... nôndepie.


HOME PLAATSNAMENOVERZICHTHOME


SHANANA
Tekst: Peter Jansen & Wim Janssen - melodie : "You’re the greatest lover" (Janschen/Jansschens)
Zang: Neutjes 4 (Henk v.d. Ham, Wim Janssen,Peter Jansen & Hans Mans)

Vruuger zoogse op T.V., wet geej net zoë good wie weej.
Niks as Hoëggeslaote kleier, bôkse, jasse, alles breier.
Seks, det hoort d'r nog neet beej, want weej waare neet zoë vreej.
't Ging neet vaerder dan wies heej.

Maar vandaag op daen T.V., wet geej net zoë good wie weej.
Niks as bijna bloëte bille, die auk nog zôn bietje trille.
En nog miër ojee ojee, neet beej de N.C.R.V.
En maar springe, ein twië, dreej.

Shhananananananana
shananananananana

Op T.V. dao is 't heit aan 't waere.
Op T.V. môt alles sexy zien.
Op Veroncica of RTL, dao zuusse dök zôn lellebel.
Huul vuul bloët en met of zônder vaere.
Daen T.V. is net ein seksmesjien.
Op die roët alweer ein nieje snoët, en met haos alle kleier oët.

Jao, wao môt dat noow toch haer ? Vraoge weej ôg alleveer.
Meuste ze det neet verbeeje ? Jao, de hebs toch alle reeje.
Want ze gaon toch waal te vaer, iddere aovend altiëd weer.
Of zeen weej det stiekem gaer ?

Shananananananana
shananananananana

Op T.V. dao is 't heit aan 't waere, op T.V. môt alles sexy zien.
As dao emus iets verkiërds van zaet, wetse det dae gekeke haaet.
Hull vuul bloët en met of zônder vaere, daen T.V. is net ein seksmesjien.
Hald ôg neet zoë euverdreve braaf, want zôn program zet nemus aaf:

Shanananananananana
Shananananananana


HOME PLAATSNAMENOVERZICHTHOME


SHIT MAN !
Tekst & muziek: Peter Jansen
Zang: Neutjes 4 (Henk v.d. Ham, Wim Janssen,Peter Jansen & Hans Mans)

's Morges as ik werke môt, kôm ik neet good op.
Kiëk neet wao ik laop met miëne stômme kôp.
Zet dan veurzichtig ein vutje op de stoep.
Trap ik al metein in de hônde ...
Shit, man ! Shit, man !

Staon ik dao te scherre met mien schoon naeve de rand.
Laup ik veur de zekerheid nao d'n euverkant.
Maar effe later is 't weer zoë wiëd.
Trap ik weer es in de ...
Shit, man ! Shit, man !

Is 't noow veurbeej ? Och, luuj vergaet tt maar.
Want 't blief toch ech neet beej die paar.
's Middaags wuurd 't al te dol.
Trap ik veur d'n derde kiër in eine....
Shit, man ! Shit, man !

Kiëk maar in de parke, kiëk maar in de straote.
Euveral waere hundjes oëtgelaote.
Fikkie, Hector, Asta, ze hebbe maar ein fout:
Ze legge aldaag waal viëf kiër....
Shit, man ! Shit, man !

Geej zult noow waal dinke, wie ik ôg kin.
Det ik eine hôndehater bin.
De's neet waor, de's ôngegrônd.
Ik halt van hund, maar neet van....
Shit, man ! Shit, man !


HOME PLAATSNAMENOVERZICHTHOME


SINTERMERTES VEUGELKE
Traditional


Sintermertes veugelke, haet ein roëd keugelke,
en ein blauw stertje, hoepsa Sintermerte.
Vandaag is 't Sintermerte, morge Sinterkrökke.
Dan kômme die gooie herte, die hadde zoe gaer ein stökske.
Un höltje of ein törfke in Sintermertes körfke.
Holt holt törref en holt, en 's winters is ut kald.
Hoera, hoera, wat make die boere ein laeve.
Hoera, hoera, wat make die boere ein pret !

En Mieke de Woep zoot op de stoep, en leet d'r eine vleege.
Mieke de Woep zoot op de stoep, en leet d'r eine gaon.
Hoera, hoera, wat make die boere ein laeve.
Hoera, hoera, wat make die boere ein pret !

cd 1997 : De Wortelepin - "Laot ens un belunke op" - Onger Os 7309


HOME PLAATSNAMENOVERZICHTHOME


SJAKIE VAN DE KAROUSSEL
Teks en meziek: Ben Verdellen & Wiel Aerts
Gezônge: Ben Verdellen & De kinder

Ens in ut jaor zuusse Sjakie, Sjakie van de Karoussel.
Hae rûp: "drie keer voor een knakie", klingelt dan dûchtig de bel.
Op zienen bölles ein petje, twiej kiëkers blauw en vrech.
Hae gûûf den orgel langzaam 'n zetje, en dan dreijt Sjakie weg.

Refrein:
Kiëk dao geite, kiëk dao dreijte, Sjakie van de Karoussel.
Idder rûndje, ein niej mûntje, en ein zalig orgelspel.
Kinder auge die dan straole, van 't schuitje of ut paerd.
Idder wilt de kwas draafhaole, want dae is ein rûndje waerd.

Wie dök zal Sjakie nog kômme, heej op de kermis beej ôs.
Kan ut ûm straks neet mier bômme, of lûût hae um noeits los.
Misse weej zien lekker snûûtje, misse zien tingel bel.
Dreijt alles dan misschien um zien brûûdje, stop dan de karoussel ...


HOME PLAATSNAMENOVERZICHTHOME


SJENG IS KAAL
Gezônge: De Vrijbuiters & de Vrouwluuj van de Maasvallei

Sjeng is kaal - Sjeng is kaal,
Sjeng, Sjeng, Sjeng is kaal.
Uig Sjeng, nôw kiek Sjeng, och zuus Sjeng, dae gooje Sjeng.
Jao Sjeng, Sjeng, Sjeng is kaal.
Nae Sjeng, nôw kiëk Sjeng, och zuus Sjeng, dae'n erme Sjeng.
Dae is de haor verlaore, ha, ha, ha, ha,
gladdekker gewaore, ho, ho, ho, ho,
maar Sjeng zaet waal det is mich glad egaal.
Sjeng, Sjeng, Sjeng is kaal.
Uig Sjeng, nôw kiek Sjeng, och zuus Sjeng, dae gooje Sjeng.
Jao Sjeng, Sjeng, Sjeng, is kaal.
Nae Sjeng, nôw kiek Sjeng, och zuus Sjeng, dae'n erme Sjeng.
Dae is de letste jaore, ha, ha, ha, ha,
't Gezich te lank gewaore, ho, ho, ho, ho.
Hae is zoë kaal waal wie ein eierschaal.


HOME PLAATSNAMENOVERZICHTHOME


DE SJOESTER MET ZIEN TOET
vóór 1949: J. Pollaert

Moste zoevuul zake de letste jaore stake,
gooie en ouk slechte en ouk wao me aan hechte,
gèn, zoe gauw vergaete en toch zoe lang bezaete,
is die van umroper van os stad, de sjoester, dae die had.

Refrein:
Toet, toet, toet... toet, toet, toet... de sjoester met zien toet.
Toet, toet, toet... toet, toet, toet... alles leep dan oet.
Toet, toet, toet... toet, toet, toet... de sjoester op de straot.
Toet, toet, toet... toet, toet, toet... dan kwaam gooje raod.

Mos t'r wat gebeure, van de sjoester waar 't te huure.
Wao of wie of wat of hoe, al waar 't 't slachte van ein koe.
En in slechte tieje van oorlog en van lieje,
in spanning of wat te kriege waar, keek men wao de sjoester waar.

Ginge zoevuul dinge, wao weej now nog van zinge,
stiekum oet os laeve, wao weej niks mier um gaeve.
De sjoester mos verdwijne, al toede hae wie genne eine.
Verdreve door radio en ander gedruus en tante Bet incluus.


HOME PLAATSNAMENOVERZICHTHOME


SKIEJE
Teks en meziek: Jan Theelen & Frans Boermans
Gezônge: Ben Verdellen & Lotti Boermans

Beduch veur zien gebeinte zag Theike ens hiël kwaod :
" Waorum haolt die gemeinte dae snieë neet van de straot ? "
Ik krieg wat van det kaere, ik zeen ze neet miër staon.
Hae is 't um gaon smaere en op wintersport gegaon.
Kiek maar det bein van um, de gieps dae zit nog d'rum ...

Refrein:
Heidie, heido, heida.
Wie schoën is toch det skieje, det is ein waor genot.
Heidie, heido, heida.
Zoë door dae snië te glieje op de latte of dien vot.
Jodelahiti ... jodelahiti ...

Thei liërt 't in gen jaore, det kump van nao 't schient.
Umdet zien veut neet spaore, die zien neet oëtgeliënd.
Hae skiët ouk hiël biezônder, want eder rup : " Uig dao ! "
Zien latte zien al ônder, dan kump Thei ze achternao.
Det is veur um de mop, zoë schuut hae baeter op ...

Maar 's aoves in de Stube is Theike op zien bes.
Van dirndls en van Bube kriëg hae dan jodelles.
Beej Enzian en Weinbrand, beej Schnaps en Jägerthieë.
Det is veur Thei de zônkant van det plare in de snieë.
's Nachs wedelt hae dan net, in slalom nao zien bed ...


HOME PLAATSNAMENOVERZICHTHOME


SLOTLIEDJE
Teks en meziek: Frans Driessen, Ben Verdellen & Sef Gubbels
Gezônge: Ben Verdellen.
Oet de Revu: "Rundje Bliërick op de kannepee"

De kermis is veurbeej, de lempkes gaon waar oét,
't Pinksterdaagspektakel is gedaon.
Weej bleeve leever heej, um met die ganse kloét.
nog eine kiër de kermis rônd te gaon.

De golde broélof waas gezellig, grandioos,
en ouk 't huwelijksreisje nao Pariés.
Beej Seine en beej Maas dao waas van alles loos,
en idders kiër waer hoors-se dao dees wiés :

D'n aovond geit veurbeej, de lempkes gaon al oét,
dit Rundje Bliërick is waer haos gedaon.
Weej bleeve leever heej, maar zinge tot besloét:
wat jaomer det ouk dit veurbeej môt gaon !

Refrein:
Wat jaomer, wat jaomer, det d'n tiéd neet stil bleef staon !
Wat jaomer, wat jaomer, det 't ens veurbeej môt gaon !
De kins d'n tiéd neet koupe, 't ind neet euverslaon.
Det duit wal effe pién, maar 't zal zoë môtte zien.
't Is jaomer, maar alles is gedaon !


HOME PLAATSNAMENOVERZICHTHOME


DE SLUP VAN MOODER-MAAS
1984: Teks: Wiel Aerts - meziëk: Sef Gubbels
Zang: Claars Boots en Wiel Aerts.


As ut zomerzunke aan den hemel steit.
Gaon ik nao de maas haer as ut efkes geit.
Dan zeuk ik un plaetske urges midde in de wei.
Kiëk röstig nao wölkskes en dao wil ik dan met mei...

Refrein:
Lekker ligge luime in de slup van mooder maas.
Lekker ligge druime in ut kuntjeshoëge graas.
Alles dan vergaete, alles um mich haer.
Luustere nao de buët en nao de ketting van ut vaer.
Dingke wat zal waere, dingke aan wat waas.
Michzellef gans verleere in de slup van mooder maas.


HOME PLAATSNAMENOVERZICHTHOME


SMOESJES
Teks: Gerrit Gommans - meziëk: Jan Verberne
Zang (*) : Menkes van Aerts

Refrein:
Ik hald mien oere toe, ik hald mien oere toe.
Ik wil dich neet mier huure.
Ik hald mien oere toe, ik hald mien oere toe.
Ik kan dich neet miër zeen.
Ik schaam mich kepot veur de buure,
door dich met al dien kuure !
Ik hald mien oere toe, ik hald mien oere toe.
Ik kan dich neet mier zeen !

Pap waas met vastelaovend nao ut dörp gegaon.
En wie hae 's nachs nao hoës kwaam, scheen allang de maon !
Hae zag toen taege mooder: Bin nôw maar neet kwaod.
D'n optôch is bliëve staeke, in de Kloësterstraot !

* lp (1982) : " Dreejmaol ellef 1981/1982 "


HOME PLAATSNAMENOVERZICHTHOME


DE SPEULTUIN
Tekst: Peter Jansen - melodie : "Pack’ die Badehose ein" (Froboess/Bradtke)
Zang: Neutjes 4 (Henk v.d. Ham, Wim Janssen,Peter Jansen & Hans Mans)

In 't veurjaor woele weej met de kinder fijn d'r beej.
Lekker nao de speultuin gaon, det loog zoë in ôs lien.
Tja, maar tot ôs groët verdreet woele det de kinder neet,
Nae, nog neet meschien, want zôn pretpark meus 't zien.

Ik had gaar gen gooie zin, euveral woele die in,
in det groëte, nieje pretpark.
In de achbaan en det gerei meus ik auk nog met eur mei,
in det groëte, nieje pretpark.
Miene God, wat waas det vol, de leeps dao iërlik zie an zie,
en veur twië minute lol stôndse ein oor dao in de rie.
Jao, det moei evenement kosde eine nette cent,
en die jônge waare auk nog neet kontent !

Det waas gaar neet je-van-het: Huul vuul park en weinig pret.
Ik zoog die gezichte allemaol op onwaer staon.
En toen hebbe weej ôs geld hiel precies ens naogeteld,
en we zien direk nao de speultuin haergegaon.

En ze ginge op de wip met de tendjes door de lip,
in dae gooie, alde speultuin.
En de roetsbaan waas verrot, krege splinters in de vot,
in dae gooie, alde speultuin.
Op 't köpke einen bölt en dan 't kneen weer ens geschaaf,
d'r stond niks in dae speultuin of se vele d'r van aaf.
En gestaoke door en daes, de wets neet wie-se 't haes,
want ze zien noeit zoë kontent wie toen gewaes.


HOME PLAATSNAMENOVERZICHTHOME


SQUAREDANS
Teks en meziek: E.Hermans, Ben Verdellen & F. Tilburgs
Gezônge: Ben Verdellen

Cowboyhood, pettycoot en stevels sjiek van laer.
Ôs kefee hit seloën, dao danse weej de square.
Det zien ech van die ruige fuive.
Luuster good, want dao gaon we haer.

Stel ôg op in ein riej, hiel netjes naevenein.
Maedjes links, jônges rechs, neet te doën beejein.
In de maot maak geej zeve traeje.
Neet zoë lui, goei ens met de bein.

Refrein:
One, two, three, nog ens opniej.
Four en five, det's life.
Laot um go go, hand in hand,
bliëf neet aan de kant.
Kôm on kids weej make d'n blits,
det duit ederein zoë gaer.
Veer kiër rônd met plenty flaire,
dit is rôndoët square.

Little Jo en Keto, jao eder bleikgezich,
krieg ein kleur op d'n deur, kom square maar en mit micht.
Want det zien van die krasse passe.
Luuster maar, dit is gen geplaar.

Stel ôg op in ein riej, hiel netjes naevenein.
Maedjes links, jônges rechs, neet te doën beejein.
In de Maot maak geej zeve traeje.
Neet zoë lui, goei ens met die bein.


HOME PLAATSNAMENOVERZICHTHOME


DE STAAYWAEG
Teks en Meziek: Giel Geurts & Ben Verdellen/Sef Gubbels
Gezônge: Resi Wolters & Theo Franse
Oet de Revu: "Rundje Bliërick op de kannepee"

Aan de Wassum is 't ech wal fijn en moëi zien ouk ôs bös.
Zien charme haet iddere straot en plein, det gluif mich maar gerös.
Maar toch, maar toch det zek ik ôg, en neem det van mich aan:
't Moëiste plekske vind ge pas op 'ne ziewaeg van de Laan.

Zeg bis-se ens neet good geluimp en veuls-se dich neet fit.
Of haes-se wat verkiërds gedruimp, wat dich neet lekker zit.
Dan raap ens vlot de mood beejein en doot dich gauw wat aan.
En wandel dan ens fijn met-ein nao dae ziewaeg van de Laan.

Refrein:
As ik op de Staaywaeg loup en kiék nao de kant van Teegele,
Zeen ik ôs Mooder Maas op eur aller- allermoëis.
Dan dink ik: God, wie haes Dich det zoë kinne reegele
Det det veur ôs is al det prachtigs, al det schoëns.
Zeen ik de kuuj in de Tuën van Aechteraoj zien weije,
zeen ik de minse op eur lendjes aan de liëg,
dan zal 't meuilik waere, oëit daovan te scheije.
Dae det verluus, wet, det-te zoëwat noëits miër krieg.


HOME PLAATSNAMENOVERZICHTHOME


STAKE
Gezônge door: De Vrijbuiters & de Vrouwluuj van de Maasvallei

Dae man van heej naeve, dae haet haos gen laeve.
Wie dae toch môt lieje in dees slechte tieje.
Hae keek in zien loëntäöt en reep, de voës in de lôch :
" Alweer dreej procent ingeleverd, nôw is 't genôg ! "

Refrein:
En nôw maar weer gaon stake, want ik bin 't zat,
zoë slech haet emus 't nog noëts gehad.
Ik wach neet langer, mienen tiëd is kort,
want morge môt ik nao de wintersport.
En dan maar weer gaon stake, same hand in hand,
maar iërs good aete in ein restaurant.
Met spandeuk laupe, rope boe, boe, boe,
nao aaflaup guf 't 'nne barbecue.

Ik zoog um gaon kaupe, met baodschappe laupe.
Hae leep langs de schape, te griëpe en gape.
Hae laajde zien kèrke zoë vol, dao kôs niks miër beej,
en klaagde : " Ik heb neet miër geld in de portemenee ".

Dae man kan waal klage, of door zitte zage.
Geej meus maar ens weite, wie weej staon te zweite.
Weej ligge veur pampus heej haos en det veur de lol,
en hebbe met al det gekraos nôw pas eine kant vol !


HOME PLAATSNAMENOVERZICHTHOME


DE STAMELAER
Teks & meziëk: Huub Warmerdam
Zang (*) : De Maaszengers

'n Maedje met ein leef ge-zichje woel ens danse gaon.
't Zoog dao aan d'n ingang al 'ne leuke snuiter staon.
't Lachde ens en loenkde ens en woort zien hertje kwiët.
Maar wie hae um nao hoës toe brach, toen kreeg 't duchtig spiët.
Want beej um aan de deur, dao stamelt dae in veur !

Refrein:
Zek huur ens aardig bru bru bruudje, wils dich met mich gaon ?
Dien lekker snu snu snuutje haet mich altiëd aangestaon:
De kins 't boe boe boetse van mien hertje huure, kind,
as det krölleköpke van dich dao ein plaetske vindt.
De môs ens kie kie kieke in mein auge, maedje leef.
Dao kinse lae lae laeze, wie vuul ik waal um dich gaef.
Kôm, zek toch jao en do do doot 't maar,
dan zien we met de vastelaovend al ein paar !

* lp (1982) : " Dreejmaol ellef 1981/1982 "


HOME PLAATSNAMENOVERZICHTHOME


STEL NEET OËT
1975: Teks: Hay Verberks - meziek: Jo Hofman

Refrein:
Stel neet oët tot morge, as 't vandaag nog geit.
Stel neet oët tot morge, te laat det guëf maar leid.
Schuuf neet op de lange baan, 't is gauw vergaete, dink dao aan.
Stel neet oët tot morge, wat auk vandaag nog kan.
Stel neet oët tot morge, wat auk vandaag nog kan.

In ein minselaeve, gebeurt 't waal ens miër,
dök gezag wuurd: Morge, of eine andere kiër.

Zeg neet altiëd morge, det is nog vuëls te wiët.
Waste nôw nog höbbe meugs, det bisse morge kwiët.


HOME PLAATSNAMENOVERZICHTHOME


STRAKS IS 'T WEER ASWOENSDAAG
Teks & meziëk: Giel Geurts
Zang: Giel Geurts & Tiny Hofman

Jao idder jaor en al-tied weer,
viert idderein de vastelaovend gaer.
En dreej daag lank is alles stapeldol,
en straole alle minse van de Iol.
Maar ens, maar ens en det steit vas,
dan môt ut maske in de kas.
Wie schoën, wie schoën waas toch daen tiëd.
Hae is veurbeej wie 't ôs ouk spiët !

Refrein:
Straks is 't weer Aswoensdaag; is alles veurbeej.
Straks hebbe weej weer heimwee; is alles veurbeej.
Zing mich nog ens det liedje, die moëi melodie.
Einmaol nog same danse, d'n allerletste kiër.
Einmaol nog same sjanse, straks geit 't nee miër !


HOME PLAATSNAMENOVERZICHTHOME


DE STRAOT
Teks en meziek: Marcel Joosten
Gezônge door Minsekinder

De zón die brik door, de rame slaon aop,
in de gezelligste straot van de stad.
De steil gaon nao boéte, ut veurjaor begint,
in de gezelligste straot van de stad.
Wao idderein zich bemeujt, as diene auto neet start,
dich enne nieje wilt verkaupe, of ruile veur eur part,
in de gezelligste straot, gezelligste straot van de stad.

Maedjes die scheure, op eur skoeters veurbeej.
in de gezelligste straot van de stad.
Vaders nog rope, noow blief toch ens heej !!!
in de gezelligste straot van de stad.
Wao Tante Mien alles wet, van al de roddel in de buurt.
Wae ut duit met wae, umdet ze idderein begluurt.
In de gezelligste straot van de stad.

En dan leet d'r soms weer eine in de gaot.
Haette al zien hebbe en good weer verjas.
Haet hae weer niks te vraete en is hae weer erm.
Dan wuurd d'r enne rieke mouw aangepas.

Oet iddere raam huurse andere meziek,
in de gezelligste straot van de stad.
Dao ruukse Indische keuke naeve boeremoos met wors,
in de gezelligste straot van de stad ...
En is d'r wat te viere geit de barbekjoe aan,
de wien kump oét de kelder, alle bure schuve aan,
in de gezelligste straot van de stad.
Gezelligste straot van de stad.


HOME PLAATSNAMENOVERZICHTHOME


STUUPKE OP STUUPKE AAF
1993: Teks en meziëk: Paul Lenders en Ruud Bettinger
Zang: Leo van Heyster en Michel Jeurissen

Refrein:
Det is in ôs Bleriëck, heej is ut te doon.
Vastelaovesdinsdaag, zien weej heej de kloon.
Det is in ôs Bleriëck, wat wil-se nog miër.
Vandaag gaon weej as kloons, heej duchtig aan de zwier.
Jao Jao Jao.
Weej gaon dan stuupke op, stuupke aaf, in ein lange riej.
Weej gaon Kefeeke in, kefeeke oët, kiër op kiër opniej.

Belunke in de linkerhand, en rechts de stampefoon.
Zoë trekke weej gans Bleriëck rônd, daoveur zien weej kloon.
Weej laeve noow op groët voot, maar meug det eine kiër.
Want in de kloon zien schoon, staon weej nao vandaag neet mier.

Trômpetje bluus de iërste noët, weej kloons weej valle beej.
Dan zinge weej ôs rippertwaar, zoë geit det altied heej.
Weej laeve baove ôzze stand, maar meug det einen daag.
Want in dae kloon zien schoon, huur-se van ôs gen geklaag.


HOME PLAATSNAMENOVERZICHTHOME