HOME PLAATSNAMENOVERZICHTHOME


AL RAEGENT ’T PIEPESJTELE
2007/2008 nr.1 : Tekst & muziek: John Coenen Hoëg water-John Coenen
Zang: Die Dao

Refrein:
Al raegent ’t piepesjtele driej dage aan ein stûk
Veur zulle os neet vervaele, veur make os neet drûk
Veur laote os neet kinne, pak diene jas maar vas
Want van zo’n bietje raegen hûbbe veur toch genne las
Toeraloe Toeraloeralalala Toeraloeralalala

Veur lepe in d’n optoch, veur ware zeike naat
En tusse alle gekke zag ich taege ozze Graad
Veur gaon os noew get drinke, veur haaje neet mier op
En biej ’t ochtendglore sjtonge veur op ozze kop, ozze kop !

Veur hûbbe ’t getroffe, de buurman is de prins
Hae geuf noew dûk ‘n rundje, ’t is zone sjoëne mins
Noew raegent ’t confetti, d’n haof dae ligk al vol
Dat is van later zörreg, det intreseert os noew gen hol, maak maar vol!!!


HOME PLAATSNAMENOVERZICHTHOME


AMALIAALAAF
1977: Tekst: ? - muziek: ?


Ich hôb dich al zo lang gezoch, Amalia.
Ich hôb ut Dörp gans om gepoch, Amalia.
Ich zoch dich biej Sjaens en bie Wim en bie Har.
Ich bun ut noe meug, dit geharrewar.
Ich zeuk nach uns hiej en ich zeuk nach ens dao,
of kump se mich noe achternao ?

Refrein:
Amaliaalaaf, dien beer sjteit te versjaele.
Amaliaalaaf, en waem zal det betale ?
Amaliaalaaf, veur gaon d'r uns good taege aan.
Dae carnaval lang kump se neet van mich aaf.
Alaaf, alaaf, alaaf.
Dae carnaval lang kump se neet van mich aaf.
Alaaf, alaaf, alaaf.

Ich hôb dich neet veur nieks gezoch, Amalia.
Ich zoch dien sjter hiej in de loch, Amalia.
Veur gaon noe nao Sjeans en nao Wim en nao Har.
Veur drinke dao saame nach get aan de bar.
Veur drinke uns hiej en veur drinke uns dao,
en laupe de prins achternao.


HOME PLAATSNAMENOVERZICHTHOME

AS ICH DICH ZEEN
2004/2005 nr.2 : Tekst: Bas Pubben - muziek: Bas Geujen
Zang: FF dimme?

Refrein:
As ich dich zeen den geit mien hert zoeë wie 'n joekskepel
Det is toch vastelaovend...
De trómme en de träöte gaon den hieël erg sjnel,
Is det neet vuuëlbelaovend...
Wils doe neet same met mich joeksig zien,
Marcherend euver sjtraot...
Den blieve veur waal hieël mesjien
Toet de èllefde van de èllefde inne maot!

De ieërste kieër det ich dich zoog waas ich geliek verkoch
Dien sjoeëne sjnoet, dae leuke lach; doe waas ech wat ich zóch
Ich leep toen nao dich toe en vroog: 'Wat drinks-se noe van mich?
Óf wils-se mèt mich danse, want ich zeen waal get in dich.'

Doe zags toen: 'Kom èns hiej,
Ich wil dich aan mien ziej!'

De klok sjloog alweer twellef oer, 't fieës waar weer gedaon.
De ganse zaal dae leep toen laeg, maar doe bleefs biej mich sjtaon.
Veur zien toen weggeloupe en 'ch höb dich thoesgebrach
En biej dich veur dao zags-se toen dao in dae sjtille nach:

'Kóm dónder biej mich sjtaon,
ich laot dich noejts mieër gaon!'


HOME PLAATSNAMENOVERZICHTHOME

BACHUS-LIED
1999/2000 nr.1: Tekst & muziek: Jac Beurskens
Oetveurende 1 : Nol Wassen & de Eks Prinse
Oetveurende 2 : De Bachusclub


Refrein:
Riet dae tap noë aop, want Bachus kump d'r aan.
Gooj noë de glaze vol, veur trappe duchtig lol.
Riet dae tap noe aop, want Bachus kump d'r aan.
En veur gaon d'r taege aan.

Jao, idderein dae hiej kump, dae zuut ût al metein:
bie ôs in dit kefeeke is altied lol en gein.
As doë ût neet zuus zitte, den kom d'r efkes biej,
want Bachus is noë binne, dus op zie, op zie, op zie.

Ein fiës veur alle miense, ût is veur jonk en aad.
Ût kin ach gaar ieks gaeve, al waert ût nach zoë laat.
De kraan, dae blief noë laupe, toet midde in de nach,
want Bachus is noë binne, jao, wat haaijt geur uch den gedag.


HOME PLAATSNAMENOVERZICHTHOME

BEESEL AAN DE MAAS
Tekst: ? - muziek: ?

Beesel aan de Maas, klein dörpke en allein
Mieër bekend urn zienen draak en drakesjein,
Mit dien wit kestielke, verkleurd door windj en waer
In dich te moge laeve, is waat ich begaer

Beesel aan de Maas veur höbbe dich zo leef
Veur veulden det 't beste wie me ös verdreef,
In 't hoeëge noorden waas heimwieë ôs de baas
Want veur wôlle woeëne in 't dörpke aan de Maas

Beesel aan de Maas, dit dien kepotte kerk
Die weer'op te bouwe is oos ieërewerk,
Wen veur det bere,ike, mi t ôs eige volk
Den is det bie vraemde ôze beste tolk

Beesel aan de Maas wen ich gesjtorve bin
Op diene kerkhof wil ich den begrave zin,
Bön ich in den hemel, ich vraeg d'r ôs leven Hieër
Laot mich Beesel kieke, al is 't maar eine kieër


HOME PLAATSNAMENOVERZICHTHOME

BEESEL IS 'T SJOENSTE PLAETSKE
1989 nr.2 : Teks & muziek: Alles Behalve
Oetveurende: Alles Behalve

Veur ware uns in Sjpanje, op sjtrandj in Tenerief.
Wat veur toen drek dao zooge, haaj gaar nieks om ut lief.
Veur kreege toen nag heinwee, noa os eige Drakelandj.
Veur waare neet te haaje en zonge handj in handj.

Refrein:
Beesel is ut sjoenste plaetske, waat der op de waereld is.
Is met nieks te vergelieke, dae det ment dae is getik.
Laot os hiej toch verder laeve, langs de grens en aan de Maas,
Beesel is ut sjoenste plaetske, 't is nach net wie vreuger waas.
Beesel is ut sjoenste plaetske, 't is nach net wie vreuger waas.

Auch waare veur op vakansie lets aan in oosteriek.
Wat os dao drek toen opveel ut is dao ongeliek.
Veur sjnapde van det taaltje nach gaaroet neet de helf.
Die zagte dao sjteeds gruss got, veur zagte doot ut zelf.

Toch zien der van die miense die wille wiet van hoes.
Ze kinne os de buim in veur blieve leever thoes.
Wat Beesel dich kin beeje al is ut nach zoe klein.
Det zal se nurges vinge daorom weer dit refrein.


HOME PLAATSNAMENOVERZICHTHOME

BEESEL, MIEN BEESEL
1987 nr.1 : Teks & muziek: Frank Rous
Oetveurende: Frank en Andrea Rous

Refrein:
Beesel, mien Beesel, blief altied allein.
Genne uul en genne jocushaan, kump os aan dae sjtein.
Beesel, mien Beesel, blief altied allein.
Det blief van os det sjtukse landj, dao duujt os nemes aan de kantj.
Det blief van os det sjtukse landj, dao duujt os nemes aan de kantj.

Veur hoove in ut durp gen Vee en Dee,
de sjmeed levert dae ringk veur oppe plee.
Veur wille oet de sjtad gein friet met frikandel,
maar lever van petatte Nel.

Veur hoove gen flats toren hoog,
wao de fiets neet ens nao baove moog.
Ich hub veul lever un sjoen heuske aan de Maas,
mit rondj om ein sjtukse graas.


HOME PLAATSNAMENOVERZICHTHOME

BEESELSE DRAAK
Tekst: Piet Peeters - melodie: een Oostenrijkse mars

Refrein:
Beeselse Draak, hiej in dich zin veur gebaore.
Beeselse Draak, oos hert sleit allein veur dich.
In diene boch goan veur noe vastelaovend viere.
Ilk jaor opniej wille veur dich doa mit iere.

Beeselse Drake zin veur hiej, van groet toet klein.
Beeselse Drake door de Draak en ziene sjtein.
Veur hobbe as kindj toch al van oze Draak gelierd,
wie men in Beesel richtig vastelaovend viert.
Veur pakke os allemaol allemaol 'ns efkes biej de handj.
Door oze Draak is hiej de sjterkste vrundsjapsbandj.
Hoeg oze Draak, Hoeg oze Draak,
Hoeg oze Draak, dae geit os neet verlaore.

Veul van dien kinjer woene neet mier in de boch,
hobbe gelok zich in ein anger dorp gezoch.
Toch zin ze altied mit de vastelaovend hiej,
zin ze weer Drake mit de Drakekompenie.
Ze danse mit os den same rondjom diene sjtein,
zinge om dich te iere auch weer dit refrein.
Hoeg oze Draak, Hoeg oze Draak,
Hoeg oze Draak, dae geit os neet verloare.


HOME PLAATSNAMENOVERZICHTHOME

BLAUW, MOEI, LEUK
Tekst: ? - muziek: ?
Zang: The Holy Goats

Refrein:
Blauwe auge, moeie neus, unne leuke lach om diene mondj.
Det waar alles woar mien leefde veur dich veur stond.

Kearske, bloome, volle moan, loat os noe maar wieer goan.
En un lekker gleaske wien d'r biej, det maak mich zoe blie.
Veur twieje same in de trein, lekker same doen biejein,
door os durp en door t' bos, zoe is t' begos.

In t' streu of in t' graas, deeje of det d'r nemes waas.
Leete os den neet mier los, en de zon die sjeen op os.
De daag, dea ken neet mier kapot, ich haaj van dich 'och mien God'.
Veur twieje weare same aad, Weltruste... t' is al laat.


HOME PLAATSNAMENOVERZICHTHOME

BOEREBROELOFSPOLKA
1983: Tekst & muziek: Krakers
Zang: Krakers


Refrein:
Sjtangk toch neet te zuijele, houw ens op die kis.
Boerebroelof is toch ut sjoonste waat der is.
Kom en pak mich biej de handj, haaj dich sjtevig vas.
Dans dae polka noe mer mit, den höbbe veur waal sjpas.

Sjang en Truu vriejde al, has ein jaor of ach.
Truu wooj gaer trouwe gaon, haaj ut Sjang gezach.
Sjang waas sjoe om te gaon, nao dae pap van Truu,
want dae miens, dae waas neet mis, zagte alle luu.

Truu zag Sjang, bun neet bang, want ich wach toch al zoë lang.

Eindelik waas dae daag, van de troupartie.
Truu en Sjang haaije lol, och ze waare bliej.
Eine dans gans veur huer sjpeelde de kèpel.
Mer dae Sjang, dae waas weer sjoe, Truu det kaakde hel.

Kom noe Sjang, bun neet bang, want ich wach toch al zoë lang.

Mit de wors, in de handj, gaon veur door ut Drakelandj.


HOME PLAATSNAMENOVERZICHTHOME

BUSHALTE 3
Tekst: ? - muziek: ?
Zang: The Holy Goats

Ich sjtap de trein oet,
half oer vertroaging, moandigmorge.
De bus zal waal weg zien, lien drie missjien.
Vruug opgesjtoan, dus vertraging duit pien.
Kiekend of de lien drie d'r nog sjteit,
zeen get woarvan mien hert sjneller sjleit.
Un meadje en t' kiek lachend noar mich.
Vergeat de bus, en laup en dich.

Refrein:
En elke daag sjteit t' doar weer,
met unne lach woar de zon van geit sjiene,
Op welke bus zal t' wachte ?
Elke daag half 10 in bushalte drie.

Vandaag is euversjtappe neet erg.
Ich ren van oet de trein noar de busse.
Effe vief minute aug in aug sjoan,
veurdet we os eige weag goan,
En auch al zegge we noeit nieks teagen ein,
we voele zeker t' zelfde van binne.
Altied gelukkig om half 10 halte 3.
Doe altied al doar en ich duuj mich d'r biej,

Ich vroag mich hongerd dinger aaf:
Heat t' unne vrundj of wat is ziene naam?
Ich zal t' noeit te weite komme.
Noar elkaar kieke is veur mich al gennog.
Of toch maar ens proate, unnen oavend oet?
Zal det get weare of zease geliek nea?
Ich durf toch neet te vroage,
Missjien busse d'r den neet mier morge.

Noar drie weake mien hertje gebroake.
De halte is kapot, roete in sjerve op de grondj.
En tussse t' glaas ving ich un sjtuk van dien hoar.
Zelfs unne poster lup hiej in Eindhove nog gevoar!


HOME PLAATSNAMENOVERZICHTHOME

DE BUUJ
2005/2006 nr.1: Tekst: ? - muziek: ?
Zang: Betty en Marcel

Refrein:
Jao, ich zeen de buuj al hange
Mer gèn wölkske aan de lóch
D'r vèlt mit mich nieks aan te vange,
Vastelaoveszon genóg!
Raegen en sjtorm, veur kènne ze de baas,
Veur zitte in ein gooje buuj,
Kóm höf mit ós 't glaas!

Sjmorges as ich wakker waer, den weit ich 't geliek
't Zunke is nag hiël wiët weg as ich nao boeëte kiek
Den drej ich mich weer óm en zeen dien gezich
't Klaort geliek weer op as doe zaes taege mich:

Mit dees vastelaovesdaag, den bun ich wie 't waer,
Sjmorges nag get mistig zich, wo mot det mit mich haer
Mer later oppe daag, den trèk de lóch weer biej
De hemel vol meziek, en alles zingk opniej!


HOME PLAATSNAMENOVERZICHTHOME

DAE BIE BA BOE BA RIE BA
1989 nr.1 : Tekst & muziek: De Tennisclub
Zang: De Tennisclub


Ich gaon mit mien vakansie nao Majorka, det eilandj van de palm en zonnesjien,
want hie krieg ich dae bie ba boe ba ri ba, want de zon die haet hiej genne tied.
Ich wilde zon en sjtrandj op det Majorka, geniete van de sjerrie en de wien,
danse mit zon Manuela, oet det zonnige Espanja, op 't terras en in de maonesjien.
Mit zien tante Magdalena, sjpringe veur dae tarantella, o jee, det waer ich neet mier kwiet.

Refrein:
O jee, dae bi ba boe ba ri ba.
O jee, ich höb dae Sjpaanse krieba.
O jee, dae bi ba boe ba ri ba.
O jee, det wil ich neet mier kwiet.

Mit vastelaovendj is in mien Majorka, den höb ich hie de allermeiste sjpas.
Al krieg ich hie dae bi ba boe ba ri ba, vastelaovendj dao haaj ich aan vas.
Ich hoof hie gaar gen zonnig sjtrandj Majorka, en krieg op tied auch hie mien glaeske wien.
Sjnap mich ein verkleide Truja, dans mit die de tarantella, en ich zeg doe sjpaanse zonnesjien.
Kom doe bus mien Manuela, oet det verre Espanjola, alaaf, ich wil dich neet mier kwiet.


HOME PLAATSNAMENOVERZICHTHOME

DANS 'NS MIT MICH
1986 nr.1 : Teks: ? - meziek: ?
Oetveurende: Bert Simons


Refrein:
Dans ens mit mich, doe dao mit det leef gezich.
Doe dao mit die leeve sjnoet, noe maak toch ens veuroet.
Dans ens mit mich, doe dao mit det leef gezich.
Doe dao mit die leeve sjnoet, noe laef dich toch ens oet.

Ich zoog dich in de danszaal sjtaon, jao, doe waas gans allein.
Ich zag: "Kom doe ens mit mich mit, want danse is zoe fein".

Al busse aad of busse jongk of net der tusse in,
want dansse ken toch idderein, dus kom op en begin.


HOME PLAATSNAMENOVERZICHTHOME

DANSE
Tekst: ? - muziek: ?
Zang: The Holy Goats

Geluif in de gedachte van de toekoms,
neet sjtilsjtoan biej t' gebeure van toen,
Leaf zoe wie de maon om os heandreijt,
en vleeg mei met de windj wie d'r weit,

Refrein:
Danse in t' leeg van dien gedachte,
danse in t' leeg van dien besjtoan.
Blief hiej neet dien ganse leave wachte,
dans mer t' leeg oet de zon...

t' Is neet altied goud wat d'r blink.
Auch unne vis verzuup asse tevuul drink.
De eine kier veulse dich kaafrot,
en de angere kier sjuut t' dich met sjtroalkes oet de vot.

Auch al zit t' soms waal ens wat teage,
kruupse door t' auch vanne noald.
Aan angere heat t' duk toch neet geleage.
Kiek mich, auch ich hub t' gehoald.


HOME PLAATSNAMENOVERZICHTHOME

DET GEIT NEET
1987 nr.2 : Teks & muziek: De Heynies
Oetveurende: De Heynies

Wie se vreuger nag klein waas en doe keeks in ut rondj,
jao, doe wis al van alles en dao maaksde ut bondj.
Doe liersde al zinne van boete,
bedoeld veur die gans kleine poete.

Refrein:
Det geit neet, det geit neet.
Och, waat is ut toch get, och, waat is ut toch get.
Det geit neet, det geit neet.
Och waat is ut, waat is ut toch get.
Dao maaks in dien laeve duk sjtukke,
dao kin einmaol neet alles lukke.
Det geit neet, det geit neet.
Jao, det is ut, det is ut maar net.

Bus se later op laeftied en doe veuls dich nag fit,
kiek, doe wils nag van alles, mer ut velt neet mier mit.
Doe kins det refrein nag van boete,
bedoeld veur die aajere poete.


HOME PLAATSNAMENOVERZICHTHOME


DOE BUS LELIK
2006/2007 nr.2: Tekst: ? - muziek: ?
Zang: APK

Refrein:
Doe bus lelik
esse zaat bus
esse zaat bus
Lelik as de nach.
esse zaat bus
esse zaat bus
En idderein dea lach.

Kom maar lekker binnen miens.
Good des doe der bus.
Want doe bus de lelikste,
bun neet ongerus.
Ze zegge drank maak leilik.
Det is auch waal te zeen.
veur lilik zin kries doe
ech ein dikke 10 !

Miens wat bus doe lelik.
Miens wat busse zaat.
Wies doe zo sjeal kins kieke
Nach gekker as ein raad
Ze zegge drank maak lelik,
det is auch waal te zeen,
veur lelik zin kries doe
ech ein dieke 10 !!!


HOME PLAATSNAMENOVERZICHTHOME

DOE PAS IN MIEN SJTRAOTJE
2006/2007 nr.3: Tekst: ? - muziek: ?
Zang: Betty, Marcel en de res

Refrein:
Doe pas in mien sjtraötje, en ich in det van dich.
Juus precies mien maötje en ein aeve bliej gezich.
Zoveul jaor geleeje, toen wis ich ’t geliëk.
De waeg kwiët in mien eige sjtraot, as ich mer nao dich kiek
De waeg kwiët in mien eige sjtraot as ich mer nao dich kiek.

Wao ich auch nao binne kwaam, ich kòs ’t d’r van boete.
Krûkke aan de bar, en ein blumke veur de roëte.
Toen ging de deur dao aop: God’s zaegen, miene haop!!

Noë veur same binne zin, kènne veur òs gans van boete.
’n Taofel en get sjteul, en de ganse hut vol poëte/en ein blumke veur de roëte.
Soms geit die deur weer aop: God’s zaegen, miene haop!!


HOME PLAATSNAMENOVERZICHTHOME

DOON DET NÓG ENS
2004/2005:" Tekst: Wiel Hermans - muziek: Wim Roeffen
Zang: Die Dao

Leve sjat van mich ich waor op sjlaag verlaore
Nao daen iërste kiër d'es doe mich hès gekös
Gans in vuur en vlam zien veur verleef gewaore
Doe bös sjöld det 't gedaon is met mien rös
Doon waas doe deejs nog doezendj kiër
Want oh la la det sjmak nao miër.

Refrein:
Doon det nóg ens, jao doon det nóg ens
En den neet eine kiër maar hiël dök achterein
Doon det nóg ens, jao doon det nóg ens
Zoë wie de letste kiër want det waor toch zoë fein
Ich dörf 't dich haos neet te vraoge
Maar was doe duis maak mich zoë bliej
Ich wil zoëgaer ein kenske waoge
En daorum roop ich sjteeds opniej, opniej en kiër op kiër opniej
Doon det nóg ens, jao doon det nóg ens
En den neet eine kiër maar doezendj kier opniej.

Höb ich jeuk op miene rök den is det lieje
Want ich kôm dao met mien hendjes net neet biej
Den bös doe hiel biej de handj met alle twièje
En ich greuzel miene sjat kôm doënerbiej
Den gaon ich zinge van gelök
Doe krats mich zalig op de rök.


HOME PLAATSNAMENOVERZICHTHOME

DRAAK BLIEF IN DIENE BOCH
1984: Tekst: Piet Peeters – muziek: Emile Rutten
Zang: Aad prinse kompanie (APK)

  Refrein:
Draak blief in diene bôch,
Doe haes 't altied good gedaon.
Draak blief in diene bôch,
en laot um duchtig gaon.
Mit vastelaovend kriesse ôze draak neet klein.
Hae reurt den ziene bôch ins richtig ôngerein.
Draak blief in diene bôch,
dao vingse lol genôg.

Drieëndertig jaor is noe de vastelaovend aad
Veur zônge van laot gaon haaj aan en auch van sjterre-zaat
Sjtank dao neet te zuijele mer hou ins op die kis
Of haes doe noe Jan Doedel weer ins langs de pot gepis
Van Koesekal en Viva krege veur auch neet genôg
Mer dit jaor zingk bie de Moder Maas opniej de ganse bôch.

Veur zônge auch van kastelein en Sjeng ziene kerboet
Veur wiegelde en waggelde en kusde op die toet
Rammel op det iezer och noe pas toch ins op mich
Men krieg nag eine vogel van dae koekerel van dich
Van sjienkela en moder kriege veur auch neet genôg
Mer dit jaor hie bie Moder Maas zingk weer de ganse bôch.


HOME PLAATSNAMENOVERZICHTHOME

DRAKESJTEIN MIT EIN KEUGELKE
1982: Tekst: Piet Peeters - muziek: Albert Simons

Refrein:
Drakesjtein mit ein keugelke.
Wuilusse haaje ein veugelke.
Make veur noe alle miense sjoe
Det zônge veur toen, ich, dich en doe.
Veur zônge Drakesjtein mit ein keugelke.
Wuilusse haaje ein veugelke.
Make veur noe alle miense sjoe.
Det zônge veur toen, ich, dich en doe.

Ich wol gaer zinge wie mien moder zông,
liedjes van ein hiel aaje wies.
Wie die det zông, waas ich nag eine jông.
Ich kin de weurd neet mier zoe gans presies.
Veur zônge...

Heurse noe liedjes op de radiejo,
hollands gemeek, ingels gekwaak.
Den dreij ich lever mer dae knoep weer om,
zing den ein liedje waat hiej is gemaak.
Veur zônge...


HOME PLAATSNAMENOVERZICHTHOME

DRÛK, DRÛK, DRÛK
1994 nr.2: Tekst: ? - muziek: ?
Zang: De Sjavers

Refrein:
't Yuppepak veur dees daag in de kas,
trek noe det pekske aan wat ech bie dich pas.
Telefoon, fax, agenda aan de kantj,
Auch al geit 't economisch op en neer,
Ozze sjtummingsmaeter sjteig al weer, want
aan carnaval zien veur hielemaol versjlaaf,
goei (goei) alle (alle) druk van dich aaf.

Waat hub ich 't toch druk, wat hub ich 't toch druk, ich mot weer......

Opsjtaon, wasse, aandoon, aete, krant bie 't ontbijt,
tas inpakke, jas aandoon, kus bie de deur.
Auto sjtarte, file sjtaon, parkeerplaats al vol.
De daag begin mit stress aan de bol.
Ich mot weer......

Faxe, belle, pos doornimme, alles gepland,
facture make, grei besjtelle, alles laat.
Planne make, notulere, daag weer veurbie,
en morge begint alles weer opniej.
Dus geit......

Kaoke, poetse, sjtoffe, zuige, kinjer nao bed,
tennis, hockey, sguashe, kaarte, in de kantien.
Cursus volge, pilske pakke, blooddruk neet good.
De carnaval, dae guf mich nieje mood.
Dus ich mot......

Danse, hosse, drinke, sjanse, fietse op sjtraot.
Bontje Aovend, prinsereceptie, altied erg druk.
Optoch kieke, boere trouwe, laeve in 't cafe.
Nao dees daag veul ich mich altied weer oke.
Dus geit.....


HOME PLAATSNAMENOVERZICHTHOME

DURF TE LAEVE
1986 nr.2 : Tekst & muziek: Frank Rous

Eine opa van has hongerdj jaor, dae zag: "Noe heyr uns good.
Dae tied dae geit zo vlot veurbie, dus weit god waat geur doot.
De daag die komme ein veur ein, det blief altied besjaon.
Dus loester noe nao miene raod, en laot um duchtig gaon."

Refrein:
Want geur kent mich belaove, as dae van hie baove,
dich haole kump jao, den is alles hie veurbie.
Dus neet prakezere, dich good amusere.
Veur hubbe nach de kans, want noe zin veur nach hie.
Dus neet prakezere, dich good amusere.
Veur hubbe nach de kans, want noe zin veur nach hie.

Ein junkske zag ens: "Loester pap, is oetgaon ech zoe sjoon.
Moog ich as ich ens grotter bûn, dan auch al mit gaon doon."
Toen zag dae pap al: "Zeker jong, zoe veul as doe maar kins.
Doe dinks mer, net as diene pap, veur laeve toch maar ens."


HOME PLAATSNAMENOVERZICHTHOME

ES ICH EIN INGEL WAAS
1988 nr.2. : Teks & muziek: Massief '81
Oetveurende: Massief '81

Refrein:
Es ich eine Ingel waas, en ich kos vlege door de loch,
vloog ich mit de carnaval, rechstreeks nao dae Drakeboch.
Dao mit al die gekke drake, kins se vastelaovendj make.
Es ich eine Ingel waas, vloog ich nao Beesel aan de Maas.
Den mos alles wieke, ich ging nao Beesel kieke, es ich eine Ingel waas.

Unne miens, dae zag ens taege mich: ich bun geimigreed,
mer vastelaovendj viere bun ich nach neet verleerd.
Want altied mit dae carnaval en idder jaor op nie,
den dingk ich weer aan Beesel truk en zing dees melodie.

Ich dink waal uns mit carnaval, verbeeld dich, doe mos weg.
Doe zoos die drie daag misse, zeg, den haaj se deudelik pech.
Mer wo ich ach zou zitte den, al waas det nach zoe wied,
ich veulde mich mit Beesel ein en zonge toch altied.


HOME PLAATSNAMENOVERZICHTHOME

'T FIETSELEMPKE
1996 nr.1 : Teks & meziek: Frank Rous
Oetveurende: Frank & Andrea Rous

Eine kier per waek, den is dae Sjengske aan de beurt.
Den geit d'r nao de joekskapel, wie det noe einmaol heurt.
Dao drink d'r ein paar pilskes, zoë maar veur de lol.
Maar later op de aovendj, den geit d'r oet de bol.
En den, den kump de wiets, nao hoes toe op de fiets.

Refrein:
't Fietselempke geit van rechs nao links.
Det kriegs se Sjeng, omdet se drinks.
Sjots en sjeif euver sjtraot,
mer aeve good nach in de maot.
Jao, geur hub 't al zeker in de gate,
't weurd weer eine late.

Net zo wie de joeks, zo haet d'r auch de harmonie.
Hae bluus dao de trompet en zit oppe ierste rie.
Maar nao de pauze, den begint al al zien geklaats.
Hae druimt den van det pilske mit zien witte kraag.
En den den kump de wiets, nao hoes toe op de fiets.

's Aoves in kafeeke, den is Sjengske op zien bes.
Hae geuf aan vraemde vruikes auch al noteles.
Mit ein kindj as schrebkes lup ut waal ens oet de handj.
Op ens den sjteit zien vrouw dao, mit de deksel aan de kantj.
En den den kump de wiets, nao hoes toe op de fiets.


HOME PLAATSNAMENOVERZICHTHOME

EINE GEMIDDELDE BEESELSE
Tekst: ? - muziek: ?

Refrein:
Eine gemiddelde Beeselse, werk volges 't A-B-C.
Biej de gemiddelde Beeselse, St.-Joris of Loré.
Eine gemiddelde Beeselse, det is eine sjoene miens.
Eine gemiddelde Beeselse, 'ne Beeselse, 'ne Beeselse.
Eine gemiddelde Beeselse, van Simons of van Criens.

In 't niejste telefoonbook, tösse al de anger miense,
sjtaon veer-en-twintig 'Simonse' en twintig echte 'Criense'.
Ze make zich, wie idderein, allein om Beesel diek.
Ze sjeete, zinge, sjporte, en ze make get meziek.

Gewuun, gezondj, in Beesel zien, miër hoof t'r neet te hûbbe.
Hae veult zich riek, al haet t'r genne cent miër op de röbbe.
Hae helt van ziene draak, en van zien keremieke faas.
Hae is tevreje, in zien dörp; in 'Beesel aan de Maas!'


HOME PLAATSNAMENOVERZICHTHOME


GISTERAOVEND
2011/2012 nr.1 : Tekst: Rob Selen - muziek: Hub Boesten
Zang: Waat ein Gelök

Gisteraovend hubbe veur ózze sjat nao hoes gebracht,
deeje veur det mit veul plezeer.
Gebeurde der get angers den veur haaje verwacht,
haaj op det moment de juuste sfeer.
Maar veur hubbe der toen neet biej naogedach….
Waat noe weer waerd gezach.

Refrein:
’T is gisteraovend oet de handj geloupe,
toch hubbe veur ós good geamuzeerd.
Wie motte veur dit noe weer gaon verkoupe,
waat hubbe veur ós waal gepermitteerd.

We zoude toch mer hiel efkes gaon,
toch koste veur die letste, neet mieër laote staon.

Gisteraovend dae waar geslaag,
’t waas weer eine super sjoene, boetegewuune sjieke daag.

Gisteraovend zaoge veur de paparazzifotograaf,
laog dae dao weer in de tuin te gluure.
Raepe mit zien alle toen hiel hel alaaf,
det menke leet zich door ós neet verstuure.
Maar veur hubbe der toen neet biej naogedach….
Waat noe weer waerd gezach.

Gisteraovend zaote veur oug biej de zaate-hermenie,
Laepe same mit diej euver straot.
Speelde dao biej ós allerbeste partie,
waal ein bietje vals en oet de maot.
Maar veur hubbe der toen neet biej naogedach….
Waat noe weer waerd gezach.

Geneet van elke aovend, geneet van elk moment.
En laot de miense zegge…. waat zien die toch verwent!!!


HOME PLAATSNAMENOVERZICHTHOME

HEIJ SJNUUPKE
2003/2004 nr.1 : Tekst: Herman Bekx - muziek: Jacques Everaets
Zang: Duo Nachvors, Marcel Claessen & Betty Bergs


Refrein:
Heij sjnuupke, wabbel de wuupke,
Lekker póngel van mich,
Heij sjnuukpke, wabbel de wuupke,
Ich haaj zoëväöl van dich,
Ich bön zoë verleef, kom hiej estebleef...
Heij sjnuupke, wabbel de wuupke
Ich höb dich toch zoë leef.

Meist bön ich get verlaege, en haaj mich hiël keduuk.
Mèr toen kwaam ich dich taege, dao haaj ich neet van truuk.
Dus zach ich taege dich, mèt ein lachend gezich...

Soms kan ut toch gek loupe, det haaj ich noëts gedach.
Laot ós d'r eine koupe, det höb ich toe gezach.
Veur kreege gooie zin, want dit waas oos begin...


HOME PLAATSNAMENOVERZICHTHOME

ICH HÛB EINE VOGEL
1982: Tekst & muziek: Pierre Linssen

Refrein:
Ich hûb eine vogel, en doe bûs mien veugelke.
Ich hûb eine vogel, en dae vluugt wie ein keugelke.
Veur vlege noe van hot nao haar.
Veur vlege door, al vinj se det raar.
Ich hûb eine vogel, en doe bûs mien veugelke.

Mien leef hûbberie, det is vlegerie.
Mit dich zoej ich waal wille vlege.
Ein driedaags retoer, en lol idder oer,
toet det veur ze same zeen vlege.

Veur laote um gaon, veur laote nieks sjtaon,
veur blieve ôs sjtieds amuzere.
Veur vlege weer oet, zaal in zaal oet.
Geur môt det mer gauw gaon probere.


HOME PLAATSNAMENOVERZICHTHOME

ICH VEUL 'T VAN BÈNNE
2001: Teks & meziek: Koos Snijders & Jo Deusings
Oetveurende (*): Die Dao (Jan & Marly Cruysberg)

Refrein:
Ich veul 't van bènne, mien hart zungk alwéér,
ich mót eerlik bekènne, 't danst op en neer.
Onaafgebraoke, wie 'n roaje draod,
lups doe door mien laeve, zèts de toon, sjleis de maot.

Es ich ènne daag neet biej dich bèn gewaes,
veul ich mich belabberd, gaef bienao de geis.
In mien hart, hiej van bènne, van sjmörges pès sjnachs,
zits-tich, hiej-biej dich, bèn-ich groatgebrach.

Gelaen-Gelaen, doe höbs 't ummer al gehad.
Dat veul ich van bènne, mien Waereldsjtad.
Gelaen-Gelaen, doe höbs 't ummer al gehad.
Ich blief van dich zènge, mien Waereldsjtad.

Doe en ich, veer heure biejein.
Maak tich gein zörg, veer gaon noojts oeterein.
Wat auch gebeurt, doe en ich hauwte paol.
Allebei eigewies, mit ènne veurkop van sjtaol.

* cd-single 2001 : Die Dao - " Veur hange de vlag oet " - Pebble Music


HOME PLAATSNAMENOVERZICHTHOME

JAN-DOEDEL, JAN-DOMME
1980: Tekst: Piet Peeters - muziek: Emile Rutten
Zang: Piet Peeters, Ton Simons, Jos Ambaum, Jan Ottenheim, Piet Ottenheim, Frank Rous

Refrein:
Jan-Doedel, Jan-Domme, det moog toch pot-domme.
Det geuf toch nieks veur eine kier.
Ût is toch verdorie neet allemaol glorie.
Veur zin toch neet ôs leve Hiër.
Men kan zich vergisse, langs ût pûtje pisse,
Mer ût deej ôs toch waal veul plezeer. (2x)

Veur ware bienao allebei aan ût zesde gebod bezjweke.
Veur haaje sjtiekum achterom nao ein nette non gekeke.
Det moge veur neet van de paus, dae zag det kump uch duur.
Geur laef drop los veur saus en braus, geur komt in ût vagevuur.

Veur ware auch ins op bezeuk biej ôs kolegaas trappiste.
Die deje ôs dao in det glaas veul mier den veur wiste.
Dae kop van ôs, dae boetsde toen, jao, wie ein autobaan.
As ôze groete baas det huurt, dae sjup ôs oet de laan.


HOME PLAATSNAMENOVERZICHTHOME

JAO DAE IS GOOD!
2004/2005 nr.1 : Tekst: H. Bekx - muziek: J. Everaerts
Zang: Marcel en Betty

Refrein:
Jao dae is good
Dae haoje wae d'r in
Want sapperloët
Daovan kriegsse gooie zin
Jao dae is good
Dae is gewoën te gek
Wat ich dich zek
Aan lol heej gen gebrek

Tjeu dae kint athied wal ein good möpke
Hae haet d'r hiel vuul zoemaar in zien köpke
As hae weer ens eine mop vertelt
Dan is d'r neemes dae ut nog helt

Met dees daag dan gaon wae lekker stappe
Neet allein mer piskes laote tappe
Nae wae tappe oeht ein anger vaat
Gooj möp van mier dan achttien karaat

Lache is gezond det kint gae weite
Wae doon det ech vuul leever nog dan zweite
Steed weer elke daag det duit zoe good
En wae neet rieje kin mot te voot


HOME PLAATSNAMENOVERZICHTHOME

DE JOEKSKAPEL
2000 nr.2 : Teks & meziek: Frank Suntjens
Oetveurende: De maedjes van de raod en de kapel


Baer, dae sjpeelt de saxofoon, verkleid zich idder jaor als cloon.
Toos, det bluus op klarinet, en haet oppe kop ein gekke pet.
Sjra, dae hauwt de dikke trom, haet ein rood, gael, greun sjaelke om.
Herm, dae troot op zien trompet, nimt altied un rolke sjlingerkes met.

Refrein:
Alle miense sjoenkele en zinge mit,
as d'r urges in't cafe ein joekskapelke zit.
Want ze sjaon den mit z'n alle in un heukske,
sjpaele de muziek oet huer vastelaovens beukske.
De leukste nummers oet 't repertoire,
klinke aaf en toe mesjien ein hiel klein bietje raar.
Maar det maak nieks oetwant idderein duit mit,
as d'r urges ein joekskapelke zit.

Jan, dae sjuuf op zien trombaon, en luut zich auch weer dit jaor gaon.
Truus, det sjpeelt al jaore bas, en 't sjteit dao in ziene bontje jas.
An, det troot op bestuba, blues van do do re mi fa fa.
Jeu, dae hauwt de deksels weer, en laat op de aovendj luk ut neet meer.


HOME PLAATSNAMENOVERZICHTHOME

JOES MAAG 'T WEITE
1986 nr.4 : Tekst: ? - muziek: ?

Refrein:
Woe Aberam de mosterd haolt, Joes maag ut weite.
Det Job op de mêshaop zoot, det moog toch waal zoe heite.
Det veur mit de Carnaval de piep aan Merte gaeve,
mit ein sjneltreinvaart in 't vastelaovends laeve.

Ich ken ein hiel bezonger emes, jao, en Joes is ziene naam.
Geur kent um alles vraoge, zelfs zoe langk as eine vaam.
Hae is gaar neet knap, haet gen figuur, mer det duut ter neet toe.
Hae is waal hiel good bie, jao, en det is noe net de kloe.

En kumpse bie um met probleme, jao, den wet der altied raod.
Den treus dich en sjteit dich bie, in waord en auch in daod.
Hae begint den get te praeke en den zaet der toet besjloet:
"Geur wilt ut zelf weite, dus geur zeuk ut zel mer oet."


HOME PLAATSNAMENOVERZICHTHOME

KASTELEIN
1976/1977: Tekst: Jos Hendriks - muziek: Frits Schoeren
Zang: Coen Schoeren

Refrein:
Kastelein, kastelein, laot dae kraan mer loupe,
want ich wil der hiej, bès nach eine koupe.
Kastelein, kastelein, dood hiej noch ens get,
want doe wets hiel good, veur goan nach neet nao bet.

Noe laot ich um ens gaon, toet ich neet mier op mien bein ken staon.
Mien vrouw zag: Maak et neet te laat, angers wuurse mich toch weer zaat.
Ich trek mich dao nieks van aan en zing den hiel sjtil aan.

Ich haaj eine taksie gebeld, dae koste mich mien letste geld.
Et waas taege middernach, wie dae mich nao hoes toe brach.
Ich weit d'r nieks mier van, mer zing as et efkes kan.


HOME PLAATSNAMENOVERZICHTHOME

KOEKERELLE
1978: Tekst: ? - muziek: ?

Refrein:
Koekerelle, berge muuske, reipe met ein fietseraad,
touwke sjpringe, sjtelte laupe, soms den veels se op dien gaat.
Perkske sjtaeke, poetje kulse, sjeete mit de kattepult.
As se dich dao goot mit raakde, jong, den kreegs se zonne bult.

Hôb geur biej meister Thiesse in de klas noch oeitj gezaete,
en zit geur uche jonge tied nach gaar oet neet vergaete ?
Môs geur van Zuster Allewies gaon baeje op de gangk,
den vaele g'uche vrieje tied, van toen noch gaar neet langk.
Veur deeje toen hiel fit, dees aaje spelkes mit.

De jeug van noe, die geit zich in ein discotheek vermaake,
de djoekboksjteit geweit wie hel ut ken allein maar kaake.
Dao kriegs se dauve oëre van en blaore aan dae kop.
Dus pak uch eine koekerel, zuuk de natuur uns op.
Doot as geur dao den zit, dees aaje spelkes mit.


HOME PLAATSNAMENOVERZICHTHOME

KOESEKAL
1981: Tekst & muziek: Jan & Frans Geerlings
Zang: Jan, Frans, Mieke Geerlings, Annie v/d Beucken, Har Spee, Albert, Claar & Trees Simons, Han Hensen, Toos Crins, Lenie Joosten & Til Schreurs


Refrein:
Doe bus mollig en lekker vet, as ich dich zeen, den zing ich det.
Doe, joa, doe bus ein lekker sjtûk, knr., knr., verkesgeluk!

Veur waerde iers geboare en drek gewoag,
en ote mit ôs moder mit aan de traog.
Veur ware toch mit ellef, mer det wis geur al,
en ôngerein, dao deje veur, de koesekal.

Ins in 't jaor den maak ein verein 't bôntj,
ze goan den mit ein verke 't dûrpke rônjd.
De korfbalclub, die koos toen det lekker sjtûk van mich,
en wiej ich ging, toen zônge, die anger teage mich,

Ich bûn 'ns nao 't kiene mit hear gegaon,
en ich hûb dao gezaete neet mit gedaon.
Mmer in de nieteronde, det waar ein raar geval,
ich waas de ekstra haufpries: de zaal deej toen de kal.


HOME PLAATSNAMENOVERZICHTHOME

LEAGER DEN OEITS
Tekst: ? - muziek: ?
Zang: The Holy Goats

De herinneringe die mich noe noar boave sjtijge,
zegge alles euver wie leag ich bun, inne kop in mien hert en in mien doon.

Refrein:
Zeker, zeker wetse t' noeits,
Leager, oh ich bun leager, leager den oeits. (2x)

De bear is los, ich doon noe alles wat God os verboaje heat.
Ren dea berg op, woarvan ich de eindbesjtumming neet weet.
En met mien auche toe, dea hoege berg op, omhoeg.
Neet noar onger kieke, want asse vels........

Mer d'r kump unne tied det ich wakker wear gesjut,
door de wanhoup in mien lief, en den dink ich teruuk aan dich...


HOME PLAATSNAMENOVERZICHTHOME

LIERE
Tekst: ? - muziek: ?
Zang: The Holy Goats

Lier mich laupe,
wies mich, wies mich de weag.

Vertel mich wasse dinks.
t' Is neet mekkelijk te zegge wasse vings.
Ich zeen dich noe neet mier, en det duit pien.
Un akelig geveul desse d'r noeit mier zuls zien.

Lier mich laupe,
wies mich, wies mich de weag. (2x)
Ich probeer dich sjteeds te vange in mien gedachte.
Mer t' maak mich kapot, kapot inne kop.
Leag, meug, kwoad en door mien krachte.
Ich haaj van dich, maar mien hartstoch is op.
Lier mich laupe,
wies mich, wies mich de weag. (2x)

Kal neet euver hoap, zek auch neet missjien,
veul auch neet de gif, dea in dich zit missjien.
Lier mich laupe,
wies mich, wies mich de weag. (2x)


HOME PLAATSNAMENOVERZICHTHOME

'T MAEDJE MET DE DUBBEL 'N'
Tekst: ? - muziek: ?
Zang: The Holy Goats

Veur de eine un godin, veur d'n angere un heks.
Mich hease betoverd, kiek mich aan en maak mich gek.
Doe bus mien fiesje, mien letste oet de fles.
Twieje heng de luch in en drie in de tes.

Met dich wil ich leave, door dien uig wil ich kieke,
hoof t' leave neet mier met druime te ontwieke!
Onbesjriefelijk, wat ich sjrieve ken,
euver mien meadje met de dubbel N!

Doe sjtroals in de weareld, treks mich euveral in mei,
de berg van t' leave same aaf op un sjlei.
Op un roze wolk weggegoan, noar un beater besjtoan.
Doar drieve we den op door, blieve noeit mier sjtil sjtoan.

Met dich bun ich neet bang, ren ich nurges mier veur weg.
Pak ich dich in mien erm hub ich t' leave in heng.
Ongehuurd wat ich zegke ken,
euver mien meadje met de dubbel N!

Met dich veul ich mich good, auch al geit t' mich sjlech,
bun noeit mier allein.
t' Wuurd vanzelf weer Sinterkloas:
Twieje pekskes met un choclade N!

Wat d'r nog komme geit ken nemes nog zegke.
Det zou auch neet good zien om det bloet goan te legge.
t' Verleeje is van os, ken noeit verangerd weare.
We fladdere door os leave wie un kiep zonger veare!

Vleege same waal umhoeg as t' ing d'r zal komme.
Leave veur altied, loate de doed maar verdomme!
Zinge we dit nummer hel door de kerk,
euver mien meadje met de dubbel N!


HOME PLAATSNAMENOVERZICHTHOME

MENKES VAN TACHTIG
2000/2001 nr.1 : Tekst & muziek: Frank Rous
Oetveurende: Trio Los Vas


Refrein:
Tjing Boem te-ra-ta-ta, Tjing Boem te-ra-ta-ta.
Harie mit de trom, en Teun de Hoem papa.
Tjing Boem te-ra-ta-ta, Tjing Boem te-ra-ta-ta.
Keub, dea leep veurop, en zong tra-la-la-la.

Drie menkes in de tachtig, die vonje karneval prachtig.
Ellek jaor drie daag lang op paad.
Harie, dea waas vrie-gezel, en Keub getrouwd mit dieke Nel.
Teun, dea waas nach gekker es ein raad.

Teun, waas bie de harmonie, en Harie bie de sjutterie,
sjpeelde doa 't groetste instrument.
Keub, dea zong nach es tenor, mer alle drie, en ens per joar,
kwoam veur heur 't aller sjoenst moment.

As- woensdig, om 'n oer of ein, leet Harie weer de trom allein.
Teun, dea borg de Hoem pa-pa weer op.
Keub, waas heis en zong neet mier, mer zag: allei, nag eine keir,
kom, zitte veur de tent weer oppe kop.


HOME PLAATSNAMENOVERZICHTHOME

MIEN HERT SJLEIT VEUR BEESEL
1986 nr.3 : Tekst: ? - muziek: ?

Refrein:
Mien hert, det sjleit veur Beesel, det durpke aan de Maas.
't Is neet mier gans wie vreuger, mer ich weit nach wie ut waas.
Völ sjoens is al verdwene, want de tied dae blief neet sjtaon.
Mien hert det sjleit veur Beesel, toet ich uns doëd zal gaon.

Mien vader vertelde van vreuger, van dae gooje aaje tied.
Wie de turf hie waerde dreug gelag, dae natuursjoen zin veur kwiet.
De Walsberg hoe 't nach rustig waas, dao sjpeelde veur daag en nach.
Det ein camping zoeveul waege kôs, jao, waem haaj det verwach.

Dao sjtinge twie meules in Beesel, det wit nach idderein.
Waem nao de oerlog in Beesel kwaam, dae zoog der nach mer ein.
Niej waeg, die waerde aangelag, niej durpke waerde gebauwt.
En det ich in Beesel gebleeve bûn, haet mich nach noeits berouwt.


HOME PLAATSNAMENOVERZICHTHOME

MIT VASTELAOVENDJ
2000/2001 nr.2: Teks & meziek: Frank Suntjens
Oetveurende: De Maedjes


Refrein:
Mit vastelaovendj, den gaon veur fiëste, jao, feeste wie de biëste.
Jonk en aad duit met, hiej in de zaal of aant buffet.
Mit vastelaovendj, den gaon veur fiëste, jao, feeste wie de biëste.
En idderein is oppe bein, veur gaon wie eine trein.

Door ut ganse jaor haer, is ter get te doon.
Oetgaon in ut weekend, jao det is toch sjoon.
Mer mit vastelaovendj, is ut toch sjpeziaal.
Want den heurse sjlaegers, in os eige taal.

In de klein cafeekes, hubbe veur weer zin.
Hosse sjpringe dansse, det is ut begin.
Later op de aovendj, is ut fees kompleet.
Want den is d'r sjtumming, wie geur det noe zeet.


HOME PLAATSNAMENOVERZICHTHOME

MODER MAAS
Tekst: Crins - muziek: Andrees Simons

De Draak in Beesel is d'r al iëwe lang.
Waat waas Aaddörp, Riëkel, Bustering toch bang.
Jao idder zeve jaor om dezelfde tied,
den is d'r ongeremd, den waerd de Draak getemd.

Refrein:
Och Moder Maas, doe hubs os veul gegaeve.
Dae aaje Draak, biej dich kwaam dae toet leave.
Och Moder Maas, doe hubs os toch geliërd,
wie vastelaovend in Beesel waerd geviërd,
wie vastelaovend in Beesel waerd geviërd.

't Zit in dien leave auch waal 'ns neet good.
Den zing alaaf en doe kriegs weer volle mood.
Want idder jaor opniej, om dezelfde tied,
den zin veur hiej present, den zin veur zoë kontent.


HOME PLAATSNAMENOVERZICHTHOME

MOOG ICH ZEGGE DES SE GEK BUS
Tekst: ? - muziek: ?
Zang: The Holy Goats

Moog ich zegge des se gek bus ?
Moog ich zegge des se vrek bus ?
Moog ich zegge det se rechs bus ?
Zeg doe mich of ich det moog.

Neet te geluive, wat gebeurt.
Neet te geluive, des doe dich doaraan sjteurs.
Neet te fasse, alles lik euverhoup.
Kens doe mich zegge, is alles te kaup ?

Moog ich schjrieve wat ich wil ?
Moog ich dinke wat ich wil ?
Bun ich te druk of vuul te sjtil,
of zeen ich noe alles door unne roze bril ?

Wem is good en wem is sjlech ?
Dink aan diene ruk, haaj um rech.
Durf se ut aan, det gevech ?
Doot was se wils, det is dien rech.

Ich ken eate wat ich wil.
Ich ken drinke as ich dors hub.
Ich ken keeze wat ich wil.
En mot ich aanzeen??????


HOME PLAATSNAMENOVERZICHTHOME


OOIT WAER ICH BACCHUS
2006/2007 nr.4: Tekst & muziek: Martijn Kersten
Zang: Bacchusklup OmroepBeesel.nl

Zenuwe in mien liéf, maar die zien tog vuulste vruug,
ich kin eigeluk neat wachte, toetdet dit niejs noa boete muug,
As idderein us zou weite, wat ig noe weit,
wea den mette vastelaovend hiej in Beesel veuraan steit.

Refrein:
Want ooit wear ig Bacchus, Bacchus, Bacchus veur ‘n joar,
Joa ooit wear ich bacchus, bacchus, bacchus ‘t is ierluk waor.
Want spas en beer in beesel is toch ’t sjoenste wat d’r is,
Maar wanneer wear ig Bacchus? As ig det noe uns wis.
Want ooit wear ich Bacchus, Bacchus, Bacchus veur ’n joar.

Ich zal blieve wachtte toetdet ig gevroag wear,
as eames den jaloers is den duit mig det niks meer.
We geneete met volle teuge, en zoepe des te mièr,
en doarum zinge veur dit refrein nag eine kièr.

Slotrefrein:
Want ooit wear ig Bacchus, Bacchus, Bacchus veur ‘n joar,
Joa ooit wear ich Bacchus, Bacchus, Bacchus tis ierluk waor.
Want spass en beer in Beesel is tog ’t sjoenste wat der is,
Joa ooit wear ich Bacchus, Bacchus, Bacchus…
Angers hub ig get gemis. ’t Is tog het sjoenste wat d’r is.


HOME PLAATSNAMENOVERZICHTHOME

OS MOMENT
Tekst: ? - muziek: ?
Zang: The Holy Goats

Ich haat t' um te werke, ich haat t' um te liere.
Ich haaj allein van moeie dinge, woar ze in liedjes euver zinge,

Ich geluif neet in religies, of in t' groete geld,
Det d'r oeit treine op tied zulle rieje, en desse van beer mos sjpieje.

Ich geluif allein maar in os, det is t' enige det teld?.

Gank toch weg met morge, doar heat nog neames geleaf.
Haaj op euver gister, det leid is geweas.
En aan de angere kantj vanne weareld, loat ze doar maar verrekke,
want allein t' noe en hiej teld, op dit augenblik is t' os moment?


HOME PLAATSNAMENOVERZICHTHOME

PAS INS OP MICH
1982: Tekst: Piet Peeters - muziek: Albert Simons

Refrein:
Pas ins op mich, pas ins op mich,
haaj mich toch 'ns in aevenwich.
Ich weit neet mier wie ich gaon as ich laup.
Pas ins op mich, ich val euverhaup.
Ich weit neet mier wie ich gaon as ich laup.
Pas ins op mich, ich val euverhaup.

Ich sjtong op ût ies, ût iers op de skies.
Mien bein, die ginge links en rechs, averechs.
Ich reep toen mien vrouw, noe griep mich ins gauw.
Ich krieg ût in de sniej nag werm, haaj mich in de erm.

Ich zoot mit mien naas, te deep in ût glaas.
Mien bein die ginge links en rechs, averechs.
Toen zag oom agent, noe loester ins vent.
Doe waers noe al ein bietje zaat, ich zag witse waat.


HOME PLAATSNAMENOVERZICHTHOME

PIEP-PIEP-PIEP-TUUT-TUUT-TUUT
2006 Tekst & muziek: Gerard Janissen
Zang: Jeugraod

Refrein:
Piep-piep-piep-tuut-tuut-tuut
kiek dao kump ‘ne SMS.
Tuut-tuut-tuut-piep-piep-piep
och waat doon veur toch ôs bes.
Want veur belle en veur maile ôs door ‘t laeve haer
eder kindj wèt wiej det geit en duit det auch zo gaer.
Piep-piep-piep-tuut-tuut-tuut
ich sjrief zônger pen
want det kump gewuënweg door de MSN.

Eder kindj, det ken det doon
det is dao gans in thoes.
In de linkerhandj de tillefoon
in de rechse zit de moes.
Zo haaje veur kontak mit ein
det geit gans digitaal.
Jaowaal, det vinje veur allemaol fijn,
det ingeblik kabaal.

Kiek ’s hiej in oze handj
dao hôbbe veur zo’n dingk.
Wo veur auch zin in ’t ganse landj
det dingk det piep en zingk.
Den is d’r emes aan de lien
dae mich gaer sjpraeke wil.
Nae, dit gedoons duit ôs gein pien
en ’t is auch noeait miear sjtil.


HOME PLAATSNAMENOVERZICHTHOME

P.L.A.T.
Tekst: ? - muziek: ?
Zang: The Holy Goats

Met de waage in Pruuses,hub de tank net volgesjtouwd,
betaal ich lekker met Hollands, en kal lekker noeit Duits.

Den met 150 op weag noar hoes toe, kump unne polizist oppe weag.
Doot ich net of ich goan sjtoppe, maar miene voot, dea wilt det neet...

Refrein:
Plat! As un dubbeltje zoe plat!
Gen moeilijk gedeuns of kunsjes met mien tong,
gewuun simpel en plat!

Besjtelle biej de Sjinees, geit waal meujzaam maar luk toch.
Die makkers kenne gen woard plat, waal un reakening in alle tale!

Ich hoof gen vrouwluuj met bol, gen poesjup-bh veur mich.
Neet det sjaap zoe riek gevult, as ich oppe kneen nog maar dien gezich zeen!


HOME PLAATSNAMENOVERZICHTHOME

RAMMEL INS OP DET IEZER
1982: Tekst: Piet Peeters - muziek: Emile Rutten
Zang: Draaksjtaekgroep

Refrein (2x) :
Rammel op det iezer, hou ins op die kis.
Idderein kump kieke waat der gaonde is.
Rammel op det iezer, nemes blief den staon.
Want mit vasteaovend laote veur um gaon.

Veur heurden ût weer rammele bie ôze Draak.
Dao waerde op ein iezzer herrie gemaak.
Veur zagte toen, kom kieke, waat is der aan de hanjd.
Veur heurde vasteaovend is weer in ût landj.

Zeet geur miense trampele dao aan de kanjt ?
Pak die den ins same flink bie de hanjd.
Bring heur nao ût iezer en rammel der ins op.
Den zitte veur de ganse bôch weer op de kop.


HOME PLAATSNAMENOVERZICHTHOME

DE SJNAPPER KEPOT
2005/2006 nr.2: Tekst: ? - muziek: ?
Zang: Effe Dimme

Refrein:
Den geit 't knuupke om, den geit 't knuupke om
Den hoof ich neet te dinke, den geit 't d'r neet om!
Den dreijt 't driej daag om de joeks
Jao den gaon ich toch weer oppe joets
En as de baas mich vreug wie det noe mot
Den zegk ich: Weit ich neet, det weit ich neet
det weit ich neet..... De sjnapper is kepot!

't ganse jaor den zit ich sjtrak in 't pak
Den laup ich met ein sjtreepe sjlieps, mien sjönkes broën gelak
Maar as 't vastelaovend is vèlt alles van mich aaf
Den hoof ich neet te werke, nae den roop ich weer alaaf
Den sjteit 't versjtandj wiet ónger nul
't is weer tied veur flauwekul...

En saoves nao de optoch, geit 't hiël rap
Den zien de lempkes oetgegaon, den sjtaon ich biej de tap
Den sjtaon ich te geniete, vastelaovend is begós
Idderein dae duit den mit, jao idderein kump los
Den höb ich toch gaar gèn zorge mieër
Daorom zing ich nag eine kieër.


HOME PLAATSNAMENOVERZICHTHOME

EINE SJOENE DAAG
1994 nr.1 : Tekst & muziek: Frank Rous
Zang: Aan Prinse Compagnie

Refrein:
Eine sjoene daag, eine nieje daag, dea begint toch mit muziek.
Eine sjoene daag, eine nieje daag, dus maak dich neet zo diek.
Want nao reagen kump zonnesjien en met muziek verdwient de pien.
Eine sjoene daag, eine nieje daag, dea begint toch mit muziek.

De spjelers van 't ierste zote neet op heur gemaak.
De sjeidsrechter, dae haaj net de wedsjtried gesjtaak.
Ze haaje allemaol kromme zin, jao, idderein de pes good in,
toet det d'r toch opens 't gezang klonk van heur fans.

Ein sjtudentje van de HTS lierde al daag ellej oer,
beuk, sjrifte en sjriefgerei, lierde zich 't apezoer.
Toen kwaam d'r in 'n discotheek, woa hea toen ech totaal bezjweek,
want hea haaj geleaze euver muziek van Rowwen Heze.

Veur zitte hiej noe allemaol, lekker doen biejein,
mer in os Limburgs lendje zit de helf waal allein.
En kent geur auch zo'n mienske, dink den 'ns biej uch zelf:
Ich gaon biej heur 'ns op bezeuk, mit muziek, det vindj ze leuk.


HOME PLAATSNAMENOVERZICHTHOME

SJTERREZAAT
1976: Tekst: Thijs Geerlings - muziek: Jac Beurskens
Zang: Komedie Keepers


Refrein:
Mit Vastelaovendj waer ich dit jaor sjterrezaat,
knônnezaat, ich weit neet waat !
Mit Vastelaovendj waer ich dit jaor sjterrezaat,
al waerd 't nach zoë laat !
't Kîn mich gaar nieks gaeve, waat de plisie daovan zaet.
Al zeuk t'r nao zien zekske, waat d'r gaar neet haet.
Mit Vastelaovendj waer ich dit jaor sjterrezaat,
al waer ich auch noëjt aad.

Al viëfentwintjig jaor bûn ich mit mien Merie getrouwd.
Ich hûb neet moge dringke en noëjt op die kis gehouwd.
En wil dich ich ens gaon kaarte, jao den maak ziej zich weer kwaod.
Mer dit jaor, weij ich zeker, kaak ich hèl euver de sjtraot ...

En Baer, dae môs 't ganse jaor, daag in daag oët aan 't werk.
Dus saoterdigs in't bad en sônjes auch nag nao de kîrk.
En iddre daag mer ploetere en pleure wiej 'ne sjlaaf.
Mer eine kiër per jaor, den sjmiet t'r alles van zich aaf ...


HOME PLAATSNAMENOVERZICHTHOME

SJTIL
Tekst: ? - muziek: ?
Zang: The Holy Goats

Sjnachs as t' hiej sjtil is, als de waereld in unne druim is,
as t' werk weer veurbiej is, en doe weer aan mien ziej liks,

drieve wolke in miene kop, nachtelang helt det neet op,
ken ich neet aan vuul dinke, zeen os leefde zinke.

In t' water van t' lets, waorvanse t' begin noeit wets,
zeen ich dich soms sjtiekum loere, zuch ich geluid in dien oere.

Refrein:
En den is t' sjtil, sjtil, toet t' ing van deze nach.
En t' blief sjtil, sjtil as ich dink waor ich net aan hub gedach.

Sjmorges as t' weer leeg is, as t' werme bed weer laeg is,
lup de nieje daag met mich met, ich veul det emes op mich let.

Mien auge good en waal aope, vreugse 'Lekker gesjlaope?'.
Mien hert klop hel, woar gen blood ken kroepe.

Biej elkaar zien we neet klein, veur zien same, toch allein.
We gaon altied veur elkaar, of vingse det missjien raar?

Refrein:
Opens wuurd t' sjtil, sjtil, toet t' ing van deze daag.
En t' blief sjtil, sjtil as ich dink waor ich aan hub gedach.


HOME PLAATSNAMENOVERZICHTHOME

DE TOETER
1984: Tekst & muziek: Wim Niemans
Zang: De Heynies

Refrein:
Och och waat zuus doe toch leuk oet
jao jao doe mit dien leuke sjnoet
och och waat hûbs doe toch ein leuke toet-toet-toet
kom kom van dich lûs ich kerboet.

Mit vastelaovend môs ze deroet
blief den neet zitte in dien boet
pak dich ein heudje en ein toet
en kroep ins oet dien hoed
gank mer ins lekker flink op sjtap
en euveral ins aan de tap
probeer of hie of dao nieks hap
en toeter neet te sjlap.

Det toete toete môs ze kenne
mer dao môs ze waal aan wenne
jông die komme aan de bak
want det is ein vak
dao zin d'r die 't hiel fijn bringe
die beginne den te zinge
laot in 't midde of ze 't meine
as die toete taege eine.

En is d'r den get van gekomme
jao den kan 't nieks mier bomme
gaon den same hanjd in hanjd
al toetend door 't lanjd
bûsse jaorelang biejein
en al det groet det weurd weer klein
den maak dich mer gen dieke bein
en toeter toch dees gein.


HOME PLAATSNAMENOVERZICHTHOME

VASTELAOVESGEK
2002/2003 nr.1 : Tekst: José Geraeds - muziek: Jac Linssen
Zang: Fam. Aspers

Refrein:
"Maak 't neet té laat", zaet mam, "en kôm auch nao hoës mit aete".
Mer trik hae de veurdeur toe, is hae det al vergaete.
Mam, die zit te wachte mit 't zoermoos en 't sjpek,
mer Piêr kump neet nao hoës, hae is vastelaovesgek.

Piêr, dae is nag vriegezél, wônt thoës biej mam en pap.
Door de waek op tiëd nao bed, en zaoterdigs op sjtap.
Mit de vastelaovend, den sjleit hae finaal op hol,
geit hae drie daag aan de rol en nieks is um te dol.

En mam die reup, as hae vertrik: "De taofel is gedék".

Piêr kump neet nao hoës toe snachs en mam die haet 't zjwaor.
"Maak dich neet zoë druk", zaet pap, "dae eine kiër per jaor".
Piêr is vastelaovesgek en dae krieg ech nieks met.
Nao aswoensdig geit hae weer ôm nege oër nao bed.

En mam die zuch en pap dae lach, waem had det oeijts gedach ?


HOME PLAATSNAMENOVERZICHTHOME

VASTELAOVES-RITME
2001/2002 nr.1: Teks & meziek: José Geraeds & Jac Linssen

Refrein (2x):
Iërs nao links, den nao rechs, allemaol achter-ein.
Eine sjlaag oppe trôm en den dreij se dich ôm.
Hénj ômhoëg, sjtap veur sjtap en den 3 kiër geklap.
Ein- twiej- driej, den begins ze opniej.

Doe huurs 't toch zoë dök, wat hôbbe veur 't drök, de klok is ôs de baas.
Wat is nag vrieje tiëd, veur dinke soms met sjpiët aan wie det vreuger waas.
Maar in dae sjoëne vastelaoves tiëd, den zien veur allemaol det ritme kwiët.

Veur hôbbe eine prins, hae haet maar eine wins, det hae veurop moog gaon.
Met idderein d'r biej, ein sjoëne lange riej, gén miens dae blief nag sjtaon.
Zoë gaon veur door toët midde in de nach, hiej hôbbe veur ein gans jaor opgewach.


HOME PLAATSNAMENOVERZICHTHOME

VEER HANGE DE VLAG OET
2001: Teks & meziek: Koos Snijders & Jo Deusings
Oetveurende (*): Die Dao (Jan & Marly Cruysberg)

Gooje wien behoof gein krans.
Allein, veur dich braek ich 'n lans.
Veer tweeje, jao, veer gaon d'r veur.
Doe gufs mien laeve kleur.

Dèt heur ich gaer, kóm haaj mich vas.
Ich kroep biej dich ónger de jas.
Veer zeen noe same 100 jaor.
Te gek veur weurd, neetwaor ?

Refrein:
Veer hang'de vlag oet, 't is ech waor.
Vieftig en vieftig is hóonderd jaor.
Wat is gewaes, dèt is veurbiej.
Wat kómme geit, klink wiej de sjoonste melodie.
Veer hang'de vlag oet, zeen nog neet klaor.
Mè kieke veuroet nao weer 'ns hóonderd jaor.
En dèt geit sjnel, dèt vleugt veurbiej.
Ich hauwt tich nog 'ns vieftig jaor kompanie !

Vandaag sjtart ich van veur aaf aan,
plèk-d'r-nog-'s vieftig taegenaan.
Dèt geit vanzèlf, dèt sjtèlt niks veur,
mit tich es sjtèk achter mien deur.

Es doe dèt wils, dèn doon ich mit.
Ich sjtaon gereid veur de tweede rit.
In vuur en vlam, nog 's 100 jaor.
'n Fluitje van 'n cent, neetwaor ?

* cd-single 2001 : Die Dao - " Veur hange de vlag oet " - Pebble Music


HOME PLAATSNAMENOVERZICHTHOME


VEUR BLIEVE HIEJ
2008/2009 nr.1 : Tekst & muziek: jac Linssen
Zang: Oh Jeij

Refrein:
Zoelang veur néét nao bed toe gaon…..
hove veur auch neet op te sjtaon,
en zitte veur hiej nag good…..
want idderein haet goeie mood.
Zoelang ‘t nag gén morge is…..
en alles sónger zorge is,
met hiel sjoén kompeniej…..
zoelang blieve veur nag hiej.

Veur zien nao de broelóf gegange....
met boere-moos op ózzen hood,
dao zien veur nag lang blieve “hange”….
’t waar d’r gewoën “baere-good.”
Dao waerde gezônge….waas sjtumming genôg,
door aaje en jônge ,… met de hénj in de lôch:

As dalik d’n ober weer rondj geit....
met glaze vol beer en met wien,
den rope veur:”proos en gezondjheid....
en laot dit de letste neet zien”.
Want met vastelaovend …. den huért det d’r biej....
en iddere aovend….den zinge veur hiej:


HOME PLAATSNAMENOVERZICHTHOME

VINO! VINO! NAPOLI!
Tekst & muziek: Jo Deusings en Koos Snijders
Zang: Die Dao

Refrein:
Vino! Vino! Chianti, bianco, rosso O... sole mio, op 't sjtrandj van Napoli
Vino! Vino! Biej 't bloomecorso O... sole mio, mit 't beutje nao Capri
Vino! Vino! Pizza Margherita O... sole mio, in de Golf van Napoli
Bring mich trük, laot os dao veur altied blieve De mandoliene van Napoli brenge ós gelök

Napoli, ich kèn dich neet vergaete Dien blauwe lóch,
dien atmosfeer, dien blauwe zieë
Napoli, sjtad van feeste, drinke, aete Ich krieg neet genóg,
iddere kiër, ich wil miër

Wèts-te nog, biej Giovanni aan 't water
Op dèt terras, dao kloonk meziek, ein gulle lach
Mozzarella, pasta, vino, 't woort sjteeds later
Wat 'n sjpas en romantiek, deep in de nach

Napoli, ich mót dich zeen, wil biej dich blieve
Napoli, ich höb mien hèrt aan dich verpandj
Napoli, doe bis mit gein pen te besjrieve
Napoli, mien sjtad, zo elegant...


HOME PLAATSNAMENOVERZICHTHOME

WAAT EIN GELÖK
2003/2004 nr.2 : Tekst & muziek: Frank Rous
Zang: Aad Prinsse Compagnie

Refrein:
Waat ein gelok, waat ein gelok
Nae det is toch neet zo duk
Det ich dich hie weer taege kom
Waat ein gelok, waat ein gelok
Jao doe bus zo'n lekker sjtok,
En de oavenj is nach lang neet om
Ich zo dich wille vraoge, bliefs doe vanach bie mich
Want ich ken gen shonner maedje mit zo'n knap gezich
En wilse den neet blieve, och zek 't mich gerus
Ich kom ein bietje dunder bie, zodet ich dich ens kus
Waat ein gelok, waat ein gelok
Nae det is toch neet zo duk
Det ich dich hie weer taege kom

Lala lala la laa

Ich zoch dich gisteroavenj, waas weer geliek verkoch
Nao zo'n aardig maedje, haaj ich hiel lang gezoch
De Vlinders vloge door mien lief, 't zjweit det braok mich oet
Mer ein dink wis ich zeker, gaon mit det sjatje oet

't Menke det haaj pech, 't maedje waas net weg...

Vandaag geit 't gebeure, vandaag is 't te doon
Ich dink in doezend kleure, stjap in die sjtoute sjoon
Vandaag gaon ich dich zegge, wie ich mich haaj bedach
Mer wat waas jaomer, en de ganse zaal dae zag

't Menke det haaj pech, 't maedje waas net weg...

Ich haaj de hoap verlaore, 't maedje waas eweg
't zin allein mer druime, en dao in hub ich pech
Mer waat d'r toen gebeurde, geur gluif uch auge neet
"t waas dao bie de troubadour, dao haaj 't menke beet

't Menke det haaj pech, 't maedje waas neet weg !!!


HOME PLAATSNAMENOVERZICHTHOME

WAAT HAAJ ICH VAN DIT LEAVE
2006/2007 nr.1: Tekst: ? - muziek: ?
Zang: Die Dao

Refrein:
Wat haaj ich van, wat haaj ich van,
wat haaj ich van dit laeve
Wat sjoeën om hiej te zien
Wat sjoeën um te belaeve
Kós det maar ieuwig deure
Die Jen en al die kleure
En auch nog dae muziek
Wat zien veur hiej toch riek.

Ein hampel vastenaovesdaag
Det zien d’r neet genóg
Det mós waeke deure
Zo’n sjtumming in de lóch
Die vleege vuulste vlot veurbiej
Veur miense net wie geur en veur
Kóm zing noe allemaol
Det zelfde verhaol.

Wannier d’r weer ens sjtumming is
Op det verkleide bal
Dan zuuse maskers sjpringe
En zinge euveral
De hûbs d’r die zien sjoeën verkleid
Of kómme zoeë maar aangeweid
En iddere kier opniej
Klinkt weer dees melodie


HOME PLAATSNAMENOVERZICHTHOME

WAAT MÔT ICH MIT DICH ?
1976: Tekst: Thijs Geerlings - muziek: Jac Beurskens
Zang: Komedie Keepers


Refrein:
Waat môt ich mit dich ? Waat môt ich mit dich ?
Ich hûb d'r toch al zat gehad !
Waat môt ich mit dich ? Waat môt ich mit dich ?
Ich zeen 't neet mieër helder zat !
Waat môt ich mit dich ? Waat môt ich mit dich ?
Ich krieg 't daovan in't blood.
Waat môt ich mit dich ? Waat môt ich mit dich ?
Mer och, mesjien duit 't good !
Waat môt ich mit dich ? Waat môt ich mit dich ?
Mer och, mesjien duit 't good !

Ich kwaam ens mit de Carneval in 'n diskoteek.
't Twelfde glaas, det zorgdde al, det ich dûbbel keek.
En wiej toe nummer dertiën kwaam, pakde ich um vas,
bekeek 't dingk van alle kenj en zông: "O, liefste glas ...".

Mit eine kop zoë zjwaor as loäd, kwaam ich sjnachs aan thoës.
De jas waas ich vergaete, dus leep ich in de bloës.
Mien vrouw, die deej de deur toen oap: "Och, wat bûs toe blauw !".
Ich keek heur toen ens hiël leef aan en zông: "O, leefste vrouw ...".


HOME PLAATSNAMENOVERZICHTHOME

WASSE HÖBS, HÖBS ZE
1988 nr.1 : Teks & muziek: De Heynies
Oetveurende: De Heynies

Wasse höbs, jao, det höbs ze, auch al is ut maar sjpas.
Wasse bus, jao, det bus ze, kiek, dao zit ze aan vas.
Wasse kriegs, jao, det kriegs ze, det is good of is sjlech.
Wasse höbs, bus of kriegs, höbs geluk of höbs pech.

Refrein:
Hei, doe höbs neet dae hei la hoe la la.
Nae, doe höbs neet dae fal de ral de ra.
Mer doe höbs get van dit en doe höbs get van det,
veur mich, jao det eine.
Nae, doe höbs neet dae troe la troe la la,
Nae, doe höbs neet dae hei sa hop sa sa.
Mer doe höbs get van dit en doe höbs get van det,
Veur mich, mich, mich jao, det leuke det feine.

Wat se wils, jao, det wil ze, mer velt neet altied mit.
Was se mis, jao, det mis ze, det is meistal de pit.
Wat se mos, jao, det mos ze, det is einmaol de laup.
Wat se wils, mis of mos, det is soms eine haup.


HOME PLAATSNAMENOVERZICHTHOME

WIELKE
1976/1977: Tekst: Ger Geerlings - muziek: Mart v.d. Helm
Zang: Herman Schoeren

Refrein:
Et zit neet good, dao geit get fout.
Zoe haaj ich ût neet bedoeld.
Det kin toch neet, wie mot det noe.
Ich begin nach ins opniej.

Toen ich mit zeve nao sjoel toe mòs,
de meister zag det ich ter gaar nieks van kòs.
Mer Wielke waas jao gaar neet bang.
Neet op ût bord nae, ich sjreef op ût behang.

En toen ich den aan ût vrieje sloog,
ich deej vanalles, auch waat neet moog.
Zoe get waerd òs neet gelierd.
Dao zaet ût kindj, Wielke doe zits verkierd.

Ût broelofsfiës, det kwaam al gauw.
Ût bed oet, jao, veur daag en dauw.
Ût fiës begòs ònger aan de trap.
De broed sjting klaor, mer Wiel zoot aan de tap.


HOME PLAATSNAMENOVERZICHTHOME

WILLE VEUR WAAL WEITE
2000/2001 nr.3 : Tekst: Huub Geerlings - muziek: Cees van Rijt
Oetveurende: Harmonie St. Gertrudis


Refrein:
Wille veur waal weite wie ut morge is, det vruuëg de ganse kliek.
Nemus wet ut zeker of ut grei d'r den nog is, asse door dien ouge kieks.
Is ut morge mistig, mesjien dónder sljaag op sljaag, maar jong wets dich det gaer.
Den wille veur neet weite wiej d'n daag van morge is, det zeen veur den waal weer.

Marie ging mit zien sieske nao ut prinsebal, det waas eine gooje zet.
Ziej troffe dao eur vrunj en stóke geliek van wal, gewuün euver dit en det.
Opens stong Marie te danse op de stoal, en reep zoeëmer alaaf.
Good gelaaje wiej de tent eur deure sloot, ziene sies dae vroog zich aaf.

Jaer wol met ein beidsprei as ein spoeëk verkleid, zoeë in de zoepkoel staon.
De miense rónt om hem die dachte dae is ram geweid, en lete um maar begaon.
Dae Jaer de buun op mit een glaeske beer, en reep zoeëmaar alaaf.
Hae had good gelaaje lag zich dao bie neer, idderein dae vroog zich aaf.


HOME PLAATSNAMENOVERZICHTHOME

'T ZUNKE VAN DE VASTELAOVEND
2002/2003 nr.2 : Tekst: Frank Leenders - muziek: The Holy Goats
Zang: The Holy Goats


Refrein:
Maedje, op dich bun ich verleef.
Maedje, miene hertedeef.
t' Zunke van miene vastelaovend.
Maedje op dich bun ich verleef.

Toen ich dich zoog, kreege mien oere vleugels.
Ich als aezel kreeg goude teugels.
Toet in de hemel bun ich gewaes,
en nog verder asse get taege mich zaes.

Pak mien handj en dans met mich.
Ich haol de sjmink van dien gezich.

Als ich met dich dans, veul ich mich baeter den oeit,
vonke vleege door de zaal en door de roet.
Laot mich neet mier los nao drie dolle daag.
Det is neet good veur de vlinders in de maag.

Vastelaovend waar nog noeit zoe gaaf.
Doe maaks de aovend veur mich gans aaf!

Daag daornao vergaete waemse waas.
Waarse doe dae kloon of dae roze haas?
Mien zunke van de vastelaovend,
sjeen neet mier als eine daag.

t' Moch neet zien, die wintjerzon.
Waal tof wie vastelaovend begon.


HOME PLAATSNAMENOVERZICHTHOME