HOME PLAATSNAMENOVERZICHTHOME


LAEVE DE MAEDJES
Teks: Frans Driessen
Zang (*) : Martin Peters

Refrein:
Zônder de maedjes leeje weej kelt en waare weej erm.
Juus door die maedjes waere weej riék en kriége ut werm.
' t Is zoë det-se zegge kins: door eur wuërd de man pas mins.
Det wet ouk de kleinsten blaag, zoë is ut sinds jaor en daag.
Zônder de maedjes leeje weej kelt en waare weej erm.
Juus door die mardjes waere weej riék en kriége ut werm.

Wat is d'r vuul moëijs op ôs alde aerd, wie riékelik zien weej bedach !
En van al die schoënheid ut meiste waerd, vind ikke ut zwaake geslach.

De biëste, de bloome, de berg, de buim, de 's allemaol boétegewoén.
Waovan ik al jaore ut leefste druim, is aevel ut vrouwelijke schoën.

Weej mansluuj, weej bliéve neet gaer allein, det merk ik hiël good aan mich zelf.
Want zônder ein vrouw is ut neet fijn, zeej vormp toch ôs baetere helf.

* cd (1992) : " Rundje Blierick blief in de buurt "


HOME PLAATSNAMENOVERZICHTHOME


LANG LAEVE
1983: Teks: Hay Steegh - meziëk: Jan Jacobs
Zang: Petra Houben en Hay Steegh

Refrein:
Laef ein laeve lang langer geit ut neet.
Ik zeg ôg auk waorum.
Laef en laeve lang naor wat d'r veur ôg leet.
en Kiëk neet achterum.
Laef en laeve lang, wat gewaes is wass.
Gewaes det is veurbeej.
Laef met plezeer kôm höf `t glaas.
Op allemaol de minse heej 2x.

Zeg haej, zeg haej noow luuster.
Wat ik in dien uurke fluuster.
Huur miene gooje raod.
Ut laeve noow is neet zoë kwaod.
Laot alle minse kletse.
Euver toen en ut alderwetse.
Wie ut waas, wiej ut meus, wiej ut môt.
Zörg noow det geej ut baeter dôt.

Jao idder generasie.
Hat zien eige inspiratie.
Maar wiej se ut auk kiërs.
Zoë wiej se vastelaoves viërs.
Det liërse neet det hebse.
Van pap en mam det wetse.
Zoëwiej zoë, zoë wiej det, detgeej wet.
Ein laeve geit maar eine kiër met.


HOME PLAATSNAMENOVERZICHTHOME


LAOT ÔS MAAR LAUPE
1983: Tekst: Wiel Aerts - meziek: Wim Roeffen
Zang Hay en Paul Peeters

Refrein:
Laot ôs maar laupe.
Weej gaon te voot.
Op ôs gemaekske.
Det duit ôs good.
Nae nae neet huije.
Niks gen gejaag.
Weej kômme morge waal.
Dan is ut weer vandaag 2x.

Weej hebben genne auto en de fiets is ôs geschoep.
Dus gaon weej altiëd met de voot en bliëve op de stoep.
Dao löpse gen gevaor en zuus `s eemus daesse kins.
Jao ein dink luuj zien weej ut euver ins.

Noow laot die minse jage, och ze make zich zoë drök.
Die alde en die blage, idderein geit van de zök.
Weej doon dao neet aan mei, want det is slech zoë wie me zaet.
Wet neemus dan wao hae zien bein veur haet.

Jan Theelen DC 7043


HOME PLAATSNAMENOVERZICHTHOME


LAOT UM GAON GODJE
1951 nr.3 : Tekst & muziek: H. Hermans

De Prins is in zien nopjes want zien riëk det kump weer aan.
't Stadsbestuur det geit dan efkes dreej daag van de baan.
Wat zal mig det toch gaeve, kôm laot ôch nôw maar gaon.
Maak joeks en lol en vuul kabaal, want de Prins, dae lös det waal.

Refrein:
Laot um gaon, laot um gaon, laot um gaon Godje.
Wat is dae vastelaovend fijn.
Haol de pekskes en de hudjes maar vas oet de kas,
en pak ôch den ens same vas.
We gaon ens heej; we gaon ens dao, we kiëke euveral,
en gaon natuurlik ouk nao eine maskesbal.
Met ein wortel in de hand en einen bessem op de nek.
Kiëk neet nao einen andere, want dae duit al aeve gek.
Laot um gaon, laot um gaon, laot um gaon Godje.
Wat is dae vastelaovend fijn.

Dees dreej daag zulle weej neme, jônges, maedjes zet um op.
We zette nôw ôs Blierik minstens half op ziene kop.
Want dink ter aan och minse, ut is zoë gauw gedaon.
Zing, dans en spring die dreej daag, det ge gaar neet mier kint staon.


HOME PLAATSNAMENOVERZICHTHOME


LEEFDES DUET
Teks: Hay Verberkt - zang: Martin Peters & Petra Houben

Refrein:
Jozef:
Ik bin nog vreejgezel, ik heit Zeutholt.
Tot noow toe waas ut mich nog neet gegaeve.
Gôndje:
Maar ut gelök det kwaam dich aangerold,
weej gaon van noow aaf saame door ut laeve.
Jozef:
Gôn zien döchter neem ik ouk nog wal d'r beej.
Gôndje:
Nel en Netje, dit is Jozef, kôm ens heej.
Saame:
Wat hebbe weej heej vuul vuer môtte doon.
Ut zal misschien wat laat zien veur nog eine zoon.

Gôndje:
Dich waas vruuger altiëd hiel verlaege,
daorum bleefs dich vreejgezel.
Jozef:
Van mien elders kreeg ik eure zaegen,
maar neet ein trok beej ôs aan de bel.
D'r haet d'r mich noëtsein gevraog.
Gôndje:
Dich wets toch van piel en baog.

Gôndje:
Iddere leefde haet zien schaduw-kentje,
hebs dich ouk wal good gespaard ?
Jozef:
'k Heb veur dich mien leef, mien binnebrendje,
einen appel veur d'n dors bewaard.
Hads dich mich iërder maar verzôch.
Gôndje:
Dich dachs : det velt wal oët de lôch.

* cd (1992) : " Rundje Blierick blief in de buurt "


HOME PLAATSNAMENOVERZICHTHOME


LEI ZIEN TRÄÖT
Teks en meziek: Ben Verdellen
Gezônge Ben Verdellen

Refrein:
Ôzze Lei, dae bluus de träöt,
maar kint gen maote, maar kint gen maote.
Ôzze Lei, dae bluus de träöt,
en as ut laat wuurt leete in de gäöt.
Dan is hae in de zevende Hemel,
de waereld dreit gans um um haer.
Huurte joekskepelle speule,
trek Lei met zien träöt weer van laer.

Dae Lei, dae Lei luuës de neut dök ônderstebaove.
Dae Lei, dae Lei bluuës d'n hoëgste toën zônder bezei.
Wannier weej môtte consertere, blief Lei aan d'n tapkas staon.
En wille weej weer trukk nao mooder, rRup Lei: "Is 't nôw al gedaon ?"

Dae Lei, dae Lei brink zoeë gaer ein moeie serenade.
Dae Lei, dae Lei as dae blaoze geit duit alle mei.
Waorum det is neet te verklaore, hae rak (steeds) de juuste toeën.
Zien repertoir kint maar ein leedje, van zek mich now ens wao ik woeën.


HOME PLAATSNAMENOVERZICHTHOME


LIEDJE VAN CHRISTINE EN THEI
Teks en meziek: Wiel Aerts, Ben Verdellen & Sef Gubbels
Zang: Annemarie Verberkt & Ben Verdellen
Oet de Revu: "Rundje Bliërick op de kannepee"

Christine:
Ge hoof ôg neet te geneere, ik zal 't duudlik explikeere.
't Is 'n paar jaor al geleeje, wie weej 't saame efkes deeje.
Jao, jao, noow ziet neet ôngedöldig, 't waas iërlik hiël ônschöldig.
We speulde saame op 't graas, 'k gluif det 't Jeu de Boule waas.

Thei:
Jao, det zals-se wal bedoele: weej speulde saame Jeu de Boule.
De meugs toch euver spelkes praote ! Allein det vraemp gaon môs-se laote.
Dus mooder, bliéf maar lekker röstig, niks gebeurd, kôm heej ik kös dich.
Wat zoel 't anders kinne zien, dan Jeu de Boule met Kristien.


HOME PLAATSNAMENOVERZICHTHOME


'T LIEDJE VAN DE BOEKSTENT
Teks en meziek: Frans Driessen
Zang: Leo Verberkt
Oet de Revu: "Rundje Bliërick op de kannepee"

Wae daag daen boekser oét ? Wae guf um slaeg ?
Wae geit die catcher-snoét neet oét de waeg ?
Nôw meld ôg gauw, ge-iërd publiek !
Wae lös ze rauw veur twintig piek ?

Wae leg dae worstelaer straks in de knöp ?
Wae houwt d'n broene baer straks blauwe döp ?
Wae duit det ef, ge-iërd publiek ?
Wae haet d'r lef veur twintig piek ?

Wae worstelt grieks-romeins ? Wae joetsejiets ?
Wae wet wat hiël gemeins ? Wae waog ens iets ?
Wae haet d'r zin, ge-iërd publiek ?
Wae mak ze in veur twintig piek ?

Refrein:
Heej kins-se houwe, douwe, kniépe, griépe, graaie.
Heej kins-se smiéte, biéte, klatse, watse, waaie.
Heej kins-se braeke, staeke, struipe, knuipe, knaeje.
Heej kins-se klaatse, flaatse, rekke, trekke, traeje.
Maar baovenal: heej kins-se kômme kiéke,
wae strakkes met die twintig piek geit striéke!


HOME PLAATSNAMENOVERZICHTHOME


LIEDJE VAN DE SEINE
Teks en Meziek: Wiel Aerts, Ben Verdellen & Sef Gubbels
Zang: Sjaar Klaassens
Oet de Revu: "Rundje Bliërick op de kannepee"

Al iëuwe lang, hiël kalm en griés, slinger ik mich röstig door Pariés.
Ik heb heej mienen dreij gevônde, geluif mich op mien iërewaord.
Det ik hiël wat zoog en hoort in ein stad vol schoënheid en vol zônde.

Nog jaore lang doon ik mien werk, laot minse kiéke paliés en kerk.
Ik laot de buëtjes op mich driéve, verleefde ligge aan mien ziej.
Beej eur is idder veurjaor niej, veur mich zal alles wal 't zelfde bliéve.

Refrein:
Dit is 't chanson van de Seine.
Dit is lhistoire de Paris.
Dit is 't chanson van de Seine.
Dit is lhistoire, lhistoire de Paris.


HOME PLAATSNAMENOVERZICHTHOME


'T LIEDJE VAN OME GRAD
Teks en meziek: Frans Driessen, Ben Verdellen & Sef Gubbels
Zang: Wiel Goppel
Oet de Revu: "Rundje Bliërick op de kannepee"

Ik had in Lottum ein boerderie, die waas god weit wat waerd.
Zô'n doézend verkes ziej aan ziej, met hônderdvieftig paerd.
En kiepe heel ik veur de jen, veur iddere hen ein eige ren.
Die hadde dao ruum baan, met idder einen haan.

Ik had in Lottum ein boerderie, met doézend morge grónd.
Dao sprông 't kniénsvolk ziej aan ziej met schäöp en geite rond.
De kuuj die speulde ouk nog mei, veur iddere koe en eige wei.
Die hadde zet vertier met iddere eine stier.

Ik had in Lottum ein boerderie, die heb ik good verkoch.
Femiélie steit noow in de riej, is erg aan mich verknoch.
En jônge vrouwluuj kriég ik zat, aan iddere vinger eine schat.
Ik bin wie stier en haan ôntzettend good d'r aan !

Refrein:
Ome Grad, Ome Grad, dae haet van alles zat.
En as-se de helf ouk euverdrief, is d'r nog ein helf die euverblief.
Ome Grad, Ome Grad, det is ôzze femiélieschat.
Zô'nen ome haet nog neemus, nae nog neemus oëit gehad !


HOME PLAATSNAMENOVERZICHTHOME


LIEDJE VAN 'T KERKEKOËR
Teks en meziek: Frans Driessen
Zang: Gregoriaans mannekoër
Oet de Revu: "Rundje Bliërick op de kannepee"

Hölde aan 't broèdspaar Saorbrook.
Vieftig jaor zien zeej beejein.
En al waas d'r auk gen spaorbook,
hae leep toch fijn daen huwelijkstrein.
As d'r ouk aaf en toe ein snaor brook,
eur hermenie en stumming bleef rein.

Daorum zinge weej dees toëne,
veur dit prachtig paar van gold.
Daorum meuge zeej heej troëne
op eur steul van veureholt.
Noow gaon weej eur trouw beloëne.
Kièk ens wat dao kump aangerold.....
ein vaetje baer !


HOME PLAATSNAMENOVERZICHTHOME


LIEDJE VAN 'T LAMBERTUSPLEIN
Teks en meziek: Frans Driessen, Ben Verdellen & Sef Gubbels
Zang: Ben Verdellen
Oet de Revu: "Rundje Bliërick op de kannepee"

Wie ik in Pariès kwaam en d'n Eiffeltoore zoog,
wie de Sacre-Coeur dao baove op Montmartre loog,
Dôch ik: Heejmei kin zich gen plaats ter waereld maete,
van veralteratie aevel waar ik d'r ein vergaete:

Noëit zal ik vergaete Pantheon, Palais Royal,
Louvre, Tuilerieje, Trocadero, Place dEtoile.
Dök nog zal ik dinke aan die schoëne Madeleine,
maar mien moëiste schuitje vaart beslis neet op de Seine.

Moulin Rouge, Notre Same, Metro en Montparnasse,
Place du Tertre, Place Pigalle en nog zô'nen andere Place.
Zien toch neet met ôzze Place Lambaer te vergeliéke.
En wae det neet gluive wilt dae kump maar zellef kiéke.

Refrein:
Lambertusplein met kermisdaag, dae schoëne Pinkstertiéd.
Dao raks-se zelfs as alde blaag nog gaer wat cente kwiét.
Ut zunke straolt dao altiéd waer, de minse straole mei.
Lambertusplein ik heb dich gaer met al dien kermisgrei.
Lambertusplein ik heb dich gaer met al dien kermisgrei.


HOME PLAATSNAMENOVERZICHTHOME


LIEDJE VAN TONI OÈT TOSCANE
Teks en meziek: Frans Driessen, Ben Verdellen & Sef Gubbels
Zang: Sjaar Canjels
Oet de Revu: "Rundje Bliërick op de kannepee"

Ik zing veur goude mamma mia, veur oude pappa ook.
Veur Theodore è Maria, familje Saorebrook.
Ik bin ein filio toscano, met gans mien huid en haar.
Ik zing belcanto italiano, voor gouden paar.

La signorina krijg van Toni de pizza as kado.
Spagetti è de macaroni, salami piccolo.
Ik nam van regio toscano veur de signore mee:
Chianti vino italiano. Prosit ! Santè !

Refrein:
O bello, bello bell amore
van Theo Theo Theodore.
Van bella, bella, bell Marie
van pappa en van mamma mia.
Ik zing granzioso passionato
aria del cupido.
Jubiloso animato
Amoroso delicato.
Discreto intimo.


HOME PLAATSNAMENOVERZICHTHOME


LIMBURGS LAND
Tekst: Peter Jansen - melodie : "Egerland, Heimatland”(Stepanek/Grünewald)
Zang: Neutjes 4 (Henk v.d. Ham, Wim Janssen,Peter Jansen & Hans Mans)


Iddere mins, waat ik ôg smoes,
helt van zienen thoës.
Wao det auk meug zien;
Holland of Pruusses, België meschien ?

Iddere mins, dae zinge kan,
wet dao alles van.
Met zien blie gemood,
luch dan dae mins zien eige hert ens good:

Limburgs land, vaderland, och, waat biss dich schoën !
'k Zoel neet weite wao ik lever woën.
Dien moeie maedjes zien plaetjes, det is heej gans gewoën.
Limburgs land, vaderland, och, waat bis dich schoën !

En det is in Venlo net wie in Velde,
en det is in Sittard, Kerkraoj, Wiërt en auk Maasbree,
en det is in Heerle net wie in Helde.
Jao, alle stedjes d"orpkes huure heej d'rbeej:

Limburgs land, vaderland, och, waat bis dich schoën !
'k Zoel neet weite wao ik lever woën.
Dien moeie maedjes zien plaetjes, det is heej gans gewoën.
Limburgs land, vaderland, och waat bis dich schoën !


HOME PLAATSNAMENOVERZICHTHOME


EIN MAEDJE WIE DICH
1985: Prissentasie: Loek Ewalds

Refrein:
Ein maedje wie dich, och det zeen ik zoë gaer.
Jao, zoë guf ut d'r maar ein.
Ein maedje wie dich heb ik gaer um mich haer.
Want det hilt mich op de bein.
Dae zôndaag beej De Witte, dach ik ut is met mich gedaon.
Ik zoog ut neet miër zitte, maar dao opens zoog ik dich staon.
An d'n erm, lekker werm.

Wie ik op de lappe waas gegaon.
Stônd ik dao allein aan einen teek.
Maar det waas in eine kiër gedaon.
Wie ik in dien moeie blauwe auge keek.

Vastelaovend is veur idderein.
Maar vergaet dan deze regel neet.
Bliëf dae vastelaovend neet allein.
Met z'n twieje bisse pas jao gans compleet.


HOME PLAATSNAMENOVERZICHTHOME


MELLEKE
2005/2006: Tekst & muziek: Ben Verdellen
Zang: Ben Verdellen

Refrein:
Weej hebbe de wolleke gemolleke
det duut ós vuul plezeer
En ózze leeve Hièr haet mei gehollepe
Van al det raegewater makde weej dao beer
Door al dae zeege beste luuj,
Spitse weej ós op de vollegende buuj
Weej hebbe de wolleke gemolleke
En staon met aope mónd te kiëke nao de lóch.

Ut gerstenaat zoeëwie geej wet woort vreuger al gebrouwd
En now nog wuurd heej idderedaag met vaat of krat gesjouwd
Maar kriege weej waat wuurd verteld , kump ut heej op neer
Dan velt d'r oèt d'n Hemel allein nog beer
De hand die gaon umhuug want nemes steit mier druug

Waat meinste waat det kwant zoel zien de straote vol met beer
Dan brag zó'n groeëte raegenbuuj verdöllemes vuul plezeer
Weej völde ós de kanne en pölle in de geut
En stumming kwaam d'r euveral met tróm en träöt
En krièg d'r eine slaop duit dae de mónd weer aop


HOME PLAATSNAMENOVERZICHTHOME


MERIE
Teks en meziek: Ben Verdellen & F. Tilburgs
Zang: Ben Verdellen

Ik bin van nature verlaege,
en daobeej neet de jôngste mier.
Smeis kôm ik ein maedje taege,
dan dink ik idders kier.
Zal ik ein kenske waoge,
kom op ik vraog ut um.
Ik zeg dan hiel ingetaoge,
met zo'n aarselende fluusterstum

Refrein:
Och Merie, ik zoel zoëgaer ens met dich danse.
Och Merie, efkes lekker met dich sjanse.
Dan gaef ik dich al mien leefde,
en ein kös op dien gezich.
Merie ik bin kepot van dich.

Merie keek mich aan en ik kleurde,
stônd te razele op mien bein.
Ik wis neet waat mich gebeurde,
ik veulde mich zoë klein.
Ut had nog neet good begrepe,
waat ik eigelijk woel.
Dus zag ik um hiel benepe,
de môs ens huure waat ik bedoel.


HOME PLAATSNAMENOVERZICHTHOME


MET CARNAVAL
Tekst & muziek: Toën van Maasakker
Zang (*) : Ben Verdellen

Refrein:
Met Carnaval, gaon wee ôs amusere.
Met Carnaval, meug d'n optoch neet mankere !
Met Carnaval, zien weej alle stapelerend.
Dan duit eeder ziene zin, met de wortel en de pin,
met carnaval ...

Weej zien heej alweer beejein, zeker vinde weej det fijn,
want weej viere Carnaval.
Allemaol zien weej present, en de raod, dae is content.
Auk de joeks geit baovenal.
Weej doon ôs ein maske veur, en gaon zingend langs de deur.
Met ôs Mie auk Sjang en Lei
En weej nôw neet allein, maar toch auk met idderein.
Die zinge allemaol weer mei, want ...

* lp (1982) : " Dreejmaol ellef 1981/1982 "


HOME PLAATSNAMENOVERZICHTHOME


MET DE JÔNGES ÔNDEREIN
2003/2004: Tekst: Peter Jansen - muziek: Wim Janssen
Zang: Hald ut Naat


Weej hebbe aan de maedjes gans ôs hert verpand,
Zeej zien veur ôs 't allermeiste waerd,
Maar aaf en toe dan gaon ze baove ôs verstand,
Dan wille weej de veut weer op de aerd…

Refrein:
Zoë met de jônges ônderein,
Gesneje kook, ein aope book,
Zoë met de jônges ônderein,
Hilt iddere kaerel op de bein.
Effe schaele waazel, effe eige baas,
Effe saame näöle en dan drinke weej ein glaas
Niks geit baove zônne vrindekringk,
Maar zien de maedjes dao,
't Guf neet wae of wao,
Dan laupe weej ze toch weer achternao.

Wanniër d'r met dien maedje wat wuurd oëtgepraot,
Dan wuurd d'r orelang nao wäörd gezôg,
Maar duit zich zoëwat veur met diene kammeraod,
Dan hebste aan ein hallef waord genôg…

Weej blieve in gezelschap altiëd in de ploei,
Auk as ôs det ens huul vuul meuite kos,
Weej halde 't as nette kaerels meistal moei,
Maar aaf en toe dan gaon de sliepse los:


HOME PLAATSNAMENOVERZICHTHOME


MET HARIE OP SAFARIE
1994: Teks: Jo Janssen - meziek: Wim Roeffen

Letsaan waas ik op Safarie, zoot toen op zô'n böltig biës.
Wae auk mei waas, det waas Harie, jông, wat hadde weej ein fiës :

Refrein:
Met Harie op safarie, waas al jaore ôzze wins.
Det waas ech wat veur Harie, veulde zich 'ne and're mins.
Met Harie op safarie, op d'n bölt van de kemeel.
Maar halverwaege zoot ut taege, want det biës, det woel neet miër veuroet.
Hae bleef zitte um te pitte, 't fiës, det waas toen oet.

Maar d'r zoote auk muskiete, en 'ne klamboe waas d'r neet.
Wie die ôs toen woele biete, zônge weej maar weer dit leed :

Wilt geej auk ens op safarie, jao, dan weit good wat ge dôt.
Vraog dan raod aan ôzzen Harie, want dae wet now wie det môt.


HOME PLAATSNAMENOVERZICHTHOME


MIEN DOORTJE, MIEN GOLD
vóór 1949: Tekst & muziek: RASS

Twie uigskes as van diamant, zoë straolend en zoë klaor,
ein kersemuulke, ech frappant, as Amor's pielebaog.
De wängskes rose, de krulle blond, ut hiele waeze net.
Dit maedje, eine sokkerklont, is Doortje zien pertret!

Refrein:
Do-Do-Do-Doortje, aardig Floortje, met dien amandelzeut gezich,
met dien figuurke en postuurke biste precies de vrouw veur mich!
Do-Do-Do-Doortje laot dich kösse, gluif maar gerös, det ik det kan;
veur dich allein mien hertje brand en blusse . . . kump niks van!

Wat is ein ruuëske zonder geur, de hemel zonder blauw?
Wat is ein steuvke zonder veur, ein menke zonder vrouw?
Ik bin verleef van top tot tiën, ik veul mich zoe allein.
En altied as ik Doortje zeen zing ik um dit refrein:


HOME PLAATSNAMENOVERZICHTHOME


MIEN GEVEUL
2007/2008: Tekst: Frank van den Broek - muziek: Hay Geritz
Zang: Vic & Marius Suiker, Mark & Petro Janssen

Refrein:
Wat guef mich det geveul, wat guef mich toch die krach
Dae schoëne vastelaovend, wao ik idder jaor op wach
Ik gaef dich ein kosmuulke, ein moment veur dich en mich
En is ’t weer gedaon, kump die traon op dien gezich
Dan laupe weej nao hoes , genne praot gen genäöl
Och wat ein geveul

Efkes geluimd, ein jaor is weer veurbeej
Wae had det toch gedruimd, noow staon weej same heej
Ach wat kin ’t gaeve, weej zien weer beejein
Zoe is ’t laeve, ’t krieg os toch neet klein

Tied geit veerbeej, wae had det noow gedach
Zien dich en ik weer heej, ein gans jaor op gewach
Same idderen aovend, zien weej weer beejein
Want vastelaovend, mak van twië weer ein

Met vastelaovend
Dan zeen ik dich weer
Lang nao oëtgekeke
Det geveul krieg ik zoë gaer


HOME PLAATSNAMENOVERZICHTHOME


MIEN KAEMERKE
Teks en meziek: Ben Verdellen & Wiel Aerts
Gezonge: Ben Verdellen & De kinder

Idder kind haet zoë zien plekske in ut laeve,
Wao ut röstig op zichzelf ens kin zien.
Waosse zegge kins verrek wat kan ut gaeve,
Waosse lache kins en zûmpe van de pien.

Refrein:
Det kaemerke op zölder,
is ein plaats veur mich allein.
Det kaemerke op zölder,
dao is miene waereld in ut klein.
Dao zit ik mei te zitte,
en druim wat veur mich oët.
Dao lig ik mei te pitte onderoët.
Det kaemerke op zölder,
jao, det is ein plaats veur mich allein.

Op mien kamer heb ik allerhande dinge,
foto's, posters en ein hiele hippe klok
Eine kloon met dieke trom dae ech kin zinge,
jao, ut is gewoën ein lekker eige hok.


HOME PLAATSNAMENOVERZICHTHOME


MIEN LAEVE LANG
1992: Teks: Hay en Annemarie Verberkt - meziëk: Hay Verberkt
Zang: Annemarie Verberkt

Refrein:
Mien laeve lang, blief ik van dich halde.
Mien laeve lang, bliefs dich ein ster veur mich.
Det plaetske in mien hert blief behalde.
Mien laeve lang, jao det belaof ik dich.

In de nach is Bleriëck stil.
Umdet idderein dan slaope wil.
Allein de Maas die struimp maar door.
Leeve groëte baek, waal ein bietje zoor.
Ôzze Majjum dae is net wie blood.
Guëf aan idderein gooje mood.
Um te laeve, fees te viëre, beej te legge nao de môt.
Daorum zien weej van de Maas képot.

Ein verleefheid geit dök veurbeej.
Is ein oëtspraok, die mien mooder deej.
Maar mien leefde veur de Maas.
Is iets wat jaore truuk al vuël sterker waas.
Laup ik door de Kloësterstraot.
Stopleech euver, Helling aaf.
Jao de zuus de Maas dao ligge en zeej liek zoë gans tevreej.
Gölfkes golven ein veur ein veurbeej.


HOME PLAATSNAMENOVERZICHTHOME


MIEN STUM
1997: Tekst & muziek: Paul Lenders & Ruud Bettinger
Zang (*) : Michel Jeurissen, Lei van Heijster & Leonard Titulaer

Refrein:
Wao heb ik mien stum gelaote ?
Ik heb zô'n meuite um te praote.
Waorum bin ik zoë heis ?
Waorum gaof mien stum de geis ?
Waorum, waorum, waorum ?
Waorum heb ik gen stum ?
Ik wil waal zinge maar det lök mich neet.
Daorum heb ik toch zô'n verdeet.
Waorum, waorum, waorum ?
Waorum heb ik gen stum ?

Altiëd in dae vastelaovestiëd
Bin ik dreej daag lang mien stum weer kwiët.
Ik zoel gaer wille weite
Waorum mich de stum geit pleite.
Ik snap neet wiej of det kin
Nae, ik slik ze toch neet in.

Zing ik weer ein vastelaovesleed
Huur ik mei en dan mien stum gaar neet.
Toch bliëf ik duchtig kwake.
Wiesdet mich de stum geit krake
Auk al klink det neet zoë schoën.
Ik zing toch d'n hoëgsten toën.

* cd 1997 : De Wortelepin - "Laot ens un belunke op" - Onger Os 7309


HOME PLAATSNAMENOVERZICHTHOME


MIENE DIEKE
Teks & meziek: Ben Verdellen
Zang: Ben Verdellen

D'n alderdôm kump met gebraeke,
en met euvergewich.
De bôks die nog niej in de kas leet,
geit allang neet mier dich.
Ik heb al getrimp en wat kure gedaon,
maar al det geplaar baat gen ziër.
En kump de mismoot mich d'raan,
truuës de vrouw mich spôntaan,
en 't zink dan veur mich kiër op kiër

Refrein:
Dich bis van mich, miene lekkeren dieke.
Al waat ze zegge euver dich det luuët mich kald.
Dich bis van mich, miene lekkeren dieke.
Ik weit gewoën det ik zeels-vuul van dich hald.
Al waat ik vraog aan dich, det duiste gaer veur mich.
Dich lees dien gans gewich veur mich in de schaol.
Dich bis van mich, miene lekkeren dieke.
Ik haop det ik met dich de hônderd haol.

s'Aoves wannier ik gaon slaope,
blief ik veur de spegel staon.
Dan trek ik nog efkes d'n boëk in,
maar auk det wilt neet mier gaon.
En as ik mich buk, um de zök oët te doon,
hink 't buukske mich haos op de bein.
Dan kiek de vrouw mich ens aan,
truuës mich weer hiel spôntaan,
en 't zink dan veur mich gans allein.


HOME PLAATSNAMENOVERZICHTHOME


MIENE TIËNE
1991/1992: Teks en meziëk: Paul Lenders & Ruud Bettinger
Gezônge door: De jônges van Hard en Vals

Refrein:
As mien tiëne gaon treeje, kôm ik, kôm ik, kôm ik d'r achteraan.
Daoveur is auk ein reeje; die tiëne make mich ruum baan.
Zoë gaon ik van achter nao veure, van links nao opzie,
dwarseuver door ut midde haer en dan begin ik weer opniej.

Ik waer wal ens getraoje op ein of and're tiën.
Waas det maar verbaoje, want ik heb d'r toch maar tiën.
Maar ik kin d'r neet mei zitte en ik bliëf d'r neet mei staon,
want mien tiëne wille wiejer, dus laot mich nôw maar gaon.

Zoë stiefel ik al jaore, tig eurkes aan ein stök.
Met de vastelaovend laup ik gater in mien sök.
Maar ik kin d'r neet mei zitte en ik bliëf d'r neet mei staon,
want mien tiëne wille wiejer, dus laot mich nôw maar gaon.


HOME PLAATSNAMENOVERZICHTHOME


MIENE VASTELAOVEND
2006/2007: Tekst & muziek: Paul Lenders & Ruud Bettinger
Zang: Bernie Billekens, Michel Jeurissen & Lei van Heyster

Ik bin gelökkig heej,
Tevreeje heej
Wat wil ik dan nog miër
Idder jaor opniej as ik de vastelaovend viër
Met vrinde um mich haer,
Maak ik dan vuül plezeer
Zoë viër ik vastelaovend
En det doon ik toch zoë gaer

Ik bin neet weg te houwe
As ut heej weer is te doon
Ut löp weer oët de klauwe
Ik speul weer ens de kloon
Ut zit d’r ingegaote
Ik gaon door zoë lang ik kin
Ik kin ut ech neet laote
Ik bin zoë wie ik bin

Ik hoof neet oët te slaope
En ik gaon neet vruüg nao bed
Ik zet mien straöt weer aope
Al klink det neet zoë net
‘k Hoof mich neet te sjenere
Dans dreej daag daag en nach
Laot mich noow maar gewaere
‘k Heb lang genôg gewach

Ik huür gaer schaele wazel
En drink dan ein toët beer
Ik hald van det gekwazel
En minse um mich haer
Zoë kom ik gans tot laeve
Ik laot mich lekker gaon
Ik gaon mich dreej daag gaeve
Wies det ut is gedaon


HOME PLAATSNAMENOVERZICHTHOME


MIENE WINS
1998: Teks en meziëk: Rick Custers
Gezônge door: Ali Matheijssen en Rick Custers

Refrein:
Ik wil met dich nog vanalles belaeve.
Wat `t laeve veur ôs haet bedach.
Mien ganse leefde die wil ik dich gaeve.
Wao weej same mei groët zien gebrach.
Dich amusere hoofs dich neet te liëre.
En vanaovend gaon weej naor d'n bal.
Dreej dolle daag die gaon weej same viere.
Net zoëlang wies d'n daag deure zal.
Lalala.

Op dich heb ik mien ganse laeve lang gewach.
Dich waas miene wins al sinds jaore.
Toen woors dich op ens, jao, wae had det verwach.
Met vastelaovend heej in Bliërick gebaore.
Lalala.

Nôw zien weej wat alder en wiëzer messchien.
En dink geej: det zien ein paar nette.
Weej gaon dreej daag stappe, doon neet aan de lièn.
Op ôs hoof d'r bemus te lette.
Lalala.


HOME PLAATSNAMENOVERZICHTHOME


MIENEN ALLERBESTE VRIND
Teks en meziek: Ben Verdellen & Wiel Aerts
Zang: Ben Verdellen & De kinder


Hae waas amper zeve, bleef achter beej de res.
Des hiel lang zoe geblaeve, nae ut waas neet al te bes.
Hae is al inkle jaore mienen allerbeste vrind.
Toch viertiën al gewaore, maar verstandelik ein kind.

Refrein:
Danke leeven Hiër daobaove veur deze kammeraod.
Ik zal ut dich belaove det ik um noets verlaot.
Laot idderein maar kletse, dao kump niks van terech.
Met zonne vrind dan wetse, os vrindschap die is ech.

Zuus um toch ens lache, dan straolt zien gans gezich.
De vruugs dich aaf waat dache, vertel ut maar aan mich.
Des um neet gegaeve en toch begriep ik um.
De vruugs toch in ut laeve neet allein nao ut waorum ...


HOME PLAATSNAMENOVERZICHTHOME


MIENEN HERTEDEEF
1996: Tekst & muziek: Wout Weijmans & Frank v.d. Broek
Zang: Marius Suiker & Vic Suiker

Refrein:
Dich bis mien lekker zunke, dich bis mienen hertendeef,
oët vader's stal ut beste paerd, jao de moëjste vrouw op aerd.
Vol glorie kôm ik veur dich staon, en ik laot dich noëit miër gaon.
Ik zeg dich, schat, ik hald van dich, ein wermtestraol bis dich veur mich.
En zeg dich, schat, ik hald van dich, dich bis de zôn veur mich.

As ik ens met mien maedje sjans, dan raak ik gans in trans.
Ik griep dan gauw mien boëtekans, en ik vraog 'm dan ten dans.
Och meid, dich bis mienen hertendeef, ut liek waal of ik zweef.
Met dich wil ik daen bôtterbreef, want ik heb dich toch zoë leef.

Beej dich veul ik mich neet allein, weej huure ech beejein.
Wie ik dich trof wis ik metein, jao weej hebbe vuul gemein.
En gaon weej dan ens same oët, dan zeg ik dich rechoet :
Och gaef mich nôw ens dien besloet, en waer dan auk mien broëd.


HOME PLAATSNAMENOVERZICHTHOME


MILJEU LEEDJE
Teks en meziek: Ben Verdellen & Frans Boermans
Zang: Ben Verdellen & De kinder

Ze zegge det de lôch zoë is bedorve,
ze zegge det de grônd zoë is vervoeld.
De viskes in de baek zien oetgestorve,
maar zoë haet de neteur det neet bedoeld.
Al is de waereld dan doëdkrank,
't is nog neet te laat goddank.

Refrein:
Nôw laot ôs zörge det de waereld gauw weer baeter wuurd.
En laot ôs dan maar drek beginne in ôs eige buurt.
Genne rômmel in 't water, in de lôch en in de grônd.
As ederein det duit dan wuurd ôs waereld weer gezônd.
Nôw laot ôs zörge det de waereld gauw weer baeter wuurd.

Ôs colablikskes hure in d'n dreksbak,
en plastic tâötjes auk, det is ein feit.
Dus nemus miër van ôs dae 't zoë gek mak,
en alles maar luët valle wao hae steit.
Want eder bietje baat beslis,
as ederein zoë praoper is.

Weej liëre 't dan auk de groëte minse,
die zegge dan van ôs: "Waat zien die slum".
Ein schoëne waereld det is waat weej winze,
maar ja, det lök neet zoë in eine mum.
Auk al deurt 't einen tied,
einmaol kump 't waal zoë wied.

* cd (1992) : " Rundje Blierick blief in de buurt "


HOME PLAATSNAMENOVERZICHTHOME


UT MILJEU-LIEDJE
Teks: Giel Geurts
Zang: Hay Krompvoets

Refrein:
Halt van ôs waereld, kôm halt eur toch schoën.
Veur ein schoën Mooder Aerd, kin me noëts genôg doon.
Schoën water, schoën lôch, moëij land te belaeve,
is ut beste wat de mins aan zien kinder kin gaeve.
Laot ôs saame dan ouk gauw wat d'r aan doon.
Halt van ôs waereld, kôm halt eur toch schoën.

Schoën water, schoën bös, schoëne lôch um ôs hear.
Wao môt ut met ôs zônder det alles haer ?
Want alles wat laef, kin dit alles neet misse,
of ut minse of veugel, of bleumkes of visse.

Ut laeve is deur, jao geluif wat ik zeg.
Goëij daorum ouk neet, alles vuul te gauw weg.
Al wat um ôs haer, is d'r ech neet vanzelf.
Dink daorum good nao, ut is ech viëf veur twellef !


HOME PLAATSNAMENOVERZICHTHOME


MOEK UM
Teks: Gerrit Gommans - meziëk: Nol Peters
Zang (*) : Petra Houben

Miene man, dae is diek twië maeter lank.
Hae stuët dök d'n bums aan de deur van de gank.
Maar ik moek um dan, mien leeven blood,
en werk um ens good op zien gemood.

Refrein:
Kôm sies kôm beej 't vrui-ke,
de hes mich aan un tui-ke.
Ik heb weer ruuk op mien gezich,
en auk die pruuk draag ik veur dich.
Ik wil met dich vreeje hup ...
kôm beej mich op de slup !

* cd (1999) : De Wortelepin - " D'r hingk wat in de lôch " - Onger Os - 7350


HOME PLAATSNAMENOVERZICHTHOME


MOOD HALDE
Tekst: Frans Driessen - muziek: ?
Zang: Petra Houben & Martin Peters

Refrein:
Laot ôs noëit de mood verlaere, altiëd is d'r wal ein vunkske haop.
Laot ut laeve maar gewaere, örges blief d'r wal ein päörtje aop.
't Is noow einmaol zoë, det ôs laevesdaag neet veurbeejgaon zônder taegeslaag.
Maar verlaer daorum neet de mood, op ut ind kump ut meistal good.

Hae:
Dich zit alles taege, dich achtervolg de pech.
Het:
D'r rös gaar genne zaegen, op wat ik donn en zeg.
Hae:
Dich môs neet prakkezeere, begin maar gewoën opniej.
Het:
Det wil ik wal probeere, allein ik weit neet wie.

Hae:
Dich hes vuul probleeme, toch losse weej die op.
Het:
Wat môt ik ônderneeme, ik stoët mich steeds de kop,
Hae:
Kôm op, weej zien toch saame vuul sterker dan maar allein.
Het:
Ik weit ut, en weej kwaame, vuul doënder ouk beejein ...

* cd (1992) : " Rundje Blierick blief in de buurt "


HOME PLAATSNAMENOVERZICHTHOME


MOODER KÔM ENS KIËKE
Teks: Jo Gubbels - meziëk: Nol Puts
Zang (*) : Wiel Vestjens

Refrein:
Mooder kôm ens kieke, kôm ens efkes veur.
Eine verkleide kaerel steit heej veur de deur !
Wao zoel hae op liëke ? Hae haet zôn raar gezich.
Mooder kôm ens kiëke: Is det dae pap van mich ?

Och mooder, kiëk wat zuut hae d'roët.
Zien neus die is hiël blauw !
En kiëk, wat hae dao beej zich haet:
Ein träöt en hiering in ein kouw !

* lp (1982) : " Dreejmaol ellef 1981/1982 "


HOME PLAATSNAMENOVERZICHTHOME


MOODER UT IS VASTELOAVEND
Teks: ? - trad.

Mooder ut is vasteloavend,
weej kômme neet thoës veur d'n aovend.
's Aoves in de maoneschiën,
as de boere naor bed toe zien.
Van je dominos gaef mich eine gros.
Gaef mich eine cent, dan bin ik weer content.

Hao, hoa Dries, en as-se neet gewasse bis, dan bis-se fiës.
(Ik weet niet of dit er ook bijhoort)

cd 1997 : De Wortelepin - "Laot ens un belunke op" - Onger Os 7309


HOME PLAATSNAMENOVERZICHTHOME


MOPPER NEET
1983: Teks: Hay Verberkt - meziëk: Jo Hofman
Zang: Hay v.d. Ham

Refrein:
Wat baat dich moppere en klage.
Geej groëte en auk kleine blage.
Laot noow toch kômme watter kump.
Schei dus maar oët met det gezump.
Waorum nog langer treurig zien.
Want iedder jaor brink nieje wien.
Wae det neet lôs, dae dink maar good heej aan.
Dae pak zich maar ein pilske oët de kraan.

Taegevaller, taegeslaag.
U schient der beej te huure.
Banktekorte, laege maag.
Of ruzie met de buure.
Goeij alles maar in einen hood.
Der is maar ein resep veur good.

Weer verlaore, wat ein spiët.
De môs hiël vuel verdrage.
Vastelaovend, maedje kwiët.
Of thoës las met de blage.
Doot of d'r gaar niks is gebeurd.
Noow alles maar doorein gereurd.


HOME PLAATSNAMENOVERZICHTHOME


MORGE
2004/2005: Tekst: ? - muziek: ?
Zang: Mark Janssen

As 't morge nog ens gister waas
Kós ik mien hert weer gaeve aan dich
As 't morge nog ens gister waas
Waas dich nog ens, beej mich
D'n tiëd dae speult met ós ein spelke
Mei geit 't vuuël te snel
Trek Vader Tiëd weer aan 't belke
Dan telt weer idderen tel
As 't morge nog ens gister waas
Kós ik d'n tiëd d'n baas

D'n tiëd kin dich vertelle
Wat gister nog ens waas
En kin dich ouk veurspelle
Wat morge weer verbaas

Wat gister nog gewaes is
Zal morge neet miër zien
De klok wal goje raod wis
Duit tiëd gen centje pien


HOME PLAATSNAMENOVERZICHTHOME


MOZEL BLEUMKE
Teks & meziek: A. Wassen, Ben Verdellen & F. Tilburgs
Gezônge (*) : Ben Verdellen

Weej zien met ein stel veterane,
zôn klup waos se geej taege zaes,
ech minse met baetere bane,
ein waek nao de Mosel gewaes.
Weej zote ös mood in te spraeke,
en zagte: "Weej gaon dees waek dök",
probere ein hertje te braeke,
en jao huur weej hadde gelök.

Refrein:
't Echte laeve det begin...."pas beej viërtig" zag zo'n kind.
Nao ein fles van hônderd piek vond 't mich echt neet te diek.
De eine had ein rönde de andere ein blônde,
maar ik had 't gevônde ein Zeller Zwarte Kat.
Maar ik dach wie zo'n roeije, met glaas begôs te goeie,
heej valle dalik doeije, ik gaon, ik bin 't zat.
Mosel-bleumke la-la-la-la Ole...Ola.
Mosel-bleumke la-la-la-la Ole...Ola.

Wiej-ik thoës kwaam zoot mooder te aete,
en zag: "Wat hebs dich ein gezich,
wao hebs dich in Godsnaam gezaete ?"
En toen veulde ik mich verplich,
um euver die veer "Zeller delle",
en euver dae woelige nach,
de waorheid aan mam te vertelle,
en toen heb ik rechoët gezag:

* cd : Ben Verdellen - "Van herte"
* cd 1996: Diverse artiesten - "Veur de pap" - Limbo Music - JLCD 043


HOME PLAATSNAMENOVERZICHTHOME


MUSTAFA
Gezônge door: De Vrijbuiters & de Vrouwluuj van de Maasvallei

Oh Mustafa, oh Mustafa,
det is 'n broor van Ali Baba.
In de Sahara, in dae groëte zandbak,
dao sjouwde Mustafa met eine volle zandzak.
Hae zag: "Ik bin veur Ali Baba aan 't sjouwe,
ik môt veur um ein nieje autograasj gaon bouwe."
Oh Mustafa, oh Mustafa,
wie geit 't nog met Ali Baba
Haet hae nôw al die auto's nog,
want hae had viertig rovers toch.


HOME PLAATSNAMENOVERZICHTHOME


NAE MAAR
2003/2004: Tekst & muziek: Paul Lenders & Ruud Bettinger
Zang: Ingrid Jansen-Scheepers & Rob Deenen

Refrein:
Nae maar, wiej geit ut toch
Wao bis-se toch ut ganse jaor gewaes
Nae maar, wiej geit ut nog
Vertel mich wao-se oëtgehange haes
Wao haes dich al daen tiëd gezaete
Wiej geit ut toch met dich
Bis-se mich vergaete
Of hels-se nog van mich

Zeen ik dich met vastelaovend
Is ut altiëd dieke mik
Idder jaor met vastelaovend
Is det vaste prik
Ik zeen dich dan, um ut aeve wao
Altiëd heej of dao

Dich en ik met vastelaovend
Det is altiëd same ein
Idder jaor met vastelaovend
Zien weej weer beejein
Ik zeen dich dan, um ut aeve wao
Altiëd heej of dao


HOME PLAATSNAMENOVERZICHTHOME


NAE NOG NEET MÉ
2004/2005: Tekst: Hannelore Winter - muziek: Henk Sneijers
Zang: Mendy Sneyers, Resy Wolters, Anja Kühlmann, Sharon Mafficioli del Casteletto

Idder jaor löp Jaerke heej of dao,
lërlik waor de Truuje achternao.
Noow woel Jaer weer sjanse gaon met Claar.
Toen reep Merie op Truujendaag
't Krenske beej mekaar.
En wat ze zónge waas genóg...
Det hóng veur Jaerke in de lóch

Nae nog neet me me me., meneerke
We speule neet alwaer moëj waerke
Nae nog neet mé..me., messchien
Wae zoel dan heej van gister zien?
Dan kós Merieke weer sterre kiëke
Al., télde det die gaer ens met Lewieke
Maar nog neet mé.. nog néét messchien
Wilt dien Merie van gister zien.

Idder jaor haet Jaerke aevegaer
lërlik waor zó'n duufke um zich haer
Noow woel Jaer.. gaon tortele vannach
Hae wet nog neet det doëve-Til
't Krenske dan verwach
Det hae vannach nog op de stoep...
De wilde vaere kriëg getoep


HOME PLAATSNAMENOVERZICHTHOME


NAOPRAOTE
Teks en meziek: Hay Verberkt, Ben Verdellen & Sef Gubbels
Zang: Petra Houben/Ben Verdellen
Oet de Revu: "Rundje Bliërick op de kannepee"

Hae:
Weej waere allebei ein jäörke alder.
Dich löps neet miër op schoon met hoëge hak.

Zeej:
Dich hebs de letsten tièd dien veut vuël kalder.
Waorum hebs dich dich neet ein kroèk gemak ?

Saame:
Schei noow maar oèt met det gestraevel,
want det kan nog altièd nao 't diamant.

Hae:
Ik weit nog good det ik dich toen kwaam haole.
naodet's dich met daen and're hads gedans.

Zeej:
Dich hads metein op slaag mien hert gestaole.
toen goof 't veur en vlam, weej hadde sjans.

Saame:
Dich waas mien lötje veur d'n iërste priès.
Wat zal 't fijn zien met dich in Pariès.

Refrein:
Wat is d'r in al die jaore aan ôs veurbeejgegaon.
Weej zien wat griès gewaore, maar det haet ôs niks gedaon.
Al waas d'r ouk wal ens ein traon, d'n hemel hadde weej op aerd.
Gezôndheid en dich good verstaon is 't allermeiste waerd.


HOME PLAATSNAMENOVERZICHTHOME


NEET TE MISSE!
2010/2011: Tekst: Marij Gijsen - muziek: Marcel Driessen
Zang: Spek en Eier

Refrein:
Dich en ik weej kinne ós neet misse
Net wie vastelaovend en mèziek
Weej zien wie eine visse-kómp met visse
en wie ein onderbóks met elastiek
Dich en ik huure beejein
wie polonaise en de bein
zonder dich is alles maar de helluf
Wie Limburg zonder proemevlaaj
Aswoensdaag zonder hieringslaaj
As dich d’r bis geit alles wie vanzelluf

As dich zwiegs, spraek ik de oerè van de kop
Drink ik d’n ierste sloèk, is dae van dich al op
Haes dich 'ne gooje raod heb ik d’r elluf
Maar as ut geit dan geit ut wie vanzelluf

As dich zings dan zink de mood mich in de schoón
Bis dich weer aan de lien.. pak ik de tillefoon
Pas as ut mót dan gaon ik nao de kapper
Det zit waal snor dich wuurs allein maar knapper

As dich greeks dan lig ik in eine deuk
Dich luës mich gaer de les ik laes vuël lever beuk
Dich hils van renne ik hald mier van stappe
Maar idderein zal onderhand waal snappe


HOME PLAATSNAMENOVERZICHTHOME


DE NIEJEN DAAG
Teks en meziek: Wiel Aerts, Ben Verdellen & F. Tilburg
Zang: Ben Verdellen

Smorges as ik wakker waer, en ik kiëk good um mich haer,
zeen ik den dauw op ut graas, misbanke baove de Maas.
Limburg waat bisse schoën.
Huur eine maerel dae zink. lach um ein knieke det sprink.
Glinstrend wie ein diamant, schittert ut limburgse land.
Zoel det nog lang zoeë zien ... ?

Refrein:
Zal dae zonneschien, zal dae niejen daag,
straks der auk nog zien, veur dae kleinen blaag.
Limburg blief schoen.

Minse waat geit der toch fout, water wuurd door ôs verzauwt.
Kiëk um ôs haer leet, den drek, zien weej dan ech knettergek.
Limburg dink toch ens nao.
Beteikent dit de erfenis, die veur ôs kinder straks is.
Zegge die dan veur dae stank, ziet geej hiel hertelik bedank.
Môt ik dao bang veur zien ... ?


HOME PLAATSNAMENOVERZICHTHOME


NOEIT MIER FAATS
1994: Teks: Frans Driessen - meziëk: Wiel Vervoort
Zang: Resie Wolters. en Marcel Verdellen

Refrein:
Noëit miër, noëit mier faats !
En dan dich as mien leefste sieske.
Dich kries de iërste plaats.
Op mien kandidate-lieske.
De môs d'r nog wal wat veur doon.
En dao vringk misschien de schoon.
Dich môs halde van mich, wies ut letste gerich.
In leef maar auk in leid.
En auk ik hald van dich wies ut letste gerich.
En nog langer, as ut geit.

Ik zoog dich laupe langs de moëje Maas.
En ik dôch: wat eine moëje mins.
Ik kwaam te weite wae en wie se waas.
En toen had ik nog maar eine wins.

Dao beej de Maas hads dich mich auk gezeen.
Maar de deejs net of se mich neet zoogs.
Un waekske later ei un mäönke scheen.
Zag-se wie se in mien errem loogs:


HOME PLAATSNAMENOVERZICHTHOME


NOOW EFFE NEET
2004/2005: Tekst: ? - muziek: ?
Zang: Paul Klaassens & Edu Carli

Noow effe neet, dao kin ik noow neet taege.
Noow effe neet, det kump mich noow neet oët.
Noow effe neet, det kump dus óngelaege.
Noow effe neet, det is wat ik besloët.
Dich kins mich wat, ik heb noow genne zin,
Kom maar ein ander kiërtje truuk, ik weit toch wie ik bin.
Maar maar maar, noow effe neet,
Noow effe neet, noow effe neet.

Ik leep ens door de Kloësterstraot, gans allein.
Toen zoog ik dao ein maedje staon, met hiele moëje bein.
Ik bin toen op urn aafgestap, en zei toen taege um:
Wils dich met mich gaon stappe, met trilling in mien stum.
En wetste wat, det mich toen zei, wetse wat det mich toen zei:

Ik waas dus gans teleurgesteld, wat ein leid.
Had 't mich anders veurgesteld zoë same met die meid.
De mood weer ens beejein gerap, dae zoot mich in de schoon.
Wie mot ik noow toch verder, wat mót ik noow toch doon.
En wetse wat, ik mich toen dach, wetse wat ik mich toen dach:

Noow wilt het met mich stappe gaon, wat ein stök.
Dao had ik jaore op gewach, maar waas mich noëts gelök.
Ik weit 't nog van vruger tiëd, ging ik nog door de kneen.
Noow heb ik genne zin mier, ik hald 't veur gezeen.
En wetse wat, ik um toen zei, wetse wat ik um toen zei:


HOME PLAATSNAMENOVERZICHTHOME


NORMAAL
1989: Teks: Gerrit Gommans - meziëk: Jo Hofman
Zang: Marlie Hanraets & Ingrid Scheepers

Refrein:
Waat vruëger neet kôs.
Det kin noow dan waal.
Ut is messchien gek.
Maar toch gans normaal !
Want waat vandaag waal good is.
Det neump me morge weer slech.
Auk praote we altiëd alles.
Waat krômp is dan weer recht.
Waat vruëger neet kôs.
Dét kin noow weer waal.
En waat vandaag gek is...
Is morge weer normaal.

Mien oma die meus maar plare.
Idder eurke op un riej.
Maar jaore, jaore later.
Waas zeej nog altiëd bliej.
Ze meus auk hiel vuul riëve.
Zeej had gén wasmesjien.
Huurt zeej noow van ut moderne.
Dan zaet zeej zônder pien...

Mien opa dae oot `s morges.
Unnen telder vol met spek.
Maar jaore, jaore later.
Verklaorde ze um gek.
En woel-e iërs nog baeje.
Dan waas dét rats verkiërd.
Gén broëd maar krekkers neme.
Zoë woordt dae man geliërd.


HOME PLAATSNAMENOVERZICHTHOME


OCH BARBIERKE
1981: Teks: Wiel Aerts - meziëk: Wim Roeffen
Zang: Hay en Paul Peeters

Refrein:
Och barbierke, ôch barbierke.
Maak van mich weer ens ein hiërke.
Kiëk ens wie ik bin gewaore.
Zônder krölke op mien bölke.
Veul ik mich net wie ein knölke.
Det met kôlse haet verlaore.
Dao baat gen zelfke en gen tabletje
Op miene kiëbes dao môt ein toepetje.
Och barbierke neem mich noow maar gauw de maot.
Dan waog ik mich wie ein hiërke weer op straot.

Ome Joep dae haet ein plaat.
Och waat, och waat, och waat.
En âs ut majump wuurd die naat.
Jao naat, kletsnaat, och waat.
En op unnen daag, stônd ome Joep.
Beej ut barbiërke op de stoep.

Asse noow ens danse geit.
`n Leid, `n leid, `n leid.
En dan te vlot ziën welke dreit.
Hae dreit, hae zweit, hae geit.
En net wie hae veult, is ut te laat.
En dan haet hae weer ein plaat.

Jan Theelen 7011


HOME PLAATSNAMENOVERZICHTHOME


ODE AAN TEEGELE
Teks en meziek: Frans Driessen, Ben Verdellen & Sef Gubbels
Zang: Will Kuhlman
Oet de Revu: "Rundje Bliërick op de kannepee"

Ich haai op d, börgelikke sjtank,
in Teegele get te reegele.
Want dao kreeg ich Sjeng zien hank,
en dae rink as óngerpank.

Al sjnel haaie Sjeng en ich de kans,
in Teegele te bezeegele.
Des-te auch mit sjmaak en glans,
Pap en Mam dao waere kans !

Daen angere boételankse kal,
van Teegele mei te sjweegele.
Is 't sjoënste baovenal !
Sjtump 't neet of sjtump 't wal ?

Refrein:
Aan Teegele, aan Teegele,
kin gen inkele sjtad zich sjpeegele,
want d'r kin d'r, al duit det pien,
maar ein 't sjoënste zien.


HOME PLAATSNAMENOVERZICHTHOME


OLÉ FIESTA
Tekst: Hay Verberkt - muziek: Schmidt-Schenk (Mainz)
Zang: Maaszengers


Olé Olé Fiësta, Fiësta aan de Maas.
Rio in ut klein. och wat waas det fijn.
Lekker piere door ut graas.
Rio in ut klein. och wat waas det fijn.
Lekker piere door ut graas!

Piejaerke kwaam nao Bliërick truuk, waas heej al jaore weg.
Hae waas op slaag weer gans verruuk, nôw luuster wat ik zeg.
Hae zôch zich heej zien alde vlam, maar vônd det maedje neet.
Det mak toch niks, zei toen zien mam, d’r zien der beej de vleet!
Wet geej wat hae toen deej????? Piejaerke bleef weer heej!!!!!!


HOME PLAATSNAMENOVERZICHTHOME


OMA EN OPA
Teks en meziek: Ben Verdellen & Frans Boermans
Zang: Ben Verdellen & De kinder

Vuël Mamma en vuël Pappa, gaon gaer ens same stappe.
Auk Pap en Mam die doon det as 't kan,
D'n babysit bestelle, ze hove maar te belle,
en raoj dan nôw maar ens wae kump d'r dan.

Refrein:
Oma en Opa, as geej s'aoves op ôs pas, zien weej ech in ôzze sas.
Oma en Opa, maar wat hebbe weej met ôch veul spas.
Gaot geej weer fijn vertelle dan is 't weer zoe wiëd,
dan wuurd waat dach ge, waat aafgelache.
Geej môt maar gauw weer kômme al deurt den unnen tiëd,
dan môtte Mam en Pap weer op fesiet.

Dan gaon die ôs verwinne, det guëf um te beginne,
sjeklaat en neut en chips en miër van det.
Dan kriege weej sjezjuupkes, ein ganse tâöt vol snuupkes.
Dan hove weej um tiën oor pas nao bed.

Geej zult nôw waal snappe, det weej det neet verklappe.
Dan ginge Pap en Mam de letste kier.
Laot die maar hiël vuël kiere, gezellig fiës gaon viere.
Van Opa en Oma maag vuël miër.


HOME PLAATSNAMENOVERZICHTHOME


OMA OÉT OKLAHOMA
1990: Teks: Gerrit Gommans - meziëk: Jo Hofman
Zang: Ingrid Scheepers, Marli Boeve en Backing vocals

Refrein:
Jao miën Oma, oët Oklahoma.
Die zet gand Bliërick op de kop.
Zeej kwaam met Opa, nao Wes-Europa.
Op unnen hippen hiep, hop hop.
Met de fles op de tes, joech-hei.
Trek zeej dan op det paerd in dun optoch mei....
Jao mien Oma, oët Oklahoma.
Die kwaam met Opa nao Europa.
Joedeleedie joedeleedie joedeleedie jippie jippie jee !
Joedeleedie joedeleedie joedeleedie jippie jippie jee !

Miene pap kwaam oët Amerika;
Met ein schoefel en ein herk.
En hae woel neet truuk nao de OE-ES-AA;
De gemeinte goof um werk !
Noow geit beej ôs d'n tillefoon....
Zaet ôs Oma; `Ai kwoow where jullie woon...!

Miene Pap kwaam oët Amerika;
ut geit um heej hiël good !
En hae woel neet truuk nao de OE-ES-AA.
Met zien cowboy-hood
Noow geit beej ôs d'n tillefoon....
Zaet ôs Oma; "Ai-am `n gare boon....!


HOME PLAATSNAMENOVERZICHTHOME


ÔNGELUIFELIK
1999: Teks & meziek: Paul Lenders & Ruud Bettinger
Oetveurende (*) : Lei van Heyster & Michel Jeurissen

Ôngeluifelik, wat ein wônder, ôngeluifelik, dit guuf ut neet.
Ôngeluifelik, dit is bizônder, weej weite neet wao dit aan leet.
Zoë geit dit nôw al jaore, maar wae wet wie of ut zit.
Weej kinne ut neet verklaore, en daorum zinge weej dit.

Refrein:
Wao hebbe weej dit aan te danke,
wao hebbe weej dit aan verdeend ?
Met al die vastelaovesklanke,
waere weej op ôs winke bedeend.
Det weej dit meuge belaeve,
wat verschaf ôs toch dees iër ?
Det dit ôs is gegaeve,
jao wat wille weej nog miër.

Ôngeluifelik, wat ein kleure, ôngeluifelik, al dae meziëk.
Ôngeluifelik, wat ein gebeure, weej weite neet wao dit op liek.
Weej zeen ze dreej daag vlege, want d'r hingk wat in de lôch.
Weej hebbe de geis gekrege, en daorum vraoge weej ôg.

* cd (1999) : De Wortelepin - " D'r hingk wat in de lôch " - Onger Os - 7350


HOME PLAATSNAMENOVERZICHTHOME


OP EIN BENGSKE
Tekst & muziek: Giel Geurts
Zang (*) : Claar Boots-Hinssen & Ben Verdellen

Wie ik jônk en nog verleef waas,
op dae leeve sies Merie,
zoot ik altied aan ôs gooij Maas,
gezellig, ziej aan ziej.
Beej ut schiensel van 't mäonke,
zag ik: Merie, ik hald van dich.
Merie zag dan met ein träonke:
Ik zit zoe gaer met dich ...

Refrein:
Op un bengske aan de Maas:
Dao woort Amor mich d'n baas.
In dien uurkes, hertendeef,
zông ik zachjes. Ik heb dich zoë leef !

* lp (1982) : " Dreejmaol ellef 1981/1982 "


HOME PLAATSNAMENOVERZICHTHOME


OP HOL SLAON
1990: Teks: Paul Lenders en Leonard Titelaer - meziëk: Hay Wilders en Henk Luneberg
Zang: De jônges van Hard en Vals

Refrein:
Met de vastelaovend....
Slaon weej dreej daag lang op hol, zeker weite det,
Met de vastelaovend.....
Gaon weej duchtig oët d'n bol, veurluipig neet nao bed.
Löp de dieke trôm veurop...
Geit de hiele koedeljach jao in galop.
Wies aswoensdaag drave weej dan biëstig door.
Vastelaovend is veur ôs.... ut snuupke van ut jaor.

Gén triepelbaar is ôs te hoëg.
Gén koel is ôs te deep.
Dao springe weej waal euverhaer.
Of ge'ut gluive wilt of neet.
Want vastelaovend is veur ôs.
Wie jumping op ein paerd.
Dreej daag lang hebben weej dan.
De bein en kael gesmaerd.

Weej trappe vol ôngeduld.
En aete huij en graas.
Hinneke wie unn aolifant.
Dae geplas haet in de Maas.
Weej ziën neet miër te halde.
En gaon haos van de bein.
Daorum zinge weej in koër.
Opniej dit paerdsrefrein.....


HOME PLAATSNAMENOVERZICHTHOME


OPUS 11
Tekst: Peter Jansen - melodie : 1e deel van "Eine Kleine Nachtmusik" (W.A.Mozart)
Zang: Neutjes 4 (Henk v.d. Ham, Wim Janssen,Peter Jansen & Hans Mans)


Rex Gildo, Schopenhauer, Grabowski, Beckenbauer,
und Wolfgang Amadeus und der Lothar Matthaeus.
Hölzenbein, Ullie Stein..,
Sie lieben alle dieses Werk, ist es auch noch ein bisschen klein !

Die Gitte und der Ronnie, der Rudi und die Conny,
und Peter Alexander und auch Zarah Leander.
Neckermann, Heinz Rühmann,
Sie lieben alle dieses Werk, weil man es so leicht singen kann !

Ja, sie lieben alle Mendelsohn und Gustav Mahler.
Ja, sie lieben alle Rudi Völler, Augenthaler.
Lieben meine kleine, meine kleine prachtmusik.
Ja, meine kleine, meine kleine prachtmusik.
Ja, prachtmusik.


HOME PLAATSNAMENOVERZICHTHOME


OPZIÉ OPZIÉ
1986: Prissentasie: Elly van Rijn en Els Basten

Refrein:
Opzié, opzié, laot mich veurbeej.
Kôm anders nog te laat.
Ze halde dao mien plaetske vreej.
Straks velt d'r nog ein gaat.
Nae, hald mich nao neet langer heej.
Ik doon allein mien plich.
Want zônder mich, ik zeg ut dich
Det is toch gén gezich


D'n optoch trek, Sjeng op zien plek.
Dao leep hae al as kind.
Met in de hand, dan hiël parmant.
Altiéd ut bördje "Ind"
Maar veurig jaor stônd Sjeng neet klaor.
Ut leep haos oét de hand.
Dao, net op tiéd , klônk al van wiéd:
"Kôm gank ens aan de kant !"

In ôs kefee kôs neemus beej.
U zoot dao stampend vol.
Maar Fien zag: "Kôm doot neet zoë stôm
En doot mich ens ein lol
Maak aop die deur, laot mich nao veur
De kaarkklup wach op mich.
Ut beer verschaalt, maar is betaald.
Ik maak mich smaal veur dich !"


HOME PLAATSNAMENOVERZICHTHOME


ÓS KEFEE
2005/2006: Tekst & muziek: Ben Verdellen
Zang: Ben Verdellen

Refrein:
La,la,la,la,la 't is al weer zoeëwièt
La,la,la,la,la, ik bin d'n teks weer kwièt
La,la,la,la,la wao kump det toch van haer?
Leet det aan mich,of leet det aan 't beer?
Leet det aan mich of leet det aan 't beer?

Maorejen ik erger mich ik kin neet ein refrein
Maar ik truuës mich met de wetenschap ik bin 't neet allein
Wie later det d'n aovend wuurt beej ós in 't kefee
Kómme d'r van die lallers steeds mier beej

Dao stónd d'r eine naeve mich dae man kwaam neet van heej
Toch zóng daen druuge alles mei beej ós in 't kefee
Ik snapte dao gen jota van hae waal en ikke neet
Maar wie ik good deej luustere klónk zien leed.


HOME PLAATSNAMENOVERZICHTHOME


ÔS PARADIES
1995: Teks: Quin Warmerdam en Jos Buskes - meziëk: Quin Warmerdam
Zang: Quin Warmerdam

Refrein:
Met vastelaovend is ôs Bleriëck wie ein paradiës.
In dezen tiëd verdeent ôs Bleriëck diek d'n iërste priës.
Heej weite minse wiej ut huurt.
Fiëste met träöters in de buurt.
Weej gaon heej door, wies-det d'n tap geslaote wuurd.

Ut is ein gegaeve, de kins heej good laeve.
In dezen tiëd.
Want det is iërlik, zoë bis-se in Bleriëck.
Dien zörg gauw kwiët.
Heej zit ik op un gooj' wei.
Iddere mins duit heej mei.
Gluif mich Bleriëck, beej dich vind ik miene dreij.

Ut is wie ein wônder, de bis hiël biezônder.
Det grièp mich aan.
Mich amuzere, door Bleriëck flanere.
Steit in mien vaan.
Idder jaor is ut ein feit.
Det ut heej kump wie ut geit.
Ut is veurbeej as Worteletruuj te börre steit.


HOME PLAATSNAMENOVERZICHTHOME


ÔZZE SJAAK
2004/2005: Tekst & muziek: Paul Lenders en Ruud Bettinger
Zang: Michel Jeurissen, Lei van Heyster, Bernie Billekens, Carolien Muller, Thea Jeurissen & Paul Lenders

Wae haet ózze Sjaak gezeen,
Hae ging net beer bestelle.
Wae haet ózze Sjaak gezeen,
En wae kin ós vertelle.
Wao is-se haer, wao is-se haer?
Hae haet de bónne en 't beer.
Wao is ózze Sjaak noow weer,
Det wiste weej zoë gaer.

As Sjaak weer beer geit haole
Dan nimp hae alien tiëd
Dae jong wilt zien verhaole
Aan alle minse kwie't
Hae moelt met dae, hae moëlt met det
Maar kump neet doenderbeej
Zoe bringk hae ós gen pilske met
En daorum rope weej

As Sjaak beer haet gekrege
Dan deurt 't weer ein oor
Veur ós zal hae neet vlege
Zoë kump det beer neet door
Hae steit ens heej, hae steit ens dao
En mak dan einen toër
Weej loupe um neet achternao
Dus zinge weej in koër


HOME PLAATSNAMENOVERZICHTHOME