HOME PLAATSNAMENOVERZICHTHOME


DOOT DAE JAS OET
Tekst: Staf Martens - muziek: Staf Martens & John Verschuuren
Zang: Staf & Sjaak

Refrein:
Doot dae jas oet en doot mer mit
stank neet te kiehke langs de kank , en sjoenkel met os mit.
Doot dae jas oet en doot mer mit
neet zoe verlaege en zoe bang, want de aovend is nog lank.
Dus laef dich oet en laot dich gaon , want ut is toch zoe gedaon
Dus nouw mer oet mit diene jas en pak mich lekker vast.

Ut waas met vastenaovend , de aovend waas nag jonk
wae gingen lekker stappen want det is toch gezonk
wae kwaemen beej un cafeeke gezellig en good vol
Dao repen alle klanten mit hiel veul leut en lol

Get later op de aovend , wae gingen richting hoes
zonge wae nag un liedje, "Os mooder is neet thoes”
En beej unne disco dao klonk toch zoe good
de deur zweide toen open ,toen klonk mit volle gooje mood


HOME PLAATSNAMENOVERZICHTHOME


DOOT DAE JAS OET
Tekst: Staf Martens - muziek: Staf Martens & John Verschuuren
Zang: Staf & Sjaak

Refrein:
Doot dae jas oet en doot mer mit
staon neet te kiehke langs de kank, en sjoenkel met os mit.
Doot dae jas oet en doot mer mit
neet zoe verlaege en zoe bang, want de aovend is nog lank.
Laef dich oet en laot dich gaon, want ut is toch zoe gedaon
Trek oet nouw diene jas en pak mich lekker vast.

Ut is nouw vastenaovend, de aovend is nag jonk
wae gaon wer lekker stappen, want det is toch gezonk
beej un klein cafeeke gezellig en good vol
Dao ropen alle minse mit hiel veul leut en lol

Get later op de aovend, gaon wae wer richting hoes
zingen dan un liedje, "Os mooder is neet thoes”
Onger in de kamer, ut is mer det gae ut wet
dao geit alwer dae jas oet,en zing mer mit os mit


HOME PLAATSNAMENOVERZICHTHOME


DOOT MET OS MIT
2002/2003: Tekst: Domo's - muziek: Hans Sieben
Zang: Domo's

Merege vreug, as de wekker wer geit,
vleeg ich oeht mien bed, want ut is wer un feit.
Dan sjmink ich mien snoeht, doon mien pekske wer aan.
Drie daage fieste, wae goan d'r tegenaan.
De joekskepel speult wer, heur deuntje det klinkt.
Dan is d'r echt niks mier woar ich nog aan dink.
De remme goan los, stoppe kan echt neet miehr.
Drei daag goan we same ens lekker te kiehr.

Refrein:
Doot met os met en gank lekker oet de bol.
Ut is gezellig en wea hebbe hiel veul lol.
D'r moog auch echt nemes heij mier blieve staon.
Dus doot mer get , strakkes is ut wer gedaon.
La,la,la,la,la ..........

Aswoensdig is 't over, bin ich echt kepot,
huur ginne meziek miehr, weit neet wat ich mot.
Dan lig ich te dreije, kan mien bed neet mier oeht.
Ich zoe ut wel wille, mer mien lief kin neet veurroet.
Dan huur ich det deuntje, 't geveul kumpt wer los.
Ich merk dan aan alles, de remme goan los.
Ich spring gauw mien bed oeht, kan alles weer aan.
Met hiel frisse mood goan ich d'r wer tegenaan.


HOME PLAATSNAMENOVERZICHTHOME


DREJ DAAG AAN DE ROL
2002/2003: Tekst & muziek: Ton Geurts
Zang: Maxlaan

Refrein:
Drej daag aan de rol, want nou werd het te dol.
Ich gooi de remmen los, alaaf, en wear eine vasteaovens slaaf.
Drej daag gans op tilt, zelfs het Beringskanaal, det trilt.
Het is wer drei daag sjarreltied, mien ei kin ich nou kwiet.

Idder jaor, dan kumt het truuk, krieg ich die kriebels wir.
Ich veul, der is get met mich loos, mien hert det geit tekier.
Dan mot ich gauw nao boete toe, de straot op met mien toet.
Da bin ich vastenaovesgek en kin de stress der oet.

Huur ich wer ein joekskapel, dan krieg ich gooie zin.
Dan speul ich alvast do-re-mi en val met blaoze in.
De ganse klup, die volgt mich, en speult mien deuntje nao.
En zien wea einmaol good op gang, zingt idderein os nao.


HOME PLAATSNAMENOVERZICHTHOME


GANS ANGES
2000/2001: Tekst & meziek: Joke Beerkens
Oethveuring: John & Henk

Refrein:
Gans de werreld, die zuut anges asse van Vasteloavend huls.
Kiehk ich efkes in dien auge en ich veul was doe dan veuls.
Doa zeen ich dan ein groeet paradies, doe brings mich duchtig van de wies.
Geis se met mich met noa de zevende hemel dae Vasteloavend het.

Dans efkes eine kier met mich allein.
De Vasteloavendstieth is heerlik, lekker idder oor beijein.
Zakke wae saame wer uns door, saame wies ut late oor.
Dans efkes eine kier met mich allein.

Huur ich die melodie, dan weit ich al,
as wae doa op danse, ut ieuwig zoe blieve zal.
Deze tiehd dae is uniek, gans vol lol en met muziek.
Huur ich zo´n melodie, weit ich ut al.

Gans de Werreld die zuut anges, en doe dinks dan wel mesjien.
Ich zoej wille det ut altiehd zoe kos zien.


HOME PLAATSNAMENOVERZICHTHOME


GISTER IS NACH NEET VURBEEJ
2001/2002 nr.1 : Tekst & meziek: Joke Beerkens
Oethveuring: John en Henk

Refrein:
Gister is beij lange noa nach lekker neet vurbeij.
Wie later, des te gekker, dus wae blieve nach get heij.
10 Keteer geleje sloog de klok al 12 oor,
mer wae goan lekker, gekker door.
Un fiest joa van jewelste, wat is doa dan nou aan mis ?
D'n thied dae vluugt ut helste as ut ech gezellig is.

Idder oor belaef ich dubbel, mich is ut noeiits te laat.
12 Oor op eine oavend, ich poets noeiit de plaat.
Alles wil ich overdoon, illek oor opneij,
zoe lekker oppe boemel, laeve in die broewereij….

Wat ich dan althied zek, det gluift mich idder drek….

Joa, de razel krieg ich in de kneen, en dink joa wat is det.
Ze hoje ut heij veur gezeen, mer ich bin d'r pas net.
Koom ich boeiite, khiek um hoeëg en doa steit de moan,
en dink bin ich vandaag pas of toch gister al gegoan…

Wat ich dan althied zek, det gluift mich idder drek….


HOME PLAATSNAMENOVERZICHTHOME


GULJE AL-AAF
2001/2002: Tekst: Ger Theeuwen - meziek : Will Willman
Oethveuring: Oad Prinse


Met oos geld is ut now has zoe wiet, dan zien wea al oos guljes kwiet.
Mer doa wurd dan gaar neet um getreurd want de euro wurd ingeveurd.
Mer de vasteloavend dea geit door en wea kiehke neet op ein oor.
Wea goan door tot midden in de nacht, al wurd op os gewacht.
En met nach get guljes in de tes kaupe wea os dan nach ein fles.
Mer ich dink det ich d'r wel aan win as ich straks de euro's pin.
Ich weit zeker det det good zal goan, asse neet aan de kant bliefs stoan.
Doot mer met en bleif doa toch neet stoan, drink oeth en loat um goan.

(4 moaten muziek)
Mer och wat is ut leave fijn, det hult os op de bein.
(4 moaten muziek)
Wat gea now hebt nimt uch nemes mier aaf.
(4 moaten muziek)
Neem ut d'r now nag efkes van, zoelang as ut nag kan.
(4 moaten muziek)
Wat gea now hebt nimt uch nemes mier aaf.

Met oos geld is ut now has zoe wiet, dan zien wea al os guljes kwiet.
Mer doa wurd dan gaar neet um getreurd want de euro wurd ingeveurd.
Mer de vasteloavend dea geit door en wea kiehke neet op ein oor.
Met un lekker pilske in de hank, zek ich de gulje dank.
Met un lekker pilske in de hank, zek ich de gulje dank.


HOME PLAATSNAMENOVERZICHTHOME


HARIE DE KANARIE
2001/2002: Tekst & meziek: Ton Geurts
Oethveuring: Kwatsch

Refrein:
Harie de kanarie, dea fluit de ganse daag dees sjoeëne melodie.
Harie hojt van bombarie, dea wilt het leefste met doon met de hermenie.
Harie zit in de penarie, dea vogel heet ein veul te groete fantasie.
Harie, jao miene kanarie, dea heet al jaore lang veul note op zien zang.
Harie, jao miene kanarie, dea is veur niks of nemes bang.

Harie ziene druim is um beroemd te weare,
hea wilt dan in de Penthouse of de Playboy staon.
Het leefste op de cover en dan zonger veare,
dan zou veur hum ein wereld ope gaon.
Hea steit in de top veertig waeke lang op ein,
en euveral waorse kums, zingt idderein.


HOME PLAATSNAMENOVERZICHTHOME


HEJ IS WAT TE DOON
2002/2003: Tekst: Andre van Maris - muziek: Peter Aquarius
Zang: Mingelmoos

Refrein:
Weem van lol en van plezeer hult, zit gebeiteld,
want hej is wat te doon.
Hej speule joekskapelle en hingt de vlag in top.
Hej is `t zoe gezellig, jao, hej kin de lol neet op.
Weem van lol en van plezeer hult, zit gebeiteld,
det guft de burger mood.
Weem van lol en van plezeer hult, zit gebeiteld.
Wea hoaje polonaise en de joeks strumt door dien blood.

Wea hoaje van `t leeve laeve, auch van de leefde en de gein.
En as wea dan de vastelaovend viere, dan huure wea bejein.
Gin sjeive auge en gin raar menere,
mer lekker oet de bol met groët en klein.

Jao, nao zo`n lange tiëd van wachte, springe wea efkes oët de bank.
Hebbe wea zoe van die lange nachte, en ginne trammelant.
Van lol en van plezeer kriegse gin klachte.
Zoe sjoenk`le wea drei dage hank in hank.


HOME PLAATSNAMENOVERZICHTHOME


HOJ MICH TOCH EFKES VAST
2000/2001: Tekst & meziek: Ton Geurts
Oethveuring: Kwatsch

Nao al die stummingmakers, doon wea ut rustig aan.
We laote os neet jage, wea doon echt niks spontaan.

Wea zien echt van die druuge, wea doon neet mier dan mot.
Van polonaise loupe zien wea echt neet kapot.

Refrein:
Hoi ... mich toch efkes vast.
Asse det duis kriegse gin spiet.
Same met dich neem ich den tied.
Hoi ... mich toch efkes vast.
Allein mit dich tot mergevreug,
en nemes dea jeug.

Wea hebbe auch gin dansje, want daovan werse meug.
Wea staon gewoen te hange, desnoets tot mergevreug.

En zeen wea eine spetter echt ein lekker stuk.
Dan zeg ich jong kom bej os en maak dich neet zoe druk.


HOME PLAATSNAMENOVERZICHTHOME


KHIEK ZE KHIEKE
2001/2002: Teks: Zoe greun as graas & F. Korsten - meziek: Frits Tilburgs & Martin Peters
Oethveuring: Zoe greun as graas

Tôssestôk:
Blauwe—Grieze,
Broene—Greune,
Sjoêne—Uigskes,
Kieeeeeke.

Oma bij os naeve, die heet mich toch un leave.
Die heet althied de gewoente um flink op te valle.
Un tatoe op d'n errem, en opa kriegt ut werrem.
Doe zuus de minse khieke en der over kalle.

Refrein:
Khiek ze khieke allemoal, mêt die uigskes in de bol.
Hej dea kleine doa veuraan, khiek mich nou es aan.

Un bruudje in de kerrik, det heij mich toch 'n werrik.
Ze heij wel eine sleip van zeker zestig meter.
Koss um allein neet huffe, en zoot doa mêt te puffe.
Mit hullep van Pastoer ging ut al stukke baeter.

De prins mit de road van illef makte de wage zellef.
Ze ware get vergète aan dae sjoêne wage.
De stoet waas al aan trikke, toen hebbe al die gekke,
de prins mit ziene vorst maar um de beurt gedrage.


HOME PLAATSNAMENOVERZICHTHOME


LA, LA, LA
2000/2001: Tekst & meziek: Jim Versteegen
Oethveuring: Oad Prinsen

As wea dan wer vur uch stoan, as wea neave-ein goan stoan,
doot dan eine goje doad , doot mit in de moat.
As wea dan wer vur uch stoan, as wea neave-ein goan stoan,
unne clown en unne prins, fiëst vur illeke mins.

Refrein:
As wea dan goan fiëste, fiëste wie de biëste.
Fiëste doon wea 3 daag lang, sloape doon wea neet te lang.
As ich dan toch sloap krieg, maak det ich get beer krieg.
Joekskepelke bloas mer raak, ut is vur un goij zaak.

As wea dan wer vur uch stoan, as wea neave- ein goan stoan.
Polonaise hank in hank , toafels aan de kank.
As wea dan wer vur uch stoan, as wea neave- ein goan stoan.
Geit ut daak der wir vanaaf, Beringe ALAAF!!!!!!!!!!!


HOME PLAATSNAMENOVERZICHTHOME


LAOT MICH MER LEKKER SJANSE
2000/2001: Tekst & meziek : Ton Geurts
Oethveuring: Maxlaan

Laot mich mer lekker sjanse, laot mich mer lekker gaon.
Ich wil mich ammuzere en blief veur nemes staon.
Laot mich mer lekker sjanse, laot mich mer lekker gaon,
want nao de vastenaovend is alles wir gedaon,
want nao de vastenaovend is alles wir gedoan.

Manne:
Ein blonde of ein zwarte, ein roeie of brunet,
det kin mich gaar niks sjille, ich ving ze allemaol net.

Meide:
Wea wille eine sjoene bink, unne echte flinke vent.
Mit minder geave wea os echt neet mier content.

Same:
Vanaovend hebbe wea twie geluk,
en zegge tege ein: doe bis ein lekker stuk.
Vanoavend blief ich doen bij dich,
en fluuster in dien oer ... ein leefdesgedich.


HOME PLAATSNAMENOVERZICHTHOME


LOAT UM GOAN
2000/2001: Tekst : F. & G. Korsten - muziek: G. Schütte
Oehtveuring: Zoe greun as graas

Refrein:
Kom mit os mit en geaf os 'n hank.
Blief neet stoan kieke doa aan de kank.
Sloet uch maar aan, wea hosse door de stroate.
Loat uch mer goan, doe kins 't toch neet loate.
Pak diene buurman umme nek.
Goat mer wat springe en doot mer gek.
Wea goan veurop en loate um now goan,
totdet wae keij kepot noa hoes toe goan.

Toen Jan nog neet allein kos kalle, woei-j hea altied de leukste zien.
Al in de boks begos hea flink te lalle, 't zoot d'er toen al in.
Hea hij ut in zien blood, en waas vol gooie mood, hea kreeg van Mam un groete fluit.
Hea vulde zich toen riehk en hae speulde toen geliehk de vol-gende- melodie:

Now's Jan al groet en auch wat wiezer, het kink zien is er now vanaaf.
Un bietje kaal en hij en doa wat griezer, mer de streek, die bleeve wel.
Mer mit dees dolle daag is hea nog effe blaag, zukt hea zien ooi-je fluit wir op.
Hea vult zich dan wir riehk, en hea spult dan wir geliehk de vol-gende melodie:


HOME PLAATSNAMENOVERZICHTHOME


DE LUCHTBALLON
2002/2003: Tekst: Frans Korsten - muziek: Wim Roeffen
Zang: Get Apart

Refrein:
Onger os zoeje we hiel gaer wille vlege,
en 't leefste nog in eine luchtballon.
Want doabove kump ze hielemaol neemus tege,
we zoeje wille det det allemoal nog us kon.
Onger de blon te zinge in 'n reete mendje,
op de muziek en op de tam-tam van 'n instrumentje.
Onger os fein achterein doabove zweven,
in polonaise van de moan tot aan de zon.

We zaten op sjool in de zevende klas,
en de lesstof die waas toch zoe duf.
We dauwde de sjrifte teruuk in de tas,
en zachte toen tegen de juf…

As we motte wirken en hebbe gein zin,
en wurd ut neet waat ut oets waas,
dan steake we allen de kup beej-ein,
en zeggen dan tegen de baas…

Al weare we oajer en kinne neet good,
en is ut hoegtied um te goan,
goan ich noar pestoer auch al is ut te voot,
en loat um dan dudelik verstoan…


HOME PLAATSNAMENOVERZICHTHOME


MET DE BEIN BOÊTE
2002/2003 nr.1 : Tekst & muziek: Joke Beerkens
Zang: Dreij Kiehr Niks

Ich zeen al van wiethaaf un file vur de deur,
mot mich ech noa binne stoête.
Mer det lukt mich neet zoe drek, want vur mich lupt unne gek,
det is auch nach unne groête.
Hou-de mich der achteraan,
en toe opens stong ich, doa met de naas veuraan….

Refrein:
Kiehk, hej hange ze met de bein wer boête.
Is ut hej vurniks mesjien ?
Geverfde köp op beslaage roête.
Idderein wilt hej nouw gaer zien.
Want hej is ut te doon vandaag.
Kont aan vot, zej aan zej,
prop mich mer gwoên derbej…

En as ich good en wel mer einmoal binne bin,
dan geit alles gwoên vanzelluf.
Ich goan lekker op en neer, zit geliek onger ut beer.
Toch wel met mien boveste helluf.
En ich dink dan nondepie.
Zoe massa-hosse, doon ich det of doon det die…

Ich sjoegel ens noa links en dan opens noa rechs,
zonger det ich der bej noadink.
Goan noa veur en auch wer truuk, doot det zoê aan ein stuk,
of mien leave der vanaaf hink.
En ut sjonste nag van al,
Ich kin neet umkiepe, det geit in gin geval…


HOME PLAATSNAMENOVERZICHTHOME


MIENEN DRUIM
2002/2003: Tekst: Ger Theeuwen - muziek: ?
Zang: Oad Prinse

Ich heb toch zoe fijn van dich gedrumd,
ich zal dich vertelle wie det kumt.
Joare lank zien wea al bejein,
och, wat is ut leave toch fijn.
Same make wea auch veul plezeer,
drinke dan un lekker gleaske beer.
Op d´n tied al weg en dan laat noa hoes,
want wea veule os hej thoes.

Refrein:
Mer eine kieër per joar, des ierlijk woar,
dan goan wea oeth oos daak, un gojje zaak.
Det makt ut leave sjoeën, des hiel gewoeën.
Doot mer good met, want det is toch zoe sjoeën.

Ich heb toch zoe fijn van dich gedrumd,
ich zal dich vertelle wie det kumt.
Langsaamaan vergeit toch dun tied,
mer wea zien oos streke nach neet kwiet.
Vasteloavond hoaje duit os good,
want det zit os toch in ut blood.
Doa goan wea met door zoe lang as ut geit,
want det is ut sjonste wat besteit.


HOME PLAATSNAMENOVERZICHTHOME


OOS KUUZINNEKUS
2001/2002: Teks: Sjaak Kersten/Staf Martens - meziek: John Verschuuren
Oethveuring: Bèr en Tinus

In ut begin van de aovend is idderein dao,
kieken Kuuzen en Kuuskes zich overal nao.
Bin ich get veur dich of bes dich get veur mich,
kumt det door dich of likt det aan mich ?
As wae dan gaon danse tot laat in de nacht,
de uigkes gaon foenkelen, weem heej det verwach.
Wat is d'r gebeurd of wat heb ich gedaon ?
Ut kan toch niks gaeve en laot um mer gaon.

Refrein:
Oos Kuuzinnekus, die zingen met mich,
euveral, dus auch met dich.
Minse, laot os samen lol en stumming maken.
Roed, waere de wengkes van geluk en van plezeer.
Dus minse, laot os saeme lol en stumming maken.
Wae drinken beer en idderein lacht.
As Kuus en Kuuskes dansen wea de ganse nacht.

Wae gaon dansen en schansen mit Lies,Truu en Nel.
Det sien Kuuskes van vreuger, det wetse nag wel.
Die Lies waas van Doris en Truu waas van Sjang,
Nel waas d'r ein, van Seeje Petran.
Met vastenaovend sien wae allemaol toch geliek.
Op ut ing gaon wae saeme nao hoes door de sliek.
Effe slaope, wat rusten beej Tante Katrijn,
mer nouw zinge wae nag ins ut refrein.


HOME PLAATSNAMENOVERZICHTHOME


OOS MANNE VAN PLEZEER
2002/2003: Tekst & muziek: Peter Aquarius
Zang: Halluf illuf

Door lol en flauwekul geteikent in't gezich.
Dao zien d'r die zien zwaor, en anger zien wer lich.
Mer idder joar opneij, dan zien ze d'r wer beij.
Tralalalala, altiehd un got humeur.
Tralalalala, det guft ut laeve kleur.

Refrein:
Ze zien d'r idder joar wer beij, oos manne van plezeer.
Gezellig met die mutse op, det gaajt os kier op kier.
Hiel gruts goan ze altiehd veurop, en wae d'r achteraan.
Woe det wae aug noa binnegoan, doa kriege wae ruum baan.
Loat ozze polonaise door en sloeht mer achteraan.

Ut borrelt in os blood, wae zien hiel fannatiek.
Oos manne van plezeer, die vinge det kei-sjiek.
Zoe geit det idder joar, dan staon wae veur ze kloar.
Tralalalala, dit zien de sjonste daag.
Tralalalala, now huurs-se gin geklaag.

Now kiehk ze doa ens stoan met vaere oppe muts.
Medalies umme nek, wat zien ze toch wer gruts.
De prins en aug de vorst, die hebbe goje dorst.
Tralalalala, spring met os in de reij.
Tralalalala, du wurs vanzelluf bleij.


HOME PLAATSNAMENOVERZICHTHOME


OZZE JOEP
2002/2003: Tekst & muziek: Staf martens
Zang: Staf & Sjaak

Refrein:
Ozze Joep, dae heet de auto in de soep.
Hoe heet det nouw kunne doon ?
Ozze Joep, dae heet de auto in de soep.
Nouw mot dae allus te voot doon.
Hae duit nouw allus met de beinewagen,
t'is wel mekkeluk, hoven wae um neet te dragen.
De polonaise lupt dae netjes op de stoep,
want ozze Joep, dae heet de auto in de soep.

Ut waas daags veur carnaval, hae reej toen euver straot.
Ut remke oop, de radio aan en zingen in de maot.
Un maedje links, unne wagen rechts, det kos auch neet good gaon.
Unne groete knal en unne dieke deuk, de auto nao de maon.

De hiele straot hoijt ozze Joep un bietje veur de gek.
Un dieke lip, un pleister en unne hiele stieve nek.
Mer ozze Joep blieft rustig, koel en hooijt sien good humeur.
Dae deuk d'roet, get verf erop en verder gen gezeur.

Met carnaval host ozze Joep nouw rustig in de maot.
Un glaeske beer, gezellig met det maedje van de straot.
En Joep, dae dinkt: det neumen ze noew geluk beej un ongeluk.
De auto kepot, unne stieve nek en ich un lekker stuk.


HOME PLAATSNAMENOVERZICHTHOME


OZZE RAMMELESJANG
2004/2005: Tekst & muziek: Peter Aquarius
Zang: Halluf Elluf

Burgers, en bore en auch boetelui
kom allemaol d'r beej
En minse in de grui-j
jao idderein wurd bleij
want ozze sjang duit wongere op un hiël sjoën meneer
Hae lut wir alles rammele en zurgt vur veul plezeer.

Refrein:
Wae gaon nao lings en dan wir nao rechts
mit ozze rammelesjang
Ut is absoluut altieht un succes
want idderein duit mit, mit ozze rammelesjang
Heur, die belkes dao bove rinkele
want wae, hosse danse sjoenkele
De ober dae zuut os altieht wel staon
mit ozze rammelesjang.
Zoe kome wae nurges miër druüg te staon
en fiëste lekker door mit ozze rammelesjang

Cupido sjuut allemaol zien piele raak
dao hingt wat in de loch.
Dit is un goje zaak
wae zien zoë wir verkoch.
Jao ozze sjang duit wongere as ut vastelaovundj is,
de leefde bluit dan wir volop gin pielke wurd gemist


HOME PLAATSNAMENOVERZICHTHOME


PATS - BOEM - RETTEKETET
2005/2006 nr.1 :Tekst & muziek: Staf Martens
Zang: Mannenzanggroep Bon Apart

Ellek jaor met Vastelaovend, staon wea d'r veur klaor
Un masker of un hutje of met geverfde haor.
Wae danse en wae hosse de hiele aovend lang
En drinken os un sjoeske , veur dun duvel nog neet bang

Refrein:
Pats - Boem - Retteketet, wae gaon ut maken,
Pats - Boem - Retteketet, wae gaon ut doon.
Pats - Boem - Retteketet, wae gaon um raken,
Dao kin gin mins mier get aan doon.
Wae zinge en schrieuwe ut van de daken,
Want det sien toch os eige zake
Pats - Boem - Retteketet met Bonapart
Hiel gewoen , mer toch apart

Mer nao eine daag geit de puf d'r un bietje oet
En motte wae hiel good aeten, angers gaon wae ongeroet.
Mer waer un eurke verder sien wae wir good aan de geng
En maken polonaise , mit Frans Theunisz siene Sjeng

Is ut dan Aswoendig is de Hiering aan de beurt
Dae laote wae os smaken, ginne mins dae dan nog zeurt.
En oet de sjoebox kumt un liedje, det ut is gedaon...
Zingen nog unne kier , kinne mer neet nao hoes toe gaon


HOME PLAATSNAMENOVERZICHTHOME


DE PRINSENDANS
2002/2003: Tekst & muziek: Ton Geurts
Zang: Kwatsch

Steul en taofels aan de kank, idderein geit hank in hank.
De vloer op veur dea sjoeene vlotte dans.
Loester good wat ich uch zeg, angers heb gea dalek pech.
Nou wurd begos met ozze prinsendans.

Refrein:
En van je hej ja jippie jee, idderein dea duit good mej.
Ein lange rij van links en ein lange rij van rechts.
En met ein deepe zucht, goan de hendjes in de lucht.
De achterste, dea geit der tussedoor.

Bej tante Net…… knapt ut korset.
En ome Sjeng…… verluust zien teng.

De jonges griepe nou heur kans, want alle meadjes hebbe sjans.
Det kumpt allein mer door dea prinsendans.

Opa veult zich 18 jaor, hea aait de vroulie door de haor.
Hea makt zelfs zien bretels ein bietje los.
Tante door is wel oke, mer steit op de verkierde plee.
Dus effe later is auch zee de klos.

Op het buffet…… ligt ein toepet.
Tanta Sibill…… nimt vlot de pil.

Tante Charlot…… zwit zich kapot.
Zea zukt ein ding…… det is heur string.


HOME PLAATSNAMENOVERZICHTHOME


SAEME
2000/2001: Tekst: John Smedts & Staf Martens - meziek: Staf Martens
Oethveuring : Staf en get apart

Ellek jaor mit vastelaovend, dan staon wae d'r veur klaor.
Zoe gek meeij wie un kwartje, neet te geluive, werkeluk waor.
Mer ein dink weite wae zeker, wae doon ut neet allein.
Gans Limburg duit dan met, det hult os op de bein.

Refrein:
Want wae, doon ut saeme, wae zette allus aan de kank,
schuume door ut Limburgs lank.
Want wae, doon ut saeme, det is veul sjonder as allein.

Wae zette alles oppe kop, van lampekap tot kroekestop.
Wae trekke gewoen un lange naas, en gaeve nag uns extra gaas.
Want saeme wiet mier mans, make wae ut dit jaor gans.

Un waek neet gezonge, det is mer naatje pet.
Aaf en toe veul slaop tekort, want wiet te laat nao bed.
Wae laote det neet merken, konditie wie un paerd.
Wae zinge wir un liedje, altied de meujte waerd.


HOME PLAATSNAMENOVERZICHTHOME


'T KNETTERT EN 'T RAMMELT
2007/2008 nr.1 Tekst: Tanay Croonebroek en Marij Gijsen - muziek: Emiel Sillen
Zang: v.c. de Vastenaovesgèkke

Ich zeuk al joare, nao dae waore
met dees vastenaovesdaag.
Blief mer wachte, blief mer smachte
op die vlinders in de maag.
Mer zeen ich dich dan weit ich al geliek
as ich in dien auge kiek:

Refrein:
Dan knettert ut,
dan rammelt ut
dan weit ich ut neet mier.
Ich zeuk nao miene kluts,
mien hert geit zoe te kier.
Dan knettert ut,
dan rammelt ut
det bringt mich van mien stök
Now haoj mich ff tege
ich gaon haos van de zök

Zal ich waoge, dich te vraoge
dreej daag miene prins te zien
Same danse, same sjanse
en ein muulke ouk mesjien.
As mich det lökt, joa dan bin ich zoe bleij
dan gebeurt ut wir opneij:

Mer det maak mich niks öet
want zeen ich weer dien snöet:


HOME PLAATSNAMENOVERZICHTHOME


VASTELAOVEND IN OOS KUUZELAND
2000/2001 nr.1 : Tekst & meziek: Thera Janssen
Oethveuring: De Domo's

Un jaor of wat geleeje ginge wae nog hiel wieët weg.
's Winters van de zon geniete, det is pas zalig zeg.
Mer ein dink weit ich zeker now, dan zal ich noeits mier goan,
want as ut vasteloavend is wil ich in Beringe stoan.

Refrein:
Met vasteloavend blieve wae in oos eige Kuuzeland.
Vur os beslist gin wintersport, de zon, de zieë of strand.
Wae make heej oos eige fiësta, en kriege hiel weinig siësta.
Met vasteloavend blieve wae in oos eige Kuuzeland.
en drei daag aan ein stuk springe wae dan oet de band.
Met vasteloavend is ut heej pas gaaf.
Wae blieve dus in Beringe, Alaaf.

Vekansie hoje is best fein in zon werm land.
De stress van alledaag die zet ze doa echt aan de kant.
Mer ich mot d'r neet aan dinke um zoe wieët van hoeës te zien.
Met vasteloavend bin ich bleej, det ich in Beringe bin.

Vekansie-bukskes ligge now alweer ein tiedje kloar.
Ut zuut d'r hiel sjoeën oet, joa det is allemaol wel woar.
Ze zeuke mer wat oet, ich ving ut hielemoal OK.
Mer met de vasteloavend bin ich toch ut leefste heej.


HOME PLAATSNAMENOVERZICHTHOME


VASTENAOVEND IS WAER HEEIJ
2001/2002: Tekst: Staf Martens/Sjaak Kersten - meziek: John Verschuuren
Oethveuring: Staf en get apart

Refrein:
Ein, twie, dreeij, vastenaovend is waer heeij.
Veer, vief , zes, gaef mich mer un volle fles.
Zeven, acht, negen, mot ich haen mit al die leege.
Tien, elluf, twelluf, un rundje van de raod van elluf.

As de blumkes waer gaon bleujen, en de zon die schient waer hel,
jao, dan weit ich beej mien eigen, ach schei oet, krieg kieppevel.
Vastenaovend dur waer aankumt en det makt os allemaol bleij.
Allemaol in polonaise, maak un sjoene lange reij.

Lupse achter un sjoen maedje, en de aovend is nag lank.
kinse dich dan nag mier winse, nae, ut lupt neet oet de hank.
Idderein is dan tevreeje en det makt os allemaol bleij.
Allemaol in polonaise, maak un sjoene lange reij.

Is de aovend um gevlogen, en de bein die waeren zwaor,
griepse nach un letste drenkske, zonger al teveul gevaor.
Idderein geit dan tevreeje, bietje meug en toch nag bleij,
allemaol in polonaise, gauw noa hoes un lange reij.


HOME PLAATSNAMENOVERZICHTHOME


VASTENAOVESGEKKE
2005/2006 nr.3 Tekst: Tanay Croonebroek - muziek: Emiel Sillen
Zang: v.c. de Vastenaovesgèkke

Refrein:
Wae zien egte vastenaovesgèkke
dèt zuüse drèk aan ôs.
Staon tege idderein te kwekke
zien flink oët gedôs.
In unne jas met hiele groëte roëte,
ein hudje op de kôp
mit ôs versierde snoëte
gaon wee drej daag veurop.

Wae zien euveral aanwezig en zien sjoën verkleid
al die vastenaoveleedjes zien veur ôs ein weit.
Zien we ôs aan 't amusere, we make vuül plezeer
Motte wee dèn èns vertrikke, dèn gaon wee neet zoë gaer.

Trikt de optoch door de straote, doon wae dao aan mèt
fiëste op de groëte wage dèt is toch je van het.
Wee waoje dit jaor winne, mèr krege de poedelpriës
Want ôzze bank dae klàpte wee lachte ôs de miës


HOME PLAATSNAMENOVERZICHTHOME


VIEFKE
2004/2005: Tekst & muziek: Peter Aquarius
Zang: Mingelmoos ( een deel van)

Heure naam is eigeluk Gèneviève,
un frèle Frânse, meid die hej woënt vörtaan.
Ze zag: 'Ich zoej dur veul veur wille gaeve
As gae mich Viefke numt van now aaf aan'

(Al klonk det ongewind, toch waas det gauw bekind:)

Refrein:
Ut wiêfke Viefke, geit met veul flair,
ut leefste zònger zjène door ut laeve haer.
Veert vastelaovund onbevânge
met alle jonges in un rej achter zich aan.
Ut is neet veur ein gaat te vânge,
hiël ongenaakbaar altied hiël spontaan

Idderein wilt toch zoë gaer met heur sjânse
"Nog efkus wachte", zeet ze dan iddere kieër.
Want now wilt ze zoë gaer un dênske dânse,
en alle manneherte gaon tekiër.

(Now zeu zich heet gewind, weurt ut heej hiël bekind)

Vastelaovund veere vingt ze zoë zalig,
zoë zônger zjène is ut nog ins zoë schoën.
De jonges vînge det enorm geweldig,
jao Viefke maakt det fiëst boêtegewoën

(Now idderein heur kint wurt ze hej hiël bemint)


HOME PLAATSNAMENOVERZICHTHOME


WAOR IS DET MEADJE NOU GEBLEVE ?
2001/2002: Tekst & meziek: Ton Geurts
Oethveuring: Maxlaan

Refrein:
Waor is det meadje nou gebleve, waor is det meadje nou nao toe ?
Ich zoog eur in de polonaise loupe, achter ein sjoen koe.
Waor is det meadje nou gebleve, met die sproetjes op eur wang ?
Zee waas veur mich het einde, zonne sjat zeuk ich la lang.

Ich stond mer wat te sjoenkele, toen kwaam zee noa mich toe.
Zee zei: "Ich heit Marieke, mer vertel mich wie hets doe ?"
Mer ich haaj gaar gin stum en toen dreide zee zich um.

De aovend waas al bijna um, toen ich heur weer zoog staon.
Ich reep: "Marieke, miene sjat", mer zee kos niks verstaon.
Toen winkte ze alaaf, en nou vraog ich mich steeds aaf.


HOME PLAATSNAMENOVERZICHTHOME


WAT GEIT DOA HEAN ?
2001/2002: Tekst & meziek: Roel Gerritsen
Oethveuring: Mingelmoos

Refrein:
Wat geit doa hean, wat is doa loos,
wat is doa nou toch aan de hank ?
Idderein is oppe bein.
Wat zoe der zien, wat spult zich aaf,
wat hingt doa nou toch in de loch ?
Idder vult det groet en klein. (2x)

Ich goan op stap, ich sloet de deur, en neem mien trötje mit.
Van mich hit dreej daag nemes las.
Ich goan as kloon of as pastoer, mit schmink tot achter ut oer,
en ich hoj dich uns lekker vas.
Ich proat en dans en zing mit dich, mit unne lach op mien gezich,
en maak mich um niks en nemes druk.
Verstank op nul en gekke zin en det is nog mer ut begin.
Ich koom hej vas en zeker wir uns truk.

Ich zeen de prins, ich zeen de road en huur ein joekskapel,
mit de dieke trom veurop.
Ich loat mich goan en sjoenkel mit en zit mien biste binke veur.
De zaak steit duchtig oppe kop.
Ich heb ut werm en heb ut koad, ich weit mich zelluf ginne road,
want ut is wir zoe veurbej.
Dus haal ich oam en goan ich door tot mergevreug,
en volgend joar begint ut wir opnej.


HOME PLAATSNAMENOVERZICHTHOME